إعـــــــلان

تقليص
لا يوجد إعلان حتى الآن.

تموت عيونهم فيني .. وانا بك ميته عيني الجزء الرابع والعشرون

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تموت عيونهم فيني .. وانا بك ميته عيني الجزء الرابع والعشرون



    ..الجـــ الرابع والعشرون ــــزء..

    ابتسم لها بحب كبير:عيديها مره ثانيه..
    هديل:لا عاد دورك انت تجي عندنا..
    خالد:ان شاء الله..
    :هديــــــــــل..
    هديل بطفش:يا الله شكلنا بنمشي اففففف..
    خالد:طيب اقعدي مو لازم تروحين..
    هديل:وراي شغلات كثيره لاتنسى زواج دلال قرب والنكد بعد قربت..
    خالد:مين النكد..
    هديل:الدراسه الله ياخذها اف متى تخلص هالسنه وارتاااااح وادخل الجامعه..
    خالد:والله كبرتي..
    هديل مالت بجسمها بدلع:وش رايك يعني ههههههههههههههه..
    خالد"عساها دووووم هالضحكه":رايي انك احـ..
    قاطعهم صوت رهف:يله انتي..<<خالد حقد على رهف حقد..
    هديل ناظرت خالد بحزن:يله باااي..
    رهف سحبتها:يله يله..
    هديل مشت مع رهف:افف وش فيك انتي طايره..
    رهف:مو انتي تبين تروحين يله روحي مالت عليك..
    هديل حظنتها:يالدبــــــــا انا ودي اقعد معك على طووول بس اتغلى عليك شوي..
    رهف بعدت عنها وكشرت:هذا الحين شوي قولي كثيـــر على فكره ترى من تغلى تخلى..
    هديل:انتي ماتقدرين تتخلين عني علشان كذا اتغلى على كيف كيفي..
    رهف عقد حواجبها:يااااااي يالواثقه..
    ام مشاري:يله نشوفكم على خير..
    ام خالد:عاد لاتنسون تزورونا..
    ام مشاري:ان شاء الله يله مع السلامه..
    دلال:يله مع السلامه خالتي..
    ام مشاري:مع السلامه وانتبهي على نفسك..
    هديل باست خد دلال بقووووه:يله بااااي (غمزت لها) وانتبهي على نفسك وبشرتك علشان الاخ منصووور..
    دلال من بين اسنانها:هديلووووه..
    هديل ابتسمت بخبث:ومبروك قبل الزحمه..
    دلال انقهرت:هديـــــــــــــل..
    هديل انحاشت:هههههههههههههههههههههههههههههه باااي..
    رهف طلعت وراها:مسكيــــنه ههههههههههههههههههههههه..
    :احم احم..
    رهف لفت وشهقت:بسم الله..
    مشاري:لهالدرجه اخرع..
    رهف تناظره من فوق لتحت:من انت..
    مشاري:احد مايعرف ولد عمه بالله..
    رهف تلعب بخصلات شعرها:ايييه انا وبعدين انت مررره متغير صاير رجال..
    مشاري رفع حاجبه:لاااا واول انا وشو..
    هديل:بتطولون على ذا الحاله..
    مشاري:انتي وش عليك اركبي وانتي ساكته..
    رهف:هههههههههههههههههههههههههههه (مدت يدها) كفك كفك..
    مشاري فتح عيونه على اخر شي:وش شايفتني وحده من خوياتك..
    رهف:اعتبر نفسك كذا الحين وبس (حركت يدها) يله يااخي تعبت..
    مشاري مد يده وصفقها مع يدها بقوووووه..
    رهف صرخت:آآآآآآآآي..
    مشاري:ماعليه اعتبريني وحده من خوياتك وعربجيه..
    رهف تفرك يدها:اح عاد مو كذا..
    ام مشاري:مشاري وش تسوي..
    رهف استحت وحمر وجهها"وش بتقول عني يااااربي انا وش وقفني معاه لاوبعد اصفق يدي مع يده"..<<سوت نفسها تناظر الفيلا ومو منتبهه لهم..
    ام مشاري بخبث:لا رهوفه عادي خذي راحتك..
    رهف انقلب وجهها الوان قالت بسرعه وهي تأشر بيدها:يله بااااااي..<<ودخلت بسرعه..
    ام مشاري ومشاري:ههههههههههههههههههههههههههههههههههه..
    هديل طلعت راسها من الشباك:يله خلصونا عفنت وانا جالسه هنا..
    ××
    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    طلعت فوق بسرعه وفتحت الباب:الحقــــــــــي..
    في:خير وش فيك..
    غاده نطت على السرير:طليل بيتزوج..
    في فتحت عيونها على اخر شي:والـــــــــله..
    غاده:والله تو سمعت عمي وطلال يتكلمون في الموضوع..
    في:وماعرفتي من هي..
    غاده:توقعـــــي..
    في:ياسخفك ياغووويد قولي والله متحمسه..
    غاده:مهــــــــا..
    في:مين مها..
    غاده:مها فيه غيرها..
    في مو مستوعبه:كـــــــذابه هي نفسها..
    غاده:اييييه والله العظيم واااااااوو طلال ومها لايقين على بعض (نطت) واخيـــــــــراً بصير عمه..
    في ضربت راسها:يالدلخه هو توه مابعد خطبها لاتستبقين الاحداث يمكن بعد ماتوافق عليه..
    غاده تخصرت:ليه ياعمري اخوي مافيه شي ينعاب..
    في:نسيتي انها تحب مشعل..
