ღ♥ღ ... سؤال يطرح نفسه ... ღ♥ღ

[عــاشــق وهــم]

الســلام عليكــم ورحمه الله وبركــاته ...

صبــاحكــم \\\ مســاءكــم ... الحــب & الــورد ...

اليــوم حبيت آنــاقشكم بمــوضوع حيرني كثيــر وآتمنى كــل وآحد يقــول رأيــه وجــهه نظــره ...>>>

موضوعي هـــو آن هــل يــوجد بــزمنــا هذا آحــد ينغصب على الــزواج ســواء (( بنــت آو ولــد ))

يعنــي معـــقوله في ولــد ينغصب ؟؟؟

آتوقع في بنات ينغصبــون بس شبــاب لا %% ومستحيـــل %%%

ونــاقشت كثير نــاس ومصرين على رأيهم آن في شبــاب وبنات ينغصبون وخــاصه شباب ...

وآنـــا من وجهــه نظري آن ماآظن آن في شباب ولا بنات ينغصبون بالــزمن هــذا لآن زمنــا هذا تفتح وماكو آحد جاهل والعلم منتشر بكل مكان ومافي جهــل ...

وهــذا الشي تقــرير مصيــر يعني مولعبــه آو فتره وتعدي راح يكون\ تكــون شــريك \ شريكت ... الحيــاه ...

والنصــف الثــاني ومن آهم آساسيات الزواج التفاهم وآن يكــون فيه جزء من صفاتك ....

كــل وآحد أو وحـده يقول وجهــه نظره ..


تحيـــاتي وآجـــل تقــديري : <<عـــــاشـــق وهــم>>

[rose85]

اول شي مشكور اخوي على الموضوع
ثاني شي عيدك مبارك
ثالث شي ماظنتي احد ينجبر بهالزمن على زواج ولا في بنات ينجبرون الا بحالات معينه مسويه سواد ويه او اهو مسوي سوادويه
او عشان خاطر اهله او اهلها ممكن ينجبرون
غير جذي نو واي واكيد التفاهم مهم
والله يوفق الجميع

[طلآل ~]

مشكـور آخـوي علي الموضوع

والله في نآس تنغصب

بس النااس البدو ,, آهم إلي يغصبون عيآلهم قبـل

بس عشـاان يكثـروون من النسـب والاعيـاال

عشـاان تصيـر لهم هيبـه


عرفتـي آشـلوون

وإمـاا البنـت ,, يمكـن آبوهـا يبي يفتك منهـا ويبي يزوجهاا قصـب ,, لآننه خآآيف آنهآ تكون برقبته وتصير عاانس

وشكرا آخوي علي المووضووع

سـلاام

[*TanTosHa*]

امبلا في ..
في واحد نعرفه من بعيد ..
يدته جبرته انه يتزوزج بنت عمه والمشكله انه اثنينهم ما يبون بعض ..
يعني البنت كانو يخطبونها وايد واليده ترفض ..على اساس انها حق ولد عمها ..
والنهايه انهم من اول يوم زواج تطلقو ..
وكل هذا من تصرف اليده الخاطئ ..
المفروض الانسان لي بغى يتزوج ..
اهوا يختار شريك حياته ..
ما يجبرونه على اختيار زوجته او زوجها ..
شكرا على الطرح
ما قصرت
..
.

[HoNeY RoSe]

اييي
في وايد شباب ينغصبوون ..

ويكوون السبب قرارات الاهل الخطأ ..

مو بس البنات .. اذا يتك يده او ام او ابو المهم الكبير في العائلة .. وحلف وشال وحط مايقدرون يرفضون ..
وفي ناس الغصب ينفع فيهم وفي ناس ايضيعونهم


مشكور اخوي: )

[الـزين يفرض نفسه]

عاشق وهم ..

شوف اخوي .. مثل مافي بنات ينغصبون هم في شبااب ينغصبون ..

لان الدنيا توقع غير المتوقع .. كل شي فيها ..

بتقولي شلوون بقوولك .. وتاكد كلها من واقع تجارب ..


شوف للاسف ان اغلبيه الامهات .. ماترضى ان الولد يختار شريكه حياته .. واذا اختارت مايعجبها ..

وشباابنا اليوم يبون وحده امهم ترضى .. لكن للاسف .. راح يتزوجون زواج اي كلام ..


