أقنعة !! بقلمي..

[برشلوني 10]

والشعر اذا ماشدك من اول شطر ...كلام لايكنى ولا فيه ازدواج

واللادمي على الاضاديد انفطر ...لذلك الله سن للناس الزواج


طويلت العمر وانا اقولج اذا القصه ماتشدني من اول سطر اعتبرها تافها

مع احترامي لج الشديد انتي قلتي انتقدوني اذا في اخطاء بقصتي

انتي عاد فسري البيتين اللي حطيتهم لج وفهمك كفايا

تحياتي طويلت العمر

[cαяless шнispeя]

ههههههههههه و الله ضحكت على اخر شي


يعطيج العافيه و لازلت متابعه:)

قصدج على الخال بوخشم هههههه
تهمني متابعتج تسلمين يالغلا انتظري الجزء اليديد :)

[cαяless шнispeя]

والشعر اذا ماشدك من اول شطر ...كلام لايكنى ولا فيه ازدواج

واللادمي على الاضاديد انفطر ...لذلك الله سن للناس الزواج


طويلت العمر وانا اقولج اذا القصه ماتشدني من اول سطر اعتبرها تافها

مع احترامي لج الشديد انتي قلتي انتقدوني اذا في اخطاء بقصتي

انتي عاد فسري البيتين اللي حطيتهم لج وفهمك كفايا

تحياتي طويلت العمر

عفوا شنو ضفت لي بردك ؟
كان بامكانك توفر ردك على نفسك وماتقرا دام ما شدتك او تافهة على قولتك !

[cαяless шнispeя]

ما شفت امي في يوم سعيدة كثر هاليوم !
يوم دخلنا القصر ..
اسميه قصر لأن وايد كان عوود
وبابا كالعادة مستحي من باباعود قطنا عند باب البيت وراح
طقينا الباب تخيلو بيت يدي وامي تطق الباب !!
سبع سنين بعيدة عن ابوها خلتها تحس انها غريبة !
تبطل الباب حسيت انه مثل المدرسة شلون مدخل صغير والباحة كبيرة !
وبالزاوية اشوف حجية عودة يعني ريلها والقبر الحين هي في عداد الموتى لكن قسما ما انسى شكلها
كانت ايرانية الجنسية اسمعها تصرخ تنادي خالي احمد
أأأهمد زود يبوت قاهريت زيات << على ما اظن احمد الحق اختك وصلت
يركض احمد ومعاه واحد حلو << يمكن لأنه خشمه صغير هههه كان خالي الثاني علي
امي واقفة متسمرة مكانها جرتني من عنوقصتي
تقولي العقل يا بنت المفتري ههههههه
لأني كنت اسوي حركات هبلة فحلجي ههههههههه
ايمان مسوية خوش بنية عشتو وخلود اخوي ماسك عباية امي من صوب
والا يدش ريال عود امي تقول روحو هذا ابوي سلموعليه هذا جدكم
يمااا@@ ولا تحركنا اهي تبي تمشي ماخليناها خفنا من عيونه
كانو مبققين وايد هههههههه
راحت بصعوبة انزلت على ريوله وايده تبوسهم
تبي رضاه رفعها وباسها
وطول وايد لما حضنها وكانو يبجون
تدخل وحدة عيوز توقعت انها يدتي امي قالت سلمو على نانا <<هالاسم يخوفنا وايد اهي الله يسلمكم
مرة يدي اللي كله قبل امي لما تهددنا تطريها
الظاهر كانت تطق امي يوم امي ياهل
طاف الوقت بصعوبة وامي كانت وايد تبجي
مادري شنو كان شعورها
بس اللي اذكره عيونها ماكانت تفارق ملامح حتى طوفة بيتهم
واحنا بخزتها كنا نتحرك جب بس انطم قعدي عاجل
<< بس هذا اللي كنا نسمعه منها
وع كرهنا بيت باباعود
شوي والا يقولها دلال وين عبدالله
امي ضحكت قالت يبا عبدالله برا بس خايف يدش وتطرده
قالها انا رايح اناديه يتغدا معانا
خذا اخوي خلود وراح رجع واهو ايده على كتف بابا
بيني وبينكم بعد ما شفت بابا عود عرفت انه ابوي ريال كبير بالسن !
انتبهت انه الشعر ابيض نفسه شعر ابوي
وفي تجاعيد على عيونه
ولما ضحك في ضرس ذهب
اوخ @@ لا يكون باباعود اخو ابوي @@
<< طبعا هذا نتاج تفكير غبي بيني وبين خالد وايمان

