إعـــــــلان

تقليص
لا يوجد إعلان حتى الآن.

قصه حسبتك عديم الاحساس وصرت لي كل احساسي الجزء التاسع

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصه حسبتك عديم الاحساس وصرت لي كل احساسي الجزء التاسع

    **الجـــــــــــــــــــــــــــــــــــــــــزءال تاسع
    وصلت عند اخر درجه وكانت عبايتها طويله سحبت الدرج العبايه كانت ميته خوف شريط حياتها مر عليها لانها راح تطيح على ورى اكيد وتموت
    الشخص اللي وراها سحب العبايه بحركه سريعه طلعها وتحررت مي وقفت لدقيقه او عشر ما تدري تتنفس بسرعه غير طبيعه
    جا ومد لها شنطتها اللي طاحت: تفضلي وانتبهي لعبايتك مره ثانيه لما ترقين الدرج
    مي تناظره من فوق لتحت وسحبت الشنطه: مشكور
    "والله هالبنت مو وجه احد يساعدها بس يصير خيريا مي"
    //////////////////////////////////////////////////////////////////////////////

    رقت مي عند البنات وجلست على الطاوله وكانت عبايتها مشقوقه من تحت
    نوف لاحظت هالشي:وش فيك انتي واختك لكم يومين كل وحده منشقه عبايتها تمشون على شوك والا ايش
    مي واهي تشيل نقابها ونفسها في خشمها: نشبت عبايتي في الدرج واحد كان طول اليوم يلاحقني اهو اللي في الاخير انقذني يعني مسوي صدفه الاخ
    نوف طيرت عيونها: احلفي
    مي: ايه والله
    في: كان يدور وراك من زمان يعني
    مي: يعني من يوم ما رحتو انتو واهو بس يلحقني والمشكله معاه مرته وقح
    نوف: معاه مرته ويغازل ما اتوقع
    مي: والله صايرين وقاحه بصراحه حتى معاه مرته واخر همه
    نوف: يمكن امه اخته ما تدرين
    مي: شوفي اهي وحده من ثنتين يا اخته يا زوجته مو امه البنت صغيره قدنا او في الجامعه
    في: طيب الحمد الله على السلامه ترانا من الصبح نستنا متنا جوع والله
    مي: طيب الاولاد طلبو والا لسى
    نوف: لا ياحبيتي ما يستنون احد هذولي بطنهم اهم من أي شي
    مي: يعني طلبو
    نوف: ايه طلبو وكلو بعد اتوقع راحو يتمشون
    مي : يله قومو نطلب لنا فطور معتبر يسد بطونا اللي تصارخ من يوم ما وصلنا
    نوف وفي:ههههههههههههههههههه

    ^^^طلعو البنات يتفرجون على المطاعم وكل وحده تأشر لها على شي تبي تاكله وتهون في الدقيقه ميه مره
    وقفت مي تتستنى نوف اللي وقفت تطلب من كودو كلوب ساندويتش...
    وقفت فتحت عيونها على الاخر صارت ترمش بسرعه تبي تتأكد انها تشوف صح
    جت في وقفت قدامها: وش فيك عسى ما انعميتي
    مي تأشر من دون صوت على مكان جمب الكوفي:هناك هناك
    في : جلست تناظر لقت اخوها احمد وخالد وزياد واقفين يسولفون معاه ويضحكون شكلهم معرفه: طيب وش السالفه
    مي واهي تناظر ما شالت عينها من عندهم:هذا اهو نفسه
    في فهمت السالفه: هذا اللي كان يلحقك والله
    مي: ايه والله وقح بعد يسولف مع احمد لا يكون يعرفه
    في رجعت تناظرهم باين يعرفه: اللي شايفته انه يعرفه ومرره بعد
    مي خافت لما يشوفها اكيد بيعرفها وبتنفضح: ياويلي بتروط
    في عطتها ضربه على كتفها: وليش تتورطين ياالخبله
    مي مسكينه خايفه: مدري بس خايفه والله
    في عصبت عليها: اقول اسكتي بس ماسويتي شي انتي احمدي ربك انه كان وراك والا كان صار لك شي يخوووف
    مي: ايه الحمد الله بس حتى ولو ما ارتحت له يختي
    في: ليش لا يكون سوى حركه غلط غير انه لحقك مسكك او شي
    مي: تستهبلين انتي لما سحب عبايتي بس دفني
    في:خخخخخخخخخخخ احسن انتي عارفه المفروض ترفعين عبايتك لما توصلين اخر الدرج دايم هالاشياء تصير تذكرين لما صارت معاي
    مي: ايه اذكر
    رجعت نوف ودخلت راسها بينهم: وش تقولون وش تقولون
    في: ياطويله العمر ناظري اخوك واخوي هناك
    نوف تدور حواليها: وين>>>>>>من جد حولاء
    في مسكت راس نوف وثبته على مكانهم: هناك
    نوف : ايييه وش فيهم طيب
    في تركت وجهها: شفتي اللي واقفين يسولفون ويضحكون معاه
    نوف تحمست: ايييه
    في: هذا المنقذ
    نوف بصوت عالي فضيحه البنت: لاااااااااااااااااااااا
    في حطت يدها على فم نوف: اسكتي فضحتينا شوفي الناس يناظرونا يقولون ذي جتها ولاده
    نوف واهي مسكر فمها: امممم تيب بسكت
    ×××احمد انتبه للصرخه وناظر لقاهم خواته ونوف××
    احمد: طيب يا نواف لا تقطع
    نواف: لا ولايهمك بس انت لسى ما بديت تشتغل مع ابوك
    احمد: لا والله انشاء الله قريب انا والاخ خالد مو لحالي تعب على ناس والثانيه تتدلع
    خالد:خخخخخخخخخ ياخي الغيره شينه شينه ومن قالك اني بجلس اكيد اذا ابوي شافك مداوم ما راح يخليني وراي وراي لحد ما اداوم معاك
    احمد:هههههههه ايه احسن مو لحالي عقبال زياد بعد
    زياد: لالاالله لايسمع منكم الواحد يدرس بعد ابي اشتغل بشهادتي انتو خلو لكم الشركه
    احمد: يعني انا اللي ابي اعقل شهادتي مثل قلتها
    نواف: انا صاير ادرس واشتغل مع ابوي مثل ما تعرف ادرس صيدله
    احمد: مشاء الله والله زمان عنك يا رجال
    نواف: ايه والله تذكر ايام الكوره كل ما جا ابوي عندكم جابني لما يطلع يجرني جر ما ابي اطلع ابي اجلس والعب ههههههههههههههههههه
    الكل:هههههههههههههههههههههههههههههههه
    خالد: الا اقول من متى انت هنا
    نواف: لي يوميني جاي مع امي واختي بمشيهم يومين ونرجع الرياض
    زياد: ياخي صدق من قال صدفه خير من الف ميعاد
    نواف: ايه والله الا انت قلتي انك تدرس برا الحين
    زياد يأشر على الكوفي : وش رايكم نروح نجلس وقفتنا غلط نسولف شوي على ما يفطرون البنات
    نواف: لالا انا استأذن جاين مع الاهل شكلكم
    احمد: لا ياخوي البنات توهم يفطرون واحنا مفطرين لنا فتره يبون ياخذون راحتهم خلهم واحنا بعد على راحتنا
    نواف: اكيد مافيها ازعاج
    احمد حط يده على كتف نواف: ياخوي لا ازعاج ولاهم يحزنون والله مشتاق لك ولسوالفك
    نواف: وانا بعد والله انقطعنا سنين
    )))راحو الشباب جلسو بالكوفي مع نواف ودقوها سوالف معاه واسترجاع ذكريات(((
    مي لازالت مبلمه وتناظرهم وين ما راحو
    نوف تهزها: خلاص اصحي والله لو شافك اخوك تناظرينهم كذا لاياكلك وانتي حيه فاهمه خلينا نروح نفطر بس
    مي وعينها ما زالت عندهم: مشينا بس وين مشاعل ومها
    نوف: تصدقين من اول ما وصلنا ما ادري وينهم
    &&&&
    مشاعل كانت تدور لحالها بعد ما فهد جا المول غصب عنها كانت تبعد عنه واهو يلاحقها ويوزع ابتسامات كانت فرحانه بشوفته بس ما تبي تحبه ولا تتعلق فيه اكثر
    وما تبي اكيد واحد من عيال عمها يشوفه مره ثانيه لانهم ماراح يخلونه يطلع من دون ما يسون له مشكله.,,,,..,,,..
    اما مها كانت جالسه على طاوله لحالها بعد ما تركتها مشاعل جالسه على طاوله جمبها المكان كله زجاجي وضوء الشمس قوي
    لبست نظارتها الشمسيه الكبيره ونزلت طرحتها على كتفها كان نور الشمس يعكس على لون شعرها الغجري ومعطيه جمال اكثر من حلاوته
    طفشت من الجلسه لحالها لحد ما شافت بنات خالها جاين وكل وحده معاها فطورها ....
    في شافت مها جالسه لحالها: تعالو نجلس مع مها شكلها تعبانه
    البنات : السلام عليكم
    مها ابتسمت : وعليكم السلام هلا
    مي: نزعجك لو جلسنا معاك
    مها: لا والله احلى ازعاج انا طفشت من الجلسه لحالي
    نوف: ههههه ومن احسن ناس يطيرون الطفش
    مي وفي: احنا
    مها:هههههههههههههههههههه بنات انا ابي اعتذر منكم
    مي: على ايش
    مها: انا كنت اعاملكم بطريقه مو حلوه قبل مع انكم طول الوقت طيبات معاي
    مي: يا مها انتي بنت عمتنا واحنا عارفين انها كانت طريقه تعاملك مع كل الناس كذا
    مها شالت نظاراتها ورفعتها فوق شعرها وكملت: انا اسفه وانا ودي احسن علاقتي فيكم علاقه بنت بنات خالي
    نوف: واحنا بعد يا مها لاننا نحبك
    مها: والله انا بعد من بعد وقفتكم معاي اتمنى انو علاقتنا تتحسن
    في: اكيد انشاء الله الحين نرجع لبطوننا
    مها :ههههههههه نرجع افطرو طيب وش تستنون
    مي: نستناك وين فطورك
    مها: لا والله مو مشتهيه شي بس شربت كوكتيل وشبعت
    مي: لالا ما ينفع انتي مريضه كلي أي شي تاكلين سينابون
    مها: ايه احبه
    مي على طوق قامت ما استنى جواب...
    مها: وين راحت
    نوف واهي تاكل مو مستنيه احد: مي راحت تجيب اصلا لو قلتي لا من اليوم لبكرا بتجيب بت
    تجيب
    في: ايه خبله هالبنت
    مها:ههههههههه ياحليلها ولله
    &&&نرجع للجلسه الشباب&&&
    نواف جالس يسولف على جمب مع زياد: يعني الحين تبي تفهمني ماعندك بنت تستناك هناك
    زياد يبي يسكر الموضوع: لا مافي ولا راح يكون فيه مافي أي بنت تسوي ضفر بنت السعوديه
    نواف تفشل منه: ايه صادق
    زياد: مو تقول انك جاي مع اهلك وينهم
    يتبع>>