وبعدين في انواع من الغصب ع الزواج .. بتقولي شلوون راح افهمك وان شاءالله توصلك المعلومه ..

شووف من خلاص هالقصتين الواقعيتين .. راح تعرف شلون نوع ثاني في اجبار الشاب ع الزواج ..


1- في واحد كان يحب وحده ويموت عليها .. لكن امه موراضيه .. ماتبيه اهو يختار .. وكل مااختار وحده الام طبعا

ماتعجبه العجب .. وعليه الريال يبي يتزوج .. ياس كل مااختار وحده امه موعاجبته .. واهو يحب وحده بس الام موراضيه

على اخر شي ياس الريال .. واهو يحب امه ومايبيها تزعل ويبي وحده امه راضيه عنها .. اخر شي قالها دوري لي اي وحده

يعني حرام عليها .. :s


2- القصه الثانيه .. واحد كانت معاه وحده بالجامعه .. كانت تعجبه حيل يعني من اعجاب الى حب الى عشق ..

معنه كانت متوسطه الجمال لكن اخلاق ورزانه .. المهم هالريال يبي يتزوجها .. وتصيرله من بعيد لكن اكبر منه بـ10 سنين

الاهل كلهم وقفوو ضد .. لانها كبر منه .. لما زوجوه بوحده كان بليله العرس بيطلقها .. لو مومدخلين الاهل جان طلقها ..


وليه يومك يحبها .. معنه عنده عيال ...


بس للاسف هذا نتيجه اختيار الاهل غصبن عليهم ..


للاسف فيه شبااب ينغصبون .. بطرق عده ترى ... لما يتسكر الابواب بويوهم .. واهم يبون يتزوجون ..


واتمنى انك فهمتني ..


واسفه اني طولت .. عطيتك ققصتين واقعيتين .. عشان تفهمني شنو اقصد ..


يعطيك ربي العافيه .. وعساك ع القوه ..

تحياتي لك:ezpi_blush:

[محمد العويد]

يا خوي البنت احتمال تنقصب وهذا وين يكون عند العائلات المتعصبه
او اللي ما يهتم براي البنت وهذا السلوك لان بدا يتلاشا او قد توفي من سنين
ولكن نحكم بعض الشئ على السلوك هذا الا وهو تكراره في المسلسلات
بن البنت لي ولد عمها وهذا غلط

ام من ناحيت سولك الشاب يغصب على الزواج مستحيل ولكن يوجد من هم
يريدون رضا ولديهم وهولاء الشباب الذين يريدون ارضا ولديهم اطلقو عليهم اسم المغصوبين

وانا ارى ان هذا الشئ ان كان ذكرا او انثى قد تلاشا
ولا نريد ان يعووود لان نحن في زمن الحرقه ولكن مقيدين
بالاسلام الذي لولا هو لما عشنا هذه العيشه .

تقبلووو تحياتي

ويعطيك العافيه اخوي عاااشق وهم وعساك على القوه

[s.r.k]

الاثنين ممكن انهم ينغصبون ..

و الشاب ممكن انه ينغصب .. بس هم أيا كانت الاسباب . اهوة يقدر انه يكون عنده رآي ..

انا موراضية تدش بعقلي سالفه انه صبي ينغصب .. على الزواج بسبب امه و لا يدته و لا بسبب امرأة ..

البنية ممكن انها تنغصب .. اما صبي شلون ..

:/ :/


و نتائج .. هالشي .. حدها واضحه و مبينه

و شخصيا االآحظهة ..

آلا و اهوة الطلاق .. او انهم يتحملون بعض بالغصب .. و بينهم مشاكل مالها نهاية .. او انه يتزوج عليها .. او انه و انه ....~~او انه العكس تماما .. :/

يسلموو

[دواس الظلمة]

يعطيك العافيه على الموضوع المميز
من ناحية الغصب في بوقتنا هذا موجود الغصب على الزواج بين الناس مثل زواج بنت العم وولد العم وغيرهم من القرايب
مو مثل ما قال اخوي طلال البدو يغصبون عيالهم عشان الهيبه وغيره
البدو معروفين بالرجوله والهيبه من زمان مو ناقصين هيبه عشان يزوجون عيالهم غصب
حبيت اعطيه ملحوظه فقط لا غير
وارجوا عدم ذكر اي من القبايل او المذاهب بالردود والمواضيع
وشكرا :
تقبل مروري

[فيرووووس بنـ؟ـات]

الشباب والبنات ... من يوم يومهم ... وهم مغصوبين عالزواج الا في بعض الحالات ....

