إعـــــــلان

تقليص
لا يوجد إعلان حتى الآن.

تموت عيونهم فيني .. وانا بك ميته عيني الجزء الرابع

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تموت عيونهم فيني .. وانا بك ميته عيني الجزء الرابع


    ..الجــ الرابع ــزء..
    ::
    ××في الملعب××
    ريم ماتت من البرد:انا وش اللي حادني اطلع في هالبرد ادخل جوا احسن لي..
    جاها صوت من وراها:لحظه قبل ماتدخلين..
    ريم لفت وحمدت ربها انه مو راكان وإلا تسببت في جريمة قتل..كان شكله مألوف بالنسبه لها بس ماكانت متأكده هو وإلا لا..اما هو كان عارفها لانه يتذكر ملامحها..
    لحظـــــــــــــة صمت ونظرات اعجاب متبادله بين الطرفين..
    ريم حست على نفسها:خير..
    نايف انتبه:الخير في وجهك وش اللي حادك تطلعين في هالبرد..
    ريم ميته من البرد وشفايفها ترتجف:باااي..<<ومشت..
    نايف لحقها:لحظه لحظه..
    ريم بطفش:نعم..
    نايف فسخ جاكيته وحطاه عليها:الدنيا برد ليه مالبستي..
    ريم حمر وجهها وشالته عنها:ومن قالك اني مالبست خذ..<<ومدت له الجاكيت..
    نايف:افااا ترديني..
    ريم:ايه اردك وليه مااردك من انت..
    نايف ابتسم:تغيرتي ياروميو..
    ريم بصدمه:روميو..
    نايف:مو انا اللي مسميك..
    ريم تحاول تتذكر:نايف..
    نايف يفرك يدينه ببعض:والنعم فيني اقول مدامك فاظيه وانا فاظي وش رايك ندردش سوا شوي..
    ريم:إظاهر ياولد عمي احنا في السعوديه مو في كندا..
    نايف يمزح:زين انك ذكرتيني..
    ريم طفشت منه ومشت..
    نايف:لحظـــــــــــه..
    ريم لفت وبدون نفس:خير وش تبي بعد..
    نايف اشر على جاكيته:لو سمحتي يعني..
    ريم ناظرت الجاكيت وابتسمت من الفشيله مدته له وانحاشت من قدامه..
    نايف على صوته:شوي شوي يابنت عمي الزم ماعلينا سلامتك..
    ريم لفت عليه وشافته يراقبها بوسامته بطوله وبجرأته كان ساند جسمه على الشجره وحاط يدينه في جيبه ابتسم لريم وهي كشرت..
    نايف غمز لها:ههههههههههههههه..
    ريم ركضت ودخلت الغرفه وهي سرحاااانه..
    لمى تحرك شفايفها بدون صوت:شوفيها..
    مها:هههههههههههههههههه..
    ريم رمت نفسها على السرير وتغطت بالبطانيه"معقوله هذا نايف يجنننن يخقق وش ذا ملاك وإلا انسااان"..
    مها سحبت البطانيه:ياهووووه..
    ريم لفت للجهه الثانيه:اتركيني انام..
    مها:من جدك انتي بتنامين تونا بدري..
    ريم:فيني النوم..
    لمى:ترى اخوك جنني..
    ريم:شوفي اذا جاء اخوي سكة قلبيه بيكون بسببك انتي..
    لمى:ليه..
    ريم:يحبببببببببببببببببك يالمجنونه مدري وش شايف فيك المهم اتركوني انام..<<وتغطت بالبطانيه..
    لمى سحبتها:قومي غيري ملابسك يالمفهيه بتنومين كذا..
    ريم ناظرت نفسها:ايه صح..<< مفهيه بلاك ماشفتي اللي شفته كان ماتلوميني..
    ..في هالوقت كانت هيفاء متمدده على السرير و تكلم احمد بصوت واطي..
    :اقولك مااقدر اطول صوتي..
    احمد:اطلعي برا وكلميني..
    هيفاء:افا تبيني اموت من البرد..
    احمد:اموووت انا ولاانتي..
    هيفاء ابتسمت:لا جعل يومي قبل يومك..
    احمد"امين":لاتدعين على نفسك حبيبتي..
    هيفاء:اوكي اكلمك بكره..
    احمد:انتبهي على نفسك..
    هيفاء:وانت بعد يله بااي..
    احمد:بااي..
    هيفاء سكرت وباست الجوال بقووووه..
    ::
    ××في غرفة الشباب××
    نايف"الله عليها وعلى عيونها الذبااااحه"..
    فيصل:هيييييييييييه نحن هنا..
    نايف:داري انك هنا اجل هناك..
    فيصل:وين رحت..
    نايف وقف:تصبح على خير..
    فيصل:وين تو الناس..
    نايف:مانمت امس زين..<<رمى نفسه على سريره وقاعد يفكر في ريم..
    تركي جالس في اخر الغرفه وجنبه بندر..
    تركي بغى يقطع ملابسه:يااااختي ردي..
    بندر:خلاص ياشيخ ماتبي ترد دور غيرها..
    تركي:ايه ان شاء الله ادور غيرها مجنون انت..<<رن جواله..
    بندر:ردت..
    تركي طاحت عيونه:ايييييييييه ردت واخيراً حست على دمها ورحمتني..
    بندر:وش كاتبه..
    تركي يكشر على الجوال:ماااااااااالت عليك..
    بندر:ههههههههههههه وش كاتبه..
    تركي مد له الجوال:اقرى..
    بندر يقرى وهو ماسك ضحكته..
    لو خيروني بين موتي وفرقاك...
    :
    :
    :
    بختار فرقاك..
    على بالك الموت لعبه..
    هنا بندر انفجر من الضحك:هههههههههههههههههههههههههههههههههههههه..
    تركي سحب الجوال:شوي شوي على حلقك لاينشق..
    بندر:ياخي افهم البنت ماتبيك غصب يعني..
    تركي عصب:ايه غصب عنها وعن اللي جابها..
    بندر:اللي جابها عمك وش دخله في السالفه..
    تركي:اقولك شي..
    بندر:قول..
    تركي:ماااااالت علي انا الحين وش مقعدني معك..<<ووقف..
    بندر:ههههههههههههههه..
    تركي رمى عليه المخده:ايه اضحك اضحك خل الضحك ينفعك..

