..الجــــ الثاني والثلاثون ــــــزء..
تعطر وهو يغني وعلى وجهه اكبر ابتسامة خبث..
راكان وهو يسند جسمه على الباب:خير وش سالفتك اليوم..
احمد ابتسم:اليوم بقابل البنت اللي قلتلك عنها..
راكان انقرف:طيب اللي يسهل عليك يله سلام..
احمد بسرعه:وين وين..
راكان بدون نفس:بروح البيت..
احمد:خلك معي لما يجون وانا باخذ البنت وانت اقعد مع جنا..
راكان بأحتقار:مابقى إلا ذي اجلس معها اقول انا رايح..
احمد ارسل بوسه:عقبال ماتسوي مثلي..
راكان تقرف وانقلب وجهه الوان وبأنفعال:الله لايقوله وجـــــع..<<وطلع..
احمد كشر:مسوي لي يعني اني شريف وما اسوي ذا الاشياء (فكر بخبث) خلني اخلص من الحلوه الليله والدور بيجيك انت وجوليت حقتك ههههههههههههههههههههههه..
××
بلعت غصتها ومسكت يدها بخوف:اقول جنا ذا البارتي بيكون فيه شباب..
جنا بخبث:ايه اكيد..
هيفاء خافت وبسرعه:تكفين تكفين رجعيني البيت خلاص ما ابي اروح..
جنا ناظرتها بنص عين وبأستهزاء:لاااا احسن اعطيك رضاعه بعد..
هيفاء عصبت:جنا لاتتريقين انا اتكلم جد..
جنا ببرود:وش فيك يالبزر..
هيفاء:خايفه..
جنا:من ايش حمد الله والشكر اقول بقولك شي انتي ماتدرينه عني تراني دايماً اروح لسهرات مثل كذا شباب وبنات ورقص وشرب وجوو مو طبيعي بتستانسين عليه..
هيفاء انصدمت من كل كلمه قالتها جنا..
جنا بدون اهتمام:خير وش فيك..
هيفاء شهقت:ماتوقعتك كذا ابد..
جنا:لاتوقعي وتوقعي مني اكثر من كذا (فتحت شنطتها وطلعت باكيت سيجاير ومدته لهيفاء) تبين..
هيفاء عصبت وبعدت يد جنا عنها بقوه:جنـــــا وش ذا السخافه..
جنا شغلت سيجارتها ونفختها في الهوا:والله ذا السخافه عاجبتني..
هيفاء انصدمت ولفت وجهها على الشباك وانفاسها سريعه ماتوقعت في يوم ان صديقة عمرها واللي عتبرتها اختها تسوي هالأشياء..
جنا ضحكت بأستهزاء:هههههههههههههههههههههههههههههههههههه..
هيفاء ناظرتها بأستحقار وبصوت واطي:متخلفه..
××
سند جسمه على السرير وهو يتنهد برااااحه غريبه..انفتح الباب بقوه ودخل..
تركي ارتاع:بسم الله وجـــــــع خرعتني..
بندر رجف الباب برجله:احمد ربك اني جيتك مالت عليك وعلى خشتك..
تركي:اصلاً مالك إلا انا..
بندر سحب كرسي وبدون نفس:ياشين الثقه الزايده بعد..
تركي:هههههههههههههههههههههههههه..
بندر:خير قلت شي يضحك..
تركي:لا شكلك نكته..
بندر شاف وجه تركي متغير واحسن من اول:تركي فيك شي (فتح عيونه على اخر شي) عسى بس ماقلت لامك القرار البايخ اللي مقرره..
تركي:ههههههههههههههههههه لا انساه..
بندر بأرتياح:اجل قل لي وش فيك..
تركي تنهد:رجع لي قليبي..
بندر:لمــــــى..
تركي ابتسم:ايه..
بندر بفرحه:ياشيخ مبرووووووووووك..
تركي:ههههههههههههههههههههه لو كنت داري ان هالشي بيفرحك كان سويته من زمان..
بندر:اقول عاد عن الفقش..
تركي:زين انك عارفني..
بندر:وهي وش قالت لك وش قلته لها..
