..الجـــ السادس ــــزء..
××في الملعب××
الشباب يلعبون كوره..
نايف وهو يركض:تررررررركي تقدم ماعندك احد..
تركي يلعب وعقله مو معه..
نايف علَى صوته:قاعد احاكي جدار انا..
بندر يهمس لتركي:ياتلعب زي الناس ياتتفضل برا لو سمحت..
فيصل جاء عندهم:خير وش عندك انت وياه..
تركي جلس:مالي خلق العب..
فيصل:ليه كمل هالشوط طيب..
تركي بضيق:مالي خلق اقولك..
بندر:راكان بعد اففف ياذا الراكان اللي يبي له كف..
تركي:تضاربت معه..
فيصل بأبتسامه عريضه :تعجــــــــبني..
نايف جاء عندهم:وش السالفه..
فيصل حط يده على كتف تركي:ولد عمك تضارب مع راكانووه الزفت..
نايف جلس جنب تركي:كذا بدون سبب..
تركي:ايه مشتهي اتضارب مع احد ومن حسن حظه ماتضاربت إلا معه خلونا نكمل بس..
××في غرفة البنات××
مها:اقول من فيكم اتصلت على هديل من زمان ماسمعت صوتها..
ريم:انا قبل شوي اتصلت عليها وتقول رايحين لمزرعة جدها في المزاحميه..
لمى:اوووريها امس كلمتها ولا قالت لي..
ريم:روحتهم جت فجأه حتى هي مادرت إلا اليوم..
مها:ليه صاير لأحد من اهلها شي..
ريم:لا بس مجتمعين هم وعمانهم بدون تخطيط كذا طقت في راس جدهم وقال تعالوا هيييييييييه انتي وياها متفقين علي..
مها:مااتفقنا ولاشي..
لمى بخبث:إلا وش اخبار مشعل..
مها كانت تشرب مويه وشرقت...
لمى تضرب ظهرها:شوي شوي محد لاحقك ترى..
مها عيونها تدمع:كح كح هذا بدال ماتقولين بسم الله عليك..
لمى:بسم الله عليك هاه ريوم ماكلمتيه..
ريم:إلا ويسلم عليكم وخاااااااااااصه مهاوي..
مها استحت وبصوت واطي:الله يسلم قلبه..
لمى عطتها كوع وقلدت صوتها:الله يسلم قلبه هههههههههههههه..
ريم:ههههههههههههههههههه..
مها كشرت:اقووول العبوا العبوا هيه انتي لاتغشين..
××
..ومر الوقت بسرعه..وصارت الساعه ((2pm))..
ام فيصل:يله مها لمى..
ريم:خالتي تو الناس اقعدوا شوي..
ام مشعل:ومين يقعدون عنده حتى إنا بنمشي..
ريم:خلونا نقعد شوي..
ام فيصل:مامليتي..
ريم ابتسمت:لا والله مامليت قعدتكم ماتنمل..
ام فيصل:الجايات اكثر يله انتو استعجلوا..
مها تلبس عبايتها:يله جينا..
ام راكان تناظر ام مشعل بأحتقار:يله نشوفك ياام فيصل على خير..
ام مشعل تغير لون وجهها..
ام فيصل ابتسمت بدون نفس:ان شاء الله..
مشاعل همست في اذن ريم:والله ذا السالفه ماراح تمر على خير يابنت فهد ولا تتعبين نفسك لان نايف لي لي انا وبس..<<وراحت عنها..
صار صوت مشاعل يرن في اذنها ناظرتها بأحتقار وهي تمشي بغرور وكأن مافيه غيرها..
لمى باست خد ريم:يله باااي..
ريم:بتطلعين..
لمى بسرعه:ايه ماما ومها طلعوا الوعد اليوم على الماسن..
ريم بضيق:لا فيني النوم ومو رايقه..
لمى بهمس:قالتلك شي..
ريم باستها:بعدين اقولك يله باااي وبوسي لي مها..
لمى وهي تمشي:اوووكي (رجعت لها وهمست) اذا اتصلتي على ميشوو وصلي له سلام مها اوكي بااي..<<وركضت..
ام نايف كانت تكلم نايف وحاطه على السبيكر..!!
ام نايف:تعال ادخل جوا ابيك تشيل اغراض..
نايف وهو في طريقه لقسم النساء:ياكثر اغراضك يمه..
ريم اول ماسمعت صوته مرت قشعريره على كل جسمها...
ام مشعل:يله ريم..
ريم:اوكي يله لا لحظه نسيت شنطتي..
ام مشعل بطفش:روحي جبيها انتظرك في السياره..
ريم:اوكي..<<دخلت الغرفه وخذت شنطتها وسكرت النور إلا طلع بوجهها..
:ريـــــــم..
ريم شهقت:هذا انت..
نايف:اسف خرعتك..
ريم:لا ماصار شي يله بااي..
نايف:كذا على طول باي..
ريم لفت عليه وبسرعه:تأخرت على تركي والله يسوي لي سالفه..
نايف:اوكي اشوفك على خير..
ريم ابتسمت:بااااي..
نايف تنهد بقوه فيها سحــــر جذاب هالبنت..
ام نايف:نايــــــــف..
نايف لف عليها:سمـــي..
ام نايف:يله وإلا ودك تقعد..
نايف:اوكي..
...في سيارة تركي...
ريم ركبت:اسفه تأخرت..
تركي:لا كان نمتي احسن..
ريم:قلتلك خلاص اسفه وش فيك ترووووك..
تركي:مافيني شي بس مكان فيه راكان ماعاد اطبه..
