(&يكـــــرهكـ نصفي ونصفي فيكـ ذايب&)

[همـس]

يبه وينك ؟؟
عسى الداعي يبه بس خير ؟!! عساك بخير .... مداين تكرم لعينك ...
بس ارجوك علمني ...
علمني .. يبه وينك ؟؟
سألت امي عن رجوعك ... ولا كني اعرفك وين !!
و قالت .. ما يدوم الزين !! ... و انا .. عندي امل للحين ..
في رجوعك !! .... يبه بس تكفى علمني ....
متى رجوعك ؟؟ .... يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك
يبه وينك ؟؟
سألت امي ...... غيابك طال ؟؟
ولا كنّي اعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. انا عندي امل للحين !!
سؤالي عنك يالوالد .. صار كما الموال
و اشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟
انا اشوفك نهار و ليل ...
في وسط المجلس تصلي .. و تدعي الرب ييسر لي ..
يبه ..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!
يبه .... وينك ؟؟
و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..
و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ... و لكن البلا من جرح ..
نزف فرقاك ... بليّا دم !! ...
و هذا الفرق في جرحي ... عجز يلقا الدوا دكتور .. انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما
تـلتم ..
بس عندي امل للحين !! ... و لا كنّي اعرفك وين !!

يبه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ....

يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف ..
الا يا حيف .... الا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!

يبه وينك ؟؟
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..

يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!

يبه تذكر شطانـتـنا ؟؟
انا و اخواني و اخواتي ... معانا عيال حارتنا ..
نلعب في زوايا البيت .. يبه ... والله انا حنيت ..
لذاك الوقت في وجودك ... الا يا ريت ... الا يا ريت ...

ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!

يبه امي تذّكرنا ... بأيامك قبل ما تروح ... تناديها.. يا روح الروح ..
تغازلها و تنظر لك .. مثل طفله ... ملامحها عشق مفضوح ...

في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار
نحبك يا يبه ... ارجع .. مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يبه ارجع !! ... اذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..

لكن قلّت الحيله ... و يمكن مـ البطا ضاعت ..
و قلنا يوم !!

يبه سامحني بترخّص ... قبل ينشف حبر الأقلام .. كلامي بعده ما خلّص ..
و لكن موعد الأحلام .. حان ..
ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! .. و برجع اسألك وينك !!

بس لازم تجاوبني .. ترى عندي امل للحين !! .. و لا كني اعرفك وين ..!!

يبه شلونك ؟


ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يايبه..

ملل هالكون من دونك..
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::
اليوم اللي بعده ....السـاعه ... 2 الظهـر
<<بيت ابوعبدالله
خالد توه جاي من الشغل: تقصد بعد العصر؟
ابوعبدالله: لالاعلى المغرب احسن
خالد: خلاص صار ان شالله
محمد: مبروك مقدما
خالد: الله يبار فيك
ام محمد:الله يعيننا عليك انت بعد
محمد: ايه والله الله يكون بعونكم انا مزعج
خالد: اهم شي انك عارف نفسك
ريناد: غلا.... ماعندها خوات شي نفتك من محمد مره وحده؟؟
غلا: ههههههههههه لالااصلن بيشوفون محمد بيطردونه على طول
محمد: ليه؟؟ باكل بنتهم انا؟
غلا: ههههههه لا
محمد: اجل؟
غلا: صغير
محمد: مانيب اصغر من تركي
ام محمد: وانت حاط تركي شماعه
محمد:ابي اعلمكم كيف انتم ظالميني
ريناد: افتح موال زمرده الحين
محمد: هههههههههههههههه !!
خالد: اللا غلا ابسألك انتي متاك داقه عليهم
غلا: امممممممم قبل امس تقريبا ... على انهم قالو بيشوفون بس احسن اخطبها رسمي
خالد: ووش قلتي عنني ؟
غلا:قلت انك مومتدين مره ...ولامره رايح فيها امممم تكلمت عن شركتك طبعا ودراستك برا اعطيتهم اشيا عن شخصيتك ..بس شكلهم يعرفونك من قبل ماشفت صعوبه عشان اوصل المعلومات هههههه
محمد: وش رايكم نروح لبيت خالتي ام نايف اليوم
ريناد: ليه؟
محمد: بس كذا اشتقناله
غلا: اشتقت له ول اللي فيه؟
محمد: ايه والله خالتي ام نايف من زمان عنها
ريناد: هههههههههههههههه العب على غيرنا
خالد واول مره يتدخل في سالفه فيها مزح: ليه ؟ وش يقصد ابو الشباب؟
غلا: اساله ويعلمك
خالد: طلع وش اللي ببالك
محمد متورط: مدري عنهم اهم اللي يتكلمون وانا اقصد خالتي
خالد يوم حس انه منلحس قرر يسكت
ريناد: طيب يلله تودينا؟
محمد: والله اني داري انك اكثر وحده بتتحمسين
ريناد: وليه ان شالله
محمد ووده يعرف وش وصل معها نايف عشان يكمل خطته: غلوو تجين معاي؟
الكل التفت عليها
غلا: هاه؟ لالااصلن وراي اشيا ابسويها ماعندي وقت اروح
محمد: ونايف ترا صار لك فتره ماشفتيه
غلا: لامارح اروح
ريناد: روحي والله احسن لك
غلا انحرجت ونزلت راسها اول مره يحسون انها ممكن تنحرج بها الشكل
محمد: خلاص براحتك اذا ماتبين ..انا ابروح اللي بيجي معاي يجي
ريناد: انا اانا ابروح
ساره: لاتنسون تجيبون افلام من عند الوليد ومنصور
محمد: ووش تبين طيب؟
ساره: امممممم أي شي غير الاكشن والافلام المصريه تراني مليت
محمد: هههههههههههه معليش اتوقع هذا كل اللي عندهم ول وش تبينهم يطالعون
ساره: اسأل طيب
محمد: اوكي راح اشوف لك..يالله ريناد انا ابطلع
ريناد: انتظرني بس اغير ملابسي
محمد: لالامانيب منتظر ابستناك عند الكراج ..وان ماطلعتي مشيت
ريناد: طيب طيب ...ابروح الحين
ابوعبدالله: محمد اللا وين نايف ماعاد اشوفه ؟؟
ام محمد: والله هذي ام نايف مره مضيق صدرها هالولد
ابوعبدالله: ليه ؟
محمد: صاير يطلع ويسهر واجد ...ولاعاد يجلس بالبيت كثير
ام محمد: الله يهداه صاير مقصر مره بحق امه
غلا في نفسها((لالامومعقول هذا نايف اللي اعرفه اكيد واحد ثاني...من متى ونايف يرمي امه ؟ اهو لازم يسألني عن امه قبل ...ولايعرف السهرات ولايعرف شي ...التدخين ومشيناها ...طيب الاشيا الثانيه ليه يتغير على كل اللي حوله ؟..نفسي افتح قلبه واعرف اللي فيه)) رجعت لهم واسمعت باقي الكلام من محمد

محمد: ايه متغير حتى معانا ...ام نايف تذكرين ياساره يوم كننا معاها؟
ساره: متى؟
محمد يغمز: يوم كننا ببيتهم
ساره عسانه غمز ول ماتدري وش يرمي له: ايه
محمد: كانت تصيح من نايف تقول جلوي اهو اللي متولي كلش ونايف ناسي مكانه مره
ابوعبدالله: لالاان شالله فتره وتعدي
محمد: امس الشرطه جايينهم للبيت وطالبين نايف يقول طول معاهم وماجا للبيت اللا متأخر
ساره: افا ليه ؟
محمد: نايف متهم بقضية مخدرات
ام محمد: نعم مخدرات؟؟
محمد بخوف: ايه ...
ساره: بذمتك محمد
محمد بتردد: ايه ...
غلا شكلها كان مصدوووم من كل اللي تسمعه ودها تسد اذنها ولاتسمع ودها تموت قبل هاليوم ..ابوعبدالله استغبر صمتها حب انها تكون معاهم ..وبالذات ان السالفه تخص نايف والمفروظ ان غلا تدري عن كل هذا
ابوعبدالله : غلا...ووش صار معاه مع الشرطه ؟ ول ماعلمك
غلا بضيق وتحس انه يسالها عن احداث فلم ماشافته : ماعلمني ولاابي ادري عن شي
محمد حس انه مذنب بها الضيق واهو الوحيد اللي قاعد يقرا ملامحها المقهووره الحزينه
((يالله ياغلا الله يكون في عونك ))
سكتو كلهم متفاجئين بردها
محمد ينغزها: وليه ماعلمك طيب؟
غلا: مدري مدري عن ولد خالتك هذا مادري عنه
ريناد وساره بس يطالعون فيها وخايفين تطلع كلمه منها بالغلط لأنها كانت معصبه ...
محمد: ليه مب زوجك؟
غلا:............................... ماقدرت تكلم قامت من المكان وطلعت ودمعتها بوسط عينها .... مالها اللا الجوال تحاول فيه يرد عليها .....
ابوعبدالله: وش فيها اختكم؟
ساره: مادري عنها متغيره هاليومين مدري ليه
محمد(سامحيني ياغلا والله عشانك ..))
.................................................. .................................................. ............................................
دخلت غرفتها وودها تكسر كل شي قدام طريقها .... مسكت الجوال وحاولت تتصل لكن ماينفع اتصلت اول مره مارد عليها ثاني مره اعطاها مشغول والمره الأخيره قفل الجوال ....
يعني مالها غير المسج كتبت له
((تكفى يازوجي ...لاعاد تصدمني اكثر من كذا ..كافي صدمات ..تدخل للمخفر ولاتعلمني باللي صار لك ؟ الله

[همـس]

يسامحك الله يسامحك ))
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::
رجع فتح جواله مره ثانيه وكان بالبيت لأنه متأكد ان غلا ارسلت الحين ... على الاقل ماينحرم من اسمعا بالصندوق الوارد
عقد حواجبه ....مخفر؟؟ومن قال اني داخل مخفر؟؟؟؟؟
جلس له فتره يفكر ...وبعدين قال اسأل محمد واشوف يمكنه سوا شي
نايف: الو
محمد بعد ماطلع من الصاله: هلا نايف
نايف: شلونك
محمد: بخير الله يسلمك انت شخبارك؟
نايف: ابد ماهنا خلاف
محمد: اقول مااوجعتك اذنك من شوي؟
نايف: ليه؟
محمد: اسف حشيت فيك من شوي قدام الوالد والوالده واخواتي وغلا بعد
نايف: ووش قايل؟
محمد: حطيتك اكبر حقير بالدنيا ...مهمل امك ومهمل البيت ...وضعيف وراعي سهر ...وراعي خرابيط
سامحني اني كذبت وشوهت سمعتك
نايف: اللي يهمني ووش ردة فعل غلا؟
محمد: شكلها متضايقه حتى اعطت ابوي رد غريب وقامت لغرفتها
نايف: اشوفها مرسله لي اني انا بالمخفر ومدري وش
محمد: ايه نسيت اعلمك قلت انك متهم بقضية مخدرات ...والشرطه جايينك امس الليل
نايف: اوووووف مااتفقنا وين شايفني سعد؟
محمد: وش اسوي في اختي شكلها مره متعلقه فيك
نايف: قلت اني مفحط طيب؟
محمد: مارح يصدقون انا الحين ويالله ابرعت بالمثيل خايف وانا اتكلم ...ومتردد وتجيني اسألة ساره وريناد ...ليه وكيف ووشلون ...ارتبك اكثر
نايف: وغلا وش قالت؟
محمد: كانت ساكته ومتضايق فجأه ابوي دخلها قال لها وش سوا نايف مع الشرطه قالت مدري ومابي اعرف ..وقامت وقالت لي ولد خالتك وماولد خالتك نسيت بالضبط المهم انها مععصبه
نايف: دقت علي تدري اتصلت ثلاث مرات وبعدها ارسلت ... حسيت اني حقير يوم مارديت
محمد: يالله هذي قسمتكم وش تسوي ...وسامحني يانايف
نايف: انا اللي اقول لك مشكور ...والله ووقفت معاي ...اهم شي ان ابوك كان موجود عشان يتقبل فكرة الطلاق اكثر
محمد: ايه كلهم منصدمين لدرجة انهم مايتكلمون سكتو وخلوني انا اكمل
نايف: يالله سمعتي انا بتروح وطي ... وكل شي بيضيع من يدي
محمد: تبيني اكمل على كذا؟
نايف: ايه ...بس علمني قبل ياخي انلحست مع المسج بغيت اتصل اقول وش السالفه
محمد: ههههههههههههه خلاص اعلمك وانت مثل على ابوي واخواني
نايف: اييييه يصير خير..والله كله عشان غلااااي
محمد: ووش لونك الحين مازلت متضايق
نايف: ليه فيه احد يبعد زوجته وحبيبته عنه ...بتمثيل ؟ ..واهو متعذب اكثر منها ويرضى؟
محمد: يعني مافيه امل تبقون لبعض والله لاحالك ولاحال اختي يسرني
نايف: للأسف...والله ولاانا مانيب راضي اني اخلي غلا كذا بس مابيدي غير هالطريقه
محمد: شكلها بدت تكرهك شوي ...من شكلها وانا اتكلم عنك عاد انا احاول ابين لها قد ايش انت متغير ... وتسال عنك كثير
نايف: تتزوج غيري وبتنساني
محمد: الله يعينكم
نايف: يالله اجل تامرني بشي؟
محمد: سلامتك
نايف: اللا ورا ماتجي عندنا؟
محمد: اشوف يمكن اجيكم ويمكن لا على حسب
نايف:طيب يالله اجل حياك ..ومع السلامه
محمد: الله يحيك ..سلام
محمد سكر والتفت على ريناد اللي جنبه بالسياره
محمد: جيتي؟
ريناد: من زمان وانا انتظرك
محمد: يالله اجل مشينا
ريناد: محمد ابسالك الحين صدق اللي تقوله اليوم عن نايف
محمد: هاه؟؟ وشو؟
ريناد: اقصد انه متهم بقضية مخدرات؟
محمد: ايه ....اجل امزح
ريناد:ل ابس ماتوقعت
محمد: ايه هذا نوقعي منه كل شي متغير
ريناد: طيب هذا الوليد مات ابوه ولاتغير
محمد في خاطره يووه ياذا البرائه اللي عندها: كل واحد يختلف عن الثاني ولاتنسين ان نايف اكبرهم
ريناد: طيب ووش ذنب غلا يتغير عليها؟؟ والله مسكينه حالتها صعبه
محمد: ليه قالت لكم شي؟
ريناد: لابس مره شفتها ترمي اللي حولها وتصارخ وتصيح كنها مجنونه ...يوم سالتها وشكلها جاوبت وتحسفت يعني من غير قصد ...قالت لي نايف مايرد على اتصالاتي مدري ليه..طيب ليه وش دخل غلا اذا اهو راسب وماعنده شهاده وابوه مات ونفسيته تعبانه ؟؟
محمد: مدري عنه متغير معنا كلنا اذا امه مافيه خير معها اجل وشتبينه يصير
ريناد: لابس مستحيل نايف اخلاقه عاليه مثل ابوهم الله يرحمه حتى الوليد ببعض تصرفاته يذكرني بنايف نشمي وخدوم ورجولته رجووووله
محمد: ريناد الدنيا تغير ...انا ابي اسالك عن غلا
ريناد: مدري دايم تتكلم مع ساره ..وتتجلس بغرفتها ..تعرف غلا كتومه مره وبالذات بها الامور
محمد: تحسين انها بدت تحقد عليه ول تكرهه
ريناد: اممممم مدري مدري
محمد: اها طيب يالله وصلنا
نزلت ونزل معاها
واول من قابلت حبيب القلب الوليد ههههههههههههههه ...محمد تنح فيهم مستانس على الكليبات
الوليد منزل نظارته ...:ريناد؟؟
ريناد: اهلييين الوليد
الوليد: وانا اقول وش فيها الحاره منوره .؟
وسلمو على بعض ومسك يدها ودخل معاها للبيت
محمد منلخم: هي هي يابو الشباب ..يالنسيب هههههههههههه تراك ماسلمت علي وبعدين خل اختي بحالها اعصابك
الوليد يسلم: خخخخخخخخ الحين مو تقول النسيب ووش لوني تبيني اخليها القمر لحاله
ريناد انحرجت واسكتت.....
الوليد يبي يصرف محمد: ريناد جبتي معاك الاي بود؟
ريناد: معاك مو عندي ..لايكون ظايع؟
الوليد توهق: اها اللا اللا صح نسيت
ريناد: متأكد ول مضيعه؟
محمد: هههههههههههههههههههه ماله داعي تصرفني ابمشي ..بس علمني اذا فيه اخواتك داخل ول لا
الوليد استحى: لالاماصرفك...لاماقبالك احد
محمد: عيال خالتي ام نايف من عرفتكم وانتوماقبالك احد ومستحيل ادخل وماالقى احد
دخل ولقى قباله قفص كبير داخله كلب
محمد: اوف..! كلب؟ حق مين؟
الوليد: هذا لخالد ولد جارنا سافر وخلاه عندنا
محمد: هههههههههههه فله جيبه جيبه
الوليد: طيب
ريناد: لايمه اخاف
محمد: اجل وشو له انا ابطلعه
لحق الوليد وطلعو الكلب من القفص
ريناد خافت وعلى طول دخلت داخل البيت ......
الوليد: ههههههههههههههههه محمد تكفى الحقها بالكلب
محمد: ادخله داخل؟
الوليد: منها تنحش هالبنات ويوخرون عن وجهك
محمد: تعجبني
ريناد خلت داخل وسلمت وبسرعه علمتهم
مشاعل: امانه طلعوه؟
ريناد: والله ترا محمد يسويها ويدخله داخل
ماامداها تكلم اللا والكلب بيده قدامهم ثنتينهم ...وحده وقفت بغبااء فوق الكنب والثانيه طارت فوق من الدرج
للاسف االلي على الكنب كانت مشاعل
مشاعل: يمه لاتكفى وخره عنني
محمد ميت من الضحك ومب قادر يتكلم
وامداه يطالع مثل مايبي (( وانا ويني عن هالاشكال من زمان ...اووف احلى شعور لما اشوف بنت خايفه من حيوان هههههههههههه))
ريناد : يمه يانذلكم يالسعودين ليه كذا طلع الكلب برا
الوليد: يالخوافه انزلي
محمد واهو يلف بيعطيها ظهره ومايت ضحك: اخم شي الموقفه فوق الكنب
الوليد شاله ووداه على طول عندها مشاعل قامت تصارخ وراقت فوق مع ريناد ...وقامو يهزؤون بالوليد ومحمد الخبلان واهم فوق
ريناد: مجنون لايقول بعد زوجوني مالت عليك بتجلس تخوف بزوجتك
محمد: يالله بس يالله اعقلي ...
الوليد: ههههههههههههه حلو طقاقكم
مشاعل: يمه شافني اخوك
ريناد: يختي خلاص مل منك صار مايستغرب ولايجنب بسرعه تعود عليك ههههههههههههه
مشاعل حست بنظراته الحاده ي غريب وكأنه يبي يجذب انتباهها
جلوي: هلااااامحمد هنا؟
محمد بعد ماقطع عليه ضحكه: هلاوالله جلوي وشخبارك؟
جلوي: ابد الحمدلله وش هالضحك عندك انت والوليد
الوليد: مدخلين الكلب على البنات
جلوي: خخخخخخخخ زين انك جيت وفرت علي مشوار كنت ابي اجي عندك
محمد: ليه
جلوي: ابروح عند خويتي
منصور: اعصابك صارت خويتك الحين وقبل تصرفها
جلوي: بس العب على نفسي يالله تجون مععي؟
محمد: قداااااااااااام
ركبو الوليد ومنصور وجلوي ومحمد وراحو لشارع العليا
جلوي يدور بالسياره ويحاول يدقق باللوحات
محمد: انت تذكر سيارتها؟
جلوي: ايه لمبرقيني ازرق ولوحتها منى
منصور: اووف شكلها كااش!
جلوي: والله مايندرى عن هالبنات
الوليد: لقيتها شفها قبال محل النظارات
جلوي: يالله شكلي زين؟
محمد: اقول انطم وخلص مهمتك وخلنا نكلمل دواره
الوليد: ابنزل معاك
جلوي واهو نازل : لالاوش ينزلك ويننا فيه
قابلها كانت لابسه مااقول لكم عبايه اللانصف عبايه لان الجزء اللي قدام من جسمها طالع
العبايه ضيقه ...ولابسه جينز ولبوزه مخططه وفوق سلاسل كثيره ..... كانت متلثمه شافت جلوي فكت اللثمه ....وابتسمت له ...
الصراحه جلوي ماقدر يقاوم اهو مب من هالانواع اللي على طول يخربها بس تذكر كلام منصور والوليد(البنت قاطه نفسها عليك ..وش اللي يخليك ماترد عليها...بس والله ملاك هذي ...ماشالله سحبت لي عقلي خلتني اسهى فيها))
كانت عيونها وشيعه ومركبه عدسات لونها رصاصي وبيضا وحاطه جلوس احمر ...جلوي بس يطالع بشفايفها وشوي يحول على الجسم وشوي على العيون مضيع مسكين
منى: هلاوالله كيف حالك اخوي جلوي؟
جلوي: ابد الحمدلله
منى: الله يهداك ماترد على اتصالاتي ...ع العموم كيف ابعطيك الباقي واحنا هنا انا حاجزه بكوفي موجود
جلوي : لالاانا جاي أي خذ الفلوس وامشي ..معليش
منى: امممممممممم (عقدت حواجبها) مين هذولي اللي معاك؟
جلوي: اخواني ..
منى: ههههههههههههه شكلك مره مرتبك يالله مانطول ول مااحب اقابل احد بشارع واعطيه على طول لازم كوفي ول أي مكان اعزمه فيه بس دامك مشغول(وطلعت شنطتها gess وفتحت البوك الميان وعليها يد ملياانه خواتم ...واصابع طويله بيضا وناعمه ...مدت له الفلوس ..واهو متنح معاها مازال حاس ان باله مشغول على انه كان مخطط مايعطيها وحه ابد ..
منى: تفضل واسفين على الازعاج
جلوي: مشكوره ..
منى: فرصه سعيده ...اخوي واتمنى ماضايقتك قبل
جلوي ومب قادر يتكلم: فرصه سعيده ...سلام
منى: باي
رجع وركب مع الشباب
محمد: ههههههههههه خاق معها شكلك
منصور: ايه الله لايلومه انا على بالي شينه من كلامك عنها
جلوي: ايه والله خقيييييييييت معها
محمد: اووف جلوي يخق؟ مستحيل وين البرستيج اللي اول هههههههه
الوليد: موووووووووح (يعطي بوسه بالهوا)حلوه هالبنيه هات لي رقمها
جلوي: لاخلاص انتهى امرها واعطتني الفلوس وش تبي بها
الوليد: اقول لاتقعد تسوي لي حرككات نايف العاقل واعطني الرقم
جلوي: لامافيه خلاص
محمد: كان سألتها كم وزنها
جلوي: نعم؟
محمد: ايه والله ابي زوجتي نفس هالجسم مره حلو
جلوي: ههههههههههههههه تخيل اسألها كان اروح بهاالشنطه اللي معاها
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::
<<في بيت راشد طبعا راح عبدالله وخالد وابوعبدالله بيخطبون له ...مااقدر اخفي عنكم وش كثر فرح ابو البتول فيه .....
راشد: هذي الساعه المباركه ول انا من وين ابلقى مثل خالد بن سلطان
خالد: الله يسلمك ياعمي
راشد: المفروظ ماتسألني ولاتاخذ برايي اقول لك موافق وانا مغمض ههههههههه
خالد: الله يسلمك ماعليك زود .
راشد: والله لنا كل اللشرف اللي نناسبكم يابوسلطان
.................................................. .................................................. .................................................. ...
طبعا البتول بنفس مكانها قبال الشباك تطالع بالرايح والجاي ...لمحت الرانج حق خالد ...قامت ترتجف ..
(يمماه اكيد ان نواف الخبل ..قال لأبوي شي وخالد جاي يشتكي لأبوي يوقفني عند حدي ...ياقرادتك يابتول مع هالخالد ..مدري متى بيفهم اني احبه ..)