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    اليوم الثاني..الساعه ((10am))...
    الامارات..دبي..

    مشعل يطل من الشباك على البحر:ياحبي للامارات واهل الامارات..
    منصور يشرب كوفي:لان فيها الحبايب..
    مشعل تضايق ناظر في السماء:منصور الله يخليك لاتجيب طاريها..
    منصور:ماقلت شي..
    رائد:تعال اشرب كوفي..
    مشعل جاء عندهم وجلس:وين ناوين نطلع اليوم..
    رائد:للسينما فيه فيلم لجورج كلوني خياااال..
    مشعل:اوكي طيب بس الحين نطلع لووين..
    منصور:للبحر..
    رائد ومشعل:اوكي.

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××في الاستراحه××
    وفي قسم الرجال...صحوا الشباب يفطرون ماعدا تركي..
    ابومشعل:الحين يانايف ورى ماتجي تشتغل مع ابوك..
    ابونايف:اقول له بس مايبي..
    نايف رفع يده:لا تكفووون اعفوني عندكم مشعل وفيصل ينفعونكم انا كفايه علي كندا..
    فيصل:لا تحطها فيني..
    ابوفيصل:وين تركي مااشوفه..
    بندر ماسك ضحكته:نايم..
    ابوفيصل:للحين ليه سهران..
    بندر:يمكن انا نمت بدري مدري عنه..<<ايه سهران من بنتك اللي مهبله فيه خخخخخخ..
    تركي دخل:صبااااااااااح الخير جميعاً..
    ابومشعل:وراك نايم للحين..
    تركي يتثاوب:كم الساعه..
    فيصل:عشره ونص..
    تركي:ايه تو الناس والله كنت ناوي اصك امها نومه بس خايف تقولون عني مايستحي على وجهه..
    بندر بهمس:انت فاصخ الحيا مره وحده..
    تركي عطاه كوع:ممكن تسكت..
    بندر:النفس شينه على الصبح ليه بعد..
    تركي:من الشيخه اللي امس بس بوريها..
    ::
    ××في قسم النساء××
    ريم قاعده تمسج وجهها بالفوطه وتمشي وصدمت في مشاعل بدون قصد..
    مشاعل عصبت:عميــــــــــــــــــــه انتي..
    ريم:اسفه ماكان قصدي..
    مشاعل:لا كان قصدك..
    ريم:وليه يكون قصدي بيني وبينك شي..
    مشاعل:ايه بيني وبينك شي وشي كبير بعد..
    ريم:اللي هو..
    مشاعل:نايف..
    ريم طلعت عيونها:نايف وش دخلني فيه..
    مشاعل حطت يدها على كتفها وتناظرها بتهديد:اللي صار امس ماابييه يتكرر ولاتحاولين تتقربين من نايف لانه لي انا وبس فاهمه..
    ريم بعدت يدها بقوه:انتي وش اللي اتقرب مااتقرب وش هالحكي..
    مشاعل بنظرات احتقار:لاتسوين نفسك بريئه ولاسويتي شي انا شفت كل اللي صار بينك وبينه امس وقلتلك ماابيه يتكرر وإلا ماراح تشوفين خير..<<وراحت عنها وتركتها مصدومه..
    ريم"وش قاعده تخربط ذي وشو اتقرب خير وش شايفتني افففففففف"..<<دخلت للغرفه..