كان يوم وايد حلو ما كان ينقصنا
الا نتعرف على ماماعودة ام امي الصجية !
ممممم

وللأقنعة بقية

[الـزين يفرض نفسه]

هههههههههههههههههههههه


خووش شي ،، ضرس ذهب اخو ابوي :p

متابعين حبـــووبه ،،

[jkuwait]

من رُغم توآجد اللحظآت الفكآهيه ../

إلآ أني أرى ثـغوبـاً يتـسرب منهـآ عـآبق الـحزن والأسـى ../


ولكــن ..


يعـود هذآ لــ/ مقـولة ..{ البيـوت أسـرآر }..




حقـاً لآ نفقـه بــ/ مآ يحدث من حـولنآ من تضـآريس الضـروف ../



::





صـآحبة قنـآع .{ زيـركسيس }. كـوني قـريبه ..!!



شــُكراً بــ/ حجم الكُـويت ../




::



سـ/ أكون بــ/ الجوآر

[cαяless шнispeя]

هههههههههههههههههههههه


خووش شي ،، ضرس ذهب اخو ابوي :p

متابعين حبـــووبه ،،

هههههههههههه انتي ماشاءالله متابعة فنانة
نطري القادم اجمل لا تروحين بعيد

[cαяless шнispeя]

من رُغم توآجد اللحظآت الفكآهيه ../

إلآ أني أرى ثـغوبـاً يتـسرب منهـآ عـآبق الـحزن والأسـى ../


ولكــن ..


يعـود هذآ لــ/ مقـولة ..{ البيـوت أسـرآر }..




حقـاً لآ نفقـه بــ/ مآ يحدث من حـولنآ من تضـآريس الضـروف ../



::





صـآحبة قنـآع .{ زيـركسيس }. كـوني قـريبه ..!!



شــُكراً بــ/ حجم الكُـويت ../




::



سـ/ أكون بــ/ الجوآر

يا هلا
وما اروع هالرد الا انت
قراءة قصيرة لكن اجدتها
خلك قريب الاحداث زادت سخونة !!

[cαяless шнispeя]

ام امي عراقية بالتحديد من البصرة هذا على حد علمي
طلقها باباعود يوم امي كان عمرها 3سنوات
تقول امي يوم تسولف لنا انه وايد توله على امها
وكنا كل ما نتهاوش انا وامون وخلود تقول يجيكم يوم
تبجون لما تاخذكم الدنيا عن بعض !!
ما كنا نفهم قصدها !
ممم الحين تدش امها الصجية بعد شوية تدش
ممم مادشت
استغربنا
امبيه مو هذا باباعود يعني اكو ماما عودة بنفس البيت !!
عدل ؟
مو هذا اللي عرفناه من احنا يهال !
ردينا البيت واهي للحين ماشفناها
بالطريج امي ما وقفت سوالف
كله تبتسم فرحانة في الصلح اللي صار بينها وبين ابوها
اذكر تقول عبدالله انا سامحتك والله
لأن اليوم هذا مو لازم ازعل فيه اصلا ابوي رد روحي
بابا معلي على اخبار اذاعة لندن ومخلي امي تقرق على راحتها
ههههههههه
احنا بالكشن اللي ورا نتهاوش مرة ونضحك مرة ونطق بعض مرات
ابوي عزمنا على شورما لحم اوخ @@ اكيد اكو مناسبة
كانت كل طلعاتنا فلافل عجيب بابا اكيد فرحان ويبي يونس ماما
فديتهم اكيد تصالحو
امي حطت عباتها على جتفها بالسيارة جان بنص الطلعة
شال وشدخ فيها مسبات
امبيه @@
بابا توك تضحك مع ابوها الحين تقولها العن ابوج
زين مو حرام توها تضحك امي ما امداها
اف اف اكره تفكير بابا


