خـل العـذول موطـٌي الـراس منكــــــــوس

[مهرة بلا فارس]

السلام عليكم

شلونكم يا اعضاء عساكم بخير

اليوم بنزل لكم قصة في منتهي الروعه للكاتبة معاني

و اتمني ان الكل يتابعها معاي لانها تستاهل المتابعه

[مهرة بلا فارس]

هلا بالي تسيد بين خلانه ... هلا بك يا هلا بك يا هلا ....قد ما حلق من طيور الفلا ...قد ما شافت عيونك من تراب...
قد ما تملك لأمك من غلا ...

الحلـــــــــقة الاولــــــــــى ....

بطلت شوق عيونها ابكسل اليوم و ع دقة باب حجرتها و ع رنة موبايلها يلست ع الشبريه ابسرعه متروعه ع بالها مستوي شيء ...؟؟ كانت تسمع صوت امها تزقرهااا من ورا الباب نشي

أم شوق: شووووووووووووووووووق نشي يلا قوميي سهرانه الطفسه ع اللانتوب يلا قومي..

يتني ضحكه بوقت انا متضايجه من الحشره الي قاعده اتصير اونه لانتوب ..مليون مره قلتها لابتوب ..
صرخت بكل قوتي : ان شااااااااااااااااااااااااااااااااااااء الله ...نشيت خلاص..
سمعت ردها : قومي يلا ..عن ازقر اخوج عليج..

اتنهدت و ما رديت عليهااا صديت صوب التلفون و اطالع اسم " روحي تحبك" ع الشاشه ..كنت برد بس سمعت دقت الباب مره ثانيه و صوت امايه : شوووووووووووووووق فجي الباب ..اجووف ..

حولت الموبايل صامت و ركضت صوب الباب يمدحونه الركض من صباح الله خير ..فجيت الباب و انا
ازااااااااعج : وااااااااااااااااااااااااااااااااااااااااااااااااا ااااااااااااااااااااااااااع
نقزت امايه لورااامتروعه وحطت ايدها ع صدرها: بسم الله الرحمن الرحيم ...شو بلاج ..
رديت راسي لورااا ميته من الضحك ع امايه : خخخخخخخخخخخخخخخخخخخخخخخخخخخ اتروعتي ..

حرجت علي : هبله انتي ..
رديت و انا اضحك: شسوي تراني قلتلج نشيت مب راضيه اتفجين عن الباب ...
طالعتني ادقق في ملامحي /: انتي متاكده انج كنتي راقده ..

حضنتها : و غلاتج ..

ارتحت و انا اسمع ضحكتها : ههههههههههه ما بقولج شيء لان بس اليوم حفلة تخرجج ..
ابتسمت : فديتج امايه ..عسى ربي ما يحرمني منج ...

امايه : آآآآآآآمين يالله روحي اتغسلي روحي ...ولا اتعيدنها هذي حركتج انا يالله يالله في ديني ..

ضحكت من خاطري : ههههههههههههههههههههه
مر حذالنا سيفاني اخوي و هذا اكبر عني بسنتين بس عفانا الله الي يجوفه يقول اكبر عنا بثلاثين سنه امصدق روحه الحبيب ولي أمرنا ..

خطف عدالنا و شكله متنرفز : شو ها الحشره من صباح الله خير ..
و اختفى ...
رمسته امايه: بغيت شيء يمه ..

سيفاني امكمل طريجه: لاع .
همست : عفانا الله انا بسالج ها من وين يايبتنه ..

ردت عليه امايه: بسم الله الرحمن الرحيم يالله بالستر من وين بعد يايبتنه ...

رفعت شفايفي و كأني متجززه منه : ملييييييييييق

امايه طبعا كالعاده ادافع عنه : عيب يمه هذا اخوج العود ..روحي تغسلي عن تتاخرين روحي يالله ..
عقدت حياتي : عيل سعيد شو يطلع ..

امايه : بس عاد بروح اجوف اخوانج مب اتردين ترقدين ..

ابتسمت لها طبعا ... و رجعت دشيت حجرتي ..و قفلت علي الباب مدري ليش اول مره احس بها النشااط مع اني راقده متاخره .اممممممممممم لالالا مب قاعده اسولف بالموبايل ..

كنت ع قولت امايه كنت قاعده ع الابتووب ..كنت اقرا الحلقات الاخيرة من قصه ابوي لو صد عني ما ترجيته يا ويلي حالي ع فارس ...

حظها و بختهااا نوره ...شو روعه النهايه صج يا معاني كنتي قدهااا .. ههههههههههه الله ع ذيج الايااام ..كنت اتخبل يوم اجوف الحلقات الاخيره .. و كنت اموت و احترق بداخلي يوم اجوف معاني اتاخرت علينا بحلقه .. ابصراحه هذي القصه اجمل ما قرت عيني ...

اممممممممممم فارس عكس شخصية رشووووووووود تمااام الا اني كنت اتابع القصه بس علشان فارس لاني احب شخصيته بس رشوود بعد اموت و احيااا فيه ...نقزت يوم رن الموبايل .. هذي خامس مره يرن ...

رديت ابسرعه : صباح الخير حياتي ...

ياني صوت راشد من الطرف الثاني : صح النوم يا الكسوله .. حرقت موبايلج و انتي ابد ما اتردين ..

طحت ع الشبريه بكسل : كنت احلم ...

رشود: فيني صح ..
ضحكت : ههههههههههه لا في فارس و نوره ..

رشود يعاتنبي : شووووووووووووق

ضحكت : هههههههههه فديت الي يغارون ..
راشد يتكلم ابجد : انا فعلا ما ادانيي هالشي فيج ...

سويت روحي زعلانه : يعني شوووه بتزعلني من الصبح "ودلعت صوتي " لا و بعد في يوم تخرجي ..

حرج علي ابصراحه مب شيء غريب ع راشد : انتي اتبين هالشيء ..ولا انا الف مره قلتلج ..ما تطرين هالخرابيط الي قاعده تقرينها و اتحلمين فيها ..

خذت نفس طويل : ان شااء الله ..شو ها اليوم كل واحد يزاعج علي عفااانا الله

راشد: متى رقدتي البارحه ..؟؟؟

همست: حبيبي مب وقته نتحاسب انا ما ابا اتاخر ع الكليه ...و اتعرف اليوم حفلة تخرجي ..

غمضت اعيوني يوم سمعت رده : اوكى انا الغلطان الي متصل بج باي "وصكر التلفون ابويهي "

صرخت ابصوت عالي ياربي شو ها البلوه ... رجعت اتصلت به بس ما رد علي فريت الموبايل ع الشبريه ابكل غييييض .. و رحت الحمام اتغسل ...عقب نص ساعه ...خلصت و لبست دقت علي امايه الباب ...
فجيت لها الباب شهقت : شو هاااااااا يمه ..لو جافج سيف شو بسوي فيج ..

يالله انا ابروحي امعصبه من راشد بعد امايه اتزيدني بهاي الرمسه ..طنشتها لاني ما ابا اقل ادبي مع امايه ..رحت صوب موبايلي علشان اتصل بـ ندى ..

امايه : شو بلاج متضايجه ..

رديت ابصوت واطي : ماشي ...الدريول برع ..؟؟

امايه : هي بس تعالي كلي لج لقمه ...و حاولي شويه اتخفين من ها الي محطتنه ع ويهج ..

صكرت الموبايل لان ندى ما ردت علي طالعت امايه : حبيبتي اليوم يوم تخرجييي ..خليني استانس شويه ... و بعدين سيف وين بجوفني ..؟؟؟ انا مدري انتي ليش وايد اتحاتينه ..؟؟

امايه: تدرين به يوم يعصب الله لا يراوينا ..

خذت نفس طويل : انا عندي اخ اكبر عني و عن سيف اسمه سعيد ..

اتنهدت امايه : شسوي فيكم .. و الله احترت معاكم..
حضنتها مدري ليش غمضتني : فديتج اماايه لا تضايجين جان تبين اغسل ويهي .. بس اتسوين لا ابروحج جذاا ..

ابتسمت : زين تعالي كلي لج لقمه ..

شليت شنطتي و شلت موبايلي الي كان يرن : باكل في التقنيه .. بس تعالي الحفل انتي و حصه زين .. و ربعت برع من غير ما اسمع ردهااا .

.امايه انسانه حنونه احبها وايد و غير انها انسانه صبوره ...صابره ع حياتها مع ابوي و مع عيالها و مشاكلهم ....الا هم نحن لووووووووووووووول ... شنسوي ..

كل شخص لزام يطلع لها الدنيا و يكون عايله و يتحمل مشاكلهم مافي بيت يخلو من المشاكل ...بس يالله شنسوي ..

.بنحاول انخفف ع امايه ... علني ما خلا منها ...اليوم انا طايره من الوناسه .. اليوم بتخرج من كليه ... اليوم بودع المرحله الدراسيه ...يالله ما اعرف كيف اوصف لكم شعوري و احساسي ...

فكه كم اكره الدراسه و حياتها ...بس ايامها وايد حلوه و اكيد في يوم بتمنى ترجع هاي الذكرى الحلوه في حياتي ...
نقزت ابمكاني يوم سمعت صوت شيخه : شو ها شوق اخرتيني ..من متى الدريول يترياا ..
كلمت الدريول : يالله محبوب اتحرك ..."طالعت شيخه " زين شسوي جي ما قومتيني من وقت يوم انج ناشه ..؟؟

شيخه: انا كنت اسمع امايه شويه و بتكسر باب حجرتج و انتي موليه ما عندج احساس ..

رديت عليها : ههههههههههه سمعتيني يوم روعت امايه ..نقزت جنها ارنب .

شيخه : ههههههههه لا سمعت سيفاني يوم قاعد يتحرطم عليكن ..
اشرت بيدي مب مهتمه : ها الانسان وايد امسوي له راس جنه ابوي مب عايش ..

هزت شيخه راسها بمعني لا : اصلا ابوج حي ولا ميت نفس الشيء ...
شوق : صدقج بس مب من حقه سيفاني الي يسويه فينااا.. و عقب سعيد اخوي اكبر عنه و افهم عنه ...

شلت شيخه شنطتها لانا وقفنا عدال مدرستها خلاص و قبل لا تطلع قالت : مبروك ع التخرج مقدما ..
ابتسمت لها : الله يبارك فيج ..عقبالج ..؟

ردت علي بابتسامه : امين مع السلامه و صكرت باب السياره ...

حطيت ايدي ع خدي و انا اطالع الدنيا برع ...تذكرت ندى ..اتصلت بها علشان اقولها تظهر برع ..لانا جريب نوصل لها عند الباب ...
سمعت صوت ندى : الوووووووووو

ابتسمت : صبااح الخير ...شو راقده ..؟؟

ندى : لا لا سوري ما رديت عليج كنت مشغوله باخواني ..؟؟
رديت عليها : الله يعينج ...

ندى : آآآميـن ..وينج ..؟؟
قلتها : واصلتنج ظهري برع ..

ندى : اوكى ثواني و ياايتنج ..

مسكينه ندى كل ما ارمسها تغمضني ...مب لسبب واحد لسببين ..عاد السبب الثاني ما اقدر اخبركم .. اخاف تاخذون عني فكره غلطه ... اووووووووووه اتذكرت راشد هذا زعلان .. اتصلت به ابسرعه قبل ما تظهر ندى ... رن موبايله ماحد رد علي .. طرشت له مسج " زين لا تزعل في يومي تخرجي انا احبك .."

و صكرت ع الموبايل .. اتريا ندى تركب السياره ...شويه و قعدت حذالي رفعت غشوتي
قلتها : ندى جوفيني كاشخه ..
شهقت : مب جنج امبالغه ..

رديت عليها ابسرعه : لا طبعا ..شووو اليوم حفله تخرجي .. اذا ما كشخت اليوم متى بكشخ ..؟؟
ندى: عاد مب لها الدرجه ..
طنشتها : زين رفعي غشوتج خليني اجوفج ..؟؟

ردت علي : كشخت بس بساطه حتى ما ايبين ..
اصريت : زين اجوفج ..؟؟

نزلت ندى غشوتها ...صحيح كانت كاشخه ..بس ابد مب محطيه مكياااااااااب بس روج و كحل ..

قلتها : ليش ...؟؟؟؟
ردت مب مهتمه : ما احب اتبرج وايد ...

سالتها : اتخافين من خالج ..؟؟ جوفي انا سيفاني راص علينا بس جوفيني كيف كاشخه ..

ندى: بس خالي ما يقولي شيء ..انتي تدرين بها الشيء ..
اتنهدت و قلتها : و الله مدري ..

فتتحتت شنطتي اشيك ع موبايلي حسيت بالاحبااط يوم جفت راشد طنشني و ما رد ع مسجي ..
سالتني ندى : شو بلاج ..؟؟

قلتها : ماشي ..

وصلنا التقنيه ..حسيت الكل كان مرتبش ..تنظيم الحفل و كل شي .. و بس اصلا مب باجي ع بدايه الحفل غير ساعتين يعني شي وقت .. رحنا سوينا برووفت التخرج .. و عقبها رحنا الكلاس ..من دشينا الكلاس انا و ندى اتيمعوا حولي البنات .
اسماء : شوق شو ها الكشخه .. ماشاء الله عليج جميله ..

ابتسمت : حتى انتي قمر ..

عقب التفت لـ مريم : الله عليج شوق سكتينا :: شو ها الجمال ..
رديت تسلمين ..

عاااااااااااااد طول هالفتره بس كنت ارد ع كلمات الاطراء الي كانت اتييني من بنات الكلاس ..سمعت ندى اتقولي : يا سلام الكل اليوم يتمدح فيج ..
ضحكت مستانسه : هههههههههههه شنسوي لو ادري جي البنات بنبهرون فيني .. جان كل يوم كشخت .
ندى : ههههههههههههه الله يحفظج من كل عين ..

حضنت ندى : فديتج ندى انا وايد احبج .. ربي ما يحرمني من صداقتج ..

ندى: هههههههههههه شو بلاج شوقاني ..

رجعت لورا و تميت اتاملها .. ابتسمت لي و قلتهاا في خاطري سامحيني .ندى . انا ابد ما استاهل صداقتج ..
ندى اتحرك ايده ابويهي: ايييييييييه وين سرحتي ..

ابتسمت لها : معاج .. يالله انروح ..

كنت بروح بس زخت ايدي وييرتها : شوقاني ع بالج اذا خلصت الكليه بتنقطع علاقتنا في بعض ..؟
شهقت : طبعا لا ... انتي صديقتي من ايام الدراسه ..

ندى: زين عيل ليش عيل تضايجتي من شويه ..
قلتها : لا ماشي سرحت ..

ندى كانت لحوحه : في شوه ..
رحت عنها : مب مهم يالله انروح ..

شو تبيني اقولج يا ندى شوه ...و نحن رايحات كملت كلامها : شوقاني نحن ساكنات بنفس الفريج و جريب من بعض يعني عادي بتزاور صح ..

غمضتني ندى وايد بها العباره فديتها وايد متعلقه بصداقتنا حتى انا ما استغنى عنها لانها انسانه طيبه و حبوبه ..و كانت بينا عشره فوق 9 سنوات كنا شرات الاخوات ..

وقفت معايا بفرحي و ضيجي و انا وقفت معاها باحزانها و اتراحها .. و خاصه يوم توفوا امها و ابوها و حرمة خالها الي اتصير عمتها بنفس الوق ابحادث .. و ماتوا كلهم .. و تمت وحيده بهالعالم ..

.ما معاها غير خالها ..و اخوانها الصغاريه . هذي الحادثه صارت تقريبا من اربع سنوات و انا الحينه بس حسيت اننى ردت لطبيعتها .. و لحياتها ... ..الله يعينج ندوووي ..

بد الاحتفال و كان الشيخ نهيان بن مبارك موجود ... عقب ما القى كلمته .. تم تكريماا ..كلنا نحن الخريجات نعيش نفس المشاعر الفرحه و الوناسه ..

و زادت فرحتي يوم جفت امايه و حصه حرمة اخوي سعيد قاعدات بين الحضور ... طرت من الوناسه ..يالله كيف يكون شعور الام يوم اتجوف بنتها اتودع المرحله الدراسه و تخطي خطوه يديده في حياتها صوب مجال العمل .. شي جميل .. و رائع ..

عقب ما خلص الحفل .. كل طالبه راحت لامها تحضنها و اتبوسهااا ..و اتبارك لها بها التخرج ..لمحت ندوووي كانت نظرة الحزن مرسومه بعينه سحبتها معاي و خليتها اتسلم بامايه و اتبارك لها جنها بنتها ..حسيت بندى استانست ... كنت دايم احاول احسس ندى انها اختي الثاني ... و كانت هي تتقبل ها الشي بصدر رحب ..

حصه: شو هالزين كله شوق ..

ابتسمت : حلوه .؟؟


حصه: ملاك ...
امايه: هي ملاك ما يجوفج سيفاني ..

قلتها : اووووووووووووه امايه لا اتنكدين علي ..

حصه+ ندى: ههههههههه

امايه: جوفي ندى كيف حلوه لا محطيه هالاصباغ ولا شي..
ندى: تسلمين خالوه ..
قلتها: ندى من دوم حلوه .....

امايه: حتى انتي حلوه بعد من دون هالسوالف ..

رفعت راسي : يا ربي شو بلاها امايه اليوم علي ..
حصه: ههههههههههه بس عموه خلي شوقاني تستانس بحفلة تخرجهاا ...

امايه: زين اتصلي بـ سعيد خليه ايي ياخذنا البيت ...
رديت ابسرعه: ليش ليش ..؟؟

امايه: شو ليش ..؟؟ بروح اسوي الغدااا ...
شوقاني: تعالي تغدي هني عيل ليش ل هالاكل ..

حصه: ما عليه شو قاني المهم مبروك ع التخرج ..و عقبال الوظيفه انتي و ندى ..

انا و ندى : الله يبارك فيج .

و قبل ما اتروح امايه قلتها: لا اتخليني محبوب ايمر علي الساعه هنتين بتتاخر انا ابروحي بتصل به ..
امايه : ان شاء الله ..

سمعنا وحده اتقول بنات التخرج تعالوا اتصورواا ..عقب ما تصورنا و رحنا نتغدااا و ناكل ...ها اليوم قضيناه بالوناسه ..رغم كل ها انا كان بالي مشغول صوب راااااااااااااشد ...كنت اتصل به بس ما ايرد علي ...

مدري مرات احس بالغيض منه لانه امطنشني و مرات احس بالخوف انه تركني خلاص ...التفت للصوت الي كان وراي ..منوه ندى محمد منوه ...
سمعت ندى : اتقول : انا ..

شهقنا كلنا يوم جفنا باقة ورد كبيره ..و من كل ورده كان فيها لون ...
ندى مب مصدقه : لي ..؟؟

قالت: هي عطوني ياها و قالوا عطيها لـ ندى محمد ..