    ريم:لسه لمى نايمه..
    مها:والله كله من اخوك ماخلاها تنوم امس إلا وش عندك مع ذا الوقحه..
    ريم بقهر:تبي الشر بأي طريقه من جد وقحه..
    مها:ليه وش قالت لك..
    ريم تطلع لبس من الشنطه:ماقالت شي اقول وش رايك نطلع نفطر برا الجو حلوو اليوم..
    لمى قامت:يالجاحدات لاتطلعون وتخلوني..
    ريم:من متى انتي قايمه..
    لمى:من زماااااااااااان (وقفت على السرير ونطت) انتظرووووني لاتروحون..
    مها:لاتطولين يالبطه..
    لمى من جوا الحمام (الله يعزكم):مالبطه هنا غيرك..

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××الامارات..دبي××
    كان يمشي على البحر وعقله مو معه..في المكان نفسه كان معها..

    ..عينها في عينه..
    ×
    ..يدينها بيدينه..
    ×
    ..يتنفس انفاسها..
    ×
    ..يحظنها..يركض معها يضحك معها..
    ×
    ..بوجود الناس وإلا بدونهم..مايهمه المهم هي جنبه..
    ×
    ..بس كل هالشي رااااح..
    ×
    ..ولايقدر يرجع الزمن لورا..
    ::
    رائد:وين راح اخوانا في الله..
    منصور:مدري (لوح بيده قدام عيون مشعل) ياهووووه وين رحت..
    مشعل رجع للواقع ابتسم بدون نفس:هاه انا معاكم..
    رائد:من ساعه وإنا نحاكيك..
    مشعل قال ببلاهه:ايه..
    منصور:هههههههههههههههههههه وشو اللي ايه..
    مشعل تقدم عنهم:عن اذنكم شوي..
    رائد:خذ راحتك..
    منصور بهمس:وش فيه..
    رائد رفع كتوفه:مدري..
    منصور بنفس الهمس:يمكن ملاك..
    رائد:هو نسى انت ماراح تنسى..
    منصور:اقطع يدي اذا كان نساها..
    مشعل"وانا ماراح انساها هي اكيد الحين عايشه حياتها..ـ رفع راسه ـ وينك ياملاك اشتقتلك موت"..
    تذكر السبب اللي خلاه يبعد عن ملاك..

    كان راجع من السعوديه للامارات..مشتاق لها مشتاق لكل شي فيها..
    الارض مو شايلته من فرحته راح لبيتها حاب يسوي لها مفاجأه..

    دخل البيت على اطراف رجليه كان البيت ظلام رقى لغرفتها حط يده على مسكة الباب وقبل مايدخل سمعها تقول..
    : حبيبي انت بس ابشر خلني اخلص منه ولد فهد الـ....... وشوف العز وشلون..
    الطرف الثاني:ايه وش ناويه تسوين معه..
    ملاك:انت ماعليك انا بس ودي تشوف شكله على نياته بأختصار حمااااااار ههههههههههه..
    :هههههههههههههههههههههه..
    مشعل حس ان كل شي فيه انشل اصابع يدينه تجمددت مصدوم من اللي يسمعه يحاول يقول لنفسه هاذي مو ملاك..بس هذا صوتها اللي يرن في اذنه..حس انه مايقدر يتنفس الاوكسجين من حوله نفذ..وان كل شي في الحياة انتهى..

