كلمات بسيطة طالعة من القلب وشي بسيط من اللي داخل بقلبي حق الكويت من بدون فقير
صج اني بدون بس بقلبي سكن أغلى وطن اسمه الكويت
وطن سكن بالقلب بصورة شرعية مافيها شك أو ريبة
قالت بدون ولك عين تقول كيفي بس مااشتكيت
كل شي يهون ياكويت والشكوى لغير الله مذله
قالت فقير وقلت اي نعم فقير بس غني بحب الكويت
قالت ماعندك وطن ولا انت يابدون ماتدله
قلت عندي وطن في انا كبرت وبأحظانه ربيت
طلعت للدنيا وماعشقت غيره دوله
من مايه شربت وياما من خيره أكلت
واذكر اني يوم تعلمت بالمدرسة
ارجع البيت واكتب على الجدار أنا أحب الكويت
مسكت الوان ورسمت الكويت بأحلى رسمه
كنت ياهل بس كنت اقول عندي وطن وبيت
كنت اردد النشيد بالصباح بوسط الساحة
اشلون بدون وانا حافظ نشيد الكويت
كنت اقول تحيا الكويت وعاش اميره
وعن غير حبج ياكويت مافكرت او نويت
وعن غير حبج ياكويت مافكرت ولا نويت
وسلامتكم ومثل ماقلت في بداية كلامي الكويت
غالية على قلبي وكنت متردد اني اشارك بهالكلمات
وشفتو احد عطى شي كثر اللي عطت لنا الكويت
تعليق