[همـس]

كان تروح وتحي من الخوف ان درى راشد رح يعصب وبالذات خالد موب حلوه تسوي أي تصرف يأثر بعلاقته فيه وخاصه انه ممتن له كثير يعني لولا الله ثم خالد كان راحت البتول الحين …
قامت تصرقع باصبابعها من الخوف وكل شوي تروح وتجي تشوف من الشباك اذا هم راحو ول لا
(يووه شكلهم مطولين شكله يشرح لأبوي بالتفصيل وش اللي اسويه بشركته ..بس الله ياخذ الشيطان ياانه كشخه لاسياره ولاشكل ولاستايل كله على بعضه يذبح ..بس ليته يعبرنا شوي)
…جلست لها خمس دقايق على لعبت الاعصاب هذي …
سمعت صوت امها تناديها
…:يالبتوووووووووووووووووول!!
بتووووووووووول!!
البتول: هلا يمه طيب طيب
(يمه وش تبي فيني الحين اكيد بتخانقني ..!!)
الام:تعالي ساعديني في المطبخ ابوك عنده رجال
البتول : ان شالله
واهي بالمطبخ فيها الصيحه من التوتر
الام: تدرين مين جاينا الحين؟
البتول: مين؟
امها: خالد تذكرينه؟
البتول: خالد ؟؟…اها ايه …(ياربيه ناقصه انا الحين)
ماتدري ليه اهو جاي لأن غلا كلمت ام البتول ومتعمده ماتفاتح البتول بشي
البتول: خلاص يمه قضت القهوه
الام: حطيها على الطاوله الين مايجي ابوك وبياخذها
البتول: اممممم يمه
الام: هلا؟
البتول: متى بيطلعون الرجال؟
الام مبتسمه: مدري اكيد بيطولون
البتول وجهها انقلب الوان ….وراحت جري لغرفتها
(الله ييسامحك يالحقيير يانوافووووه انا اوريك انا اوريك )
البتول: الو
نواف: هلا البتول
البتول: ياحقير ياحيوان ياوصخ ياماصل يابايخ ترا حركتك هذي مالها داااعي
نواف: هيه ..! انتي وش تبين؟ وش مسوي لك اانا ؟ قاتل امك ؟
البتول: كان اهون (بحده )…ليه تعلم ابوي بسوالف خالد؟ اتوقع مب ناقصين مشاكل ..وبعدين لاتسوي لي فيها الأخ اللي يخاف على اخته …بعد عن طريقي احسن لك
نواف: ليه جاي عندكم خالد؟
البتول: انا اهزء وانت ماخذ الموضوع ببرود
نواف: جاي عندكم؟
البتول:للاسف ايه وياليتك تلحقه عشان ادخل انا وياك بمعركه دمويه اشوف اخرتها معاك
نواف يضحك في نفسه داري انه جاي بيخطبها ..بس ماحب يقول للبتول شي خلاها على عماها
البتول: انت وينك يالحقير
نواف: يختي مديري ومااحب احد يزعجه ..مافيه غير ابوك …اعلمه ..
لبتول: وش قلت له؟
نواف: وش ماقلت له؟
البتول قامت تصيح من القهر: انت ليه دايم ضدي ..ياخي انا وش سويت لك وبعدين خالد ماعليه منني مارح يضرني وش مصلحتك تجي تتدخل تقول لأبوي هاه؟… يعجبك كذا اطيح من عين ابوي .؟؟؟ نواف ترا ان كبرت المشكله وتعرف ابوي مايحبني ادخل بها المواضيع …والله والله لأخرب كل اللي تبنيه يانواف والله …تعرفني ان جيت انتقم تراني ماارحم ..هين يانواف .(شهقت
نواف ارتاع طيب بس ماتوقع الموضوع بيصيحها بس قام يضحك عشان يقهرها شوي : مدري هذي نتيجة افعالك يالله يالله باي هههههههههههه بااااااااااااااااي البتول
البتول: اكرهك …باي
سكرت منه وخلاص جاوقت الصياح لأنها الحين تأكدت انه جاي يخلص حساباته مع ابوها ياربيه وش وجه ابوي قدام الرجال الحين …. خلني اتصل على غلا
البتول: الو هلا غلا
غلا: اهليييييييييييين البتول اهلين
البتول: شخبارك؟
غلا: تمام انتي كيفك؟
البتول: الحمدلله بخير ..وشخبارك انتي وكيف الاهل ووشلون نايف
غلا: واللله كلهم طيبين
البتول: وكيف البنات شفتيهم؟
غلا: امس جتني رنوو البقيه من زمان عنهم والله
البتول: اللاابسألك غلا خالد اخوك قال لك عنني شي؟
غلا ضحكت بنفسها: لا
البتول: متأكده؟
غلا: ايه
البتول: اجل غريبه جاي بيتنا
غلا: هههههههههههههههههههه
البتول: وشفيك؟
غلا: لالاتوريناد سوت حركه تضحك
البتول: غلا…انا بوادي وانتي بوادي ثاني بليز ركزي معي
غلا: قلت لك مدري عنه ماقال شي وصدق غريبه جاي بيتكم
البتول: ………….
غلا:.وطيب وشفيك كذا متوتره؟
البتول:مدري مدري ..خلاص مقدر اتكلم الحين اكلمك بكره باي
غلا: مع السلامه
خلاص احترقت اعصابها ..من اللي حولها ..ودها تدخل للمجلس وتمسك خالد وتضربه وتضربه وبعدين تقول له انا احبك وبعدين تقول له عذبتني متى بتفهم ؟… وبعدها تساله ليش جاي
هههههههههههههه والله انك خبله يالبتول ..ياربيه انا وش اسوي الحين خلاص مارح انزل عند ابوي تحت وان ناداني جيت
مر من الوقت نصف ساعه وأذن لصلاة العشا …. طلعت وشافته طلع من بيتهم …وركب الرانج وبسرعه حرك للمسجد …..
قامت تطاله وقطع عليها
اببتووووووووووووووووووووووووووووووول!!
البتول: ياربيه من يناديني الحين
البتول: ان شالله جايه
نزلت لتحت وقابلت نوافووه قبالها وابوها وامها …. (ياربيه تهزئ عند هالحقير نوافوه …ياربيه بس وشلون ؟؟شكل ابوي مبرد مومعصب ولاارتفع ضغطه منني …لالايمكن يمثل ول نواف هداه شوي ..بلعت ريقها ووقفت قبالهم)
البتول: هلا ابوي بغيت شي؟
نواف بلقافه: ماسلمتي ؟
البتول: نعم؟
نواف: يقولون السلام لله ههههههههه
البتول: انت انطم
مدت يده وسلمت وضغطت على يده بقوه كانت بتعظها بس التوتر ماخلاها …
راشد قام يضحك عليهم لان هذولي نواف والبتول مايتغيرون مستحيل بيمشون مع بعض بيوم من الايام
راشد: حلو السلام اللي كذا
البتول: ماعليك منه ابوي …سم امر؟
راشد: والله جايك اليوم رجال طالب يدك منني وانااعزه واغليه وفوق هذا ماقدر ارده رجال وفوق كل رجال …
البتول بعد ماتغيرت ملامحها الخايفه الى ملامح وحده ميته من الحيا واول مره البتول تستحي بها الشكل على ان ابوها كلمها عن خطاطيب قبل خالد ماكانت تستحي تسوي نفسها صغيره عشان يشيلون عينهم من هالموضوع …لكن هالمره شكلها يقول موافقه لأنها مانطت لهم بصراخ ول بسين وجيم
راشد: انتي الحين تقدرين تفكرين وتشوفين والقرار راجع لك قلت له ابردلك بعدين …
البتول وجهت نظرتها لنواف الميت من الضحك
الام: ماودنا انك تردينه يابتول لأنه مو مثل اللي قبل جوك
البتول: لامدري ابشوف ..
نواف: علينا ؟
البتول: ماحد كلمك خلاص...
نواف: هههههههه خلاص مومشكله ادق عليه الحين واقول له اختي ماتبيك ترا خلود مايزعل عادي مره
البتول: ماحد طلب خدماتك خلها لنفسك
نواف: اوف حاقده …وسويها ورديه مثل طلال
البتول: مالك شغل
نواف: ترا بعد خالد مافيه اللا مستويات اقل هذا ان صار فيه
البتول: يبه تكفى سكته يقهر….حبيبي يكفي ان كل ربعك والكباريه بعد جايين يبونني ..
نواف: من هاللجه اللي مسويتها كل صبحيه والمصيبه عارفك منتيب راعية اجهزه ولاكمبيوترات
راشد: يالله نواف عن التمصخر وامش خلنا نصلي
نواف: يالله اجل
طلعوو وبقت البتول وامها
((ياااااااااااااااااه اخيرا تحقق اللي ببالي .؟ مابغيت ..؟بس والله خطير هالخالد ..انتبه وحس فيني بس مابين عليه …وبعذري اقول نظراته تتكلم …ياحبي له ياناس ….هههههههه جايين يسالونني هذا انسأل عنه ابقول ايه وبالراحه ….))
الام: البتول …انتي ودك تتزوجين ول لا؟
البتول: وش هالسؤال يمه ؟ههههههههههه
الام: الصراحه مب حاله خلينا كل واحد نرده بحجة انك ماتبين تتزوجين لاالاقارب ولاغيرهم كلن تقدم لك ترفضينه يابنتي الدنيا تمشي مارح تبقى لاحد
البتول: يمه الصراحه انا يمكن قبل ماابي اتزوج ..لكن الحين تغيرت النظره
الام: اقدر افهم انك وافقتي ؟
البتول ابتسمت لها: الصراحه خالد دوم اسمع عنه …وشخصيته ماحد يجهلها ..يكفي اني اعرفه من زمان
الام: مبروك يابنتي ..الف مبروك
البتول: هههه يمه تو الناس ..
الام: والله وفرحتيني انا من هالكلام ححسيت ان بنتي كبرت …ويحق لي افرح بك
البتول: ياحبي لك يمه
مسكت جوالها اللي بدها وعلى طول دقت على غلا بتهزائها
البتول: الو
غلا: هلابصاحب الألو
البتول: يادووبا يالشينه انا اكررررررررررررررررهك
غلا: ههههههههههههههههههههههههههه يالله بس لاتردين اخوي تراه شاريكم
البتول: وليه ماتكلمتي ؟ وليه ماقلتي لي؟ متورطه يوم اكلمك من شوي
غلا: هههههه تعيشين وتاكلين غيرها ياحلوه ..
البتول: لاتعودينها يالشيييينه
غلا: هههههههههههههه بس ماقلتي لي وش صار على اخوي؟
البتول: ابفكر مدري
غلا: اوكي خذي راحتك ..
البتول: من متى وانتم ناوين علي؟
غلا: ههههههههه قبل كم يوم كلمت امك وقالت لي خلوه يجي وجاكم
البتول: ياشينكم من زمان مخططين وانا اخر من يعلم وانا اقول هذي وراها شي
غلا: هههههه يالله انتي الحين فكري زين واستخيري وردي لنا ..انتظرك انا
البتول: ان شالله غلو … يالله باي
غلا: باي واحلام سعيده
البتول: ههههههههههههههههه باي يادوبه
غلا: باي
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::
غلا سكرت من البتول وجلست سرحانه
يالله يالبتول الحين ماشالله بتتوفقين انتي وخالد ان شالله …وبتبدين حياة ثانيه حلوه .وجديده …صوتها يقول انها فرحاااااانه ومتقطعه من الفرح …ماشالله بس لاانظلهم ..
وانا …الى متى وهذا وحالي معاك يانايف؟؟…وانا اساكته وامثل للناس ؟….. وش قصدك من هالتغير اذا انت تحسبني ابنساك فأنت غلطاان لأني اموت فيك ….
كتبت هالمسج واهي تفكر ..لالاليه ماتصل فيه قبل؟ ..على انها عارفه انه مارح يرد عليها بس قالت بتجرب ….
طبعا حط لها مشغول …شوي ….وارسل لها أقسى رساله واهي تكتب له مسج سمعت صوت الرساله وفتحتها
(((……غلا يكفي …خلاص لو سمحتي ..!!!!!!!!!!!!!!!!!!!!!!!!!!!!!!!))
هالمره حاولت تتمالك اعصابها …لأنها تعودت على تجريحه الغريب واللي ماله معنى ….. مالي غير هالمسج وان نفع ول انت رح تنتهي من حياتي يانايف …. حست نفسها رمت نفسها عليه …وقطت وجه …لكن كل ماتذكرت انه زوجها تحسرت على حالها …. خلاص خله يحس بقيمتي الحين بعد مارسل له ان رد علي فأنا غاليه بالنسبه له وان مارد يعني انه يبي ينفيني من قلبه ... فجأه جاها اتصال منه ..بغت تكذب جوالها
(نصفي الثاني **ألغالي يتصل بك)
غلا: هلا
نايف: السلام عليكم
غلا: وعليكم السلام
نايف: ارجوك ياغلا يكفي اتصالات
غلا: عسى ماشر نايف ارجوك علمني وش اللي يصير بيننا ووش فيك
نايف: السالفه ومافيها اننا لازم نفترق . خلاص مليت من وضععي ورح اغيره ..
غلا: وش نفترق نايف انا على ذمتك
نايف: قلت لك انسي انك على ذمتي بعد كم يوم رح يتغير كلشي
غلا: وش بيتغير...(قام قلبها ييدق بقوه)
نايف: غلا انا ببعد مارح ارجع ..! تكفين اذكريني بالخير ..وانا بعد رح اذكرك بالخير..واذا لي خاطر بقلبك لاتسمعيني صوتك مره ثانيه
غلا: نايف؟ انا لازم اعرف وش الموضوع
نايف: الدنيا ضاقت بس وانا لازم ابعد
غلا: بس انا احبك
نايف: تكفين اذا لي خاطر بقلبك ياغلا انسيني
غلا: مارح ترجع؟
نايف: لا
غلا: محتاجتك انا من لي غير نايف؟ بترميني ؟ كذا
نايف: ليه ارميك ياخذك اللي يستاهلك نايف مايستاهلك ...........غلوو ........انسيني
غلا: طاحت على الأرض وقامت تبكي ..... نايف سمع صوتها ..تكدر مره خلاص السيناريو مب عاجبه ابد ....ابد ولامسرحيه اللي من اخراجه ...وقاعد يمثل على روحه ..ياربيه ليه ..ليه ماودي ولاعمري ولاتمنيت ولاخططت ولافكرت لها اللحظه .......غلا تكفين سامحيني والله اببقى احبك ....
اما غلا انهارت من اللي سمعته ..... ونايف حس نفسه مثل الطفل الضعيف ....لدرجة انه قامي بكي بالتلفون ....
سكتو لهم لحظه وبدا نايف
نايف ببحه: غلا خلاص لازم تنسيني ..!! والله عشانك
غلا: نايف تكفى علمني ليه عشاني؟
نايف تحسف انه قال لها المفروظ يجرحها : انا تغيرت وتغير كل شي فيني ...لازم قلبك ينتهي من نايف
غلا: ارجع لي والله انا احبك
نايف بصعوبه : لو تبكين دم مارجعت لك ........................!!!!!!!!!!!!!!!!!!!!!!!!!! !!!!
غلا سكتت فتره ...انصدمت من اقسى رد سمعته بحياتها ....وخلاص كرامتها منعتها انها تكمل ..: عذابك يجرح ومره صعب ...نايف ماقصرت
نايف: تكفين اذكريني بالخير