    غاده:إلا والله صح بس غصب عليها بتوافق..
    في:ياقلبــــــــي تحسبين الناس على كيفك..
    غاده جلست:والله اذا كانوا الناس على كيفكي كان الدنيا بخير..
    في:إلا راحت فيها..
    انفتح الباب ودخل:تبون تطلعون..
    غاده نطت عليه وحظنته:يااااربي مو مصدقه..
    طلال يأشر على راسه:الاخت انجنت..
    غاده دفته عنها:هذا وانت توك مابعد خطبت..
    في ابتسمت:مبروك..
    طلال بأستغراب:من وين دريتوا..
    في:من محطة رويتز..
    غاده تناظره وترفع حواجبها بحركه سريعه..
    طلال:ههههههههههههههههههههههههههه حمد الله والشكر..
    غاده سحبته عندها:عن جد انت بتتزوج مها..
    طلال ابتسم من طاريها وتنهد:ايــــــــه..
    غاده لفت على في:لا شكل الولد متعذب..
    طلال ضرب راسها بخفه:هههههههههههههههههههههههههههه..
    ××
    فرشوا على الشاطئ وجلسوا..
    الجده نوره:يا الله براد الجنه..
    مها وريم ابتسموا:آميــــــن..
    لمى اللي كانت تحط الوسادات على الفرشه وعيونها متجمعه فيها الدموع..
    قرب من جدته:يمه وين الدجاج..
    لمى رفعت راسها من سمعت صوته وبلعت غصاتها..
    الجده نوره:خلاص بخلي وحده من البنات تجيبه لك..
    تركي رفع عينه وناظر في لمى بعتاب ورجع يناظر جدته:طيب..
    الجده نوره:يمه لمى شوفي الخدامات خلصوا من تقطيع الدجاج..
    لمى عضت شفايفها"لا يمه تكفيــــــن ليه انا":طيب..
    ريم انتبهت للمى ولحقتها:لمـــى..
    لمى بدون ماتلف عليها لان دموعها على خدها قالت بصوت مخنوق:نعم..
    ريم مسكتها:تعالي ليش طايره كذا..
    لمى نزلت راسها ومسحت دموعها:بروح اجيب الدجاج لايعصب علي اخوك..
    ريم:لا تخافين ماراح يعصب..
    لمى وهي تمشي:لا انا بالذات بيعصب علي..
    ريم لحقتها:ليه قاتله له احد وإلا ماخذه حلاله..
    لمى:انتي تعرفين السبب..
    ريم:انتي من وين جايبه ذا الحكي اخوي مو راعي بنات ولاشي..
    لمى لفت عليها:لا انا سمعت امس بنتين يقولون انه يحب وحده وهي الوحيده اللي ملكت قلبه..
    ريم بصوت مرتجف:وذا الوحده يالمى انتي..
    لمى بصدمه:انا..
    ريم:اصلاً انتي طول عمرك ظالمه تركي..<<ومشت..
    لمى:ريــــــم..<<حست بتأنيب الضمير طووول عمرها ظالمته ولاحست فيه وفي حبه الكبير لها..
    ام فيصل فتحت البلكونه:تعالي لمى خذي الدجاج..
    لمى مسحت دموعها:ان شاء الله..
    ريم جلست وحطت الوساده في حظنها:افففف..
    ام نايف:وش فيك حبيبتي..
    ريم طصنعت الابتسامه:ابد خالتي سلامتك..
    ام مشعل:هاه متى ناوين تخطبون لنايف..
    ام نايف:اذا رجعنا من الشرقيه ان شاء الله ياربي بعد صبرني لين نوصل..
    الكل ماعدا ريم:هههههههههههههههههههههههههههههههه..
    تردد كلام ام نايف في مسامعها ودها تكذب ذا الحكي ودها تصرخ "لاااا انتو تكذبون" بلعت غصه ورا الثانيه وعلقت عيونها على الارض ودمعتها رفضت تستسلم وتطيح..
    مشاعل بهمس:يااااحياتي كسرتي خاطري..
    ريم رفعت راسها وناظرتها بأحتقار..
    مشاعل ابتسمت بنصر ورفعت حاجب:اقول امل انا بجهز الكوشه وبحجز القاعه لاتشيلين هم..
    ام نايف ناظرتها بأحتقار:تو الناس على هالحكي..
    مشاعل:اي تو الناس انا متأكده ميه بالميه ان دانا بتوافق عليه اصلاً تبوس يدها وجه وقفى انه نزل نفسه وخطبها..
    ام نايف بعصبيه:لاتنسين انها بنت اخوي..
    مشاعل:ونوني اللي هو نايف ولد خالي..
    الجده نوره بعصبيه:مشاعـــــــــــــل انقلعي..
    مشاعل وقفت ورمت الوساده على الارض:على بالك يعني ميته على الجلسه معكم وع قرف..<<ومشت بخطوات سريعه..
    ام راكان ناظرت ام نايف بأحتقار:بنتي ماقالت شي غلط..
    الجده نوره:طيب مدامها ماقالت شي غلط انقلعي معها..
    ام راكان:يمه لو سمحتي ماكلمتك..
    ام مشعل:خلاص ياجماعه صلوا على النبي..
    ام راكان همست:انتي اخر وحده تتكلمين فاهمه..
    ام مشعل بنفس الهمس ومن بين اسنانها:لو ما كانت خالتي جالسه كان ربيتك..
    ام راكان انقهرت وراحت..
    ريم تناظر الموقف وعقلها مو معها تحس انها شوي وبتنفجر من البكي..
    مها عطتها كوع:ريوووم..
    ريم بصوت مبحوح:نعم..
    مها:وين لمى..
    ××
    ..؛,..ملعون ابو العشق دام العشق دلعها..
    لاصارت البنت تامرنا وتنهينا..؛’..