رجعنا البيت والا ابوي ينادينا نفتح هدية اللي يابها
لنا مع خالو احمد امس
لأن سهرو وسوالف وبعدين دش مع امي الدار بروحهم @@
وزفونا عشان ننام مبجر
فتحنا الكرتون والا تلفزيون @@
اول مرة يدش تلفزيون بيتنا كان عمري 8 سنوات
تخيلو الفقر !!
مممم كنا نروح عند جارتنا مصرية أم عدلي نطالع كارتونز
الله وناسة الحين صار عندنا واحد بروحنا يعني ماراح نروح عندهم
كانت ام عدلي وايد تزفنا وانا كنت كله اوصخ بيتهم لما تزفنا
تطقني وطق خلود اخوي عشان لا نرجع
ثاني يوم احنا مرتزين عند باب بيتهم
نبي نتابع لا وكنا نروح
لها بس حزة الكارتونز اللي نحبه
غصب هههههههههه
كان خالي ايينا وايد وامي تسأله عن ماماعودة الصجية
كل ماكان ييبون سيرتها يتحجون بصوت واطي
امبيه شكو
ايمان وايد شاطرة !
خلود كبر ,
انا صرت بطة اكثر
مرت سنة ...
الحين انا صرت برابع ابتدائي وامون باولى متوسط
كنا بنفس المدرسة ( عمرة بنت مسعود)
اما خلود كان يدرس بمدرسة ( ابوسعيد الخدري ) او الخضري ناسية !



قربت عطلة الصيف نزل اسم ماما بالجريدة انهم عطوها بيت حكومة لأنها كويتية متزوجة من جنسية اخرى !
فرحنا عبالنا نفس قصر باباعود
والا يكتبون اسم المنطقة ! امي بجت تقول
حق ابوي ارجوك ما ابي
ارجوك والله ما تعودت على هالمستوى !
تهقون وين وليش امي اعترضت ؟
وهل ابوي مضى بقراره !


للأقنعة بقية ..

[just:)smile]

غلااي و ننتظر البقيه

[just:)smile]

والشعر اذا ماشدك من اول شطر ...كلام لايكنى ولا فيه ازدواج

واللادمي على الاضاديد انفطر ...لذلك الله سن للناس الزواج


طويلت العمر وانا اقولج اذا القصه ماتشدني من اول سطر اعتبرها تافها

مع احترامي لج الشديد انتي قلتي انتقدوني اذا في اخطاء بقصتي

انتي عاد فسري البيتين اللي حطيتهم لج وفهمك كفايا

تحياتي طويلت العمر

برشلوني

كلمه تافهه لقصه لا تعتبر نقد

النقد يجب ان تقول لها اين المواضع التي فيها خطأ برأيك

حتى توضح لك الخطأ لعلك أسأت الفهم

او تصحح الخطأ


:)

[cαяless шнispeя]

غلااي و ننتظر البقيه

سوري على التأخير
تابعي البارت هذا الاكثر تشويقا من الاحداث اللي مرينا فيها

[cαяless шнispeя]

