الســــــلام عليـــــــــــكم
لا تعتذر ما للهجر منك تبرير
صدك بليا ذنب والله ظليمه
ماصار لي بعدك يفوق أي تصوير
تجددت كل الجروح السليمه
بَعدك لعب بي هاجسي والتفاكير
وقلبٍ جريح وروح صبٍ مهيمه
(ماغير أسلي خاطري بالمشاوير)
(أروح وأرجع والهواجس مقيمه)
ياحبي اللي بين بيض الغنادير
لك في عروش القلب قدرٍ وقيمه
إن كان صدك ماخذك عني الغير
روّح ولو إن الخساير وخيمه
وإن كانها عني خذتك المقادير
فـ العفو عند المقدره فيه شيمه
يامرحباً والحب كله معاذير
تشفع لك أيام الغرام القديمه
يوم الهوا لا زارني منك عصير
أضم في صدري من أجلك نسيمه
واليوم أصبّر خاطر الوجد تصبير
وأقول صدك عقب وصلك جريمه
ولا جاك مني ياهوا البال تقصير
مواقفي وياك والله عظيمه
سخرت لك مشاعر الشوق تسخير
وأمطرتك بحبٍ تقفاه ديمه
وظللتك بجفني وصارت مسافير
يوم الغلا بين النديم ونديمه
واليوم ماتنفع كثير المحاذير
تفاقمت بين النفوس الحشيمه
عسى سنينك روض عشب ونواوير
محدٍ لنفسه يرتضي بالهزيمه
إما تخاويني على الشر والخير
وإلا السلامه منك راس الغنيمه
ممــــــــا راق لــــــــــــــي
تقـــبلوا خالـــــص احترامـــــــــــــــي
تحـــــــــــــــــ ღ دلــــــــــــــــــع ღ ـــــــــــــــــــياتي
تعليق