إعـــــــلان

تقليص
لا يوجد إعلان حتى الآن.

قالوا حبيبك يسمع الشعر قلت ايه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قالوا حبيبك يسمع الشعر قلت ايه

    السلام عليكم
    حبيت اقدم لكم قصيده انا على نفسي حبيتها حيل واتمني تعجبكم .............

    قالوا حبيبك يسمع الشعر قلت ايه
    يقراه بعيوني قبل تسمعونه

    لولاه حتى طاري الشعر مابيه
    مير اكتبه من شان خاطر عيونه

    هو روح شعري وامنياته وماضيه
    جذع الشجر وش كان لولا غصونه

    اكتب لغيره والقصايد تجي فيه
    كن القصايد حالفه ماتخونه

    هذاك لامنه زعل قمت اهاديه
    حتى وهو مخي تعذرت دونه

    يمكن لو انه يلمس الجرح بيديه
    يستغرب ان اللي لمسها طعونه

    ابطي وهو غايب وزلت حراويه
    وانا من العام اتحري مزونه

    هو مادري اني في غيابه محاتيه
    ليته نشد عن حالي اللي يجونه

    واقلبي اللي توه افلت عراويه
    كيف انسرق وضلوع قلبي حصونه

    عجزت ارده كان ماني براعيه
    يوم انتثر شوفه وهاضت شجونه

    يبسن عروقي لكن اللي يعزيه
    ان اكثر العالم تردد لحونه

    خافو من الله لا تجيبون طاريه
    لاصرت انا موجود لا تذكرونه

    لوكل غالي جابه الله لغاليه
    ماشفت لك مخلوق تبكي عيونه ...........
يعمل...
X