اتيمعوا البناات كلهم صوبنا ..لان الباقه كانت وايد كبيره و ملفته .. كلنا كان فينا فضول من منوه ها الباقه ...و منوه هالشخص الي عنده ذوق ...بس ابصراحه ندى تستاهل ..
شلت ندى البطاقه ابسرعه ..و ايدها كانت ترتجف من الصدمه .. و قرتها ابصوت عالي " مبروك عليج التخرج و عقبال الوظيفه "خالج ذياب" صرخوا البنات و صفقوا و حضنت ندى استانست من كل خاطري لان ندى كانت محتاجه لها الشيء ...محتاجه اتحس ان حد يفرح لفرحها

ندى تضحك: هههههههههههه و الله خالي فاجئني ..فديته ..

شوق : تستاهلين ندى

وحده من البنات : عادي اخذ لي ورده ..
ندى مستحيه : عادي ؟

رديت انا ابسرعه : طبعا لا . شو الباقه مالت ندى خلوها تفرح فيهااا ...عفانا الله ...
حست البنت باحراج و روحت ...عقب ساعه ...

ياني الدريول و روحت معاه بس ندى رفضت اتيي لان خالها اتصل بها و قالهاا بييها .. و بيعزمها ع الغداا ...

صدقوني .. لو كانت وحده غيري اكيد بتحسد ندى ع ها الخال بس .. ندى تستاهل اكثر و اكثر عقب الي جافته بحياتها و الاشخاص الي خسرتهم ...في حياتهاا ..

نزلني الدريول عند بيتنا و راح اييب شيخاني .. و انا داشه البيت لمحت باباتيه قاعد ..يسقى الزرع رحت صوبه ..

باباتيه : خلصت من الكليه ..اتخرجت جوف"قعدت اراويه شهادة التخرج"
ابتسم لي ابتسامه و هز راسه راضي ..حضني و باسني ع راسي .. و بدوري حضنته . و بسته ع راسه ..

و رحت داخل ..عنه .من فتحت اعيوني للدنيا و بعمري ما سمعت حس ابوي . لانه انسان ابكم .ما يتكلم ... في بدايه حياتي كان هالشيء يضايجني ...

لاني كان بخاطري اسولف و اتكلم مع ابوي شرات كل الناس ... لكن عقب ما صار الي صار بندى و خسرت ابوها حمدت ربي الف مره .. كافي وجوده معانا و انه بصحه و سلامه .


مع انه الفتره الاخيره من فتره لفتره يروح دبي ..ابسبب قلبه ...اتنهدت تنهيده هم و عذاب ...يالله تشفى ابوي من كل شر و من كل مرض ..قبل ما ادش الصاله كنت في عالم انا و افكاري ..فما انتبهت لـ سيفاني الي زخني من ذراعي .
. ووقفني رفعت راسي اطالعه : سوري كنت سرحانه ..

جفت ملامحه معصبه ..ما كنت اعرف شو بلاه سالني بعصبيه : شو ها الي مستونه بويهج ..؟؟

رديت لورا بس تم سيفاني زاخ ذراعي قلتله بنبرة خوف: اليوم حفلة تخرجنا ..

قاطعني : و حفله تخرجج اتخليج اتسوين هالعلوم ...
عصبت منه ها بدال ما يقولي مبروك ع التخرج و يعصب علي ..ييرني داخل الصاله و عقني ع الكنبه ..

كمل كلامه: شو ماشي ريايييييييييييل هناك ..

تميت ساكته سيفاني تسكتين عنه بنطم و ما برمس ..بس هالمره اليني راكب راسه عدل ...

سيفاني يصرخ علي : ليش تطلعين من البيت جذااا ..شو بيقولون عنج الناس وحده مب متربيه .. اهلج ما عرفوا يربونج ..

صرخت عليه لان كلامه غايضني : امايه ما قالت لي شي ..

رد علي بنفس الاسلوب: انا ما علي من امج ..يعني تبين حد يرمس عنج ..
شوق .............................."ماشي رد"

سيفاني كمل كلامه : يعني انتي تبين يقولون ابوها مب صاحي و هي تلعب ع كيفها مالها ظهر ولا سند ولا حد يوقفها عند حدها ..

ما تحملت كلامه صحت ابصوت عالي و قلته : شو جايفني ..شو سويت انا ..شو تتحراني مافيني ادب .
صرخ اكثر و اكثر: الي يسوي هالعلوم ما يهمه شي ..

قعت اصيح : انت ما يخصك فيني ..مالك حق علي ..

ما كملت كلامي لاني حسيت للحظه ان ويه تكهرب من لمست ايده الي كانت شرات الكهربه ..يتني صفعه قويه منه ...صرخت من الويع و العذااب ..يلست اصيح بصوت عالي ... و كان بصفعني مره ثانيه ..بس جفت ابوي يزخه من ذراعه .. و امايه لوت علي تحضني ...و كانها تحميني منه ..


كان ابوي يحاول يوصل له شي بس سيفاني يوم يحرج ما يجوف شي جدامه ...
امايه: شو تبا فيهااا ..خلها .

سيفاني بعده امعصب : محد مخربنها غيركم ..هذي وحده مب أدب..

كنت برد عليه لانه كلامه كان وايد جاسي ..بس خفت لا اتزيد المشكله اكثر و أكثر ..دشت شيخه اختي بها اللحظه و يوم جافت الموقف حطت شنطتها بالارض و يلست اتصيح ...من الخوف ..و بنفس الوقت من الصدمه ...

امايه: بس انزين ما اتجوف حالة اختك ..

كنت بداخلي متألمه مدري ليش الله بلانا بها الاخ الجاسي ..يتحرى ولي امرنا ...صحت اكثر و انا اجوف ابوي مب قادر يسوي لنا شي او يحمينا من اخوي .. لانه وايد ضعيف وايد .. و هالشيء الي كان يعذبني اكثر و سعيد .. بعيد عنا ...

ابوي من جاف شيخه اختي قاعده ع الارض اتصيح هد يد سيفاني و راحه يحضنها يخفف عنها .. بها اللحظه سيف انتهز الفرصه و عفد صوبي انا و امايه .

.دفنت راسي بصدر امايه و كأني احمي نفسي من يد سيفاني الي كان ايير شعري علشان افج عن امايه ...بس انا كنت متمسكه بامايه و امايه كانت اتحاول تبعد تفج يد سيف عن شعري ..

ما حسيت الا بصوت سعيد يدز سيفاني ابعيد عنا ...
امايه تصيح : تعال الحق علينا اخوك ذبح اختك ..

سعيد محرج ع سيفاني: مليون مره قلتلك مالك شغل فيهن..

سيفاني بعده امعصب: انت ما اتجوفها كيف متبرجه ..

ما سمعت باجي مناقشاتهم لان حصه حرمة سعيد خذتني حجرتي . مدري شو صار لاني حسيت بثجل بعيوني و من حطيت راسي ع الشبريه ما دريت بشو يصير حولي ...

رقدت حوالي ساعه .. عقب نشيت و انا مصدعه ..اتذكرت ابسرعه ..شو يصير حولي كانت غرفتي فاضيه ..محد فيها لا ..حصه ولا امايه ...

كنت بدعي ع سيف دعوه بس حسبي الله عليه ..نشيت رحت الحمام تسبحت و عقب ما خلصت سمعت موبايلي يرن ..و كانت المتصله ندى ..كنت ابا ارمسها ...ابا اشكيلها عن ها السبال سيف ...
رديت ابسرعه : الو ..

ندى: راقده شوقاني ..
قلتها: لا ..

ندى : شو بلاج ..؟؟

كنت بشكي لها بس يوم حسيت ان ندى مستانسه شي منعني ..فسكت ..
همست : ماشي ..انتي شو اخبارج ..؟؟

ندى: ماشي كنت بقولج ..خالي ذياب خذني الشارجه اتغدينا هناك بالمطعم ..شو اسمه اممممممممممم يا ربي نسيت ... المهم و ياب لي طقم ألماس هديه ..بمناسة التخرج و الله طرت من الوناسه .. و قلتله كيف البنات تخبلوا ع الباقه ...انا بطير من الوناسه ..اتصدقين تمنيت كل اسبوع اتخرج بس علشان يتكرر الي صار لي اليوم ...

كنت اصيح بصمت و انا اسمع رمست ندى ..كانت مستانسه و انا ميته من الصياح .. ويتها هدايا و انا يتني بكسااااااااااات ..

ندى : الوووووووو
صكرت الخط ابويهاا و يلست اصيح ...مقهوره من الي يصير لي ؟؟رن موبايلي ع بالي ندى ..بس طلع راشد ..مدري ليش صكرت التلفون ابويهه و غلقت موبايلي و فريته ع الارض .. محد يحس فيني .. محد يهتم فيني ...ليش كلهم يكرهوني انا شسويت ...انا بشو غلطت ...

حسيت ابعمري سخيفه ..انا لازم اواجهه كل الي يصير لي ...لازم افتح ذراعي للحياة و اتلقى كل الي يصير لي منها ..بس اتجنب الشي الي بضرني منهااا ...
رحت الحمام اغسل ويهي ... و انا ظاهره ..

جفت سعيد اخوي قااعد ع شبريتي يتريـــــــــاني ..وقف يوم جافني يايه صوبه ..رفع راسي اطالعه ..
سمعته يقولي : مبروك ع التخرج ..
حطيت ايدي ع ويهي و قعدت اصيح ..حضني و عاد من طاااح راسي ع صدره يلست اصيح ابصوت عالي ..
سعيد: خلاص شوقاني لا اتصيحين ..؟؟

قلته بصوت يتقطع : خرب علي وناستي ..

سعيد: ما عليج منه انا بأدبه لج .. اوعدج هذي اخر مره ايمد ايده عليج ..

رفعت راسي اساله : ليش يسوي جذا ..ليش لو ابوي مااا كانت جي حالته كان قدر يقلنا شيء ..
مسح دموع عيني و حضن ويهي بيده : لا مستحيل يقدر و بعدين سيفاني ..يبا يفرض سيطرته باي طريجه بس مب عارفه ..

رجعت اصيح: زين مب من حقه ..مب من حقه ..

سعيد يخفف عني : خلاص شوقاني لا اتصيحين جي قطعتي قلبي .انا وعدتج انه ما بيمد يده عليج ...كلنا ندري سيف يسوي جي من خوفه عليكم .. و ادريبه اسلوبه غلط ..بس عااااااااد لا اتصيحين جذا ..

ابتسمت لاني اول مره احس ان حد وراي يحميني مب بس من سيف من الدنيا ابكبرها حضنته و انا قاعده اصيح قلتله: انا محتاجتنك ...

سمعت ضحكته : هههههههه زين انا موجود وياكم ما بمموت ..
شهقت و رفعت راسي ابسرعه: لا اتقول جي ..الله يعطيك الصحه و العافية ..وطولت العمر

بطل سعيد حلجه علشان يرد علي بس بها الوقت دش حمودي ولده .. و الي كان عمره 4 سنوات تقريبا ...
صرخ : باااااااااااااااااااااااباااااااااااااااااااا اااا

وربع صوبنا ايير كندورة ابوه ..
سعيد يضحك : هههههههههه شو بلاك ..

حمودي: بابا مالي مالي ..

قلته: انا افتك من سيفاني اتيين انت ..
سعيد: ههههههههههه
حمودي يصرخ : انا ما ابا سيفااااني ..بابا ريولي تعورني شلني شلني .

قلته و انا مصدومه ممنه : اونك يا العيار .." و اوني احضن سعيدان" ما يخصك باخوي طوف يالله ..

حمودي يصرخ و شويه بيصيح يمد ايده حق سعيد: بابا بابااااااااااااااا ا شلني ريولي تعورني ..

شله سعيد و قعد يبوسه : يالعيااااااااااااااااااار طالع ع منوه ..

حمودي مستانس : عليك ..

سعيد +شوق: ههههههههههههههههههههههههه

سعيد: شوقاني تبين حايه انا بظهر ..
هزيت راسي بمعنى لا : تسلم الله ما يحرمني منك ..

سعيد يبتسم " زين عيل روحي قعدي عند حصه ابروحها في الحجره ..جان ودج يعني ..

ابتسمت : ان شاء الله ...بروح .. بس عقب شويه ..
حمودي يرافس بريوله : يلالالالالالالالالالالالالا انروح ..

سعيد و هو طالع من حجرتي : من قالك بوديك معاي ..
اخر شي سمعت صرخت حمود يحتج ..ابتسمت ..مدري لولا سعيد كيف بتكون حياتنا ...حسبي الله ع ابليسك يا سيفاني ..

فكرت اتصل بـ راشد بس عقب غيرت رايي .. خلني شويه اتغلى عليه بس انا ما اصبر .عنه موليه .. زين منه اتصل فيني دوم اذا زعل شويه و بحب ريوله علشان يرضى .. اتنهدت الله بلاني فيه بلوه ..

مشط شعري و ظهرت من حجرتي رايحه حجرة حصه حرمة سعيد ..عقب ما قررت ...اني برمس راشد قبل لا ارقد و ارمس ندى باجر ..

دقيت باب حجرة حصه .. ماشي رد ..دقيت مره ثانيه بعد ماشي رد ..عيل ليش سعيد يقولي روحي قعدي مع حصه ..يمكن حصه في حجرة شيخه ولا امايه ... رحت حجرة شيخاني كانت فاضيه . و عقب رحت حجرة ماماتيه جفت بس ابوي دااخل يطالع مباراة .. ربع صوبي من جافني قاعده اواايق من ع الباب .رحت له ..حضني و باسني ع راسي و قعد يتحسس ويهي و راسي ع باله ان سيفاني جرحني ..

ابتسمت و انا اطمنه : ما فيني شي باباتيه ..ها جوفني ..انا ابخير ..

حضنته و بسته ع خده .مدري ليش كلنا تعلمنا في البيت من اجوف باباتيه لازم نحضنه ..يمكن هاشيء انولد فينا من كنا صغار ..رجع و قعد ع الكنبه يطالع التلفزيون .
.اشرت ع الشاي و قلته : تبا شاي..

هز راسه بمعنى هيه صبيت له الشاي و عطيته قطعة بسكويت ...كنت بساله عن امايه بس دام شويخ محد اكيد طلعوا مشوار ..
رجعت حجرتي اصلي المغرب ...عقب ما خلصت رحت حجرة حصه ..
دقيت البا ب : حصووووووووووووووووووه ..

سمعت ردهاا : تعالي شوقاني ..الباب امبطل ..
فجيت الباب .. و اول ما خطيت داخل شهقت من المفاجـــــــــــــاة و الصدمــــــــة في نفس الوقت ..

[أمونه]

حبيبي تبوغيتي

والله ولهت على مشاركاتج الحلوه بقسمي .. منوووره

وهالقصه انا قاريتها من قبل وابطالها اماراتيين .. صج صج روعه

تسلم الايااادي الناقلهـ .. وتثبت لعيونج حتى انتهاء الاجزاء الباقيهـ

بظـل متابعتها .. اشكرج :)

[كيفي بدون]

يعطيج العافية ومجهود طيب وتميز في النقل

[دلوعة كويت]

نـــــــــــــــــاااطريــــــــــــن التكمـــــــــلــــــــه

[مهرة بلا فارس]

تسلمين امونه

و القصه صج تستحق المتابعه

تسلميلي يارب

[مهرة بلا فارس]

كيفي بدون

اشكرك اخوي

ماقصرت

[مهرة بلا فارس]

دلوعه

تسلمين علي المتابعه

[مهرة بلا فارس]

محتاج لك يا نور عيني و شفقان...لا جابوا اسمك صرت انا تقل مختف..مالي على نفسي الي اطروك سلطان ..من غير حبك غضت عيوني الطرف...

(( الحلـــــــــــــــقة الثــــــــــانيـــــــة))

حطيت ايدي ع حلجي و انا اطالع امايه و شيخاني و حصة و خالوه ام حصه و خوااتهاا موزه و بدور ....و طاحت عيني ع الكيكه الموجوده ع الطاوله و غير الهداياا و الورود ..ضحكت يوم قالولي بصوت واحد "مبروك عليج التخرج "

قلتهم مستانسه : و الله سعيد طلع راعي سوالف ..

تجدمت مني خالوه حليمة و سلمت علي و لحقتها موزه و بدور و باركولي ع التخرج ..
قلتهن و انا فيني غبنه : ودي اصيح من الفرحه بس تعبت اليوم من الصياح ..

تجدمت مني حصه حرمة سعيد : فديتج و الله "وحضنتني " ....

بدور : ليش شو بلاج ..؟؟؟ اجوف ويهج متورم .
شيخاني : محتجه : ماشي ماشي من الفرحه قاعده اتصيح ..

كانت اعيوني ع الهدايا الموجوده ع الطاوله ...
امايه : امايه بنتي عن تطلع اعيونج من مكانها فجي الهدايا جان في خاطرج هالشيء
الكل : هههههههههههههههههههههه

اتجدمت و انا اضحك ع تعليق امايه و قلتهن : و الله احرجتوني ..

شيخاني : يالله عقبالي ما اتخرج

كلنا : آآآآآآآآآآمين ..

فجيت اول البكس العود و جفت البطاقه و كانت من حصه و حرمته سعيد ...كان بداخله طقم كامل من البدله و الجوتي و الشنطه و شيله و عبايه ..ابصراحه اشياء راقيه ..و كان لونها بنفسج ..اكيد اختاروا اللون البنفسج لاني اشجع فريق العين ...

شكرت حصوه و جفت الوناسه بعيونها يوم جافت الهدايا عيبتني ...فجيت الهديه الثانيه كانت عطووور من عبدالصمد القرشي .. و شي منها من باريس غاليري و بعد من الحرمين ...و كانت من قوم خالوه ...احرجوني ابصراحه ...ام البكس الصغير كان من شيخه و ماماتيه و باباتيه .. شهقت و انا اجوف طقم الالمااس يلمع تحت اعيوني ..

قلتهم و اعيوني كانت تدمع : مشكورات و الله اشكثر انا مستانسه ...

لوت عليه امايه و قعدت اتصيح ..
شيخاني : يالله عاد بدينا ..

خالوه :يلا قطعوا الكيك خلونا انروح بيتنااا ..
امايه : محتجه : لا و الله ما اتروحن الا بعد ما تتعشون عندنا .

موزه : خالوه عندنا شغل ..

حصه: زين سعيد رايح اييب لنا عشى شوفيكم ..مستعيلات ..

