خذني غلا يا اصدق غلا بالوقت الاول والاخير
أبغاك تدرس حالتي أول وانـا ادرس حالتـك
حنا نفس واحد روح وقلب وعيـون وضميـر
عدالتـي ظلمـك وظلمـي منتهـى عدالتـك
يابـدري الطلـه وياطلتـك يالبـدر المنـيـر
ترى خسوف القمر بشارة وصـول اطلالتـك
واطلالتك عندي انا تعني لـي الشـي الكثيـر
لاصارت عيوني على خدك سحـاب وسالتـك
أوقف واسميك الملك وشوي اسميـك الأميـر
أخاف من سطوة سمـوك واحتـرم جلالتـك
حبك كبيـر وبالمقابـل قـدرك بقلبـي كبيـر
احساسـي بمحبتـك واحساسـي بزمالـتـك
لا يضيق لك خاطر فديتك لو يصير اللي يصير
ان كان ماشالتك الارض رموش عيني شالتـك
ياأترف مشاعر بالبشر يا أرق من لمس الحرير
ساعة زمن ممشاك من غرفتك حتـى صالتـك
دلعك يثقل خطوتك وأحيـان يمنعـك المسيـر
وأحيـان اشـك ان الدلـع سلالتـه سلالتـك
يومك تعض شفيفتك واصبعك لعيونـي يشيـر
وتقول هـذي مالتـي واقـول طبعـا مالتـك
تقولها واعيش نشوتها واحس المـوت اخيـر
لاشفت موتي بين عقرب صـدرك وسلسالتـك
تدري لاشفت بيالتك باطراف ثغـرك تستديـر
أضرب على صدري واقول الحظ حظ بيالتـك
مادام ابوك الناي وامك ضحكة الطفل الغريـر
وتصير عمتـك الشطانـه والشقـاوه خالتـك
لازم عليك اغير من نفسك وحتى منـك اغيـر
عشان لـو تطاولـك كـل البشـر ماطالتـك
ماطالتك يالاسمـر الجـذاب يالملـح المثيـر
ياللي جمالـك جامـع سكـر ملـح أصالتـك
فتنتني بعيونك الخـدرات والـزول القصيـر
وحببتنـي فـي طيشـك وحببتنـي جهالتـك
ماعاد لي سلطه على حالي وانا بيديـك اسيـر
ولا عاد لي حيـل يساعدنـي علـى حيالتـك
ياعلني فدوتك من راسك الى اصبعك الصغيـر
ياكبـر بختـي يـوم ناولتـك يـدي ونالتـك
ياصدق غلا واعذب غلا بالوقت الاول والاخير
هذي خلاصة حالتي عطني خلاصـة حالتـك
م / ن
تقـــبلوا خالـــــص احترامـــــــــــــــي
تحـــــــــــــــــ ღ دلــــــــــــــــــع ღ ـــــــــــــــــــياتي
تعليق