!][ نويت أرحل kaka ][!

[kaka 22]

السلام عليكم ورحمه الله وبركاته


: :


: :

القصيده هذي اليوم كاتبها باحدى الساعات الدراسيه من موقف حصلي وحبيت اترجمه بأبيات شعريه بسيطه جدا

: :


ان نويت ارحل عن دروبك قويت
منت اول شخص غالي اخسره

: :

كل جرحٍ منك يصرخ اكتفيت
وكل نبتٍ بالغلا طاح ثمره


: :

كان لك بالقلب بستانٍ وبيت
وكانت ايامي إليك منثره

: :

انهدم بيتك وراح اللي بنيت
وراح كل اللي زرعته بشعره

: :

تجرح احساسي واقول انك نسيت
وتستمر وتجرح وتقول المعذره

: :

ما اجتمع حبك مع جرحك في بيت
كان لك سهمٍ إخذه وإشكــره

: :

لو نويت ارحل عن دروبك قويت
شخص يحقرني تراني بحقره

: :
وسلامتكم

( ( أتقبل النقد البنّاء بسعه صدر ) )

أخوكم : !][ جراح العنزي !][

[ع ـناديهـ]

صح لسانك ..

خوش قصيده معبره ع الي بقلبك حييييييييييل : ))

عساك ع القوه ...

وللامام : )

[صاحي لهم]

الله الله يا كاكا

مشالله عليك ..

ابيات أكثر من رائعه .. إحساس راقي جدا ..

والله تمتعت بأبياتك ورديت قريتها أكثر من مره

بس عندي ملاحظه صغيرونه جدا .. الا وهي تكرار القافيه في البيتين :

كان لك بالقلب بستانٍ وبيت
وكانت ايامي إليك منثره

ما اجتمع حبك مع جرحك في بيت
كان لك سهمٍ إخذه وإشكــره


والقصيده جزله ياجراح ..

صح لسانك ولا هنت

تقبل مروري واعجابي .. ونقدي الاخوي

:)

[كويتي قديم]

الله لا يهينك يا صاحي لهم

كا كا للأمام ونتمى مزيد من النجاح...صح الله لسانك

[MiSs-GuCci]

+. كاكا .+

ماشالله موهوب


ما اجتمع حبك مع جرحك في بيت
كان لك سهمٍ إخذه وإشكــره

: :

لو نويت ارحل عن دروبك قويت
شخص يحقرني تراني بحقره


بعد اذنك سيفتها عندي

روعه ابدعت يالغلا

صح لسانك ولاهنت

[kaka 22]

Miss cherry

: :

صح بدنج يالغلا

ولاهنتي على المرور

[kaka 22]

الأسـتـاذ صاحي لهم

: :

والله اني فرحت اول ما شفت النقد . . . ونقد للامانه في مكانه

ولكن

التكرار بالفعل يعيب القصيده ولكن اذا زاد عن حده على حد معرفتي

وانا اشوف انه مافيها شي اذا تكرر مرتين فقط بدون زياده

يعني يجيك واحد بكل بيت لازم تلقى نفس القافيه وهني اللي يعيبها ويمقس القصيده

وبالاخير اسعدني تواجدك هنا في هذي الصفحه واسعدني كثيرا نقدك الاخوي الرائع

: :

ولي الشرف ان ابياتي تنال اعجاب شخص مثلك وشرواك

صح بدنك


ولاهنت على المرور الطيب

شرفني تواجدك

[kaka 22]

كويتي

صح بدنك

وشاكرلك التشجيع الطيب

لا تحرمنا ردودك

[كـلـي غـلا]

تجرح احساسي واقول انك نسيت
وتستمر وتجرح وتقول المعذره

: :

ما اجتمع حبك مع جرحك في بيت
كان لك سهمٍ إخذه وإشكــره

.. كـاكـا ..

أنت بـالذات شهـادتي فيــك مجــرووحـه ..

يعنـي من غيـر مبـالغه وعلى قولتهـم هيـاط :p

أبيات رائعـه تتكلـم عن عـواطفـك وتعبـر بشـده ..
صـح لســـاانـك .. وأتمنــى إن كـل مـآ فـآضت قريحتـك تمـلىء منتـدى قصـآئد الأعضـاء ..

لأنـك " ثـروة " ..!!

ولاهنــت ..

:")

[ŋαŋ]

ما اجتمع حبك مع جرحك في بيت
كان لك سهمٍ إخذه وإشكــره

: :

لو نويت ارحل عن دروبك قويت
شخص يحقرني تراني بحقره


/
/

مشاءالله عليـك كاكا

قصيـدة رووعـة صراحه

وكلماتها أروع

صح لسآنك خيوؤ ولا هنت

لا عدمناك

:)

[kaka 22]

ميس قوتشي




اذنج معاج واخذيها كلها لو تبين


تواجدج دعم لي

شرفتيني

[*TanTosHa*]

بصــــراحه كلام ولا أروع
..

بس عندي ملاحظه ..

وكانت ايامي إليك منثره ..

ليش ما قلتها ..

وكانت أيامي لك منثره ..

ويعطـــيك العافيه على الشعر المبدع

ومـــأ قصرت

ونتمنى نشوف ابداعاتك اليايه

..

:)

[kaka 22]

كل الذوق




شهادتك وسام ابروزها على صدري

: :

واشكرك على المديح الذي اتمنى ان اليق لمستواه

: :

مرورج ياذوق زادني شرف

[kaka 22]

ريــم الشوق



الاروع مرورج طال عمرج


وسعدت بهالتواجد المنير

صح بدنج ولا انتي


شرفتيني

[kaka 22]

تنتوشه



اذا قلت

كانت ايامي لك منثره < < ينكسر البيت



ويعطيج العافيه على الملاحظه


شرفتيني