شيخاني : شوقاني يلا قطعي الكيك ترا بنش و بااكلها كلها عنكم ...
اتجدمت و قطعت الكيك .. و قعدن ناكل .. سولفنا بوايد مواضيع ..كثيره طرت من الوناسه يوم سمعت خالوه اتقول ..: عقبال ما اتقطعين كيكه ملجتج

حسيت بطعنه بقلبي يوم قالت موزه : ودنا يكون ريلج راشد بس عاد محجوز حق ندى بنت عمي

ليش ما يفهمون ان راشد ما يبا ندى راشد يباني يحبني و احبه الا اعشق التراب الي يمشي عليه ..ليش يحطمون قلبين يهون بعض علشان بس سالفه بنت عم وولد عم ليش يا ربي ليش ..؟؟؟


حصه: انتي بعد امايه ييبي ولدين يابه لنا بس راشد و الباجي كله بنات ..
شيخاني : استغفر الله ..
الكل : ههههههههههههههههههههه

امايه : كل شيء قسمه و نصيب . و محد ياخذ غير نصيبه و راشد و نعم فيه الف بنت تتمناه ..

بدور الخقاقه: لازم هذا راشد ولد ...............................

حصه: عدااااااااااااال مدري منوه اخوج جان شرات ذياب ولد ...............

ظنيت انها تقصد خال ندى لان ما شاء الله عليه الكل يحسده ع مركزه الراقي انا ما قد جفته بس سمعت عنه ..
خالوه : بس عاد لا تطرون الناس شو تبغون فيهم ..

موزه : امايه باجر بنروح لـ ندى و بنحتفل فيها بعد ..
امايه: و حليلها بنيه يتيمه ..

بدور : اووووووووه باجر ما اتفجنا انروح السيتي ..

موزه : لا و الله مثل ما شوقاني بنت خالتنا و احتفلنا بتخرجهااا .. بعد ندى بنت عمنا و واجب علينا نحتفل
بتخرجهاا ..

خالوه : زين عن تضاربون باجر ان شاء الله بنروح بيت عمج و بنبارك لها تستاهل ندى بنيه يتيمه
شيخاني : زين شو رايج شوقاني انروح وياهم ..

بدور : و الستيييييييييييييييييي

موزه : شو فيج انتي باجر الخميس ..لاحقين ما بنبات في بيت عمي ..

بدور : عاااااااااااد انتي ودج تبين اتجوفين بو سنيده ..
موزه : امايه جوفي بنتج ..

حصه : انتن ما تستحن تضاربن هني ..

بدور : لا و الله ايه ها بيت خالوه قبل ما يكون بيت ريلج ؟
رن موبايل حصه بها اللحظه : ويه فديت ريلي يتصل فيني ..

بدور : متى يا ربي سيفاني بتصل فيني جذ1ااا ..


موزه : اونج ما فيج حيا و جدام امايه و خالوه .

الكل : ههههههههههههههه

حصه : يالله شيخاني تعالي انزهب العشى .. سعيد يايبنه برع ..
نشيت علشان بساعدهم بس قعدتني حصه: انتي اليوم عروس يلسي حفله تخرج ..ما بنشغلج ...

و طلعت حصه و شيخاني و امايه رايحيين يزهبون العشى ..سمعت بدور اترمس خالوه ..
امايه : عيل خلي راشد و ندى يملجون ..

حسيت بقلبي وقفت دقاقته ..لا حرام عليج بدور .. ليش اتقولين جذا ..ليش تبين تذبحيني ...
موزه : هي خلاص خلصت ندى من الكليه شو بعد ..

بلعت ريجي بصعوبه .. غمضت اعيوني و انا ادعي ربي انه يكون حلم ...
سمعت رد خالوه : الشور بيد خالها الحينه ..؟؟

بدور محتجه : بس ابوي عمهاا ..
خالوه حتى و لو اهي الحينه عايشه مع خالهااا ...

بدور : خلاص زوجوا خالها حق موزي ترا بعد هوه يبا حد يربي بنته عقب ما توفت حرمته ..
موزي : جب انتي ما يخصج فيني ...

ما تحملت كلامهم ..نشيت كنت ابا اهرب من كل شي ما اتحمل فكرة راشد يرتبط بانسانه غيري حتى لو كانت ندى او ان شاء الله اختي .. وقفت بحجه باخذ هداياايي حجرتي ...

صكرت علي الباب و قعدت اصيح ... راشد لازم يخبرهم انه ما يبا ندى .. لازم يعرفون ان الي بيني و بينه حب عميق ... عفدت صوب موبايلي فتحته .. و دقيت ع رقم راشد ... ماشي رد ..

اتصل في الخمس مرات ما يرد ها وقته يزعل ... طرشت له مسج " لازم نتكلم ضروري لازم .."
نقزت ابمكاني يوم سمعت صوت امايه من ورا الباب : يلا شوقاني تعالي اتعشي ..
بلعت ريجي : انزين الحينه يايه ..

اترييييييييييت دقايق رد من راشد ماشي .. اتصدقون مراات احس ان راشد يلعب علي من حركاته الي يسويها معاي ... حطيت موبايلي داخل الدرج و ظهرت من الحجره ... رايحه حجرة الطعام ..مع ان مالي خاطر اكل شي موليه ...

تعشينا و عقب ما خلصنا العشى .. حاولت اطرد راشد من بالي بس ما قدرت كنت احاول اندمج معاهم بالسوالف و اضحك ع ضرابة موزي و بدور بس خيال راشد ما يفارقني ... شو بيصير لو راشد قالهم ان ما يبا ندى و يباني ...هل ندى بتزعل ..؟؟ بتضايج ..؟ بس ندى بحياتها ما بينت لي انها مهتمه براشد ..؟؟

ابد ما كانت اتبين انها مهتمه ... و ان في يوم ممكن يصير زوجها .. زوجها حسيت بقلبي طاح من مكانه ...

لا لا دخيلج ندى لا تحرقين قلبي دام ما تبين راشد ... انطقي لا اتوافقين ...بس القرار الاول و الاخير .. لـ راشد .. مب لـ ندى ولا لي هو الي يقرر و يحدد يختار من ..ابتسمت اكيد بختارني العشره الي من بينا ما اتهون لا عليه ولا علي ..

ما انتبهت لامايه ترمسني الا عقب ما دقتني موزي لاني كنت قاعده حذالها ..
قلتها : ها امايه شو قلتي ..؟؟

شيخاني : خيييييييييييييبه وين وصلتي شوقاني ..؟؟

حسيت بالاحراج .. محد له خص فيني و بافكاري محد له الحق يعرفها غير راشد حبيبي بس ...

امايه : جوفي ابوج جان خلص عشاه ..
وقفت و قلتها : ان شاء الله ..

طلعت من حجرة الطعام .. و انا رايحه فوق جفت سيف نازل من الدري .. نزلت راسي و كملت طريجي بس بداخلي كنت ميته من الخوف ...اتوقعت انه يضربني او ع الاقل يعلق يعق نغزات كلمه او كلمتين بس طنشني و انا بعد بالمره طنشته ..؟اتنفست ابراحه يوم وصلت حجرة باباتيه .. و الله مدري بدور ع شوه ميته علشان تاخذ سيفاني من حلاته و من زينة اسلوبه .. ماشي لا احترام و كلمة طيبه و معامله حسنه ...

دشيت جفت باباتيه راقد ع الكنبه و الحمدلله اتعشى زين ..اتاملته جفت الشيب براسه و لحيته ... فديتك باباتيه ...تجدمت منه .. مدري ليش دموعي نزلت ع خدي يمكن حالتة ابوي او شعور الحنين الي حسيت به للحظه .. تجدمت منه و حضنته . و يلست امسح ع راسه .. بطل اعيونه .. ابتسمت له .. رد لي الابتسامه ..

قلته : باباتيه نش ارقد ع فراشك ..

قعد يطالع الساعه ..جافها تسع فـ ليل سالته صليت .. هز راسه بمعنى هيه .. مديت ايدي و ساعدته انه ينش من مكانه و وصلته فراشه .

قلتله : تبا عشى ...ولا بسك الحمدلله شبعت ..

أشر بيده انه بسه ما يبا ... اتذكرت الحبوب ...فتحت الدرج و طلعت حبوب القلب و عطيته .. شربه بدفعه وحده .. و انسدح ع الشبريه .. غطيته عدل .. و بسته ع راسه ..انا وايد احبك باباتيه وايد ..

و انا راده صوب قوم خالتي جفتهن ظاهرات غايتهم يردون البيت ...
سالتهم : بتروحون شوه ..؟

بدور : شو تبينا انبييت هني ..

رديت عليها : هههههههههههه حياج الله ...
اامايه : ابوج تعشى ..

رديت عليها : هي و خذ الدواا و رقد ..

خالوه : الله يشافيه ..
الكل : آآآآآآآآآآآمين ..

شيخاني : شوقاني باجر بتروحين معاهم بيت ندوي ..
ما صدقت : هي طبعا بروح ..بس لازم الصبح نظهر نشتري لها هديه ...

موزي : خلاص بنمر عليكم ..
بدور : اوووووووووووووووووف هالطبع ما ادانيه فيج موزي ..
حصه : استحي و خيلي ..

الكل : ههههههههههههههه

شيخاني : زين اخاف سيفاني ما يخلينا نظهر من البيت ...
رديت ابسرعه : مب ع كيفه ..؟؟
بدور : خلوه علي انا بقنعه ..
موزي : طاح حظي ...
حصه : سعيد هني باجر بخليه يودينا ..
شيخاني : هي جذا اوكي

خالوه : يلا وينه سعيد جان بوصلنااا ..
حصه : برع يترياااااانااا

بدور : و انتي وين رازه ابويهج قلنا ريلج بس مب جذا تلصقين فيه ...

ضحكنا كلنا يوم انحرجت حصه : هههههههههههههههه
حصه : ترا بنظهر بنتمشى برع ... بتيين شيخاني ..

ردت ابسرعه : اكيييييييييييييييد ..
طالعتني حصه كان ودي اظهر اغير جو بس لازم ارمس راشد : لا انا برقد تعبانه ..

موزي : تو الناس ..
ابتسمت : احس ابتعب ..

سمعنا صوت هرن ..حصه : يلا عن يحشرني سعيد ...

سلمت علييهم و شيخاني ركضت حجرتها تلبس عبايتها و شيلتها .. اما انا رجعت حجرتي اتريا اتصال راشد ..انسدحت ع الشبريه ... اطالع السقف و ذكرى علاقتي بـراشد كانت حاضره جدام اعيوني ...

دايما يوم كنت اروح بيت خالتي او هم يزورونا و يكون راشد موجود كنت احس بنظراته .. بكلامه بتعليقاته و كانه يبا يجذبني له بس انا كنت شالته من بالي موليه ...

لاني كنت انظر له انه خطيب ندى بنت عمه ...و غير ان ند ى صديقة عمري يعني مستحيل .. اقولها الي كنت احسه من صوب راشد .. و مرات افكر يمكن يتهيأ لي ...و انا ابالغ في اعتقادي ...علشان جي كنت اتجنبه ...خير شر .. لين هذاك اليوم ...

يوم رحنا عزيمه بيت خالوه امناسبة تخرج راشد من كلية زايد العسكرية .... عقب الغداااء ..تيمعنا نحن البنات ..في حجرة موزي و بدور .. و كانت ماخذتنا السوالف و الضحك ...اذكر الحجرة كانت ممزوره بنات من صديقات موزي و بدور و حصه ...يعني كانت عزيمه كبيره ...و كنت ملاحظه ع ندى طول فترة العزومه صاخه و جنه مالها بارض لشيء ... حتى شكيت انها يايه العزومه بالغصب ...

ساسرتها : شو بلاج مب طبيعية ..؟؟
ردت علي بس كانت سرحانه : ماشي ..

زخيت ايدها علشان انبهها اني قاعده ارمسها طالعتني سالتها مره ثانيه: ترا ملامح ويهج فاضحتنج ..شو بلاج ندوي ..؟

حسيت انهاا شويه و بتصيح ..: متضايجه وايد ...
ريت لها متفاجاه : ليش شو مستوي حد قالج شي ...؟؟

نزلت راسها و قالت بصوت واطي : ما اروم ارمس هني ...؟؟؟

قلتلها : زين تعالي انروح بيتنا جريب ...
طالعتني : لا ما اقدر ....

قلتها : ليش ...؟؟
ندى ..................................."ماشي رد"

بلعت ريجي وعرضت عليها : تعالي انروح اي حجره زين يلا قومي عن تصيحين و تفضحينا جدام البنات ..
ما ترييت ردها سحبتها من ايدها و طلعت برع الحجره ..

بدور : وين وين ..؟؟

رديت عليها من غير ما اطالعهااا : الحينه بـنـييي "وصكرت باب الحجره "

لمحت كذا غرفه في بيت خالوه بس ما اعرف غرف منوه كنت اتذكر الغرفه الي امجابلتنا مالت حصه قبل ما اتعرس باخوي سعيد .. طالعت ندى علشان اتساعدني اي غرفه ندخلها بس جفتها بعالم ثاني خيبه شو مستوي لها الدرجه مب حاسه ابعمرهااا ..؟؟؟

المهم يريتها ع اقرب حجره و دخلناها ما انتبهت للاثاث لان ما صدقت ندى من دشينا حجره و صرنا ابروحنا قعدت اتصييييييييييح ...حضنتها اخفف عنها و انا مب عارفه شو بلاها اصلا ...خليتها تطلق العنان لنفسها ووقت ماا اتحس انها اتروم ترمس بترمس ...

قعدت اراقبها لي ما حسيت انها خلاص تعبت من الصيااح ..
سالتها بصوت حنون : ندى لا اتسوين ابروحج جذاا ترا الدنيا ما تسوى نقطة ماي ..

ردت بصوت متقطع : ادري ..

عيل : ليش كل ها الصياح ..
قالت لي : النار ما تحرق الا ريل واطيهااا ..

تنهدت و لويت عليها : ندى انا و انتي واحد رباعه و من زمااااااااااااان يعني الي يضايجج يضايجني ..
رفعت راسها اطالعني و هي تتنهد : اتصدقين خالي ذياب يبا يزوجني و انا ابوي و امايه ما كملوا سنتين من توفووااا ...

شهقت : خالج مينون ...

ردت علي :قاعد يقول لي بس خطوبه و عقب فتره طويله بنملج ..
سكت لاني ما عرفت شو ارد .........................

و بدورها ندى سكتت ..
قلتها و ببطء : ند ى انتي ا تبين اتعرسين مب علشان امج و ابوج علشان انتي ما تبين الي متقدم لج صح ..

هزت راسها بمعنى نعم ..

كملت كلامي : علشان جذا قاعده اتصيحين .. معقوله خالج بجبرج علي شي ما تبينه ..؟؟

هزت راسها بمعنى لا : ما بجبرني بس وايد قاعد يضغط علي علشان اوافق ..يعني هوه ما يعرف اني محجوزه لـ راشد بن عمي ..

سالتها : انتي تبين راشد ..
ندى : .................................."ماشي رد"

كررت سؤالي : ندى اتبين راشد ..
ردت ابسرعه : طبعااا ابااه من وعرفت الدنيا و انا اسمع ندى لراشد و راشد لـ ندى ..
قلتها : عيل ليش خالج ...........

قاطعتني : لان خالي ما ايحب راشد ما يواطنه .. مدري ليش ... ما اعرف السببب ...مع انهم كانوا ربع
نقزنا انا و ندى ابمكانا يوم سمعنا صوت ريال في الحجره : احم احم ..

صدت ندى الصوب الثاني اتغطي دموعها فاضطريت اني اواجهه صاحب الصوت ...حرجت يوم جفت راشد واقف عدال باب الحجرة ..

قلته بغيض : يعني انت ما اتعرف ادق الباب ...؟؟
عقد حياته : ادق باب حجرتي ...؟؟؟ ليش ..

شهقت حجرته !!! يلست اطالع حولي توني انتبه انها حجرة شاب .. ما عرفت شو ارد ..
راشد: شحالج ندى ...؟؟؟

همست : ابخير ..
راشد: ماشي كلمة مبروك ع التخرج ..؟؟

ندى سكتت و فقلته : مبروك ع التخرج .. الحينه ممكن اتخلينا ابروحنا .
كرر جملته و كأنه يذكرني: زين هذي حجرتي ...؟؟

ندى وقفت : ما عليه شوق تعالي نظهر ..
راشد تم واقف عدال الباب : لا لا خذووا راحتكم ...اممممممممممممم سوري ندى انا سمعت كل شيء ..اسف جذبتني السالفه ..

شهقت ندى فرديت بعصبيه : عيب عليك ..تتجسس
راشد : و الله انا كنت ياي حجرتي و سمعت صوت صياح .. وياني فضول .. بس ندى اقولج شيء ..انا ما افكر بالزواج موليه .." و اشر بيده بمعنى يلا حياكم و اختفى "

رديت ابسرعه تمنيت لو سمعني : يا الخقااااااااااااااااااااق ..

قعدت ندى ع الكنبه مصدومه و يلست اتصيح ابصوت عالي ...ما عرفت شو اسوي .. ولا كيف اتصرف ...قومتها ..علشان نطلع من حجرة راشد الخقاق ...و نحن ظاهرت لمحتنا موزي ..و يت صوبنا ابسرعه متروعه يوم جافت حالة ندى جذاا ..

موزي : شو بلاها ندوي ...؟؟

كنت مرتبكه و مب عارفه شو اقولها : ندى تعبانه ..موزي ساعديني انوديها البيت بس من غير محد يحس ..
موزي : ما يهمج صبري بيييييييييب عبايتي ..

عقب دقايق كنا في بيت ندى و في حجرتهااا ...
موزي : شو السالفه ..

رديت ابعصبيه : اخوج الخقاااااااااااااااااق ..
موزي : رشود ..؟؟ شو بلاه ..

ندى تمسح دموعها : ما بلاه شي.. ابرايه خليه ع راحته ..
رد ندى قهرني : لا طبعا ها قليل ادب ما عنده اسلوب ..

موزي : مب جنكم ترمسون عن اخوي شو لساااااااااااااااااااااااااالفه ..

قلتها : ندى كانت متضايجه .. و حضرته زاد الطين بله .."وقلدت صوت راشد" انا ما افكر بالزواج موليه ..
موزي مستغربه : راشد قال جي .؟؟

ندى : عادي عندي المهم خالي ما يزوجني انسان انا ما ابااااااااه...
حضنت ندى لانها غمضتني : محد بزوجج غصبن عنج نحن مب بزمن العبوديه ندى ..

موزي مستغربه و فجأه : ههههههههههههههههههههههههههههههههههههههههههههههههه الحينه فهمت السالفه ..

ههههههههههههههههههههههههههههههههههه

تمنيت بها اللحظه اجتل موزي
موزي: ندى لا اتخافين محد بزوجج ..ههههههههههههههههههههههههه
شوق : موزي ارمسي زين عن السخافه ..

ندى : موزي شو السالفه ..؟؟

موزي : اممممممممممممممم لحظه فيني ضحكه ههههههههههههههههههههه

قمت من مكاني و شلت المخده و انا خاطري اكتم ع نفس موزي ..
موزي : ايه خلاص بتذبحيني ..
ندى مصره : ارمسي زيييييييين
موزي : البارحه خالج ذياب كان هني .. و كان يشاور ابوي الي هو عمج ..عن الخطبه بس ابوي رفض .. و قال راشد حق ندى ..