اول مرة عرفت انه الحامل تحوشها لوعة جبد
يوم اشوف امي واهي تطبخ سمج والا تقط اللي
بجبدها على الارض
جان اركض انادي ايمان اقولها انتي صرتي كبيرة قومي فصخي امي
غير هدومها والا كبيرة على الفاضي
جان امي تقولنا انا امون انه اهي بتييب لنا اخت اواخو
وعادي اللي صار لا نخاف عليها
وطلبت منا نجتمع ونختار اسامي صبيان وبنات عشان
تسوي قرعة وتختار اسم
مرت الايام وقضت الشهور ..
وياتنا اخت يديدة اسمها دانة
على قولة امي دانوو ويه الفقر هههههههههه
لأنه كانت حزتها تتفاوض مع بابا بخصوص البيت !
كان كل هم امي انها تحافظ على الاقل
على مستوى معيشتها
لو بالمظاهر !
عشان لا يعايرونها بيت باباعود باختيارها !
حتى لما كانت تروح مناسباتهم كانت تسوي
جمعية مع جاراتها وتاخذها
اول وحدة
تخيلو عندها عباية لما نبي نروح
بيت يدي تقول عطوني عباة بيت باباعود
حرام حتى ملابس ابوي كان ما ييبلها
اف مادري متى بتفرج معاها !!
فلما طلع لنا بيت الحكومة ابوي ظل يساحلها
انه توافق
على اساس انه بيرتاح من اجار البيت !
لأن بيوت الحكومة اجاراتهم رمزية كل سنة يدفعون
ومبلغ ما يتجاوز 30 دينار على ما اظن !
وافقت ام خالد
وشالو من منطقة السالمية
الى منطقة عمرنا ما سمعنا عنها
اسمها صليبية
معروف عنها انها بيوت كويتيات متزوجات اجانب
واخواننا البدون والبعض اللي يستأجر من
هالكويتيات من ورا علم وزارة الاسكان !
على اساس انه الاجار مو وايد !
بشكل عام في فرق فقط بالمستوى المعيشي
اما عن السكان انا لا اعلم فاكيد منهم الزين ومنهم الشين
حالها حال اي منطقة باي مكان
وشلنا قشنا الى هناك بعد ما ابوي عدل في
البيت من برا ومن داخل من ناحية عمران وتقسيم
جديد بحيث انه يعجب
امي على الأقل شكله اذا مو مكانه !
طبعا امي وافقت بشرط !
انها تقدم على ليسن وتسوق سيارة !!
ممم وافق باباتي على مضض
انتقلنا رسميا الى البيت بتاريخ 22-7-1990
وبعد جم يوم ابوي نفذ وعده لأمي بقرار تعليمها قيادة السيارة !
كان اكو جارة براس العاير
كنا بقطعة 7 بالتحديد هالجارة متزوجة ايراني مرة عودة
امي حبتها وايد
مادري جنه امي وصديقاتها تفسيرلحالة النقص من ناحية الحنان !
اغلبهم عيايز !
ياحرام كله تناديها يما
اقولها ماما هذي ماماعودة تقول لا بس الاحترام لازم
المهم امعلي كانت وايد تشجعامي انها تتحمل ابوي وتساعده
الوحيدة اللي ابوي يخلي امي تزورها بالمنطقة كلها ما نعرف
غيرها وانا عن نفسي كنت احبها وايد لأنها كانت تبيع كوكاويات
<< تخصصي هههههه
دانة كلت الجو علينا انا وامون وخلود
كنا ما نحبها كله نقرب يمها نعضها ههههههه ونركض
وامي تحذفنا بنعالها خو اقرب شي كااااك
اتفقت ماما وبابا مع المدرب يعلم امي تسوق اذكر اسمه
عمو حسام
وان شاء الله اول دروس القيادة باجر
في يوم لم كنا نحسب حسابه هههههههه
دقت خالتي ام علي على امي الصبح مبجر
دلول اخذي عيالج وتعالي انتي وريلج
ماما : والله يايما اليوم ما قدر اتريق
عندج لأنه المدرب بيمرني
خالة ام علي : اي تدريب انتي الثانية صداموو
الغبرة دخل علينا !!!!!!!!




صارالغزو واحنا بمنطقة اذا مو كلها فأغلبها عساكر
من الجيش الكويتي
يعني عليها العين من قبل القوات المحتلة !!
مممم وبدت علاقة امي وابوي بالتوترر!!



وللأقنعة بقية ..~

[just:)smile]

يعطيج العافيه غلاااي :)

بانتظار البقيه :)

[موسيقيه حساسه]

.. الله يعطيج العافيه وعساج عالقوه ..


أحداث القصه جميله و مشوقه .. " جذبتني "


متابعه ,, :)