    قوى قلبه وفتح الباب بقوه وكانت الصدمه اكبر:
    :


  • #2
    رد: تموت عيونهم فيني .. وانا بك ميته عيني الجزء الرابع


    تكملة الجزء الرابــــــــع..<<

    مشعل"وانا ماراح انساها هي اكيد الحين عايشه حياتها..ـ رفع راسه ـ اشتقتلك موت"..
    تذكر السبب اللي خلاه يبعد عن ملاك..

    كان راجع من السعوديه للامارات..مشتاق لها مشتاق لكل شي فيها..
    الارض مو شايلته من فرحته راح لبيتها حاب يسوي لها مفاجأه..

    دخل البيت على اطراف رجليه كان البيت ظلام رقى لغرفتها حط يده على مسكة الباب وقبل مايدخل سمعها تقول..
    : حبيبي انت بس ابشر خلني اخلص منه ولد فهد الـ....... وشوف العز وشلون..
    الطرف الثاني:ايه وش ناويه تسوين معه..
    ملاك:انت ماعليك انا بس ودي تشوف شكله على نياته بأختصار حمااااااار ههههههههههه..
    :هههههههههههههههههههههه..
    مشعل حس ان كل شي فيه انشل اصابع يدينه تجمددت مصدوم من اللي يسمعه يحاول يقول لنفسه هاذي مو ملاك..بس هذا صوتها اللي يرن في اذنه..حس انه مايقدر يتنفس الاوكسجين من حوله نفذ..وان كل شي في الحياة انتهى..

    قوى قلبه وفتح الباب بقوه وكانت الصدمه اكبر:

    راكــــــان..
    ملاك كانت لابسه ملابس النوم وبجنبها ركان انصدمت وبصوت متقطع ومرتجف:مــ..مشـ..عل..
    مشعل ماسك اعصابه وحاول يكون طبيعي وببرود: ايه مشعل ياملاك اللي على قولتك على نياتيه وحماااار..
    راكان قام من السرير يبي يطلع من الغرفه..مشعل مسكه وابتسم وهو يبلع ريقه
    :وين وين كمل معها انا بعد شوي طالع..
    راكان:المهم تحقق اللي هنا..<<وحط اصبعه على راسه..
    مشعل بدى الدم يفور في راسه عطاه كف قوي بقهر..
    راكان ماسك مكان الكف وابتسم بأستهزاء:مقبوله ياولد خالي مقبوله..
    ملاك انصدمت:ولد خالك..
    راكان:مبروك عليك ولد خالي ياحلوووووه..<<وطلع..
    ملاك صرخت:حقــــــــــــــــــــير..
    مشعل غمض عيونه يحس انه بينفجر في اي لحظه قال بهدوء:حقيره قذره وقحه وش اقول (فتح عيونه) انتي حرام فيك كل شي كل شي..
    ملاك توها بتحكي جاها كف قوي وحار من مشعل:وش تبين تحكين بعد اللي شفته انتي اخر وحده في الدنيا كنت اتصور تسوي كذا تستغليني وبعد تـ استغفر الله العظيم..
    ملاك ماسكه مكان الكف وتبكي..الكف شويه عليها هي تستاهل الموت:مشعل..
    مشعل ناظرها بأحتقار وصرخ:انتي طاالق..<<وطلع..
    ملاك صرخت:لااااااااااااا..<<ولحقته تمسكت فيه ونزلت لعند رجله
    :مشعل لاتخليني ابوس رجليك لاتخليني..
    مشعل رجفها برجله بقرف وطاحت ملاك مغمى عليها..
    ::
    ..ضغط راسه بقوه خلاص يبي ينسى.. شد شعره صار نصه في يده..
    رائد حط يده على كتفه:مشعل تعبان..
    مشعل لف عليه وهموم الدنيا بعيونه وبصوت مخنوق:لامو تعبان لاتشيل هم..
    رائد:شوف شكلك وشلون صاير..
    مشعل بضيق:قل لي كيف انساها..
    رائد نزل راسه عمره ماشاف مشعل بهالوضع..
    مشعل ضرب ظهر رائد بخفه:يله نمشي..