ندى بحزن: بش راشد من شويه قال ..
موزي قاطعتها : مااااااااااااعليج ها خريط عود ...يبا يغايضج..لان ابوي شاور راشد و قال انا ابا ندى ...هذي كل السالفه ..

ندى مب مصدقه : قولي و الله عيل خالي ما قالي ..
موزي : عادي هذي مشكلته و بعدين راشد قال ما يفكر بالزواج الحينه ما قالج ما اباج افهمي الرمسه ..
ندى : بس كلامه كان واضح ..

موزي : يا مماما قصده لي ما اتخلصين من الكليه ...
حضنتني ندى مرتاحه : الحمدلله .. الحمدلله .. يعني خالي ذياب ما بيطري لي سالفه الزواج مره ثانيه الحمدلله .

رن موبايلي قبل ما ارد ع ندى فرديت ابسرعه و كانت المتصله حصه : انتي وينج ..؟؟
قلتها : انا في بيت ندى ..شو مستوي ..؟؟

حصه : جالبين عليج الدنيا يدورونج المهم نحن ردينا البيت دوري حد يوصلج ...

وناسه ندى و فرحتها خلتني ما اهتم بكلام حصه : اوكى اوكى باي باي ..
موزي : منوه ..
قلتها بدون اهتمام : حصه اختج اتخبرني انهم ردو بيتنا .. و ادور حد يوصلني ..

موزي : ابيه انا ودرت رباعتي .. مالت عليكن .. و ع افكاركن الغبيه ..
ندى + شوق : ههههههههههههههههههههههه

موزي : يلا انا بروح الييت ..
وقفت ابسرعه : و انا !!

ندى : تمي معاي .
قلتها : لا ما اقدر حصه اتقول جالبين علي الدنيا يعني عادي سيفاني يجتلني .

ندى تتنهد : الله يعينج ..
طالعت موزي : دخيلج دوري حد يوصلني البيت ..
موزه امحرجه : اووووووووووووووف انا شو لي ابتلى بمشكلتكن يلا ..الله بلاني ببنت عم و بنت خاله اوووووووووووووووووووف .

ندى + شوق : هههههههههههههههههههه
موزه اتفج الباب و ادزني : يلا طوفي قاعده تضحك بعد .. بخلي راشد يوصلج ..

قلتها : وع ع الخقاق ...
موزي : حمدي ربج حد بوصلج بعد تشرطين ..

دقايق وركبنا سياره راشد ..
راشد: شوقاني شحالها نفسيه بنت العم ..

طالعت برع ........................................"طنشته"

موزي : راشد لا تستخف دمك ..راعي مشاعر الناس ..
راشد: منوه هالناس شوق و ندى ..

و الله هالانسان قليل أدب كان خاطري اقوله بس خفت يفرني من دريشه سيارته خليه يوصلني البيت مع ان بيتنا وايد جريب .. بس سيفاني امحرم علينا ..قاص علينا ها السيف .

موزي : هههههههههههه حرام عليك ..

فجيت الباب كنت بنزل بس لمحت سيفاني طالع من بيتنا فرجعت صكرت باب السياره ابسرعه ..
موزي : شو بلاج ...؟؟

قلتها : سيفاني ..
راشد: محد جالع اعيونكن غير هالسيف ..
قهرني يوم نزل الدريشه و قعد يزقره ..
شهقت : حراام عليك ..بحرج علي ؟

راشد يغايضني : شوه حرام اسلم ع ولد خالوه ..

موزي : متفيج اتسوي حركاتك و الله ..

راشد : خخخخخخخخخخخخخخخخخخخخخخخخ

تجدم سيف من سياره راشد و نزل راشد الدريشه و سلم عليه ...جافني سيف قاعده ورا فطالعني بنظرات .. اضطريت انزل ..
سمعت راشد : مع اني توني جايفك في بيتنا بس مدري ليش اوله عليك يخي ؟؟
سيف و نظراته علي : المحبه من الله ياخي ..

دشيت ابسرعه البيت ...مدري كيف وصلني سيف ابسرعه و قعد يزاعج علي و كنت شاكه ا ذا راشد او موزي كانوا يسمعون صريخ سيف ..

اذكر هالك اليوم خذت ضرب من سيف ..بس بسبب سخافة راشد .. اونه ينكت ...يتحسب روحه ...
و فليل .. ياني اتصال من موببايل موزي طنشتها لاني بهذيج الحزه كنت متضايجه من حركة راشد السخيفه و حركة سيفاني انه يزاعج علي جدام عيال خالوه ..رديت ع اتصال موزي عقب ما وصلني مسج "ابسرعه ردي علي "

بس كانت الصدمه ان المتصل كان راشـد ..و اونه يحس بتأنيب الضمير .. و ما سوا ها السوالف الا علشان ياخذها حجه علشااان يتجرب مني ...و ابدت قصة حبناااا ...

نقزت ابمكاني ابسرعه و زخيت ادور عالموبايل لاني كنت حاسه ان المتصل راشد ..و بالفعل ابد ما خاب ظني كان المتصل " روحي تحبك"


نهاية الحلقة الثانيه

[مهرة بلا فارس]

حــــبك نشـــعني من مواطي للراس..يامـــصدر الشــــكوى و يامنتــهاها..جري مــجاري الدم من غير مقياس...مـــا بـاقي بــي جـارحــه مـامــلاها...خـفيف روح ولـو عـلى زبدةٍ داس...قـدمك سـلمت وكن عرشـك عداها

""الحـــــــــــلقــــــــة الثـــــــــــالثـــــــــــــة ""

عدلت بيلستي و رديت عليه متلهفه و جني من زمان ما سمعت حسه
قلته : راشد ...
راشد اونه زعلان : نعم ...
خذت نفس طويل : راشد انا لازم اقولك شو صار اليوم ...؟
راشد من غير نفس : شووووووووووو
رصيت ايدي عالموبايل و همست : راشد دخيلك ... ارمس زين ..

نقزت ابمكاني و فجيت اعيوني ابسرعه يوم زاعج علي : كيف يعني ارمسج بالزين ليش شو قاعد اسوي انا !الحينه ؟
تميت ساكته متفاجاه من رده ......................................"الظاهر وايد محرج مني "
عقب فتره طويله كنت بيني و بين نفسي اشاور اصكر الخط ابويهه بس بتزيد الفجوه من بيني و بينه ..

بس سمعته يرمس و باسلوب جاف : شو مستوي ...؟؟
كنت برد بس دمعتي سبقتني و فسكت ............................."ماشي رد"

رد بنفس الاسلوب : بتمين جي ساكته ...اصكر يعني ..
رديت و انا العبره خانقتني : لا ..

راشد مب مهتم : عيل قولي شو الموضوع الي تبينه ضروري ...؟؟

ما كنت عارفه شو اقول لان راشد وايد كان جاسي علي ................"ماشي رد"

سمعته ياخذ نفس طويل و نطق اسمي بقسوه جنه ما فيه صبر : شووووووووووق ..

فضحت مشاعري و صحت له بصوت عالي : انت وايد جاسي علي ..."وفريت الموبايل بعيد عني و يلست اصيح بصوت عالي .."

عقب ما انهد حيلي حتى ما اعرف كم من دقيقه او ساعه مرت علي ..نشيت من مكاني و رحت صوب الموبايل ...ما خاب ظني راشد امصكر الموبايل ..

الظاهر تضايج من حركتي بس بعد انا متضايجه من اسلوبه و دفاشته معاي ..رصيت ع اصابعي امنع نفسي من ادق له او اطرش له اي مسج ...اتغطيت باللحااااااااااف و انخمدت اتريا اليوم الثاني و انا متفائله يكون خير و حـلو ...حاولت ابطل عيناتي بالغصب و انا اسمع صوت شيخاني ادق الباب ...

مسرع الصبح ياااااااااااه ...
شيخاني : شوووووووووووق فتحـي الباب ...

شهقت يوم طاحت اعيوني ع الساعه و كانت 12 فليل .. الحينه هاي شو اسوي فيها ازغتها احرقها .. شو اسوي فيها خبروني ...

قلتها بعصبيه : شوووووووو

شيخاني : بطلي جوفي ..شي حـلو بعيبج ..

نشيت و انا احس تعب الدنياااااااااا كله فيني ..فجيت الباب ..دزته شيخاني ابكل دفاشه و دشت جنه حجرتها ..تميت واقفه عند الباب و زاختنه بايدي .. حطت اجياس ع شبريتي ...

و طالعتني : تعالي جوفي شو شريت ...
تميت واقفه ابمكاني و ايدي ع خصري ...اطالعها بنظرات غييييييييييييض .
ردت اطالعني و ابتسمت : شو كنتي راقده هههههههههههه جااان قلتي ..

رديت عليها : لا و الله اتنكتين حضرتج ..
شيخاني : اتصدقين زحمه ع هالوقت جوفي و ظهرت لي تنوره من الجيس شو رايج بهاا جنها فستان ...

حسيت ابصداع و اني شويه و بصيح : شيخاااااااااااااااااااااااني ظهري برع انا برقد تعبانه ..

شيخاني طلعتني مستغربه : شو بلاج ..؟؟؟ لا يكون سيف رد ضربج ..

حرجت عليها : شيخاااااااااااااااااااااااني لا تستخفين دمج ظههري اقولج ...

شيخاني : مب قبل ما اراويج ها البدي و الله بطير عقلج عليه ..

ماشي فايده من هاي العنيده رحت صوبها اييير عنها الجيس علشان اظهرها من الحجره و قعدت هي اتيير عني الجيس

شيخاني : هدي بتخربين بدلاتي غيرانه ..محد قالج ما تظهرين ويانا

و انا احاول اخذ عنها الجيس : طلعي برررررررررررع .. طلعييييييييييييي

التفتنا لـ صوت سعيد الي كان واقف عدال باب الحجره عقد حياته : شو بلاكن ..؟
شيخاني : جوفها تبا اتفر بدلاتي برع ..

رديت ع سعيد: انا كنت راقده تعبانه و هي حضرتها قاعده تعرض بدلاتها قلها تظهر برع الحجره ابااااااااا ارقد ..
شيخاني : من زين حجرتج ..و بعدين محد قلج تفتحين الباب ..
ريت عليها بعصبيه : اذا ما فجيته كنتي بتكسرين الباب ..من دفاشتج

سعيد: هههههههههههههههههههههههه ههههههههه هههههههههه

شوقاني : سعيد ظهرها من حجرتي شو قاعد تضحك ...

شيخاني : زين فجي عن جيسي و انا بظهر .. و الله جان قلتي شيخاني سلفيني بدله بصفعج ..
صرخت عليها : من زين بدلاتج ظهري برع ..

سعيد: هههههههههه هههههههههه شو ها جنكن يهال ههههههههههه

شلت شيخاني اجياسي هي ظاهره من الحجره : سعيد انت شاهد ..جان يت تطلب مني بدله ..انت رد عليها انا ما بعطيها اي جواب ..

سعيد: هههههههههههههه ان شاء الله ..

قلتها متعمده اغايضهاا: انا اصلا ما عيبتني تنورتج منوه يشتري هاللون ..صج الناس اذواااق ..

سعيد : بس شوقاني صخي عنها ..تراها ظاهره من حجرتج ..خلاص ..
شبخاني ردت و فرت الجيس ع الشبريه و ظهرت التنوره : الحينه هاي مب حلوه .. انتي اصلا الي ما اتعرفين تشترين ..

صرخت عليها : طلعي برع ليش رديتي فجيتي اجيااسج ..

سعيد: ههههههههههههه ههههههههههههه انا بروح عنكن قبل ما اتخبل ..
شيخاني : ترا ابا ارااويج اللوان الي مب عايبتنج ..

شوقاني : فجي عني ظهري من حجرتي ..ابا اررررررررررقد ..
شيخاني : ارقدي منوه زاخنج .

طالعت سعيد: سعيد جوفها ...و الله بضربهااا ..
سعيد: هههههههههههههههههههههه تعالي شيخاني تعالي ..ظهري باجر راويها..

شلت شيخاني جيسها : ما براويها لو تموت ..
شوقاني : ما طلبت منج زييييييييين ...قصوري بعد ..

شيخاني : زين بنجوف ..
سعيد: ههههههههههه باجر كملوا ضرابتكن زين ..

و يير سعيد شيخاني و ظهرها من حجرتي .. قفلت الباب .. و فريت عمري ع الشبريه ابكل غييض ..انا ما صدقت ارقد و هي ياي تعرض لي ازياااءها و الله ...مديت ايدي ع الكمدينوو يوم سمعت موبايلي يرن .
قلت : الوو ..
شهقت يوم سمعت صوت شيخاني : انتي لو فيج خير ...

صكرت الخط ابويها هاي البنيه يوم تستوي سخيفه لازم ترفع الضغط و السكر ..اففففففففففففف منهاا ...رن الموبايل مره ثانيه .. طنشتهااا ...

و رن مره ثالثه عااد الحينه قعدت مب علشان ارد عليها لا علشان اروح اغسل شراعها .. شلت موبايلي علشان اصكر الخط بويهااا بس لمحت "روحي تحبك " حطيت ايدي ع حلجي راشد ....ارد ولا ما ارد ...؟؟؟

بس انا الحينه نفسيتي تعبانه و اذا تضارب معاي عادي اتصير مشاكل كبيره بيني و بينه ...

طالعت موبايلي .. ما اصبر عن هالانسان لو شو صار ...رديت ابسرعه بس تميت ساكته من غير ما ارمس .
حسيت بهزه بداخلي و انا اسمع صوته : راقده شوق ..؟؟

يا الله الي يسمع صوت راشد الحينه ما يقول ها الي كان يرمسني من ساعه ..
بلعت ريجي : كنت راقده

راشد: ازعجتج ..؟؟

قلته ابسرعه : لا انت تدري ما بيني و بينك هالرسميات ..راشد لا اتسوي فيني جذا انا ابروحي تعبانه ..

راشد : شو بلاج ..شوقاني ..انا ويد احس اني جسيت عليج ..؟؟
حطيت ايدي ع عيني ويلست اصيح ...

راشد: ليش ليش اتصيحين ..شوق ..
رديت عليها و انا اصارع دموعي : انت ما اتحبني .. ..

اول مره اسمع صوته جي : و الله اني اموت عليج ..ليش اتقولين جي ..بس لاني زعلت منج ..؟؟

تميت اصيح .............................................."ماش ي رد"

راشد: و غلاتي عندج لا اتصيح ..دخيلج شوق ..ترا بيي بيتكم ..و الله.عقب انتي تحملي النتايج..
حاولت اسكت عمري و قعدت امش دموعي .بظهر ايدي ..

رمست بالغصب : اليوم كان حفل تخرجي ما سمعت منك كلمة مبروك ..؟؟ و اليوم كلت ضرب من سيفاني ..و كنت اتمنى اتكون موجود معاي ..؟ و اليوم اليوم صارت وايد اشياء كنت محتاجه اتكون جريب مني ....

راشد......................."ماشي رد"
تميت ساكته العب بطرف اللحاف اترياا رد راشد..

راشد: انا اسف ما استاهلج شوقاني ولا استاهل حبج..
رديت ابسرعه و بانفعال : واالله اخر مره تنطق بهاي الرمسه ..حرام عليك تبا تذبحني انت ..

راشد: صدقيني ما هنتي علي من ساعه ...علشان جي رديت اتصلت بج ...و هالحقير ليش يمد ايده عليج ...

بلعت ريجي : مب عايبنه اني اكشخ بيوم تخرجي ..

رد بعصبيه: مب ع كيفه ما كنت ادري كنت كسرته تراني جفته من شويه كان رايق و مرتاح .. و حبيبتي هني ميته من الضيجه ..

قلته و انا احس بموجه مشاعر من الراحه و الامان: راشد ..سالفه سيف مب مهمه .. شي سالفه غيرها تشغل بالي وايد .. راشد انا ما استغنى عنك ..
سمعت ضحكته : هههههههه حتى انا ما استغنى عنج تطمني من هالناحيه ..و الدليل ان اليوم تضاربت معاج بس ع سالفه قصه ..

تنهدت مرتاحه : انت ابسرعه اتعصب شرات ولد خالتك سيفاني ..

راشد: هههههههه حياتي انا اخاف يصير شي يبعدني عنج علشان جي اغااااااااااااار وايد عليج ..
قلته : راشد اليوم خالوه و خواتك تعشوا في بيتنا ...

راشد..........................."ماشي رد و كأنه يدري"
كملت كلامي و انا مرتبكه: و طروا سالفه خطبتك ع ندى ...انا ..انا "سكت ما عرفت شو ارد"

راشد: انتي شو شوق ... مب معقوله كل ما سمعتي اهلي يرمسون عن هاي السالفه اعتفستي ..
رديت ابسرعه: و ليش ما اعتفس و انا اموت بداخلي يوم اسمع كلامهم ..

راشد: مليون مره قلتلج انا ندى ما اريدهاا انا اباج انتي انتي لي و انا لج ..
قلته باصرار : ها الكلام لازم اتقوله حق قوم خالتي ..

حرج علي : ما يهموني خلهم يخرطون من اليوم لـ باجر ..

همست : و ابوك ...؟؟

مدري ليش عصب : شوقـاني القرار قراري و انا الي بعرس مب هم ...
قلته: عيل ليش كل ما تقدم معرس لـ ندى ردوه ابسبب ..انها محجوزه لك ..

راشد: محد قالهم .. انا قلتهم اني ما ابا ندى ..

حسيت اني بطير يوم سمعت اخر جملته : انت خبرتهم ..
راشد : هييييييييييييييه ..انتي يا الغبيه انا ما افرط فيج مينون انا مينون ..

مدري شو اسوي بها اللحظه اضحك ولا اصيح ..وكيف يا ربي اعبر ما بداخلي من سعاده .
راشد: وين رحتي ...؟ الووو

ابتسمت : موجوده حبيبي انا وايد مستانسه ..وااايد
راشد: عسى دوم حبيبي انا الحينه تطمنت عليج ..باجر بيي بيتكم ..بمر اسلم ع خالوه اجوفج ..؟؟

رديت بلهفه: متى متى اي وقت ..؟

راشد يفكر : امممممممممممممم ع العصر شو قلتي .

قلتها : حياك الله دق لي قبل ما تظهر ..
راشد: اكيد ..مشتاق لج حيييييييييييييل ..

قلتها و انا السعاده ما اتشيلني : راشد انا خلصت الحينه الكليه و انت تشتغل تقريبا اكثر من 3 سنوات ..يعني ما في شي يمنع انك تتقدم لي..

راشد..............................."ماشي رد"

مدري ليش حسيت بالخوف من سكوته قلته : الظاااااهر..كلامي ما عيبك
راشد :مب جذا السالفه ..