  • #2
    رد: قصه حسبتك عديم الاحساس وصرت لي كل احساسي الجزء التاسع

    تابع<<<
    نواف: امي واختي منال يدورون تحت في المحلات
    زياد: الحريم لو يسكنون في السوق ما طفشو
    نواف:ههههههههههه ايه والله
    احمد: ها انتو الاثنين وش تسولفون فيه لا يكون تحشون فينا
    خالد: وين متعب وسلطان
    احمد: سلطان قالي انه بيروح يلعب مع متعب في الملاهي شوي
    نواف: وذولي ما يكبرون
    خالد: ليش يكبرون انا بروح العب معاهم
    الكل :هههههههههههههههههههههههههههه
    طلع يبروح ينادي متعب وسلطان شافها من بعيده لون شعرها من الشمس متضاعف اضعاف في الجمال عيونها تعكس عليها الوان الطيف شكلها قمه في الحلاوه والنعومه لاحظ اثنين جالسين يناظرون البنات ويتكلمون عنهم ما تحمل احد يناظرها لو للحظه
    حسب بنار تولع في صدره حس بشي اسمه غيره ومثل ما تدين تدان كان يلعب في بنات الناس صدق انه ما يغلط معاهم بالحرام بس مجرد انه يكلمهم ويلعب عليهم بكلامه الحلو
    جا من يلعب ويتكلم على بنات عمه ما تحمل المنظر وراح بسرعه لعند طاولته خبطها بيده بكامل قوته
    رفعو روسهم وشافو الشرار يطلع منها: انتو وش تناظرون
    الاول: وانت وش دخلك
    خالد: شوف اشوفكم تناظرون في هالجهه مره ثانيه ماراح يصير لكم طيب فاهم انت وياه
    الثاني قام من كرسيه: بس ما قلتي لي وش دخلك
    خالد: بنات الناس مو لعبه وفرجه لكل من هب ودب
    الثاني: ولا تزعل نقسمهم وحده لك والباقي لنا
    ما قدر يمسك اعصابه قلب الطاوله فوق روسهم مسكه من رقبته ورفعه فووق واهو في قمه عصبيته
    المعروف عن خالد انه انسان بارد ومافيه خصله الغيره على اهله واضحه يمكن كانت متخب ومحتاجه الشخص الصح اللي يطلعها
    واللي طلعها اهي مها
    ~~~~~البنات التفتو على الزحمه وصوت الصراخ لاحظو انه خالد
    مها قامت ولفت طرحتها وراحت تركض
    مي تاخذ شنطتها:: قومو نشوف وش صاير
    قامو البنات يركضون لقو خالد ماسك الرجال من ملابسه ويصرخ عليه
    مها ما قدرت تمسك نفسها وراحت تركض عند خالد: خالد اتركه
    خالد لف عليها وعيونه لونها احمر:بعدي هناك
    مها اول مره تخاف خافت منه وعليه : ماراح اروح لحد ما ما تتركه ما يستاهل
    الثاني تكلم: اجل حبيبه القلب
    خالد ما استحمل الكلمه عاطه بكس طيحه على الارض وخشمه ينزف...
    خالد من دون ما يناظر البنات: امشوو قدامي
    مشو ساكتين اول مره يخافون من خالد خالد الوحيد اللي عادي عنده كل شي بس اليوم شافوه واحد ثاني
    مشى قدامهم وركب سيارته ركبوها بكل هدوء
    خالد اتصل على احمد اللي كان جالس اهو وزياد ونواف
    احمد: طيب خلاص بناديهم وبطلع بتروح خلاص روح اسبقنا واحنا بنلحقكم مع السلامه خلاص ياخي هدي مع السلامه
    زياد شد انتباهه كلام احمد: وش السالفه
    احمد: الصجه اللي سمعناها قبل شوي كان خالد متطاق مع واحد وطلع شكله مولع حده
    زياد: راح لحاله
    احمد: لا خذ البنات معاه
    نواف: شكلكم بتروحون انا لازم استأذن امي واختي جالسين يستنوني
    احمد قام وقف: يله عاد لا تقطع
    نواف: انا عني لا انشاء الله بس خذ رقمي وخلنا نطلع قريب انشاء الله
    احمد: انشاء الله
    نواف: وتروح وترجع بالسلامه يا زياد
    زياد: الله يسلمك ونسمع اخبارك بخير انشاء الله
    نواف: الله يجيب الاخبار الطيبه للكل
    احمد: يله اجل نشوفك قريب
    نواف سلم عليهم وراح لامه ومنال اخته .....
    منال كانت اخت نواف الصغيره ما عندها غيره واهو ما عندها غيرها وحيدين كانت اول سنه جامعه تخصص حاسب
    بنت حلوه وخفيفه دم اموره وتغلب عليها النعومه اكثر من جمال جذابه بسبب سمارها ولون شعرها الاشقر المصبوغ طويله وجسمها مخصر بس مليانه شوي مخطوبه وزواجها في العطله على ولد خالتها ...

    ام نواف تناظر نواف واهو جايهم جالسين على الكراسي يستونه: وينك انت طولت علينا يا نواف
    نواف: معليش يمه ماراح تصدقين من شفت قبل شوي
    منال متحمسه: مييييييييين
    نواف: اعصابك لا يطق لك عرق
    منال: تكلم وخلصنا
    نواف: يمه شفت عيال ام احمد
    ام نواف: ما غيرها ام احمد ساره مره ابراهيم
    نواف: ايه يمه الي بنتهم مي اللي كلمتك ام فهد اتوقع عنها
    ام نواف: ونعم والله وشلونه احمد كبر وصار رجال
    نواف: ايه يمه بس احنا انقطعنا عنهم لما سافرنا مع ابوي
    ام نواف: ايه سافرنا وانقطعت اخبارهم نقلو من بيتهم القديم وما عد عندي أي رقم لهم حتى لما كان ابوك يشتغل مع ابوهم كنت اكلمها بس انقطعنا سنه وانت سافرت مع ابوك وانشغلنا بهالدنيا وشلونهم
    نواف: والله كلهم بخير بس يله نكمل سوالف بكرا ترا بنرجع انا دراستي بتدى قريب
    منال: حسافه توني ما شريت شي
    نواف يناظر الاكياس اللي معاها: والله انك مشفوحه وما شفتي خير شريتي السوق كله..
    منال: انا عروس عارف وش معني عروس يعني اشتري لحد ما اشبع ما تقول انت شي كنك دافع شي من جيبك كله من مهري
    نواف: اقول امشي امشي لو اخليك هنا يوم كامل ما خلصتي
    منال: وانت الصادق
    oOoOoOoOoOoOoOoOoOoOoOoOoOoOoOoOo
    في وحده كانت في عالم ثاني بس تمشي وتناظره تناظر فهد اللي يمشي وراها ناظرت شاعتها ..
    مشاعل: فهد انا تأخرت
    فهد: على ايش
    مشاعل: فهد انا مخليه مها لحالها جالسه وانت داري انها تعبانه ولازم اروح وانت تكفى اطلع لا يشوفك واحد من عيال عمي
    فهد كان يناظرها جالسه على طاوله واهو الطاوله للي مقابلها: طيب يا مشاعل انتبهي لنفسك وفكري صح
    مشاعل منزله راسها تناظر رجلها ما تبي تحط عينها في عينه: طيب بفكر يله مع السلامه
    فهد واهو يقوم من مكانه:واذا وصلتي الرياض طمنني
    مشاعل: انشاء الله
    راح فهد ورجعت اتصلت على مها
    مها بصوت واطي لانها في السياره:هلا مشاعل
    مشاعل: انتي وين رحتي رحت لمكانك ومالقيتك
    مها: انا في السياره
    مشاعل ارتاعت: أي سياره
    مها: بنرجع الشاليه انتي وينك
    مشاعل: انا لحالي مدري وين الباقي انتي من معاك
    مها: معاي البنات شوفي اتصلي على متعب شوفي وينه
    مشاعل : طيب يله باي
    مها : باي
    يتبع<<<


    تعليق


    • #3
      رد: قصه حسبتك عديم الاحساس وصرت لي كل احساسي الجزء التاسع

      تابع>>>
      اتصلت على متعب اللي كان بالمواقف مع احمد وزياد وسلطان....
      متعب : انتي وينك مو معاهم
      مشاعل: لا راحو عني
      متعب: احمدي ربك تونا بنركب السياره اخلصي وتعالي
      مشاعل: دقيقه وجايه
      ..........
      سلطان: مين
      متعب: مشاعل الخبله راحو عنها لو انها ما دقت كان رحنا عنها وجلست لحالها
      سلطان:ههههههههههههههههههههههههههه
      جتهم مشاعل تركض خايفه يرحون عنها لما وصلت عند الباب وتطيح طيحه شينه على وجهها
      شافها احمد وراح يركض مسك يدها وقومها: تعورتي
      مشاعل ماسكه رجلها جلست تناظر حولها اذا احد شافها حمدت ربها مافي غير احمد نزلت تناظر رجلها: بس رجلي شوي
      احمد: يله خلينا نروح للبيت محتاجه احد يسندك
      مشاعل واهي متألمه: لا مشكور ادبر نفسي بس السياره بعيده
      احمد: استنى هنا بروح اقربها
      مشاعل دورت اقرب كرسي وجلست رجلها كانت توجعها مرره: وينه هالخبل الثاني طول..
      ركبت معاهم وراحوو...

      وصلهم خالد كان هدى بعد موجه العصبيه اللي كان فيها نزلو البنات كانو تعبانات وفيهم النوم ما فكرو على طول دخلو مها حاولت تتأخر عن قصد
      ماحس بوجود احد نزل راسه على كرسي السياره تنهد بقوه: اه
      مها: سلامتك من الاه
      خالد لف متفأجأ: انتي ما نزلتي
      مها بأصرار: ماراح انزل قبل ما تقولي وش صار
      خالد يحاول يتمالك اعصابه: اقولك انزلي من السياره
      مها بأصرار اكبر: خالد انا قلت ماراح انزل فهمني اول
      خالد لف عليها وعيونه كانت مرعبه اول مره تشوفها كذا: مها
      مه تحاول تهديه : خالد الله يخليك اذا لي معزه قلي
      خالد تنهد وخذ نفس: طيب بقولك تطاقيت معاه بسببك
      شهقت: بسببي
      خالد: ايه بسببك كان يناظرك ورحت وهزئته وطقيته
      مها ابتسمت ابتسامه شر: انت تغار علي
      خالد: لا ما اغار
      مها عارفه عناده: الا تغار اعترف
      خالد ناظرها وده يعضها: اغار ايه اغار ما اتحمل احد يشوفك غيري واللي يناظر بعين افقعها له واعطيه ياها فاهمه ويله انزلي من السياره
      مها ماتت ضحك عليه ونزلت :ههههههههههههههههههههههههههههههههههه طيب تطردني مردوده بنزل ساكته
      خالد ناظرها نظره حقد....
      مها تناظره وتضحك:هههههههههههههههههههههههههههههههه

      مها كانت تمشي والفرحه مو شايلتها خالد يغار عليها حركت فيه هالخصله خصله الغيره كل بنت تتمنى ان في شخص يغار عليها من الهواء الطاير واهي لقته ...
      &&&في سياره نواف&&
      منال مدخله راسها بين الكراسي بين نواف وامها: ها يله كمل وش صار
      نواف يناظرها ويناظر طريقه: وش اكمل خلاص بس شفته وبخطب اخته
      منال: شفتها انت
      نواف"انا شفتها بس الا مسكتها اه ياحلوك يا مي صدق اللي قال عنك حلوه ما كذب والله"
      نواف: شفتها ايه شفتها متغطيه وش الفايده
      ام نواف: وانت متى ناوي تخطب رسمي
      نواف: اتوقع اهي الحين ثالث ثانوي سمعت اخوها يقول لانها تؤام
      منال بدهشه: تؤام
      ام نواف: انتي ما تعرفينهم بس انا اعرفهم البنات كله حلا واخلاق في ومي مشاء الله ياحظ اللي ياخذ من بنات ابو احمد ويكفي اننا نعرفهم من زمان وابوك صديق ابوهم
      نواف: يمه يوم قررت اتزوج قررت اتزوج بنت ناس اخلاق وجمال واحس كلها موجوده في مي
      منال: ياحظ هالمي اللي بتاخذ نوااف عين السيح
      نواف ناظرها وده يعطيها بكس: تستخفين دمك انتي هاا
      منال خافت ورجعت راسها: لا وش استهبل الحين ما تفرق بين المزح واالاستهبال الله يعينها عليك..
      ام نواف: خليها توافق وبعدين تكلمي
      نواف: ايه بعدين يمه ما ابيك تكلمين امها رسمي الا بعد ما تخلص دراسه وتجي العطله وبعدها لكل حادث حديث
      ام نواف: انا اللي اعرفها زين هي مره عمهم ام فهد وحده ملسونه واهي اللي قالت لي عن البنت لما قلتلها ان نواف يبي يتزوج
      نواف: خلاص يمه مثل ما قلتلك
      ام نواف: لا تشيل هم انشاء الله تكون من نصيبك واهي تلقى واحد مثلك