    مدت له الصحن بيدين مرتجفه:تفضل..
    تركي بدون مايناظرها:حطيه هنا..
    لمى بلعت غصاتها:تركي انا..<<ورن جوال تركي رفعه ورد..
    :هـــــــلا والله وغلا..ههههههههههههههههههه لاياقلبي وانا اقدر..حياتي انتي حبي الاول والاخير (ناظر في لمى المصدومه وابتسم بخبث)..اوكي ياقلبي وروحي انتي احاكيك بعدين..ههههههههههههههه اوكي بااااي وانتبهي على نفسك..<<سكر جواله ودخله في جيبه..
    ناظر لمى ورفع حاجبه وقال بأستهزاء:فيه شي..
    لمى بصوت مرتجف ودموعها على خدها:لا مافيه ابداً..
    تركي عوره قلبه بلع ريقه:طيب ليه واقفه..
    لمى:يعني كلام راكان صح..
    تركي:ايه صح انا راعي بنات مو بس احاكيهم واطلع معهم ارتحتي..
    مرت قشعريره على كل جسمها وارتجفت منها بكت من قلب:ليه ياتركي..
    تركي بعصبيه:وليه تسألين انتي مو من حقك تحاسبيني لا انتي حبيبتي ولا انتي زوجتي..<<شدد على هالكلمتين..
    لمى انقبض قلبها:انا مو حبيبتك..
    تركي:ذليت نفسي كثير يالمى واكذب عليك لو قلتلك اني للحين احبك انتي الحين ماتعنين لي إلا بنت عم وبس (نزل راسه وحط الدجاج في الشوايه وقال بلامبالاة) وبصراحه انتي كنتي جزء من حياتي ولاحظي هاذي كنتي وكان فعل ماضي مبني على الفتح ههههههههههههههههههههههههههههه..<<النحو عامل عمايله خخخخخخخ..
    كلامه كان مثل الساكين تطعن قلبها وتقطعه "معقوله ياتركي كرهتني بهالسرعه"..<<ضغطت على يدها بقهر لما صارت حمراء..
    تركي:تبين شي ثاني..
    لمى بعصبيه رفعت اصبعها المرتجف:انت واحد حقيــر..
    تركي ببرود:متعود هالكلام منك..
    لمى بلعت غصاتها:تركي..
    تركي قاطعها:ماتلاحظين انك عطلتيني عن شغلي..
    لمى ماقدرت تتحمل الذل زياده ضغت شفايفها بقهر ولفت عنه وبكت من قلب حطت يدها على فمها تمنع شهقاتها تطلع..
    عوره قلبه عليها بس داس على قلبه يبي يرد كرامته شوي رفع جواله واتصل على..
    :هلا بندر..
    بندر:وش سالفة قلبي وحياتي ومدري ايش ترى حمرت خدودي هههههههههههههههههههههههه..
    تركي بدون نفس:والله انك رايق..
    بندر لاحظ صوته المتغير:تركي فيك شي..
    تركي:بعدين اقولك المهم انت وينك..
    بندر:قاعد امتر شوارع الخبر..
    ××
    دخلت وخبطت بالباب بعصبيه:قالت بنت اخوي الله واكبر الحين بنت اوباما..
    راكان مدد رجلينه على الطاوله قال وهو يبتسم:ياحبـــــــي للي خلاك تعصبين..
    مشاعل كشرت:انت احد كلمك..
    راكان وقف وقرب منها:اسمعيني يابـ..
    مشاعل قاطعته:سمعتك كثيـــــــر وماطلعت إلا بتبن في وجهي..
    راكان:ههههههههههههههههههههههههه حلووووه بس لاتعيدينا..
    مشاعل انقهرت هي معصبه وهو يضحك:تراك سخيف..
    راكان ببرود:لا عاد..
    مشاعل:وتافه وحقير..
    راكان بنفس البرود:جد والله..
    مشاعل تنرفزت:راكـــــــــان..
    راكان بصوت جذاااب:يالبيــــــه..
    مشاعل بلعت ريقها"لاتكفـــــى لاتعذبني افففف":لاتستهبل علي..
    راكان غمز لها:ان شاء الله تامرين امر من عيوني الثنيتين ماطلبتي شي..
    مشاعل راح صوتها:ركـ..ان..
    راكان:سمـــــي..
    مشاعل ناظرت فيه نفس عيونه نفس ابتسامته نفس وقفته نفس كل شي هو راكـــان اللي كان بيضيعك يامشاعل..
    حطت يدها على وجهها وصرخت:بعــــــــــــد..
    راكان يأشر على فمه:قصري صوتك عمى..
    مشاعل تتراجع لورا وتأشر بيدها وبخوف:ابعد ابعد..
    راكان رفع حاجبه:مجنونه انتي..
    مشاعل تكورت على نفسها وجسمها يرتجف:بعد بعد..
    راكان قرب منها:انتي هيه صـ..
    :راكــــان وش تسوي..
    مشاعل راكضت لها وحظنتها:ماما خليه يبعد..
    ام راكان بعصبيه:وش سويت فيها يازفت..
    راكان رفع راسه وكأن محد يكلمه..
    ام راكان:راكـــــــــان..
    راكان ببرود:هاه..
    ام راكان:اذا كلمتك ترد علي فاهم..
    راكان رفع حاجبه بمعنى ((لا))..
    ام راكان رفعت يدها..بس هو سبقها ومسكها:لهنا وبـــــــس (ومن بين اسنانه وبنظرات احتقار) اذا مديتي يدك مره ثانيه قسماً بالله وهذاني حلفت لاكسرها لك فاهمــــــه..<<نزل يدها بقوووه وطلع..
    ام راكان بصدمه:لا ذا انجن وإلا اكيد شارب شي معقوله كل ذا يطلع منك ياركانوه هين انا اوريك ان ماربيتك..
    مشاعل بعدت عن امها وطلعت فوق وهي تحس بالذل والاهانه جلست على سريرها ويدينها وفمها وكل شي فيها يرتجف..
    ××
    ركضت ونطت على السرير وهزتها بقوه:فتو فتو..
    فاتن تحركت في السرير بكسل:هاه..
    نجود بحماس:يله قومي تجهزي علشان تشوفين نايف..
    فاتن سحبت البطانيه وغطت نفسها:اففف والله رايقه..
    نجود هزتها:فاتـــــن اصحي..
    فاتن رمت البطانيه بعصبيه:اففف انا بس بفهم انتي وش عليك اذا تبينه خذيه حلالك بس فكيني..
    نجود كشرت:لو ظامنه انه بيطالع في خشتي كان ماجلست قبالك..
    فاتن وقفت:يكون احسن انك تنقلعين عن وجهي سوي خير في حياتك ولو مره وحده..
    نجود تضايقت من هالحكي بس طصنعت الابتسامه:فتو زعلتي..
    فاتن:انا ما ازعل على شي مايستاهل..
    نجود حظنتها:سووري حبيبتي..
    فاتن بعدتها بقرف:وجع انا كم مره قايلة لك لاتسوين هالحركه البايخه..
    نجود حكت راسها وهي ماده بوزها:نسيت..
    فاتن لفت وطلعت ملابس من الكبت بنطلون جينز مع بدي فوشي:هاه وش رايك..
    نجود سحبته منها:وش هذا..<<رمته على السرير وطلعت فستان قصير لنص الفخذ ليلكي سيور وضيق محدد شكل الجسم..
    :هاه وش رايك في هذا..