قلته : شوه .
راشد: انا من اشتغلت قاعد ايمع بيزات حق عرسي و عرسج ..
ابتسمت : زين يعني كل شي زاهب ..

راشد: لا لاني انا الحمار ...سلفت هاي البيزات حق رفيجي ..لانه تورط ..و كان بنسجن ..
شهقت : فديتك حبيبي ..و الحينه شو بتسوي ...كم بتريااا انا خايفه .

قاطعني و كانه عرف شو كنت افكر : لا اتخافين انتي لي شوق لي وحدي ...صدقيني

شوق : مصدقتنك بعد عمري .

راشد: العرس يباله مصاريف و انا الحينه رصيدي صفر ..
شوق : شو بتسوي ..

راشد: بدبرها المهم حبي لا تحاتين ..
شوق : ان شاء الله ..
راشد: يالله بخليج روحي ارقدي ...

شوق :ان شاء الله حبيبي ..

راشد: تصبحين ع خير ..حبي
شوق: و انت من اهله ..

الحمدلله اتعدلت الامور بيني و بين راشد .. ما صدقت من وطيت راسي ع المخده رقدت ..من غييييييييير ما احس ابعمري ..زارتني احلام حلووووه تمنيت اني ما انش من رقادي موليه ...بس يا حظي دوم تعودت ع دقت الباب من صباح الله خير ... حتى يوم الخميس الي مفروض الناس ترقد و اتكون مرتاحه ...فجيت الباب ابكسل ..

لوت علي امايه و هي تضحك اتجوفني مصطله ع الاخر ...
امايه: ههههههههههه فديتج الكسوله طوفي الحمام اتغسلي ..جنج ياهل مب جنج صرتي عروس ..

عروس ابتسمت و انا اسمع ها الكلمه لان البارحه ف ليل كنت كل احلامي ..اني عروسة راشد ..رحت الحمام .. ع طول اتغسلت ابتسمت و انا اسمع امايه ادق باب حجرة شيخـاني ...طلعت رايحه حجرة الطعام ...

استغربت الحجره ما كان فيها الا سعيد و حصه وولدهم المزعج حمودي ...

قلتهم و انا اعيوني ادور ع باباتيه : صباح الخير ..
ردوا : صباح النور ...
عفد علي حمودي : ههههههههههه انت وينك البارحه موليه ما جفتك ..

حمودي: انا جافيتث يوم ضربث شيفاني ..
نزلته ع الارض : سود الله ويهك ..روح عند امك

حصه + سعيد": هههههههههه

حصه : تعالي تريقي ..؟؟

دشيت الحجره : وين باباتيه ...؟؟
سعيد: اليوم عنده موعد في مستشفى راشد ...

حز في خاطري هالشيء : زين ليش ليش ما رحت معاه سعيد جان قلتلي انا كنت بروح ..

سعيد: ما يحتاي سيفاني معاه ..

حطيت لقمه في حلجي : زين بعد طلع منه فايده ...
حصه: سيفاني ع قد ما جاسي ..بس حنون ...

سعيد: وين تركب !! هذي بعد..؟؟
ضحكت : هههههههههههه
حصه : سعيد لا تطنز علي ..

دشت شيخاني و كلنا طالعنا الباب الي انفج .. و كانت امايه وراها ...
قلتها اتطنز عليها : ع بالي بعد لابسه بدلة البارحه ..

شيخاني من اتنش من الرقاد موليه ما اتحب ترمس طالعتني بنظرات و يلست ع الصفره .
امايه: خوزي عنها هذي الحينه محد يرمسها ..

سعيد: هههههههههههههه امايه ما سمعتي امس ضرابه ..

امايه: لا و الله كنت راقده بسابع نومه ..
حصه: انا سمعت تروعت ع بالي شي مستوي ..

رديت عليهم : اونكم ...؟؟؟

حصه: متى بتروحون بيت عمي ..؟؟
سعيد: حق شوه اتروحين بيت عمج ..؟؟

حصه: ترا بنسوي حفله حق ندوي ..؟؟"اترمس امايه" عموه بتين معانااا ..
امايه: لا الغاليه انا و أمج بنروح بيت صديقتنا ظاهره من المستشفى ..

شوقاني : زين خلونا انروح الحينه السيتي نشتري لها هديه ..؟؟

سعيد يطالعني بنظرات : و منوه بياخذج الستي يا حلوه ..
ابتسمت : واحد اسمه سعيييييييييد الله يخليه لنا .

حصه : ههههههههههههههههههه

سعيد: خلاص عيل بوديكم و بالمره بنتغدا هناك ...
شيخاني : و اللــــــــــــــــــــــه ..

كلنا طالعنها مستغربين لانها بالعاده من اتنش من الرقاد موليه ما ترمس الا بعد ما اتروق خلاص ...
امايه: هي انتي حق الطلعه متجدمه ..

الكل: هههههههههههههههه

امايه: انتوا روحـو انا ما بسير بتريا ابوك وسيفاني .

سعيد: خلاص الغا ليه ابرايج ...

تزهبنا و طلعنا المنار عقب ما مرينـا ع بدور و موزي ..خوات حصه ...حمودي طبعا كان امسوي لنا جـو فـ السياره .. و قبل ما ننزل يلست حصه اتهدده اذا سوى حشره اوقعد يصيح بنرده البيت ... لان ها طبع حمودي يفضحنـا فضيحه ابكل سيره ..

زخ سعيد يد حصه و شل حمدي ابتسمت من الخاطر ..حلو الشخص يكون عايله و اسره ..شي رائع و غمضت عيوني اتخيل في يوم انا و راشد بنكون شرات حصه و سعيد...

حسيت فجاه بذراعي جنه تشنج حطيت ايدي ع ذراعي و طالعت شيخاني بعصبيه مكان ما ضربتني ابكس...

قلتها بغيض : شووووووووو

شيخاني : ع بالي كنتي راقده قلت اصححج ولا قاعده تحلمين ..

رديت بغيض : لا تستوين تافهه و سخيفه ..و ما يخصج فيني ..

سعيد : بس عاد ترا بردكم البيت عيب الناس رايحه راده ..شو عندكن ..
حصه: انتوا اي مكان تضاربون ..؟؟

موزي : هذي شيخاني شرات بدور تتحرش فيني دوم..
بدور : لا و الله ..

قلتهم : ما تجوفها تتحرش فيني ..
شيخاني ادافع عن نفسها : جذابه كانت راقده ..

كنت برد عليها بس سعيد رفع ايده يقاطعنا : نرجع البيت يعني ..

ردينا كلنا بصوت واحد : لا لا لا .
سعيد يتجدمنا : عيل يلا طوفن ...

دشينا كذاا محل اندور شي يناسب ندوي بس ما كنا مقتنعات بشيء ...
سعيد طفران : انا بروح اشرب لي القهوه يوم بتخلصن خبروني ..

حصه : بروح معاك...
زخ ايدها : و من قال بخليج مع ها الخبلات ..

بدور : الله يسامحك ..
شيخاني : كلك زووق من زينها حرمتك..

حصه : ويه بسم الله بتاكلوني ..

حمودي: بابا ما بروح معاكم ...بتم مع تيخه .
شيخاني : فديت روحك .. و الله ..
سعيد: احسن تم مع البنيات .. يلا حصانـي ..

ظهروا سعيد و حصه و تمينا نحن البنات ...قعدنا انلف كذاا محل اخر شي ..اتفجنا انا و شيخاني نشتري عقد ذهب و و موزي و بدور اشتروا لهااا علبة مكيااج و غير العطور من باريس غاليري ...

حمودي كان ايييييييييير عبايت شيخاني و يصرخ: وديني عند باباا..
شيخاني اتيير عبايتها : فج عني اشتغل عندك طوف ..

حمودي يصيح بصوت عااااااااالي : ابا بااااااااابااااااا
شيخاني : اووووووووووووووووووووو ف ..

بدور: توه فديت روحك و الحينه طفرانه منه..

شيخاني : حمودي طوف عند خالتك بتوديك عند امك ..

بدور : اووه ما يخصني ما اقدر المطااعم باخر الدنيا و بعدين خذيه انتي خلصتوا اغراضكم انا و موزي بعدناا ..

شليت حمودي لانه قعد ع الارض و يصيح فضحنا فقلته : خلاص انا بووديك لا اتصيح فضحتنا ..
موزي : بيي معاج ..عفانا الله من بدور و شيخاني .

بدور: محد قاله يتم و الله ..
قلت موزي : انزين اتصلي بـ حصه جوفيها وين ..

عقب ما اتصلت موزي ابـ حصه طلعنا انا و موزي من باريس غاليري .. رايحات صوب سعيد و حصة ..
حمودي قعد يرافس نزليني بلووح بلووحي ..نزلته ابسرعه و انا احس ظهري بنهد ..

موزي : علشان جي ما احب اطلع و حمودي ويانا ..
راقبت حمودي يسبقنا و يركض مستانس ابتسمت : حرام عليج موزي ...باجر بتييبين عيال و بسون فيج نفس الشيء ..

موزي : و الله لا جتلهم ..

ضحكت من الخاطر ع تعليق موزي ههههههههههههههههههه

مدري ليش تذكرت ان راشد قال بيمر بيتنا بسلم ع امايه ..خفت لا يمر و نحن مب موجودات ...بس قال بتصل فيني ...رن موبايل موزي فردت ابسرعه حسيت الروح اترد لي و انا اسمع موزي تنطق باسم راااشـد ..

سكت اسمع سوالفهم ..و بالمره كنت اراقب حمودي الي سابقنا و كان يلعب ..مستانس ...
موزي: اقولك سعيد ماخذنااااااااا

ابتسمت بداخلي هذا هو طبع راشد ..صخت بي الدنيا و انا اسمع موزي اتقوله : نشتري هديه حق خطيبتك ..؟؟حطيت ايدي ع قلبي و جني احميه من شي جايد ممكن يصيبه .

.كملت موزي : يعني انت تدري نحن ظاهرات علشان نشتري هديه حق ندوي ...

حسيت بالضيج و نفس الوقت بالصدمه يووم قالت : دام انك معطي امايه بيزاااااااااااات علشان نشتري الهديه حق شو تسأل عليك حركااااااااااااات ابصراحه ..

كانت المفاجاه لي مثل الصدمه ..يعني هدية بدور و موزي من بيزات راشد ليش ليش يقول انا ما عندي ليش يقص علي ليش البارحه ما طرا لي هالشيء ...رديت لعالمي يوم ضربتني موزي ع جتفي و كانت بعدها اترمس راشد : لحقي شوق جوفي حمودي ..شو يسوي ..؟؟

انتبهت ع حمودي الي كانت صرخته خرقت اذوني التفت ابخوف صوب حمودي ناسيه كل افكاري و ضيجي من خووفي عليه ...

جفته قاعد يصرخ يبا ياخذ ايس كريم طفله من عمره شهقت و رحت صوبه ابسرعه
حمودي : عموووه ابا ايس كريم..

حسيت ويهي يحترق جدام العالم و حسبي الله عليكم يا سعيد و حصه خليتوا لنا حمودي الفضيحه ..
قلته و انا اصك ع اسناني من الفضيحه: تعال حبيبي بشتري لك ايس كريم ..

حمودي ماشي يحاول ياخذ الايس كريم من البنيه ..

و البنت اتصارخ : باباااااااااااااا بابااااااااااااااا يبا ياخذ ايس كريمي هالولد ...

شليت حمود ابسرعه فقعد يرافس زعلان و بالمره يير غشوتي عاد حسيت ان ويهي هذيج اللحظه صار شرات سيارة الاسعاف مصبوخ باللون الاحمر ..

قلته طفرانه : حمودي حبيبي خلاص بشتري لك واحد كبيييييييييييييييييييير ...

حمودي : ماله ما حلو صح ..
ابتسمت و انا اعدل شيلتي : هي ما حلو ايس كريمك احلى ..

سمعت صوت البنت الصغنونه : ايس كريمي حلوووووووووووو

ابتسمت اطالعها علشان اراضيها بس ذبلت الابتسامه من شفايفي و انا اطااالع ابوها كان شايلنها من وين طلع ..؟؟ ما انتبهت له ...؟؟

ما عرفت شو اقول.. و غابت كل كلمه كان بنطقهاا لساني .. ..حسيت بالارتباك ابحياتي ما حسيت به ...ضعت بين نظرات هالغريب ما كنت اسمع كلام حمودي ولا كلام البنت الصغيرونه و هم يتضاربون ..كنت ادور شي في ملامح هالغريب بس شو ها ما اعرفه ...

حسيت اني انش من حلم و انا اسمع موزي بصوت مرتبك : شحالك بو مهراا ..
مدري اي رعشه حس فيها جسمي و انا اسمع صوته العميق و نظراته علي .. : ابخير مب جنه هالشقي ولد سعيد...؟؟؟

حمودي رد بسرعه: سعيد بابا مالي مو مالك "ورجع يكلم مهرا" بابا مالج مب حلوو

كنت بضحك ع تعليق حمودي العدواني ...بس هذيج اللحظه كنت حاسه اني مب مستوعبه شي حطيت حمودي ابسرعه ع الارض و ركضت صوب الحمام الجريب منا .

.ما سمعت موزي شو اترد عليه ...دشيت الحماام و اندسيت بزاويه الحمام و انا احاول اهدي نفسي ...ليش ليش جي احس ..؟؟ شو بلاني ..؟؟ لها الدرجه الموقف يحرج ..؟؟ علشان جي انا احس مرتبكه اكيد اكيد ...

وقفت ابسرعه يوم سمعت صوت الحمام يتببطل ..يلست اغسل ايدي وويهي ...

موزي : شو بلاج ...؟؟

حاولت اخلي نبرة صوتي عاديه : حمودي فضحني يير غشوتي جدام العالم..

موزي : اجوف ويهج محمر و حالتج حاله ههههههههههههههه

حاولت اغير الموضوع قعدت ادور : وين حمودي ..؟؟
موزي: خليته برع ...

شهقت بس ضحكت علي و قالت : هههههههههههه لا اتخافين سعيد كان يسمع صريخ حمودي ..
سالتها: يعني حمودي مع سعيد و حصه ..؟؟

ردت : لا حصه بالمطاعم تتريانا يلا انروح ع فكره ها ذياب خال ندوي ما عرفتيه..
ردت صورته في بالي : و الله !!..

موزي : جي ما سمعتيني اسلم عليه و اقوله بو مهراا ..

حاولت اتذكر : صح صح مهراا و انا اقول شكلها مب غريب علي .. جفت صورتها عند ندوي كذا مره ..بس حمودي يا ويله مني ..

موزي : ههههههههههههههه زين شغلنني راشد عن فضيحتكم ..؟؟

تذكرت راشد فنزلت راسي بالارض ها راشد ابروحه سالفه ..
موزي : شو بلاج ..؟؟ شوقاني بعدج متضايجه ..؟؟

غشيت ويهي : لا يلا انروح ...

موزي لحقتني : ترا بدور و شيخاني رايحات صوب المطاعم ..؟؟ و راشد بعد بيينا ..
طاح قلبي من مكانه راشد بيي يعني بجوفه .. ابتسمت بداخلي بكحل عيناتي بجوفت راشد ..

سالتها : هو يدري انج انتي و بدور يايين معانا ..

موزي : هي من عرف انتوا يايات قال بيي اتغدا معاكم اونه من زمان ما جاف عيال خالته عليه حركات يلا نمشي ..

طلعنا من الحمام و انا بالي في راشد فديته من عرف انا موجوده قال بيي محد يعرفه غيري .. بس ما بسامحه ع سالفه البيزات ... اكيد عرف اني عرفت انه عطى بيزات لاخواته علشان يشترون هديه حق ندوي ..

نزلت راسي بالارض و زخيت ايد موزي خايفه من المشاعر الي حسيت بها من شويه اتزورني مره ثانيه يوم طفنا عدال خال ندوي و سعيد اخوي الي كان مندمج معاه بالسوالف .. و حمودي و مهرا يلعبون جريب منهم ..

موزي : شو فيج..؟؟

قلتها : شوه ..؟


موزي : بلاج زاخه ايدي جنج بطيحين ..عيوز شو انتي ..؟؟


ضحكت ع تعليقها : هههههههههههههههه خلاص ما تبيني ازخ ايدج ابرايج ..
موزي : لا عادي اسولف ههههههههههه

جفنا حصه و بدور و شيخاني قاعدات ..ع طاوله كبيره فرحنا صوبهن ...
بدور : يلا يوعانه خلونا نطلب لنا شي ناكله .

موزي : صبري راشد بيي ..

طالعت الساعه و انا متلهفه متى بجوف راشد يالله اشكثر مشتاق لها الانسان ...
شيخاني : شو يسوي بعععععععععععععد

موزي +حصه: هههههههههههه
بدور : تدرين به ولد خالتج رزه ..

كنت بداخلي مضايجه لانهن يرمسون عن حبيبي جذاا ..بس ما كنت قادره ادافع عنه جدامهن ..ما فيني ع افكارهن بس غيرت الموضوع : حصه في البيت اجتلي حمودي من الضررب ترا انا بضربه..

حصه: ليش شو سوا ..ولدي ..
موزي : هههههههههههههههه فاتتكم انفضحت شوقاني فضيحه ..

قلتها و انا اتذكر الموقف : و الله فشلني ..

شيخاني : هههههههههه علشان جذا ما بغيت اوصله ...ادريبه بفضحني ..
حصه: حرام عليكم لا ترمسون عن ولدي جي .

شوقاني : يستاهل و الله احس ويهي يحترق يوم اتذكر السالفه ..

موزي : زين ان طلعت البنيه الي تضارب معاها بنت ذياب خال ندوي ..

قلتهن و كنت منفعله : فشييييييله بهدلني يير عني الغشوه و الريال جاف ويهي .

صخينا كلنا يوم سمعت صوت راشد وراي : منو ها الي ما يستحي جاف ويهج ...؟؟

نهاية الحلقة الثالثه

[دلوعة كويت]

جــــــم بـــاااقــي جـــــزء

[رووح الانـوثهـ]

يعطيج الف عافية عالمجهود والى الامام

[أمونه]

وااصلي حياتي

معاج

[مهرة بلا فارس]

((..الحـــــــــــلقة الرابــــــــــعة ..))

نزلت راسي بالارض متلومه و متفاجاه من وجود راشد وراي ..
حصه: ما شاء الله مسرع كانت علي و حسيت بها الف سؤال ...وصلك الخبر نحن في الستي..
رفعت راسي اطالعه و نظراته

قعد و رد ع حصه :طبعا هو انا اقدر استغنى عنكن..

بدور: اكيد ما تقدر تستغنى عنااا حتى السلام ما سلمت
موزي : ما توقعت توصل بها السرعه .

ابتساامته ذبحتني حسيت اني الروح ردت لي .بس انا للحين ما نسيت ..سالفه هدية ندوي ...
راشد: السلام عليكم .. زييييييييييييين شحالكم .. بسم الله كلتوني .. يا خي كنت جريب من صوبكم .

