..الجــ الرابع ــزء..
::
××في الملعب××
ريم ماتت من البرد:انا وش اللي حادني اطلع في هالبرد ادخل جوا احسن لي..
جاها صوت من وراها:لحظه قبل ماتدخلين..
ريم لفت وحمدت ربها انه مو راكان وإلا تسببت في جريمة قتل..كان شكله مألوف بالنسبه لها بس ماكانت متأكده هو وإلا لا..اما هو كان عارفها لانه يتذكر ملامحها..
لحظـــــــــــــة صمت ونظرات اعجاب متبادله بين الطرفين..
ريم حست على نفسها:خير..
نايف انتبه:الخير في وجهك وش اللي حادك تطلعين في هالبرد..
ريم ميته من البرد وشفايفها ترتجف:باااي..<<ومشت..
نايف لحقها:لحظه لحظه..
ريم بطفش:نعم..
نايف فسخ جاكيته وحطاه عليها:الدنيا برد ليه مالبستي..
ريم حمر وجهها وشالته عنها:ومن قالك اني مالبست خذ..<<ومدت له الجاكيت..
نايف:افااا ترديني..
ريم:ايه اردك وليه مااردك من انت..
نايف ابتسم:تغيرتي ياروميو..
ريم بصدمه:روميو..
نايف:مو انا اللي مسميك..
ريم تحاول تتذكر:نايف..
نايف يفرك يدينه ببعض:والنعم فيني اقول مدامك فاظيه وانا فاظي وش رايك ندردش سوا شوي..
ريم:إظاهر ياولد عمي احنا في السعوديه مو في كندا..
نايف يمزح:زين انك ذكرتيني..
ريم طفشت منه ومشت..
نايف:لحظـــــــــــه..
ريم لفت وبدون نفس:خير وش تبي بعد..
نايف اشر على جاكيته:لو سمحتي يعني..
ريم ناظرت الجاكيت وابتسمت من الفشيله مدته له وانحاشت من قدامه..
نايف على صوته:شوي شوي يابنت عمي الزم ماعلينا سلامتك..
ريم لفت عليه وشافته يراقبها بوسامته بطوله وبجرأته كان ساند جسمه على الشجره وحاط يدينه في جيبه ابتسم لريم وهي كشرت..
نايف غمز لها:ههههههههههههههه..
ريم ركضت ودخلت الغرفه وهي سرحاااانه..
لمى تحرك شفايفها بدون صوت:شوفيها..
مها:هههههههههههههههههه..
ريم رمت نفسها على السرير وتغطت بالبطانيه"معقوله هذا نايف يجنننن يخقق وش ذا ملاك وإلا انسااان"..
مها سحبت البطانيه:ياهووووه..
ريم لفت للجهه الثانيه:اتركيني انام..
مها:من جدك انتي بتنامين تونا بدري..
ريم:فيني النوم..
لمى:ترى اخوك جنني..
ريم:شوفي اذا جاء اخوي سكة قلبيه بيكون بسببك انتي..
لمى:ليه..
ريم:يحبببببببببببببببببك يالمجنونه مدري وش شايف فيك المهم اتركوني انام..<<وتغطت بالبطانيه..
لمى سحبتها:قومي غيري ملابسك يالمفهيه بتنومين كذا..
ريم ناظرت نفسها:ايه صح..<< مفهيه بلاك ماشفتي اللي شفته كان ماتلوميني..
..في هالوقت كانت هيفاء متمدده على السرير و تكلم احمد بصوت واطي..
:اقولك مااقدر اطول صوتي..
احمد:اطلعي برا وكلميني..
هيفاء:افا تبيني اموت من البرد..
احمد:اموووت انا ولاانتي..
هيفاء ابتسمت:لا جعل يومي قبل يومك..
احمد"امين":لاتدعين على نفسك حبيبتي..
هيفاء:اوكي اكلمك بكره..
احمد:انتبهي على نفسك..
هيفاء:وانت بعد يله بااي..
احمد:بااي..
هيفاء سكرت وباست الجوال بقووووه..
::
××في غرفة الشباب××
نايف"الله عليها وعلى عيونها الذبااااحه"..