تركي بمزح:اف ياشين اللقافه..
بندر رمى عليه المخده:انا غلطاااان اني جيتك اصلاً..<<وقف ولف ينتظر تركي يقول له تعال بس ماقال له شي لف عليه شافه ميت ضحك..
بندر بقهر:ياخـــــــي على الاقل جاملني قل لي انثبر شوي..
تركي:ما اعرف..
بندر:ايه الحين ما تعرف المهم قل لي وش صار..
تركي قال له كل شي:تصدق يوم شفت دموعها حسيت اني غبي وحماااار..
بندر:توك تدري من زمااااان..
تركي انقهر:بندروووووووووووووه..
بندر:هههههههههههههههههههههههههههههههههههه..
××
جالسه في وسط سريرها وضامه رجلينها لصدرها وتبكي بحرقــه..مسحت دموعها وطلعت دفترها وكتبت بيدينها المرتجفه..
.."كنت اظن اني حبيبك (شهقت ونزلت دموعها وكملت) واني لامن غبت توله واني في الدنيا نصيبك..<<شقهت بقوه ورمت القلم وخبت راسها تحت المخده وبكت بحرقه..
××في الصاله××
لمى تلعب مع فهد:اجل كم..
فهد:93..
لمى:امممممم..
فهد:اجل كم..
لمى:افففففف خلاص فهيد صدعت راسي..
ابوفيصل نزل بيالته:وين مها ماشفتها اليوم..
ام فيصل:نايمه..
ابوفيصل:لمى روحي شوفي اختك كانها صاحيه وإلا لا..
لمى وقفت:ان شاء الله..<<طلعت فوق وصدمت في فيصل اللي ينزل بسرعه..
:آآآآآآآي شوي شوي..
فيصل بعدها عن طريقه:اقول بعدي..<<نزل وهو يسكر شنطة الرياضه مشى ناحية الباب ووقفه صوت امه..
:تعال يمه تقهوى..
فيصل بأبتسامه:معليش يمه مستعجل..
لمى متخصره:خليه يلحق على توقيع الامم المتحده..
فيصل ناظرها وبدون نفس:هاهاها بايخه يله سلام..<<وطلع..
لمى لفت وطلعت فوق مشت لناحية غرفة مها وقبل ماتدخل سمعت صوت شهقاتها وعورها قلبها بلعت غصتها وتجمعت الدموع في عيونها..
تنهدت بضيق ودقت الباب..
مها شهقت ومسحت دموعها حطت المخده فوق راسها وسوت نفسها نايمه..
لمى:مها افتحي داريه انك صاحيه..
مها عدلت جلستها ووقفت مشت لناحية الباب وهي تترنح وفتحته وجلست على سريرها..
لمى دخلت وسكرت الباب:تبكين صح..
مها بعدت وجهها عن لمى وبصوت مبحوح:لا..
لمى بضيق:مها اذا انتي ماتبين طلال ترى بقول لابوي حتى لو انتي قلتي له موافقه..
مها بأنفعال وعصبيه:وناويه تخربين حياتي مره ثانيه (عضت شفايفها من زلة لسانها وقالت بأرتباك) قصدي انا ابي طلال..<<وقفت وطلعت بخطوات سريعه تخفي دموعها اللي نزلت..حطت يدها على قلبها تهدي نبضاته السريعه وتنهدت..رفعت يدها المرتجفه ومسحت دموعها بلعت غصه ورا الثانيه ونزلت بخطوات متردده..
ابوفيصل بأبتسامه:صح النوم..
مها ابتسمت بدون نفس وباست راسه وراس امها وجلست وهي تفرك يدينها بتوتر نزلت راسها دموعها متجمعه في عيونه خلاص مافيه شي تخسره حياتها اللي هو مشعل وخسرته وش تنتظر بعد..
ام فيصل:تبين تقولين شي..
مها رفعت راسها وبصوت مبحوح:ايه..
سمعوا صوت جاي من فوق:يبه الله يخليك لاتسمع لها تراها مجبوره..
ابوفيصل:وش السالفه..
مها خزتها بنظره:لمى انتي مالك دخل فيني فاهمـه (لفت على ابوها وبثقه) يبه انا موافقه على طلال..