      &&&الساعه 5 بعد العصر&&&
      ابو احمد يصلح غترته: ها خلاص خلصتو
      ام احمد : ايه جاهزين بناتك يجيبون عبايتهم وبيركبون
      ابو احمد: يله انا بروح استناكم في السياره
      ام احمد: اني تعالي شيلي السله حطيها قدام وانتبهي فيها شاهي مو تحطينها مايله
      اني: تيب ماما
      ام احمد راحت تشوف البنات
      مي كانت تسكر شنطتها الجينز الصغيره وفي جالسه على البلكونه واهي لابسه عبايتها وطرحتها على كفوفها
      كانت تفكر بمصيرها لو كانت اهي اللي انخطبت تعرف ابوها لو كان صديقه وشاايف الولد اخلاق ماراح يرفض بس ما اتوقع ابوي يغصبني او يغصب مي على شي وخاه الزواج

      المشكله احنا اكبر بنات مو عارفه فكره ابوي عن الموضوع بس الله يستر
      رجعها للواقع صوت امها: يله ابوكم يستنانا في السياره
      مي: لا يمه بنروح مع احمد
      ام احمد: ماراح يروح معاه زياد
      مي: لا قالي احمد انه اهو اللي بيسوق بأهله بنروح مع احمد
      ام احمد: خلاص روحو بس اذا زياد بيروح مع اخوكم لا تحرجونه ارجعو فاهمات
      مي: فاهمين
      888888888888*********************8888888888888
      كانت تناظره يناظرها من طرف عينه اعجبها هالشعور يبتسم لما ما في احد يشوفه واهي ترد له الابتسامه
      لفت وجلست تناظر مشاعل ماسكه رجلها
      مها: وش في رجلك وبعدين قولي وين رحتي واشغلك لدرجه انك ما عرفتي اني طالعه من زمان
      مشاعل: وش بس جلست ادور وادخل محلات وفي الاخير يوم جيت بطلع طحت
      مها:ههههههههههههههههههههههه شافك احد
      مشاعل: لا الحمد الله بس احمد
      مها: احمد شافك
      مشاعل: ما شافني بس رفعني وانا ودي اصفقه
      مها تكش عليها: صدق انتي ما عندك ذوق ليش تبين تصفقين الرجال واهو الحين يساعدك
      مشاعل: يختي ما احبه ما ابيه يكلمني اجل وشلون يشوفني طايحه
      مها: بس ابي ارجع البيت تعبت وابي ارتاح
      مشاعل ما تحب تبين خوفها: لحد الحين تعبانه
      مها بعبوس: شوي يعني بس ارتاح يومين قبل الدراسه عشان عندي اختبارات وابي انجح بتفوق بعد
      مشاعل بدون اهتمام: انا بس ابي انجح لا تفوق ولا خرابيط
      مها: الله يعينك على نفسك....
      ابو متعب: يله مشينا وما ابي صجه تراني طفشان خلقه فاهمين
      جاوبوه بالسكوت
      .................................
      مشت اربع سيارات ودعت وراها مكان وجدت فيه لو اجزاء ذكريات تاخذها معاها البحر اللي تحمل هموم ناس بدون ما يشتكي ولا يتذمر
      احداث غيرت مجرى حياه كثير منهم....

      zZzزياد عاش اسؤ تجربه في فقد شخص كان يمثل بالنسبه له جزء او كل حياته خلود كانت بالنسبه له كل شي اخت وصديقه وحبيبه وكانت راح تكون زوجه لولا الظروف حس لفتره انه ضايع وان كلامها انقذه من دوامه الحزن حس انها ما تستاهل انه يضيع لحظه حزن عليها فكروقرر حياته راح يرجع يعيشها صح ماراح يضيع أي لحظه يكون فيها قريب من الناس اللي يحبهم ويعزهم راح يكمل دراسته كلها كم شهر ويرجع بالشهاده اللي ترفع راسه وراس اهله فيها ويرجع ديرته اللي ما حس بقيمتها الا بعد ما فارقها وشاف غيرها حمد ربه انه ينتمى لديره الاسلام منبع الدين الله يحميها لنا اجمغينzZzZ

      fFfFفي كانت مستغربه من تغيرها اكثر من استغراب اللي حولها بدت تحس انها بنت ولازم تتعامل مع الكل على هالاساس صارت تتغطى طولت شعرها اللي من اولى ابتدائي واهي تقصه اكبر شي تغير فيها مشاعرها تجاه زياد كل يوم تتأكد ان في شي فيه شي غامض يشدها له يشدها انها تتعرف عليه وتغوص بشخصيته تركت هالشي للوقت يحدده محتاجه تحصر تفكيرها في نفسها وفي دراستها هالفتره اذا كانت تصير دكتوره وكل شي بوقته حلو FfFfF

      mMmمي كانت الوحيده اللي راحت بمشاعر معروفه لشخص واحد رجعت متضاربه الافكار والاحساسيس حست ان اللي مفروض اللي تسويه الحين تسكر على مشاعرها وتكتمها لانها كثيره التفكير واي شي ممكن يشغلها عن دراستها والوقت كفيل تحدد فيه مشاعرها ومستقبلها بس اكتشفت شخص ظنت طول عمرها انها تعرفه بس لما هالشخص بدا يبعد عنها حست بقيمته حسته يبعد خطوه بخطوه وما قدرت تتحمل فكره ان خالد ممكن يحب غيرهاmMm

      aANnاحمد ونوف كانت علاقتهم في حاله مستقره حب ونظرات تنعش هالعلاقه اللي راح تحدد تطورها بجواب نوف على احمد ان كان بالموافقه او بالرفض aNa

      MKMمها وخالد كانو جسدين التقت بروح وحده كل واحد فيهم كان يحلم بأنه يلقى الشخص اللي يفهمه ويحبه لشخصه ولقى كل واحد فيهم اللي ناقصه بالشخص الثاني خالد كانت له مخاوفه من اللي سمعه عن مها بس احساسه كان يقوله ان كل كلامهم غلط ومثل ما اهو كان له ماضي اهي من حقها يكون لها ماضي بس من دون ما تطيح بالغلط انا اول مره اقولها وانا حاس فيها ياكثر ما طلعت من لساني لبنات بس مع غيرك يا مها ما حسيت فيهاmkm
      Mmمشاعل كانت في دوامه حيره في موضوع فهد تعبت من التفكير ارتاحت لما طلبت من فهد انه يأجل الموضوع وياخذ ردها على عطله الصيف ارتاحت ان لها مده تفكير اطول لان فهد ما ينرد ويكفي انه يحبها وولد عمها بس اهي عارفه نفسها المكالمات والطلعات ما تقدر تبطلها صعب عليها وهذا خذته بعين الاعتبارmM

      ركبو مي وفي مع احمد وفي الطريق كانو سوالف...
      احمد: الا تعالو انتو الثنتين والله ما اعديها لكم مين الحماره منكم اللي صرخت في المول
      مي وفي ما قدرو يمسكون انفسهم:ههههههههههههههههههههههههههههههههههههههههههه هههههههههه
      احمد استغرب: لاتكونون انتو الثنتين ترا ارميكم برا الجني الازرق ما يعرف مكانكم..
      مي: لا عاد وبعد صار للجن الوان
      في: مدري عنه ذا الخبل
      احمد: مافي خبل غيرك لا تصرفون مين اللي صرخت فضحتونا هناك
      مي: طيب اقولك وما تعصب
      احمد: الا بعصب وبكسر راسها
      مي: لا الله يخليك لا تعصب
      احمد بدى يعصب جد: قولي والله لوقف الحين
      في: تراك طفشتنا سيارتي وسيارتي اللي راكبين فيراري وتبي تنطلنا منها عاد
      احمد: اقوووووول
      مي: خلاص خلاص بقول كانت
      احمد يناظر مي جنبه نظره واحد مولع:.............
      مي:ههههههههههههههههه نوف
      احمد:ههههههههههههههههههههههههه نوف اجل
      مي: ايه شوف انت وعدتنا تكسر راسها اذا ما جتنا اليوم الثاني مكسور راسها بعلم عليك
      احمد :احم احم ل ولايهمك اكسر راسها بطريقتي
      في: ياخي يالطريقه بتلعب عليها بكلمتين اعرفك
      احمد: كلمتين والا ثلاث بيني وبينها الا بسألكم
      في: تفضل
      احمد: نوف ما لمحت لوحده منكم عن جوابها
      مي: بصراحه انا خايفه شوي
      احمد خاف: ليش
      يتبع>>


      تعليق


      • #4
        رد: قصه حسبتك عديم الاحساس وصرت لي كل احساسي الجزء التاسع

        تابع>>>
        مي: انا اول مره اشوفها متردده وخايفه كذا طول الوقت تفكر
        احمد يحاول يقنع نفسه: اكيد لو انتي مكانها ما كان سويتي نفس الشي زواج هذا مو لعبه
        مي" لو تدري عن اللي انا فيه حالي مثل حالها واسؤ"
        في: شوف يا احمد انا اكثر وحده تعرف نوف واعرف انها تحبك من زمان ممكن يكون اللي عندها خوف من المستقبل بس المفروض ما يكون عندها تردد بالجواب الا اذاا
        احمد توتر: الا اذا ايش
        في: شوف يااحمد الزواج نصيب ممكن تكونون تحبون بعض بس ما يصير نصيب ويكون خيره لكم
        احمد خاف يفقد نوف: الله لا يقوله ليش متشائمين انتو
        في: احنا مو متشائمين بس حط عندك كل الاحتمالات لا تحط جواب واحد في راسك مبني على كلمه انقالت واهي انها تحبك بعد في اشياء من الحب
        احمد: مثل
        في: ازم يكون في توافق بالتفكير
        احمد: واتوقع هذا موجود عندي وعندها
        في: لسى ما خلصت لازم يكون في قبول من الطرفين ارتياح ممكن تحبك بس مو مرتاحه تعيش معاك وتشاركك حياتك كل شي فكر فيه
        احمد بدى يشيل هم جوابها: والله انتو ضيقتو صدري بهالكلام
        مي: ياخوي ما نبي نضيق صدرك بي احنا اكثر ثنتين نعرف نوف نوف فيها خصله مو حلوه والكل ملاحظ
        احمد شدته كلمتها: وش هي
        مي: شوف نوف ما تقدر تتخذ قرار بسرعه لو تكون اجابته واضحه لها يعني عندها تردد العالم كله مرره متردده وترددها هذا يأثر على حياتها لان في اشياء تافه تتردد فيها بعد
        احمد:يعني ممكن كل هذا مجرد تردد بس
        مي: ممكن ليش لا
        في كملت: بس انت لازم تعرف ان الزواج نصيب ويمكن لو ما صار فيه نصيب يكون خير لك ولها فلا تعطي الموضوع اكبر من حجمه
        احمد يبي يفضف لخواته: وش تقولين يا في انا احبها وخلاص من يوم ما حبيتها وانا اتخيل نفسي معاها كازوجه وعندنا عيال صعب صعب اتخيل نفسي من دونها

