إعـــــــلان

تقليص
لا يوجد إعلان حتى الآن.

تموت عيونهم فيني .. وانا بك ميته عيني الجزء الثاني والثلاثون

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تموت عيونهم فيني .. وانا بك ميته عيني الجزء الثاني والثلاثون



    ..الجــــ الثاني والثلاثون ــــــزء..

    تعطر وهو يغني وعلى وجهه اكبر ابتسامة خبث..
    راكان وهو يسند جسمه على الباب:خير وش سالفتك اليوم..
    احمد ابتسم:اليوم بقابل البنت اللي قلتلك عنها..
    راكان انقرف:طيب اللي يسهل عليك يله سلام..
    احمد بسرعه:وين وين..
    راكان بدون نفس:بروح البيت..
    احمد:خلك معي لما يجون وانا باخذ البنت وانت اقعد مع جنا..
    راكان بأحتقار:مابقى إلا ذي اجلس معها اقول انا رايح..
    احمد ارسل بوسه:عقبال ماتسوي مثلي..
    راكان تقرف وانقلب وجهه الوان وبأنفعال:الله لايقوله وجـــــع..<<وطلع..
    احمد كشر:مسوي لي يعني اني شريف وما اسوي ذا الاشياء (فكر بخبث) خلني اخلص من الحلوه الليله والدور بيجيك انت وجوليت حقتك ههههههههههههههههههههههه..
    ××
    بلعت غصتها ومسكت يدها بخوف:اقول جنا ذا البارتي بيكون فيه شباب..
    جنا بخبث:ايه اكيد..
    هيفاء خافت وبسرعه:تكفين تكفين رجعيني البيت خلاص ما ابي اروح..
    جنا ناظرتها بنص عين وبأستهزاء:لاااا احسن اعطيك رضاعه بعد..
    هيفاء عصبت:جنا لاتتريقين انا اتكلم جد..
    جنا ببرود:وش فيك يالبزر..
    هيفاء:خايفه..
    جنا:من ايش حمد الله والشكر اقول بقولك شي انتي ماتدرينه عني تراني دايماً اروح لسهرات مثل كذا شباب وبنات ورقص وشرب وجوو مو طبيعي بتستانسين عليه..
    هيفاء انصدمت من كل كلمه قالتها جنا..
    جنا بدون اهتمام:خير وش فيك..
    هيفاء شهقت:ماتوقعتك كذا ابد..
    جنا:لاتوقعي وتوقعي مني اكثر من كذا (فتحت شنطتها وطلعت باكيت سيجاير ومدته لهيفاء) تبين..
    هيفاء عصبت وبعدت يد جنا عنها بقوه:جنـــــا وش ذا السخافه..
    جنا شغلت سيجارتها ونفختها في الهوا:والله ذا السخافه عاجبتني..
    هيفاء انصدمت ولفت وجهها على الشباك وانفاسها سريعه ماتوقعت في يوم ان صديقة عمرها واللي عتبرتها اختها تسوي هالأشياء..
    جنا ضحكت بأستهزاء:هههههههههههههههههههههههههههههههههههه..
    هيفاء ناظرتها بأستحقار وبصوت واطي:متخلفه..
    ××
    سند جسمه على السرير وهو يتنهد برااااحه غريبه..انفتح الباب بقوه ودخل..
    تركي ارتاع:بسم الله وجـــــــع خرعتني..
    بندر رجف الباب برجله:احمد ربك اني جيتك مالت عليك وعلى خشتك..
    تركي:اصلاً مالك إلا انا..
    بندر سحب كرسي وبدون نفس:ياشين الثقه الزايده بعد..
    تركي:هههههههههههههههههههههههههه..
    بندر:خير قلت شي يضحك..
    تركي:لا شكلك نكته..
    بندر شاف وجه تركي متغير واحسن من اول:تركي فيك شي (فتح عيونه على اخر شي) عسى بس ماقلت لامك القرار البايخ اللي مقرره..
    تركي:ههههههههههههههههههه لا انساه..
    بندر بأرتياح:اجل قل لي وش فيك..
    تركي تنهد:رجع لي قليبي..
    بندر:لمــــــى..
    تركي ابتسم:ايه..
    بندر بفرحه:ياشيخ مبرووووووووووك..
    تركي:ههههههههههههههههههههه لو كنت داري ان هالشي بيفرحك كان سويته من زمان..
    بندر:اقول عاد عن الفقش..
    تركي:زين انك عارفني..
    بندر:وهي وش قالت لك وش قلته لها..
    تركي بمزح:اف ياشين اللقافه..
    بندر رمى عليه المخده:انا غلطاااان اني جيتك اصلاً..<<وقف ولف ينتظر تركي يقول له تعال بس ماقال له شي لف عليه شافه ميت ضحك..
    بندر بقهر:ياخـــــــي على الاقل جاملني قل لي انثبر شوي..
    تركي:ما اعرف..
    بندر:ايه الحين ما تعرف المهم قل لي وش صار..
    تركي قال له كل شي:تصدق يوم شفت دموعها حسيت اني غبي وحماااار..
    بندر:توك تدري من زمااااان..
    تركي انقهر:بندروووووووووووووه..
    بندر:هههههههههههههههههههههههههههههههههههه..
    ××
    جالسه في وسط سريرها وضامه رجلينها لصدرها وتبكي بحرقــه..مسحت دموعها وطلعت دفترها وكتبت بيدينها المرتجفه..
    .."كنت اظن اني حبيبك (شهقت ونزلت دموعها وكملت) واني لامن غبت توله واني في الدنيا نصيبك..<<شقهت بقوه ورمت القلم وخبت راسها تحت المخده وبكت بحرقه..
    ××في الصاله××
    لمى تلعب مع فهد:اجل كم..
    فهد:93..
    لمى:امممممم..
    فهد:اجل كم..
    لمى:افففففف خلاص فهيد صدعت راسي..
    ابوفيصل نزل بيالته:وين مها ماشفتها اليوم..
    ام فيصل:نايمه..
    ابوفيصل:لمى روحي شوفي اختك كانها صاحيه وإلا لا..
    لمى وقفت:ان شاء الله..<<طلعت فوق وصدمت في فيصل اللي ينزل بسرعه..