ابوفيصل حس ان فيه شي..ناظر مها بتساؤل وهي نزلت راسها..
ام فيصل دمعت عيونها بفرحه وحظنتها:يمه مبروووك..
مها بكت وحظنت امها بقووووه..
ام فيصل بعدت عنها وبضيق:ليه تبكين..
مها بأبتسامة حزن:علشاني ببعد عنكم..<<نزلت راسها وبكت وبصوت مبحوح..
:يله تصبحون على خير..<<طلعت فوق بسرعه وهي تشهق من البكي..
لمى واقفه واحساسها بالذنب يقتلها ودها تقول لابوها بس خايفه من ردة فعل مها..
ابوفيصل:لمى..
لمى بأرتباك:سم..
ابوفيصل:مها ماتبي طلال صح..
لمى بعدت وجهها وبلعت غصتها:لو كانت ماتبيه ماوافقت عليه..
ابوفيصل:لمى قولي الصدق..
لمى طلعت الدرج وماردت عليه..
ابوفيصل بعصبيه:لمى قاعد احاكيك..
لمى بكت:وانا وش يعرفني اذا كانت تبيه وإلا لا اسألوها..<<طلعت لغرفتها وسكرت الباب وتسندت عليه وهي تبكـــي..
ام فيصل:محمد وش فيك خلاص البنت قالت انها موافقه..
ابوفيصل:حاس ان فيه شي..
ام فيصل:لاتقعد تهوجس مها لو ماتبيه كان قالت تعرف بنتك انت محد يقدر يجبرها على شي..
ابوفيصل اقتنع وبأبتسامه:يله الله يقدم اللي فيه خير..
××
ضغطت على البطانيه بأسنانها والعرق ينزل منها..عضت على شفايفها بقووه تحاول تقاوم الألم لكن ماقدرت فتحت فمها بتصرخ لكن صوتها كان راااايح..
مدت يدها وهي ماسكه بطنها دقت الرقم بيدين مرتجفه..
:هلا عمري..
خلود وهي تلهث:سـ..سعد..
سعد خاف:حبيبتي فيك شي..
خلود ماقدرت تتكلم صرخت وطاحت السماعه من يدها..
سعد وقف وهو مرعوب:الووو..الووو خلود ردي علي..<<حس نفسه ضااايع مشى بخطوات سريعه وهو يفرك جبينه بتوتر وخوف..
"ياااارب يااااارب مافيها شي يااارب"..<<ركب سيارته وحركها بسرعه جنونيه..
××
ضمت الوساده لصدرها:وهي طيب ماتبيه..
ريم:ايه اصلاً مدري وش اللي حادها توافق عليه..
هديل:يمكن ابوها غاصبها..
ريم:عمي مو من النوع هذا وهي اصلاً محد يجبرها على شي اللي براسها تسويه..
هديل:بصراحه راح تغلط غلطة حياتها اذا رفضته..
ريم تاكل شيبس:خلاص هي وافقت عليه وقالت له بعد وانتهى الموضوع..
هديل:اقول ماتلاحظين شي متغير في مشعل..
ريم:لا من عرفته وهو كذا خخخخخخخخ..
هديل:يعني ماتلاحظين انه يحب في..
ريم رفعت حاجبها:بصراحه من دريت انك تحبين الاخ خالد وانا شاكه في عقليتك..
هديل:وش دخل خالد في موضوعنا اقول انتي ملاحظه وإلا لا..
ريم:لا وبعدين مشعل خلاص تاااب من بعد ملاك..
هديل:اففف مو تقولون انها ماتت خلاص خليه يطلع من القوقعه اللي حابس نفسه فيها..
ريم:وهو بكيفي اطلعه وادخله (وقفت ورفعت عبايتها) يله انا رايحه..
هديل:وين تو الناس..
ريم:بروح لخالتي تبيني في شغله يله لا اتأخر عليها بااااي..
هديل:باااااي..<<تمددت على بطنها وناظرت جوالها..
:دق مالت عليك تتغلى انت وخشتك اللي مغسوله بمرق دق مشتاقتلك يالـدب..<<رن جوالها و وقفت على السرير ونطت..