فيصل:هيييييييييييه نحن هنا..
نايف:داري انك هنا اجل هناك..
فيصل:وين رحت..
نايف وقف:تصبح على خير..
فيصل:وين تو الناس..
نايف:مانمت امس زين..<<رمى نفسه على سريره وقاعد يفكر في ريم..
تركي جالس في اخر الغرفه وجنبه بندر..
تركي بغى يقطع ملابسه:يااااختي ردي..
بندر:خلاص ياشيخ ماتبي ترد دور غيرها..
تركي:ايه ان شاء الله ادور غيرها مجنون انت..<<رن جواله..
بندر:ردت..
تركي طاحت عيونه:ايييييييييه ردت واخيراً حست على دمها ورحمتني..
بندر:وش كاتبه..
تركي يكشر على الجوال:ماااااااااالت عليك..
بندر:ههههههههههههه وش كاتبه..
تركي مد له الجوال:اقرى..
بندر يقرى وهو ماسك ضحكته..
لو خيروني بين موتي وفرقاك...
:
:
:
بختار فرقاك..
على بالك الموت لعبه..
هنا بندر انفجر من الضحك:هههههههههههههههههههههههههههههههههههههه..
تركي سحب الجوال:شوي شوي على حلقك لاينشق..
بندر:ياخي افهم البنت ماتبيك غصب يعني..
تركي عصب:ايه غصب عنها وعن اللي جابها..
بندر:اللي جابها عمك وش دخله في السالفه..
تركي:اقولك شي..
بندر:قول..
تركي:ماااااالت علي انا الحين وش مقعدني معك..<<ووقف..
بندر:ههههههههههههههه..
تركي رمى عليه المخده:ايه اضحك اضحك خل الضحك ينفعك..
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
اليوم الثاني..الساعه ((10am))...
الامارات..دبي..
مشعل يطل من الشباك على البحر:ياحبي للامارات واهل الامارات..
منصور يشرب كوفي:لان فيها الحبايب..
مشعل تضايق ناظر في السماء:منصور الله يخليك لاتجيب طاريها..
منصور:ماقلت شي..
رائد:تعال اشرب كوفي..
مشعل جاء عندهم وجلس:وين ناوين نطلع اليوم..
رائد:للسينما فيه فيلم لجورج كلوني خياااال..
مشعل:اوكي طيب بس الحين نطلع لووين..
منصور:للبحر..
رائد ومشعل:اوكي.
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××في الاستراحه××
وفي قسم الرجال...صحوا الشباب يفطرون ماعدا تركي..
ابومشعل:الحين يانايف ورى ماتجي تشتغل مع ابوك..
ابونايف:اقول له بس مايبي..
نايف رفع يده:لا تكفووون اعفوني عندكم مشعل وفيصل ينفعونكم انا كفايه علي كندا..
فيصل:لا تحطها فيني..
ابوفيصل:وين تركي مااشوفه..
بندر ماسك ضحكته:نايم..
ابوفيصل:للحين ليه سهران..
بندر:يمكن انا نمت بدري مدري عنه..<<ايه سهران من بنتك اللي مهبله فيه خخخخخخ..
تركي دخل:صبااااااااااح الخير جميعاً..
ابومشعل:وراك نايم للحين..
تركي يتثاوب:كم الساعه..
فيصل:عشره ونص..
تركي:ايه تو الناس والله كنت ناوي اصك امها نومه بس خايف تقولون عني مايستحي على وجهه..
بندر بهمس:انت فاصخ الحيا مره وحده..
تركي عطاه كوع:ممكن تسكت..
بندر:النفس شينه على الصبح ليه بعد..
تركي:من الشيخه اللي امس بس بوريها..
::
××في قسم النساء××
ريم قاعده تمسج وجهها بالفوطه وتمشي وصدمت في مشاعل بدون قصد..
مشاعل عصبت:عميــــــــــــــــــــه انتي..
ريم:اسفه ماكان قصدي..
مشاعل:لا كان قصدك..
ريم:وليه يكون قصدي بيني وبينك شي..
مشاعل:ايه بيني وبينك شي وشي كبير بعد..
