بنساك أنا ياجارح القلب بنساك
وانسى حبيب كان بالأمس يغليك
برحل وجرح القلب ماظن يخفاك
برحل عسى الأيام فيني توريك
كلي أسف من ماضي كنت وياك
خسارة اني كنت في يوم هاويك
ياليت مااعرفك ولا أعرف دنياك
كنت أجهلك واليوم بانت معانيك
بالأمس ضاع العمر كله برجــواك
وخيبت ظني اليوم خاب الرجا فيك
كلك خطا من رأسك لحد ماطاك
جنب طريقي دام هاذي مباديـــك
أهديتلك قلبي على كف يمناك
وجازيتني بالظلم الله يجازيـــــك
سلمتني للجرح تبتسم شفـــاك
ليه بعتني وأنا اللي كنت شاريك
بنساك أنا ياجارح القلب بنساك
وتعرف بعدي شلون تصفق أياديك
لاوالذي سواك في يوم بلقـــاك
في سكة التواه حزنك يغطيـــــــك
مات الوصال وعلها تروح ذكراك
ذكرى حزينة عشتها وسط أراضيك
كلام صادق ياصلك ويتعـــــــداك
ما بيك أنا ياخاين الود ما بـــــــيك
تعليق