ريم من اسم راكان ارتعش جسمها..
ريم بخوف:ليه وش سوا..
تركي:ولاشي (لف عليها) وش فيك وجهك منقلب الوان..
ريم بأرتباك:هاه مافيني شي وين ماما..
تركي:ليلى مع قيس ماتقدر تتركه لحاله..
ريم:مين قيس..!!
تركي:ابوك مين يعني..
ريم:هههههههههههههههههههههههه..
تركي:وش اخبار لمووو..
ريم:إظاهر بدى قلبها يحن عليك..
تركي:يحن علي خير تراني مو ميت عليها..
ريم بنظرات خبث:علـينــــــــــا..
تركي رمى عليها المناديل:اسكــــــــــــتي..
××في سيارة راكان××
كان يدور في الشوارع مع خويه ((احمد))..<<احمد طلع صديق راكان الروح بالروح ولو عرف ان هيفاء تطلع اخت راكان لايمكن يفكر مجرد تفكير يضرها بشي..
راكان:قسم بالله مو مستحمل العيشه معهم بنتين يجبون الهم وام ماتدري وين الله حاطها..
احمد ياخذ نفس من سيجارته:تعال عيش معاي..
راكان:وابوك..
احمد:ههههههههههههه ابوي لاهي مع (بأستهزاء) خالتي الجديده..
راكان بأستغراب:خالتك..
احمد:يعني الحلوه اللي تزوجها وطاس معها مسافر شهر العسل ياويلي..على طاري الحلوه شفت بنت ياشيخ قليله عليها كلمة جنه شي..
راكان:وعطتك وجه..
احمد بغرور:افكورس اصلاً تبوس يدها وجه وقفى اني ناظرت في اشكالها..
راكان:الله على الغرور اللي ذابحك..
احمد ناظره بطرف عينه:بس من حقي وإلا..
راكان يناظر الطريق:اقول طف سيجارتك خنقتني..
احمد خذ نفس وناظر في السيجاره:العيشه بدونك ماتسوى..
راكان تنهد:والله العيشه بدون ريم ماتسوى..
احمد:ودي اشوف ريم هاذي..
راكان عصب:انت خير خلك مع خوياتك ولاتفكر بريم تراها مو من النوع اللي على بالك..
احمد ببرود:اوه الاخ عصب اسفين (مد له السيجاره) خذ روق..
راكان خذ السيجاره ورماها من الشباك:مااطيقها افهم..
احمد ابتسم بخبث:اوكي على راحتك..<< ضغط على الدركسون بيده وبخبث..
"اذا خلصت من الحلوه اللي عندي..جهزي نفسك يا ست ريم ههههههههههههه"..
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
:
:
مــــــــــــــــــر اسبوع..
!!..ثقيل على ناس مثل مشعــــل كان كل مكان في دبـــي يذكره بملاك..!!
!!..ومفرح لهيــفاء اللي غرقانه بكلام الحب من احمد كانت اسعد انسانه في الدنياا..!!
!!..ريـــــــــم بدا قلبها ينبض لنايف وتموت وتعرف نايف يبادلها نفس الشعور وإلا لا..!!
!!..نايــــــــف عايش حياته ومتمتع بالعزوبيه..!!
!!..بنــــــــدر وتـــــركي وفيــــصل ومشـــاري مر الاسبوع عليهم عاادي يشربون وياكلون ويطلعون وينامون وهاذي شغلتهم وعندهم كذا احسن شي..!!
!!..هديــــــل قررت تنام عند جدها في المزرعه كانت مستانسه حيـــــل وتتمنى تعيش في المزرعه على طول وماتدري وش المصيبه اللي تنتظرها في البيت..!!
!!..مهــــــا ماتدري وش نهاية حبها لمشعل..!!
!!..راكــان جلس كم يوم مع احمد وكره عيشته اكثر احمد كان راعي شرب وبنات بس نار احمد ولاجنة امه وخواته..!!
!!..مشــــاعل تفكر بخطه تطيح فيها نايف وتخليه يحبها وكانت كل يوم تطلع لسهره مع منال والوضع عاجبها..!!
!!..لمــــــى اكتشفت انها تحب تركي وندمــــــانه على كل كلمه غلطت فيها في حقه..!!
:
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××
))..وش اخبار قلبك عسى مافارق افراحه..ادري جرحتك وشلت بخاطرك مني..
..خسران بعدك وقلبي ضاعت ارباحه..غلطان ادري وابي منك تسامحني..((
مشعل كان واقف يشتري عصير بسرعه يبي يلحق على مباراة لبرشلونه..
مشعل:بليز كويكلي..<<لف وهو منزل راسه وصدم في شي خلاه يرجع لورا..
مشعل رفع راسه وانـــــــــصدم تجمددت اطرافه ومرت قشعريره على كل جسمه غمض عيونه اكيد هو يحلم فتحها لقاها حقيقه مو حلـــــــــم..
ملاك واقفه قدامه حياته وعمره وروحه واقفه قدامه كان يتمنى يشوفها ويحظنها ويقول ليه سويتي كذا بس تحقق اللي تمناه صار فيه شي يمنعه..شي يصرخ بداخله
..هــــاذي خايـنــــــــه..
ملاك حالها مو احسن من حاله ارتجفت عظامها وانشل تفكيرها حست ان الحياة وقفت هالحظه نزلت دموع ندم حاره على خدها ودها تصرخ احبك واموت فيك ومشتاقة لك..بس هالكلام مايفيد لان مشعل مستحيل يسامحها..
:هاه حبيبتي خلصتي..
يتبـــــــــــــع..<<
تعليق