تويت
ماكنت اعرفك ياابن عم الافاعي
يوم تغير طبعك بكل ساعه
مره اشوفك بالهوى ماتراعي
وماشوف منك غير هجر وقطاعه
واحيان تكره غيبتي وانقطاعي
وتضيق بك دنياك ررغم الوساعه
واحيان ماتعجبك فيني طباعي
حتى كلامي تصير تكره سماعه
وان جيتني بشوقك تثير انطباعي
احتار كيف الشوق زاد اندفاعه
ياصاح حالاتك تسبب صداعي
ضيعتني بأسباب هاذي البراعه
دايم تغير طبعك بلا دواعي
وقرر فؤادي يشيل عنك متاعه
قدمت لك قلبي وكلي اقتناعي
وشلون قلبك طاوعك في خداعه
ماكنت ادري ان غرامك صناعي
ياكاتب فالحب قصة ضياعه
هيهات بعد اليوم تقدر خداعي
كشفت امرك بين كل الجماعه
كرهت طبعك يابن عم الافاعي
وعلى سمومك صار مابي استطاعه
وللأسف ماعرفت شاعرها منو ؟؟
تعليق