        كان كلام احمد جا على الجرح لمي وفي كلهم حسو بكلام اخوهم وصحته صح لما الواحد يحب شخص يتخيل ويبني حياته كلها معاه يمكن عشان كذا يكون وقت الفراق اصعب بكثير
        احمد لاحظ سكوتهم: وش فيكم سكتو
        مي: احمد بسألك سؤال
        احمد: اسألي وش ورانا الطريق وش طوله
        مي: احمد تتوقع ابوي من النوع اللي يغصب على الزواج
        احمد بدى يستهبل: وشلون ما فهمت قصدك
        في كانت فاهمه كلام اختها بالحرف ..,,,,,,,,,..
        مي : يعني مثلا لو وحده منا انخطبت واهي رافضه تتوقع بيغصبها
        احمد: ليش وحده منكم انخطبت وانا مدري
        مي حست انها بتنفضح..
        في حبت تصرف الموضوع: لو انخطبنا تلقنا ساكتين وامك وابوك ساكتين
        احمد اقتنع شوي: ممكن صح
        في: طيب ما جاوبتها
        احمد: شوفي انا بكون واقعي يمكن اعرف ابوي اكثر منكم
        مي: طيب
        احمد: ابوي انسان واقعي ويحب يستغل الفرص بس ما اضن يغصب وحده منكم في أي شي كيف لو كان زواج
        مي وفي ارتاحو شوي من كلام اخوهم
        مي حبت تغير الجو: احمد من اللي كان واقف معاكم اليوم بالسوق
        احمد: ايه هذا نواف
        في ومي: نواف
        احمد: ايه هذا ولد صديق ابوي من زمان وشريك قبل بالشركه كان صديقي يومنا صغار انتو ما تذكرونه بس انقطعنا فتره
        مي: ليش
        احمد: يعني اهم سافرو مع ابوهم برا بحكم شغله وكل انشغل بدنيته وشفناه بالصدفه ولد مشاء الله عليه
        في: من أي ناحيه
        احمد: يعني اخلاق وشخصيه حلوه وجذابه ويدرس صيدله
        مي: اهاا مشاء الله عاجبك
        احمد: يعجب أي احد يكلمه او يجلس معاه عنده طريقه بالكلام مره حلوه تشدك له
        ***في سياره ابو سعد***
        كان زياد متولي السياقه بدال ابوه اللي جالس جمبه وامه جالسه وراهم
        ام سعد تناول زياد كاس الشاي: اقول زيود
        زياد:هههههههههههه زيود هلا يمه
        ام سعد: اقول كم باقلك وتخلص دراسه وترجع لنا
        زياد: يعني كلها ثلاث اربع شهور وبرجع بجلس مقابلك لحد ما تطفشين مني
        ام سعد بنبره حنونه: وانا اقدر اطفش منك
        ام سعد: شوف امك اخره هالكلام تلمح لشي اعرفها عشره عمر
        ام سعد تسوي نفسها بريئه: انا حرام عليك بس اسولف مع وليدي وش فيها
        زياد: طيب يمه كملي سوالف
        ام سعد: طيب وش رايك
        زياد:اوووووووه فيها رايي والله شكل الموضوع خطير
        ابو سعد: ههههههههه ما قلتلك انا
        ام سعد: خلاص ماراح اكمل خل ابوك ينفعك>>>ومدت بوزها بعد خخخخخخ
        زياد: افاااا بس انتي الخير كله كملي اسمعك انا
        ام سعد ما صدقت تكمل: ايه وش رايك اذا رجعت نخطب لك
        زياد حزت في قلبه خلود مهما سوت فيه يظل حبها في يوم وحبها متغلل في قلبه وصعب ينساه بهالسهوله حتى لو لعب على نفسه : حاطه احد في بالك
        ام سعد ما تبي تقول كل اللي في بالها : لا ما في بس انت موافق على موضوع الخطبه اول يا ولدي خلاص عاد انت كبرت لازم تتزوج بتظل عزابي
        زياد ما حب يكسر بخاطر امه: يمه انا موافق
        ام سعد ما ساعتها الدنيا من الفرحه: كلووووووووولووووووووووش >>قلبت مصريه الحرمه
        زياد :هههههههههههههههه يمه هدي الولد نايم وبعدين قلت موافق تخطيبن لي توني ما تزوجت
        ام سعد والفرحه مبينه في عيونها: خلاص انشاء الله بزوجك واللي تستاهلك يا حبيبي بس متى يجي ذا اليوم انشاء الله قريب
        ابو سعد: يله على البركه
        زياد يسايرهم:الله يبارك فيكم بس وين حرمتي اول
        ام سعد : جايه جايه بس اصبر علي
        ابو سعد: الله يستر من امك وذوقها
        الكل :ههههههههههههههههههههههههههه
        ام سعد: ذوقي حلو والا ما وافقت عليك
        زياد: اوووووووووووووووووه ترا في بزران هنا من دون مغازل
        ابو سعد: امزح معك امك كلها ذوق والله
        ام سعد: هذا الكلام السنع
        **********************************

        اما في سياره خالد كان الجو هادي غائم نسبيا خخخخخخخخخخخخخخ
        نوف كانت نايمه >>>ياكثر نوم هالبنت
        خالد جالس يسمع ميوزك هاديه ويفكر بحياته ومها اللي شغلت كل تفكيره قرر قرار حس ان هذا وقته ولازم يبدى بالتنفيذ....
        بعد ما وصلو الرياض كم يوم وبدت المدارس ورجع الروتين اللي يقتل دراسه وتعب وخاصه على
        نوف ومي وفي لانهم كانو في ثالث ثانوي وانا لاني توني مخلصه منها الله لا يعيدها من سنه حاسه بكل اللي حسووه..
        مر شهر على هالحال مدارس وجامعات احداث قليله وروتين اكثر تعب في تعب
        خالد كان توه طالع من المحاضره:يالله ياخي وش ذا الدكتور ما يسكت قلبت روسنا
        حمود: ايه والله ذبحني الحر خلنا نروح نجلس في الكافتيريا نتبرد شوي
        خالد: يله لا تشاورني لو تشيلني بعد يكون احسن
        حمود: تخسي يالله اشيل نفسي

        يوم سفر زياد..
        كان ام سعد مسويه مناحه وصياح ضيقت صدر زياد مع انه هالمره ماراح يطول بس قلب الام
        ام سعد تمسح دموعها: متى رحلتك
        زياد يسكر شنطته: الساعه اربع والحين 2 لازم اطلع الحين
        ام سعد وعيونها مليانه دموع: تروح وترجع بالسلامه
        زياد قرب من امه وحضنها: يمه الله يخليك كل مره اروح تسوين كذا عاد هالمره المفروض تفرحين لانها اخر مره واقصر مره كلها كم شهر يطرون الا انا راجع امسحي دموعك خلاص
        ام سعد مسحت دموعها: عاد انتبه لنفسك ولا تطول
        زياد: انشاءالله وين سلطان خليني اسلم عليه وامشي
        ام سعد: جالس في الصاله
        زياد راح الصاله لقى سلطان يلعب بجواله
        سلطان رفع نظره للباب: ها ماشي
        زياد: ايه ماراح تسلم علي
        سلطان متضايق من سفر زياد اهو الوحيد اللي يسولف معاه من يوم ما راح سعد وتزوج وتركهم
        زياد بحنان: تعال بقولك شي
        سلطان جاه واهو منزل راسه:نعم
        زياد نزل لمستواه: وش تبي اجيب لك هالمره
        سلطان بدى يتدلع: ابي همر كبير فيه استريو اشبكه على المسجل
        زياد: الله الله ولا يهمك همر همر يله مع السلامه
        سلطان: مع السلامه واذا وصلت كلمني على الايميل
        زياد: ايه اكيد
        ****الوو
        احمد: وينك ياخي عشاني تبرعت اوصلك بتذلني
        زياد:هههههههههههههههه يله طالع بس بجيب شناطي
        احمد: شناط مو شنطه طيب ياعم اخلص
        زياد يسحب شنطتين برا ساعده احمد اللي بيوصله المطار
        احمد في السياره: عاد انتبه لنفسك مو ترجع متزوج كنديه تذبحك امك
        زياد:هههههههههههههه مو ناويه تخطب لي لما ارجع
        احمد: لا عاد زين زين اقتنعت
        يتبع>>>


        تعليق


        • #5
          رد: قصه حسبتك عديم الاحساس وصرت لي كل احساسي الجزء التاسع

          تابع>>
          زياد: خلاص هذا المفروض يصير وبعدين تعال انت انا لو برجع متزوج كان متزوج من زمان
          احمد: في هذي سكتني بصراحه
          زياد: كل يوم اسكتك مو اول مره اقول وش اخبارك انت ونوف
          احمد تنهد: اه الله يستر
          زياد تفأجا : افاا ليش مو كنتو اوكي مع بعض
          احمد: احنا اوكي بس خواتي الله يهديهم خوفوني
          زياد: وش قالولك
          احمد قال كل شي قالوه لزياد
          زياد اعجبه طريقه تفكيرهم لانها صحيحه: طيب ما قالو شي غلط
          احمد : ياااااااااالله جيتني انت الثاني متفقين علي انت وياهم
          زياد:خخخخخخخخخخ وش قلت انا طيب اقولك صح اهم عارفينها اكثر منك لا ترفع امالك حتى لو البنت تحبك في اشياء لازم تجي قبل الحب
          احمد: طيب انا ماراح ارفع امالي لانها مرفوعه اصلا
          زياد: شف
          احمد: ايه ونوف شغلها عندي اهي اللي بتجي وتقولي موافقه ما اكون احمد ولد سويره
          زياد: وين خالتي تسمعك والا نوف عشان تعلقك من اذانيك
          وصلو المطار ودعو بعض
          احمد واهو يحضن زياد: راح اشتاق لك ياولد
          زياد: وانا بعد انتبه لنفسك وكل يوم كلمني على النت اوكي
          احمد: اوكي وانت أي شي يصير معاك
          زياد: ايه عارف انت او واحد يعرف
          ودعو بعض ركب الطياره وفي قلبه فرحه هذي اخر مره يسافر كندا طفش منها وكل شي فيها بس وده يرجع لديرته
          &&&&&&
          مي في غرفتها منعزله صايره هالفتره مكرسه كل وقتها للمذاكره والدراسه التعب والطفش باين عليها
          اتصلت على نوف
          نوف : هلا مي
          مي بطفش: خلااااص بذبح نفسي
          نوف طفشانه اكثر منها: اذا بتروحين خذيني معاك وش هذا نفسيتي صايره زفت
          مي: اتظاق مع الكل كني حامل مو في ثالث ثانوي
          نوف تضحك من دون نفس:ههههههههههههههههههه وشلون اختك
          مي: في حالها من حالي شوي تجلس على النت وشوي تذاكر ما اشوفها في اليوم الا خمس دقايق
          نوف: يله انشاء الله تهون يعني احنا هالفتره ما نشوف بعض الا في المدرسه
          مي: صح بس اقولك مو ملاحظه نظرات رزان كيف صايره
          نوف: انا ملاحظه بس ساكته يختي هالبنت منهبله كل يوم اسمع انها طالعه بيتهم مع واحد تخووف تخووف
          مي: الله لا يبلانا بصراحه
          نوف: من جد يله خلني اروح احل واجب الرياضيات واسئله الوزاره صعببببه واشوفك بكرا
          مي: وانا عندي نحو مع السلامه
          نوف: مع السلامه
          &&&كانت في في غرفتها حالها من حال اختها&&&
          طفشانه وتدور ما لقت غير انها تجلس تقلب في صفحات دفاترها فتحت دفتر تكتب فيه لما تحس انها متضايقه كتبت
          OoOاحبك؟؟
          نعم احبك يامن احتويتني بكل عيوبي واخطائي حسناتي وحتى جمالي بدأت انفس اعذب كلماتك..
          يدفئني احلى حب حبك انت انت لي كزهره وسط عاصفه قلبي متشبثه جذورها لاخر الانفاس ...
          كنت مجرد حلم ذكرى عابره تخطر على البال في سنين عمري مره لا ادري لماذا؟؟؟
          هل لانك بالنسبه لي شخص مليئ بالغموض والسحر الجذاب لا اعلم عنك الكثير مجرد شخص يعبر امامي من غير ملامح او تعابير انت لي ذاك الشخص..
          (((شخص حوله تلك الحلقه الحمراء)))
          سكرت دفترها وحطته بالدرج ورجعت لهم الدراسه والاختبارات المتواصله
          .......... مر اول شهر هادي قليل الاحداث .....
          في المدرسه...
          مي تشيل شنطتها: ما بغينا نخلص
          في: يله ابي اروح البيت
          طلعو لقو نوف تستنى عند الباب
          مي: وش فيك واقفه تستنين
          نوف: خالد تأخر علي
          مي: اقول تعالي معانا وندق على خالد يجي ياخذك من بيتنا
          نوف: طيب من بيوديك السواق
          في: لا وش السواق سافر الاسبوع اللي راح عشان يرجع على الاجازه
          نوف خافت انه: لا يكون احمد
          مي: وعندنا غيره
          نوف : لالا هونت ما ابي
          رزان مرت جمب مي وعطتها نظره غريبه
          مي: اكيد ذا البنت مريضه ونويفه ترا مالي خلق دلعك يله بس البسي عباتك يله
          نوف استسلمت ولبست وطلعو
          شافو رزان تركب السياره غير سيارتهم
          في: ما اصدق وقااحه
          مي: ايش
          نوف: وين السياره شوفي شباب هناك كلونا بعيونهم هذا واحنا لابسين عبايات على الراس لو كتف وش بيسون تخللف
          مي: ايش
          نوف: ايش ايش انتي
          في تناظر وتحاول تركزز وبعدها شهقت:هييييييييييييييي
          مين اللي شافته في جمب سياره اخوها وكيف راح تمر هالشهور على كل شخصيه ؟؟؟


