إعـــــــلان

**كويتيه وبس** · 12-20-2008, 08:32 PM

يعطيــــــــــــج الف عافيه

سكريم كوين

فكره وااااايد حلوه

تسلم ايدج الحلوه

يلا مشرفتنا الغاليه

عيميه عسل

المطبخ ينطرج هههههههه :)

هالله هالله بالطبخه الحلوه

**ScReAmQwEeN** · 12-21-2008, 12:01 PM

حياتوووو كويتيه غير .. تسلمين على المرور .. ..

ولاتستانسين يايج الدووور :) لووولز

نتظر عيميه عسل

**صـُعـلـوك مـُتـمرد** · 12-21-2008, 12:11 PM

[align=center]سـأنظم إلى قـائمـة { الشيّـــــاب } انا وصـديقـي عبـث

وبمـا أنـي طـاهـي محتـرف واتحدى { اكبر ربـة بيـت } سأكـون مراقـب ومــتابـع ومعلم أيضـًـا .. وصديقي عبـث سوف يتعـلم حـتى يتسنى له الطهي لزوجـته في منزلـه

رغـم أنـي أشـك ان فتـيـاة هذه الايـام لا يجيـدون إلا { الحلـويـات } و { المعـكرونـا بالاشمـيل } و { السـلطات } ولـكن من يعـلم . . . لنرى

أخيتي شروق . . . أبتعـدي عن { الخـبز والجبـن } :icon_biggrin:

موفقـين [/align]

**ScReAmQwEeN** · 12-21-2008, 12:51 PM

حياك الله .. نورت كويتي قديم .. يايك الدور انشاءلله .. وبنشـــــــــــــــــــــوف .. :)

اسعدنــي مرورك ..

**الـزين يفرض نفسه** · 12-21-2008, 01:52 PM

الله الله بتفجير فينا المواهب المكنونه يعني هههههههههه :P

والله خــوش فكره .. دايما مبدعه في اختيار مواضيعج حبيبتي ..

يالله نــاطرينها ..

كويتي قديم .. لاتجمع كح كح :p

**ScReAmQwEeN** · 12-21-2008, 02:21 PM

نورتـــي ياغلا .. اي حركـــات أنــــــا احم احم لووولز :)

**عيميه عسل** · 12-21-2008, 04:14 PM

[align=center]تسلمين حبيبتي على فكره الموضوع ويثبت

والله يهداج اول ما تبلشين فيني لوووووووووووووووووووووووووووووووووووووووول

الحين بحطلك طبخه ووصفتها بالصور

طريقة عمل العرايس المنزلية

مقاديرها:
اما إنكم تجيبون خلطة كباب جاهزة من اللحام يكون فيها البصل والبقدونس والبهارات والملح
او أنكم تسوونها بالبيت وعشان تسوونها بالبيت ( انا سويت الخلطة بالبيت )
اللي يجب اللحمة الكباب جاهزة يزيد عليها بالبيت حبة بطماطم متوسطه مفرومة ناعم
( عشان ما تطلع اللحمة ناشفة لما تنشوى بالفرن )
ربع كيلو لحم مفروم ناعم جدا
15 عرق بقدونس مفروم ناعم
بصلة متوسطة مفرومة ناعم جدا
طماطه متوسطة مفرومة مكعبات صغيرة جدا
ملح + بهار اسود + قليل جدا من البهارات
ملعقتين كبار زيت زيتون ( اختياري فلفل احمر بودرة للي يحب الحر شوي بس )
يعني تجيبي اللحم مفروم ناعم مره وتفرمي كل شي على حده
وتخلطينهم بعدين كلهم سوا بيدك زين تخلطينهم باليد

الطريقة:
تجيبي خبز لبناني سميك شوي مو الرقيق
تجيبيه وتفتحيه من جهة واحده شوي وتمدي فيه شوية من اللحمة وترصيها داخل الخبزة زين
بعدين تسكريها وترصيها بيدك وتدهني على يدك مسحة زيت زيتون وتدهني الخبزة من الإمام والخلف
بس لا تمليها زيت بس مسح بيدك على خفيف ( انظري للصورة )
ثم تقسميها لأربع أقسام بعدين تلفي كل خبزه بالسيلفر ( القصدير )
وتحكمي عليها الإغلاق وتخلي اللفة المفتوحة من فوق عشان ما ينزل ماء اللحمة لتحت بالفرن
وتدخلينهم بصينية الفرن على الطبقة الوسط وتكوني مشغله الغاز من فوق ومن تحت
على حرارة 180 - 200 درجة
وبعد 20 دقيقة شيكي على وحده منهم إذا احمرت والا لا
إذا ما حمرت اتركيها بعد شوي ممكن تاخذ وقت 30 دقيقة
على حسب نوعية الفرن ونوعية الخبز او تشوينها بالفحم بعد ماتحطينها بالشبك
بعد ما تطلعيهم من الفرن خليهم بالسيلفر مسكر عليهم شوي عشان ما ينشفوا الخبز او ييبس
وبعدين شيلي عنه السيلفر وحطيهم كلهم في صحن وغطيه زين بالسيلفر او بحافظه او بكيس نايلون
واحكمي الإغلاق عليهم لمدة لا تقل عن خمس دقايق
عشان تطرى الخبزة شوي إذا كانت محمصة والطعم أحلى من إي مطعم واغلبي فيه المطاعم