يـــــــــــــــــــــس (ردت) الوووو هلا كيفك ليه ماتتصل دق دقه وحده على الاقل بس اشوف اسمك على الشاشه ولاتخاف فاتورة جوالك علي بس دق واسأل..
خالد:هههههههههههههههههههههههههههههههههههه طيب شوي شوي علي..
هديل انقهرت:خويلــد لاتقهرني ليه ماتتصل حرام عليك..
خالد بخبث:افهم من كلامك انك مشتاقة لي..
هديل حمر وجهها وارتفعت حرارة جسمها:لا..
خالد:افااااا..
هديل تتذكر حركته اذا قال هالكلمه يميل فمه ويكشر ابتسمت:يعني مو اشتقت لك كامله نص..
خالد:وين راح النص الثاني..
هديل كشرت:عطيتك اياه بس انت خذتاه ورميتاه في الزباله..
خالد:ههههههههههههههههههههههههههههه لا حرام عليك والله مشتاق لك مووووت بس كنت مشغول شوي تعرفين الدراسه قربت..
هديل بطفش:اففففففف لاتذكرني الله يخليك..<<اندق باب غرفتها..
وبهمس:خالد شوي وبحاكيك يله باااي..<<سكرت وقامت تفتح الباب شافت مشاري واقف وشماغه على كتفه ووجهه مخطوف..
هديل خافت:مشاري وش فيك..
مشاري بصوت مبحوح:هديل البسي عبايتك بنروح لبيت خالتي..
هديل:ليه..
مشاري:محد قاعد عندك هنا..
هديل زاد استغرابها:ليه..
مشاري بعصبيه:لاتكثرين حكي البسي عبايتك وانزلي خلصينا..<<لف ونزل بسرعه..
هديل:وش فيه ذا..
××
وقفت عند المرايه بفستانها الابيض القصير فتحت الدرج وطلعت روجها الاحمـــــر..
منال متربعه على السرير:انتي الحين وش سالفتك..
مشاعل بخبث:بعدين بتعرفين..
منال:وين اختك ما اشوفها..
مشاعل:راحت لبارتي مع صديقتها..
منال:مين..
مشاعل:جنــا..
منال انقرفت:مدري ليه اختك داقه صداقه مع ذي..
مشاعل:ليه وش فيها..
منال مقهــوره من جنا لانها اقرب وحده لأحمد:ما ارتحت لها..
مشاعل:وانتي وش عليك فيها المهم يله نمشي..
منال:وين..
مشاعل:نتمشى..
منال:بتطلعين كذا..
مشاعل تناظر لبسها:ايه بطلع كذا نفس العاده وش اللي تغير يعني..
منال:لا بس اليوم حاطه ميك اب بزياده وفستانك مره قصيـــر..
مشاعل بخبث:طاقه في راسي البس اليوم كذا ارتحتي..<<خذت عبايتها وشنطتها وطلعت..
منال مشت وراها وهي مكشره سكرت الباب وراها ونزلوا..وقابلوا راكان في وجههم..
راكان ناظرهم بأحتقار:مشاعل وين امك..
مشاعل:طالعه..
راكان:وين..
مشاعل تنرفزت:وانا وش يعرفني اففففف..<<ونزلت..
راكان ناظر منال اللي كانت واقفه ومبلمه:خير فيه شي..
منال دق قلبها بقوووه:لالا مافيه شي..<<ونزلت بخطوات سريعه..
"ياويــــــــلي يمه يجنن"..<<مسكت مشاعل مع كتفها وبهمس..
:اذا ناوي اخوك يتزوج انا مستعده..
مشاعل"والله لو تكونين اخر وحده في الدنيا ما اخليه يتزوجك تخسيـــن"وبقهر:منالوه إلا راكان لاتفكرين فيه فاهمــــــه..
منال كشرت:ليه ان شاء الله..
مشاعل بعصبيه:انتي تعرفين ليه..<<لفت لثمتها وطلعت..
منال تفكر بخبث"خليني اخلص من ابوك وبعدها بحول على اخوك واااااااااي ياقلبي ههههههههههههههههههههههه"..
