الســـــلآمْ علـــــــــيكمْ
انت ما تدري ان جرح المشاعر ما يطيب
لو عرفت الجرح ما كان قلبي تجرحه
محترف تركيب الاعذار واسلوبك رهيب
وان كشفتك تدعي انه مزاحا ًَ تمزحه
ليه لو ظنيت بك خير ظني بك يخيب
كان ظني بك غلط ليه ما بتصححه
ليه تخفي ما بداخلك وانت امرك مريب
امر لو حاولت تخفيه عينك تفضحه
كم سهرت الليل لجلك وانا متعب صويب
اشتكيك لدفتري والقلم والمسبحه
كم سهرت الليل فكري يودي لك يجيب
مره اجمع في الخطا منك وامرار اطرحه
كل موقف منك احلله والقى فيه ريب
هو قصد..لا ماقصد..لا قصد.. ليه اسمحه
صرت تايه فيك ما كن لي عقلا ًَ لبيب
ما قدرت القى مبرر لفعلك وامنحه
كم وكم فّهمتك ان الذي تفعله عيب
كم وانا خاطب ضميرك وادله وانصحه
باب جا لك منه ريحا ًَ وتعذيب ولهيب
ليه اذا قفلت مصرعه ترجع تفتحه
كم شرحت الوضع لك وانت تسمع ما تجيب
ثم تخطي فيه وارجع واعيده واشرحه
واعتبرها حسن نيه على قولك وطيب
واعتبر ذنبك براءه واغمض وادمحه
ما اذكر اني قد تلفظت بالفاظا ًَ تعيب
كنت اذا شفت الخطا منك اجر النحنحة
يوم طف الكيل واصبحت من جرحك عطيب
إي نعم قلبك تعمدت اغيضه واجرحه
الجروح قصاص والبادي اظلم يالحبيب
وان خسرت اليوم لا بد بكره تربحه
يا لبيب اسال مجرب ولا تسأل طبيب
كل مغرورا ًَ بنفسه غروره يذبحه
السعاده والهنا ما لنا فيها نصيب
افرح احزاني ولو شفت حزنك بفرحه
انت فهمك للهوى للآسف فهما ًََ عجيب
في نظرك انه مجرد تبادل مصلحه
الوكيل الله دنت شمس حبك للمغيب
كلها يومين وانساك والهم امسحه
شامخا ماتنحني هامتي راسي صليب
ما خلق ربي بعد شخص اجيه استسمحه
افترقنا قبل يسمع بعيد ولا قريب
افترقنا بعد ذقنا جراح المذبحه
موغريب انا افترقنا ولكن الغريب
ليه اذا جابوا لي اسمك مسكت المسبحه
ممـــــــــــا راق لـــــــــــي
تقـــبلوا خالـــــص احترامـــــــــــــــي
تحـــــــــــــــــ ღ دلــــــــــــــــــع ღ ـــــــــــــــــــياتي
تعليق