          تعليق


          • #6
            رد: قصه حسبتك عديم الاحساس وصرت لي كل احساسي الجزء التاسع

            تابع البارت التاسع

            في تناظر وتحاول تركزز وبعدها شهقت:هييييييييييييييي
            مي نطت من الروعه: عمى يعمي العدو وشووو
            في تأشر بأصبعها : هنااك شوفي رزان ركبت مع مين
            مي وقفت مبلمه: لاااااااااااااااا يقرب لها ما اصدق
            نوف زي الاطرش في الزفه: يقرب لمين وش السالفه
            مي: شفتي اللي سحب عبايتي ذيك المره في السوق
            نوف: وذاك ينسي وش فيه
            مي تأشر بأصبعها: شوفيه هناك
            نوف جلست دور حول نفسها: وين اووووووووووه يمه ايه والله
            مي: تخيلي يقرب لرزان ما اصدق
            نوف وفي: ولا انا
            كان الجو مغبر وفي هواا قوي وحار البنات جلسو خمس دقايق احمد واخيرا شافو سيارته راحو ركض
            كانت سياره احمد وراها سياره وبعدها سياره نواف
            نوف: يله روحو بسرعه بركب طرت من الهوا
            كل وحده من البنات تحاول تمسك عبايتها وغطاتها وشنطتها من جهه حالتهم صعبه مساكين>>>>رحمتهم
            ركبت في قدام ونوف مي فتحت الباب وتركت غطاتها ارتفعت عن وجهها
            صار قلبها يدق بسرعه خايفه اخد شاف كان وجهها كله طالع جلست تتلفت ناظرت نواف يناظرها ويبتسم
            طاح قلبها يعني شافها ركبت السياره وسكرت الباب بقوه
            احمد لف بوجهه عليهاماكان عارف ان نوف معاهم: شوي شوي
            مي ماكان لها مزاج ترد اكفت بهز راسها: اسفه
            احمد رجع يناظر الزحمه اللي قدامه كيف راح يطلع منها
            %%%في سياره نواف%%%%
            رزان كانت متضايقه انها مضطره تركب معاه بعد اللي قاله لها كانت ما تتحمل تشوفه
            يمكن عقلها ما يتحمل شوفته قلبها لما يشوفه يبكي دم على حظ قلبها اللي ما طاح الا في حب محرم
            نواف يتكلم برسميه: كيفك
            رزان تناظر شباكها ومو معطيه كلام اهميه:الحمد الله بخير ليش انت اللي جيت تاخذني وين سواقنا
            نواف واهو يلبس نظارته: مو اول مره اجيبك والا ناسيه

            نواف حقد على كلامها: وتحسبيني جاي اخذك لسواد عيونك لا يا حبيبتي ابوك اتصل علي وقالي اجيبك سواقكم مدري وينه طاس فيه
            رزان ما تبي تكبر المشكله: ................................
            نواف سكت" انا شفت يا مي يا في بس صدق من قال انها حلوه ماراح استغنى عنها ولازم تكون من نصيبي"
            &&&سياره احمد&&&&
            في: احمدوه مر بيت عمي ابو فهد
            احمد رافع حاجبه: وليش
            في تحسبه يستهبل: تخفف دم انت
            احمد في قمه الحر والزهق: شوفي وجهي هذا وجهه واحد يخفف دم قولي
            في ناظرته كان العرلق ينزل انهار واهو قدام المكيف والزحمه اللي برا تطفش أي احد خاصه زحمه مدرستهم: طيب نبي نوصل نوف
            احمد طير عيونه: وينها عشان نوصلها
            نوف ورا كانت بتموت من الضحك وماسكه نفسها لهالدرجه اهو اعمى ما شافها كبيره ...
            في: يا الله ودنا بيت عمي وبس
            احمد رجع يناظر المرايه ناظر في وحده كان يحسبها مي لاحظ الشمس اللي تمر اشعتها داخل طرحتها وتعكس على ملامحها شاف نوف
            احمد :ههههههههههههههههههههههه طيب
            في: والله الولد انهبل من الحر
            &&&وصلهم لبيت ابو فهد &&
            نوف نزلت ما سكه نفسها ما تضحك على اخر لحظه نزلت وفتح لها الباب خالد
            نوف ودها تصفقه يوم شافته
            نوف والدخان يطلع من طرحتها:خووووويلد وينك انت
            خالد يأشر على البيت: في البيت ويني
            نوف معصببه:تاركني في الحر والخياس وانت جالس متبرد
            خالد مبرد العم : وش اسوي يعني
            نوف دفته جوا البيت: لا تذبحني وشو انا قلتلك تعال خذني والا لا
            خالد يهز راسه: الا قلتي
            نوف واهي راح تدعسه: طييييب وينك
            خالد تذكر انه سحب عليها نومه قدام المكيف: ايه ما قلتلك
            نوف والدخان يطلع من مناخرها: اييش
            خالد: ايه مو انا جتني ضربه شمس وفقدت جزء من ذاكرتي
            نوف تكمل معاه: لا عاد
            خالد: اييه
            نوف تنزل طرحتها: انا حرانه وزهقانه الله ياخذ ثالث واللي اخترعها مالي خلق اتطاق معاك ما اشوف طريقي
            &&سياره احمد&&&
            كانت مي تفكر ان كان عرفها والا لا
            مي" لا كيف يعرفني كيف اهو ما شاف احمد وشلون بيعرفني مدري ان شاء الله ما عرفني وبس"
            : يله وصلنا ما ودك تنزلين
            مي: الا يله وش يجلسني بعد
            احمد: يله
            &&&&&&&&&&&&&&&&
            في مطار اوتاوا ((كندا))....
            نزل زياد وجلس يدور في الزحمه يلاحظ الناس تاخذ شناطها الا اهو يدور شنطته ما لقاها
            كانت واقفه جمبه بنت شعرها اشقر وعيونها رماديه لونها برونز خطير
            لفت البنت عليه:are you arabic؟؟
            زياد يناظرها بأعجاب: yes
            البنت مدت يدها: انا نرمين لبنانيه وانت
            زياد رد التحيه: انا زياد وسعودي
            نرمين: تشرفنا اخ زياد ها مو لاقي شنطك
            زياد يدور : لا والله مو باين
            نرمين: انا اخر مره صار معي هيك تعال معاي وراح يلقونن
            زياد حمد ربه لقى وحده تساعده لان السفر كان متعبه وما وده يدور في المطار من جهه للثانيه: مشكوره
            نرمين مع ابتسامه حلوه: ولايهمك اذا انا ما ساعدتك مين راح يساعدك
            راحت نرمين وكلمت المكتب في المطار وفي ظرف عشر دقايق رجعت شنط زياد
            زياد ما صدق انها خلصت ورجعت بهالسرعه: مشاء الله عليك كيف
            نرمين:ههههههههههه خلاص تعودنا رايحين راجعين
            زياد: رايحين انتي مو ساكنه هنا
            نرمين: لا اهلي بالامارات وانا بالعطل اروح اشوفهم وبرجع هون اكمل دراستي
            زياد: ليش وش تدرسين
            نرمين: صيدله بجامعه......................
            زياد : والله يعني زملاء
            نرمين: انت تدرس
            زياد: ايه طب عيون اخر كورس وارجع
            نرمين: بالتوفيق الك انشاء الله شوفك هونيك
            زياد: انشاء الله ومشكوره مره ثانيه تعبتك معاي
            نرمين: لا ولايهمك مع السلامه
            ***بعد مرور كم اسبوع***
            في غرفه مي جالسين البنات يذاكرون
            مي ماكله الكتب اكل : يالله يا في طفشت
            في: لا انا اللي مستانسه استحملي هانت هانت
            مي: وين هانت كل يوم تقولين لي هانت متى تجي الاختبارات وافتك نجحت ما نجحت ما يهم
            في: لا تفاولين على نفسك يعني بعد هالتعب ما تنجحين لا انشاء الله
            مي: انا باخذ بريك الحين
            في: وان بعد والله اشتقت للنت والماسنجر بروح ادخل شوي لي اسبوعين ما جلست عليه اختبار ورى اختبار
            مي: ايه والله انهلكنا مع هالنظام الجديد بس يمكن احسن لنا
            مي نزلت تجلس مع امها اللي قلت جلساتهم معاه
            في راحت فتحت لاب توبها ولقت اضافه جديده قبلتها وكان الشخص موجود
            راحت وكلمته....
            انا بنيه *وطبع النت* علمني اشيل*فستان* الدلع والبس* شماغي*
            هلا....
            My live&& &&
            اهلين هلا والله
            انا بنيه *وطبع النت* علمني اشيل*فستان* الدلع والبس* شماغي*
            اهلين مين؟؟؟
            My live&& &&
            افااا نسيتي..
            انا بنيه *وطبع النت* علمني اشيل*فستان* الدلع والبس* شماغي*
            انا مالي خلق استهبال مين قول على طول؟؟
            My live&& &&
            طيب انا ما احب اللف والدوران انا زياد
            $$% في تفشلت من نفسها وشلون نست زياد$$%

            انا بنيه *وطبع النت* علمني اشيل*فستان* الدلع والبس* شماغي *
            يتبع>>

            تعليق


            • #7
              رد: قصه حسبتك عديم الاحساس وصرت لي كل احساسي الجزء التاسع

              تابع>>
              ا اسفه نسيت...
              My live&&&&
              لا عادي ما تنلامين ثالث تنسي اللي ما ينسي مجربين خخخ

              6666666
              انا بنيه *وطبع النت* علمني اشيل*فستان* الدلع والبس* شماغي*
              خخخخخخخخ ايه والله تعبت وطفشت متى اخلص بس..
              My live&&&&
              لا مابقى شي هانت بس انتي ركزي
              انا بنيه *وطبع النت* علمني اشيل*فستان* الدلع والبس* شماغي*
              انشاء الله وانت اخبارك واخبار الدراسه
              My live&&&&
              انا بخير الحمد الله باقي لي كم اختبار وارجع
              انا بنيه *وطبع النت* علمني اشيل*فستان* الدلع والبس* شماغي*
              ترجع بالسلامه انتبه لدراستك ولنفسك
              My live&&&&
              وانتي انتبهي لدراستك عشان تحققين اللي تبينه الا ما قلتي لي وش ناويه عليه
              انا بنيه *وطبع النت* علمني اشيل*فستان* الدلع والبس* شماغي*
              الله يسلمك ناويه على طب اسنان
              My live&&&&
              اوووه يعني زملاء
              انا بنيه *وطبع النت* علمني اشيل*فستان* الدلع والبس* شماغي*
              ههههههههههه ممكن تقول كذا بس انشاء الله ربك يسهل
              My live&&&&
              امين الا كم باقي لكم على الاختبارات ؟؟؟
              انا بنيه *وطبع النت* علمني اشيل*فستان* الدلع والبس* شماغي*
              يعني باقي شهر ونص

              My live&&&&
              يعني باقي شوي شدي حيلك كلها شهر وانتي مخلصه
              انا بنيه *وطبع النت* علمني اشيل*فستان* الدلع والبس* شماغي*
              انشاء الله انا مضطره اطلع الحين انشاء الله اكلمك بعدين
              My live&&&&
              انشاء الله ذاكري زين خخخخخخخخخ
              انا بنيه *وطبع النت* علمني اشيل*فستان* الدلع والبس* شماغي*
              خخخخخخخخخخخخخخ وانت بعد بااااي
              My live&&&&
              بااايات
              ******
              بعد ما تعرف عليها وشافها بالجامعه تطورت علاقه نرمين بزياد زياد صريح وقالها عن علاقته قبل بخلود ونرمين قالت عن علاقتها اللي قبل
              اتفقو يطلعون يتمشون مع بعض
              واهم يمشون في الشوارع وبين الناس اضواء الشارع معطيته جمال والكوفيات منتشره والناس هاديه ومافي مشاكل كانت جمبه يناظر بأعجاب صدق البنت حلوه وجمالها يجذب أي شخص
              بس احساسي وانا جمبها ما يقارن احساسه لما يكون جمبها
              قاطع تفكيره كلام نرمين: وينك وين رحت
              زياد : لا موجود موجود
              نرمين طفشت واهي تستناه ينطق: زياد ممكن سؤال
              زياد: تفضلي بس خلينا نجلس في هالكوفي ونشرب شي اول
              نرمين: بيكون احسن تفضل
              جلسو في كوفي موقعه مره حلو وجوه احلى كان ستايله شرقي كله فوانيس وسجاد ايراني بس ما فيه اكل شرقي كوفي وبس
              جلسو على طاوله كان جمبها حاطين انواع البخور ورد وعود روائح تذكرك بالخليج
              يمكن لان صاحب الكوفي عربي وحب يستغل هالشي في شغله لان الكوفي باين عليه زحمه اكثر من أي مكان ثاني...
              نرمين: نرجع لسؤالنا
              زياد حس وش في راسها : اسألي
              نرمين بخجل مصطنع:انت في بنت بحياتك
              زياد يبي يقطع الامل عندها: ايه فيه
              نرمين ما ساعتها الدنيا من الفرحه اخيرا يا زياد:بعرفها
              زياد يهز راسه بالنفى: لا
              نرمين انصدمت ودها تكسر الطاوله اللي قدامها : ما اعرفها طيب ممكن تعرفني عليها
              زياد:ممكن واحنا نمشي لاني تأخرت وبكرا عندي محاضرات بدري
              نرمين قامت تجر رجولها جر: يله بس وصلني اول لانو شقتي اقرب من شقتك
              زياديبي يتخلص منها وبس: ولا يهمك
              كانو يمشون مشي لان شققهم قريبه ويفضلون المشي من انهم يوقفون تكسي وشغله..
              نرمين تقول الكلمه طالعه من دون نفس: ايوه ممكن هلق تقولي من هي اللي بحياتك
              زياد يحاول يخليها تفقد الامل فيه من دون تجريح:هي بنت صاحب ابوي واخو دنيا
              نرمين : كيف خي دنيا
              زياد:يعني كانو اصحاب من يوم هم صغار وصار مثل الاخوه
              نرمين: طيب كفي حكيك
              زياد: انا بنته احبها وتحبني
              طعنتها كلمته في قلبها حست بأنها انرفضت واهي عمرها ما انفرضت الشباب يلحقونها واهي اللي ما تعطيهم وجه ولا تكلم احد الا بمزاجها يعني لمصالح وبس
              زياد يأشر : ها وصلنا شقتك مع السلامه
              نرمين خاييفه:ممكن تطلع معي
              زياد بستغراب: ليش؟؟؟
              نرمين: في واحد ساكن بالشقه اللي جمبي عم بيضايقني
              زياد: كيف يضايقك لا يكون تحرش فيك
              نرمين : بيجلس جمب باب شقتي وكل ما جيت بطلع بلاقيه واقف ويحاول يتحرش فيني
              زياد بحزم: تعالي واذا شفته انا اوريك فيه
              نرمين احتمت فيه والفرحه مو سايتعها انه اهتم وطلع معاها
              طلعو الدرج كان الاصنصير متعطل وشقتها بالدور الثاني واهي تحاول تقرب منه
              واهو يبعد بدون ما تحس
              وصلو
              زياد جلس يتلفت: شكله مو موجود
              نرمين: ما بعرف هو هيدا وقتو بيجي وبضرب علي الباب بقوووه
              زياد: طيب ادخلي وقفلي الباب واذا حاول يتحرش فيك اتصلي علي شقتي قريبه او اتصلي على الشرطه..
              نرمين برجفه: ما اقدر بخاف الله يخليك اجلس معي خمس دقايق بس
              زياد : وين اجلس
              نرمين: اجلس معاي بالشقه خمس دقايق وبعدها روح
              زياد وافق بعد ضغطها عليه قرر يجلس خمس دقايق يتطمن عليها ويطلع بعدها ...
              نرمين دخلت الشقه بعد ما حست بنتصار
              نرمين تنزل شنطتها عن كتفها على الطاوله:انا بشكرك كتير يا زياد انا كتير كنت خايفه منو
              زياد حاس انه متضايق ويستنى متى تخلص الخمس دقايق عشان يطلع حس انه غلطان بدخلته شقه بنت وفي الليل بعد: لا ولا يهمك
              نرمين : دقيقه وراجعه
              دخلت غرفتها وطلعت لابسه قميص قصير يطلع رجليها الطويله اللي تسحر
              زياد فتح عيونه انصدم من جرأتها او وقاحتها لدرجه انها تطلع عنده كذاا
              قربت منه وجلست جمبه على الكنبه..
              زياد قام بسرعه قبل ما يغلط عليها بكلمه: انا استأذن
              نرمين قامت لحقته ومسكت يده بقوه: وين وين
              زياد لف عليها وعطاها احقر نظره وسحب يده: انا اسف يا نرمين اني سمحت لنفسي ادخل شقتك
              وراح للباب
              راحت تركض وراه ومسكت يده: انا اللي سمحتلك ما تروح
              زياد: اتركي يدي اول
              مازالت متمسكه بيده كنها تتمسك بشي راح ينقذها: ماراح اتركك تطلع قبل ما تنفذ اللي بدي ياه
              زياد سحب يده بقوه: انا بطلع انا دخلت لاني كنت اظن انك وحده محترمه بس انتي تعطين فكره عن البنت العربيه فكره غلط وانا ما انفذ لاي احد أي شي فاهمه
              نرمين بدت تعصب:انا ما في حدا بيرفض لي طلب
              زياد بدى يستفزها: ليش لانك حلوه يا كثر الحلوين بس في ناس حلوين من برا ومن جوا عكسك
              نرمين تبي تجرحه: قصدك مين في
              زياد يبي يحرق دمها: شوفي اسمها ما تجيبينه على لسانك لانها انظف منك واهي احلى منك بمليون مره جوا وبرا
              نرمين اهي اكثر شي يجرحها ان احد يسب جمالها او ما يبدي اعجابه فيه:انا واثقه من نفسي مو محتاجه شهادتك
              زياد مع ابتسامه احتقار:الا محتاجتها والا كان ما رحتي تلبسين هاللبس قدامي تبيني اتكلم بس ما توقعتك بهالحقاره
              نرمين طلعت على حقيقتها: انت الخسران انا اللي عرضت لك نفسي ورفضتني وانا عمري محد يرفضني وراح اخليك تندم انت مو عارفني صح
              زياد: شوفي انا ندم اكثر من اللي انا ندمانه الحين ما في ضيعت وقتي مع وحده مثلك صايعه ما تربت
              نرمين تأشر على الباب: اطلع برااا
              زياد بستهزاء: ههههههه ضحكتيني يقالك تطرديني انا طالع من دون ما تعصبين
              نرمين وفي قمه عصبيتها: ان ما خليتك تندم يا زياد ما بكون نرمين ويله اطلع برا
              زياد:ههههههههه مع السلامه ياااا حلو
              نرمين خبطت بالباب خبطه هزت العماره
              كانت شبه منهاره من داخلها ما في احد قد جرحها وكرهها في نفسها مثله
              لها فتره تحاول تتقرب منه وتسمعه كلام واهو مطنشها..
              نرمين واهي تبي تحرق كل شي قدامها: طيب يا زياد ان ما كانت نهايتك على ايدي ما اكون نرمين مو انا اللي بيهيني واحد متلك ..
              جلست والحقد والكره في قلبها له يزيد مالقت نفسها الا تدق على مهند ابن خالتها
              **>مهند كان ولد خالتها كان يموت في الارض اللي تمشي عليها شخص مجنون وممكن يسوي أي شي لها لو تطلب منه يقتل واحد يقتله عشان ترضى عليه والامر في الموضوع ان نرمين عارفه ومستغله الوضع على قد ما تقدر**
              نرمين من طرف خشمها: هاااي مهند
              مهند رجع يناظر الجوال مو مصدق انها اتصلت: هاااي بهالصوت
              نرمين: كيفك؟؟
              مهند: انا بخير انتي كيفك صوتك مو عاجبني
              يتبع>>


              تعليق


              • #8
                رد: قصه حسبتك عديم الاحساس وصرت لي كل احساسي الجزء التاسع

                تابع>>
                نرمين بدلع : انا متضايقه كتيررر
                مهند: ومين اللي مزعلك بكسر لو راسو
                نرمين: شوف انا راح اقولك كل شي بس التنفيذ ماراح يكون هلق يكون بعد شهرين او هر ونص اوكي
                مهند بأنصات : اوكي
                &&&&&&في مدرسه البنات&&&&
                نوف تجلس جمب مي وفي تجلس وراهم وكانت حصه رياضيات اخر حصه
                بنت تشوفها حاطه راسها وتشخر
                وثنتين مع بعض داقينها سوالف ...
                وبنات دوافير قدام مركزين والابله مصريه وبس تبربر حاله صعبه خاصه اخر حصه يكون الواحد نفسه في خشمه وشلون اذا كانت حصه رياضيات..,,
                مي والزهق ينط من عيونها نط: نوفوه كم بقى وتصفر
                نوف تناظر ساعتها:افرحي خمس دقايق
                في كانت حاطه راسها وساحبتها نومه
                نوف تناظر في: اقول متى نامت
                مي: مدري عنها انا من العشا مو شايفتها يا جالسه تذاكر والا الماسن لعب في مخها كاثره جلستها عليه هاليومين
                نوف:عاد مو وقته الاسبوع الجاي بنبدى مراجعه لازم تجي مصحصه المراجعه اهم من الدروس
                مي: وانتي الصادقه
                في فجأه قامت:بووووووووووووو
                مي نوف: بسم الله
                رن الجررررررررررررررررررررررس×××
                في: انا ترا مو صمخى سمعت كل شي واعرف مصلحتي الاسبوع الجاي خلاص بنظم نومي صح
                نوف: شطوره يله بروح بيتنا
                مي : واحنا بعد