    :آآآآآآآي شوي شوي..
    فيصل بعدها عن طريقه:اقول بعدي..<<نزل وهو يسكر شنطة الرياضه مشى ناحية الباب ووقفه صوت امه..
    :تعال يمه تقهوى..
    فيصل بأبتسامه:معليش يمه مستعجل..
    لمى متخصره:خليه يلحق على توقيع الامم المتحده..
    فيصل ناظرها وبدون نفس:هاهاها بايخه يله سلام..<<وطلع..
    لمى لفت وطلعت فوق مشت لناحية غرفة مها وقبل ماتدخل سمعت صوت شهقاتها وعورها قلبها بلعت غصتها وتجمعت الدموع في عيونها..
    تنهدت بضيق ودقت الباب..
    مها شهقت ومسحت دموعها حطت المخده فوق راسها وسوت نفسها نايمه..
    لمى:مها افتحي داريه انك صاحيه..
    مها عدلت جلستها ووقفت مشت لناحية الباب وهي تترنح وفتحته وجلست على سريرها..
    لمى دخلت وسكرت الباب:تبكين صح..
    مها بعدت وجهها عن لمى وبصوت مبحوح:لا..
    لمى بضيق:مها اذا انتي ماتبين طلال ترى بقول لابوي حتى لو انتي قلتي له موافقه..
    مها بأنفعال وعصبيه:وناويه تخربين حياتي مره ثانيه (عضت شفايفها من زلة لسانها وقالت بأرتباك) قصدي انا ابي طلال..<<وقفت وطلعت بخطوات سريعه تخفي دموعها اللي نزلت..حطت يدها على قلبها تهدي نبضاته السريعه وتنهدت..رفعت يدها المرتجفه ومسحت دموعها بلعت غصه ورا الثانيه ونزلت بخطوات متردده..
    ابوفيصل بأبتسامه:صح النوم..
    مها ابتسمت بدون نفس وباست راسه وراس امها وجلست وهي تفرك يدينها بتوتر نزلت راسها دموعها متجمعه في عيونه خلاص مافيه شي تخسره حياتها اللي هو مشعل وخسرته وش تنتظر بعد..
    ام فيصل:تبين تقولين شي..
    مها رفعت راسها وبصوت مبحوح:ايه..
    سمعوا صوت جاي من فوق:يبه الله يخليك لاتسمع لها تراها مجبوره..
    ابوفيصل:وش السالفه..
    مها خزتها بنظره:لمى انتي مالك دخل فيني فاهمـه (لفت على ابوها وبثقه) يبه انا موافقه على طلال..
    ابوفيصل حس ان فيه شي..ناظر مها بتساؤل وهي نزلت راسها..
    ام فيصل دمعت عيونها بفرحه وحظنتها:يمه مبروووك..
    مها بكت وحظنت امها بقووووه..
    ام فيصل بعدت عنها وبضيق:ليه تبكين..
    مها بأبتسامة حزن:علشاني ببعد عنكم..<<نزلت راسها وبكت وبصوت مبحوح..
    :يله تصبحون على خير..<<طلعت فوق بسرعه وهي تشهق من البكي..
    لمى واقفه واحساسها بالذنب يقتلها ودها تقول لابوها بس خايفه من ردة فعل مها..
    ابوفيصل:لمى..
    لمى بأرتباك:سم..
    ابوفيصل:مها ماتبي طلال صح..
    لمى بعدت وجهها وبلعت غصتها:لو كانت ماتبيه ماوافقت عليه..
    ابوفيصل:لمى قولي الصدق..
    لمى طلعت الدرج وماردت عليه..
    ابوفيصل بعصبيه:لمى قاعد احاكيك..
    لمى بكت:وانا وش يعرفني اذا كانت تبيه وإلا لا اسألوها..<<طلعت لغرفتها وسكرت الباب وتسندت عليه وهي تبكـــي..
    ام فيصل:محمد وش فيك خلاص البنت قالت انها موافقه..
    ابوفيصل:حاس ان فيه شي..
    ام فيصل:لاتقعد تهوجس مها لو ماتبيه كان قالت تعرف بنتك انت محد يقدر يجبرها على شي..
    ابوفيصل اقتنع وبأبتسامه:يله الله يقدم اللي فيه خير..
    ××
    ضغطت على البطانيه بأسنانها والعرق ينزل منها..عضت على شفايفها بقووه تحاول تقاوم الألم لكن ماقدرت فتحت فمها بتصرخ لكن صوتها كان راااايح..
    مدت يدها وهي ماسكه بطنها دقت الرقم بيدين مرتجفه..
    :هلا عمري..
    خلود وهي تلهث:سـ..سعد..
    سعد خاف:حبيبتي فيك شي..
    خلود ماقدرت تتكلم صرخت وطاحت السماعه من يدها..
    سعد وقف وهو مرعوب:الووو..الووو خلود ردي علي..<<حس نفسه ضااايع مشى بخطوات سريعه وهو يفرك جبينه بتوتر وخوف..
    "ياااارب يااااارب مافيها شي يااارب"..<<ركب سيارته وحركها بسرعه جنونيه..
    ××
    ضمت الوساده لصدرها:وهي طيب ماتبيه..
    ريم:ايه اصلاً مدري وش اللي حادها توافق عليه..
    هديل:يمكن ابوها غاصبها..
    ريم:عمي مو من النوع هذا وهي اصلاً محد يجبرها على شي اللي براسها تسويه..
    هديل:بصراحه راح تغلط غلطة حياتها اذا رفضته..
    ريم تاكل شيبس:خلاص هي وافقت عليه وقالت له بعد وانتهى الموضوع..
    هديل:اقول ماتلاحظين شي متغير في مشعل..
    ريم:لا من عرفته وهو كذا خخخخخخخخ..
    هديل:يعني ماتلاحظين انه يحب في..
    ريم رفعت حاجبها:بصراحه من دريت انك تحبين الاخ خالد وانا شاكه في عقليتك..
    هديل:وش دخل خالد في موضوعنا اقول انتي ملاحظه وإلا لا..
    ريم:لا وبعدين مشعل خلاص تاااب من بعد ملاك..
    هديل:اففف مو تقولون انها ماتت خلاص خليه يطلع من القوقعه اللي حابس نفسه فيها..
    ريم:وهو بكيفي اطلعه وادخله (وقفت ورفعت عبايتها) يله انا رايحه..
    هديل:وين تو الناس..
    ريم:بروح لخالتي تبيني في شغله يله لا اتأخر عليها بااااي..
    هديل:باااااي..<<تمددت على بطنها وناظرت جوالها..
    :دق مالت عليك تتغلى انت وخشتك اللي مغسوله بمرق دق مشتاقتلك يالـدب..<<رن جوالها و وقفت على السرير ونطت..
    يـــــــــــــــــــــس (ردت) الوووو هلا كيفك ليه ماتتصل دق دقه وحده على الاقل بس اشوف اسمك على الشاشه ولاتخاف فاتورة جوالك علي بس دق واسأل..
    خالد:هههههههههههههههههههههههههههههههههههه طيب شوي شوي علي..
    هديل انقهرت:خويلــد لاتقهرني ليه ماتتصل حرام عليك..
    خالد بخبث:افهم من كلامك انك مشتاقة لي..
    هديل حمر وجهها وارتفعت حرارة جسمها:لا..
    خالد:افااااا..
    هديل تتذكر حركته اذا قال هالكلمه يميل فمه ويكشر ابتسمت:يعني مو اشتقت لك كامله نص..
    خالد:وين راح النص الثاني..
    هديل كشرت:عطيتك اياه بس انت خذتاه ورميتاه في الزباله..
    خالد:ههههههههههههههههههههههههههههه لا حرام عليك والله مشتاق لك مووووت بس كنت مشغول شوي تعرفين الدراسه قربت..
    هديل بطفش:اففففففف لاتذكرني الله يخليك..<<اندق باب غرفتها..
    وبهمس:خالد شوي وبحاكيك يله باااي..<<سكرت وقامت تفتح الباب شافت مشاري واقف وشماغه على كتفه ووجهه مخطوف..
    هديل خافت:مشاري وش فيك..
    مشاري بصوت مبحوح:هديل البسي عبايتك بنروح لبيت خالتي..
    هديل:ليه..
    مشاري:محد قاعد عندك هنا..
    هديل زاد استغرابها:ليه..
    مشاري بعصبيه:لاتكثرين حكي البسي عبايتك وانزلي خلصينا..<<لف ونزل بسرعه..
    هديل:وش فيه ذا..
    ××
    وقفت عند المرايه بفستانها الابيض القصير فتحت الدرج وطلعت روجها الاحمـــــر..
    منال متربعه على السرير:انتي الحين وش سالفتك..
    مشاعل بخبث:بعدين بتعرفين..
    منال:وين اختك ما اشوفها..
    مشاعل:راحت لبارتي مع صديقتها..
    منال:مين..
    مشاعل:جنــا..
    منال انقرفت:مدري ليه اختك داقه صداقه مع ذي..
    مشاعل:ليه وش فيها..
    منال مقهــوره من جنا لانها اقرب وحده لأحمد:ما ارتحت لها..
    مشاعل:وانتي وش عليك فيها المهم يله نمشي..
    منال:وين..
    مشاعل:نتمشى..
    منال:بتطلعين كذا..
    مشاعل تناظر لبسها:ايه بطلع كذا نفس العاده وش اللي تغير يعني..
    منال:لا بس اليوم حاطه ميك اب بزياده وفستانك مره قصيـــر..
    مشاعل بخبث:طاقه في راسي البس اليوم كذا ارتحتي..<<خذت عبايتها وشنطتها وطلعت..
    منال مشت وراها وهي مكشره سكرت الباب وراها ونزلوا..وقابلوا راكان في وجههم..
    راكان ناظرهم بأحتقار:مشاعل وين امك..
    مشاعل:طالعه..
    راكان:وين..
    مشاعل تنرفزت:وانا وش يعرفني اففففف..<<ونزلت..
    راكان ناظر منال اللي كانت واقفه ومبلمه:خير فيه شي..
    منال دق قلبها بقوووه:لالا مافيه شي..<<ونزلت بخطوات سريعه..
    "ياويــــــــلي يمه يجنن"..<<مسكت مشاعل مع كتفها وبهمس..
    :اذا ناوي اخوك يتزوج انا مستعده..
    مشاعل"والله لو تكونين اخر وحده في الدنيا ما اخليه يتزوجك تخسيـــن"وبقهر:منالوه إلا راكان لاتفكرين فيه فاهمــــــه..
    منال كشرت:ليه ان شاء الله..
    مشاعل بعصبيه:انتي تعرفين ليه..<<لفت لثمتها وطلعت..
    منال تفكر بخبث"خليني اخلص من ابوك وبعدها بحول على اخوك واااااااااي ياقلبي ههههههههههههههههههههههه"..
    ××
    مسك يدها وبلهفه:حبيبتي انتي بخير..
    خلود بتعب:اسفه خوفتك بس..
    سعد قاطعها:خلاص اششش ارتاحي الحين..
    ام مشاري دخلت:يمه خلوود..
    خلود ابتسمت بتعب:هلا ماما..
    ام مشاري ودموعها تنزل على خدها:يمه تعبانه يعورك شي..
    خلود:لا تطمني (وبتعب وصوت مبحوح) تكفين لاتبكين..
    ام مشاري مسحت دموعها:خوفتيني عليك..
    ابومشاري دخل:اخبارك وانا ابوك ان شاء الله بخير..
    خلود:حمد الله احسن..
    سعد وقف:عمي خلونا نطلع نخليها ترتاح شوي..
    خلود مسكت يده:متى بطلع..
    سعد:الدكتور قال لازم تقعدين كم يوم ترتاحين..
    خلود كشرت:وخالتي..
    سعد ابتسم حتى وهي حالتها كذا همها غيرها:لاتشيلين همها انا معها..
    خلود:طيب تكفى لاتنسى تعطيها علاجها الساعه عشر و..
    سعد قاطعها:خلاص قلتلك لاتشيلين هم (باس جبينها) يله نامي الحين..<<وطلعوا..
    خلود غمضت عيونها وحطت يدها على بطنها وهي مبتسمه:ناوي تبهذلني من الحين هاه هههههههههههههههههههههههه..
    ××
    مشوا في الطريق المظلم لحد ماوصلوا للإستراحه الفخمه..انفتحت البوابه وجنا على وجهها اكبر ابتسامة خبث وقفت السياره في الباركينغ..
    جنا فتحت الباب وناظرت هيفاء بنص عين:يله انزلي..
    هيفاء:ماراح انزل..
    جنا مسكت يدها وسحبتها:اقول يله مو قاطعين هالطريق كله على الفاظي..<<ونزلوا..
    هيفاء سحبت يدها:افففف طيب اتركيني وجــع..
    مشوا في الساحه اللي كانت واســـعه ومليانه ورد واشجار وفي وسطها نافوره كبيره..دخلوا الفيلا اللي كانت قمه في الفخامه من اثاثها وسجادها واللوحات اللي مزينه الجدار ومبين انها غاليـــه..زادت نبضات قلبها وارتعش جسمها..
    قالت بخوف:اقول جنا هالاستراحه من له..
    جنا ابتسمت بخبث:بعدين بتعرفين المهم الحين يله افسخي عبايتك..
    هيفاء تلتفت كل شوي:طيب وين خلق الله ما اشوفهم..
    جنا:تونا الحين مادخلنا الفيلا افسخي عبايتك وتعالي معي..
    هيفاء فسخت عبايتها بتردد وهي ترتجف ناظرت شكلها في المرايه ولبسها وشعرها هاذي وحده مبين انها ناويه تجيب الفظيحه لنفسها..غمضت عيونها بقوه..
    "وش ذا الخرافات جنا دايماً تجي هالأماكن وماصار لها شي وش بيصير لي يعني"..<<حطت يدينها على قلبها وتنهدت بلعت ريقها ومسكت يد جنا ومشوا..
    دخلوا الصاله الواسعه واللي كانت تهتز من صوت الدي جي العالــي..ناظرت في الشباب والبنات اللي يرقصون وكأنهم اشباااح خافت وارتجفت شفايفها ضمت يدينها لصدرها وانفاسها سريعه..شافت الطاولات الدائريه مليانه من المشروب..
    وارتعبت وقلبها يرتجف من الخووف..
    قالت بصوت مرتجف:جـ..جنـا..
    جنا ماسكه كاس وتهز جسمها وبسمتها شاقه حلقها:هلا..
    هيفاء بخوف:ابي ارجع البيت..
    جنا:ههههههههههههههههههههههه ضحكتيني وش ترجعين تونا داخلين (تركت الكاس على الطاوله ومسكت يدها) تعالي نرقص..
    هيفاء تحاول تسحب يدها لكن ماقدرت جنا ماسكتها بقــوه ددخلوا مابين الناس ووقفوا في وسطهم..
    جنا رقصت وهيفاء واقفه مصدومه تناظر الناس اللي تجمعوا حولهم ويصفقون وفي بالها"وش السـالفه وش صاير ياربـــي"..
    هيفاء ضربت صدر جنا بعصبيه:انــــــتي فهميني وش قاعد يصير..
    جنا غمزت لها وبخبث:اكلتي الجووو ياحلوو..<<لفت وشت عنها وهي تتمايل بجسمها وهيفاء واقفه مصدومـــــه ودموعها متجمعه في عيونها..
    :جنــــــا جنـــا..
    حط يده على خصرها وبصوته الجذاب:لبيـــــــه..
    هيفاء لفت وشهقت بصدمه:احمــــد..
    احمد ابتسم وعيونه تلمع:هلا نور المكان تدرين توني اعرف ان فيه قمر يمشي على الارض..
    هيفاء بكت بقوه وتمسكت فيه:احمد الله يخليك طلعني من هنا طلعنـــــــــي..
    احمد ابتسم بخبث من قربها منه وحط يده حول جسمها:اوكــــــي ياقلبي لاتخافين انا معك..
    هيفاء بحركه سريعه بعدت عنه وصدرها يرتفع وينزل بسرعه وعيونها فيها خوف مو طبيعي وهي تناظر الشباب والبنات والحركات الوقحه اللي يسوونها بكت من قلـــــب..
    "ياليتــــــني مت قبل ما اجي هالمكان ياليت"..<<صحاها صوت احمد..
    :يله قلبي تعالي..<<ومد يده ومسك يدها وضغط عليــــها لدرجة انها حست بالأمان انه معها ابتسمت بأرتياح ومسحت دموعها وهو رد لها الابتسامه..
    ××
    وقفوا عند البيت:ثواني بس..
    منال مسكتها:تعالي وين رايحه..
    مشاعل نزلت ولاردت عليها..رنت الجرس وعلقت عليــه"افففف شكل مافيه احد"..<<لفت بترجع تركب لكن انفتح الباب..
    :مين..
    مشاعل دفتها ودخلت بخطوات سريعه..
    الخدامه:انتــــي مجنون..
    مشاعل دخلت الصاله شافته متمدد على الكنب وفاتح ازارير قميصه ابتسمت بخبث هذا اللي تبيه..
    نايف وهو حاط ذراعه على عيونه:لاما مين عند الباب..
    مشاعل تقدمت له وبدلع:انا..
    نايف بسرعه وقف مرعوب:خير وش تبين امي طالعه..
    مشاعل تناظره من فوق لتحت وبوقاحه:وانا وش ابي في امك ابيك انــت..
    نايف بصدمه:انتي وش قاعده تقولين (شاف الخدامه واقفه تناظرهم بأستغراب) لاما روحي كملي شغلك..<<وبعد ماراحت الخدامه تكتف وناظرها بأحتقار..
    :جـــد وقحه..
    مشاعل فسخت عبايتها ورمتها على الكنب مشت بغنج ودلع وبأبتسامه:وش رايك مو حلوه..<<ولفت على نفسها..
    نايف انصدم من وقاحتها وبعصبيــه:اسمعي يابنت الناس اتقي شري احسن لك وظفــــــــي وجهك..
    مشاعل رفعت حاجبها وبدون نفس:لو ان الاخت ريم كانت مكاني ماقلت هالحكي..
    نايف رفع اصبعه ومن بين اسنانه:لاتقارنين نفسك بريم فاهمـــــــــــه..
    مشاعل رفعت راسها بغرور:no no ترى ازعل منك..
    نايف ماقدر يمسك نفسه اكثر دفها على الكنبه بقوه وسند يدينه عليها ناظرها بأحتقار وبعصبيه:اسمعـــي انا عمري مانزلت نفسي لبنت حقيره مثلك ولاعمري مديت يدي على بنت بس انتي جبرتيني انزل نفسي لمستواك واعلمك الادب..
    مشاعل بتحدي:يعني وش بتسوي..
    نايف سحبها بقوه لما صارت قريبه منه وانفاسه على خدها..فجـــــــأه انفتح الباب ودخلت وعلى وجهها اكبر ابتسامه..