وبالعافيه [/align]

**عيميه عسل** · 12-21-2008, 04:15 PM

[align=center]اختار بعدين حبيبة قلبي فديتها الدلع مبتليني [/align]

**الـدلـع مبـتليـنـي** · 12-21-2008, 08:10 PM

خـــــــــوووش فكره وتهبــــــــــل

عيومه الله يهـــداج ما لقيتي غيري

انــــــا والطبــخ مو ربــع كلش ولا اعرفــــــه بالمره

سكريــــم حياتي عادي اختار احد غيري الاني مـــــــــــــا اعرف ولا شـــــــــــي لوووووولز

**عاشقة سكوفيلد** · 12-21-2008, 08:15 PM

عاشو يم يم شكلها روعه اموت بالعرايس

**عاشقة سكوفيلد** · 12-21-2008, 08:19 PM

السلام عليكم ورحمة الله وبركاته

طبعا انا اعاني ادمان من شي اسمه بيتزا وخصوصا بيتزا هت

وبعد عده محاولات فاشله لاعداد عجينه نفس مالت المطعم اخيرا توصلت للوصفه اللذذيذة وتسوينها بالبيت يعني فرررررش ووايد احسن من المواد الحافظة والخ.........

ملاحظة : لازم تسوين الخطوات بالضبط عشان تضبط معاج

تفضلوا العجينة والصوووص :

اولا العجينة ::

المقادير ::

3 كوب طحين / دقيق
1 1/2 كوب ماء فاتر ((لازم فاتر))
2 م ص خميرة
2 م ك زيت زيتون
2 م ص ب.ب ((بيكنج باودر))
6 م ك باودر حليب
2 م ك سكر
1 و1/2 م ص ملح
1/4 م ثوم باودر
1/4 م بصل باودر (مطحون)
2 م ص دقيق ذرة

الطريقة ::

اولا تخلط الخميرة مع الماء الفاتر وتوضع جانبا

ثانيا تخلط المواد كلها ما عدا الزيت زيتون والماء

بعد خلط الدقيق يضاف الزيت زيتون ومن ثم الماء الفاتر ويخلط جيدا
لكي تتكون عجينة متماسكه ومن ثم تمسح العجينة من جميع الجوانب بزيت الزيتون
ومن ثم توضع بمكان لا توجد به تيارات هوائية لكي تخمر ..الوقت من 45 الى 90 دقيقه

**عاشقة سكوفيلد** · 12-21-2008, 08:19 PM

[align=center]ثانيا الصوووص

طريقه عمل الصوووص ::

2 طماطم متوسطة الحجم
1 علبه معجون طماط - رب الطماط
1 بصله متوسطه
1 فلفل رومي اخضر
1 م كمون
فصوص ثوم حسب الرغبه
ملح
فلفل اسود
5 ملاعق كاتشب

الطريقه ::

تخلط الطماطم والبصل والثوم والفلفل الرومي والكمون بالخلاط

يوضع الزيت ومعجون الطماطم على النار ومن ثم يضاف الخليط ونرش عليه فلفل اسود وملح

استمري بالتحريك لمده 4 دقائق الى ان يتجانس المزيج

وترفع من النار وتخلط مع الكاتشب..وهذي هي الصلصه جاهزة يمكن حفظها وتخزينها بالثلاجه[/align]

**عاشقة سكوفيلد** · 12-21-2008, 08:21 PM

هذا بدال الدلع مبتليني

ع فكرة وصفتي الخاصه ^_^

**كويتيه وبس** · 12-22-2008, 01:21 AM

يم يم عيميه شهيتيني

روووعه العرايس يعطيج الف عافيه

تسلم ايدج عاشقة سكوفيلد وانا بعد احب البيتزا وااااااااااااااااايد

يعطيج الف عافيه

إعـــــــلان

需ઇ【ツ عضو في المطبخ 需ઇ【ツ ..

需ઇ【ツ عضو في المطبخ 需ઇ【ツ ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق