تموت عيونهم فيني .. وانا بك ميته عيني الجزء السادس والعشرون

[غاليه بعيون مغليها]

..الجـــ السادس والعشرون ــــزء..

ماقدر يتحرك يحس نفسه مشلول حاول يوقف بس طاح على الارض وعض شفايفه اللي تصب منها دم:آآآآه..<<واغمى عليه..
××
ام رياض وقفت:يله نشوفكم على خير..
ام فيصل:وين تو الناس..
ام رياض:والله طلال ينتظرنا عند الباب..
ابتسمت من طاري طلال مشتاقة له مووووت تذكرت مواقفها معاه وودها تنفجر من الضحك لكن مسكت نفسها..
ام رياض:يله حبيبتي مها مع السلامه..
مها بأبتسامه وسيعه:مع السلامه..
في وهي تبوس خد لمى:يله ياقلبي باااي..
اكتفت لمى بأبتسامه خفيفه ونزلت راسها تخاف دموعها تنزل..
ودعوا بعض وطلعوا ومها وصلتهم عند الباب:كرروا هالزياره..
ام رياض:لا عاد المره الجايه دوركم..
:مطوليــــن..
سمعت صوته من ورا الباب وابتسمت..
ام رياض طلعت ووراها في..
غاده باست مها وهمست:يسلم عليك طلال..
مها حمرت خدودها:الله يسلمه..
غاده:ههههههههههههههههه يله باااي..
مها:بااااي..
غاده طلعت واستلمها طلال:ياشيـــــخه كان نمتي احسن..
غاده:اول شي انا مو شيخه انا غاده ثاني شي وش اسوي حرمك المصون اخرتني وثالث شي احلــــم اقولك وش قالت لي عنك..<<وركبت السياره..
طلال ركب ولف على غاده وبرجا:يابعد قلبي ياروووحي انتي..
غاده ناظرته بغرور ولفت عنه..
طلال:يله عاد غدووو..
غاده:..............
ام رياض:وش السالفه..
طلال لف وناظر غاده من المرايه وهو مقهوووور:مافيه سالفه..
××
طلعت فوق ودخلت غرفتها فسخت صندلها ورمته على الارض ورمت نفسها على السرير..ناظرت السقف ودموعها ملت عينها تتخيل نفسها بالفستان الابيض ابتسمت بألم:شكلي ماراح البسه..<<دفنت راسها في المخده وبكت..
انفتح الباب دخلت بمرحها لكن كشرت يوم شافت اختها تبكي جلست جنبها:لمـــى الله يخليك لاتبكين..
لمى:...................
مها:لمى تكفين قولي لي سبب واحد يخليك تبكين..
لمى رفعت راسها وبعدت شعرها عن وجهها:والله مو قصدي اقوله هالحكي بس لو كان مكاني وسمع اللي سمعته بيصدق..
مها بأستغراب:انتي عن ايش تتكلمين..
لمى وقفت:خلاص انسي..
مها بحده:لمـــــى..
لمى طنشتها وفتحت الكبت وطلعت لها بجامه:بكيفه يكرهني يحبني خلاص هذا الشي ماصار يهمني..<<عضت على شفايفها ودموع حاره نزلت على خدها..
مها وقفت:مصيري بعرف وش سالفتك انتي وياه..<<وطلعت راحت لغرفتها وطاحت عيونها على اللاب توب بدلت ملابسها وجلست فتحت الماسن وشافت"عاشق" او بالأصح طلال اوف لاين شافت عندها رساله جديده من طلال ابتسمت وفتحتها تحس انها مجنونه بتصرفاتها"وش بتكون ردة فعل طلال لو درا ان جروحته هي مها"..
:وهو من وين بيدري اني مها..<<قرت الرساله..
"سلام جروحتي..
وينك طولــتي الغيبه ترانا مشتاقين..*_^..انتظر ردك.."..

ابتسمت ابتسامه وسيعه:وانت بعد وحشتنـــــــي..<<فجأه اختفت ابتسامتها انا وش قاعده اسوي وش قاعده اخربط..
حست ان اللي تسويه خيااانه خيانه لمشعل كفايه اللي جاه من ملاك بعد انا بغلط نفس الغلطه مستحيــــل مستحيل اشوف مشعل مكسور وحزين مره ثانيه..حركت الماوس وحطته بلوك وقلبها ينعصر بألم ماتدري ليه..
××
رمت نفسها عليه وهي تضحك بقوووه:ههههههههههههههههههههههههههههههههه احبك اعشقك اموووت فيك..
احمد بعد عنها بقرف وقال بغرور:علشان تعرفين ان احمد مو حيا الله..
نوف بفرحه:لا حشا من قال..
راكان واقف ولايدري وش السالفه:خير وش فيكم وش السالفه..
احمد:ولد خالك خلصنا عليه..
راكان بصدمه:وشوووو..
نوف بخبث:الله الله الحين تركي يطلع ولد خالك انت ماشاء الله كل واحد في عايلتكم احلى من الثاني فيكم سحــــر جذاب..
احمد بعصبيه:نوووووف..
نوف حطت يدها على فمها:سوووري..
اما راكان عطاها نظرة احتقار ولف على احمد:وش سويت بتركي..
احمد:علمته كيف الادب..
راكان بخوف:احمد لايكون صار فيه شي ترى مهما كان هذا ولد خالي..
احمد:والله مدري بس اعتقد يا اغمى عليه ومايندرى متى بيصحى او عطاك عمره هههههههههههههههههههههههههههه..
نوف:هههههههههههههههههههههههههههههههههه..
راكان ضغط على اسنانه بقهر هو خايف وذولي يضحكون مسك احمد مع رقبته وبتهديد:لو صار في تركي شي لاتلوم إلا نفسك فاهــــــم..<<وطلع وهو في قمة عصبيته..
احمد مصدوم مستحيل اللي قدامه قبل شوي راكان..
نوف تأشر بيدها:ميدوو قلبي ماعليك منه..
احمد يتنفس بسرعه طلع سيجاره وولعها وخذ نفس ونفخه في الهوا:آآآآآآه..
نوف:هههههههههههههههههههه (سحبت سيجارته وخذت نفس) لازم نحتفل بهالمناسبه..
احمد ناظرها بنص عين:وشايفتني رايق (دفها عنه بقوه وطاحت على الكنب) بعدي بس بعدي..
××
؛؛..يادهري لاتحملني البلاوي..انا المجروح ما الآقي اللي يداوي..؛؛