    تابـــــــــــــع..<<




  • #2
    رد: تموت عيونهم فيني .. وانا بك ميته عيني الجزء الثاني والثلاثون

    يتبـــــــــــــــع..<<

    :خـ..<<التفتت وشهقت من الصدمه حست ان الارض انهزت من تحتها شــــي لايمكن تصدقه ولايمكن تستوعبه تراجعت لورا ودموعها متجمعه في عيونها وصدمت في الجدار وهي ترتجف وتناظر نايف اللي جامد في مكانه مصـدوم ومشاعل اللي مبتسمه بنصــر ولافه يدها حول رقبة نايف وقلبها يرقص من الفرحــــه..
    ريم مسحت دموعها اللي حاااره على خدها عمرها ماتوقعت منه هالحركه:اسفه قاطعتكم..<<لفت وطلعت وهي تبكـــــي..
    نايف دف مشاعل بقوه وركض وراها:ريــــم..<<طلع ومسكها وهو يلهث..
    :ريم تكفين اسمعيني..<<سكت ماقدر يتحمل وهو يشوف نظراتها اللي كلها احتقار له..
    ريم دفته عنه وصدرها يرتفع وينزل وهي تبكي طلعت وركبت السياره ولحقها ضرب الشباك..
    :ريــــم ريم..
    ريم صرخت بعصبيه:يلـــــه يالزفت بسرعه..<<حطت يدها على وجهها وبكــــت بحرقه..
    نايف مرر يدينه على شعره بتوتر:اففففففف..<<لف ودخل وشاف مشاعل تلبس عبايتها صرخ بعصبيه..
    :عاجبــــــــك اللي سويتيه الحين..
    مشاعل بأبتسامة نصر:لو كان مو عاجبني ماسويته..
    نايف تقدم لها وهو يعض على شفايفه ونيران شبت في صدره مسك فكها بعصبيه لدرجة انه بينكسر بين يده ومن بين اسنانه:والله لادفعك الثمن غالي يابنت الـ....؟؟
    مشاعل دفته عنها وبحرقة قلب:هاذي اللي ميت عليها خذت مني اغلى شي انت وراكان..
    نايف قاطعها وهوعاقد حواجبه بأستغراب:وش دخل راكان..
    مشاعل بصوت مرتجف:اسألها..<<لفت بتطلع لكن هو سبقها ومسكها وبنبره كلها عصبيه..
    :مشاعل تكلمـــــــــــي..
    مشاعل بكت من قلب:تلعب على الحبلين تلعب عليك وعليه والمصايب كلها تطيح فوق راسي انا اللي اخسر كل شي..
    نايف وهو يتنفس بسرعه دفها على الجدار وصرخت:آآآآآآآآه..
    نايف رفع اصبعه بتهديد:انا ما اسمح لك تتكلمين عنها كذا فاهمـــــــه..
    مشاعل ماسكه ظهرها وصرخت:بكيفك عمرك ماصدقتني المهم انا سويت اللي في بالي ياحلووو..<<مسحت دموعها وطلعت وهي تضحك بأستهزاء..
    نايف رمى نفسه على الكرسي مصدوووم شد شعره وحط يده على وجهه:يارب وش اسوي (رجف الطاوله برجله بعصبيه وصرخ) الله ياخذك يابنـــــت الكـ...؟؟..<<وقف وطلع غرفته بسرعه وسكر الباب بقوه هز اركان البيت..
    ××
    ام مشعل ماسكه جوالها وتحاول تبين لهديل ان مافيه شي..
    هديل:خالتي تكفين قولي لي فيه شي..
    ام مشعل:لا مافيه..
    هديل:طيب وشو له انا جايه هنا وين امي..
    ام مشعل بضيق:يمه اختك في المستشفى..
    هديل بصدمه:ايــــــــــش..
    ام مشعل:لاتخافين تعبت شوي..
    هديل بكت:طيب ليه ماقلتوا لي ومن عندها الحين..
    ام مشعل:امك وسعد خلاص لاتبكين هي مافيها شي..
    هديل وقفت:ابي اروح لها..
    ام مشعل:وين تروحين خلاص بكره نروح لها..
    مشعل دخل:مسااااء الخير..
    ام مشعل:هلا يمه مساء النور..
    مشعل ناظر في هديل اللي تمسح دموعها:افااا وش فيك..
    هديل ابتسمت بدون نفس:لا مافيني شي..
    مشعل:يمه ابي اكلمك في موضوع..
    ام مشعل وقفت:خير ان شاء الله..
    هديل وقفت:خالتي اجلسي انا بروح..<<وطلعت للحديقه..
    كانت ريم جالسه على الارض قدام المسبح بعبايتها وحاطه الطرحه على كتفها وضامه رجلينها لصدرها ودموعها على خدها..

    على كثر السنين اللي عرفتك ما عرفتك زين
    تمنيت إني ما شفتك ولا لحظة ولا شويه
    حسبت أنت وأنا نبقى حبايب نبقى أحلى اثنين
    حسبتك تبقى لي طول العمر مخلص وفي ليا
    و أثاري حبنا كذبه نسيت العشره في يوميـن
    زرعت الشوك أنا بنفسـي غرست الهم بيديا
    أنا ما كنت أظن اللـي يحب يحب له شخصيـن
    على بالي أنا لحالي و حبيبي يموت بس فيـه
    عـلى النيـه مشيــت و ما عرفت أمشي معاه لـوين ؟
    إليـن الوقت بيـّن لـي نوايـا غدر مخفيــّه
    تعـال و شوف وش كثـر الدموع اللـي تخون العيـن
    كـثر ما خـاننـي حظي و عرفـتك و إنت مـو ليـه
    أنــا شاللـي يصبرني على همي معاك للحـين ؟
    خـلاص إبـعد و أنـا ببـعد و لا تسأل أبـد فيـّه
    و إذا قصدك تبيـع و تشـتري قـلبي أنـابحرفيـن
    أبمحـي الحب مـن قلـبي و أعيـشك ذكـرى منسيـّه
    أناني مثـل ما أنـت و لا يفرق معاك البيـن
    و أنـا مـاعاد تعنـي لي و خساره فيـك ماضيـّه

    غمضت عيونها واهآآآآت طلعت من صدرها تهز جبال..
    تقدمت لها وجلست جنبها:يالدباا متى جيتي..
    ريم لفت وجهها عنها وبصوت مبحوح:هديل الله يخليك اتركيني لحالي..
    هديل:وش فيك..
    ريم تشهق من البكي حطت راسها على بين رجلينها وبكـــت ماكانت متوقعه منه الخيانه ومع مين مع مشاعل وفي بيته بعد حقيــــــــر..
    كانت معتبرته كل شي حياتها وعمرها اخوها وابوها وحبيبها وكل شي في دنيتها كانت عايشه احلى ايامها يوم سمعت منه انه يحبها ويبادلها نفس شعورها لكن طلع كل الحكي اللي قاله كـــذب..
    هزتها:ريم تكلمي وش فيك..
    ريم وقفت ولفت ومشت وهي منزله راسها وتبكــي خلاص كل شي انتهى واللي شافته اليوم قطع اخر نفس لها في هالحياة خلى كل شي في نظرها اسووود وبدون طعم ولا لون..
    ..في الصاله..
    ام مشعل بفرحه:صدق يمه..
    مشعل بأبتسامه:وهالمواضيع فيها مزح..
    ام مشعل بكت من قلب وحظنته:مبروووووك وش كثر تمنيت هاللحظه واخيراً تحققت..
    مشعل بعد عنها ومسح دموعها:خلاص عاد لاتبكين..
    انفتح الباب ودخلت تمشي بدون احساس طلعت الدرج واللي شافته قاعد ينعاد قدامها ويزيد آلامها..
    ام مشعل بفرحه:يمه تعالي باركي لاخوك..
    ريم غمضت عيونها وتنهدت وبدون نفس:مبروك..
    مشعل طلع لها:ماتبين تعرفين على ايش..
    ريم بصوت مبحوح:قول..
    مشعل لاحظ دموعها:ريم فيك شي..
    ريم طلعت الدرج بخطوات سريعه:بروح انام تصبحون على خير..<<سكرت الباب وقفلته قفلتين وكأنها تقفل على قلبها وترمي مفتاحه..
    بكت من قلب ورمت نفسها على سريرها وخبت راسها تحت مخدتها وكل خليه في جسمها ترتجف..
    هديل دخلت:خالتي وين ريم..
    ام مشعل:طلعت غرفتها..
    هديل طلعت فوق بسرعها وام مشعل تناديها بس ماردت عليها..
    هديل دقت باب غرفة ريم:ريم افتحـــي..
    ريم:................
    هديل:ريم افتحي الله يخليك علميني بس وش فيك..
    ريم صرخت وهي تبكي:انقلعـــــــــــــي عني..
    هديل خافت ونزلت..
    ام مشعل:وش فيكم وش صاير..
    هديل تصنعت الابتسامه:سلامتك ياخالتي مافينا شي..
    ××
    نطت على السرير:جد والله..
    غاده:ايه بس تكفين انزلي لاتصفطين على خشتك..
    في نطت عليها:ياهوووووووووووووووووو..
    غاده:ياربيه انتي وش فيك هالايام..
    في تشققت والابتسامه وصلت اذنها:مشعل خطبني..
    غاده بصدمه:احلفي..
    في:هههههههههههههههههههههههههههههههههههه والله..
    غاده حظنتها وبفرحه:مبرووووووك يالدبا ومتى بيجي يخطبك رسمي..
    في:اذا رجع ابوي من بريطانيا..
    غاده بتردد:ومـها..
    في:وش فيها..
    غاده:صح كان يحبها..
    في جلست وفتحت المجله:لا كان يحبها ولاشي هي وحده واسمها ملاك وماتت الله يرحمها وبعدين خلاص مها بتصير حرم اخوك..
    غاده جلست جنبها:مااااااااالت عليكم انتي وياه كلكم بتتزوجون وبتخلوني..
    في بنظرات خبث:ريوضي..
    غاده رمت عليها المخده وبعصبيه:انطمــــــــــــــي..
    في:ههههههههههههههههههههههههههههههههههههههه اقول ماتلاحظين ان طلال ومها مستعجلين مره..
    غاده بقهر:إلا مدري وش طايرين عليه ذا الاثنين يعني ليه الاسبوع الجاي مو بعد شهر شهرين ثلاثه شهور يصبرون شوي..
    في:اقول قولي ماشاء الله لاتصكينهم بعين..
    غاده:ابشرك عيني باااارده حاطتها في الثلاجه خخخخخخخخخ..
    في:هاهاها باااااايخه..
    غاده:عارفه..
    طلال طل براسه:يله العشا..
    غاده:اوووه انت يالمغرور جاي وتنادينا وش صاير في الدنيا..
    طلال عرف قصدها وحمر وجهه:اقول امشي انتي وياها وبلا كثرة حكي..
    غاده:استحى خخخخخخخخخ..
    طلال ماسك نفسه لايضحك عض على شفايفه وتقدم لها بيضربها..
    غاده نطت:يممممممممممممه..<<وتخبت ورا في..
    في دفتها عنها:اقول بعدي انا مررره جوعانه..<<وطلعت تركض..
    غاده صرخت:فــــــــــــــــي يالجاحده وقفي..<<ولحقتها..
    طلال نزل وقابل رياض في وجهه:مساء الخير..
    رياض:هلا مساء النور هاه سمعت الموافقه مبروك..
    طلال تشقق:الله يبارك فيك عقبالك..
    مرت في باله وابتسم:آمين يله تصبح على خير..
    طلال:وين تعال تعشى..
    رياض طلع الدرج:تعباان وفيني النوم..<<دخل غرفته ورمى شماغه على سريره وتمدد طلع الرسمه من الدرج وناظرها وهو يبتسم..
    :آميـــن ان شاء الله تكونين من نصيبي..
    ××
    جالس في نفس مكانه وعيونه على الفراغ قدامه مايقدر يفكــــر حس ان تفكيره مشلول..الحين كيف يقولها انها فاهمه غلط وكل شي شافته بعيونها..
    رفع جواله بيدق عليها لكن تراجع لو سمعت صوته بتسكر في وجهه وبتزيد الامور تعقيد بيتركها تهدى بعدين بيفهمها كل شي ويتمنى انها تسمعه..
    بلع غصته وهو يتذكر نظراتها له اللي تمنى انه يموت ولايشوف هالنظره منها..
    انفتح الباب ودخلت ولعت النور وحط يده على عيونه:يمه سكري النور..
    ام نايف:وش فيك قاعد في الظلام..
    نايف بضيق"والله حياتي بدونها ظلام":ماتفرق..
    ام نايف بأستغراب:وش اللي مايفرق نايف وش فيك..
    نايف وقف:سلامتك يله تصبحين على خير..
    ام نايف ناظرت الطاوله المكسوره و وجهه اللي لونه مخطوف وبخوف:يمه فيك شي..
    نايف تنهد بضيق:لا لاتطمني يله تصبحين على خير..<<طلع الدرج و وقفه صوت امه..
    :طيب تعال تعشى..
    نايف:مو مشتهي..<<طلع وسكر الباب وهو يتحسب على مشاعل..
    ××
    رقصت وهي تضحك من الفرحه والانتصار اللي حققته رمت نفسها على السرير وهي تضحك بهستيريا..
    منال انقهرت:انتي بتتكلمين وإلا وشلون..
    مشاعل تضحك ماقدرت تتكلم..
    منال دفتها ووقفت:اوووووووووه..
    مشاعل مسكت يدها:ههههههههههههههههه تعـ..ههههههههههههههههههه تعالي..
    منال بطفش:هاه وش تبين..
    مشاعل:بقولك وش اللي فيني..
    منال:قولي..
    مشاعل بخبث:حققت اللي في بالي وفرقتهم وخلي ينفعها الكف اللي عطتني اياه..