    يتبــــــــــع..<<




  • #2
    رد: تموت عيونهم فيني .. وانا بك ميته عيني الجزء الرابع والعشرون


    تـــــــــابع..<<

    فاتن بطفش سحبته منها:هاتي مع اني مو مقتنعه فيه..<<ودخلت الحمام ((الله يعزكم))..
    نجود تخصرت وهمست:وووع تحسبني خدامه عندها..<<رن جوال فاتن راحت ورفعته شافت الاسم ((اكرهك..يتصل بك)).. ابتسمت وتنهدت
    :آآآآآه بس كل شي يهون علشانك يالغلا..<<ردت بمياعه..
    :ياهلا..
    احمد ابتسم بخبث:اهليـــــــن كيفك نوني..
    نجود ذابت:تمام بس كيف عرفتني..
    احمد بقرف:وفيه احد مايعرف قلبه..
    نجود طاحت على الارض وعيونها مدمعه:عن جد احمد انت تحبني..
    احمد:مو احبك امووووت عليك..<<ولعب عليها بكلامه المعسول..
    ××
    فيصل:وبتقابلها..
    نايف:ايه اجل جاي هنا ليه..
    مشعل:ماتحس انك تلعب بذيلك يارجال اعقل ترى بعد كم يوم بتخطب..
    تضايق من هالطاري كان اول يتمنى هاليوم يجي بس بعد ماشاف ريم تغير كل شي الحين اكتشف انه ماحب دانا مجرد اعجب فيها وبشخصيتها..ريم صارت بالنسبه له كل شي امه واخته وحبيبته همس لنفسه..
    "ويارب تكون من نصيبي"..
    مشعل:ياهووووه نحن هنا..
    نايف انتبه:هاه..
    فيصل:لا شكل الولد راح لبعيد (غمز له) من طاري الحبايب..
    نايف بدون نفس:سكروا على الموضوع تكفون المهم مشعل مو ناوي تعتذر من طلال..
    مشعل بعصبيه:وليه اعتذر ماغلطت في حقه انا وبعدين كانت بتضيع اختي والسبب هو..
    فيصل:بس هاذي هي رجعت..
    مشعل:كرامتي ماتسمح لي..
    نايف وقف وبعصبيه:ومدام هامتك كرامتك ليه للحين متعلق قلبك مع وحده خانتك وباعتك بجزمه..<<ومشى بخطوات سريعه..
    مشعل يناظر نايف مصدووم لما اختفى..
    فيصل:مشعل لايهمك كلامه هو مايقصد..
    مشعل يضغط على كاس العصير لما انكسر وانجرحت يده..
    فيصل:مشعل انتبه..
    مشعل وقف ومشى وهو يلعن نفسه مليوون مره كيف يخلي وحده مثل هاذي تغير حياته ليه يفكر فيها للحين وهي اللي خانته..ضغط على شفايفه بقهر وهو يتنفس بسرعه..
    فيصل مسكه:ياخي وقف..
    مشعل يبعد عيونه المجتمعه فيها الدموع:فيصل اتركني الله يخليك..
    فيصل:مااقدر اتركك انت شايف حالتك وشلون وبعدين شوف يدك تنزف..
    مشعل مااهتم الآمه النفسيه غطت على الآمه الجسديه:فيصل صدقني كل كلمه قالها نايف صح ويدي بروح الحين الفها..
    فيصل:طيب بجي معك..
    مشعل:لاخلك مع نايف يله سلام..<<وطلع..
    فيصل مرر يده على شعره:اففف..
    نايف واقف عن المغسله غسل وجهه اكثر من مره مايدري وشلون طلع منه هالحكي ولأعز انسان على قلبه..<<رن جواله ناظر الاسم وهو مكشر رد..
    :الوو..
    فاتن وهي تسكر شنطتها:يله حياتي انا خلصت وين تحب نتقابل فيه..
    نايف:اللي تشوفينه انتي..
    فاتن:اممم شوف عندي اقتراح..
    نايف"شكلها مطوله" قال بدون نفس:ايه وشو..
    فاتن:نجلس على الشاطئ انا وانت مثل ماكنا نسوي في كندا وش رايك..
    نايف:اوكي تبين شي..
    فاتن استغربت من صوته:نايف فيك شي..
    نايف:لا مافيني إلا العافيه يله باااي..
    فاتن:باااي..<<سكرت..
    :وش فيه هذا..<<ناظرت في نجود اللي تناظر السقف وتلعب بخصلات شعرها..
    :يله باااي..
    نجود:...........
    فاتن:ترى بروح..
    نجود:...........
    فاتن صرخت:عمـــى احاكيك..
    نجود ارتاعت:هاه هاه وشو..
    فاتن:وش فيك مفهيه..
    نجود تنهدت بفرحه:اللي ماخذ عقلي يتهنى به..
    فاتن"ليه انتي عندك عقل":المهم انا طالعه..
    نجود:سلمي لي عليه..
    فاتن:يوصل باااي..<<وطلعت..
    ××
    :ويمكن بعد ماننتقل للرياض..
    مها:ليه طيب..
    غاده:مدري عن طلال..
    مها:مو على كيفه (مسكت غاده) ابقعد على راسه لما يوافق..
    غاده مستغربه من مها"شكلها بدت تحب اخوي وااااااي وناسه هههههههههه":اكيد بيوافق..
    مها:ليه اكيد..
    غاده:اممم علشانك انتي..
    مها:ههههههههههههههههههههه علشاني بالعكس بيورني شغلي بس يله بجرب حظي..
    غاده"مسكينه ماتدرين ان طلال يمووت عليك ومستعد يسوي كل شي واي شي علشان يكون جنبك"..
    طلال كان قاعد يشوي مع تركي..
    تركي حرق اصبعه:آآآآآح..
    طلال:تركي ترى حالك مو عاجبني خلاص خلني اشوي عنك..
    تركي يهف على اصبعه:لا عادي..
    غاده:طلال..
    طلال رفع راسه وشافها تأشر له يجي:عن اذنك شوي..<<وراح لعندها..
    :خير وش تبين..
    مها:مو هي اللي تبيك..
    طلال ابتسم ابتسامه وسيعه:انتي اللي تبيني..
    مها:ايه..
    طلال:امري تدللي لو تطلبين عيوني عطيتك اياها..
    غاده:احم احم..
    مها فاتحه عيونها على اخر شي بأستغراب"وش سالفتهم ذولي"..
    غاده:من اولها كذا..
    طلال:غاده ممكن يعني تـ..
    غاده قاطعته:عارفه عارفه لاتكمل الشرهه علي انا اللي جيت عندك..<<وراحت..
    مها:حرااام عليك..
    طلال:ماعليك منها هاه قولي لي تبيني في ايش..
    مها تلعب بخصلات شعرها:ليه ماتبي تنتقل للرياض والله انا تعلقت في غاده..
    طلال بهمس:وانا تعلقت فيك..
    مها:ايــــش..
    طلال بأرتباك:لا سلامتك..
    مها:هاه قول ليش ماتبي تنتقل..
    طلال:من قال..
    مها:غاده تقول..
    طلال:لا بننتقل ان شاء الله وبعد الغدا بنروح للدمام نجهز اغراضنا..
    مها بفرحه:والــــــله..
    طلال ابتسم لفرحتها:ايه والله ووالله عشانك بس..
    مها نطت:واااااي فديتك انا..<<وركضت جوا الشاليه..
    طلال تنهد وحط يده على قلبه من كلمتها "فديتك":اجل لو قالت لي حبيبي وش بسوي..
    :طــــــــــــلال..
    طلال"الله ياخذ بليسك قطعت علي الجو الرومانسي" على صوته:طيب جاي..
    ××
    مها نطت:بتنقلووون بتنقلون..
    غاده:احلفــــي..
    مها:والله ههههههههههههههههههههههه..
    غاده باستها بقوووه:فديتك يامرة...
    في قاطعتها:غويييييييييد..
    غاده حطت يدها على فمها:سكتنا..
    في:كيف اقنعتيه..
    مها:ماقلت له شي هو شكله مستغرب (لفت على غاده) غويييد..
    غاده:والله العظيم هو اللي قال يمكن ماننقل صح فيو..
    في:ايه بس يمكن غير رايه..
    غاده:وااااي مو مصدقه واخيــــــراً بنجي للرياض وبشوفكم دايم..<<دمعت عيونها..
    مها:عاد خلاص لاتبكين علينا والله مو ناقصه..
    لمى دخلت ورمت شالها على الكنب:فرحوني معكم..
    مها:غاده بتنقل للرياض وافق طلال..
    لمى بفرحه:والله..
    غاده ابتسمت:ايييه..
    لمى حظنتها بقووه:والله فرحتيني واخيـــــراً وافق (بعدت عنها) وشلون اقتنع..
    غاده تناظر مها بخبث:اسألي اختك..
    ××
    جلست على صخره كبيره ورفعت راسها تناظر الغروب وعيونها مدمعه غنت بصوتها الناعم..