                **************في بيت ابو متعب**
                حصه كانت تكلم بالتلفون ومها ومشاعل كانو معاها بالصاله
                حصه: ايه انشاء الله انا اكلم ابوها ونشوف انشاء الله مع السلامه
                مشاعل جالسه تحوس بجوالها: يمه مين هذي
                حصه: هذي ام محمد
                مشاعل: وش تبي
                حصه:تبي تخطب
                مها ومشاعل سكتووو..,,..,,..,,..,,.
                حصه: ايه تخطب مها
                مها دارت فيها الدنيا وما تبي تعاند امها عارفه انها اذا عاندتها اهي الخسرانه لا ابو بيوقف معاها ولا اخو يقدر يساعدها ولا اخت زي الناس ما يهمها الا نفسها..
                حصه تكمل: تبيها لولدها الكبير محمد
                مشاعل تتلقف: يمه كم عمره
                حصه: يعني 27 26 شي كذاا
                مشاعل: يله مبروك
                مها عطتها نظره عشان تسكت:مو وقته
                حصه : مو وقت ايش انتي الثانيه اذا كان الرجال سنع وزين ماراح تقولين لا فاهمه
                مها ما تبي شي يضايقها الحين: ان شاء الله >>وقامت لغرفتها
                جلست تفكر واول من خطر في بالها خالد كيف راح تعيش من دونه لو غصبوها اهلها تتزوج لازم تفكر وتلقى طريقه تتصرف فيها
                مها" الحين انا عندي اختباراتي وهذا بيعطيني وقت للعطله واذا جت العطله لكل حادث حديث واقدر اتصرف فيها"
                مشاعل رقت فوق لها وقفت عند الباب: ممكن
                مها: ادخلي من وين نازل عليك الادب
                مشاعل : انا من يوم يومي مؤدبه
                راحت ونطت على السرير وكملت:انتي ليش انقلب وجهك لما سمعتي كلام امي عادي تعودي تنخطبين انتي حلوه وبنت ناس بيجيك خطاب بالهبل
                مها تحاول ما تبين شي: بس لانه مو وقته الحين ما ابي اتزوج
                مشاعل: وشلون مو وقته انتي كم عمرك الحين ؟؟؟
                مها: بكمل 22 شهر 7
                مشاعل: اجل ايش اللي مو وقته اللي اصغر منك تزوجو اذا الرجال اخلاق ليش تقولين لا\
                كملت: الا اذا
                مها متفأجاه: الا اذا ايش
                مشاعل بنبره تهديد: الا اذا في احد
                مها تتغابى: احد زي مين
                مشاعل رفعت رجليها ومسكت المخده في حضنها: أي احد ما في بالي شي انت قولي
                مها ببرائه: ما في احد لا تجلسين تقولين اشياء انتي مو قدها
                مشاعل: لا يا قلبي قدها وقدود
                مها: سكري على الموضوع يكون احسن
                مشاعل: اخرتها انا عارفه ان قلتي بنفسك والا لا.
                ###############################
                يوم الخميس السابق للأختبارات
                كان بيت ابو احمد هادي كل شخص بغرفته وام احمد تمشي وتدور على غرفهم تشوف وش محتاجين وش يبون
                ام احمد راحت اول شي غرفه مي
                مي والنوم هالكها: هلا يمه بغيتي شي
                ام احمد: لا انا ما ابي شي انتي تبين شي تشربينه جوعانه والا شي
                مي: لا يمه مشكوره ابي اخلص ذا الرياضيات وش طوله باقي لي فصلين يبيلهم ثلاث ايام التكامل الله ياخذه
                ام احمد مو عارفه شي: وش تكامله يله ارجعي ذاكري بس
                مي تسحب شعرها وتنطط على السرير: ابي اخلص ابي اخلص يمممه الحقوني اه اه
                ام احمد شافت حاله بنتها خافت عليها جلست تقرى ايه الكرسي خخخخخخخخ
                وطلعت راحت لفي...
                في حالها احسن من حال اختها مشغله شريط قران يهدي النفوس وجالسه بالقلم في اذنها وبجاما مرقعه بنطلون وحده وبلوزه الثانيه وشعر كششه
                والعيون تحتها اسوود
                خخخخخخخخخ لا احسن ولا شي
                ام احمد: ها فيويه خلصتي دراسه
                في تهز راسها: ايه يمه من زماااااااااااااااااااااااان
                ام احمد: صدق والله اجل ليش اختك ما خلصت مثلك
                في:هههههههههههههههههههههههههه >>جلست تهز خصرهااا
                ام احمد : بناتي انهبلو وقعدو الله ياخذ الاختبارات وش سوت فيهم
                ام احمد: اجلسي يالمجنونه احد يرقص والقران يشتغل
                في مكمله رقص: يمه ماااقدر ما اقدر خصري يهز لحاله هههههههههههههههه
                ام احمد: بروح اجيب لكم مويه مقري عليها يمكن تعقلون انتو الثنتين
                راحت وشربتهم وكنهم هدو شوي
                راحت تتصل على ام فهد تشوف اخبارها واخبار نوف لا تكون انهبلت مثل بناتها
                ام احمد: هلا والله
                ام فهد: هلا وغلا وشلونك
                ام احمد: مو طيبه والله
                ام فهد: عسى ما شر ليش
                ام احمد: البنات بناتي انهبلو
                ام فهد:ههههههههههه عندي وعندك خير
                ام احمد: لا عاد وش مسويه نوف
                ام فهد: توني ساحبته من السور جالسه تغسله
                ام احمد:هههههههههههه تغسله ليش وسخ
                ام فهد: وش وسخ الله يهديك توني مخليه السواق يغسله منهبله بنتي
                ام احمد: والله اجل يا حليل بناتي عاقلات وحده ترقص استغفر الله والقران يشتغل والثانيه تنطط على السرير وميته ضحك
                ام فهد: لا عاقلات بناتك امس توني مخليه اخوها يربطها بالسرير كنها خروف
                ام احمد: ليش بعد
                يتبع>>


                تعليق


                • #9
                  رد: قصه حسبتك عديم الاحساس وصرت لي كل احساسي الجزء التاسع

                  تابع>>
                  ام فهد: تبي تنط من السطح الله ياخذ هالاختبارات هبلت ببنتي الوحيده
                  ام احمد: اقول روحي شوفي بنتك لا تسوي شي بعد عطيها مويه قرايه واقري عليها
                  ام فهد: على قولتك يله مع السلامه
                  ام احمد: مع السلامه
                  ***في كندا**
                  كان جالس يذاكر اختباره الاثنين ويبقى له اختبار اخير الاثنين اللي بعده وياخذ الشهاده
                  محمد: اشوف طلعاتك قاله ياخوي
                  زياد: اللي كنت اطلع معها صارت وحده خلني ساكت بس
                  محمد: مين نرمين وش سوت
                  زياد: سالفه الله يستر عليها بس هالانسانه ما ابي اسمع اسمها مره ثانيه ابدا
                  محمد: ولا يهمك بس مشاء الله عليك اسبوعين وتخلص انا باقي لي شهر
                  زياد: اعوذ بالله من عينك لا تحسدني كلها اسبوعين وبتلحقني
                  محمد رافع يديه: اميييييييييييييين يارب ابي ارجع واتزوج خطيبتي تستناني
                  زياد:هههههههههههههه ميت على العرس انت
                  محمد: اه بس وش ميت الا مت وخلصت ابيها ابيها يا زويد احبها واهي بنت ناس لها ثلاث سنين تستناني وابي الحين ادلعها واكفئها على صبرها وانها ما صبرت على واحد ما يستاهلها لانها تستاهل اللي احسن مني بعد
                  زياد: ياعيني ياعيني على الحب
                  محمد: لو انك مجرب كان حسيت فيني
                  زياد" حطيتها على الجرح يا محمد محد جرب اللي فيني احبها وتحبني وبعد ما تموت اكتشف خيانتها وتقولي ما جربت "
                  زيااد ابتسم يخفي جروحه: الله يسمع منك ونجرب قريب
                  محمد: طيب متى سفرتك انشاء الله
                  زياد: بأذن الله يوم الاربعاء عشان اخلص اختباري الاثنين واروح اضبط اوراقي يوم واحد يكفيني واسافر
                  محمد: توصل بالسلامه مو تنسانا
                  زياد: وانا اقدر
                  محمد صديق زياد من الدراسه تعرف عليه من خلال سكنه معاه انسان طيب خاطب وصار له اربع سنين مأجل زواجه عشان دراسته واهل زوجته ما واقفو على الزواج الا بعد ما يخلص دراسته
                  &&&&&&&&&&&&&&&&&&&&&7
                  وفي احد قاعات الاختبارات الوزاريه كانو متقسمين وصار من حظ مي ونوف انهم مع بعض وفي المسكينه لحالها..
                  مي تكلم نوف قبل ما توصل الاسئله تناظر حولها كل بنت حالها ما يعلم بهاالا الله وحده شعره وتدقها صيحه
                  وحده جالسه تقرى الاذكار ويديها ترتجف والبرد في القاعه مغطي على المكان يخلي الواحد يشعر بالتوتر والخوف اكثر مما هو اصلا خايف برد يخلي شعر جسمك يوقف ويشل عقلك عن التفكير
                  وصلت الاسئله وتوزعت وتشوف كل بنت اللي كانت ماسكه نفسها ما تصيح صاحت
                  واللي كانت تقرى الاذكار بدت تحل
                  واهي واقفه تناظر اللي حولها والوقت يمشي
                  ناظرت نوف وجهها مقلوب بس على الاقل تشوفها تكتب عكسها اللي ما عرفت ولا سؤال..
                  خنقتها العبره ومسكت نفسها سمت بالله قالت اذا الكسلانات جالسين يحلون يعني انا اقدر احل
                  ................في مكان ثاني من قاعه ثانيه
                  كانت تحس بالوحده والخوف اللي حولها تاكل بندول من جهه واللي جالسه تناظر تنورتها شكلها كاتبه الكتاب كله عليها >>بس ابي افهم وش هالغباء وحده تغش في الراياضيات ..
                  كانت تناظر ورقتها سوداء مو قادره تفكر والوقت مو من صالحها قرت الاذكار والمعوذات وبدت تكتب
                  بعد مرور ثلاث ساعات مرهقه عقليا وجسديا طلعو البنات اللي تصيح في حضن صديقتها
                  وصراخ عن الاسئله وشلون صعبه وما تنحل
                  طلعت ودها تصيح حست كل مستقبلها ضاااع بسبب اختبار واحد كانت تظن انها مستعده له زين
                  مي واهي خانقتها العبره: ها وشلون حليتي
                  في من طرف خشمها: ززفت وانتي ونوف
                  نوف: انا ماسكه نفسي ما ابي اصيح هنا بصيح في بيتنا
                  مي: وان بعد يله بروح البيت جا احمد
                  في: ايه قلتله الساعه 10 تلقينه برا
                  نوف: وخالد اكيد برا بعد الله يجيب اخر يوم على خير
                  مي: امييييييييين بس متى يجي
                  طلعو لقو احمد وخالد جالسين يسولفون
                  ركبو السياره بهدوء
                  احمد: ها وشلون حليتو
                  ما قال الكلمه من هنا الا بدى الصياح من هناك
                  احمد خاف انه قال شي غلط: وش فيكم وش فيكم ما حليتو
                  وزاد الصياح
                  مي ودموعها اربع اربع: حسبي الله عليهم الله ياخذهم ما حليت ما حليت بسقط
                  في تكمل معاها: وانا بسقط بعد الله حسبي الله عليهم
                  احمد مرتاع من الصياح ما يقدر يتحمل:طيب خلاص اكيد حليتو انتو مذاكرين
                  مي واهي تصرخ: اييييييييييييه مذاكره مذاكره ولاشي من اللي شرحته جا الله يخذها معاهم
                  احمد: هدو بس انتو خيره خيره
                  في: أي خيره خيره اننا نسقط انت بعد سق وانت ساكت
                  احمد اتبع النصيحه وسكتت طول الطريق واهو يسمعهم يشاهقون وكل شوي الصياح يزيد بدال ما ينقص
                  وصلو البيت وكل وحده راحت غرفتها تكمل مناحتها....
                  سياره خالد.......
                  خالد: ها وشلون اختباركم
                  نوف ودها تصيح ماسكه نفسها: زين زين بس انت اسكت ما ابي اتكلم
                  خالد: ليش عسى ما حليتي ترا بتسقطين اهم شي الرياضيات
                  نوف سمعت كلامه وسوتها مناحه: لا ماحليت بسقط يا حسافه دراسه 12 سنه يا حساافه
                  خالد خاف تورط وش يسوي اهو اللي جاب الكلام لنفسه: لا استهبل معاك لو حليتي زين في كل المواد خلاص تجيبين نسبه تجنن بس ذاكري زين
                  نوف تصيح وما ترد عليه
                  مرت الايام على هالحاله يوم اصعب من اليوم اللي قبله الاسبوع الثاني من الاختبارات كان اسهل
                  كانو يظنون ان الرياضيات كان صعب يعني الباقي بيكون سهل بس كانت المواد العلميه كل ماده اصعب من اللي قبلها بس صار عندهم تبلد مشاعر
                  اخر يوم كانت الساعه ثلاث الفجر والبنات فالينها يذاكرون على راحتهم
                  مي واهي تاكل دونات وتشرب عصير تفاح: ما اصدق بكرا اخر يوم ما اصدق
                  نوف كانت على التلفون: ولا انا بسوي ببكرا عرس بطلع من القاعه وازغرط
                  مي: اتحداك
                  نوف: لا تتحدين اسويها الا وين اختك
                  راحت المجلس تذاكر طفشت من غرفتها يله نوفه اشوفك بكرا وش بتسوين
                  نوف: ههههههههه اوكي نشوف مع السلامه
                  مي : مع لسلامه
                  ...كانت تعبانه وفيها نوم اسبوعين مالقت نفسها الا نايمه على الطاوله اللي قدامها من دون ما تحس....
                  طوووط طوووط طووط طووط...
                  في قامت تناظر جوالها اللي حمدت ربها ان ساعه الجوال تدق كل يوم على الساعه 4ونص
                  قامت مرتاعه باقي لها كم درس ما ذاكرتهم طارت تشوف مي وينها
                  لقتها نايمه على الطاوله حقت الاكل ملزقه كرسين جمب بعض ونايمه كتاب مفتوح عصير مشروب منه نصه
                  علبه دونات كبيره كل نوع مأكول منه شوي
                  يتبع>>