[همـس]

غلا: وانت بعد .باي
نايف: سلام

الصراحه موقفهم ماينحسدون عليه ابد كملت المسج وعلى طول ارسلته ....
.............................................
كفاية صار لك شهرين غايب عني يالغالي
كفاية يا أعز الناس ترى والله ما أقدر
دخيلك لا تخيب فيك هقواتي وآمالي
واذنها عالصبر والله وغلاتك عندي راح أصبر
أبتحمل عنا فرقاك وحالي يرثي لحالي
مع اني والله لين اليوم مدري ليش بس تهجر
أبعرف شو السبب أرجوك وش اللي بس يجرالي
اناشسويت يا ربي عشان تثور وتتفجر
انا اولله ما استاهل أبد كل اللي جرالي
أقل ما فيها بس قلي سبب خلاك تتغير
أبعرف بس شالموضوع علامك صرت ما تبالي
بذمت كل اهلك فيوم شفتني بشي انا مقصر?
عطيتك قلبي وروحي وهبتك حالي ومالي
حملت احساس هالدنيا عطيته لك وانا افخر
عشقتك عشق لا قبله ولا بعده انعشق تالي
هويتك موت واتخيل الين الموت واتصور
واذا جاني مسج منك مخزن رقمك الغالي
ولا امسح رسالاتك اتم اقراها وافكر
واحلل كل كلمة بالمسج الله يا غربالي
واقول بخاطري معقوله حاسس فيني ويشعر
وأرد أقول لأ يمكن تذكرني وهو سالي
لأني توني مطرش مسج طرش مسج يشكر
وأرد أقول لأ أدري يبيني وحاسس بحالي
وأرد أقول لأ ما اظن على باله انا اخطر
الين اني انا تأكدت قلبه بالفعل خالي
ولا غيري انا فقلبه يحبني موت ويقدّر
لأني مرة من المرات طرت فكرة على بالي
نويت أزعل بدون اسباب واشوفه لو بيتأثر
أبعرف قدري بقلبه بيهمه وضعي الحالي
أو انه رح يطنشني ولا يسأل ويستفسر
وفعلا دق ما جاوبت حرق لي والله جوالي
3000 مرة دق وانا مطنش ولا معبّر
كتبلي بالمسج اطلع انا عند بابك الحالي
قسم بالله ما تطلع لخربها انا واحدر
ومشكلتي أعرفه زين يسويها ولا يبالي
نزلت وخاطره مكسور يقول اشفيك متغير
وقلت له بس أبتأكد اذا قدري معك عالي
ضحكلي وقال لي اتأكدت ودمعه دلل المحجر
وطارت فيني الدنيا لمكاني صاحبي جالي
تعذرلي وانا الغلطان واانا اللي لازم اتعذر
بعدها عشت انا احلى أيام في قربه هنيالي
وصلنا لمرحلة ما نفترق عن بعضنا واكثر
بعدها فجأة خلاني ولا يسأل عن احوالي
وانا في خاطري أدري محال فيوم يتغير
أدق له ما يجاوبني بديت أشك في حالي
أخاف انه حصله شي اخافه بس متكدر
لعب في قلبي الوساس خياله ما تهيالي
حوالي1000 مسج طرشت حبيبي يا عسى ما شر
ولا جاوب وانا قاعد على اعصابي وغربالي
حبيبي صار له اسبوع فيني حتى ما فكر
الين اني عرفت اشلون أخلي خلي الغالي
يكلمني وجت فكرة بعد ما مت وانا افكر
وفعلا اتصل فيني وبدت احزاني واهوالي
وكانت صدمتي كبيرة علي الغالي يتكدر
وكانت صدمتي كبيرة علي الغالي يتغير
سألته قلت له وش فيك ما من شر يالغالي
وش اللي صار بالدنيا علامك ليش متبعثر
او انك يعني ما تدري بدونك صرت انا لحالي
ولا لي خلق أي انسان كثر ما فيك انا افكر
جاوبني وقال ارجوك أبي هالدنيا تصفا لي
انا مليت من وضعي وأشوف الكل متغير
انا ضاقت بي الدنيا وابي أبقى انا لحالي
خلاص اتركني لا تسأل وانا مارح ارجع عقب اشهر
وقلت له مو علي تكذب أعرفك تضعف قبالي
تكلم قول شالموضوع بدى قلبي يدق أكثر
سكت لحظة وقال أرجوك ابعد عني يالغالي
وخلني أذكرك بالخير وانت مثلي اتذكر
ولا تطرش مسج واحد ولاتدق لي أبد تالي
واذا لي خاطر عندك لا تتكلم أبد سكر
قلت له والله ما سكر الين تقول وتصفا لي
قال لي والله ما اتكلم ولو تبكي دمع أحمر
وسكر والدمع فيني على الخدين همالي
قسم بالله ما ادري علامه قلبه تحجر
فؤادي انهار وانا حملي يهد جبال وجبالي
في لحظة صارت الدنيا في عيني هالكبر واصغر
بعدها صار لي ما صار وربي يعلم بحالي
فؤادي باقي بس شوي واحسه من الجسم يظهر
بديت اعرق مدري ليش وخابت كل آمالي
انا توقعت كل الناس ولا توقعت هو ينكر
وقلت بخاطري خله مصيره يرجع الغالي
أكيد انه سمع أي شي وجوّه صار متعكر
ولكن طول غيابه وزادت فيني علالي
مرض قلبي تعب فكري واحسه جسمي متخدر
قسم بالله لين اليوم حالي يرثي لحالي
قسم بالله لين اليوم ولا ادري ليش هو تغير
قسم بالله ما غضت عيوني ولا هدى بالي
قسم بالله ما مر يوم إلا وفيه انا افكر
قسم بالله قلت بنساه بس طيفه يتهيالي
قسم بالله لو حاولت انا انساه اتذكر
الين اليوم انا عندي أمل يرجع ويصفالي
أقول الشوق بي رده على فرقاي ما يقدر
إلين اليوم و ضحكاته وبسماته على بالي
الين اليوم ما أرقد كثر ما فيه انا افكر
أبعرف شو السبب ارجوك وشللي بس يجرالي
اناشسويت يا ربي عشان تثور وتتفجر
انا اولله ما استاهل أبد كل اللي جرالي
أقل ما فيها بس قلي سبب خلاك تتغير
أبعرف بس شالموضوع علامك صرت ما تبالي
بذمت كل اهلك فيوم شفتني بشي انا مقصر
انا رح انتظر ردك ولو حتى بمسج خالي
واذا ما جاني منك رد وغلاتك عندي راح اصبر
سنة سنتين اللي يهم أشوفك ثاني قبالي
3 سنين او أربع أبصبر يعني راح أصبر
ولكن حكم احساسك وجاوب يا أغلى كل غالي
بذمة والديك يهون تنساني ولا تذكر
يهون انك تخليني ولا تسأل ولا تبالي
يهون انك تنام الليل وتتركني انا أسهر
كفاية صار لك شهرين غايب عني يالغالي
كفاية يا أعز الناس ترى والله ما اقدر
دخيلك لا تخيب فيك هقواتي وآمالي
واذنها عالصبر والله وغلاتك عندي راح أصبر
وصله المسج ومااخفي عنكم دمعات العزيز الرجال نايف....قامت الذكريات تنهمر قباله .....
ألمانيا ....في البحر ....في المملكه يوم يطلع معاها ......على البحر ...؟.... يوم تبكي ...ويضمها لصدره ...يوم تخفف عنه موت ابوه ....تذكر مواقفهم بألمانيا ....الهدايا اللي بينهم ....رجع بجواله للرسايل اللي قبل كانو يرسلونها لبعض....اول اول ماشافها يوم يجي لعزيمة ام محمد .... ويوشوفها ...يوم تجي لبيتهم ...يوم تطيح من يدها التفاحه .......كل كل شي قباله مره وجلس يبكي بشكل يقطع القلب ..... حس انه اهو المذنب ...واهو اللي جنى على نفسه ...غلا مو من النوع اللي يكتب رسايل ...من متى واهي تألف فيني ابيات مثل هذي...تدل على انها اعايشه مرحله صعبه ... جعلك ان شالله توفقين مع غيري ياغلا ....غيري يستاهلك ...شوهت صورتي قدام الكل عشانك ...وكرهتك فيني عشانك...جادورك ماتذكريني لابضحكتك ولابصوتك ولابنعومتك عشاني ..... اااااااااااخ ووش كثر انا تعذبت يااغلا غلا بها الدنيا ..كلها كم من يوم وانا مارح اصير لك .... وانتي بتروحين ..وابعيش على ذكراك مثل الميت ..... اه يالدنيا ..اه ياغلا ... فراقك تعبني ..وموتني وانا حي ...ودي امسح هالدموع واقول لك ...اببدى معاك حياة جديده ..غير كل احلامك احققها ...لكني افتح عيني على هالواقع ...المبكي ..... والله احبك سامحيني ....سامحيني ياغلا ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::::
اليوم الثاني ببيت ابوعبدالله
كان عبدالله جاي عندهم مع الجوهره ولمى
ابوعبدالله: قولي بابا
الجوهره: بابا
ساره: ياناس فديتها انا يمه تدنن
ام محمد: كبرت بسم الله عليها كم عمرها الحين؟
لمى: بتدخل الشهر السادس
ام محمد: ماشالله ياسرع الأيام
ساره: عبدالله دامك موجود ابيك تشوف حل لجوالي
عبدالله: مدري ماعرف للجوالات اسألي محمد احسن منني
ساره: مايتصل ولايرسل ويطفي بوجهي فجأه
عبدالله: طيب وديتيه تصلحينه؟
ساره: ايه بس رجعت نفس المشكله
عبدالله: فرصه عندك الحين فيصل ومحمد بالمجلس روحي وخليه يسال فيصل يمكن عنده فكره
ساره: ايه والله جبتها لحظه ...هذي الجريده حقت اليوم؟
عبدالله: ايه ايه توني جايبها ..
لمى: ريناد وين غلا ماشفتها اليوم؟
ريناد: تعبانه
عبدالله: وشفيها؟
ريناد: مدري بس تصيح وتسمع محادثات مسجله بالجوال
ساره نغزتها عاد استوعبت ريناد
عبدالله: ليه ؟ ارقى عندها اشوف
ريناد: لالابس مصدعه شوي
عبدالله: لالازم اروح
ابوعبدالله: من امس واهي ماتنزل تحت ...
ساره: لاماعليكم منها بس تعبانه شوي
عبدالله: تعبانه ماتنزل ولاتكلم احد وتبكي ...لازم اروح يالله
ساره تهمس: زين كذا ؟ وش بتقول غلا الحين
ريناد: الصراحه ياساره لازم يدرون بفعايل نايف ول ماسمعتي التسجيل اللي بينهم امس ؟ نايف كان مره حقير ويقهر
ساره: ماعليك منهم تعرفين غلا من ناحية خصوصيات وشي فيه نايف حساسه وشوله تقولين لعبدالله ؟
ريناد: عاد قلت له
ساره تركتها وراحت عند محمد وطقت الباب
محمد: نعم؟ فيه فيصل!!
ساره: محمد تعال ابكلمك شوي
محمد: عن اذنك فيصل
محمد: هلا وش بغيتي ؟
ساره: ابيك تسأل فيصل عن جوالي
محمد: يووه مووقته
ساره: اللاوقته اكيد انه يعرف
محمد: طيب هاتيه
اخذ جوالها ودخل مع فيصل يساله عنه
عبدالله فتح الباب على وحده غير اخته اللي يعرفها ياهي دموع ول مناديل على الأرض والسرير حوسه والجوال بيدها وتصيح .... فتح الأبجوره اللي جنبها وجلس على الكنبه اللي جنب السرير
عبدالله: غلا؟
غلا جلست ومسحت دموعها: نعم؟
عبدالله: شلونك؟
غلا بصوت رايح ومبحووح: بخير شخبارك انت؟
عبدالله مستغرب: تمام؟...وشفيك لاتنزلين تحت ولاش؟
غلا: مابي
عبدالله: علي هالكلام؟
غلا: مابي اقابل احد خلاص
عبدالله: وليه؟ من مزعلك؟
غلا: عبدالله تراني مانيب بزر وش مين مزعلك؟
عبدالله: طيب طيب اسف اسف وليه متضايقه ؟
غلا: تعبانه
عبدالله: غلا وش مضايقك علميني ااخوك انا مب غريب
غلا: قلت لك مافيني شي
عبدالله: طيب هاتي جوالك شوي
غلا: ليه؟
عبدالله: انا قلت هاتيه
غلا: مافيه
عبدالله: وليه ووش فيه عشان ماتعطيني
غلا: مالك خص
عبدالله: اللا لي خص وهاتي الجوال لااخذه بطريقتي
غلا: عبدالله والله مانيب ناقصتك ابعد عنني خلاص
عبدالله : وش فيه جوالك علميني ؟
غلا: خصوصيات واشيا بيني وبين نايف تكفى لاتتدخل زياده
عبدالله: انتي الحين معصبه ومنفعله لكن انا ابخليك تطلعين بعدين
غلا: اوكي مشكور سكر الباب وراك

[همـس]