    اللي يبينا عيّت النفس تبغيه
    واللي نبيه عيّا البخت لا يجيبه
    حنا نبيه لا ومانحب إلاطاريه
    الله لا يقطع نصيبي ونصيبه
    من يوم شفّته خاطري مولعً فيه
    قلت البخت يا ريم من هو يصيبه
    أقفى وصد وقال يا من أنت هاويه
    خبرك عتيق وقلت نفسي صعيبه
    يا من له الخاطر شفوقً يراعيه
    أتبع هوانا وغيرنا وش تبي به
    اللي يدارينا ترانا نداريه
    واللي تنّكر جعل ربي حسيبه

    سمعت صوت تصفيق وراها:يسلم لي هالصووت وراعيه..
    بلعت ريقها ولفت:راكـ..ان..
    راكان:لبيــــه..
    ريم وقفت ونفظت ملابسها ومشت بس هو سبقها ومسك يدها..
    :توني ماشبعت منك ولاظني بشبع..
    ريم بصوت مرتجف:راكـان اتركني..
    راكان قرب من اذنها وهمس:وحشتيني..
    ريم غمضت عيونها بقووه:راكان..
    راكان:عيون راكان..
    ريم:اتركني..
    راكان لفها عليه وحط عينه بعينها:احبك..
    ريم بعدت يدها بقرف:ابعـــــد..
    راكان سحبها ومسك كتفها بقوه وصرخت:آآآآه..
    راكان من بين اسنانه:قصري صوتك..
    ريم وشفايفها ترتجف:طيـ..ب بعد..
    راكان حط يده على خدها:خايفه..
    ريم لفت وجهها عنه ونزلت دموعها..
    راكان رفع راسها:لاتبكين..
    ريم:طيب اتركني..
    راكان:طيب لاتبكين..
    ريم مسحت دموعها:هاه زين كذا..
    راكان ابتسم:ايه زين..<<وتركها..
    ريم ماصدقت راحت تركض للشاليه دخلت وشافت البنات مجتمعين سوالف وضحك نزلت راسها ومسحت آثار دموعها..
    مها:ريووم تعالي خبر لايفوتك..
    ريم ابتسمت بتعب وجلست معهم:هاه وشو الخبر..
    ××
    :قول لي وش اخبار مشعل الحين..
    فيصل:ياخي انت غبي وشلون تقول له ذا الحكي..
    نايف مرر يده على شعره:والله مدري وشلون طلع مني..<<رن جواله رفعه ورد..
    :هلا..
    فاتن:يله حياتي وينك..
    نايف بهمس:تموون عمتي (على صوته) يله شوي وبجي..
    فاتن:اوكي لاتتأخر باااي..
    نايف سكر:يله انا رايح..
    فيصل:مدري ليه ذا البنت مادخلت مزاجي..
    نايف:ليه ماسوت لك شي ولاشفتها اصلاً..
    فيصل:احس انها ناويه على شي..
    نايف بدون نفس:عليك تفكير رايح فيها يله سلاااام..
    فيصل:سلااام..
    ××
    غسل يده المجروحه وهو يناظر وجهه في المرايه وجهه اللي صاير اصفر وعيونه ذبلانه حزينه معقوله وحده مثل هاذي تغير حالتك وتقلبها كذا..!!
    وحده خانتك وباعتك وباعت شرفها برخيص وحده شفتها مع ولد عمتك تضحك وتلعب بمشاعرك على كيفها..
    ابتسم بأستهزاء:لهالدرجه يعني انا غبـــــي (انتبه للبخار اللي يتصاعد وبعد يده بسرعه) آآآآآآآآآآح..<<سكر المويه الحاره وطلع نط على السرير وتمدد عليه براحه كان يحس بشي ثقيل على صدره وانزاااح اخيـــــراً قدر يتغلب على مشاعره وخلااااص بيعتبرها صفحه وانطوت من حياته..سمع صوت يناديه فتح البلكونه ونزل راسه شاف تركي يأشر له بعصبيه علشان ينزل..
    :مشعلووووووووه ووجع انقلبت ام نايف والسبب انت يله انزل..
    مشعل:هههههههههههههههههههههههههههههههههه طيب جاي جاي..
    تركي حط السيخ في الصحن:هذا عطيه لمى..
    مشت الخدامه ودخلت الشاليه مدت الصحن للمى..
    لمى رفعت راسها:وشو هذا..
    الخدامه:كلام بابا توركي عطي انتي..
    لمى انقهرت:مابقى إلا يصير ابوك انتي هاتي بس هاتي..<<وخذت الصحن رفعت قطعة خبز وشافت ورقه ملفوفه بلعت غصتها وش بيكون مكتوب فيهــــا لا مو مستعده لجرح جديد كفايه اللي قاله اليوم دمعت عيونها وفتحت الورقه بيد مرتجفه..