××
مسك يدها وبلهفه:حبيبتي انتي بخير..
خلود بتعب:اسفه خوفتك بس..
سعد قاطعها:خلاص اششش ارتاحي الحين..
ام مشاري دخلت:يمه خلوود..
خلود ابتسمت بتعب:هلا ماما..
ام مشاري ودموعها تنزل على خدها:يمه تعبانه يعورك شي..
خلود:لا تطمني (وبتعب وصوت مبحوح) تكفين لاتبكين..
ام مشاري مسحت دموعها:خوفتيني عليك..
ابومشاري دخل:اخبارك وانا ابوك ان شاء الله بخير..
خلود:حمد الله احسن..
سعد وقف:عمي خلونا نطلع نخليها ترتاح شوي..
خلود مسكت يده:متى بطلع..
سعد:الدكتور قال لازم تقعدين كم يوم ترتاحين..
خلود كشرت:وخالتي..
سعد ابتسم حتى وهي حالتها كذا همها غيرها:لاتشيلين همها انا معها..
خلود:طيب تكفى لاتنسى تعطيها علاجها الساعه عشر و..
سعد قاطعها:خلاص قلتلك لاتشيلين هم (باس جبينها) يله نامي الحين..<<وطلعوا..
خلود غمضت عيونها وحطت يدها على بطنها وهي مبتسمه:ناوي تبهذلني من الحين هاه هههههههههههههههههههههههه..
××
مشوا في الطريق المظلم لحد ماوصلوا للإستراحه الفخمه..انفتحت البوابه وجنا على وجهها اكبر ابتسامة خبث وقفت السياره في الباركينغ..
جنا فتحت الباب وناظرت هيفاء بنص عين:يله انزلي..
هيفاء:ماراح انزل..
جنا مسكت يدها وسحبتها:اقول يله مو قاطعين هالطريق كله على الفاظي..<<ونزلوا..
هيفاء سحبت يدها:افففف طيب اتركيني وجــع..
مشوا في الساحه اللي كانت واســـعه ومليانه ورد واشجار وفي وسطها نافوره كبيره..دخلوا الفيلا اللي كانت قمه في الفخامه من اثاثها وسجادها واللوحات اللي مزينه الجدار ومبين انها غاليـــه..زادت نبضات قلبها وارتعش جسمها..
قالت بخوف:اقول جنا هالاستراحه من له..
جنا ابتسمت بخبث:بعدين بتعرفين المهم الحين يله افسخي عبايتك..
هيفاء تلتفت كل شوي:طيب وين خلق الله ما اشوفهم..
جنا:تونا الحين مادخلنا الفيلا افسخي عبايتك وتعالي معي..
هيفاء فسخت عبايتها بتردد وهي ترتجف ناظرت شكلها في المرايه ولبسها وشعرها هاذي وحده مبين انها ناويه تجيب الفظيحه لنفسها..غمضت عيونها بقوه..
"وش ذا الخرافات جنا دايماً تجي هالأماكن وماصار لها شي وش بيصير لي يعني"..<<حطت يدينها على قلبها وتنهدت بلعت ريقها ومسكت يد جنا ومشوا..
دخلوا الصاله الواسعه واللي كانت تهتز من صوت الدي جي العالــي..ناظرت في الشباب والبنات اللي يرقصون وكأنهم اشباااح خافت وارتجفت شفايفها ضمت يدينها لصدرها وانفاسها سريعه..شافت الطاولات الدائريه مليانه من المشروب..
وارتعبت وقلبها يرتجف من الخووف..
قالت بصوت مرتجف:جـ..جنـا..
جنا ماسكه كاس وتهز جسمها وبسمتها شاقه حلقها:هلا..
هيفاء بخوف:ابي ارجع البيت..
جنا:ههههههههههههههههههههههه ضحكتيني وش ترجعين تونا داخلين (تركت الكاس على الطاوله ومسكت يدها) تعالي نرقص..
هيفاء تحاول تسحب يدها لكن ماقدرت جنا ماسكتها بقــوه ددخلوا مابين الناس ووقفوا في وسطهم..