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××نرجع للإستراحه××
    البنات قاعدين يفطرون برا..
    لمى:الله يخليك قولي لأخوك يبعد عني..
    ريم:انا مالي دخل تفاهمي معاه انتي..
    تركي شافهم من بعيد وجاء لهم:صباااااااااح الخير على احلى بنت شفتها بحياتي..
    ريم:انا مشكووور كلك ذوق..
    لمى:انتي احد كلمك تراه يقصدني انا..
    تركي:صح انتي احد كلمك..
    ريم وقفت:مالت عليك انت وياها وانتي تهني فيه واذا شكيتي لي منه تشهدي لاني بذبحك..<<وراحت عنهم..
    مها حست ان وجودها مال امه داعي ووقفت:افطروا مع بعض عليكم بالعافيه..
    لمى انقهرت:مهيييييييييييييييوه يالدبا تعالي..
    تركي جلس:تصدقين عاد ماافطرت..
    لمى بدون نفس:وانا وش علي منك افطرت وإلا ماافطرت..
    تركي:افااا وبعدين وش هالرد اللي امس..
    لمى:اي رد..
    تركي:اللي تقولين فيه لو خيروني بين موتي وفرقاك..
    لمى:وش فيه..
    تركي:اللي بيخيرك هذا بقتله لانه بيبعدني عنك وبعدها انا بموووت..
    لمى:وانا بصلي عليك..
    تركي بحزن باين عليه:يعني عادي عندك اموت مايهمك..
    لمى وقفت:لا مايهمني..<<وراحت عنه..
    تركي حس بخيبة امل كل مره كذا وهو خلاص كرامته ماتسمح له مهما كان حبه لها كبير كرامته عنده بالدنيا..
    بندر جلس جنبه:وش صار..
    تركي منزل راسه:كالعاده..
    بندر:افااااا ماعاش من ينزل هالراس..
    رن جوال تركي ((البايخه)) يتصل بك..
    كشر و رد:هلا حبيبتي..
    بندر:لا داق صداقه مع نص بنات الرياض وزعلان علشان وحده ماعطته وجه..
    تركي حط يده على فم بندر:لا هذا واحد بايخ عندي ماعلينا منه المهم كيفك..
    ::
    ..كان يتمشى ولمح بنت جالسه على الارض وتلعب بخصلات شعرها وشكلها سرحااانه...
    قرب اكثر وابتسم:ريم..
    ريم انتبهت:هاه ايوه..
    نايف جلس:اللي ماخذ عقلك..
    ريم:سلامتك..
    نايف:ممكن اجلس..
    ريم:هههههههههههههه مو انت جلست..
    نايف:هههههههههههههه هاه وش الاخبار..
    ريم:تمام وانت..
    نايف استانس انها عطته وجه:شوفة عينك كيف الدراسه..
    ريم:ماشي الحال..
    نايف:رايحه لثالث وإلا..
    ريم:ايه وخايفه..
    نايف:ليــــه..
    ريم:يبي لها نسبه واذا جبت نسبه حلوه الله واعلم ادخل الجامعه وإلا اجلس في البيت..
    نايف:لاتشيلين هم انتي بس شدي حيلك والله مو مضيع تعبك..
    ريم بأبتسامه حلوه:ان شاء الله وانت وش اخبار الدراسه في كندا..
    نايف:مو حلوه..
    ريم:ليه اقصد يعني..
    نايف قاطعها:لاني بعيد عن السعوديه (التفت وحط عينه في عينها) واهل السعوديه..
    ريم حست بأحساس غريب من نظرته ماتدري وشو:بس كذا..
    نايف:وفيه شي غير كذا..
    ريم رفعت كتوفها:مدري يمكن..
    ..مرت نسمة هواء طيرت شعر ريم الناعم وارتجف جسمها..
    نايف فسخ جاكيته وحطه عليها:شكلك بردانه..
    ريم حطت شعرها على جنب بأرتباك:بس انت..
    نايف قاطعها:انا لابس شوفيني كأني فقمه ضايعه..
    ريم:هههههههههههههههههههه..
    سمعوا صوت تصفيق:ماشاء الله عليكم..

    :
    :


    تعليق


    • #3
      رد: تموت عيونهم فيني .. وانا بك ميته عيني الجزء الرابع

      [align=center][align=center][table1="width:95%;"][cell="filter:;"][align=center]ههههههههههههههههههه هذي أكيد الدفشه مشاعل ..
      الله يستر @@
      نكمل بقيه القصه ..
      تحياتي ..
      دمووع
      [/align]
      [/cell][/table1][/align][/align]
      [align=center]



      http://www.shbab1.com/2minutes.htm[/align]

      تعليق

      يعمل...
      X