ჯൠൠჯ
قص التذاكر لـ( تقديري ) ولـ( اعجابي )
على خطوط الغياب .. ورحلة الفرقا
عزّمت اسكّر عن ضيوف الهوى بابي
حفظاً لـ( دّم ) البحر من زلة الغرقا
افضل / ولا ابقى كذا عايش على اعصابي
ماغير احوّل من رجوم التعب وارقا
لي الشرف .. لو يموت الحب بـ( اسبابي )
لأنه كسر خاطري مع نوحة الورقا
ჯൠൠჯ
ليمتى يا جرح تنزف ليمتـى ترجـي الأمـان
ليمتى تنخى مشاعر قلب صـارت باليـه
قلبي المحروم محني مثـل عـود الخيـزران
أمست سهومـه تعاقـب كلهـا متاليـه
سبتك يا الحب من هجرك تجرعـت الهـوان
في غلا من شح وصله للقلوب الوافيـه
ჯൠൠჯ
انا مابي من الدنيا سوى لحظة لقا وحده
ابي اطيح من طولي على حضنك وظمني
تعبت اشد بك حبل الغرام واشد وامده
ابي اشكي على صدرك عطش هالحب وارويني
دخيلك لا تخليني ترى صبري وصل حدة
اهيم بعالمك طفل وامانة لا تخليني
ჯൠൠჯ
على بالي طريت وكيف ماتطري على بالي
وأنا اللي مستحيل أنساك في حلك وترحالك
على بالي تجي غالي وترحل دائمـاً غالـي
عزيزٍ عزك المولى وصار العـز مدهالـك
تدلل دامـك الأول ودامـك يابعـد حالـي
وهبك الله مشاعر مـن تخيـرك وتعنالـك
تعال ولايهمـك هـرج عذالـك وعذالـي
تعال اجلس قبالي لاتكـدر صاحبـي بالـك
ترى ماكل شخص استقبله وأشرحله أحوالي
ولا كل البشر عندي مثل قـدرك ومنزالـك
ჯൠൠჯ
بالله ياسيد الغلا لاعدمناك
هاك اعتراف إلي من القلب شاريك
انت الذي ما ملت العين لقياك
وانت الذي يازين علقتني فيك
وانت الذي في داخل القلب شرواك
و انت الذي من أكثر الناس مغليك
فأرجوك لا تطري على الروح فرقاك
أرجوك لا تطري البعد ناخيك
ჯൠൠჯ
تعال و وقع بجرحك أنا قلبي كتاب جروح
ما يهمك ترى غيرك جرحني ما افتكر فيني
زوايا القلب تتألم وشرخ في الحنايا ينوح
وعبره تخنق إحساسه ودمع راجف بـعيني
زمن فيه الوفا ولى وسيف الغدر به مسموح
يسله من هوى ذاته ويهوى بس يشـقيـني
ჯൠൠჯ
ودي بحضنك في الهوى دون تفريق
واشفي شفاتي برشف معسول من فمك
واحيا بقربك دون كل المخاليق
وابعد وكلي شوق وارجع اضمك
واغرق بحبك واغرق القلب تغريق
حتى تذوب اشواق قلبي بدمك
ჯൠൠჯ
بديناها محبتنا جميله
و لازم تنتهي مثل البدايه
مدام السعد لحظات قليله
و كل ظروفنا عكس النوايا
حبيبي أدري الفرقى عضيله
و هذا هو سبب رجفة عضايا
على لساني ترى والله ثقيله
ولكن كل شي وله نهايه
ألا يا من أخذ قلبي بحيله
و أنا في غفلة بين البرايا
أنا لازلت أقول انتي الأصيله
و أفاخر كل ما أعد الصبايا
معك عشت الحياة المستحيلة
بلا هم وكدو و بلا وشايا
ولكن كم من فارق خليله
و لا له فالجفا رغبة وغاية
ჯൠൠჯ
منقول
تقـــبلوا خالـــــص احترامـــــــــــــــي
تحــــــــــــــــــ ღ دلــــــــــــــــــع ღ ـــــــــــــــــــياتي
تعليق