ضرب يده في الدركسون ولعن نفسه مليــــــون مره يحس اذا صار لتركي شي هو المسؤول الذنب كله عليه هو..كان المفروض من الاول يوقف احمد عند حده مهما كان ومهما صار بينه وبين تركي يتم ولد خاله وبحسبة اخوه..
الكره والحقد عموا عينه خلاه مايعرف وش يسوي ومايعرف وش هو الصح ووش هو الغلط ابتسم بأستهزاء:غلط اصلاً حياتي كلها غلط في غلط..<<بلع غصه ورا الثانيه وتجمعت الدموع في عيونه من ذكرى مرت في باله مايقدر ينساها لانها هدمت حياته حطمت مستقبله صرخ بقهر:كلــــــــــه منهم..<<فرمل بقوه وهو يتنفس بسرعه ضرب يده في الدركسون بقهر ونيران تشب في قلبه سند جسمه على الكرسي وغمض عيونه بألم ويأس..
غرق في ذكرياته الحزينه والاليمه..سمع صوت شباكه يندق فتحه وناظر في رجال كبير في السن ووجهه يشع بالنور..
الرجال:محتاج مساعده ياولدي..
راكان ابتسم بألم"لو ابوي شايفني بهالحاله ما فكر يسأل عني":لا مشكور ياعم..
الرجال:لاتستحي مني اعتبرني بحسبة الوالد..
هزه هالكلام من جوا ودمعت عينه اكتفـــــى بالسكوت..
الرجال:ياولدي فيك شي..
راكان بعد عينه عن الرجال لان دموعه نزلت على خده:لامافيني شي يله فمان الله..<<حرك سيارته بسرعه جنونيه..
××
مسك خالته ودخلها الصاله واستلمها بالأسئله:هاه عجبتك..
ام رياض:حشـــــا ماعندك صبر اصبر شوي خلني اخذ نفس..
طلال تكتف ورفع راسه يتأفف:يله خذي نفس بسرعــــــــــه..
ام رياض:ههههههههههههههههههههههههههههه ياحليلك طاير على الزواج..
طلال ابتسم:والله من يوم شفت مها وانا طايـــر ودي اخطبها واملك عليها في نفس الليله..
ام رياض:هههههههههههههههههههههههههه اثقل ياولد..
طلال:هاه خذتي نفس الحين يله قولي لي وش رايك في مها (غمز لها) قطعه صح..
ام رياض ضربت كتفه بخفه:استح على وجهك شوي..
طلال يتحسس كتفه:آآآآآآآح والله ماقلت شي..
ام رياض:بصراحه يعني البنت ماشاء الله عليها آدب واخلاق وجمال ماتنعاب بس...
طلال قاطعها:ياويـــــلي على المصايب اللي بتجي بعد هالبس..
ام رياض:ههههههههههههههههههههههههههههههه لا ان شاء الله مو مصايب بس انت خلص جامعتك وتوظف بعدين تزوج والله الزواج مسئوليه..
طلال:اذا كان على الوظيفه فلا تخافين ابوفيصل شغلني عنده وبراتب يكفيني وزياده وعن المسئوليه انا من يوم عمري 17سنه متحمل مسئولية نفسي ومسئولية اختي..
ام رياض:بس..
طلال قاطعها:ياكرهـــــــي لذي بس خالتي تكفين سؤال ورد غطاه البنت عجبتك..
ام رياض:ايه عجبتني..
طلال:خلاص اخطبيها الحين..<<ورفع السماعه..
ام رياض:ههههههههههههههههههههههههههههه انجنيت انت..
طلال تنهد:مجنون في وحده اسمها مها..
ام رياض ابتسمت:ياشــــــــيخ احلف (سحبت السماعه) خلاص ولايهمك بكره بكلم امها في الموضوع..
طلال بفرحه:وعــــــد..
ام رياض بدى يغلبها النوم تثاوبت:وعد الحين ممكن اروح انام..
طلال بأبتسامه وسيعه:تصبحين على خير يابعد وروح طلال انتي..
ام رياض طلعت فوق وهي تضحك على طـــلال..
غاده وفي كانوا واقفين عند الباب وسمعوا كل شي..
غاده بهمس:ما اقدر اتخيل شكله بالبشت خخخخخخخخخخخخخخ..
في انفجرت من الضحك:هههههههههههههههههههههههههههههههههههه..
طلال نط من مكانه:عمــــــــى ان شاء الله من متى انتو هنا..
غاده دخلت:من بدري..
طلال:ممكن تظفون وجيهكم..
غاده:افااا افااا من اولها كذا طيب ياطليل ان ماطلعت الشيب في راسك..
طلال:عادي بصبغه هههههههههههههههههههههههههااااي..
في:ههههههههههههههههههههههه حلوووه..
غاده كشرت:وانتي بعد معه مالت عليكم اروح عند رياض احسن لي هو اللي يعرف قيمتي..<<وطلعت فوق دخلت غرفة رياض شافته متربع على السرير واللاب توب قدامه وجنبه ملفات واوراق كثيره..
رياض بدون مايناظرها:تعالي غاده..
غاده جلست جنبه:وشلون عرفتني..
رياض:مافيه غيرك يجي في اوقات غلط..
غاده كشرت:حتــــــى انت..<<وقفت..
رياض:وين..
غاده:آسفه شكلي جيت في وقت غلط..
رياض سحبها:حتى لو جيتي في وقت غلط بعتبره صح خخخخخخخ..
غاده واصله معها:هاهاها باايخه..
رياض:افااا وش فيك..
غاده:ولد خالتك و فيوه الزفته نكدوا علي..
رياض"يعجبوني خخخخخ":ماعليك منهم ياقلـــبي انتي شوفي بطلب منك طلب..
غاده:كنت داريه ان ورا قلبي ذي شي هاه وشو طلبك..
رياض رفع اوراق:ابيك ترتبين ذولي وتحطينهم في الملف الاسود هذا..
غاده خذت الاوراق ترتبها مو لله بس عشانها طفشانه وماعندها شي تسويه..
وهي ترتب وتقلب في الاوراق شافت ورقه مرسوم عليها بنت بالفحـم ملامحها ناعمه وهاديـه..
رفعت حاجبها وابتسمت كانت الرسمه عاجبتها مدتها لرياض:ريوووض..
رياض وعيونه على الشاشه:هاه..
غاده:مين اللي راسم هاذي عن جد مبدع..
رياض لف وسحب الورقه بسرعه وبأرتباك:وين لقيتيها..
غاده:ضايعه بين ذا الاوراق (وبنظرات شك) ريوض لايكون هاذي..
رياض قاطعها:اقول ورا ماتتكرمين وتسوين لي كابتشينو راسي مصدع..
غاده وقفت وهي مستغربه من حالته انقلبت فجأه"كل هذا علشان الرسمه بس اموووت واعرف مين هاذي"..<<دخلت المطبخ ونست اللي شافته..
××
ريم طلعت للبلكونه:هههههههههههههههههههههه طيب ياختي شوي شوي علي..<<حطت يدينها على الدربزين وهي ميته من الضحك من تهديدات هديل لها..
ريم:هههههههههههههههههههههههههههههه ياحليلي اجل انا مهمه..
هديل:مو مهمه بس وش اسوي مافيه إلا انتي هو انا لقيت غيرك وقلت لا..
ريم ميلت فمها:افاااا..
هديل:عاد لاتصدقين..
ريم:ماصدقت اصلاً داريه ماتقدرين تستغنين عني..
هديل كشرت:مشكلتك انك ماخذه في نفسك مقلب..
ريم:هههههههههههههههههههههههههههه من حقـ..<<انربط لسانها وهي تناظره كان يضحك مع مشعل..
"آآآآه انا ابكي واتعذب وانت تضحك ولاهمك"..
:الووو الوو ريموووووه ردي علي..
ريم:هلا انا معك..
هديل:ايه مره معي لي ساعه اناديك..
ريم:وش كنا نقول..
هديل:لا مبين انك معي..
ريم:هههههههههههههههههههههههه طيب خلاص مو معك..
هديل:اجل مع مين..
ريم:افكر في زواج دلال وش اسوي تسريحه..
هديل:على فكره محد قالك من قبل انك ماتعرفين تصرفين..
ريم:هههههههههههههههههههههههههههههههه..<<رن التليفون لفت ودخلت غرفتها..
:عن اذنك هديل شوي..
هديل:خذي راحتك..
ريم رفعت السماعه:الو..
:السلام عليكم.
ريم:وعليكم السلام..
:هذا بيت فهد الـ............
ريم انقبض قلبها:ايه هذا بيته..
تغيرت ملامح وجهها وهي تسمع كلام الطرف الثاني زادت نبضات قلبها وارتجفت شفايفها طاحت السماعه من يدها وهي مصدومـــــــه..
انفتح الباب:ريم تعالي تعشي معي..
ريم ماتحركت بس جسمها ويدينها ترتجف بشكل مو طبيعي..
مشعل تقدم لها وبخوف:ريم وش فيك..
ريم بكت بهستيريا ورمت نفسها على مشعل..
مشعل بعدها عنه وهزها وصرخ:ريم وش فيك ردي علي..
ريم همست وشفايفها مرتجفه:تركي..<<غمضت عيونها وطاحت على الارض مغمى عليها..
××
كشرت وسكرت السماعه وراحت تجلس وهي ماده بوزها..
خلود:وش فيك ماده البوز شبرين..
هديل بأنفعال:سوري خالتي بغلط على بنتك بس عن جــــد انها خاسيه وسخيفه وبايخه وتافهه وكـــــــل شي..
ام مشعل:هههههههههههههههههههههههههههههه ليه..
هديل بقهر:قالت لي (وهي تقلد صوت ريم) عن اذنك شوي وراحت ولاعاد رجعت..
الكل ماعدا هديل:هههههههههههههههههههههههههه..
هديل تربعت على الكنب وهي تأفف"اوريـــــك يالزفته"..<<رن جوالها بنغمة مسج فتحتها وتبدل مزاجها وابتسمت ابتسامه وسيعه..
,’
ما يموت الشوق لو قل الوصل ..
وما يهز القلب زلزال الظروف ..
وانت داري في محبتنا اصل ..
ولو يطول الصمت لا يلحقك خوف ..
والغلا بالقلب والله متصل ..
ثابت مثل الاصابع بالكفوف ..
"وحشتيــــــــــــني"..
,’
خلود عطتها كوع وبهمس:خالد..
هديل وهي متشققه من الفرحه:ايه..
خلود:اثقلي يابنت ولاتردين عليه..
هديل:قلبي مايطاوعني..
خلود بأستهزاء:ياربيــــــــه..
هديل وقفت ورمت عليها المخده:اروح لغرفتي احسن لي (لفت على ام مشعل) خالتي لا اوصيك لاتسلم لي على ريم وقولي لها شغلك معاي بعدين يله تصبحون على خير..<<وطلعت الدرج بسرعه وصدمت في مشاري اللي نازل ووجهه مايتفسر..
مشاري دفها عنه بقوه:بعــــــدي..
هديل تتحسس كتفها:آآآآي شوي شوي..
ام مشاري:مشاري وش فيك..
مشاري وهي يتنفس بسرعه:ولاشي يمه ولاشي..<<وطلع..
ام مشاري:وش سالفته ذا الولد..
خلود:لاتشغلين بالك تلقينه مواعد اصدقاه وإلا خايف تروح عليه المباراة..
ام مشاري:الله يستر بس..
خلود ابتسمت على شكل امها دايماً تحب تكبر المواضيع"ياربي لو جبت عيال بطلع مثل امي كذا دايماً موسوسه خخخخخخخخ"..
ام مشعل ناظرت ساعتها وكان الوقت متأخر رفعت جوالها واتصلت على ابومشعل لكن طلع مغلق:غريبه مو من عادة ابومشعل يقفل جواله..
ام مشاري:تلقينه غرقان في الشغل وبعدين انتي ليه مستعجله تو الناس..
ام مشعل:اي تو الناس الساعه وحده وريم قاعده لحالها في البيت..
خلود:طيب خالتي انا بعد شوي بروح وبوصلك على طريقي..
ام مشعل:بس خاف اتعبكم..
خلود ابتسمت:لا ولو تعبك راحه..
××
دخل وهو رافع ثوبه وشماغه على كتفه شاف مشعل متسند على الجدار ومتكتف وعيونه على غرفة العمليات مو مصدق ان اللي جوا تـــــــركي..
بندر هز مشعل ودموعه على خده:قل لي تركي وش فيه..
نايف بعد بندر:بندر هد نفسك شوي..
بندر صرخ بعصبيه:وشلون اهدي نفسي قل لي تركي وش فيـــــــه..
نايف بلع غصته:مدري الدكتور توه ماطلع..
بندر طاح على اقرب كرسي منهـــــــار اليوم كان معي طيب وبخير ومافيه شي والحين بين الحياة والموت وشلـــــــون..,,
ابومشعل كان حاط يده على وجهه وماسك نفسه لايبكي ولده الحين في غرفة العمليات ومايدرون وش فيه..
ابونايف:خلي ايمانك بالله قوي..
ابومشعل رفع راسه وتنهد بضيق:ونعم بالله..
مرت الساعات ثقيله وبطيئــــه..
ساعه ورا ساعه دقيقه ورا دقيقه..وكل ثانيه تمرالخوف يملي قلوبهم من واقـــع مر..وحزين.. وهو ان تركي سلم روحه للي خلقها..
طلع الدكتور والكل تجمع عليه..
ابومشعل بخوف:طمني يادكتور..
الدكتور:إحنا عملنا اللي علينا والباقي على رب العالمين..
قاطعه بندر بعصبيه:الحين هذا اللي طلع معك..
ابونايف بحده:بنـــــــــدر..
بندر ضرب يده في الجدار بقهــــــــر..
××
اليـــوم الثاني كان يوم حزين وكئيب تركي للحين ماتعدى مرحلة الخطر..
دافنه راسها تحت المخده ومقطعه نفسها من البكي..
مها بلعت غصتها:لمى الله يخليك اهدي البكى ماراح يفيد ادعي له يطلع بالسلامه..
زاد بكا لمى وشهقت:كله بسببي انا انا..
مها:هذا مقدر ومكتوب محد له دخل فيه..
فيصل دخل الغرفه وحالته ماتنوصف:يله البسوا عشان اوديكم لأمي نوره هي محتاجتكم الحين..
مها وقفت:طيب..
فيصل شاف لمى وعوره قلبه راح لها وحظنها:ادعي له..
لمى بصوت مرتجف:تكفـــــى الله يخليك قول انهم يمزحون معي..
فيصل غمض عيونه ونزلت دموعه غصب عنه..
لمى وهي تشد ملابس فيصل:كل هذا بسببي انا..
فيصل بعد عنها:روحي البسي يله..
لمى مسحت دموعها:انت بتروح للمستشفى صح..
فيصل:ايه..
لمى:طيب ودني معك ابي اتطمن على تركي..
فيصل:خلاص ابتصل عليك وبطمنك عليه لاتشيلين هم..
لمى:لا ابي اشوفه تكفـــــــى الله يخليك ودني له..
فيصل:طيب يله..
××
فتحت عيونها بصعوبه ورجعت سكرتها آثار الدموع على خدها حركت شفايفها وهمست:تركي..

يتبـــــــع..<<

[غاليه بعيون مغليها]

رد: تموت عيونهم فيني .. وانا بك ميته عيني الجزء السادس والعشرون

تابــــــــــع..<<

مسحت دموعها بسرعه:ريـــم صحيتي..
ريم عدلت جلستها:وين تركي..
هديل نزلت راسها:ريم تبين مويه..
ريم صرخت:اقولك ويـــــــن تركي..
هديل حظنتها وبدال ماتهديها بكت معها..
ريم وهي ترتجف:صح ماراح يموت..
هديل شهقت:ريم ادعي له هو محتاج دعانا الحين..
ريم بعدت عنها ووقفت خذت عبايتها ونزلت وهديل تلحقها..
هديل:ريــــم وين رايحه..
ريم:بروح لتركي..
هديل:محد هنا مين اللي بيوديك..
:انا..
ريم رفعت راسها:راكان..
راكان:يله امشي..
ريم ابتسمت بتعب:مشكـــور والله ما انساها لك..
راكان ابتسم:طيب يله..
هديل سحبت ريم:مجنونه انتي بتروحين مع هذا..
راكان سمعها وقلبه ينعصر من جوا تغصب الابتسامه وسوا نفسه ماسمع شي..
ريم:مو وقته الحين..
هديل وهي تاخذ عبايتها المرميه على الكنب:طيب خذيني معك..
××
سكر جواله:لاحول ولاقوة إلا بالله..
في نزلت الملعقه من يدها:خير طلال وش السالفه..
طلال بضيق:تركي في المستشفى..
تركت اللي بيدها ووقفت الحين مشعل محتاج لها ودها تطيــر له تصبره وتواسيه..
طلال وقف:وين..
في:صح انت بتروح المستشفى..
طلال:ايه..
في وهي تطلع الدرج:بروح معك انتظرني..<<دخلت الغرفه ونزلت دموعها اللي حبستها قدام طلال..
غاده تحركت في السرير بكسل صحت وعدلت جلستها:في..
في خذت عبايتها وطلعت بدون ولاكلمه..
غاده نطت من سريرها ولحقتها:في فــــي..<<طلعت من غرفتها لكن شافت لبسها بجامه لو يطلع رياض ويشوفها بهالمنظر وش بيقول رجعت لغرفتها وهي حاطه يدها على قلبها شكل في مايطمن رفعت جوالها ودقت عليها اكثر من مره لكن ماترد رمت نفسها على السرير:اففففف..
××
دخلت وهي تدندن وطايـــــره من الوناسه على السهره اللي سوتها لها منال امس رمت عبايتها وشنطتها على الكنبه وبصوت عالــــي:مـــــاما..
طلعت وهي ماسكه كوب بيدها وقالت بدون اهتمام:امك مو هنا..
مشاعل:وين راحت..
هيفاء رفعت كوبها بتشرب:للمستشفى..
مشاعل جلست:ليه..
هيفاء بلامبالاة:تركي مدري وش صاير له..
مشاعل بأستهزاء:مابغى يمرض..
هيفاء:ههههههههههههههههههههههههههههههههههههه إلا قولي لي من نمتي عنده امس..
مشاعل تنهدت بفرحه:عند منو ياختي عليها سهره امس شــــــــي..
هيفاء بحماس:والله قولي لي وش سويتوا..
××
دخلت بهدوء وهي شاده على شنطتها وضاغطه بيدها الثانيه على يد فيصل..
لمى بصوت مرتجف:فيصل..
فيصل:لبيه..
لمى بلعت غصتها:تركي بيعيش صح..
فيصل ضغط على يدها يهديها:اللي كاتبه ربك بيصير..
لمى رجعت تناظر الممر الطويـــــــل وقلبها تزداد نبضاته مع كل خطوه تمشيها..
نــــــــزل الخبر عليهم مثل الصاعقه..
ام مشعل بكت من قلب:ولدي انشــــــل انـ..شل..<<وشهقت..
ام نايف مسحت دموعها:اذكري الله يا ام مشعل مايصير اللي تسوينه..
ام مشعل صرخت:حسبـــــــي الله على من كان السبب حسبي الله عليه..
ابومشعل مسح دموعه بشماغه:اللهم اجرني في مصيبتي واخلفني خيراً منها..
مشعل كان واقف وجامد مايتحرك كأنه جثه كل شي يدور في راسه الحين ان تركي خلاص مااااااات..
نايف كان اكثر واحد متماسك حط يده على كتف مشعل:مالك إلا الدعاء..
واخيـــــــراً نطق:نايف تركي انشل وإلا انا سمعت الكلمه غلط..<<وحظنه وبكــــى..
نايف نزلت دموعه:الدكتور يقول فيه امل يرجع يمشي..
كان طايح على الكرسي مصــــدوم وكلام الدكتور يرن في اذنه"الضربه جت على عموده الفقري وسببت له شلل نصفي ومع العلاج الطبيعي بيتحسن"..
وقفت مصدومه من شكلهم اشكالهم تقول ان تركــــــي مات..تجمدت اطرافها وصارت ترتجف بشكل مو طبيعي نزلت دموع حااااااره تحرق خدها فجأه طاحت عند رجلين ام مشعل ومسكت في عبايتها وهي تبكي بهستيريا..
:تركــــــــي مامات مااااااامات كلكم كذابيــــــــــن ماماااااات..
ام مشعل حظنتها بقوووووه وبكت معها:يمه من قال ان تركي مات..
لمى بعدت عنها وقالت بصدمه:يعني مامات..
ام مشعل ابتسمت بألم:انشــــل..
فتحت عيونها على اخر شي مو مصدقه اللي سمعته..
ام مشعل نزلت راسها:ادعي له..
لمى وقفت وحطت يدها على الجدار تحاول تتوازن مسحت دموعها بطرف عبايتها ومشت بدون احساس كانت تدعي في نفسها ان هذا يطلع كله حلـــم مو حقيقه الحين حست انها من دونه ولاشي وحياتها من غيره مالها هدف ولا معنى رجعت لها ذكرياتها الاليمه معاه كانت تكرهه بكل ماتعنيه هالكلمه من معنى لكن الحين تحــس بالضياع من غيره من غير ضحكته وصوته وحتى همسته..
حست بأحد يقرب منها ويحظنها:لمـــى الله يخليك طمنيني..
لمى واقفه وكأنها صنم:تصدقين تركي انشل ههههههههههههههههههههههههههههههههه انشـ..ل..<<وبكت بحرقه..
هديل شهقت بصدمه وحطت يدها على فمها..
راكان بعصبيه:انتــــــي وش قاعده تقولين وش قاعده تخرفين..
ريم بعدت عن لمى مو مصدقه تفكيرها انشل هاللحظه وفمها عجـز عن نطق حرف واحد..
بلعت غصه ورا الثانيه ودموعها نزلت انهار على خدها..
مرت قشعريره على جسمها وانتفضت منها قالت بصوت مبحوح:وش قلتي (ابتسمت بألم) لمــى تكفين لاتمزحين معي..
لمى ماقدرت تتحمل احساسها بالذنب يعذبها اهــي السبب في كل هذا طاحت على اقرب كرسي وبكت بصوت مسموع وهي ترتجف..
راكان بقهر"الله ياخذك يااحمدوه الزفـــــت"قرب من ريم وضغط على يدها:حبيبتي خلي ايمانك بالله قوي..
ريم سحبت يدها ومشت بخطوات سريعه وقلبها تزداد نبضاته ماكانت تشوف الطريق قدامها وصدمت بشي شهقت ورفعت راسها شافت عجوز وماسكه بنت صغيره:آسفه ياخاله آسفه..
العجوز عورها قلبها على شكل ريم كان مبين عليها التعب والارهاق:ماصار شي يابنيتي..
ريم ابتسمت ابتسامه صفرا ومشت وهي تسمع دعا العجــوز لها..
شافت ابوها واقف ورافع يدينه المرتجفه يدعي..وامها جالسه على الكرسي منهاره..ومشعل واقف مصـــدوم ورافض يصدق هالواقع..
بندر حالته مايعلم فيها إلا ربــــه كان يناظر في الفراغ قدامه وعيونه متجمعه فيها الدمــــوع..
قربت منهم وحظنت ابوها:يبه..
ابومشعل:ريم وش جابك انتي تعبانه..
ريم:ماقدرت اجلس في البيت (بعدت عن ابوها) يبه انت بخير..
ابومشعل تنهد بضيق وبصوت مكسور:الحمد لله روحي شوفي امك محتاجتك الحين..
ريم قربت من امها وباست راسها:ماما لاتخافين ان شاء الله فيه امل يرجع يمشي مره ثانيه..<<كانت تلعب على نفسها بهالحكي قبل ماتلعب على امها..
ام مشعل بأنكسار:حسبي الله على من كان السبب..
ريم تسندت على الجدار وتنهدت بضيـــــق..
في:ريم..
ريم نزلت راسها:هلا في دريتي باللي صار..
في:ادعي له الله يرجع لكم سالم..
ريم:آآآآآمين..
في لفت وشافت مشعل انعصر قلبها بألـــم من شكله ماحست بنفسها إلا وهي واقفه قدامه قالت بصوت مبحوح:مشعل..
مشعل صحى من عالم السواد اللي عايشه:هلا في..
في:مايصير اللي تسويه بنفسك تركي الحين محتاج دعائك..
مشعل تنهد بضيق:آآآآآه يافي مو مصدق ان تركي صار عاجز مشلـــول..
في حطت عينها في عيونه:تذكر يوم ابوي طاح وانا فاقده الامل انه يرجع لي وانت كنت تواسيني وتصبرني وعطيتني قوه كنت فاقدتها تذكر يامشعل..
مشعل:ايه اذكر..
في:ليه ماتطبق الكلام اللي قلته لي عليك الحين روح توضا وصل واقرأ قرآن وصدقني بترتاح..
مشعل كان محتاج هالكلام ابتسم براحه:والله مدري وش اقولك..
في:لاتقول لي شي المهم انت تكون مرتاح..<<ومشت عنه..
مشعل راقبها لما اختفت عنه راح ومسك المصحف وبدا يقرا بصوت هادي طمن اللي حوله وخاااصه ام مشعل اللي كانت منهااااره تماماً..
××
قاعده تدور في الصاله بتوتر وكل شوي ترفع جوالها وتدق لكن محد يرد رمت جوالها على الكنب بطفش:اففففف..<<لفت وشافت الجده نوره فارشه سجادتها ورافعه يدينها للسما تدعي ودموعها على خدها منظـــــر ما قدرت تستحمله وبكت بدون صوت..رن جوالها وبسرعه رفعته بلهفه:الوو هلا فيصل هاه بشر طلع من العمليه..
فيصل بصوت مخنوق:مها امي نوره جنبك..
مها بدون ماتناظر جدتها علشان ماتشك بشي:ايه..
فيصل:طيب روحي لمكان ثاني..
مها طلعت للحديقه:يله تكلـــم ترى خوفتني..
فيصل:تركي انشل..
مها بصدمه:وشـــــــــــو..
فيصل بدت دموعه تخونه:يله مع السلامه..
نزلت جوالها بصدمه وهي حاطه يدها على فمها"وش بتكون حالة لمـى الحين يااااارب يااااارب اشفيه وعافيه يااااارب"..<<دخلت الصاله وحاولت تكون طبيعيه..