عبدالله طلع وقابلته ريناد
عبدالله: ريناد تعالي علميني وش في جوالها
ريناد بصوت واطي: متطاقين غلا ونايف
عبدالله: وطيب لازم يختلفون شي طبيعي
ريناد: لاامس قال لها كلام والله انها للحين ماقدرت تنام
عبدالله: وش قال لها؟
ريناد: اللي فهمته انه مايبيها ويقول لها لو تبكين دم مارجعت لك
عبدالله انصدم: وليه يقول لاختي هالكلام؟ ووش سوت له؟
ريناد: والله مدري ..اصلن هالولد متغير تدري انه متهم بقضية مخدرات ..؟
عبدالله: نايف؟
ريناد: ايه ...حتى محمد يقوله مره متغير
عبدالله: اتفاهم معاه ومع محمد ..
.................................................. .................................................. ...................
فيصل: يوه هذا مشكلته كبيره طيب ليه ماتغيره؟
محمد: مدري عنها تبيه
فيصل: طيب شوف انا اعرف لك واحد دامكم مصرين عليه يعني يصلحه ..
محمد: اوكي ؟
فيصل: خلها تاخذ جوالي الحين وتبدل الشريحه ...على بال مااصلحه
محمد: لالاشدعوه
فيصل يغمز: عشان يتصلح واسرقه بعدين
محمد: وكاشف نفسك بعد
فيصل: ههههههههههه لالااضحك معاك خلها تبدل شرايحه عندي شغله ابسويها قبل لااوديه
محمد: طيب
كانت جالسه بالصاله اللي فوق تقرا الجريده
محمد : اقول ساره
ساره: محمد عندي لك خبر يروووع
محمد: وشو؟
ساره: سعد
محمد: سعد؟
ساره: بالجريده شوفه
محمد معقد حواجبه : وين أي صفحه؟
ساره: افتح على اخر صفحه
محمد: اووف ........اووف ...وش هذا
ساره: مايمديييك ....
محمد: شرطة الملز تلقي القبض على افراد عصابة مخدرات بلرياض
ساره: وحاطين صورته بعد
كانت صورت سعد وجنبه واحد من الشرطه مكلبش ....وقباله اكياس المخدرات اللي كان يروجها ومعاه اكثر من واحد ....
محمد: يستاهل الحقير
ساره: ايه والله يستاهل وزياده فكه خلصت منه
محمد: ايه والله الحمدلله بس انه ماقربك
ساره: قرت الخبر وحطت الجريده على جنب
محمد: اللا قبل لاانسى يقول لك فيصل بدلي شريحتك بحقته ..يبي يشوف شي مدري وشو بجوالك
ساره: طيب اعطني
بدلت الشريحيتن وتوها تحط الشريحه الثانيه بجوالها وتسمع صوت رساله ...ماتدري ليه اللقافه نزلت عليها عشان تدري مين اللي ارسل لفيصل
الرساله من
سعد بن ضاحي
(يالخاين ..مو انت مواعدني ماتبلغ علي.؟؟ اوريك بساره بنت خالتك)
شافت المسج من جهه قامت تقراه عشر مرات وتتأكد من الشريحه
فيصل؟ وانا ؟؟ ووسعد؟؟ وتهديد ؟؟ وتبلغ وماتبلغ؟؟؟ ووش دخلني انا؟؟ ووش علاقت فيصل فينا؟؟؟انا وسعد؟؟؟
محمد: وشفيك خلصتي؟
ساره ويدها ترتجف: م،،ـ...حــ.....:مــد
الحين وش هالمسج
محمد قراه وعقد حواجبه وتم يطالع فيه فتره
ساره: محمد مين هذا تكفى علمني وش السالفه
محمد: لالامالك شغل انتي وبعيدن ليه تفتحين مسج مو لك؟
ساره: والمهم اني لقيت اسمي بالمسج ماتبيني اهتم؟
محمد: انسي السالفه وابروح عند الرجال
ساره: والله ماتروح الين ماتعلمني انا ادري انك فاهم الموضوع علمني ول ابسأل فيصل
محمد شافها فرصه انها تدري وخاصة انها وصلت لطرف الخيط من هالمسج
ساره: طيب ان الشرطه مسكوه هذا له علاقه بالموضوع ول لا؟
محمد يجلس: هذا الله يسلمك ....اممممممم تتذكرين يوم تجيك ورقة الطلاق ؟
ساره:ايه؟
محمد: هذا فيصل يعرف سعد من زمان وماسك عليه اشيا كثير بحكم معرفته السابقه له ..ومن يوم ماشكيت لفيصل عن سعد وقلت له اني ابي هالسعد يبعد عن حياتك ...فيصل ضرب الصدر ...وهدد سعد انه يعلم المباحث الين مايطلقك طبعا سعد خاف على حريته فقرر انه يطلقك وطلقك ...وانا اتوقع ان من بعد ماقبضو عليه على طول شك بفصيل والحين يبي ينتقم
ساره مصدوووووووووووووومه وساكته
محمد: وشفيك؟
ساره: مدري احس اني متحسفه على هالرجال اللي بعته .
ساره: يعني بيسوي شي سعد الحين؟
محمد: تكفين موقوف ومحطوط بالحجز هذا زين اذا مااعدموه ..تبينه ينتقم هههههههههههه ماعنده سالفه
ساره: وطيب وفيصل؟
محمد: وفيصل عادي مايضره الشكل اللي تزوجتيه هذا
ساره : اها...
محمد: يالله اقول هاتي جوال الرجال تراني طولت عليه
ساره: بس لازم اشكره
محمد: وش تشكرين خلاص هذاك اول
ساره: حتى لو
محمد: خلاص ارسلي بس لاتدقين
ساره: اوكي واعطه جواله وقل له مشكووووووووور وماتقصر والله ابندم عليه طول عمري
محمد اخذ الجوال وراح له ....
ساره: لحظه قبل ماتمشي
محمد: نعم؟
ساره: فيصل اهو مبلغ عنه؟
محمد: لالاالظاهر واحد ثاني يقال له متعب كلمني عنه فصيل
ساره: اها ..سلملي على فيصل تكفى
محمد: سبحان مغير الأحوال ههههههههههههه يبلغ يبلغ
ساره (ياشين ان حلمت برجال تدرين انه مو لك..ياتعاستك ياساره.طول عمرك كذا )
محمد: خذ هذا جوالك .... فيصل ..! تراني علمت ساره عن كلش
فيصل: وشو بالضبط؟
محمد: بيجيك مسج يوضح لك
شوي ويسمع دقت مسج
ساره
(السلام عليكم....حبيت اشكرك يافيصل...على موقفك معاي....واعتذر من كل ماصار منني ..والله انا اسفه ...وتوني اعرف ان موضوع طلاقي انت كان لك يد باللي صار...وانا ممتنه لك بكل مابقى ايامي...وبجلس ندمانه عليك ...وانا اشكرك والله مارح انساها لك وجعلك تشوف الخير والسعاده بدنياك يافيصل...مشكور وابشرك سعد بلغو عنه الحين ........ساره)
فيصل ابتسم واهو يقراه ...
محمد: فهمتني؟
فيصل: وكيف درت؟
محمد : افتح اخر مسج وصلك
فيصل: خخخخخخخخخخخخخخخخخخخخ يهدد له وجه بعد
محمد: ياحليله لو تشوف صورته بس
ومد له الجريده
فيصل: اوف ترا له سنين ماتوقع بيخلونه اكيد اعدام
محمد: يستاهل ..ماجاه
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::
<<<<<<<<<بعد مرور اسبوووع ولانايف ولاغلا ماعاد بينهم شي انتهى كلش من بعد اخر مكالمه

<<<بيت ام نايف
نايف له ساعه يتكلم مع امه وشكل الموضوع مهم دخل معاهم جلوي وشوي ويتحمسون بالسالفه لكن شكل الموضوع كبير ويضيق الصدر من ملامح نايف
جلس الوليد جنب جلوي
ام نايف: مدري يانايف ماعجبني هالكلام
نايف: ادري ولاحتى انا لكن هذا اللي المفروظ يصير
جلوي: طيب واهي داريه انك بتطلقها؟
الوليد:نايف انت من جدك بتطلق غلا؟
نايف تنهد وسكت
ام نايف: أي ان شالله
الوليد: اووف طيب ليه؟
جلوي: خلاص هذا اللي يبي يصير وبس لاتكثر اسأله لاتقعد تنشر عند العالم
نايف: يمه نتوكل بكره؟
ام نايف: قلت لك ماودي
نايف: تدرين لنا شهور قبل بس احاول اتغير عليها ...وهذا اخر اسبوع ماحد تكلم مع الثاني
جلوي: حرام والله حرام
نايف: هذي القسمه وهذذا النصيب أنا ابروح لهم بكره
ام نايف: استخرت؟
نايف: ايه
ام نايف: الله يكتب لها الخير ويسعدها
نايف ألمه كلامها سكت
ام نايف: يعني بيصير عندي نايف عزوبي ادور له من جديد؟
نايف: لاومن قال اني ابتزوج ؟ انا مارح اتزوج احد خلاص
جلوي: ليه تتوفق ان شالله تاخذ لك دورات كورسات شي تشتغل وش دعوه
ننايف: لو يخلونني وزير مابي اخذ احد من بعد غلا
ام نايف وجلوي طالعو بعض وسكتو ...واضح انه مسوي روحه صامد لكن الكلام يطلع غصب عنه ومسوي حاله مرتاح
ام نايف(اه ياولدي والله حالتك ماتسر لاعدو ولاصديق ..... ياليت اللي صار ماصار كان انت الحين توك متزوج ..بس دايم هذا حظك ...)
نايف: الوليد تراك بكره بتروح لحايل
الوليد: والله ماروح
نايف: يالله بس تراهم دايم يسالووني عنك وانا انحرج
منصور: والبس شماغ وثوب مثل العالم والناس مو تفشلنا
الوليد: مالهم شغل بملابسي
منصور: اوووووه وبعدين ؟ قلنا تقابلهم ببيتك بزر ومابعد يكبر...بس بحايل وعزيمه مافيه هالخراط اللي تسويه .. بتفهم زين ماتفهم انا افهمك
الوليد: احترم نفسك قال بزر قال يالكبير انت هد اعصابك بس
منصور: انا ان قلت لك تلبس مثل الناس تلبس عاد ان رضيت ول ان رضيت
نايف: الوليد ..! منصور..! خلاص
منصور: ان شالله بس ليتك تعلمه
نايف: بكره بتروح وتلبس مثل ماعودك ابوي خلاص
الوليد: طيب
نايف: يالله اجل عن اذنكم
ام نايف: بدري يايمه اقعد
نايف: ابي اجلس مع نفسي شوي ...سلام
جلوي: الله معاك
ام نايف: يالله هالولد مب عاجبني حاله ابد
جلوي: ايه والله الله يكون بعونه بكره يوم قاسي عليه مره
منصور: اللا تعال بكره عزيمة ربع حايل
جلوي: ايه واتوقع بياجلها عشان طلاق نايف ....
الوليد: وبيروح بيشوفها ويسلم عليها؟
جلوي: مدري عنه مايتكلم واجد بها الموضوع

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::
طلع من البيت ومتضاااايق من اللي بيصير ...يعني خلاص من بكره اهو بطريق واهي في طريق ثاني؟؟ يالله ياغلا ودي اسمع صوتها واكلمها ...يوم واعطيها احلى كلام .... وترجع ايام اول ولو للحظه وحده ... بس اخ ... وضرب بالدركسون اللي قدامه ....جلس يلف الششوارع ودموعه متحجره بعيونه ..الدموع اللي عصتها شيمة الرجال ..........
تغير صار يدخن بشكل يخوف اكثر من قبل ...اشعاره اللي لغلا وعن غلا كل شي يوصف قصتهم ويوصف ايامهم ويوصف جمالها وطيبتها واخلاقها ...قدامه يمشي ...كل لحظه بينه وبينها كانت قدامه بكل لحظه
تذكر كلامها يوم تقول له انهم مارح يكونون لبعض على طول...وكيف كان يوعدها انه مايفارقها يوم يهمس لها أحبك ....يوم يرسل لها مسجات شعر فيها ...يوم ويوم ويم ولو يعدد الى بكره ..مارح ينتهي ....
شاف صورته بالمرايا اللي قباله له ايام طول ماحلق ..ولارتب وهذي ابد مو من عادته ....
دخل للحلاق وحلق وطلع ..... طبعا مر على البقاله اللي جنبه ..ويشتري له زقاير ويبدا يدخن ..... قام يلف ويدور مايدري وين يروح .... وفكر بهم بكره والقبيله اللي يبيونه كأنه ناقص مشاكلهم الحين .....
وقف مالقى نفسه اللا قدام ...باب بيت ام محمد.... ياربيه ادخل ؟ مالي وجه اقابل خالي ابو عبدالله ولابنته .... يكفي هالقطاعه .... يالله خلني اتوكل انا تعودت كل مااغتميت اوفق عند هالباب ..خلني اودعه اليوم ....
دق الجرس وفتحت له ريناد
فتحت باب المجلس ودخلته ...وراحت جري تعلم غلا .... اللي كانت مع ساره
ريناد: غلا بسرعه عندي لك خبر
غلا: وشو؟
ريناد: شي شي ماتتوقعييينه
غلا: عن مين ؟ خالد؟
ريناد: لالاموخلوود
ساره: يختي بسرعه خلصينا
ريناد: نايف جاي للبيت
غلا: كذابه
ريناد: والله العظيم شوفي الأودي الاسود برا
غلا شافته ولفت على اخواتها بخوف
غلا بصوت واطي: ماصدق ..!!؟
ساره: نايف جاي؟
غلا: ايه
ساره: غريبه وش يبي؟
غلا: اتوقع جاي يزف لي خبر الطلاق
ساره: لالاانشالله الله لايقوله
غلا: مو اهو قايل بنفترق يعني ايش اكيد رح يطلقني

[همـس]