ردينا :: عليـكم السلام ..

شيخاني : ما شاء الله كبرت راشد ..
البنات : ههههههههههههههههه

راشد يغزها بنظرات : حتى انتي كبرتي شهر الي يجوفج يقول بنتج "و غير نبرة صوته" شو قاني ..

حصه: يالله بالستر ..
موزي +بدور = هههههههههههههه
شيخاني : اونك انت وايد اتباالغ .." و اطالع موزي و بدور " و الله عيبتكن النكته ..

نزلت نظراتي منحرجه من تعليقه .. مدري ليش احس ان راشد وايد يفضح مشاعره ..خفت الكل يحس بها الشيء ..بس للاسف محد يفهمه غيري .. شي طبيعي لانههن حاطات في بالهن انه بتزوج ندوي ..يالله اشكثر تذبحني هاي الفكره ..

حصه واقفه : بروح ايييييييب حمودي ..اكيد الحينه امفضح ابوه ..
بدور: موزي راوي راشد شو شرينااا حق ندوي ..
طالعت راشد بها اللحظه فرد لي النظرات حسيت انه ارتبك .. ع باله ما ادري انه دافع قيمة الهديه .. و موزي و بدور مب اي هديه مشترياات ..

راشد يلوح ابيده مب مهتم : عقب عقب ...شو تشربون ..؟؟

وقفت ابسرعه ابا اهرب من كل شي ..: حصه بيي معاج ..

حصه : تعالي انتي الوحيده دوم عندج ذوق ..
سمعنا شيخاني : انزين حصووووووووه تذكري كلامج زين ...

و نحن رايحات حصه: شو بلاج شوق ..؟؟
فاجاني سؤالها فهمست : ماشي ليش ..؟؟

حصه: اجوفج ساكته مب من عوايدج ..ولا بعدج متأثره من فضيحة حمودي ..

ابتسمت: جوفي اشكثر انا طيبه رغم الفضيحه بعد قلت بيي معاج ..

بصراحه بداخلي مب عارفه ليش بغيت الحق حصه ..يمكن اهرب من نظرات راشد .. او من تعليقاته ..و كانه يبا يفضح الي بينا .. او يمكن شي سبب ثاني بس صدقوا مب عارفه شو هو ...

سمعت حصه اترمس سعيد فـ الموبايل : انت اي صوب انزين ..؟؟ .................. سعيد انت ظاهر ويانا كيف تتغدا مع رفيجك ..................... ابرايك زين ..راشد اخوي معانا ......................زين يوم بتخلص اتصل فيني .......... زين زين انا شوقاني يايييات ناخذ حمودي اكيد امفضحنك ...............................و الله .. زين عيل اكله زين ما زين ..تحمل فيه ...يلا مع السلامه ..

سالت حصه مستغربه : شو السالفه ...؟؟

حصه: سعيد اخوج الخاين اونه تغدووا انتو انا بتغدا مع رفيجي ..
حسيت انه كان يقصد ذياب خال ندوي رديت اسالهاا : و حمودي ..

حصه: اسكتي حمودي متعلق في بنت ذياب رفيجه .. اونه قاعدين بلاعبونهم ..زين ريحني حمودي ..
ابتسمت : ها اليهال محد يعرف لهم ..من شويه تضارب معاها و الحينه متعلق فيهاا .
حصه: هي نفس العمر ..تذكرين تزوجنا مع بعض انا و سعيد و ذياب و حرمته الله يرحمهاا ..

نزلت راسها بالارض : اذكر يوم عرسه بس ما حضرته ..و اذكر السنه الي توفت فيها حرمته و اخوه و حرمة اخوه ...

حصه: الله يرحمهن جميعا ...بس غريب انه للحين ما تزوج ..

شوقاني : يمكن انشغل بتربيه عيال اخوه ...

حصه: محد يعلم ... شخبارها ندوي رمستيهاا ..؟؟
شوقاني : لا و الله ..ما ابا احرق المفاجاه مع انها اتصلت فيني كذا مره و ما رديت عليهااا ..

حصه: احسن .. زين ما سويتي ..."شهقت حصه و زخت ايدي" تعالي شوقاني ها المحل في بدلات روعه اكيد شي مقاسات حمودي..

رديت طفرانه: حصه ما تعبتي ...؟؟
حصه: هههههههههههههه بس شويه لفه وحده ..

قلتها:- اوكى دخلي و امرنااا لله ..
دشينا المحل الي كان جريب من المطاعم ...عاد حصه من تدش محل اتقول لفه يعني ساعه .. يلست احاوط اطالع البدلات من غير نفس و في بالي مليون فكره ..

حسيت بصدااع خفيف يمكن لان فكري شويه متشوش .. طاحت عيني ع ريال شيبه ..تذكرت ابووي طلعت موبايلي علشان اتصل بسيف اساله عن ابوي .

.تذكرت البارحه شو سوا فيني فرديت الموبايل بمكانه .. و قررت اني اخبر سعيد يتصل به عقب ..شهقت و انا احس بيد ريال ع ذراعي ..رفعت راسي اطالع ..

بطلت عيوني يوم جفت راشد واقف حذالي ... طالعت يمين و شماال خايفه من ان حصه اتجوفنا ..رديت لورا خطوه و تجدم مني الف خطوه ...

همس : ليش امبطله الغشوه ..
قلته و انا ادور حصه بنظرات : انت مينون .. شو اتسوي هني ...

رد علي معاند: شو بلاج خفتي ..؟؟

رفعت راسي اطالعه : راشد حصه هني ....

كمل كلامه : حصه بعيد عنا .. ردي علي ليش امبطله الغشوه ..تبين منوه يجوفج..
رديت ابسرعه ادافع عن نفسي : محد ...

حط عينه بعيوني حسيت برجفه بكل جسمي نظراته تاثيرها وايد علي بس راشد كان عكسي جنه يبل واقف ما يهزه ريح ...و انا شرات الطير ارتجف تحت نظراته .

سالني : جفتي ذياب ..
فاجاني سؤاله ... منوه ذياااااااااااااااااااب

زخني من ذراعي بقوة: انا بروحي سمعتج يوم قلتي انه جاف ويهج..

مدري ليش حسيت راشد مينون تميت ساكته اطالعه
كمل كلامه : شو بينج و بينه ..
شهقت : راشد منوه ذياب انا ما جد جفته الا الحينه و حتى ما كنت متاكده منوه هاه اختك موزي خبرتني ها يطلع خال ندى ..

رن موبايلي .فتم يطالع الموبايل الي كان بيدي :منوه داق لج ..؟؟
طالعت الشاشه: حصه ..

فج ذراعي مدري ليس حسيت بالضيااع يوم فج عني طالعني بنظرات ما فهمتها و روح عني ...
لحقته: راشد راشد ..

ما رد علي غاب عن نظري ...شعور الضياع اول مره احسه به نزلت راسي منو المفروض يزعل الحينه انا ولا راشد .. بس هالموقف اثبت لي شيء واحد ان راشد وايد غيور و اني انا احبه اكثر من هو يحبني .نقزت يوم سمعت حصه من راوي اتقول : ايه جي ما اتردين ع الموبايل ..؟؟

ما عرفت شو اقولها تميت اطالعها وبعيوني وايد كلام و مشاعر خفت لا تنفضحني فصديت عنها ابسرعه ..
حصه : شوقاني شو بلاج ..؟؟

حطيت ايدي ع عيناتي شو اقولج اخوج معذبني ..كنت بصيح بس حاولت و الف مره حاولت ايود عمري ..
قلتها بصوت واطي : ماشي خلصتي انروح..؟

لفتني حصه صوبها و خلتني اوايهااا : هي خلصت بس انت شو بلا ج احسبج بتصيحين ..
ابتسمت اخفف عن نفسي : بصيح من اليووع ..

حصه و كانت متشككه بصدقي : خلاص تعالي انروح صوبهم ترا راشد من شويه اتصل يسال عن مكانا و سالنا شو نبا ناكل ..

و الله يا حصه راشد ما سال عن مكانا الا علشان ايي يهزبني و يبرد حرته ..طلعنا من المحل . و انا افكر كيف بوايه راشد الحينه ...اتنهدت تنهيده أأأأأأأأأأأأألم الي في القلب في القلب محد يعلم به الا الرب ...

زختني حصه الظاهر انها سمعت تنهيدتي طالعتها فردت علي : انا شاكه في شيئين ..؟؟

حسيت قلبي طاح من مكانه يمكن حصه عرفت الي بيني و بين راشد علشان جذا ما قويت ارد ع كلامها تميت ساكتها اتريها اتكمل كلامها ..

حصه سكتت شويه و قالت : ترا سكتوتج يثبت اني انا ع صح ..
رديت ابسرعه: انتي الظاهر اليوع مأثر فيج وايد ..؟؟؟
حصه : شو قاني انتي يا إما انج بعدج متضايج من لي سواه فيج سيفاني البارحه ...أول انتي انسانه اتحبين..

طالعتها ابسرعه: احب !! مينونه انتي اتقولين هالرمسه..
حصه: هههههههههههههههه زين زين بلاج حرجتي كنت اسولف و الله ..ادريبج انتي مب من ها النوع ..اسفه شوقاني بطلي هالنظرات عني..

مالحقت ارد عليها لانا وصلنا صوب راشد و البنات و اصلا ما كان عندي رد لها ..يلست ابمكاني و حاولت اني اتجنب نظرات راشد لي ...

حصه: شو طلبتوا لنا ..؟؟
شيخاني : وجبات شراتي شو تبون بعد ...؟؟

طالعت شيخاني احسدها لانها ماخذه راحتها اتسولف و تضحك جدام راشد عادي معتبرتنه شرات اخوها ..لكن احس اني مقيده مراقبه منه مدري شسوي ...مدري ...
موزي: شوقاني ما تاكلين ...؟؟

انتبهت لـ موزي و الكل التفت لي : لا قاعده اكل ..

راشد: اذا مب عايبنك بطلب لج شي ثاني بس انتي أمري ..
رديت ع راشد من غير ما اطالعه: لا مشكور ...

كنت حاسه انه متعمد يحرجني جدام خواته بس انا حاولت اطنشه ما عليه رشود بتفااهم معاك عقب ما ارجع البيت ...

عقب الغدا و السوالف ..نشت موزي و بدور و شيخاني .. ايييبون حمودي و مهرا صوبنا عقب ما اتصل سعيد ..لان حموي يبا امه و مهرا تعلقت فيه ...

تمينا انا و حصة و راشـد ...
حصه: اقول رشود ..متى ناوي تملج ع ندى ...؟؟
طالعته ابسرعه اجوف ملامح ويهه بس راشد كانت ملامح وييهه جامده بارده و قعد يشرب الشاي ..

حصه: شو ما تسمعني مب جنك حاشرنا ............
قاطعها راشد مع اني تمنيت ان حصه اتكمل جملتها راشد في شو حاشرنهم بس ..؟؟

راشد يقاطع حصه و يطالعني بنظرات لوم : حصه هاي السالفه خليها بنرمس عنها في البيت ..

حصه : لا و الله و شو الفرق ..
رد طالعني بنفس النظرات و كأنه يغايضني : السالفه يا حصه عائليه ..

قهرني رده و قهرني اسلوبه راشد وايد يقهرني و انا وايد اتحمله ..وقفت ابسرعه و شلت شنطتي ..
طالعت حصه: انا بروح عند قوم شيخاني و موزي ...

حصه: تعالي راشد يسولف بلاج هههههههههههه

راشد ما يسولف متعمد مرات اييني احساس انه قاعد يلعب علي .. و مرات مدري بشو احس .. و الله ...
اتصلت بـ شيخاني : نعم ..؟؟
رديت لها : انتن وين ابا ايييكن ..

شيحاني: نحن فـ عالم فتون انلاعب حمودي و مهرا ...تعالي لنا هناك ..

رحت صوب عالم فتون ..يلست ادور عليهن بس سمعت ضحكت حمودي ابصوت عالي التفت الصوب الثاني جفته راكب حصان و مستاس عليه ..

بدور: شوقاني خليتي حصه ابروحهااا ..؟؟

رديت لها : لا عندها راشد..؟؟ سعيد وينه ابا نمشى البيت تراني تعبت ...
شيخاني: يا ويلج اذا قلتيه بعدنا خلينا نستانس .

قلتها: شو ما شبعتي من الصبح نحن هنا ..
بدور: شوقاني لا اتخربينا علينا زين لقينا حفلة ندوي حجه نطلع فيها ...

خذت نفس طويل انا اتذكر ندوي و راشد و خطبتهم انا صج بليت عمري بـ راشد ...مدري شسوي مدري ..بس احبه وايد احبه ..طاحت نظرتي ع موزي و كانت تلاعب مهرا بنت ذياب ..رحت صوبهااا نزلت ع الارض ارمس مهرا سالتها: منوه هاي الحلوه ..

مهرا استحت فقالت موزي: عدال ابوها لسانها اطول عنها ..
ضحكت ع تعليق موزي: ههههههههههه بس ما شاء الله عليها جميله جوفي عيناتها خضراا

موزي: مدري طالعه ع منوه ما احيد ابوها عيونه خضرا ..

مدري ليش سالت موزي: وينه ابوها ..؟؟

موزي: عند سعيد برع ..مدري وين راحوو

عفد حمود صوبنا و زخ ايد مهرا و صرخ ابصوت عالي : هدي سديقتي مهلا
موزي شهقت: ويه ويه فضحنا ...

بدور: ايه فشلنا ها الناس قامت تطالعنا ..

ما كان عندي تعليق الا اني اضحك : هههههههههههههههههههه
شيخاني: بدور تعالي نظهر من هني لااه
بدور : يلا ..

تمينا انا و موزي و قمنا انلاعب حمودي و مهرا مرات كنت اطالع مهرا و جني اجوف ندوي جدامي ...يمكن بينهن شبه ...يا ربي كيف ابوها يعاملها ..غريبه انه ما تزوج للحين .. غريبه انه ما فكر اييب حرمه علشان اتربي له بنته ..؟؟ معقوله انه للحين يحب حرمته ...؟؟ معقوله لها الدرجه ...؟؟لدرجة انه ما تزوج عقبها ...يا سلام هالحب ولا بلاش ..؟

التفت ابسرعه صوب ما ركض حمود مستانس كان ع بالي جاف ابوه بس تفاجات انه قاعد يركض صوب راشد..استانست يوم جفت راشد ياي صوبنا ...شله راشد و قعد يلاعبه و حمود يضحك و يحكي له شو صار معاه اليوم ...

تجدم راشد مني و من موزي : يلا بنروح ...؟؟

موزي: ارتحتي شوقاني ياج الفرج بتروحين البيت ..
طالعني راشد بنظرات ما فهمتهاو قال : سعيد و حصه يتريونج صوب المطاعم ..

موزي : و انا !!
راشد : انا بوصلج انتي و بدور..يلا
حمودي: خالي لاعبني لعبه وحده بس

راشد: بسك انته ما تشبع لعبان..

التفنا كلنا لصوب مهرا يوم صرخت : بابا بابا

نزلت موزي مهرا الي ربعت صوب ابوها ...طالعت راشد جفته يطالعني و يرد يطالع ذياب ..مينون راشد اذا فكر اني بيني و بين ذياب شيء..

موزي: هذي بنتك اظن الامانه وصلتك..

استغربت من جرأت موزي كيف اترمس ذياب جي عادي...حتى جدام راشد يمكن صدقت بدور يوم قالت حاطه عينها عليه ...

ذياب: مشكوره موزي اشحالج راشد ..
راشد يرد و يوقف عدالي: ابخير اعلومك...

مدري حسيت برنه غريبه بصوت راشد يمكن لاه غيران مني رشود لو يحرج مني بس يموت فيني و يحبني ونسني ها الشيء ...
حمودي: خالوه مودي ابا الوح الحمام ..

موزي: و انته ما عندك غير مودي... تعال يلا بوديك قبل ما انروح البيت ..

تجدمت الحق موزي بس راشد زخني من ايدي بطلت عيناتي مصدومه ..رفعت راسي اطالعه ابتسم لي...موزي ما انتبهت للموقف لانها راحت مع حمودي..بس ذياب تم واقف يطالعنا ..حسيت بالاحراج من حركت راشد..

و زاد غيضي لما جفت راشد يطالع ذياب و يبتسم له كأنه يقول له "هذي ملكي انا و بس" مدري ليش حركته غايضتني من شويه كان زعلان و الحينه اونه راضي بس علشان انانيته ...

ع الرغم من الربكه الي كنت احس فيها الا اني ييرت ايدي من حضن ايد راشد بعصبيه و اظن ان ذياب انتبه لها الشيء ...و لحقت موزي..و انا في بالي افكار تضارب كيف كيف ..؟؟ كيف..؟راشد يسوي جي جدام الغريب .. و ها مب اي غريب خال خطيبته بنظر العالم ...

هااااااااااااا الحينه عرفت ليش جي سوا راشد هالحركه بس علشان يثبت لـ ذياب انه ما يباا ندى فديتك راشد سمحلي ما فهمت قصدك حبيبي...حضنت ايدي و رصيتها صوب صدري و انا ادعي بسري ان راشد ما يزعل مني...كنت برجع له بس حسيت ان حركتي بتكون مب حلوه ...عقب ما خلصنا من الحمام و حشرة حموي... رجعنا البيت .. و ما طاح عيني ع راشد ..طرشت له مسج " انا اسفه لاني عصبت عليك بس اكتشفت اني اموت عليك أكثر من اي يوم مضى .."

بس راشد ما رد علي ... وصلنا حسيت بتعب فضيع .. بس راحت كل ذرة تعب يوم جفت باباتية يالس في الحوي و يشرب شاي و كانت اماية قاعده معاه ..


ركضنا انا و شيخاني نتسابق لحضنه ..
حرجت علينا امايه : اشويه شويه ع ابوكم ..

استغربت من عصبيه امايه المبالغة يلست ابوسه و اقوله: اشتقت لك باباتيه حبيبي فديت روحك و الله ...
شيخاني: اشتقت لك ...باباتيه

امايه: بس وخروا عنه ..

ابتعدنا و سلم سعيد و حصه ع باباتيه و حمودي يلس ع حضنه يخبره شو صار لنا بالمنار ..
شيخاني: ماماتيه شو فيج غيرانه من باباتيه ..

الكل عدا ماماتيه: ههههههههههههههههههه

سالتها: شو فيج ماماتيه ..؟
ردت محرجه: ابوك ياي من خط تعبان ...

سعيد: امايه وينه سيفاني ابا ارمسه شو صار ف المستشفى ...؟؟
امايه: اخوك ظهر ويا ربعه ..

يلست عدال ابوي و لويت عليه: باباتيه انته ابخير .. " و حطيت ايدي ع صدره"
ابتسم لي ابتسامه و هز راسه جنه فهم شو كنت اقوله ...