    ؛؛..ان كان تحسب عزتي بين اياديك..علم غرورك عزتي مالها حد..؛؛
    حظنت الورقه وبكت من قلــــــب..ليه كل الظروف ضدي كل ما نقرب خطوه يبعدنا الحظ عشر خطوات..قرت الورقه اكثر من مره وكل ماتقراها تحس بطعنات في قلبها..
    ××
    مد يده:يله..
    فاتن مدت يدها"آآآآه يازين دفى يديك" وركبوا الباخره..
    نايف ناظر يده فاتن متمسكه فيها"شكل ماودها تفك" سحب يده وحطها ورا رقبته:هاه اخبارك..
    فاتن فسخت عبايتها وقربت منه:بخير دامك بخير ياقلبي..
    نايف يتراجع لورا ويبعد عيونه عنها:احم احم..الجو حلو اليوم..
    فاتن بدلع:بوجودك جنبي كل شي يطلع حلوو..
    نايف"وش فيها ذي مرتفعه حرارتها"..:فاتن تغديتي..
    فاتن:لا..
    نايف"اجل الجوع مأثر عليك":طيب تعالي ناكل لنا شي..
    فاتن مسكت يده وبفرحه:اوكـــــي يله..
    نايف تركها وتقدم عنها خطوات..
    فاتن ناظرته بغرور ورفعت حاجبها"تحاول تبعد يعنــــي هين ان ماخليت كرامتك تحت رجلي ما اكون فاتن بنت راشد"..
    ××
    دخلوا البيت المظلم فتح الانوار:يله..
    ناظرت البيت بعيون مدمعه في كل مكان وكل زاويه فيها ذكـــرى..هنا كلت وهنا لعبت وهنا يجلس ابوها يقرى الجرايد كل صبااح..وهنا امها كانت تدرسها..البيت اللي احتظنها 18سنه خلااااص بتروح عنه..
    طلال حظنها:الله يخليك لاتبكين..
    غاده تشهق:طـ..لال يعني خلاص بنروح..
    طلال:مو انتي تبين..
    غاده بعدت عنه:لا خلاص ماابي..
    طلال:لعبه هي..
    غاده نزلت راسها:تذكرت امي وابوي وشلون بنترك بيتنا اللي فيه ريحتهم..
    طلال خنقته العبره وسكت..
    في تناظرهم ونزلت دموعها و ابتسمت غصب:يله عاد خلصونا بتروحون وإلا لا..
    غاده بلعت غصتها ومدت يدها:يله امشي..<<وطلعوا فوق..
    دخلت غرفتها وفتحت الانوار رمت عبايتها على سريرها وبدت ترتب اغراضها في شنطتها..
    في رفعت البوم صور:هذا احطه وين..