ساره: غلوو لاتتكدرين عندي لك حركه احلى ...شوفي خليكي انتي احسن منه بيني له انك انتي احسن منه وانك ماودك بالطلاق ويمكن بينفع
غلا: يعني وش تبيني اسوي؟ من بعد المانيا ماشفته اكثر من مرتين ومره بالسياره حتى ماتكلم ولانطق بشي ....وش اسوي له؟
ساره: لالااهو الحين ببيتك ووش نسوي للضيف ان جا؟
غلا: نضيفه
ساره: انا هذا الليي ابيك تسوينه ...
غلا: لالاافكر مانزل ولاحتى اسلم
ساره: لايالغبيه بعدها الكل بيشك بالموضوع ..انتي الحين لازم تكشخين ويشوفك من جديد والله مارح يتحمل بيرجع كل شي مثل اول
غلا: ساره يقول لي بالتلفون انا ماابي منك ولامسج ولاصوتك ؟ يقول اذا لي خاطر عندك ...تبيني اطلع له؟
ساره: اجل ليه تتوقعين جاي؟ اكيد يبيك
غلا: لاماتوقع اكيد يبي محمد ول بيسلم على ابوي قبل مايسلمه بنته
ساره: يابنت الحلال سوي اللي قلت لك واكيد رح يتأثر وانا وانتي كلنا نعرف نايف ...اكيد بينبهر وبيفهم انك تحبينيه وماتكرهينه عشان تفارقينه ورح يقدر هالشعور تراه شاعر
غلا: ههههههه وش دخل شاعر الله يرجك ...لالاخلينا كذا حتى انا ماتحمل احط عيني بعينه
ريناد: لاغلا والله صادقه ساره
ساره: قومي اشوف ملابسك يالله ....
غلا: سكتت تفكر بكلامها ساره ماشاورتها ..طلعت لها فستانها اللي من نايف هديه ..لونه ابيض واسود واحمروموديله نفس حق اليسا ..الفستان رهييييب واكثر من رهيب ...ومخلي جسمها يجنن ....
ساره: خذي البسي هذا وخلي المكياج علي
غلا: اوك
دخلت غرفتها وراحت تلبس بها الوقت دخل عبدالله
عبدالله يطق الباب ..ادخل؟
ساره: تفضل ادخل
عبدالله: هلا وين غلا؟
ساره: تغير ملابسها
عبدالله: ترا نايف جا يقول ابوي خلوها تنزل تسلم ترا له فتره ولاجت
ريناد: طيب
ساره: وينه فيه ؟ بالصاله ؟
عبدالله: لالاالمجلس
ساره: اوكي اعلمها
طلع من عندهم ...وطلعت غلا
حطت لها مكياج خفيف وناااعم ...ومخليها جذاااابه ..وتسحر ...
ساره واهي تحط لها الكحل
ساره: يابنت خليني اعرف اضبطه لك
غلا عيونها تدمع من الصياح: مقدر وشلون تبونني اروح له ؟ صعبه والله صعبه
ساره: لاحول ولاقوة اللا بالله ...دارين انك مشتاقت له وتحبينه ومستحيه تشوفينه لأن من زمان عنه
غلا انحرجت وسكتت
ساره بهدوء: يالله ياغلوو ترا عادي ان شالله تجيب نتيجه هالحركه ...وبعدين ابوي يبيك تنزلين يعني حتى لو نزلتي بيحسبك نازله عشان ابوي ول انتي ماتبين ...ولاتنسين انه اهو اللي جاي يعني اكيد حاط حسا ب انه بيشوف لك وهذا وجهي ان كان مو مشتاق لك
ريناد ببرائه: غلا تحبينه ول لا
ساره: حلوه هذي تحبينه
غلا تفكر بكلامها: لانايف ماحبه...مب زوجي ليه احبه
ساره: متأكده
غلا: يعني واحد تقولين له رجع لي يقول لوتبكين دم مارجعت لك تبيني احبه ؟ ليه ؟
ساره: طيب انا من يوم ماشفت ذيك الدموع وانا اقول غلا تكرهه ..تلعبين على مين ياحلوه ..يالله انتي وهالمكياج والله ان ينهبل عليك روحي له بس
غلا: طيب ووش لون اسلم ؟ وعادي؟
ساره: قلبي خليكي طبيعيه بس لاتبينين له انك مشتاقة له ...كأنك تبين تشوفيه وتضيفينه وتادين الواجب
ريناد: يالله روحي ننتظرك
.................................................. .................................................. ..........................
نزلت وقبل لاتدخل طبعا تسمع صوته يتكلم مع ابوها ومحمد وعبدالله موجودين ..بلعت ريقها ودخلت ...
شافها وتفااجأ فيها .... كانت بقمة الروعه الجمال اللي حرم نفسه منه علشانها .... كانت تفتن لدرجة حتى محمد قام يناظر فيها
غلا: السلام عليكم
نايف يوقف: وعليكم السلام
محمد(الله يكون بعونه ...شعوره شيييييين وصعب موقفه)
نايف: غلا شخبارك ؟
غلا: تمام وانت؟
نايف: ماشي الحال
وقفو لهم فتره ..يتكلمون بلغة العيون ....
ابعدت يده عنها وراحت جنب ابوها ... نايف حس بنفسه وجلس على طول
ابوعبدالله حاس ومتاكد ان بينهم شي بالعاده سسواليف وشوية مزح وضحك واشتقت لك ووينك وبالذات لأنهم من زمان وماشافو بعض ....
ابوعبدالله يهمس لها: اجلسي جنبه
غلا: مابي
ابوعبدالله انحرج منها وسكت
نايف اعجبه انها بدت تنفر منه ..وهذي نتايج كلامه معاها ... لكن بداخله ميت من القهر
ماكان وده يطالعها اما اهي كانت ترمي عليه نظرات قوويه واضح انها مب عاجبها اللي يصير ومنقهره بكل مافيها ...واللي منرفزها اكثر انه مسوي نفسه ماااهتم وبارد ومتجاهل نظراتها
محمد وكأنه يطالع مقطع من فلم ...ول مسرحيه .... مضيق خلقه هاللي قاعد يصير ...
جلسو على هالجو المكهرب ...الين ماجا بيستاذنهم .... وبيطلع .
طلع من المجلس .... وغلا شوي وتحترق لأنها مافاتحها بموضوعهم ولاكأنه مهتم أبد .... طلع من جهه التفت عليها ابوعبدالله من جهه
ابوعبدالله: غلا ..وشفيك ؟ ول هذي طريقه انا مربيك عليها مع الضيوف؟
غلا: انا اسفه يابوي
ابوعبدالله: ليه ؟ ووش بينكم ؟ ووش دعوه هالفعايل ؟ نظرات تعطينه ..ولاسوالف ولاشي جاي يبي يشوفك كذا تقابلينه ؟
غلا ماتكلمت وطلعت بسرعه قبل لايروح نايف وقابلته عند الباب الخارجي
غلا: نايف ...!
نايف لف وتفاجأ بوجودها
غلا: وش قصدك من هالتطنيشات ؟ ولاحاط لي أي حساب ابد
نايف: ...........
غلا : انا موجايه اسسألك عن ايام مرره حلوه وقديمه كانت بيننا حولتها انت الى ماضي وذكريات...لا انا اجايه اعلمك مين انت..و.أن اكبر غلطه يوم فكرت احبك فيها ...وبالفعل انا اذنبت وقتها واجرمت ..... والله يسامحك ....ويكون بعلمك تدري وش كثر كنت احبك قبل؟؟؟ ....صرت اكرهك كثر ما كنت احبك اول .... انت اكثر واحد اكرهه وكرهته بحياتي ... ماابي منك شي غير ورقة تثبت ...(سكتت يوم استوعبت انها قبال عيونه ..عيون مين ونظرات مين ... ومين ؟... نايف ؟ الغالــي ...هذا الغالي ياغلا اللي انتي تحبينه ...انتي وش اللي قاعده تقولينه؟؟...نظراته فيها كلام وفيها جروح .......... حست باحد يهمس لها ....بس نسيتي وش قال لك ؟ ول وش قال عنك ؟...كان يقول لك ابعدي عنني ....انا مابيك ...)قطع عليها صوته
نايف: ورقة الطلاق؟
غلا: .............
نايف: انا فهمتك ورح انفذ اللي تبينه ...بس اذكريني بالخير ..
غلا من غير ماتحس بنفسها: نايف.........!
نايف لف عليها: نعم؟
غلا: لالاخلاص ..بس سامحني ....مع السلامه
نايف: مع السلامه
سكر الباب من جهه وقفت جامده بنفس مكانها ...ليش لما الومه وأعاتبه يسكت؟ نايف مو من النوع الضعيف ول مايقدر يتكلم ..؟ لانايف يسكت اللي قباله ..هذا نايف اللي اعرفه ..مو اللي يحاكيني بعيونه وساكت .... ؟؟؟...........اكيد فيه شي ...نظراته تتكلم بس لسانه مايرد علي ليش؟؟. لانني ماامثل له شي ولامن اهتماماته ؟؟؟ ول لأنه فيه كلام بس مايقول لي اياه ...... تعبت من مكانها ولفت على الجهه الثانيه لفتها شي قديم .....
قربت من الشجره الطويله الكبيره ....اليي كانت على زاوية الحديقه الكبيره
(نايف احبك ...وكاتبه تاريخ 1427 ....) كانت هذي ايامنا قبل لايسافر ..تذكرت بنفس هالمكان اللي تعاتبه فيه كان يضمها واهو طالع لألمانيا واحلى كلام بينهم ..... ساح كحلها من البكي .... قطعت الألماس اللي كانت لابسته كانت هديه منه ..ورمته بنفس المكان وراحت جري لفوق ...
(ليه ليه يانايف تسوي فيني كذا؟؟ ليه يرضيك هالحال؟؟ لو انك ماتغيرت كان اوريك كل اللي انا كتبته فيك وكل اللي انا مجهزته لك .....كرهتك كرهت كل شي يعني نايف كل شي يحمل هالاسم كرهته ....)
ساره وريناد لاحظوها واهي داخله لغرفتها .... ماحبو يزعجونها ..اكتفو بالنظر ...واهي تبكي دم منه
ريناد: ياربيه الله يكون بعون هالبنت ياساره ابي اعرف واللي مخليه يبدا هالخطوه
ساره: غلا ...من شوي شفتك من البكلونه وانتي تحاكين نايف ....
غلا: وشرايك فيه؟ مو يقهر؟
ساره: شويه يقهر ....لكن ابي اعرف وش اخر شي قاله؟
غلا: يقول ورقة الطلاق رح توصلك
ريناد حطت يدها على فمها: يطلق؟
غلا بهدوووء وعلى فكره حتى نايف بها اللحظه كان يفكر بهدوء بنفس طريقت غلا
غلا ماسكه رجولها وضامتها وتتكلم بهدووووء غرييب شكلها طالع نااعم بالفستان
غلا: ايه خلاص ..قايل لي مره أنا خلاص تكفيني الذكرى اللي كانت بيننا ..وماعاد ابي اتذكر غلا مره ثانيه ......وش تتوقعون بيسوي اكيد رح يطلقني
ريناد: وطيب؟ وش بتسوين؟
غلا باستسلاااام لانها بدت تكره حركات نايف الغريبه وهذا اللي بيبه نايف مايبي يتركها ويعقدها لأنها تموت فيه يبيها تنفر منه اكثر : مدري ان جاني نصيب ..ول قعدت هنا ..
ساره: لاان شالله نصيبك باللي احسن من نايف
غلا تنهدت : ماتوقع فيه شخصيه رح اعجب فيها مثل نايف
ريناد: توك ياغلا مابقى اللا شوي وتدخلين الواحد وعشرين صغيره ..ماضاع عمرك
غلا: مونايف عشان كذا معجل الطلاق ؟عشان لايفوت الوقت
مسحت دمعتها بطرف كمها شكلها كان مثل الطفله المحرومه من عالمها واهلها تقطع القلب
غلا: خلاص نايف راح وانتهى من حياتي ورح انتهي من حياته .....الشي الوحيد اللي ابي اعرفه منهي اللي بتجي بدالي ؟ منهي اللي بتاخذ مكاني؟ وتصير حرم نايف؟...........وانا غلا ممكن ارتبط واحب احد كثر نايف؟ ول لا؟....
ساره: غلا انا حبيت وانتظرت واخرتها ماحصلت اللا اللي عكس اللي حبيته وتطلقت وشوفي حالتي الحين ؟ غلا والله احمدي ربك ان نايف مابيتركك اللا وانتي مو متعلقه فيه مثل قبل ...بالعكس شبه بتكرهينه ومصدومه منه ..وراح عنك ..........احسن من انك تتعلقين فيه ويتركك بدون اسباب
غلا: بس مهما كنت ااكرهه والله احبه ..ومستحيل اكرهه احبه بكل عيوبه ...
.................................................. .................................................. .................................................
كانت حالته شبه حالتها حاول يقنع نفسه بنفسه ان غلا رح تروح وتصير من نصيب غيره وانه اهو مايستاهلها ...لكن الطعون اللي اعطته من شوي مستحيل رح ينساها ...وشلون يتحمل غلا اللي حتى ضحكتها اشتاق لها ....وشلون بيصبر يشوفها تقول له انا كرهتك يانايف .؟؟؟؟؟كرهتك وماادراكما اكرهك ...ووش معاني هالكلمه ..خاصة انه يعرف قلبها الطيب اللي مايعرف للكره طريق... اكيد انها طالعه من قهرها منني ....
جلسس يحلل معناها ..وبعدين تذكر ان هذا كله عشان بعد كم يوم يشوف غلا مع زوجها تعيش احلى عيشه ..واسعد ايام ....ويبقى نايف نايف المتحطم ..بكل مافيه .......
كانت هالفكره تصبره على حالته ....شوي وقطع عليه اتصال محمد
بعد السلام
محمد: ووشخبارك الحين؟
نايف بطريقه اول مره يحاكي احد فيها محمد استغرب منه: محمد ... انا خلاص مابقى لي غير كم من ليله واتحطم واطلق غلا؟؟
محمد: ايييه ياخوك هذي الدنيا ..الله يصبرك ويصبرها
نايف: ووشخبارها الحين؟
محمد: لالامومنفعله مثل قبل طالعه هااديه من شوي سالنا ريناد عنها انا وعبدالله
نايف: هذا اللي ابيه
محمد: متى بتتطلقون؟
نايف: بكره ان شالله ارسل لك الورقه ....ووش قال خالي من بعد ماطلعت؟
محمد: والله مدري ابوي ماوده البكلام هذا ..بس والله حاولت اقنع فيه انا وعبدالله .... وشكله رح يقتنع
عبدالله: وجابت نتيجه الاشاعات اللي طلعتها فيني؟
محمد: ايه حاولت ازيد ...قلت انك توك مطلع من سجن ..وانك متهم ..وانك تغيرت حتى عبدالله مو متخيل اللي اقول له ...بس عاد وش نسوي ..هذا الحل الوحيد
نايف: وطبعا اقتنع من بعدها؟
محمد: ايه يقول مادامه لاوظيفه ولاشي واهو مايبيها ..ومتغير مثل ماتقول ...هذا مب اللي اانا بغيته لبنتي هذا واحد ثاني ....قلنا له على ان غلا موافقه وشكله اقتنع
نايف: بس لاتزوجونها من بعدي واحد ثاني عادي ...خلوه ولد عز يعيشها بنفس العز اللي انتم معيشينها ان ماكان اكثر ....خلوه واحد يعطيها اللي مايقدر عليه نايف
محمد حز بخاطره كلامه: مارح نلقى مثلك ..وش فيه اصاله اكثر من انك تطلق اختي وتتعذب عشانها اهي ولمصلحتها تدوس على قلبك؟ ...والله هذا مثال بسيط لنبالتك واصالتك وكرم اصلك ..ولااتوقع رح القى مثلك
نايف: ماعليك زود يامحمد ...وخلك قريب من غلا ..وعلمني عن اللي بيصير لها اول باول ترا انا قلبي عليها
محمد متفاجئ انه ممكن يطلع اللي بقلبه كذا .....: ان شالله
نايف: يالله تصبح على خير
محمد: حاول تخفف عن نفسك لان شكلك اليوم مو مريحني ...والله يوفقك بغير اختي
نايف: حامض على بوزي غير اختك مافيه ...اختك اول واخر زواج وارتباط بالنسبه لي ..ولاتشل همي...يالله يامحمد مع السلامه
محمد تنهد: سلام
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::على امواج الخليج العربي الهاديه .... وفي الجو المغيم الرايق ...قرب يجي فصل الشتا وهذي بوادره الحلوه ... رذاذ خفيف مع الجو .... وهذا غير صوت الامواج واهي تتحرك حول البخت اللي راكبينه ....
كان موقف على الطرف واهي جنبه ماسكه الحديد اللي على الأطراف ...
تركي: الجو رهييب اليوم
ديما: مابقى شي ويجي الشتا
تركي: تصدقين كلها كم من شهروتعدي سنتين على زواجنا
ديما: الأيام سريعه
تركي(يااني غبي ليتني مافتحت معاها هالسالفه أنا ماصدقت تنسى شوي)
ديما: تركي وش صار على اللي اعطيتك رقمها ؟ كلمت أبوها؟
تركي: هاه؟... اها ..ايه ايه كلمت أبوها
ديما: والله وورا ماعلمتني ؟
تركي: ديما واللي يعافيك انا جاي هنا ابي انسى هالخرابيط اللي نقولها قبل
ديما: لابس علمني واوعدك راح اسكت
تركي: كلمته وطلبت يد بنته ...ووافق والحين ابجي اخطبها بعد كم يوم
طالعها بنص عين يبي يشوف تعبيراتها اول شي تنكدت وبعدين ابتسمت له ..
ديما: اقول لك مبروك مقدما؟
تركي مرتاع منها(عاد انا ولاادري عن هالرقم اصلن ظايع منني ...وش يصرفها الحين) : لاتونا خلي البنت توافق
ديما في نفسها(بنت وتركي ويخطب؟؟...قعدت تتخيل شكله مع وحده ثانيه لالابس ابخليه يصير عنده عيال كثاار ...احسن له ..ليه اصير انانيه)
تركي(انا لازم اكلم الطبيب النفسي سريع قبل لاتتطور معها هالحاله )
تركي: اممممم اقول ديما
ديما: هلا؟

[همـس]

تركي: ابكلم تلفون دقايق واجيك طيب لاتتحركين
ديما: وليه مين بتكلم ؟
تركي: ابو البنت مواعده اتصل فيه اليوم بس نسيت
ديما حز بخاطرها كلامه : طيب
تركي حط رجله وعلى طول اتصل بالدكتور ....
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::
<<<<قبل لايطلق غلا بيوم الساعه 12 الليل
فكرت ترسل له مقطع من قصيده اهو كاتبها
ماتقبلـت الفـراق ومـال يـدي فيـه حيلـه
آآه لو ان الظروف المقبلـه تكشـف قدرهـا
لويعرف الشخص منا وش مع الغيب بيجي له
كان جنبنا المشاكل من قبل يوقـع ضررهـا
ماهقيت اليلـه الـي جابـت الفرقاءطويلـه
لين صارت ليلة امس بعيني اطول من شهرها
والعذاب الي يـذوب بعيـن مـن يفقدخليلـه
عندي اكبر من عذاب العين لو تفقـد نظرهـا
والحبيب الي صـدوده مثـل مداتـه جزيلـه
صد عني واعرفه لاصد عن حاجه هجرهـا
كن روحي يوم حست في جفاه وصعب نيلـه
بشرتنـي بالضايـع وشـدة العـزم لسفرهـا
مارحماها مـن هـلاك ومـا تقبلهـا دخيلـه
تحتضرقدام عينه ليـن ماتـت مـن قهرهـا
عاد ليت اللي ذبحاها وارهب الموت بوسيلـه
مادفن وجه الضحيـه والسكاكيـن بنحرهـا
ليت قلبه يوم طـاوع فعلتـه كمـل جميلـه
لوغسلها من عروقه وبكفـن صـدره قبرهـا
من حفر بضلوع قلبـه حفرة(ن)تكفـي قتيلـه
ليه مايدفن قتيلـه بالضلـوع اللـي حفرهـا
اشتيكـتـه لـرفـوف وللبراويزالهـزيـلـه
وانذعرت من االنياح اللي سمعته في صورها
رحت اسولف للجبال الصم عن قصة رحيلـه
ماتركة امتونـه الا ينحـت الـدم بصخرهـا
كانت متعمده يكون اهو اللي كتبها عشان تبين له انه كتبها في نفسه
واكتبت له رساله من تأليفها عشان تكون أخر شي ترسله لنايف.!!

...
حتـى إنتـ !!
كنـت أظنك غير والله !
بس / هنتـ .. !
وهـان قلبي عندك إنت !
حتى إنـت !!
يااااهـ
والله كنت أظنك غيرهم
كنت أظنك خيرهم
كنت أظنك كلهم ..!!
وبعت إنتـ !!
يعني مافكرت فيني ؟
أرخصت احلى سنيني ؟
وضــاع عمري ..
وإنت / إنت !!
كنت أظنك غير واللهـ
كنت أظنك خير واللهـ
حتى إنت !!
طيب
وقلبي اللي حبك ؟
والعيون اللي سهرت لك !؟
والشفاه اللي ندهت لك ؟؟
والأيادي اللي دعت لك !!
كلها كانت ( سرابـ )
وآخر الرحلهـ [ إغ ـتراب ] ؟؟
هذا إنت !!
.....

نايف :::
الحين بالقسمه والنصيب
تتشكالي
وينك يوم قلت إن فراقنا
شي خيالي
.................................................. ....
وجادور اقوى مسج ترسله بحياتها ......
لا تنصدم اذا قلت انا اليوم مـا أبيك
القلب عافك و انتهى اليوم دورك
اعميتني بحبك عسى الله يعميك
ورميتني يا شين بـ أعمق بحورك
يالله توكل لا تجيني و لا أجيك
يـالله حبيب أمك قوم رتب امورك

كتبت المسجات واهي تبكي ماتبكي ادموع تبكي دم هالمره تقطع قلبها ومستحيل بيرجع ...وينه اللي كان يواسيني اللي كان يعطيني ...نايف ..ليه يتغير ...بس مهما كان انا لازم ابعد عن حياتتك واكرهك ياحبيبي ......