الجده نوره:هاه يمه وش قالك..
مها طصنعت الابتسامه:الحمد الله يقول انه الحين احسن..
الجده نوره:مها لاتكذبين علي قولي الصدق..
مها بصوت مرتجف:يمه هذا الصدق..
الجده نوره بحده:مهــــــــــا..
مها ماقدرت تمسك نفسها اكثر وبكت:يمه تركي انشل..
الجده نوره نزلت راسها بضعف وضيـــــق مابينت حزنها ظاهرياً لكن من جوا قلبها يتقطع على ولدها:اللهم آجرني في مصيبتي واخلفني خيراً منها..
مها تبكـــــي كان احساس لمى صادق وياليـــــــــــــت هالاحساس كان كذب..
××
صحى وهو مكتوم يحس ان شــي كبير يضغط على صدره ويألمه..مسك صدره بيده والعرق ينزل من راسه..حاول يتكلم يصرخ لكن ماقدر حس بالضعف لأول مره في حياته..
مافادته فلوسه وآملاكه اللي يفتخر فيهم في هاللحظـــه لحظة المــــوت اللي حسها تقترب..
طاح على الارض ومد يده لجواله وهو ماسك صدره دور اسمه هو الحين محتاجه تجمعت الدموع في عيونه ووجهه صار احمــــر من الكتمه..
وصله صوته المعصب:خيـــــــــر ليه داق وش تبي بسببك ضيعت تركي..
احمد بصوت ضعيف ومخنوق:راكـ...ان..
راكان بأستغراب وخوف في نفس الوقت:احمد وش فيك..
احمد:الحقـ ..نـي..<<وطاح الجوال من يده حاول يرفعه لكن ماقدر يتحرك..
راكان ماسمع آخر كلمه:الوو الو احمد..<<كان ضايع مايدري وش يسوي فرك جبينه بتوتر وركض في الممرات وهو خايف ومرعوب ركب سيارته وحركها بسرعــه جنونيه تجاوز السيارات بصعوبه والاشارات قطعها..
وصل للقصر الواسع انفتحت البوابه ودخل نزل وهو خايف يضيـــع اخو دنيته وصديقه..صح ان اللي يسويه احمد كله حرااام في حرام لكن تشاركوا الحياة وتقاسموا الفرح والحزن سوا..
فتح غرفته وشافه متمدد على الارض قرب منه وهزه بخوف:احمـد احمد تسمعني..
احمد فتح عيونه بصعوبه:راكـ..ان..
راكان رفعه من الارض ومدده على السرير فتح ازارير قميصه وشربه مويه..
خذ نفــــس طويل حس ان روحه رجعت له من جديد..
راكان:احمد انت بخير..
احمد بلع غصته:ايه آسف خوفتك..
راكان:اهم شي انت تكون بخير..
احمد ابتسم:مشكور تعبتك معاي..
راكان:ماسويت شي إلا قل لي وش فيك..
احمد:مدري فيه شي يضغط على صدري بقوه وانكتمت وماقدرت اتنفس..
راكان"هاذي حوبتك ياتركي":شكل ربي استجاب دعاء ام مشعل..
احمد عقد حواجبه:من ذي..
راكان:هي نفسها ام تركي اللي خلصتوا عليه (تنهد بضيق) ماتدري انك خلصت علي انا..
احمد:ليه وش دخلك انت..
راكان:اليوم شفتها تبكي آآه ياقلبي..
احمد رفع حاجبه:مين ريم..
راكان وقف عند الشباك ودخل يدينه في جيبه:وفيه غيرها..
احمد:عارف انا سويت فيك خير..
راكان بأستهزاء:اي خيـر..
احمد:خليتك تشوفها اليوم..
راكان:اذا ذا الشي تسميه خير شكراً ما ابيه..
احمد:المهم بشر وش صار على ولد خالك..
راكان بضيق:انشل..
احمد بفرحه:والله هههههههههههههههههههههههههههههههه هذا اللي ابيه..
راكان لف عليه وبعصبيه:انت ماتتوب قبل شوي كنت بين الحياة والموت..
احمد يناظر جواله وبلامبالاة:محد يموت قبل يومه..
راكان تنرفز:انا مدري وش مقعدني عندك..
احمد:الحين انت وش هامك مو كنت كاره تركي وتتمنى يموت اليوم قبل بكره هذاني حققت نص امنيتك بس استنى علي شوي بخليه يتعذب بعدين بقضي عليه..
راكان:انت اللي وش هامك كل هذا تسويه علشان وحده زبــاله..
احمد بخبث:حبيبي انا ما اسوي شي إلا استفيد من وراه..
راكان بأستهزاء:وش تستفيد بالله..
احمد:نوف هاذي توها مغلفه بس بعد اللي سويته بتعطيني اللي ابيه..
مرت قشعريره على جسم راكان وقال بقرف:انا مدري وشلون تتحمل..<<طلع من الغرفه وهو متقرف من كلام احمد..
احمد طلع وراه:تتعشى معي..
راكان وهو ينزل:انسدت نفسي..
احمد:طيب ابي احد يتعشى معي..
راكان بأستهزاء:اتصل على وحده زباله تتعشى معك..
احمد:علشان ارجع في وجهها ههههههههههههههههههههههههههههههههههههه..
راكان جلس في الصاله الواسعه..
احمد تسند على الجدار ورفع رجله وهو يدخن سيجارته..كشر:ماتبي تتعشى..
راكان شوي وبيكفخه:قلتلك لا..
احمد نفخ سيجارته في الهوا:طيب هد نفسك ماقلنا شي..
××
؛؛..ليتني ماشفت في عينك دموع..
منظر الدمعه على خدك هلاك..
يامضوي في دجى عمري شموع..
الحزن ماخلف لعيون الملاك..؛؛