سعيد : زين ما قال شيء..؟؟
امايه: يقول مثل كل مره مدري و الله يمه ...

سعيد: زين انا بظهر و بالمره بتصل به بجوف شو الاخبار

حصه: حياتي عقب المغرب بروح بيت ابوي..

سعيد: مب مشكله ..اذا تاخرت خلي سيف ياخذ عندي شغل ..
حصه :يصير خير

حمودي يصيح متعلق فـ ابوه: بابا بروح معاك بابا ..
زخته حصه و قعد يصيح يرافس .

شيخاني: توك ياي من برع ما تشبع من الهياته انته ..
حمودي يصيح حاشر البقعه ..شلته امايه اتسكته ...فكرت اروح داخل حجرتي ارمس ندى لانها وحشتني و ما سمعت صوتها من البارحه .

.بس قبلها سالتت حصة : حصيص كيف اتقولين سعيد اتبين اتروحين بيت ابوج المغرب مب المفروض انروح بيت ندى ..؟؟

حصة : لا بنسوي الحفله فـ بيتنا ... بس بنطرشج انتي بيت نى اتييبنها بيتنا علشان ا اتشك .

عقدت حياتي : و انتن اتخططتن من غير ما اتقولن لي ..خلاص برمسها الحينه بخبرها اني بمر عليها عقب المغرب ...

شيخاني : حصيص تعالي جوفي شو البس حق حفلة ندوي ..
قلتها : البسي العنقاش الي حشرتيني فيه البارحه ..

حصه و امايه: هههههههههههههههههههههه

شلت نعالها علشان اتفرني فيه بس انا ضحكت عليها و ربعت حجرتي ...من دشيت حجرتي دخلت الحمام اتغسلت و ع طول فريت روحي ع الشبريه ارتااااااااااااااااح ..طالعه من الصبح ما رديت غير العصر .تعب غير اني بروح بيت ندى ...اووووووووووه نسيت اتصل بها ....

شلت الموبايل و قبل ما اتصل لمحت مسج فتحته ابسرعه و انا كنت حاسه انه من راشد .بلعت ريجي ابصعوبه يوم قريت المسج" ما يخصج فيني من اليوم" ...

ابسرعه اتصلت به .ما رد علي حسيت دموعي انسابت ع خدي من دون مقدمات ..ها بس من كثر غلاتك يا راشد..
كتبت له مسج" رد علي و قبل ما اكمل كلمة ضروري رن موبايلي و كان المتصل"روحي تحبك" رديت و انا مرتبكه قلته عطول: انا اسفه حبيبي .. و الله اسفه..

راشد: يعني كنتي تدرين انج غلطانه بحقي ..

يلست عالارض و كنت خايفه ان راشد يودرني: هي انا غلطانه فهمتك غلط ما كنت اعرف ان لمستك لي جدام خال ندى الا بس علشان تثبت له انك ما تبى ندى ..

راشد..................................."ماشي رد"

قلته و انا اتريا بلهفه رده: صح انا ما فهمت قصدك فـ البدايه بس و الله و الله ما كان قصدي اني احرجك ..جدامه..

راشد: زين خلاص ..
قلته بيأس و قلبي يتقطع..: خلاص شوووووووو ...؟؟

راشد همس : خلاص سامحتج انا ما اقدر استغنى عنج..
صحت من الوناسه و الراحه الي حسيت بها: و انا بعد ميته بك و الله يا راشد اموت بك لا اتودرني قول انك تباني قول..؟

استغربت من ضحكته: هههههههههه اباج شوقاني ابااج ...بتيين بيتنا اليوم صح...؟
رديت ابسرعه: هي ..بييي بتكون هناك..؟؟

راشد: هي اذا انتي بتكونين هناك..
قلته بشوق: بجوفك راشد..
راشد: بسوي لج تلفون ابا اجوفج ..لام ضروري ..

قلته و انا ميته من الوله شو يبا فيني راشد: ان شاء الله حبيبي ... بتريا اتصالك..
ياني خط ثاني و كانت المتصله ندى ...

راشد: منوه عندج ع الخط..؟؟
قلته : هذي ندى ..
راشد: ردي عليها ... بتصل بج علشان اجوفج زين ..؟؟

ابتسمت يوم حسيت بنبرة صوته اوامر: من عيوني ...؟؟بحفظ الله حياتي ..
ريت ع ندى ابسرعه: توني كنت بسوي لج بس ياني اتصال من ................"انتبهت اني كنت بغلط باسم راشد فسكت "
ندى : من منوه ...؟؟

ضحكت اغطى ع ربكتي : من ربيعتي ..؟؟

ندى: منو ه ..؟؟ ربيعتج ما اعرفها !!

رديت ع فضول ندى: لا ما تعرفينها وحده من النت المهم شخبارج..؟؟
ندى : ابخير ..بس تحملي من علاقات الت ..
ابتسمت لها: طبعا ندوي ...شخبارج اليوم..؟؟

ندى: ابخير وينج البارحه صكرتي التلفون بويهي..
قلتها: السموحه منج و الله اليوم ناوي اخطف عندج ...ابا اخبرج شو ار لي امس ..عندج وقت ولا بظهرين .؟؟

ندى : لا افا عليج ...حياج الله .. تعالي تعشي عندي ..؟؟

كنت افكر برد اقنع فيه ندى اتيي معاي بيت خالوه حليمة ...فقلتها: لا خالوه حليمه عازمتنا ع العشى شو رايج انتي اتيين معاي عقب ما اظهر من بيتكم ..

ندى: بجوف خالي جان بيرضى ..؟؟
تذكرت خال ندى و موجة الاحاسيس الي حسيت فيها من جفته: زين المهم بعد صلاة المغرب بمر عليج...

ندى : حياج الله .خلاص بجوف اخواني الحينه..
شوقاني: ابرايج الله يحفظج ..

انسدحت ع الشبريه اطالع السقف و اسرح بافكاري .. لو ندى عرفت اني ع علاقه ما خطيبها شو بتسوي ..؟؟ لو بس درت ان راشد ما يباها و يباني شو بتسوي ..؟؟ ليش مرات احس راشد يبا يهدني و ما يحبني ... و مرات متمسك فيني ...بالمره ..؟؟ احيانا احس مشاعري تختلف عن مشاعره موليه ...؟؟

و ليش راشد يغار من ذياب ..؟؟ انا كل الي اذكره ان علاقته بـ ذياب كانت طيبه ..؟الا كانوا وايد ربع ..بس الحينة يوم جفت راشد يزخ ايدي و يطالع ذياب بنظرات ..عرفت شي بينهم ...بس لازم اسال راشد عن علاقته بـ ذياب ...

تروعت يوم تبطل باب حجرتي و كانت امايه ..
امايه: رقدتي شوق ..؟؟
يلست ع الشبريه: لا فديتج بغيتي شي ...؟؟

امايه: ماشي عبالي رقدتي كنت بقولج نشي اذن المغرب ..

نشيت ابسرعه رايحه الحمام: مسرع الوقت يمر ابا اصلي و اروح حق ندوي ...
امايه: زين عن اتشيلين باب الحمام بس ..

ضحكت ع تعليق امايه..: ههههههههههههههههههههه
امايه: ابسرعه صلي و روحي اخوج سيف داخل ..
طالعت امايه بنظرات : ينجلع ...

و صكرت باب الحمام قبل ما اسمع رد امايه قصوري بعد ..بعد الي سواه البارحه يبوني بعد احاتيه ..عقب ما خلصت صلاتي ...فجيت الكبت ادور شي البسه ... و ابا اتعدل عاد راشد بجوفني ..اباه يحس اني غير عن الي جافها في المنار اليوم الظهر ..

ضحكت و انا احط ميكاب خفيف ع ويهي ما اتوب ههههههههههه بع الي سواه فيني سيف بعد احط ميكاب خليه يولي ...علشان عيون راشد يهون الف عيون ...لبست عبايتي و شيلتي ..و شلت شنطتي بوقت ما دشت حصه : ها بتروحين حق ندوي ..؟؟

رديت : هي بس منوه بياخذني ..؟؟
حصه: سعيد ياه من برع ... بوصلني انا شيخاني بيت امايه و انتي بنززلج بيت ندى ..عقب جوفي منوه بييبج بيتنا ...كلمتيها انتي ..

رديت عليها : هي كلمتها ..قالت بتجوف خالها جان بيخليها اتروح بيتكم..
حصه و هي طالعه: غصبن عنه بيطيع بيت عمها مب غريب عنها ...يلا يبي هديتج لا تنسينها ...

شليت هديتي و حطيتها بسيارة سعيد ...
سعيد: افففففففففف ع منكر الحريم ...هذي اخر مره اتسون هالعلوم
الكل: هههههههههههههه

حصه: ان شاء الله ...

شيخاني: شوقاني سيف جافج..؟؟

طالعتها بنظرات: لاع .. حتى لو جافني ما يروم يبطل حلجه جدام سعيد اخوي ..
شيخاني: اتصدقين كنت متكشخه يوم جفته طالعني بنظرات ربعت الحمام غسلت ويهي ..

الكل: هههههههههههههههههههههه

سعيد: تعالي مره ثانيه خذي مني ورقة تصريح ..راويه له..
الكل: ههههههههههههه

حصة: الله يعين حرمته ..

سعيد: منوه بدور اختج...

شوقاني: بسم الله عليها انا برفض ..

وصلت بيت ندوي ..خليت هديتي عند قوم حصة و شيخاني ..تحرك سعيد اخوي لانه جاف باب البيت امبطل ..فأمن اني بدش و غير اني متعوده ايي هني ...جفت سيارتين صافطه عدال باب البيت رحت صوب السياره الجريبه مني ..

بطلت غشوتي ابتسمت راضية عن شكلي ..يوم جفت صورتي العاكسه لي ..عدلت شلتي ابسرعه و تغشيت .. خطفت السياره الاولى ..

و جريب اوصل عند الباب ما حسيت بعمري الا و انا منسدحه عالارض ....حسيت بويع فضيع ..عمري ما حسيت به بحياتي ...عضيت ع شفااتي ..كنت بوقف بس ما رمت ...

حسيت ان ركبتي تورمت و اتشنجت كل امراض الدنيا صابت ركبتي ...حاولت اوقف ساندت ايدي بالسياره الواقفه عدالي و انا مب مستوعبه ليش طحت عالارض .

..التفت الصوب الثاني اجوف شو السالفه ...حطيت ايدي ع حلجي امنع صرخه كانت بتظهر من حللجي من الصدمه الي كانت شرات البرق صابت ويهي ...

يتبع ...............

[مهرة بلا فارس]

جيت أداوم نظرة اعيونك .... ما حسبت أن الثمن غالي
واقصرت الأنظار من دونك .... شفت ف عيونك شقا حالي

الحلـــــــــــــــقة الخــــــــــــــامسة ...


علقت عيوني بعيون ذياب ما استوعبت للحظه انه هو ما كان منتبه لي و انا خاطفه عدال باب سيارته فتح الباب علي فطحت عالارض ..علقت عيوني بعيونه ...

نسيت الويع للحظه و نسيت الدنيا بعد للحظه ليش هالانسان يسوي بي كل ها اليوم بس مرتين ..هاجت بي هالمشاعر الغريبة و من نفس الشخص .هل هو خوف من هالرجل او هيبته اتسوي فيني جذا ... و اتسوي باي بنت شراتي ..؟؟؟ ...ما انتبهت لعمري الا يوم سمعت صوت مهرا تضحك علي يوم طحت : هههههههههههههههههههههههههههههههههه بابا طاحت

اتغشيت ابسرعه و كتمت صرخة ألم يوم لفيت الصوب الثاني ...

سمعت صوته الي هزت ابكل ذره تنبض فيني : انا اسـف ما جفتج..

كنت برد عليه اقوله ما صار شي مع اني اتقطع من الويع بس ما رمت اتكلم حسيت لساني انربطت ..
ذياب:شو تعورتي انا اسف و الله ..

حسيت من صوته انه يكتم ضحكته..نفضت ايدي من الغبار و رحت داخل ...ادور مكان اندس فيه اغطي احراجي ..و النار الي شبت فـ ايدي ...

سمعت مهرا اتقوله : بابا ليش ما تتكلم ..
ما سمعت رده لاني دخلت خلاص داخل الصالة ..وقفت و قلت بصوت واطي : ندى ...ندى ...

طلعت ندى من حجرتها و ربعت صوبي : شو بلاج شوقاني ..
جافتني انفض ايدي و عبايتي ...

طالعتها و انا محتاره اضحك ولا اصيح: خالج كفخني اباب سيارته ...خرب كشختي..

يت ندي صوبي و لوت علي..يوم جافت حالتي جذا: تعورتي شي صابج..؟؟
عاد هني ما تحملت يوم تذكرت اني بجوف راشد جان اصيح

شهقت ندى و قالت: شوقاني شو يعورج..خالج عورج؟؟

ويرتني داخل حجرتها..يلست عالشبريتها و قعدت امسح دموعي..يلست حذالي و زخت ايدي : انا اسفه ..
ابتسمت و دموعي بعدها بعيوني: لا عادي الموقف يضحك بس انا تضايجت لان كشختي اختربت ...

ندى: هههههههه ما يهمج عندي ميكاب عدلي كشختج ...بس ما احيدج من النوع الي يكشخ و يهتم ...
ما عرفت شو اقولها ... ما تدرى اني كاشخه علشان رشودي ...زين

إن دقت باب حجرتها خلت ندى ما تتريا ردي ..

ندى : ها اكيد خالي ...شوقاني هناك الحمام ..جان تبين تستخدمينه ...

راقبت ندى و هي طالعه من الحجرة مدري ليش تمنيت اعرف شو بيقول خالها عني ...طردت هالافكار السخيفه من بالي ... المفروض موليه ما اطري خالها و لا افكر فيه ..علشان ما احس اني اخون راشد ... و خاصة انه يغار وايد منه ... مع اني ما اجوف اسباب ...اتخليه يغار ....رحت حمام ندى غسلت ويهي .. و غسلت ايدي ...رتبت نفسي ... و ظهرت لقيت ندى يالسه ع الكرسي ...

طالعتها : مشكوره

ندى: خالي وايد متلوم ..
قعدت حذالها انشف ايدي بالكلينكس : صح واايد متلوم عبالج ما انتبهت له يوم كان كاتم ضحكته ...كان يبا يضحك علي ..صح..

ندى: هههههههههههههه ابصراحه هي ضحك وايد بس اخرتها اتلوم منج..

صديت الصوب الثاني: زين يوم حس ...
ندى: و الله حرام عليج ...خالي وايد متلوم بس مهرووووووووو اتضحكه ..

طالعتها : صح صح مهروو اتضحكه .. و انا الي يايه اشتكي لج شو صار معاي البارحه ..ياه خالج زادني ..
ندى: هههههههههههههه ...

وقفت اطالع الساعه: ايه لازم انروح بيت خالوه حليمه ...

ندى واقفه مصدومه: شو ما كملتي ربع ساعه من ييتي ...

قلتها و انا رايحه صوب التسريحة: تدرين لازم ما اتاخر الدنيا ظلمت و سيفااني ما بيرحمني جان عرف ..
ندى: شخباره سيف ..؟

طالعتها لان سؤالها فاجأني : بخير ليش تسالين عنه ..؟؟

هزت جتفها مب مهتمة : لانج من زمان ما طريتيه لي ..
طالعتها بنظرات فردت علي ابسرعه: ايه لا تفهميني غلط انتي نسيتي اني محجوزه حق راشد ولد عمي ..

مدري ليش حسيت بالغيض يوم جي قالت لي راشد لي انا و بس .. محد له خص برشود ...

قلتها عقب ما خذت نفس طويل : زين روحي خبري خالج انا بنروح بيت عمج روحي ...

ندى : خبرته ..من زمان ترا هو بوصلنا ..
طالعتها و انا فاجه حلجي تبين راشد يذبحني اذا درى ..فقلتها : هاه .

ندى : شو هاه ..عيل منوه بياخذنا..صكري حلجج شو بلاج هههههههه
فريت الكلوس الي كان بيدي و عدلت شيلتي و رحت صوب موبايلي : صبري بتصل لـ سعيد ايي ياخذنا ..

زخت ندى موبايلي : لا لا خالي ما بيرضى اركب مع اخوج ...

حطيت ايدي ع خصري: خالج ترا وايد معقد ...؟؟
هزت جتفها ندى : ما كان جذااا ..و الله ..

طالعتها: اخواانج وينهم ...؟؟
ردت: بيت خالوه العوده ...يلا بلبس عبايتي و شيلتي .

طالعتها مستغربه: انتي بتروحين جذا ..
طالعت عمرها: شو بلاني ..

ما تدري ندى ان اليوم حفلتها فقلتها: البسي شي حلو .. حطي ع الاقل كحل او كلوس ..
اشرت بيدها مب مهتمة : ما احب هالسوالف "فجت باب حجرتها" بروح اجوف خالي ...علشان يوصلنااا

مدري ليش حسيت بضيجة حسيت اني خنوقه و صدري ضايج...و بالنفس الوقت يتني صيحة ..من شو ما اعرف و الله ... يلست ع الكنبه ...اطالع الساعه ...متى بنروح بيت خالوه ..ابا اجوف راشد...ابا هالانسان اباه ..وقفت ابسرعه و كاني خايفه من ندى اتعرف فشو قاعده افكـر ..

ندى: يلا انروح..

بلعت ريجي و انا احس برجفه صابتني: تدرين ان سيفاني بذبحني لو عرف ان خالج اموصلني بيت خالوه ..؟؟

ندى اتيير ايدي : و من وين بعرف و بعدين انا معاج مب ابروحج ...يلا تغشي ...
حاولت اهدي نفسي و انا كارتنهااا ..: زين ..

زخيت ايد ندى طالعتني : بلاج .؟؟
قلتها بصوت واطي: علشان خالج ما يكفخنى مره ثانيه بالباب ... و اذا كفخني بتكونين انتي معاي ..

ندى: ههههههههههههه مستحيل خالي يغلط مرتين ..

همست: عدال ..

ندى: هههههههههههه

فتحت باب السياره ..حسيت بخوف فضيع .. و خاصه يوم هدتني ندى و يلست جدام خالها ...الحينه بس تذكرت اني ما سالت ندى شو قالها خالهااا ...بس ابرايه فـ وايد اسئله لازم اسالها حق ندوي ...فجيت شنطتي و طرشت مسج حق حصة" انا و ندى ياياات بيتكم"

عفدت علي مهرا و يلست فوقي حسيت بالاحراج
مهرا: اجوف شو داخل شنطتث..

ندى: مهرو تعالي هني ..تعالي يلسي فوقي ..
مهرا معانده: ما ابا ..ابا صديقتي ..