    يتبــــــــــع..<<



    تعليق


    • #3
      رد: تموت عيونهم فيني .. وانا بك ميته عيني الجزء الرابع والعشرون

      تابــــــــع..<<

      غاده رفعت راسها وركضت عندها سحبت الالبوم وفتحته بكت وهي تحظن صورة امها وابوها..
      في عورها قلبها:غدوو خلاص..
      غاده بدت تقلب صفحات الالبوم شافت صوره جماعيه لها ولابوها وامها وطلال يوم كانوا في فرنسا وبرج ايفل وراهم..ناظرت الصوره اللي بعدها كان وجهها مغطيه الشوكلت ابتسمت وقلبها يتقطع من جوا..يا انها مشتااقه لهاذيك الايام..ودها ترجع الزمن لورا ويوقف الزمن وتبقى مع اهلها على طـــول..
      مسحت دموعها وسكرت الالبوم:يله امشي نكمل ترتيب..
      طلال راسه مع الباب:وحده منكم ياحلــــوين تجي تساعدني..
      ××
      تجمعوا البنات عند الحريم اللي جالسين على الشاطئ وسمعوا صوت المسجل على اغنية قوم درجني اللي صوته مرفوع علــــــى اخر شي....
      التفتوا على بعض بأستغراب..
      جا مســـــــــرع:يله ريم مها تعالوا..<<وسحبهم يرقصون معه دبكه..
      ريم:ههههههههههههههههههههههههههههه وش فيك تركي انهبلت..
      تركي مسك يدها:اقول ارقصي وانتي ساكته..
      لمى تناظرهم وتحس انها انســـان مو مرغوب فيه ولفت بتدخل لكن وقفها صوت..
      :لمووو تعالي..
      لمى لفت عليها شافت ريم ماده يدها ابتسمت ومسكت يدها وهمست:اسفـــــه..
      ريم:خلاص انسي آآآآآآي هههههههههههههههههههههههههههه تركي شوي شوي..
      انضموا لهم مشعل وفيصل وبندر..
      مشعل وهو يمسك يد مها اللي شهقت..
      مشعل ابتسم:وش فيك..
      مها بأرتباك ووجهها احمــــــــر:لا ولاشي..
      الحريم بدوا يصفقون وعيون ام نايف مافارقت ريم لحظه واللي خلت ريم تموت من الاحراج..
      مع حركه سووها التقت عيون لمى وتركي..تركي عطى لمى نظره احتقار وصد وابتسم لبندر يبي يقهرها ويبين انه مو مهتم..
      ام راكان عطت هيفاء كوع:قومي ارقصي..
      هيفاء:اففف وش ارقص انتي ماتشوفين من هنا مشعل ومن هناك فيصل تبيني امسك يد واحد منهم..
      ام راكان:عادي عيال خوالك اعتبريهم مثل اخوانك..
      هيفاء:طيب بعد واللي يطلع عليه عشره بمسك يده..
      ام راكان دفتها:اقـــول قومي..
      هيفاء ناظرت في فيصل اللي كشر في وجهها وانقهرت راحت ومسكت يده وضغطت عليها..ناظرها بأحتقار بس هي ما اهتمت ورقصت..
      ريم ملت وتعبت تركتهم وراحت للشاليه..تمددت على السرير وهي تحس ان ظهرها بينكســـــر..حطت راسها على المخده والنوم غلبها ونامت..
      ××
      ..مر اليوم بطـئ وحزين لناس مثل ريم اللي تنتظـــــر الصدمه القويه وهو زواج نايف..
      ولمى اللي هدمت حب تركي بيديها..
      وراكان اللي ينتظـــر ريم تحس فيه..
      ونايف اللي اكتشف في هاليوم انه مايحمل اي مشاعر ناحية دانا ومستثقل فاتن اللي لازقه فيه وترمي عليه كلام خلته يحتقرها وريــــــم وهي اللي تربعت في قلبه وده يلقى اي سبب علشان مايخطب دانا والكلام اللي قاله لمشعل آثـــر فيه وشلون يقول هالحكي ووشلون الحين بيحط عينه في عين مشعل..
      وبندر ودانا القلبين اللي لازالوا متفرقيـــن..
      ومفرح لناس..مثل مها اللي صدقت ان مشعل يحبها..
      مشعل اللي بدا ينسى ملاك تدريجياً وبيفتك من هالعذاااب..
      طلال اللي طايـــــر لعالم ثاني عالم مافيه إلا هو ومها واخيـــراً قدر يتكلم وبيخطبها وبتصير حلاله له هو وبس..
      ؛؛؛
      ..؛؛..لو جات من غيرك ترى كان هانت..اما تجي منك ياهي قويه..
      كذبت فيك احساسي وناس قالت..ماكنت اصدق ان حبك خطيــــــه..؛؛..

      تحركت في السرير بكسل وعدلت جلستها شافت الساعه..((1,30)) وقفت وفتحت البلكونه تمسكت في الدربزين ورفعت راسها وتنهدت بضيق..
      سمعت صوت ضحكــــــته..ضحكته هو..ابتسمت ونزلت راسها تملي ((عيونها الميته فيه)) بشوفته..لكن اختفت ابتسامتها..
      تمسكت في الدربزين بقوووه لاتطيح على الارض..نبضات قلبها زادت وكأن قلبها بيطلع من بين ضلوعها..
      "مستحيـــــــل اصدق هذا مو نايف"..
      ماقدرت تكتم شهقتها شهقت وحطت يدها المرتجفه على فمها ودموعها نزلت غصب عنها انهـــــار على خدها شي طعنها وطعن قلبها ومشاعرها واحاسيسها..
      قولوا لي اللي قاعـــــد يصير كذب او كابـوس..
      ندمت على كل لحظه اشغلت بالها بالتفكيــــر فيه وعلى كل دمعه نزلت عشانه..
      دخلت وسكرت البلكونه ورمت نفسها على السرير دفنت راسها تحت المخده وبكت وكل خليه في جسمها ترتجف,,..
      ××
      اشرت له وهي تبتسم:بااي..
      نايف وعيونه تكبس قال وصوته كله نوم:باااي..<<توجه للشاليه وقبل مايدخل..
      :هاه وش صار على موضوعك..
      بندر تنهد بضيق:ماصار شي..
      تركي:يعني بتطولون بندر خذ بنصيحتي واعترف لنايف انك تحبها قبل مايصير كل شي رسمي..
      بندر:بأي طريقه تبيني اعترف له..
      تركي:بسيطه انا احب دانا وهي تحبني وخلصت السالفه..
      ..فتح عيونه على اخـــــر شي من الصدمه "يحبها وتحبه هههههههههههههههههههههههههه صادقين ذولي وإلا يستهبلون"..
      ابتسم ابتسامه وسيعه وتنهد بفرحه واخيــــــراً لقى سبب عشان مايخطب دانا ومايندم بعدين..<<دخل وهو يغني..
      :هلــــــــي لاتحرموني منه (رفع يده) صباح الخير..
      بندر ارتبك"يــــــارب ماسمع حكينا":صباح النور..
      نايف ابتسم لبندر ابتسامه لها الف معنى ومعنى بس بندر مافهمها طلع الدرج وهو يلعب بالمفتاح:يله تصبحون على خيـــر..
      بندر لف على تركي:خايف انه سمع حكينا..
      تركي بدون نفس:ما اظن سمع ماتشوف ابتسامته شاقه حلقه..
      دخل غرفته وسكر الباب ناظر في المرايه ولف راسه شاف البوسه اللي طبعتها فاتن على رقبته كشر:الله يقرفها..<<مشى لناحية الحمام ((الله يعزكم)) بس لفته الشال المرمي على سريره رفعه وحظنه..
      :الله يجمعنـا تحت سقف واحد قولي آآآمين..
      ××
      رتبت ملابسها في شنطتها:افف اشين سفره في حياتي..
      مها:وانا عندي احلـــــى سفره..
      لمى ناظرت مها وبلعت غصتها"انا وش سويت وشلــون اخليها تعيش في وهم ياااااربي ليه كل شي اسويه يطلع غلط"..<<رجعت ترتب ملابسها..
      :وش ناويه تسوين مع عاشق..
      مها ابتسمت بأستهزاء:قصدك طلال..
      لمى:اللي هو..
      مها:ناويه احطه بلوك وديليت..
      لمى:ياسلاااام بهالبساطه..
      مها:وش اسوي اصلاً كل ماتذكرت ان عاشق هو نفسه طلال ودي اذبح نفسـي..
      لمى بأنفعال:عمـــى استغفري..
      مها:استغفر الله عاد انتي لاتصدقين انا نفسي عزيزه علي..
      لمى رمت التيشرتات على السرير:اففف تعالي رتبي معي..
      مها بغرور:سوووري ميشو يقول لاتعبين نفسك هههههههههههههههههههههه..
      ××
      (!@#$%^&*!@#$%^&*)
      تمــوت عيونهم فيني..وانا بك ميته عيني..
      ..رومانسيه..خياليـــه..
      (!@#$%^&*!@#$%^&*)