ريم:اللي هو..
مشاعل:نايف..
ريم طلعت عيونها:نايف وش دخلني فيه..
مشاعل حطت يدها على كتفها وتناظرها بتهديد:اللي صار امس ماابييه يتكرر ولاتحاولين تتقربين من نايف لانه لي انا وبس فاهمه..
ريم بعدت يدها بقوه:انتي وش اللي اتقرب مااتقرب وش هالحكي..
مشاعل بنظرات احتقار:لاتسوين نفسك بريئه ولاسويتي شي انا شفت كل اللي صار بينك وبينه امس وقلتلك ماابيه يتكرر وإلا ماراح تشوفين خير..<<وراحت عنها وتركتها مصدومه..
ريم"وش قاعده تخربط ذي وشو اتقرب خير وش شايفتني افففففففف"..<<دخلت للغرفه..
ريم:لسه لمى نايمه..
مها:والله كله من اخوك ماخلاها تنوم امس إلا وش عندك مع ذا الوقحه..
ريم بقهر:تبي الشر بأي طريقه من جد وقحه..
مها:ليه وش قالت لك..
ريم تطلع لبس من الشنطه:ماقالت شي اقول وش رايك نطلع نفطر برا الجو حلوو اليوم..
لمى قامت:يالجاحدات لاتطلعون وتخلوني..
ريم:من متى انتي قايمه..
لمى:من زماااااااااااان (وقفت على السرير ونطت) انتظرووووني لاتروحون..
مها:لاتطولين يالبطه..
لمى من جوا الحمام (الله يعزكم):مالبطه هنا غيرك..
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××الامارات..دبي××
كان يمشي على البحر وعقله مو معه..في المكان نفسه كان معها..
..عينها في عينه..
×
..يدينها بيدينه..
×
..يتنفس انفاسها..
×
..يحظنها..يركض معها يضحك معها..
×
..بوجود الناس وإلا بدونهم..مايهمه المهم هي جنبه..
×
..بس كل هالشي رااااح..
×
..ولايقدر يرجع الزمن لورا..
::
رائد:وين راح اخوانا في الله..
منصور:مدري (لوح بيده قدام عيون مشعل) ياهووووه وين رحت..
مشعل رجع للواقع ابتسم بدون نفس:هاه انا معاكم..
رائد:من ساعه وإنا نحاكيك..
مشعل قال ببلاهه:ايه..
منصور:هههههههههههههههههههه وشو اللي ايه..
مشعل تقدم عنهم:عن اذنكم شوي..
رائد:خذ راحتك..
منصور بهمس:وش فيه..
رائد رفع كتوفه:مدري..
منصور بنفس الهمس:يمكن ملاك..
رائد:هو نسى انت ماراح تنسى..
منصور:اقطع يدي اذا كان نساها..
مشعل"وانا ماراح انساها هي اكيد الحين عايشه حياتها..ـ رفع راسه ـ وينك ياملاك اشتقتلك موت"..
تذكر السبب اللي خلاه يبعد عن ملاك..
كان راجع من السعوديه للامارات..مشتاق لها مشتاق لكل شي فيها..
الارض مو شايلته من فرحته راح لبيتها حاب يسوي لها مفاجأه..
دخل البيت على اطراف رجليه كان البيت ظلام رقى لغرفتها حط يده على مسكة الباب وقبل مايدخل سمعها تقول..
: حبيبي انت بس ابشر خلني اخلص منه ولد فهد الـ....... وشوف العز وشلون..
الطرف الثاني:ايه وش ناويه تسوين معه..
ملاك:انت ماعليك انا بس ودي تشوف شكله على نياته بأختصار حمااااااار ههههههههههه..
:هههههههههههههههههههههه..
مشعل حس ان كل شي فيه انشل اصابع يدينه تجمددت مصدوم من اللي يسمعه يحاول يقول لنفسه هاذي مو ملاك..بس هذا صوتها اللي يرن في اذنه..حس انه مايقدر يتنفس الاوكسجين من حوله نفذ..وان كل شي في الحياة انتهى..
قوى قلبه وفتح الباب بقوه وكانت الصدمه اكبر:
:
تعليق