اما نايف المسجات ماكانت سهله بالنسبه له كانت اكبر من الطعن ولو ان الطعن بالسيف أرحم ...من متى وغلا تكره وتهزء بمسج او تألف ؟؟...اللي عرفتها قلبها طيب ..لكن هذا نصيبي وهذا قدري مع غلا .... ابظل متعلق فيها ..على علمي انها كرهتني ....ايه ...كرهتك يانايف .... وبتحب غيرك والدنيا قدامها انت اللي بتموت ..
<<السـاعه 8 الصبح ....من بعد ماانهى الصباح ظلام الليله اللي همه مارح ينتهي وبيدوم ...معاه طول عمره ...
جلوي ...كان نازل من الدرج مستعجل وشاف نايف بالصاله
جلوي مستغرب: نايف؟
نايف: نعم؟
جلوي: من متى قايم.؟
نايف: مانمت
جلوي: دقايق وقام ينادي (يااااماري ...ماري...
ماري: نعم بابا؟
جلوي: سوي فطور الحين بسرعه ابطلع
ماري: طيب
نايف: وين بتروح؟
جلوي مبتسم: نسيت اللي اقول لك ؟ عندي اليوم مقابله للماحستيراليوم
نايف : من جدك انت؟
جلوي: يوه نايف ووش فيك مستغرب؟ قايل لك امس هههههههههههههه ول كل ذا سهر ..الا ووش قاعد تسوي سهران ؟
نايف: مدري ماعرفت انام
جلوي: طيب ابي دعواتك
نايف مبتسم بالغصب: الله ان شالله يوفقك ويرجيك
جلوي: نايف تكفى رح نام شف عيونك شكلك دايخ
نايف: لاتعرف ورانا شغل محكمه ومانهيت كلشي ولازم اخلصه اليوم
جلوي وتوه يتذكر موضوع طلاقه اجل عشان كذا التغير ذا كله...تقطع قلبه على اخوه ... ماحب يتكلم معاه واجد لأنه بيتحسف وبيكتئب: ومتى بتروح للمحكمه؟
نايف: بعد شوي
جلوي: ايه الله يعين
نايف تنهد وقام راح بيصلي الضحى وبيقعد مع نفسه شوي وبيمشي
جلوي: على وين؟
نايف: ابروح شوي ...
جلوي بتفكير: اقول نايف
نايف: نعم؟
جلوي: مصمل؟
نايف: جلوي واللي يرحم والديك انا لي يومين مانمت ولاذقت النوم ....انااستخرت والشي اللي فيه مصلحت غلا ابسويه ولو على حساب قلبي
جلوي سكت
نايف: جلوي تكفى ...قل لهم مابي احد يفاتحني بها الموضوع اليوم عشان انهي اللي فكرت فيه واغير هالوضع
جلوي: ابشر
نايف: يالله اجل الله يوفقك
واهو يمشي تذكر نفسه يوم كان يدرس بالجامعه وتوه منقبل بالجامعه قبل سنين طويله ...وجلوي كان توه يدرس الثانويه ...كل ماتذكر كل مااستحقر نفسه اكثر .... وكره حظه العاثر
كان جلوي يذاكر ونايف قباله
نايف: يوه الله يرحم ايامك يالثانويه العامه وهذاك الكرف ...يالله يابابا ياجلوي عيب ماتذاكر رح وذاكر
جلوي: اقول انقلع تراك قبل كنت مثلي
نايف: يووه بس انا تخرجت ودخلت الجامعه ..وبادرس بالالمانيا ان شالله وانت تفحط ورا هالنسبه وعساك تجيب درجات
جلوي: اقول انت وهالطموح اتحداك تروح تدرس برا من زين تخصصك ..حدك جامعة الملك سعود وتخب عليك
نايف: خلاص انشوف ميين اللي بيغلب الثاني ...حبيبي مافيه اهم من الطموح ...حتىى لو مارحت لألمانيا على الاقل فكرت اروح مب انت
جلوي: خلاص هذا وجهي تروك هناك
(الحين جلوي اللي ان شالله بياخذ الماجستير والدكتوراه وانا..............؟!!! حتى زواج كثير علي ...خلاص موب وقت انك تتحسر يانايف انت حتى حلمك ماوصلت له تبي توصل لبنت العز ؟)
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::
تركي وديما توهم واصلين للرياض ..دخلو وسلمو عليهم وجلسو شوي
ابوعبدالله: هذي الساعه المباركه لكم فتره ماتجون
ديما: والله ياخالي تعرف تركي وتقديمه واختبارات ارامكو ماتخلص ..وبالذات اخر سنه لازم مايصير أي تقديم
ابوعبدالله: الله يوفقكم ان شالله
تركي واهو جالس على اعصابه وموب عاجبه الكلام اللي سمعه منهم الحين غلا وش له تتطلق؟...لازم اعرف وش اللي يصير ...قام يلمح لمحمد اللي يسولف مع ريناد
محمد: تبيني؟
تركي: اقول محمد تعال معي شوي
محمد: طيب
راح معاه على جنب
تركي: وش اللي يخلي نايف يطلق غلا؟
محمد تنهد : كلنا ماودنا مثلك حتى ابوي لو بتسأله بيقول لك نفس الكلام
تركي بانفعال: وش اللي يخليه يطلقها؟
محمد: ماعنده وظيفه ولاشهاده ولاشي ياتركي نايف ماايبني بيت ولايعشي ابد ...وطبعا مايصلح يعتمد على ورث ابوه ....وغلا ماحد يبيها تاخذ اللي بها المستوى ...يقول غلا يوم وافقت علي على الشخص اللي بيعزها وبيغنيها عن كلش لكن وش تسوي مع واحد متحطم ولاحتى شهاده ماعنده هذا وين بيلقى وظيفه الوقت هذا
تركي تنهد: لاحول ولاقوة اللا بالله .... مافيه حل غير الطلاق ؟ مب لاقي له دوره ولااي تخصص أي شي؟
محمد: ياخي مستقبل غلا والله حرام يضيع كذا تنتظر
تركي معصب: البنت تعلقت بالرجال ..وماتبي غيره الدعوه مب لعبه وانااقطع يدي اذا غلا راضيه باللي يصير ........وابوي بس ودي اعرف كيف وافق؟؟
محمد: تدري وش سوينا؟ حاولت اطيحه واصغره من عين ابوي كذب عليه على حساب سمعته ...وغلا .قامت تكرهه نجيب طاريه سيرته تقول غيرو السالفه صارت تكرهه وتنفر منه ...وهذا اللي نايف سواه معاها ..
تركي معقد حواجبه: يعني خرب سمعت نفسه؟؟....وابعدها عنه ؟....عشان الطلاق
محمد: والله الله يعينه نايف ذاك اليوم والله انه يكلمني ودموعه شوي وبتخونه ...لكن وش نسوي هذا نصيبهم
تركي: لاحول ولاقوة اللا بالله ماحطينا هالحساب ابد....بس اعجبتني تضحيته بقلبه ...والله انه رجال وبعقل الف رجال
محمد: الله يعينه
تركي: ووش بيسوي مع نتيجته؟
محمد: مدري يقول ابدور أي واسطه توظفني بأي مكان وباي راتب وبعدين....
تركي: لالااقصد مارح يتزوج؟
محمد: لاوين مستحيل
تركي: وغلا كلمتوها؟
محمد: ايه ماتكلمت واجد مععي ماحاولت تبين لي غير انها ماتبي نايف ومستعده للطلاق
تركي: خساره ..والله لو ان غلا بنتي لأخليها ...مافيه مثل نايف بها الوقت
محمد: الله يعين ..اللاوش صار عليك انت؟
تركي بضحك: ابشرك ابخطب بعد كم من يوم
محمد: جدك انت؟ههههههههههه
تركي: والله مدري عن هالدكتور يقول اعطها باللي تقوله
محمد: شي غريب..!!وماعندها مشكله؟
تركي: مو هذا اللي مستغربه ...شف ههههههههههههه بعد كم يوم اببجيكم كاشخ ببالبشت والعقال وانت بتجون مععي يعني ابخطب
محمد بضحك: ..!!ولو درت فيك؟
تركي: والله اللي بيدي سويته
شوي ويدق الجرس
قامو البنات كلهم من الصاله وسمعت صوت نايف توه داخله من بعيد ....كانت منقهره منه ليش انه مارد عليها برسايلها ....لكن خلاص تعودت وتبلد احساسها
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::
دخل وسلم على ابونايف وعياله وجلس معاهم شوي ....كان يبيين لهم انه مايبي شي يأثر بعلاقته في ابوعبدالله وعياله .....شوي وراهم ورقة الطلاق اللي راحت على طول لغلا
.................................................. ....................................
كانت ماسكتها وتبكي ....
ساره: يابنت خلاص يكفي
ديما: ريناد اعطيني كاس المويه اللي جنبك
غلا: اقل شي كلمه بس بخل فيها علي متأكدين ان هذا انسان ول لا؟
ديما: قولي لايله اللا الله

[همـس]

غلالااله اللا الله
ديما: انتي ماتبينه مو هو مب انسان على قولك ؟ خلاص ليه تبكين وتضيقين صدرك عليه
غلا: ماتوقعتها النهايه
ديما: ومن قال انها النهايه تاخذين اللي احسن من نايف لايهمك
ريناد: نسيتي اللي ييقو ل لك ؟ لو تبكين دم ماجيتك يعني لو شافك الحين مااهتم
غلا سكتت وقام تفكر بكلامهم شوي وشوي تبكي وتهدا حالتها كانت متقبله .....
.................................................. .................
نايف كان متوقع وحاس انها تبكي الحين ومتخيل ان هذا حلم اللي يعيشه ...يبي يقنع نفسه ان هالخطوه ماصارت قام يتحسف عليها ...حتى نظرات ابوعبدالله له تغيرت ...شكله راضي باللي يصير مو انا مخرب حتى سمعتي عشانها .......؟؟؟
جلس معاهم اخر شي سلم على الكل وراح واهو يدوس على قلبه ...ووده يموت بها اللحظه بس مايعيش عمر من غير غلا
محمد لاحظه ضايق صدره وتعباان شكله مهموووم وشويه عليه مهموم ...قبل لايطلع ناداه
محمد: نايف؟
نايف كان حاط يده على يد الباب ولف عليه: هلا؟
محمد: وين القاك اليوم؟
نايف بهدوء: محمد بكره ان شالله مافيني حيل لشي اليوم...اسف
وطلع من عندهم
لاحظو كلهم تغيره طيب دامه يبي الطلاق ليه يكتئب بها الشكل ....الكل حاس انه فيه شي من وراهم مادرو عنه ..لكن غلا( الحين حرام عليى نايف ...وانتهى كلش)
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::
طلع من بيت ابوعبدالله ورجع البيت وجلس مع امه كان هادي ...مابين لها أي تغير .... يحاول يبين عكس اللي داخله .....يبي يرتاح الحين ويغير ولو بشي بسيط ....
دخل غرفته واخذ له ففوه الين جت الساعه 3 العصر صلى العصر ...وطلع مع جلوي والوليد ومنصور
نايف: بشرني عن مقابلتك؟
جلوي: ان شالله بس دعواتك نتايجنا نهاية هالاسبوع
نايف: الله يوفقك
الوليد:اللا وش صار على حايل؟ غطوو ماعاد نسمع لهم كلام
جلوي: لا اليوم عزيمتهم بنروح كلنا
منصور: بس صادق ترا من زمان لاحس لهم ولاخبر
نايف بتفكير: غطتهم هذي وراها شي بس انا الحين فضيت لهم ...قبل سكت وسترت على رداهم لكن الحين انا ماعندي اللااهم
منصور: طيب متى بنروح؟
جلوي: خلنا نخليها الحين قبل لايجي الظلام ع الاقل العصر يخلص بالسياره
نايف: الحين عادي لأن السياره مجهزها انا اليوم الفجر
جلوي: بس عساك نمت؟
نايف: ايه قبل شوي ..يالله مشينا
سلمو على ام نايف وحركو لحايل
.................................................. ...........................................
وصلو وجلسو مع الشيخ والرجال ....ومثل العاده ناصر وصالح عيونهم تقول وراهم شي
نايف حاول يتجاهلهم ويكبر عقله عنهم ...لكن للأسف الكثره تغلب الشجاعه
تعشوو وبعد العشا تفرقو والكل راح لبيته لأن اكثر الرجال يجون على وقت الغدا الى العشا ويمشون ..
كانو تقريبا بالمية رجال يجتمعون هناك .....
جت الساعه 9 بالليل
ومابقى غير عمانهم الاساسين اقرب شي لهم ...وناصر وصالح ماطلعو اهم الوحيدين
تكلمووشوي وسكتو وظلو ساكتين .....
جلوي استاذنهم وطلع
واهو طالع من المجلس الخارجي .... ورايح للسياره ....قابل سياره مب غريبه عليه كان شايفها ويعرف لوحتها من اول .....قام يحاول يتذكر ويفكر ...لمين ؟؟؟...لالامستحيل تكون اللي ببالي مستحيل؟؟؟؟؟!!!!!!!!!!
انفتح باب السياره وتطلع منها بنت شابه ...ومعاها صالح ....ولد عم ابوه ....
البنت بغت تجيه صدمه عصبيه يوم شافها ...
دخل صالح للبيت وكلمها شوي وشكلها تستاذنه تبي تطلع لمكان ....دخل وراحت للسياره ....لفت عليه وطاحت عينها بعينه ....عقدت حواجبها ...وعلى طول نزلت عيونها على لوحة السياره وعرفتها وعرفت الموقف قبالها ابتسمت من بعيد وقربت من عنده
جلوي مثل المخدر مب مستوعب اللي يشوفه ......
منى: هاااااااااااااااي جلوي كيفك؟
جلوي:.....
منى بغنج : ماعرفتني؟
فتحت له وجهها ...
منى: اممممممم انا منى اللي اعطيتك الفلوس وواعدتك بالتحليه
جلوي: أي خدمه؟
منى: هههههههههههههههه سلام بس؟
جلوي: ابعدي يامره وكفي شرك
منى: اوف هذا وانت ولد ابونايف اجل غيرك وش بيقول؟
جلوي: بنت مين؟
منى: منى بنت صالح
مدت له يدها وصافحته جلوي ماوده بها الشي يصير لكن ماقدر يسكت قبال جمالها .....كان منبهر والكلام مايطلع معاه ....(ان كيدهن عظيم )
جلوي: ادخلي داخل ووش مطلعك برا يالله بعد اذنك
منى تجاهلت كلامه: جلوي شخبارك؟
جلوي: ادخلي يابنت وغطي وجهك .....
راح لجهت السياره وركب .....وطنشها ...
بس قلبه كان ينبض لها مايدري ليه جمالها يتعب ويعذب مايسحر وبس ...
عصبت منه ودخلت داخل تنتظر ابوها ....
منى حاطه يدها على خصرها ومعصبه حدها
صالح: هلابنتي وش فيك؟
منى: يبه انت قبل تحاكيني عن هذا جلوي ول الثاني؟ تراني مليت من عزت النفس اللي عندهم ودرينا انهم اخلاق
صالح: ههههههههههههههه ماعليك يابنتي ولاتزعلين مالك اللا اللي يرضيك
منى: والحل؟ منقهره من هالحال انا
صالح: لالاماعليك ادخلي انتي الحين خلاص انتهى دورك والباقي علي
منى: اوكي
.................................................. .................................................. ............................
عند الرجال ...
ناصر كان يعطيهم نظرات غريبه ..منصور شوي يبي يقوم وشوي يمسكه جلوي ..اعصابه بدت تتفلت منه ...اما نايف يعامله معاملة (وجودك زي عدمه )
ناصر بصوت عالي: اللا نايف ؟
نايف لف عليه
ناصر: وشخبار زواجك ؟
صالح : يقولون انك طلقت بنت سلطان بن رميزان؟
نايف منقهرلكن حاول يبين انه مااهتم: ايه
الكل طبعا سكت وقام يسمع ....
الشيخ هنا تدخل وشكل فيه سالفه يبون نايف يها
صالح: يالله ياعمي تقول له؟
الشيخ: ولدي ياابوسعود
نايف: سم عمي
الشيخ: سم الله عدوك ...انت ولد سعود وابوك ماقدراوصف لكم وش كثر معزته عندي وقدره العالي
...ويشهد الله اني اشوف سعود فيك ...ماعاد نشوف سعود مات نايف اهو سعود وسعود نايف ول لا؟
صالح وناصر: ايه ياعم..الله يرحمه
الشيخ: ترحمو عليه
الكل قام يذكر الله ويرحمه ....
الشيخ: وانت دامك طلقت بنت رميزان ....واكيد بتتزوج ..ياولدي ...
نايف سكت حس انه اطرم ولايقدر يتكلم مع هالسؤال
ناصر: ايه اجل ياشيخ مافيه احد يقعد بدون زواج
منصور: وانت وش دخلك احد سالك؟
جلوي نغزه وسكت منصور
الشيخ يطالع بعيون نايف طول الوقت ...وحاس ان عيونه وراها شي لكن مهما كان الي ببال الشيخ لازم يصير
الشيخ : نايف.......! ماله داعي اعلمك بعادات القبيله بالزواج ...وبالذات ان اكثر بنات عمانك وعيال عم ابوك بسن زواج الحين ...وعيال عمهم احق بهم
العيون الحين كلها موجهه على نايف اللي ماعاد يدري وش يقول أي كلمه بتكون محسوبه عليه
صالح قرب من عنده ومد يده ومسك يد نايف: على سنة الله ورسوله ويشهد على كلامي كل الموجودين ...بنتي منى لنايف بن سعود ...
الشيخ ابتسم وكنه راضي بالكلام واعجبه موقف صالح ....
نايف انلخم وكن احد كب عليه مويه بارده ...سكت متفاجئ وش الخيانه اللي ارتكبها؟؟مستحيل اخذ بنت صالح ولوخلصو بنات العالم مااخذها ...والله مااخذ على غلا انا ناذر نذر ....عادات قبايل ول لا...انا مايخصني هالكلام ......لكن وشلون بيقدر يتصرف ...
جلوي احترقت اعصابه ...من هالكلام ....وحس بموقف نايف الصعب ...كان ساكت والكل ينتظر كلمت نايف ........ جلوي ابد ابد مارضاها لنايف ومن هو صالح عشان يحطه بها الموقف ..؟....ويكفي انه داخل على طمع اهو وبنته .....ومين منى اللي كلمها وواعدها وسلم عليها وشافها كيف يبي يرضا ان نايف ياخذها بعد كل هذا غلط كبير بحق نايف
الشيخ عصب ردت فعل نايف ....لأنه ساكت ولاطلعت منه أي كلمه
الشيخ: تغللط على شرف البنت يابوسعود
ناصر: والله ماهقيناها
نايف بعد ماشال يده عن يد صالح: ماغلطت بحق بنت صالح ياجماعه هذي بنت عمي
الشيخ: يعني نقدر نقول للملاك يجي الحين
نايف: اعتذر ...بنت عمي بنت ناس اجواد من بيت كرم وطيب وحسب ونسب ....ماغلط على شرفها لكن انااعتذر من الزواج اعفوني منه
صالح يشوف الشيخ: انت تسمع وش قاعد يقول ؟
الشيخ: لاتغلط على شرف البنت
نايف: ياعمي ...بنت صالح بنت عمي ....والرجال تجي عند بيتها تخطبها ....موب تغصب الرجال ياخذونها .... بنت العم مابها لاعيب ولانقصان بس فكرة الزواج بعيده عن بالي ...والرجال ماينغصب
صالح عصب والشيخ اكثر منه .......
جلوي اعجبه كلام نايف ....لكن مافيه مفر الكثره تغلب الشجاعه ...الملاك كان حاظر وبيزوجون نايف مثل عيال عمهم اللي قبل
.......الملاك كان حاظر المكان ...ومنى من بعيد تسمع كلشي ...واستغربت ردت فعل نايف ماحد سواها قبله
جلوي يحس انه غلطان وش اللي يخليه يسكت ويشوف نايف كذا وكل ماتذكر هدفهم من هالزواج عشان الورث تحترق اعصااابه ....
كانو يحاولون معاه بالكلام .....ويضغطون عليه لدرجة انه وصل لمرحلة الاجابات المختصره
جلوي بحزم: عمي ..!!
الكل سكت وقامو يطالعونه
الشيخ: وش عندك ياجلوي؟
جلوي: عمي انا طالب يد بنت صالح ....!! طالبك ياعمي ..وياعمي صالح
صالح وناصر استغربو واكثر منهم نايف وحتى اخوانه ماحد توقع ردت فعله
الشيخ: نايف؟
جلوي: الرجال ماينجبر ...ومن عادات القبايل مايردون عيال العم لاجو يخطبون بناتهم ول انا غلطان ؟
سكتهم كلهم بها الكلمه
نايف يحس بالامتنان لجلوي ..لكن ليه ؟؟يسوي كذ الدعوه فيها زواج مب لعب ...
جلوي علمهم وتركو الموضوع بيتشاورون فيه وبعدين بيسلمونه اوراق الملاك
جلوي حس بالعرق يتصبب من جبينه .... وش اللي سواه ولاحط له أي حساب اهو وين الحين والزواج وين ....لكن احسن من انه يشوف نايف يطلق غلا وبنفس اليوم ياخذ غيرها ...ولو انه ظل ساكت كان هذا اللي صار وطبعا نايف بيضيع من بعدها كلشي عنده ولاغلا ...وهذا مايرضاه لاخوه ..وكل ماتذكر انه شافها وقابلها وسلم عليها ...ماحب انه ياخذ بنات من هالنوع لكن تربيه صالح وش بتصير .؟.....
منصور: جلوي انت من جدك؟ ذولي يبون يسحبون فلوس مستوعب؟
جلوي: يرضيك ان نايف ياخذها اهم لعبوها صح لكن فيني ولافي نايف نايف مب ناقص هم فوق همه
جلوي: وفيه شغله ابعلمكم فيها بعدين
الوليد: وش ؟
جلوي: بعدين
نايف راح عند جلوي وبوجه شااحب
نايف: جلوي وش اللي سويته
جلوي: انا ابي اخذ بنته من زمان
نايف: علي انا هالكلام
جلوي: كان ودك تاخذبنت صالح؟
نايف: لاطبعا
جلوي: اجل خلني اتزوج
نايف في نفسه عارف ان جلوي ماسوا هالحركه اللا عشان لايخليها له ويتحملها لكن ماحب انه يكون بمكان رحمت جلوي ...... هذا جميل ومستحيل بينساه لجلوي واصعب موقف مر عليه بحياته وماحد طلعه غيره ...مايحق له يصرخ عليه ول يعاتبه وفعلا اللي بيعرف قصة نايف كلها رح يرحمه ول ووش بتكون ردت فعل غلا ان عرفت ....
التزم الصمت وماحب يتكلم ويسال عن هالموضوع كثير وخصوصا انه يشوف اخوانه مرقهين من هاليوم واللي صار فيه
نايف: نمشي للرياض؟
منصور: مانمرح ليله هنا؟
جلوي: لاوشو له بسرعه خلونا نرجع ول وش يقعدكم هنا
الوليد بمزح ماجا بوقته: لاخلونا نجلس يمكن يفكوننا من منصور ويزوجونه بالطريق ههههههههههههههههه
منصور: فال الله ولافال جعلك تاخذ وحده من ذا البدويات انت تسنعك
الوليد: لالاتكون خل نمشي
نايف: انتظركم بالسياره
الشيخ: وين؟
نايف: خلاص ياعمي بنمشي ورانا طريق للرياض
صالح : اجلسو لكم ليله وبكره الصبح امسكو الخط وامشو
نايف في قلبه(بعد شين وقوة عين يبيني اقابله بكره)
مشى سفهه ونادا اخوانه ومشو على طريق الرياض
مرت ساعه وطفشو من الطريق مابقى شي على وقت الفجر ....
نايف اللي يسوق ومنصور والوليد نامو ورا
نايف: جلوي مانمت؟
جلوي: ياخوك قاعد افكر بموضوع بنت صالح
نايف: تتوفق معها ان شالله وش يدريك
جلوي: دخلتهم مب لله
نايف: ماعليك منهم مايقدرون يسون شي
جلوي: اللا اقول نايف(ابتسم ) وش اخبار قصايدك ماعاد اسمعك تقصد ابد
نايف: توني امس مسمعك
جلوي: لاتلعب علي تعطيني من القديم انت تزوجت وقلت قصايدي لغلا وماتوريني اياها لأن كلها لزوجتك ...وانقطعت عن الشعر الباقي هههههههههههههههه
نايف سكت ججلوي حس انه نبش جروح عنده
نايف مل من كثر مايشوفونه متضايق من موضوع طلاقه على انه ماصار له اللا يوم من تطلق