      :قومي ردي على جوالك..
      هديل متمدده على الكنبه وتلعبx box:والله مو فاظيـــه رد انت..
      مشاري:وانا وش علي..
      هديل:اجل خلك ساكت احسن..
      مشاري يناظر المباراة وهو مقهـــور..رن جوال هديل بألحاح عصب:اوهووووو..<<رفع جوالها ورد بعصبيه..
      :خيــــــــر..
      راح صوتها:احم احم هذا جوال هديل..
      مشاري:ايه جوالها من انتي..
      :صديقة هديل..
      مشاري انفجر من الضحك:هههههههههههههههههههههههههههههههه ريري صح..
      ريناد انصبغ وجهها بالاحمر:ايه ممكن تعطيني هديل..
      مشاري:اوكي لحظه شوي (مد الجوال) ريري تبيك..
      هديل وقفت ومشت وهي مندمجه مع اللعبه وصدمت في الجدار:آآآآآآآي..
      مشاري:ههههههههههههههههههههههههههه احسن..
      هديل تفرك جبهتها سحبت الجوال وردت بعصبيه:كله منك يالدبا صدمت في الجدار..
      ريناد:ههههههههههههههههههههههههههه احسن..
      هديل:وش فيك انتي ومشمش متفقين علي..
      مشاري على صوته:متى شفتها عشان اتفق معها..
      ريناد انحرجت:اقول هديلووه ممكن تطلعين من عند اخوك ما اسمعك زين..
      هديل ناظرت مشاري بنص عين:شفت حتى ريري متضايقه منك..
      مشاري بصوت عالي:عاد انا ماهمني غير ريري اي شي تبيه بسويه لها..
      ريناد راحت فيها من الحيا"ياويــــل قلبي يمه":اقول باااي..<<سكرت..
      هديل عصبت:شفت سكرت..
      مشاري:تعلمي منها الحيا مغطيها من راسها لين رجولها مو مثلك انتي وبنت عمك وجيهكم مغسوله بمرق..
      هديل تأشر على نفسها وهي تعض على شفايفها مقهـــوره:الحين انا كذا..
      مشاري:لا جدتك ايه انتي..
      هديل:اجـــل خذ..<<ورمت عليه وساده ورا الثانيه..
      مشاري حاط يده على وجهه:هديلوووووه بس خلاص (رفع راسه) بس خلاااص..<<وجته وساده في وجهه..
      :آآآآآآآخ..
      هديل وهي تطلع الدرج:هههههههههههههههههههههههههه..
      مشاري لف على التلفزيون بس شاف جوال هديل يرن خذاه بسرعه ورد:هـــــــلا والله وغلا..
      برجتها المعتاده:ارحبواااا هلا ولد عمي..
      مشاري بعد اذنه عن السماعه وهو مكشر:اذني ابيها..
      رهف:وين هديلووه..
      مشاري بدون نفس:انتظري شوي (على صوته) هديــــــل خويك يبيك..
      رهف:هههههههههههههاااااااااي حلوووه..
      مشاري:يارب عافها ولاتبتلينا (بصرخه) هديــــــــــــلووه..
      ××
      دخل وسكر الباب وهو مرهق وتعبـــان شافها متمدده في الصاله وحاطه يدها على خدها ونايمه..
      ابتسم وقرب منها حط يده على خدها الناعم ولمسه بحنان:الله لايحرمني منك..<<وقف يجيب لها بطانيه..
      فتحت عيونها المدمعه وهمست:و لامنك..<<وغمضت عيونها يوم سمعت خطوات سعد..
      سعدغطاها وباسها..
      خلود تحركت وفتحت عيونها:حبيبي انت جيت..
      سعد ابتسم وبعد شعرها عن وجهها:لا مابعد جيت..
      خلود ضحكت بتعب:هههههههههههه..
      سعد:ليه نايمه هنا..
      خلود:انتظرك..
      سعد مسكها ووقفها:الكنب مو زين لك..
      خلود:عاد وش اسوي راحت علي نومه..
      سعد ضغط على خشمها وابتسم:طيب لاتعيدينها مره ثانيه..
      خلود بخجل:طيب..
      ××
      (!@#$%^&*!@#$%^&*)
      تمــوت عيونهم فيني..وانا بك ميته عيني..
      ..رومانسيه..خياليـــه..
      (!@#$%^&*!@#$%^&*)

      سكرت السماعه ولفت وصرخت:يمـــــــــــــــه..<<شافت كلب يطلع لسانه ومستعد يهجم عليها تراجعت لورا بخوف وقلبها طااااايح لفت يمين ويسار وين تروح منه المكان مظلم وماتدري وين هي فيه..
      "كله منك يا احمد" صرخت يمكن احد يسمعها:الحقـــــــــوني..
      سمع الصوت وراح يشوف مصدره:هيفــاء..
      :


      تعليق


      • #4
        رد: تموت عيونهم فيني .. وانا بك ميته عيني الجزء الرابع والعشرون

        [align=center][align=center][table1="width:95%;"][cell="filter:;"][align=center]امر الله هيفاء رااحت لاحمد ؟...
        صج موو صاحيه !!
        ننتظر تكمله القصه .
        تحياتي
        دموووع
        [/align]
        [/cell][/table1][/align][/align]
        [align=center]



        http://www.shbab1.com/2minutes.htm[/align]

        تعليق


        • #5
          رد: تموت عيونهم فيني .. وانا بك ميته عيني الجزء الرابع والعشرون

          طرحتي فابدعتي

          قصة جميلة


          الى الامام دوماً


          وكوني هنا متألقه تتحفينا بابداع تميزك دائماً

          تعليق


          • #6
            رد: تموت عيونهم فيني .. وانا بك ميته عيني الجزء الرابع والعشرون

            ارحبي احلامي تشرفت فيج في صفحتي

            تعليق

            يعمل...
            X