شافها حاظنه يدها لصدرها وعيونها تراقب الرايح والجاي..دموعها جفت على خدها من كثـر مابكت..
عوره قلبه عليها وراح لها:ريم..
رفعت راسها بسرعه تبي تتأكد ان هالصوت حقيقه مو خيال:نايف..
نايف ابتسم:اسف خرعتك..
ريم بأرتباك:لا بس كنت افكر يعني في..<<تخربطت ماعاد تدري وش تقول..
نايف:تفكرين في مين..
ريم رفعت كتوفها:محد (وقفت) عن اذنك..<<مشت عنه وهي شاده على شنطتها ماتبي تبكي كفايه اللي فيها..
"مو وقتك الحين يا نايف تكفى لاتزيد همي هموم"..
مشت وماتدري وين تروح ودها تطلع من هالجو..جو كله...خوف..الم..رعب..موت..مرض..حزن..كئآبه..دموع..
شافتها قاعده مثل ماهي مثل ماتركتها من ساعات تبكي ندمآنه على كل شي راااح ومضى..
تقدمت لها وجلست جنبها:خلاص لمى تكفين..
لمى رفعت راسها وعيونها حمرا:ريم سامحيني كل هذا بسببي..
ريم:محد له دخل باللي صار هذا شي مقدر ومكتوب (لفت عليها وابتسمت) لمى تصدقين قبل مايطلع تركي سألني عنك..
لمى بدهشه:عني..
ريم:هو للحين يحبك يالمى..
لمى نزلت راسها بيأس:المهم يرجع بكيفه يكرهني بكيفه يسوي فيني اللي يبي لو يبي يقتلني بس يرجع..
ريم بلعت غصاتها..
كملت:توني عرفت ان الحياة من دونه ولاشي وبدون ضحكته الدنيا مالها معنى..
ريم:كل هذا مخبيته في قلبك ولاقلتي لي..<<حظنوا بعض وبكوا من قلب وكأن كل وحده ترمي همها على الثانيه..
:ياهووو فيه فيلم هندي هنا..
رفعوا راسهم شافوه يبتسم لكن الحزن مبين في عيونه:يله بنات خلونا نروح البيت قبل شوي جا الدكتور وقال ان جلستكم مالها فايده..
ريم مسحت دموعها:طيب ماقال متى بيصحى..
مشعل:بكره بيصحى من البنج وبتملين من خشته..
لمى:خلاص اجل بقعد عنده..
مشعل:لامايصـير تقعدين اصلاً الدكتور مانع اي احد يدخل عنده..
لمى انقهرت منه:بس انا مو احد..
مشعل:عارف السبت ههههههههههههههههههههههههههههه يله امشوا..
وقفوا ومشوا وودعوه اليوم ماراح ينام عندهم وماراح يسهر معاهم..
ريم:مشعل امي وينها..
مشعل ركب السياره:بتنام عند خالتي وفاء..
ريم لفت على لمى:لمى نامي عندي الليله تكفين..
لمى:بتصل على امي وبشوف..<<رفعت جوالها ودقت على امها..
ام فيصل:دخن جوالي من كثر ما اتصلت عليك وينك..
لمى:انا بنام عند ريم..
ام فيصل:ريم طيب كيفها الحين..
لمى ابتسمت بتعب:هي الحين مو بخير بس اذا وافقتي اني انام عندها بتصير بخير..
ام فيصل:ياشيـــخه احلفي..
لمى:والله العظيم..
ام فيصل ابتسمت:طيب خلاص نامي عندها وانتبهي على نفسك..
لمى:ان شاء الله بااااي..<<وسكرت..
××
دخلوا البيت وعلى طول طلعت الدرج بسرعه لكن وقفها صوت..
ام رياض:في وينك من الصبح..
طلال جاوب عنها:رحنا للمستشفى..
ام رياض:عشى ماشر وش فيكم..
طلال:ولد اخو ابوفيصل اللي قلتلك عنه..
ام رياض:ايه وش فيه..
طلال بضيق:جاه شلل..
ام رياض:لاحول ولاقوة إلا بالله وامه كيفها..
طلال تنهد:امه حالها مايعلم فيه إلا الله يله خالتي تصبحين على خير..<<وطلع غرفته..
في كانت لسه واقفه وعيونها تدمع..
ام رياض:في يمه تبين تاكلين شي..
في وهي تطلع الدرج:لا تصبحين على خير..<<دخلت غرفتها ورمت عبايتها وشنطتها على السرير..
:لا كاااان ماجيتي احسن..
في لفت عليها وابتسمت بتعب:وش سويتي بغيابي..
غاده:قاعده اتحزم وارقص (بعصبيه) يالدبااااا وين كنتي..
في:هههههههههههههههه طيب هدي اعصابك..
غاده رمت عليها وساده ورا الثانيه:سخيـــــفه بااااايخه تافهه..
في حاطه يدها على وجهها:هههههههههههههههههههه غويد خلاص..
××
جلس على الكنب بملل وهو يناظر جواله:افففف ياختي ردي..
رهف نزلت من الدرج وهي تكلم:ياويلـــــــك لو لبستيه قبل ما اجي..هذاني قريبه منك..هديل والله مدري عنها اتصل عليها من الصبح وماترد..
خالد لف عليها لما سمع الاسم:وش فيها هديل..
رهف سكرت جوالها:اتصل عليها وماترد..
خالد "حتى انا تصل عليها وماترد":خبر قديم..
رهف:وش هو القديم..
خالدبأرتباك:هاه لاولاشي..
رهف بنظرات خبث:متأكد انه ولاشي..
خالد:لا ممكن الاتصال بصديق خخخخخخخخخ..
رهف:ههههههههههههههههههههههههههههههههههه حلوه (مدت يدها) كفك كفك..
خالد:حمد الله والشكر (وقف) اقول انا رايح تبين شي..
رهف:ممكن توديني معك..
خالد:وش هالادب اللي نزل عليك فجأه..
رهف:خلوووووودي..
خالد:ياشين المصالح هاه وين تبين تروحين..
رهف:بروح بيت عمي عبدالعزيز علشان اشوف دلوول بتلبس فستان الزواج وحلفت عليها اني اول وحده بتشوفه عليها و..
خالد قاطعها بطفش:خلاااااااااص حشا بالعه مسجل يله امشي..<<ومشى..
رهف مشت وراه مكشره"بيذلني اسبوع على هالتوصيله افففف الله يعين زوجتك عليك"..
××
كان متمدد على السرير وحاط يدينه ورا راسه ويناظر السقف..
كان اليوم بيضيع منه اخوه اللي ماجابته امه..ولد عمه وصديقه اللي قضوا عمرهم سوا..رن جواله وناظر في الاسم..
رد ووصله صوتها الناعم: حبيبي ادري اني امس سحبت عليك ونمت بس لاتلومني مع رسالتك والميوزيك اللي حطيتها نمت ولاحسيت بنفسي..
بندر ابتسم بتعب:هلا قلبي..
دانا اختفت ابتسامتها:بندر وش فيك صوتك متغير..
بندر تنهد بضيق:تعبان..
دانا بسرعه:حبيبي وش فيك يعورك شي..
بندر:تركي ولد عمي انشل..
دانا شهقت بصدمه:وشـــــــو..
بندر خانته دموعه:حبيبتي بعدين احاكيك باي..<<وسكر..
انفتح الباب ودخلت:يمه بندر..
بندر بصوت مبحوح:سمي..
ام نايف جلست جنبه:يمه قوم صل وادعي له مايصير اللي قاعد تسويه..
بندر ودموعه على خده:ان شاء الله يمه..
××
دخلت بخطوات ثقيله ودموعها نزلت حاره على خدها..دورت بعيونها عليه يمكن يكون كل هذا حلــــم او بالأصح كابوس..
:

[~..دمــووع..~]

رد: تموت عيونهم فيني .. وانا بك ميته عيني الجزء السادس والعشرون

[align=center][align=center][table1="width:95%;"][cell="filter:;"][align=center]يالله . نزلت دموووعي من اللي صار لتركي ما يستاهل ..
والله احمد حقير .. بس تدرين ربج يمهل ولا يهمل ..
وانا ناطره ردت الفعل بأحمد ..
نكمل القصه ..
تحيـآتي
دمـووع[/align][/cell][/table1][/align][/align]

[أحلام وردية]

رد: تموت عيونهم فيني .. وانا بك ميته عيني الجزء السادس والعشرون

مشكورة يالغالية على القصة الرائعة
الله يعطيك العافية وفي انتظار البقية
ودي لك