من زمان مانسمع الا فلانه لأبن عمها وفلان لبنت عمه .... او اي قريب من نفس العايله ...

حريه الإختيار للشاب مفقودة ومسلوبه .. لأن القرار الاول والاخير لرضا الوالدين ... يمكن احد فيهم يتفهم الإختيار بس ...

الثاني بتكون له وجهه نظر تعاند اختيارك وتقف في طريق الاختيار ... لليوم ... نشوف هالمشاهد ...

ومو شرط هالمشاهد نشوفها عند البدو مثل ماقال الاخ طلال ... بالعكس في عند الحضر بعد وخاصه من صوب الطائفيه والمذهب ..

سني او شيعي ... او من ناحيه الطبقيه بين فقير وغني ... وقليل العائلات اللي تستغني عن هالامور من اجل الستر بس

يسلمو لك ويعطيك العافيه

[عاشق مهزوم]

اول شي الله يعطيك ألف عافيه

انا اقول الدنيا قسمه ونصيب بالغصب أو من دونه

قال الله تعالى وزوجناكم بالسماء وانتم لاتعلمون

وتسلم إيدك على الموضوع ..

[ع ـناديهـ]

اولا السلام عليكم : )

ثانيا اي نعم في كثير في زمنا هذا ينغصبون ع الزواج والسبب ان الاهل حابين هالبنت تكون لولدهم فتجيك الام تقول لولدها يا فلان انا ترى خطبت لك فلانه زين شلون مالون ماكو خلاص واذا ماخذتها انا راح ازعل علييك بهل حال محد راح ياكلها غير البنت والولد الي مادري شلون تكون حياتهم ..

ولا البنت الي يقول العم لابوها ترى بنتك لولدي والابو مايقدر يرد اخووه ومحد ياكلها الا البنت واذا فكرت ترفض بيقولون لها راحوا وقفي بوجه عمج وشي طبيعي البنت لو شنو ماتوقف بوجه عمها لان اخوي الكبير ماقدر اوقف بوجهه علشان اوقف بوجه عمي فبجذي هم هني البنت انغصبت ع حياه اهيا ماتبيها ..

ومن غير هذا يوم يوقفون نصيب البنت يعني مثلا حاجزتها العمه لولدها وكل ماجوها خطاب البنت محجوزه والبنت مسكينه ماتدري شالطبخه ..

بالنهايه ماقول الا الله يكون بعون البنت والولد ..

وياليت لو الاهالي يحسوون بعيالهم شوي طبعا انا اتكلم عن فئه من الناس وليس الكل : )

وتسلم ايدك اخوي ولاهنت : )

[شمتي SoSo]

يعطيك العافيه أخوي عآشق وهــــــم ..
بصـراحه .. في.. وآآآآآآآآآآآآيد .. بس عند العايلات .. اللي شوي متعصـبه ..يعني تكون عايله عندها خير ..وجـآه وتقولك مانبيك تآخذ غريبه ..علشان الحلال لايروح حق غريب وعلشان مومن موآخذينا..والوآحد يكون حآط وحده فبـآله بس الأهل .. مايوافقون ..



والحين أغلية الشباب ينغصبـــون عالزواج ..والسبب ...أنت صغير ونبي نشوف عيالك ..ومانبيك تضيع نفسك .والزواج يسنعك ويركزك .. ومن هالحجي .. ويتزوجون صـــغار .. وبالأخير يمل لأنه ماشاف دنيته على أكمل وجه وعلى طول إلتزم بمسؤليات وزوجـــــه ..وتلاقيه دايم سهران بره منحاش من الحنه أو مســــافر يعيش دنيته ..





وبالنهايــــــه خلافات لها أول مالها تــــــــالي ..والنتيجه .. الطــــــــــــلاق ..



وأنا عن نفســــــي وعن دراسـتي للعلم السيكيولجي .. الســـــن المناســـــــب للطرفين لدخـــول القفص الذهبي هو السن من ( 22 .. 25 ) ..


وأتمنىى لكل وآحد له مصـلحه من زواج الطرفيــــــن ..مراعاة شعورهـــــــــم ..

والأخير .. الشي اللي خذيته غصب عنك .. بيكرهـــك حياتك ..





شمتي