                  تعليق


                  • #10
                    رد: قصه حسبتك عديم الاحساس وصرت لي كل احساسي الجزء التاسع

                    تابع>>>
                    ضحكت عليها ورحمتها شكلها كنها متسوله
                    في تهزها: ميووو قومي يله راجعي شوي ونروح المدرسه
                    مي تحاول تفتح عيونها بصعوبه: ها يله خلصتي انتي
                    في ماسكه كتابها في يدها: لا ما خصلت باقي كم درس
                    مي شهقت:هييييييييي وانا بعد يله بروح اتحمم والبس واجلس اذاكر
                    في: وان بعد ما اصدق اخر يوم عرررررررس
                    مي تمشي تفرك عيونها وتهز خصرها: برقص برقص
                    *****في كندا****
                    زياد كان جالس يجهز شنطته يودع الشقه اللي احتضنته سنين فيها الحلو وفيها المر هنا كان يدرس وهنا كان ياكل
                    هنا يجلس يسولف مع محمد
                    راح يمشي بخطوات ثقيله للبلكونه يتفرج اخر مره يشوف هالمنظر الناس تمر ناس تسوي رياضه وتركض اثنين يحبون بعض جالسين على هالكرسي
                    ناس تشتري خبز من المخبز اللي في الزاويه منظر ما ينسي احلى ذكرياته واحلى ايام عمره عاشها هنا
                    على كثر ما كان يفارق هالمكان على كثر ما حزن وحزفي نفسه انه يفارقه جمع اخر ذكرياته وحمل شنطته وسلم على محمد
                    محمد : مثل ما قلتلك اذا وصلت طمنني
                    زياد واهو يحضنه: من عيوني انتبه لنفسك وذاكر عشان تنجح وتلحقني بسرعه وتعرس وتفكنا مو تسقط اعرفك كسلان لازم الواحد يلاحقك بالكتاب عشان تذاكر
                    محمد:هههههههههههههههههه لا لاتوصي بذاكر يله انتبه لنفسك عاد
                    زياد: فمان الله والله راح توحشني ياولد
                    محمد: وانت اكثر اقول روح قبل ما اسويلك فيلم هندي هنا الحين
                    زياد: لالالا الا افلامك تجيب الهم
                    محمد:هههههههههههه اجل فارق
                    زياد: مقبوله منك فارق فارق مع السلامه
                    محمد: متاكد ما تبي اوصلك
                    زياد: ما ابي اتعبك
                    محمد: تعبك راحه يله بس تعال
                    ركبو وراحو المطار.....
                    &&& في المدرسه&&&
                    نوف نفذت وعدها وقفت عند باب الاداره.كلوووووووووووووووووووولوووووش
                    والبنات ما صدقو كل بنات ثالث كملو معاها:كلوووووووووووووووووولووووش
                    نوف:هههههههههههههههههههههههها ي استانسو يا بنات افراااج
                    هيييي
                    البنات:هييييييييييييييي
                    مي: والله كفو بنت عمي سويتيها
                    نوف تسوي حركه بشعرها: انتي مو عارفه انا مين انا نوف بنت عبدالله وهياا افااا عليكم بس
                    مي: يله بس خلينا نروح البنات كتبو على ملابسي لحد ما شبعو
                    في طقوس يسونها البنات في نهايه كل سنه يكتبون ذكرياتهم على ملابس بعض
                    وحده تكتب على تنوره صديقتها والثانيه على بلوزتها..
                    نوف: يله وش رايكم نطلع نتغدى في مطعم بهالمناسبه
                    مي: لا واحنا كذا اشكالنا
                    نوف: وش فينا نجنن
                    مي: شوفي وشلون شكلي من الحر
                    في: انا بروح ما علي لو اني ماشيه بخيشه بروح بروح
                    مي بستسلام: معاكم وش نسوي بس تتوقعون يرضون يودونا
                    في: مو بكيفهم مو بكيفهم غصب احنا ثالث وتونا مخلصين لازم يدلعونا شوي
                    نوف: وانتي الصادقه يله نطلع
                    ***احمد وخالد واقفين يستنون كالعاده***
                    مي: حمود نبي نتغدى في مطعم
                    احمد: لا مافي
                    في تهمس في اذن نوف : شوفي وش بسوي
                    نوف ما تدري وش الطبخه
                    في: حمودي طيب نوف مشتهيه تتغدى الحين
                    احمد سمع الاسم من هنا: يله مشينا
                    الكل:ههههههههههههههههههههههههه
                    نوف استحت الفتره اللي راحت كانت الامور بينهم هاديه يمكن احمد متحكم بتصرفاته يستنى جوابها بعدها يرجع احمد اللي تعرفه بس
                    نوف" اه يا احمد لو تدري بس صعب صعب"
                    ركبو وراحو يتغدون بالمملكه....
                    كانت زحمه وكلها بنات نوف ومي جالسين معصبات وفي اهي الوحيده اللي موسعه صدرها
                    في: وش فيكم انتو الثنتين مادين البوز
                    نوف على اعصابها: ما فيني شي
                    مي: وانا بعد
                    في: الا علي وش فيكم اقول تعالو نجلس على ذيك الطاوله حلوه..
                    جلسو..
                    في: يله قولو وش فيكم
                    مي تكلمت: شوفي البنات وشلون يناظرون احمد كلووه بعيونهم
                    نوف: وعينها على البنات يناظرون خالد يتكلمون ويضحكون بصوت عالي ويغمزون له واهم ما عطوه وجه..
                    في:اقول انتي وياها منقهرين على اخوانك كذا اجل اجل رجاجيلكم وش بتسون فيهم بتعلقونهم بالسرير وتطلعون وتخلونهم خخخخخخخخخخ
                    نوف: هه ما تضحكين اقول اسكتي بس
                    خالد كان واقف يطلب عصير له ولنوف....
                    جاه صوت من جمبه: الاخو هنا اجل
                    التفت على مصدر الصوت تفأجأ من وقاحته: هذا انت
                    وليد: ايه انا وش عندك
                    خالد: انا مو قايل لك ما ابي اشوف رقعه وجهك مره ثانيه احمد ربك اني ما بلغت عليك
                    وليد يبي يستفزه: ما بلغت لانك ما تقدر تفضح بنت عمك
                    خالد: لا تصير واثق انا اذا حطيت احد في بالي اجيب راسه الارض ومو احسن لك احط في راسي
                    وليد : اوعدك اني اانا اللي بجيب راسك الارض
                    خالد:هههههههه حلوه ياالاخو روح العب بعيد مو خالد اللي ينقاله هالكلام اعرف من تكلم
                    وليد انقهر من ثقته بنفسه: نشوف يا خالد ياولد عبد الله ما اكون وليد ابن عبد الرحمن ان ما خليتك تندم على كل اللي سويته تشوف
                    خالد: اقول فارق لااخليك ما تعرف تشيل نفسك من الارض
                    وليد سحب نفسه واهو يتوعد في خالد: نشووف نشوووف
                    بعد ما تغدو راحو البيت البنات رقو يرتاحون ما صدقو لحد الحين انه اخر يوم اللي راحت ترقص لانها حالفه
                    واللي راحت تجلس على الانترنت...
                    جلس بتعب في الصاله يتفرج على التلفزيون كان مقصر عليه لان امه جالسه تكلم بالتلفون
                    لاحظ في شريط الاخبار
                    وبعدها صرخ من دون احساس:لااااااااااااااااا


                    تعليق


                    • #11
                      رد: قصه حسبتك عديم الاحساس وصرت لي كل احساسي الجزء التاسع

                      [align=center][align=center][table1="width:95%;"][cell="filter:;"][align=center]يااااساااااتر لا يكون زياااد فيييه شي ...

                      تاااااايم قصه ,, لوووووووول ابي اصير ماك جكن هههههه

                      ودي واحترامي
                      دموووع
                      [/align]
                      [/cell][/table1][/align][/align]
                      [align=center]



                      http://www.shbab1.com/2minutes.htm[/align]

                      تعليق

                      يعمل...
                      X