    منال:اي كف..
    مشاعل:وانتي ماركزتي إلا على هاذي المهم اقولك نايف الحين صار لي انا وبــس..
    منال يطلع من فوق راسها مليون علامة استفهام:وشلون..؟؟
    ××
    في مكااان بعيــد يملاه صوت الدي جي الصاخب اللي يهز المكان..رقص وشرب وانواع المنكرات تصير قدامها وهي ترتجف وتاكل اظافرها من الخوف..
    مد لها الكاس:ماشربتي..
    هيفاء بعدت وجهها عنها بخوف وبصوت مرتجف:مـ...ما ابي..
    احمد ابتسم بخبث ولف وجهها عليه:ياقلبي مو قلتلك لاتخافين انتي معي..
    هيفاء شوي وبتبكي:ابي ارجع البيت ما ابي اقعد هنا تكفى الله يخليك طلعني..<<شافت جنا ترقص وركضت لها وهزتها وهي تبكي..
    :انتـــــــــــــــي يالقذره طلعيني ما ابي اجلس هنا..
    جنا كانت مو داريه عن نفسها من دوامة المشروب:من انتي..
    هيفاء صرخت بعصبيه وهي تهزها:وشو من انتـــــــي تستهبلين طلعيني الله ياخذك طلعيني..<<بكت من قلب ولفت على احمد اللي كان جالس على الكرسي وحاط رجل على رجل وماسك سيجارتها ويبتسم لها بخبث..
    ركضت له ونزلت عند رجله وهي تبكي وبرجا:تكفــى الله يخليك طلعني ما ابي اجلس هنا ابوس رجلينك طلعني..
    احمد قرب منها ولمس خدها وبحنان متصنع:ياقلبي وش فيك مافيه طلعه من هنا..
    هيفاء بصدمه:وش قصدك..
    احمد بأرتباك خاف يخرب كل شي:قصدي لو الخلق ذولي مو عاجبينك اطلعهم لعيونك..
    هيفاء بصوت مبحوح:وانا وش علي فيهم احمد ابي اطلـــع..
    احمد طفش منها ومسك يدها و وقفها:تعالي معي..
    هيفاء بفرحه:بتطلعني..
    احمد ابتسم بخبث:ايه انتي بس امشي..
    هيفاء مشت معه وهي ضاغطه على يده وتناظر الشباب والبنات بأحتقار وقرف..طاحت عيونها على الصوره المعلقه في الجدار وشهقت بقووووه..
    احمد:وش فيك..
    هيفاء بدت ترتجف والدموع تتجمع في عيونها كانت الصوره لأحمد وراكان حست ان الجو مكتوم والاوكسجين حولها نفذ:لا ولاشي..
    احمد ناظر الصوره وغمز لها:حلووو صح..
    هيفاء بلعت غصتها:مين..
    احمد:اللي بالصوره..
    هيفاء نزلت راسها وبصوت مرتجف:احمد تكفى خلنا نطلع من هنا..
    طلعوا للساحه الواسعه اللي بيبدى منها احمد تنفيذ خطته..
    احمد لف عليها وشاف وجهها الملاك"ياحيااااااتي انتي اللي جيتيني برجليك ومستحيل افرط في وحده مثلك لو فيها حياتي"..
    هيفاء تناظره وتناظر الخبث اللي في عيونه شكت فيه للحظه وبعدها بعدت هالافكار عن راسها"احمد يحبني ماراح يسوي فيني شي"..
    جلسوا لحظااات يناظرون بعض..احمد يبي يملي عيونه فيها قبل مايسوي اللي في باله..وهيفاء تنتظره يقول لها شي..
    ملت وصحته من افكاره:احمد يله طلعني..
    احمد بلع ريقه وسندها على الشجره الكبيره وهو يناظرها ويبتسم بخبث:بتطلعين بس مو قبل ما..
    هيفاء قاطعته وهي ترتجف:ايــــش..
    احمد قرب منها وانصدمــت من اللي ناوي عليه بحركه سريعه ضربته مابين رجوله وصرخ:آآآآآآآآآآآآآه..
    هيفاء دفته عنها وهي مرعوبه ركضت بسرعه وهي تبكي وتصارخ بس محد راح يسمعها..تلفتت شافته يركض وراها..
    احمد بعصبيه:والله مايصيــــــــر فيك خير اذا مارجعتي..
    هيفاء لفت عنه ومانتبهت لشي قدامها وطاحت على الارض..حاولت توقف لكن رجلها تنزف..حست بأحد واقف على راسها..
    احمد بخبث قرب منها:يعني تحسبين انك بتطلعين من هنا بسهوله لا ياماما انتي مو احسن من غيرك..
    هيفاء شفايفها ترتجف وبخوف:بعـــد عني..<<لفت وجهها شافت قارورة خـ..؟؟ مدت يدها المرتجفه بهدوء ورفعتها وضربت راسه واغمى عليه..
    ارتعبت وهي تشوف الدم ينزف من راسه تراجعت لورا بخوف وصدرها يرتفع وينزل بسرعه وهي تبكي وتشهق بقوه..
    وقفت وهي تترنح مشت لفت وجهها عليه شافته يتنفس بسرعه والدم ينزل انهاااار من راسه بكت من قلــــب ولفت عنه وكملت ركضها لوين ماتدري..لمحت البوابه كانت مفتوحه تقدمت بخطوات بطيئه تخبت ورا غرفة الحارس ورفعت رجولها الحافيه شافته لاهي مع الهنود تنهدت بأرتياح ومشت وطلعت من المكان اللي اشبه بقبرها..
    حمدت ربها مليووون مره انها طلعت وماصار لها شي بكت وهي تشد شعرها لما صار نصه في يدها:الحمد الله يااااارب الحمد الله..<<ركضت في الشوارع المظلمه ورجلها تنزف وفستانها القصير متقطع وشعرها طاايح على وجهها بطريقه غريبه..
    لمحت نور سياره جايه حطت يدينها على عيونها من النور القوي لكن السياره فرملت بقوه ووقفت..
    هيفاء بعدت يدها عن عيونها وشافت الشخص نزل من السياره خافت ولفت لكن وقفها صوته:اقدر اساعدك اختي..
    هيفاء لفت وانصدمــــت تمنت تموت ولايشوفها بهالشكل وبصوت مرتجف:فـيـ..يصل..
    فيصل انصدم وتقدم لها وهو يناظرها من فوق لتحت:انتي وش جابك هنا..
    ماقدرت تقول كلمه على بعضها حست ان لسانها ثقيـــــل غمضت عيونها وطاحت عليه..
    فيصل صرخ:هيفـــــاء..
    :


    تعليق


    • #3
      رد: تموت عيونهم فيني .. وانا بك ميته عيني الجزء الثاني والثلاثون

      اكملها باجر وان شاءالله تعجبج


      تعليق


      • #4
        رد: تموت عيونهم فيني .. وانا بك ميته عيني الجزء الثاني والثلاثون

        [align=center][align=center][table1="width:95%;"][cell="filter:;"][align=center]حلوووووه .. مو مشكله يالغأليه ..
        والله الاحداث واايد حلوه ... وزين سووت هيفاء بأحمد ..
        بس صراحه امها وابوووها اللي وصلووهم لحد هالمرحله ...
        تحيااتي
        دمووع
        [/align]
        [/cell][/table1][/align][/align]
        [align=center]



        http://www.shbab1.com/2minutes.htm[/align]

        تعليق


        • #5
          رد: تموت عيونهم فيني .. وانا بك ميته عيني الجزء الثاني والثلاثون

          مشكوره غالية
          يعطيكـ ربي الف عاااافيه
          دمتي بتمييز
          تحيتي لك

          تعليق

          يعمل...
          X