[همـس]

حب يغير هالوضع
نايف: طيب عندي لك هالقصيده توني مألفها وانا طالع من حايل
جلوي: الحين؟
نايف: لاعاد لها اسبوع اكتب فيها وكملتها الحين بالطريق
جلوي: بعقلك؟
نايف: يقول
جلوي: لحظه ولااقاطعك عن ايش مابي غزل
نايف: وش غزل هالحزه لاهذي بربع القبيله وشويه ابوي
جلوي: يالله سمعني
نايف: يقول

إي بالله أخطو والخطا اللي جابهم عين الصواب
مبطي وأنا أشوف الطمع يكشف زادهم وأستره


مايملي عيون الحسود بهالزمن غير التراب
ومن لايتوب من الخطا تحرم عليه المعذرة


اللي من أولها خراب أكيد تاليها خراب
والبندق اللي ماتثور بهدفها تذعره


ودك ليا من جاتك الغلطة من الناس القراب
الصاحب اللي ماكسبت محبته ماتخسره


مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجرة


صوتٍ يصول منبره وخطاب مامثله خطاب
والطيبة اللي زعزعت صوت الخطيب ومنبره


مافي دمعٍ صوبوه أحبابي بوجهي وخاب
ولا زرق حزني على غالي ولا فج أنحره


كل الزهاب اللي معي ذكرى من أصحاب الزهاب
واللي بقا لي من عذاب أشرس طريقي وأخطره


لأني تجنبت الغرق, عديت من فوق السحاب
لأن أكثر أصحابي ورق ماشفت للطيب ثمره


والله ماحطيت بين الحقد والخوة حجاب
حتى غدو ربعي يحدوني على الضيق أشكره


البارحة ثارت علي أرقاب و آوتني أرقاب
البارحة وياثقل دم البارح ويامحقره


أثر المصايب ماتجيك إلا من الناس القراب
وبهالزمن حتى الخوي اللي تثق فيه إحذره


هٌب ياوجه الحسد وشلون جمعهم وغاب
كيف السنين اللي عطتني بعثرتهم بعثره


لابارك الله في رقيقٍ تزعله كلمة عتاب
ولاجمع الله الرجال اللي تفرقهم مره


الصاحب اللي مايجي من صحبته غير العذاب
نذرٍ علي إن ماهجرني ولا أنا اللي بهجره


من يفتح لفرقاي باب أفك له عشرين باب
وإذا خويي مايقدر خوتي ما أقٌدره


عودت نفسي كل ماشددت لليمه ركاب
ماصدد وجهي عن طموح إلا لياجبت خبره


إن روٌحو فأنا بريء منهم ليوم الحساب
وإن جرٌحو قولو لهم ماحركو فيٌ شعره


شفهم لهم حول السنة ولا خذو مني جواب
أحسن دوا للي يستفزك (تــــحـــــــــــقـــــــــــــره)


ماكنت أحاتيهم صغير, عاد أحاتيهم شباب
الصاحب اللي مأذخره لليوم الأسود ما أذخره


شفني جمٌعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره


اللي يخاف من الظما يترك لنا طرد السراب
واللي ماهو بقد الظلام و وحشته لايسهره


عقب إكتئاب البارحة ماعاد أنا حمل إكتئاب
الطيب جرجرني وأنا ماني بناقص جرجره


أنا تجرعت الظما لين إحترق وجهي وذاب
أنا كسرت بخاطري قبل الصداقة تكسره


أنا خسرت اللي غيابه غير عن كل الغياب
أنا غفرت لعالم ماتستحق المغفرة


أنا أكثر إنسان تعلم من كثر ما أخطا وصاب
أنا آخر لسان يتكلم في زمان الثرثرة


أنا القصيد اللي فزع من دفتره مليون ناب
وأنا الوحيد اللي جمع مليون ناب بدفتره


جفني وجرٌحه السهر وحيلي هدته الصعاب
دمعي هدر, ضحكي ندر, عمري وضيعت أكثره


شيٌبت بعقول العرب, هيبت روسٍ ماتهاب
جمخرة ناسٍ عمرهم مايعرفون الجمهرة


ماصرت ذيب إلا لأن اللي تحدوني ذياب
ماكنت أغيب إلا لأن العفو عند المقدرة


ترا حلاتك لاحملت لصاحبك كلمة عتاب
إن مانطقت بها بوجهه, ماتذمه بظهره


بهالزمن مايملي عيون الحسود إلا التراب
ولا الحظيظ الطلقة اللي ما تصيبه تذعره


ودك اليامن جاتك الغلطة من الناس القراب
الصاحب اللي ماكسبت محبته ماتخسره



:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::
<<<<<<<<<<<<<<بعد مرور 5 شهور
طبعا نايف وغلا كل واحد منهم تعود وتاقلم مع الوضع الجديد ..... غلا تكره حركته وتغيره وتصرفاته لكن بقلبها ماكرهت اكثر شخصيه اعجبتها وحبتها بحياتها ومستحيل تتخلى عن هالحب مهما كان قلبها وفي لكن مكن يكره ويحب بوقت واحد
نايف مشكلته ان الرجال ماينسى حبيبته ولاينسى اللي حبها وتعلق فيها لما تقرب منه يشوف فيها كل الدنيا....اجل لما تبعد عنه وش يبقى لها .....مانسى منها أي شي كل التفاصيل الدقيقه عنها حافظها ومستحيل بينساها ....
جلوي ملك على منى ....وحاول يجاريها ويفهمها عشان يقدر يمشي حياته
خالد والبتول ملكو واخير تزوجت البتول من خالد معذبها
تركي وديما للحين حالتهم صعبه ويا بعض
كان فيي الاستراحه طالع من هناك وجا للبيت على وقت متأخر بالليل
قابل امه وسلم عليها وجلس معها شوي
ام نايف: ماقلتي لي يانايف مارح تزوج؟
نايف تنهد وسكت
ام نايف: لاتكسرني ياولدي والله اني اشوف هالبنات يتقطع قلبي عليك جلوي مابقى شي على زواجه وانت....
نايف: يمه واللي يخليك لي يايمه لاعاد تفاتحونني بها الموضع لاانتي ولاخالاتي ولااخواني ولامشاعل ولاشوق ....قلت لكم زواج من بعد غلا مانيب متزوج ..الحمدلله كذا حالي عاجبني تكفين يمه ماابي اسمع هالموضوع مره ثانيه
ام نايف باستسلام : ان شالله
نايف معصب: يالله اجل ابروح اانا اانام تصبحين على خير يمه
ام نايف: يمه توك داخل
نايف: معليش دايخ
ويمسك زقايره ويولعها ويرقى على طول لغرفته
ام نايف تحسفت انها قالت له ....وتدري انه ماراح اللا متضايق انا وش اللي خلاني افتح معاه هالسالفه الحين
المشكله انه مايدري ان البنت بتتزوج ...
جلست عند التلفزيون ماعرفت تنام من حالت نايف اللي يكسر بخاطرها قلب الام هذا يرحم مهما كان ولدها قوي لازم ترحمه وتحن على قلبه
نايف راح فوق وغير ملابسه وجلس يدخن بالبلكونه ...وطول الوقت يتذكر غلا ويفكر بنفسه وحالته ووش بيصير عليه
طفش من جلسته راح على الانترنت وفتح الماسنجر من بعد غياب طويل عن النت لكن كان يبي يوسع صدره ويتناسى هالجرح اللي فيه
فتح قائمة المتصلين مالقي فيها غير الغلا
الـــــــــــــــــــــغلا /
السلااااااااااااااااااااااام عليييكم
رد النـــــــــــــــــظر
وعليكم السلام
الغـــــــــــــــــــــــــــــلا
معاي نايف؟
رد النـــــــــــــــــــــــــــظر
ايه نايف
الغـــــــــــــــــــــــــــلا
وش اخبارك ؟ ووشلونك ياقاطع لي سنه ماشفتك وينك ووش هالغيبه الطويله
رد النـــــــــــــــــــــــظر
ابد الستر انتي بشريني عنك؟
الغــــــــــــــــــــــــــــــلا
ماشي الحال معاي...وكيف دراستك ؟ وكيفك انت انا ترى لي فتره طويله مادري عن النت
رد النــــــــــــــــــــــــــظر
لاوالله خلاص
الغـــــــــــــــــــــــــــــــــــلا
وش اللي خلاص؟
.................................................. .................................................. ..................................................

[همـس]

تم فتره ساكت .....
والحين نروح لبيت ابوعبدالله
كانت ساره وغلا على الجهاز
ساره: امانه طلع لك رد النظر؟
غلا: ايه والله
ساره: طيب ووراه سكت اسأليه عن حبيبته تزوجها ول لا؟
غلا: اذا دراسته ومارد علي ههههههههههههههههههههههههههههههه
ساره جلست جنبها وتحمسوو واخير بدا يكتب
رد النــــــــــــــــــــــــــــــــــــــظر
انا رسبت وجيت للسعوديه الحين
الغــــــــــــــــــــــــــــــــــــلا
افاا لاحول ولاقوة اللا بالله ..وليه صعبه الدراسه هناك
رد النــــــــــــــــــــــــــــــــــــظر
لابس خلاص انا تحطمت ومافيه امل اكمل شي الحين
الغـــــــــــــــــــــــــــــــــــلا
نايف بليز وضح لي وش تحطمت ايش هالكلام؟
رد النــــــــــــــــــــــــــــــــــظر
تصدقين انتي الوحيده اللي ابقدر اعلمها بكل شي .
الغــــــــــــــــــــــــــــــــــلا
جد والله ووش صار عليك وزواجك
رد النــــــــــــــــــــــــــــــــــــظر
يوم اني بالالمانيا جاني اخوي هناك مع ابوي على اساس ان ابوي تعبان .....وطول العلاج مع ابوي تركه اخوي عندي ورجع ..وبها الفتره اخو زوجتي كان عنده شغل وجا اهو معاها عندي بالمانيا الجوهره صدقيني عشت احلا ايام ذيك الايام والله ماانسااهااا
الغـــــــــــــــــــــــــــــــــــــــــلا<<<م اقدرت تعلق ولاتقول ولاكلمه
.................................................. .........................................
رد النــــــــــــــــــــــــــــــــــــــظر
الجوهره انتي معي فاهمه ول لا؟؟
الغـــــــــــــــــــــــــــــــــــــــــــــــ ـلا <<مصدوومه....
.................................................. ...........
رد النـــــــــــــــــــــــــــــــــــــــظر
مو مشكله اكمل لك ...جت هناك وجلست معها فتره تجي كذا بالاسابيع المهم بعد فتره طبعا تعقدت حالت ابوي ومن عنايه لعنياه ومن دكتور لثاني ....الين ماتوفى الله يرحمه ....رجعت للرياض وتلخبطت مع العزا والرجال ...وتعرفين حالت الواحد ذاك اليوم ...بعد مدة شهور اتصل فيني الدكتور علمني اني راسب ...وان درجاتي وامتحاناتي اكثرها ماقدمتها ....
الغـــــــــــــــــــــــــــــــــــــــــــــــ ـــلا
.................................................. .................................
رد النــــــــــــــــــــــــــــــــــــــظر<<استغر ب نها ماعلقت لكن يمكنها تنتظره يكمل
مات حلم الوظيفه وجادور حلم الزواج يموت واااه كانت اقسى قرارات اتخذتها بحياتي ....زوجتي وغلاي هذي حبها ماقدر اوصفه لك من اليوم لبكره ...الوحيده اللي مكلتني اضطريت اني اتركها وانساها رغم عني ....طبعا اهي بنت تجار وبنت شيوخ ماتاخذ واحد مثلي مايقدر يبني بيت ولاعنده حده يصرف على نفسه ....قررت اني اخليها تكرهني وادوس على نفسي عشانها ...عشان تكرهني وتتقبل فكرة اني ابعد عنها وتركها ...وتتيسر مع غيري ...وبالفعل كنت اعاملها معاملة القاسي الين تركتها وانا متطمن انها ماعاد تبي ترجع لي مثل قبل سمعتها كلام والله مااقوله ...سمعتي خربتها عند اخوانها اهلها وابوها والعالم ...عشان الكل يدري اني انا مااستاهلها ....وبالاخير كرهتني وكرهت كل شي فيني صارت ترسل لي وكلمتني وجه لوجه كنت احترق على حالنا واتمنى ترجع لي زوجتي اللي احبها لكن مصلحتها عندي اهم من قلبي انا عارف ان قلبها وفي لكن انا استاهل انها تكرهني .....وان شالله تلقى من يعوضها امها وتاخذ لها ولد عز يعزها مثل عز ابوها ...لكن انا مهما تغير اللي حولي حبي لغلا مابيتغير ومستحيل أخذ غيرها ابجلس عزوبي طول باقي عمري اتذكرها ......والله يصبرني .....
الغـــــــــــــــــــــــــــــــــــــــــــــــ ـلا
تحبها ول تكرهها؟
رد النــــــــــــــــــــــــــــــــــــــــظر
لو ماحبها كان ماخليتها تكرهني وانا احبها عشان مصلحتها