جنا رقصت وهيفاء واقفه مصدومه تناظر الناس اللي تجمعوا حولهم ويصفقون وفي بالها"وش السـالفه وش صاير ياربـــي"..
هيفاء ضربت صدر جنا بعصبيه:انــــــتي فهميني وش قاعد يصير..
جنا غمزت لها وبخبث:اكلتي الجووو ياحلوو..<<لفت وشت عنها وهي تتمايل بجسمها وهيفاء واقفه مصدومـــــه ودموعها متجمعه في عيونها..
:جنــــــا جنـــا..
حط يده على خصرها وبصوته الجذاب:لبيـــــــه..
هيفاء لفت وشهقت بصدمه:احمــــد..
احمد ابتسم وعيونه تلمع:هلا نور المكان تدرين توني اعرف ان فيه قمر يمشي على الارض..
هيفاء بكت بقوه وتمسكت فيه:احمد الله يخليك طلعني من هنا طلعنـــــــــي..
احمد ابتسم بخبث من قربها منه وحط يده حول جسمها:اوكــــــي ياقلبي لاتخافين انا معك..
هيفاء بحركه سريعه بعدت عنه وصدرها يرتفع وينزل بسرعه وعيونها فيها خوف مو طبيعي وهي تناظر الشباب والبنات والحركات الوقحه اللي يسوونها بكت من قلـــــب..
"ياليتــــــني مت قبل ما اجي هالمكان ياليت"..<<صحاها صوت احمد..
:يله قلبي تعالي..<<ومد يده ومسك يدها وضغط عليــــها لدرجة انها حست بالأمان انه معها ابتسمت بأرتياح ومسحت دموعها وهو رد لها الابتسامه..
××
وقفوا عند البيت:ثواني بس..
منال مسكتها:تعالي وين رايحه..
مشاعل نزلت ولاردت عليها..رنت الجرس وعلقت عليــه"افففف شكل مافيه احد"..<<لفت بترجع تركب لكن انفتح الباب..
:مين..
مشاعل دفتها ودخلت بخطوات سريعه..
الخدامه:انتــــي مجنون..
مشاعل دخلت الصاله شافته متمدد على الكنب وفاتح ازارير قميصه ابتسمت بخبث هذا اللي تبيه..
نايف وهو حاط ذراعه على عيونه:لاما مين عند الباب..
مشاعل تقدمت له وبدلع:انا..
نايف بسرعه وقف مرعوب:خير وش تبين امي طالعه..
مشاعل تناظره من فوق لتحت وبوقاحه:وانا وش ابي في امك ابيك انــت..
نايف بصدمه:انتي وش قاعده تقولين (شاف الخدامه واقفه تناظرهم بأستغراب) لاما روحي كملي شغلك..<<وبعد ماراحت الخدامه تكتف وناظرها بأحتقار..
:جـــد وقحه..
مشاعل فسخت عبايتها ورمتها على الكنب مشت بغنج ودلع وبأبتسامه:وش رايك مو حلوه..<<ولفت على نفسها..
نايف انصدم من وقاحتها وبعصبيــه:اسمعي يابنت الناس اتقي شري احسن لك وظفــــــــي وجهك..
مشاعل رفعت حاجبها وبدون نفس:لو ان الاخت ريم كانت مكاني ماقلت هالحكي..
نايف رفع اصبعه ومن بين اسنانه:لاتقارنين نفسك بريم فاهمـــــــــــه..
مشاعل رفعت راسها بغرور:no no ترى ازعل منك..
نايف ماقدر يمسك نفسه اكثر دفها على الكنبه بقوه وسند يدينه عليها ناظرها بأحتقار وبعصبيه:اسمعـــي انا عمري مانزلت نفسي لبنت حقيره مثلك ولاعمري مديت يدي على بنت بس انتي جبرتيني انزل نفسي لمستواك واعلمك الادب..
مشاعل بتحدي:يعني وش بتسوي..
نايف سحبها بقوه لما صارت قريبه منه وانفاسه على خدها..فجـــــــأه انفتح الباب ودخلت وعلى وجهها اكبر ابتسامه..
تابـــــــــــــع..<<
تعليق