تويت
بسم الله الرحمن الرحيم
يبن له اخطل والخطأ الي جابهم عين الصواب
مبطي وانا شوف الطمع يكشف رداهم واستره
وما يمي عيون الحسود بهالزمن غير التراب
ومن لايتوب من الخطأ تحرم عليه المعذرة
الي من اولها خراب اكيد تاليها خراب
والبندق الي ما تثور في هدفها تذعرة
ودك اليوم ان جاتك الغلطه من الناس الجراب
الصاحب الي ماكسبت محبتة ما تخسرة
مشكلتي اني ماعرفت احسب لصدتهم حساب
قلبتهم صدري على ذكري قصيد وحنجرة
صوت يصول بمنبرة وخطاب مامثله خطاب
والطيبه الي زعزعت صوت الخطيب ومنبرة
مافيه دمعن صوبوه احبابي بوجهي وخاب
ولا زرق حزني على غالي ولا ثج انحره
كل الزهاد الي معي ذكرى من اصحاب الزهاد
والي بقالي من عذاب اشرس طريقي وأخطره
لاني تجنبت الغرق عديت من فوق السحاب
لان اكثر اصحابي ورق ما شفت لطيبه اثمرة
والله ما حطيت بين الحقد والخوة حجاب
حتى غدوا ربعي يحدوني على الضيق أشكره
البارحه ثارت علي ارقاب واواتني رقاب
البارحه يا ثقل دم البارح ويامحقره
أهب ياوجه الحسد وشلون جمعهم وغاب
كيف السنين الي عطتني بعثرتهم بعثره
اثرى المصايب ماتجيك الا من الناس القراب
وبهالزمن حتى الخوي الي تثق فيه احذره
لابارك الله في رفيق تزعله كلمة عتاب
ولاجمع الله الرجال الي تفرقهم مره
عودت نفسي كلما شددت لليمه ركاب
ماصد وجهي عن طريق الا ليا جبت اخبره
الصاحب الي مايجي من صحبته غير العذاب
نذر علي ان ما هجرني والا انا الي بهجره
من يفتح لفرقاي باب افك له عشرين باب
واذا خويي ما يقدر خوتي ماقدره
ان روحوا فنا بريء منهم ليوم الحساب
وان جرحوا قولوا لهم ما حركوا فيني اشعره
شفهم لهم حول السنه ولا خذوا مني جواب
أحسن دواء للي يحاول يستفزك تحقره
انا جمعت اوراقهم في كتاب واغلقت الكتاب
ياوقت لم الي تلمه وانثر الي تنثره
ما كنت احتيهم صغير عاد احاتيهم شباب
انما ذخرني صاحبي لليوم الاسود ماذخره
عقب اكتآب البارحه ما عاد انا حمل اكتآب
الطيب جرجرني وانا ماني بناقص جرجره
الي يخاف من الظمى يترك لنا طرد السراب
والي ماهو بقد الظلام ووحشته لايسهره
انا تجرعت الظمى لين احترق وجهي وذاب
انا كسرت بخاطري قبل الصداقه تكسره
انا خسرت الي غيابه غير عن كل الغياب
انا غفرت لعالم ماتستحق المغفره
انا اكثر انسان تعلم من كثر ماخطا وصاب
انا اخر لساني تكلم في زمان الثرثره
انا القصيد الي نزع من دفتره مليون ناب
وانا الوحيد الي جمع مليون ناب بدفتره
جفني وجرحه السهر حيلي وهدته الصعاب
دمعي هدر ..ضحكي ندر ..عمري وضيعت أكثره
شيبت بعقول العرب..هيبت رووس ماتهاب..
جمهرة ناس عمرهم ما يعرفون الجمهرة
ماصرت ذيب الا لأن الي حواليني ذياب
ماكنت اغيب الا لأن العفو عند المقدره
ترى حياتك لاحملت لصاحبك كلمة عتاب
ان ما نطقت بها بوجهه ماتذمه في اظهره
وبها الزمن مايملي عيون الحسود الا التراب
والا الحضيض الطلقه الي ما تصيبه تذعره
ودك اليوم ان جاتك الغلطه من الناس القراب
الصاحب الي ما كسبت محبته ما تخسره
تعليق