ندى اونها تهدد مهراا: خالي جوف مهرا..
تمنيت اسمع صوته مره ثانيه بس ذياب : ............................................."ماشي رد امطنش""

مهرا: انتي شو اثمث

بلعت ريجي ارد ولا لاء ...
مهرا تنقز فوقي :شو اثمث...
ساسرتها بأذونها : شوق

قالت مهرا بصوت عالي : بابا اثمها ثوق ..طاحت قبل ههههههههههههههه

حسيت بالاحراج..ندىاتحاول اتتير مهرا من فوقي: تعالي تعالي هالصوب ..
مهرا اتصارخ ما تبا ندى و حضنتتني علشان ما اتروم اتييرها صوبها..

فاضطريت اقول ندى : خليها خلاص ...

مدري كيف رمست بس لاني حسيت اني مهرا بتخنقني و غير خفت بعد لا اتخرب كشختي ...ترا اليوم ناويين عليه هي و ابوها
ندى: خالي جوف بنتك ..لعوزت البنيه..

حسيت برجفه و انا اسمع صوته العميق: مهرا تعالي هني ...
غريبه ان مهرا ما عاندت شرات ما يسوي حمود بالعكس ع طول فجت عني و ربعت صوب ندى ...عدلت غشوتي

و تنفست ابراحه ...بس ما بحس بالراحه و الامان الا عقب ما اوصل بيت خالوه حليمة ..يلست مهرا اتغني صوت عالي و تلعب و تتنقز بالسياره ...حسيت انها شغلتني شويه بافكاري الغبية ...ما صدقت يوم ندى قالت ..
خالي يوم بخلص بتصل بك ...

عرفت انا وصلنا ..مدري شو الي خلاني اطالع جامة السياره كتمت شهقه من المفاجاه لاني جفت ذياب بعد يطالعني ...فجيت باب السياره ابسرعه و نزلت .. و جني اهرب من شيء ....ما اترييت ندى .. عطول دشيت بيت خالوه حليمة ..و تميت واقفه ندى داخل ...شويه وصلتني ند ى..

سالتها: وين مهرا ..؟؟
ندى: تعلقت في ابوهاا اظن الحينه بياخذه بيت خالوه العوده ...عند اخواني ..."طالعتني "تدرين ..
سالتها ابسرعه عبالي شي عن خالها: شوه

ندى: مدري احسج مب طبيعية شي صابنج ..؟؟ ولا الضربه بعدها متأثره ..؟؟

يريتها من ايدها: لا ما فيني شي ...يلا تعالي اندش داخل ...
لحقتني ندى ..و هي مستغربه من تصرفاتي .. طنشتها ...

فجيت باب الصاله ابكبره و قلتها : احم احم دشي بريولج اليمين..^_^

طالعتني ندى مستغربه ..وايقت قبل لا ادش: الصاله فاضية ..ما فيها حد..!!

هزيت راسي اوافقها: ادري بس دشي ...لانج من زمان ما دشيتي بيت عمج الا هو بيت خاالوه ..
ابتسمت لي ندى ابكل براءه و دشت ... زخيتها من من ذراعها قالت لي و هي تضحك ع حركاتي: صدقيني لازم اتروحين المستشفى اتشيكين ع روحج من الضربه ..

و قبل ما افج باب حجرة بدور و موزي قلتها : زين زين ما يهمج ..بروح ...بس شو رايج بها..

و فجيت الباب الحجرة ..حطت ايدها ع حلجها و قبل ما اتعبر عن اي كلمه سبقتها دموعها و لوت علي اتصيح من المفاجاه ..

بدور: زين دشي عقب صيحي ...

ضحكت و لويت عليها: ندوووه لا اتخربين علينا حفلتنا .

طالعتني و هي تمسح دمعتها : عياره ...

الكل: هههههههههههههههه

دشت و ذكرتها: بريولج اليمين ...
ضحكت ندى .. و اول من استقبلها خالوه حليمه تم تباوسها و اتبارك لها بتخرجهااا ...عقب لحقتها حصه و موزي و بدور و شيخاني ...حسيت ابعمري الكل نساني ..بس ها ما همني يوم جفت الوناسه بعيون ندى ..

ندى و هي تستقبل هدايانا : و الله و الله فاجاتوني ابد ما توقعت " و طالعتي بنظرات خلتني ابتسم لها"
خالوه حليمة : حرمة ولدي الوحيد جي ما بنحتفل بتخرجج افا عليج ...يمه ..

حسيت بضيجة من كلام خالوه بس للاسف هالواقع بنظر الكل الا انا و راشد ..تنهدت ..كنت بطرش مسج لـ راشد اخبره اني موجوده في بيتهم ...بس تعليق بدور يوم

قالت: فديت خطيبة اخوي يا ربي ما بقى شي و تملجون .. عقبها بترقين فـ بيتنا ..

رصيت ع موبايلي من غير ما احس ,..طالعت ندى و اونها مستحية ..خذت نفس طويل ...يلست اتامل وحده وحده .. الكل حولي ندى .. ندى لو خسرت امها و ابوها بس ابد ما ظلت وحيده ة انا لي عايشه وسط اهلي و ناسي احس بالوحده و الفراغ بس من دون اشد ...راشد مالي علي حياتي ...بس وينه .. وينه ..

يرت حصه ندى و يلستها حذالها : تعالي ندى سولفي لنا عن اخبارج وينج موليه ما تنجافين ...

موزي: قمنا انجوف خالج اكثر عنج ..

بدور بنظرات استفزازيه حق موزي: ها من ورانا ...ندوي ترا موزي حاطه عينها ع خالج ذيبووه..

شيخاني: هههههههههههههه شرات ما انتي محطيه عيونج ع احم احم ..

خالوه حليمه: و الله انكن مسودات ويه ..

موزي: امايه قولي حق بنتج اتلم ثمها ..
ندى: خلاص دام موزي تبا خالي ما عندي مانع بنشاور خالي شو رايج..

حصه: خبله اتسوينها ..

شيخاني: خلاص عيل و انا بعد بشاور سيفاني..و برد لكم خبر جان ما حصلت كفخه و كم بكس منه ..

الكل : ههههههههههههه

خالوه حليمه : شحالهم خوانج يمه ندى ..
ندى: ابخير عموه ..

خذت نفس طويل حسيت اني مالي وجود انا اصلا مالي مكان هني...غمضت اعيوني بقوه امنع دمعه كانت بتنزل ... كلامهم يقهرني ما اتحمله خطيبة ولدي و حرمة اخوي بس ماشي سالفه غيرهاا.. طلعت من الحجرة محد انتبه لي ...كل وحده طايحه بسالفه ...

طلعت من الصاله و رحت الحوي اتمشى فيه .. و انا ميته ...بداخلي احس بنار تحرقني...ليش يا ربي .هل فعلا انا غلطت يوم قبلت بعلاقتي براشد ..

بس راشد ما يبا ندى يباني و انا ابااه ...

نقزت لورا يوم حسيت بيد ع جتفي ...التفت ابسرعه جفت حصه واقفه جريب مني طالعتها و انا ادعي ربي اني ما اصيح ..و او استسلم لمشاعري ...

سالتني: ليش انتي هني ...؟؟ ما تبين تاكلين كيكة حرمة اخوي.. معانا ..

ابتسمت و انا ادور جذبه : بلا يايه بس كنت ابا ارمس بالموبايل ..

حصه تتاملني جنها اول مره اتجوفني: زين بنترياج لا اتاخرين ..خلصي ابسرعة...

هزيت راسي بمعنى اوكي .يلست اراقب حصه لي ما دشت الصاله ...رحت صوب الزرع وويلست ع الكرسي (كيكة حرمة اخوي.).جنه محد بيعرس غير اخوها ..حطيت ايدي ع ويهي و يلست اصيح مقهوره ...شسوي ...ليش جي ...كل الي يصير ابسببي ..كل مني...

طلعت كلينكس من شنطتي مشيت دموعي و عدلت الكحل ....و كنت بوقف بس يد زخت ايدي و ردت يلستنا ...قلبي كان يقول ها راشد... و اتاكدت يوم طاحت اعيوني ع ايده الرجوليه ..رجعت يلست ع الكرسي غصبن علي و انا كاره ضعفي ...

سمعته يقولي: مب قايلنج يوم بتيين تعطيني خبر ..؟؟

تميت امنزله راسي اطالع الارض بس نيرة صوته تذبحني....غطت ويهي ابيدي و رجعت اصيح..
زخ ايدي: شو بلاج شوقاني...منوه منزعلنج..

سحبت ايدي ابسرعه من تحت ايده لاني حسيت ان الحركه ماصخه و غير ان ممكن اي حد يجوفنا ..
سألني بهدوء و نبرة صوته ذكرتني باول ايام علاقتي معاه : سيف قالج شي بعد ..

هزيت راسي بمعنى لا...سمعنا ضحكت حمودي داخل الصاله ..فوقف ابسرعه وير ايدي.. و خذي معاه و انا مستسلمه له ...

رفعت راسي يوم حسيت اني بمكان مظلم و ابروحي مع راشد رفعت راسي اطالع انا وين ...لصقت باليدار و يلست اتامل راشد...بلعت ريجي و صديت الصوب الثاني يوم تجرب مني و حط ايده ع اليدار ...

سالني بنبرة تختلف عن النبره القبليه بالمره: بلاج اتصيحين ...؟؟

صديت عنه عطيته ظهري و يلست اصيح مقهوره.

قلته و انا اصيح: انت تذبحني..
يرني خلني اوايهه: انا !! شو سويت ..؟؟

بلعت ريجي ابصعوبه مدري ليش حسيت للحظه الي اسويه غلط ..بس انا ابا هالانسان و ما ابا اخسره ..
رفعت راسي اطالع عيونه و اقوله: انت لازم اتقول لاهلك انك ما تبا ندى ...لازم اتخبرهم..

صك ع اسنانه: انتي لا تقعدين ترمسين بالقطاره شو بلاج ...؟؟ليش جي متضايجة..؟؟

بلعت ريجي و مسحت دمعتي و قلته بتحدي: اذا تباني اتم معاك خبر اهلك انك ما تبا ندى " حسيت بالغبنه و انا اقوله" ما اتحمل اسمع منهم حرمة راشد و خطيبة راشد ..."و قلته باصرار" انت لي ابروحي بس ..

تم راشد يتأمل ملامح ويهي و انا ارمسه بس هالشيء ما خل نظراتي تنزل من عيونه ...

سالني: انتي علشان جذا متضايجة ...

قلته بغيض: و هالشيء ما يضايج .

راشد و نظرته علي : قاعده تهدديني شوق...

هزيت راسي ابسرعه و قلته: لالا قاعده ادافع عن حبي لك ...مرات مرات احس انك اتقص علي .
قاطعني: انا اقص عليج..؟؟

قاطعته: عيل شو اتفسر تصرفاتك ..اتقول ما عندي بيزات علشان انعرس و عقبها اتفاجأ انك معطي خواتك جم الف علشان يشترون هدية لـ ندى ..

قلني و هويتاملني: تسلفتهم ..

قلته بعناد: لا تبرر موقفك جان تبا ..ابرايك لا تخطبني الحينه لي ما اتيمع بيزات بس خبرهم انك ما تبا ندى ..
راشد: و جان ما خبرتهم ..

طالعته بعصبيه: معناتها انت قاعد تلعب علي و ع مشاعري ..
راشد محرج: انتي بنت خالتي "سكت شويه و خذ نفس يدل ع انه امعصب و قال"
..اوكى شوق انا برييحج ..

وزخ ايدي و سحبني: الحينه كلهن متيمعات داخل و بقولهم اني ما ابا ندى و اباج...زين علشان اتصدقيني بس..و اتصدقين اني ما العب عليج..

شهقت و انا احاول اوقف ابمكاني و امنعه منه انه يتجدم : يا المينون تبا تحرج ندى ..حرام عليك شو بيكون موقفي..

وقف فجأه : تراج مب مصدقتني...
ولصقني باليدار بعصبيه و كانه يبا يقولي انتي لي و انا املكج فقلته ابسرعه : انا احبك و ما اقدر استغنى عنك موليه افهمني...\


قالي فجأه بنبرة طيرت عقلي : غمضي عينج ...
طالعتها باستغراب فـ كرر جملته: غمضي اعيونج ..

غمضت اعيوني بهدوء..حسيت انه يزخ ايدي رصيت ع ايده ..بس فجيت اعيوني ابسرعه و انا احس براشد قاعد يلبسني الخاتم بصبعي..حسيت برجفه ..طالعته علقت عيوني بعيونه ..

قلته و انا شويه و بصيح: علشان جي كنت تبا اتجوفني..

هز راسه و جرب حلجه من اذوني و هو يمهس: علشان اقولج مبروك ع التخرج و عقبال ما البسج خاتم خطوبتنا ...

طرت من الوناسه اول ما سمعت هالكلمتين..حطيت ايدي ع صدره من الصدمه و الوناسه بس يوم جفت نظراته تغيرت و كانت كلها حب ..دزيته ابسرعه بعيد عني و ركضت رايحه حجرة بدور و موزي سمعت ضحكته حطيت ايدي ع قلبي الي يرقع من الوناسه ...

دعيت بسري ربي ما يحرمني منه و من حبه ...انا هالانسان وايد مسيطر علي وايد ..حبه و مشاعره كل شيء فيه يجذبني...دعمت خالوه حليمة الي كانت طالعه من الصاله ضحكت: هههههههههه سوري..

خالوه حليمة: بسم الله انتي من وين طلعتي..؟؟

ابتسمت لها: كنت ارمس بالتلفون ...شو كلتوا الكيك..

خالوه حليمه : لا بعدهم روحي لحقي عليهن .

ضحكت : هههههههههههههههههه
و سرت عنها داخل .انا مستانسه لان راشد يحبني قبل ما ادش الحجرة طالعت الخاتم الي كان بصبعي فسخته و حطيته داخل شنطتي.. و دشيت الحجرة ...

حصة : خلصتي تلفونج..

هزيت راسي بمعنى هيه..

شيخاني: بلاج طايره من الوناسه..
قلتها ابسرعه: ما يخصج ...

يت بدور من برع: لحقي ندى .راشد داخل يبا يسلم عليج و يبارك لج..

ما عليه رشود انا ادري تتعمد هالحركه علشان تغايضني يا الدب..نقزت ندى ووقفت وراي و كانها تحتمي فيني و قالت بخوف: لا لا شو يسلم علي ...استحي استحي...

مدري ليش للحظه حسيت بالغيره ..مب علشان راشد يبا يسلم ع ندى.. غرت من كلمة "استحي" انا و ندى وايد رباعه بس فرق بينا ...ابتسمت و ليش اغار لاني احب راشد و يحبني علشان جذا ما بينا حواجز ..

موزي: بس بوقف عند باب الحجره شو بلاج...

ندى مصره: لا لا دخيلكم لا تحرجوني..

قلت حق بدور: قولي حق اخوج خلاص سلامه وصل ...

بدور عقدت حياتها : اونكن حركات

حصه: خلاص خبريه ان البنيه متلومه ...

بدورطفرانه : زييييييييييييييييييين ..

شيخاني: عفانا الله و تبا سيف ما جذب الي قال الطيور ع اشكالها تقع ...

سالت ندى: متى بييي خالج ياخذج..

ندى اتهز جتفها: مدري بس بتصل بجوفه ..

ما كنت ابا اروح البيت الا عقب ما اتروح ندى علشان اضمن ان راشد ما بجوفها او يسلم عليها ...تذكرت سالفه طرت لي فجأه و كنت دوم افكر فيها ..
سالت ندى باهتمام: ندى ..

طالعتني من غير ما اترد .

قلتها: انا اذكر راشد و خالج ذياب وايد ربع صح..
ندى: هي

قلتها: و الحينه ما حسهم مع بعض..

ندى مستغربه: شدراج تظهرين برع وياهم انتي..

هزيت جتفي مب عارفه شو ارد ع ردها الي ما توقعته : لا بس يعني دوم نسمع راشد مع ذياب و ذياب مع راشد ..شو الي تغير ..

ندى: مدري و الله يمكن ظروف عملهم فرقتهم عن بعض ..

قلتها و انا مب مقتنعه بردها : يمكن ..

ندى: شوقاني ابا اقولج شي بس اخاف تزعلين مني..
ابتسمت لها و زخيت ايدها اطمنها : طبعا ما بزعل منج قولي شو بخاطرج ..؟؟

ساسرتني: ترا خالي ذياب حاط عينه عليج ..

حسيت برجفه بكبر جسمي لاني ما توقعت كلامها طالعتها بخوف و نا بس اسمع صوته اطيح بمكان بعد حاط عينه علي .

ندى: هههههههههههههههههههههههههههههههههه

ضحكت ندى المفاجأه خلت كل الي فـ الحجرة يطالعنا ...
شيخاني: بلاج ندى

حصه: غريبه ندى تضحك ابصوت عالي ..
موزي: ههههههههههه طالعوا شوق جنها بقره جايفه حريقه ...

بدور: ايه لا اتغلطون ع حميتي..
شيخاني: انا بعد حميتج و شيختج ...

بدور: قصوري بعد ..
شيخاني: ههههههههه غصبن عنج ...

موزي: بلاج تضحكين ندى..
ندى اتاشر بيدها: لا ماشي سالفه بيني و بين شوقاني ...

كنت اسمع حوارهم بس بالي في الكلام الي قالته ندى ..اكيد دام ردت فعلها انها ضحكت معناتها اتسولف ...

ندى: ايه لا اتصدقين شوقاني ...بس انا ها الي لاحظته و غير اني انا الي اباج لـ احم احم..

طالعتها بغيض: ندوي ما احيدج جذا صخي عني .. و لا تطرين لي هالسالفه خير شر .

ندى: ههههههههههه ان شاء الله ..

حصه: و انا اقول ترا شوقاني من يومين مو ع بعضها شي سالفه جايده من بينكم ..
بدور: انتو شو يخصكم وحده و ربيعتها بينهم اسرار شو يخصكم انتوا..

ندى: انا ادري...

بها اللحظه رن موبايل حصه فقالت: يلا سعيد برع يتريانا وايد تاخرنا..
كيف اروح و ندى بعدها هني فقلت: و ندى ..

ندى: خالي الحينه بيي..

زخيت ايدها: خلينا بنوصلج..
ندى معترضه: لا خالي ياي الحينه ...بالدرب...

حصه : عيل يالله انروح ...
شلت شنطتي و انا فيني غيض ..كلي خوف ان راشد ممكن يجوف ندى ...سلمنا عليهم .. و طلعنا من الصاله ,,حسيت ابراحه كبيره يوم جفت راشد سيارته مش موجوده برع يعني طلع الحمدلله حمدت ربي الف مره .

فجيت شنطتي علشان اطلع موبايلي و اطرش له مسج اني اموت عليه و اشكره ع الخاتم ...بس طاح الخاتم من الشنطته وتدحرج بدرب شيخاني الي لمحته وداسته من غير قصد ..