الغـــــــــــــــــــــــــــــــــــــــــــــــ ـــــلا<<مصدووومه ومو مستوعبه شي
.................................................. .................................................. ........................
رد النــــــــــــــــــــــــــــــــــظر
الجوهره وينك؟
جلست لها فتره بالربع ساعه ساكته ..بعد ماحاولت تحرك يدها وتضغط على الكي بورد
الغـــــــــــــــــــــــــــــــــــــــــــلا
نايف....!!!!!
رد النـــــــــــــــــــــــــــــــــظر
وش فيك؟
الغـــــــــــــــــــــــــــــــــــــــــــــلا
انا غلا
رد النــــــــــــــــــــــــــــــــــــظر
انتي غلا؟
الغــــــــــــــــــــــــــــــــــــــــــــلا
مانيب الجوهره انا غلا بنت سلطان وانت نايف ولد سعود مات ابوك وتركتني مدة شهور ماتكلمني بعدها قلت لي انا ابتركك
رد النـــــــــــــــــــــــــــــــــظر<<انصدم وبعد كل هالوقت تكون اهي غلا
تمو ساكتين ماحد عارف يتكلم وليتحرك فتره على بال مايستوعبون اللي ماحد يتوقعه
غلا ماتدري وش تفكر بايش لايش الحين اهي عرفت وش السبب اللي خلاه يتركها ...وتحسفت من كل قلبها لاكن خلاص فات الفوت ...جلست تبكي بكي يقطع القلب ويدها قامت ترتجف
الغــــــــــــــــــــــــــــــــــــلا<<بعد هالصمت الطويل
نايف انا زواجي من طلال صديق خالد ..أخر هالاسبوع ...!!
رد النــــــــــــــــــــــــــــــــــــــظر<<بصدمه
طلال؟؟؟؟؟؟؟؟؟؟؟؟؟؟؟؟؟؟؟
الغـــــــــــــــــــــــــــــــــــــــــــــــ ــلا
انساني وخذ غيري .....باي
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :
غلا طاحت من الكرسي وطول الوقت تبكي ...ساره نفسها صدمتها باللي صار قويه مره وخوصصا انها لها اسنين تكلمه بالماسنجر ......
فجأه قامت غلا ودخلت الحمام تستفرغ وانتم بكرامه ....خلاص الصدكات قامت تجيها ورا بعض واللي حز بخاطرها اكثر ان نايف يحبها وماتركها اللا عشانها واهي الحين على ذمة غيره ومستحيل ترجع له
اخ ليتها عرفت بها الكلام من قبل كان ماصار اللي صار ....
ساره: غلا يكفي صياح شوفي حالتك الحين صحيتك بتروح وانتي على هالبكي يكفي
غلا بتعب شديد: ساره انا صح شوي واخذ طلال ومايحق لي افكر بنايف ابد لكن والله على ان ملكتي من طلال لها شهرين بس ماعمري شفت مثل نايف ..صحيح طلال مايقصر بس مو مثل نايف ولاهدايا نايف ولاحركاته ولارمنسيته ولاتدليعه لي اعجبت بطلال صح لكن مو مثل نايف ابد .....ومااتوقع في انسان بالدنيا مثل نايف انتي سمعتي الصدمات اللي كتبها لي من شوي

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::
نايف طفى الزقاره اللي كانت معاه ونزل على طول تحت عند امه وكان مره منفعل
نايف: يمه ؟!!!
ام نايف: نعم؟
نايف: ليه تتزوج غلا وانتم ماتعلمونني ليه؟
ام نايف: انت وشمدريك؟
نايف: مب المشكله انا من قال لي المشكله(وزادت حدت صوته اوال مره يكلم امه بها الطريقه) ليه توني اعرف ليه
ام نايف: ماحبيت اخليك تتضايق يانايف
نايف: اانابدري عاجل ول اجل بس كنت ناوي اسوي شي قبل لاتتزوج ول تنخطب
ام نايف: بتتزوج وبينتهي كلش انت لازم تنساها
نايف: وللاسف مايمديني انساها ولابقدر ومستحيل انساها
عصب وانفعل وماحب يزيد كلام على امه وطلع من البيت
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::
ساره من بعد ماهدت بغلا شوي واهي نفسها مصدومه فتحت المنتدى حقهم وقرت قصايد نايف الجديده وكلها عن ابوه والقبيله وعن قصة فراقه من غلا ..... قامت تصيح وتبكي على هالقصه المأساويه اللي ماتتوقع فيه قصص حب يعيش ابطالها الحزن هذا كله .....تركو بعض رغم عنهم ورضى من بعض ...شي متناقض وغيريب مثل غرابة شدة حب غلا لنايف وشدة كرهها له
وهذي وحده من الاف القصائد اللي كان منزلها عن غلا بالممتدى
ابي اكرهك فيني ...
ابي اقول لك اني فاقد احساس
بشوه سمعتي قدام اهلك والناس
علشان تكرهيني ....
عشان بحياتك ماتفكرين تحبيني
ابي اكرهك فيني ارجوك افهميني
ابي حياتك سعيده....
ابيك تغتحين مع غيري صفحه جديده
لأنني بكل بساطه فقير...
ماابي اعترف لك....!!
لالايمكن مستحيــل ...
ايه احبك وابي اعيش دنيتي معاك.....
بس..
عيشي
بحياة
مثل مستواك

اهداااء لغلا قلبي ..........!!!


:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::
<<<<<<<<<<<<ببيت ام عبدالله
اليوم اللي بعده كانو تركي وديما بالرياض ....
في غرفت النوم
ديما جالسه على السرير وتطالع تلفزيون وشوي ويطلع تركي من التواليت وتوه ماخذ شاور ..كان داخل بالروب ...
ديما شافته على طول تذكرت اشيا قديمه كانت صايره بينهم ....طانت تطالع فيه لدرجة انه شك انها تبيه بشي
تركي: ديما تبغين شي؟
ديما: لا
تركي اخذ ملابسه ولبس الثوب والغتره والبشت وجلس قبال المرايا يعدل بشكله ...كان توه حالق سكـ سكوكه ولونه برونز تحت نور اللمبه الاصفر طالع وسيــم وبالذات ان لبس البشت تبان رجولته وهيبته ...وتبين ملامحه الدقيقه ..
كانت تطالع فيه وكل مالها وتركز واهو جالس يعد بشكله قبال المرايه له ساعه ..ومابقى من عطر ماحطه وغرق نفسه فيه ....
فاحت ريحت عطره المعروف بالغرفه وديما هنا خلاص مافيها صبر
تركي الحين قاعد يحاول يركب الكبك
تركي معقد حواجبه: اقول ديما ركبي لي هذا
ديما بعيون حااايره: تركي؟
تركي : وش فيك؟
ديما تطالع بشكله توها مقربه منه: و ...ويـــ....ن بتـــ....رووح؟
تركي توه بتكلم : بـرو،،،،،
ويدق جواله خالد المتصل
تركي: لحظه ارد على خالد
تركي: هلا خالد........ايه طيب ...لالاخلاص انا ابجيكم للبيت اسرع ...ايه مايحتاج ..ههههههههههههههههه ...يالله اجل اكمل كشخه واجيكم ...سلام
ديما تركب الكبك: ماقلت لي وين بتروح؟
تركي:.يعني ماتدرين؟
ديما دموعها تحجرت بعيونها :لالاتروح عنني وتتركني بلحالي
تركي: ابروح اخطب البت انا مواعد الرجال الحين
ديما فكت الكبك بسرعه وقامت تصرخ : لااااا !! مافيه لالاماتروح ماعلي منك ياتركي والله ماترح ولاتخطب ولاتتزوج غيري انا غبيه انا خبله انا ماعندي عقل
وقامت تصرخ وترتجف وتغير لونها احمر ....خاف عليها لايجيها شي
تركي: ديما ...ديووم تعالي تعالي
حاول يمسك يدها ويمشيها ...وحس ان خطته بدت تمشي عليها
ديما هدت يده بقوه وقامت تصرخ فيه: هدني خلاص انت لازم تطلقني مارح اخذ تركي وعنده زوجه تشاركني فيه لااا!!!
وراحت بسرعه للحمام الله يكرمكم وتاخذ الشاور ومن غير شعورها تفتحه على اعلى شي وعلى وجهها ومن غير احساسها
تركي سكر المويه ومسك يدها وحط عينه بعينها من غير أي كلمه
وجهها كله مويه وشعرها كله متملي ويدها ترتجف بشكل يخوف
قامت تطالع فيه بحزن وعيون تدمع الدمعه الوحده تغرق البحر كله من الحزن
تركي بهدووء ومقرب عندها ويهمس لها: ديما اطلعي من هالمكان
مسك يدها وطلعها واهو ماسكها البنت ماعاد تقدر تمشي
جلسها على السرير وجلست ومازالت بنفس العيون الحايره كل ماشافت البشت تذكرت انه بيروح عنها
دق جوالها بها اللحظه وسكره ..والتفت عليها
تركي: ديما ..انتي مو تبيني اتزوج؟
ديما:لا
تركي: ليه لا
ديما: فيه وحده تخلي زوجها ياخذ عليها؟ ماعندي قلب انا ؟ مااغار؟
تركي مبتسم: اهدي اهدي طيب
ورفع يدها ومسك خصلاتها المبلله مويه ورفعها عن عينها
ديما نزلت عيونها وشافت ثوبه وحست بحنانه لها على طول ومن غير احساسها حطت راسها بحظنه وقامت تبكي ...وكأنها من زمااان ماشافته حست انها توها تقول من الاوهام والاحلام اللي كانت عايشتها
جلست تبكي وتبكي خلاها ولاحب يكثر كلام معها الين ماتعترف وتتكلم اهي بنفسها وتقول اللي بقلبها
ديما: اقتليني قبل لاتروح تاخذها انا مدري كيف اعطيتك وساعدتك واجبرتك كنت غبيه والله غبيه
وجلست تبكي ودموعها على ثوبه رفع راسها ومسح دموعها سكتت وقامت تشهق بس من غير دموع
تركي وقف وشال البشت من اكتافه وحطها على اكتافها وضمها على طول
ديما ابتسمت له وضمتها واهي تبكي ....كسرت خاطره الحب ان كبر انقلب ضد الواحد يصير يبدي مصالح محبوبه على حسابه بس مو الكل يصبر بها المواقف وبالذات ان كان الحساب فراقهم من بعض
كلها دقايق وتطيح عليه ديما ويغمى عليها من البكي ....
حاول يمسكها وشالها للمستشفى ......
بعد ماكشف عليها الدكتور وناداه يدخل دخل عيها وكانت شبه واعيه ..واللي معاها مجرد صدمه واثرت عليها بانهيار عصبي بسيط ... ومع الابر المهدئه رح يروح التأثير هذا كله
تركي والدكتور

[همـس]

تركي: ومتى اخذها اليوم؟
الدكتور: لاتستعجل انا ماقلت لك البشاره الثانيه
تركي: بشر
الدكتورمبتسم: مبروك زوجتك حامل
تركي منصدم: الحمدلله رب العالمين الله يبارك فيك
دخل عليها واهو فرحااان ومافيه شي يقده الحين
كانت متمدده على السرير وجهها تعبان وشاحب تركي في نفسه(وبعذرها مالها خلقي الايام اللي فاتتت ومزاجها متعكراجل الدعوه فيها ولد ماتلعب ديووم)
تركي مبتسم ابتسامه ترد الروح اجبرتها تردها له
تركي: هاه وشخبارك الحين؟
ديما: احسن
تركي: الف الف الف مبرووووك
ديما: على؟
تركي: ابصير ابو وبتصيرين ام
ديما عقدت حواجبها: وش؟ جد؟؟؟؟تركي انت من جدك؟
تركي: ديما قولي الحمدلله شفتي يوم صبرنا ووش لقينا قلت لك الحل بغير الزواج الثاني بس انتي تسرعتي
ديما: يعني ؟ انا حامل ؟
تركي: واحلى حامل
ديما: الحمدلله لك يارب
تركي: وسامحيني على سالفة خويتك تراني لعبت عليك
ديما: وشلون
تركي: انا اعلمك شلون
فتح جواله ولقى اربع مكالمات فائته من خالد
تركي: هذا خالد له اربع مكالمات
ديما: اكيد بيقول لك طولت عليهم
تركي اتصل بخالد وحطه على السبيكر
تركي: هلا خالد
خالد: وينك يارجال ماترد
تركي: هذيني دقيت
خالد: بتجي انت ول شلون كل هذا تكشخ؟
تركي يطالع بديما : لارايح احلق تعرف زوجتي الجديده بتشوفني الحين
خالد: اقوول انت كذبت كذبه وصدقت عمرك علمني بتجي ول شلون ؟
تركي: ووش وراي اجي لامارح اجي
خالد: وش هالكلام؟
تركي: انت مصدق سالفة الخطبه؟
خالد: داري انها لعبتك بس شنسوي ماباليد حليه
تركي: وان قلت لك انحلت؟
خالد: وش عندك انت انا من يوم ماسمعت صوتك وانامستبشر وش صار؟
تركي: ابشرك زوجتي حامل
خالد: ماشالله الحمدلله رب العالمين صبرتو ونلتو الف الف مبرووك ياتركي
تركي: الله يبارك فيك
خالد: ماعاد فيه كذب وخراط فاضي ههههههههههههه
تركي: الحمدلله رب العالمين ربك ماينسى احد
خالد: الله يوفقكم ان شالله وجت بوقتها انكم عرفو الحين
تركي: الحمدلله وعلم ابوي وخواتي
خالد: ان شالله افا عليك بس
تركي: يالله اجل عقبالك
خالد: اميين ان شالله
تركي: يالله اجل مع السلامه
خالد: سلام
تركي مبتسم: سمعتي؟
ديما: يعني مافيه وحده تاخذك منني
تركي بضحك: وش هالكلام أي وحده تاخذني انا مجنون ابديها عليك
ديما: !! ياجعلني ماانحرم من هالضحكه
تركي: وانااقول وراها ماتبيني الايام اللي فاتت رح عند ابوك وروح عند ربعك اجل الدعوه تصرفيني هههههههههههه
ديما:الغريبه اني اسوي تصرفات ماحس فيها ..ولاتوقعت انه حمل ولافكرت
تركي: يالله الحمدلله
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::
سألت ريشة قلمي كيف ستعبرين عن معاناتي ؟!
فقالت : الصوت الحزين...عندما تجيبني عن الآتي
أين تجد الامان ؟! قلت في حظنها
أين تجد الحب ؟! قلت في غيرتها
أين تجد الشوق؟! قلت في نظراتها
أين تجد السعاده ؟! قلت في لقائها
أين تجد العذاب ؟! قلت في فراقها
أين تجد العسل؟! قلت في ريقها
أين تجد السحر؟! قلت في حديثها
أين تجد الأنوثه ؟! قلت في كلامها
أين تجد الأمل ؟! قلت في دفئ يدها
أين تجد الاستقرار ؟! قلت في بيتها
أين تجد الخيال؟! قلت في حجرها
أين تجد ملكك؟! قللت في وجودها
أين تجد التأمل ؟! قلت في نومها
أين تجد البرائه ؟! قلت في تصرفاتها
أين تجد ألوانك؟! قلت في لبسها
أين تجد الليل؟! قلت في شعرها
أين تجد النهار؟! قلت في ثغرها
أين تجد الربيع؟! قلت في فرحها
أين تجد الصيف؟! قلت في عتبها
أين تجد النجوم ؟! قلت في شفتيها
أين تجد الكواكب؟! قلت بين يديها
أين تجد التعجب؟! قلت في تناقضها
أين تجد الرقه؟! قلت في مشاعرها
أين تجد النسيان؟! قلت في ضمها
أين تجد الاعجاز؟! قلت في جسمها
أين تجد حروفك؟! قلت في قلبها
أين تجد القمر؟! قلت في ذكرياتها
أين تجد ذكرياتها؟! قلت في رسائلها
أين تجد يومك القادم؟! قلت في وعودها
أين تجد بؤسك؟! قلت في صدها
أين تجد طعنتك؟! قلت في ملكتها
أين تجد السم؟! قلت في وليمة عرسها
أين تجد موتك؟! قلت في ليلة زفافها
أخيرا اين تجد كل هذا؟!
اتمنى الاقيه منك .......!!
التاريخ 7-7-2007
الموقع : قاعة البخت للمناسبات
المناسبه : زواج
كانت اصوات الفرح ماليه المكان ... من طق ورقص الزواج كان كبير بمستوى طلال شريك خالد ....وغلا بنت سلطان ....... ارتباط جديد بالنسبه لها .... وحياة ثانيه جديده ....لكن حياة ومن بعدها موت لحبها القديم .........
.........
ماتحمل الصدمه القويه اللي سمعها .... هذا مصيرها ....لكن بالنسبه له عذاب ..وموت ...... كان يعرف وش كثر غلا تحترق عليه ووش كثر تعاتبه بنفسها .... لكن ان فكر فيها لقاه الحل الوحيد..
وللأسف بطلنا نسى نفسه ونسى يفكر بنفسه .......حياته الجديده الصعبه اللي بيعيشها ....... واصعب موقف بيمر بحياته هالموقف ...!!
اليوم غـلا بتتزوج ...غيري تجلس جنبه وتكلمه وتحبه مثل ماكانت تحبني قبل.؟؟....وانا انساها .....اعترف واستسلم للدنيا ....والله انها شاطره ....كيف فرقتني عن غلا بها الطريقه .......حتى غلا اللي مستحيل اعوض بغيرها خلتني اتعمد اتركــها ..... .....
كان يلبس ثوبه الابيض لكنه يشوفه اسود الغتره بيضا يطالعها سودا كل شي حوله يشوفه اسود حتى الجدار الأبيض طلع أسود....يمر الوقت وقلبه يتقطع ويحترق بالثانيه مليون مره ..........
وطبعا عيال ابوعبدالله عازمينه ومايصلح يردهم ع الأقل يدخل يسلم ويمشي .......اهله راحو للزواج من زمااان .......وبقى اهو بالبيت ...... تعطر وطلع وجهه مايتفسر من الضيقه .......
دخل للسياره ....ومسك جواله لقى فيه مكالمات فائته واشيا ....سحبه بلهفه عشان يشوف .....
فجأه تذكر انه حتى بالأحلام مستحيل بيشوف شي من غلا الحين ........
فتح الصندوق الوارد ....حاول يمسح الرسايل لكن ماقدر حتى الكول مي اللي منها حطهم كلهم بحافظه .....وسماها (غلاي مارح انساك)
كان مفكر يمسح كل شي من جواله لكن ماطاوعه قلبه ...صار يحاول يعطي قلبه هالفتره لأنه مره عطشااان
المهم
دخل للقاعه ويشوف طلال بصدر المكان وجنبه ولابالملاين يدخلون يسلمون عليه ..... والولد فرحان وابتسامته شاقه الحلق ....(الله يوفقهم حرام ابخل عليهم السعاده حتى يوم تركتها .....)
وابوعبدالله وخالد اكثر اثنين من بعد المعرس فرحانين ....... وكل شوي سوالف مع طلال ...وجالسين جنبه ....
قرب من عنده بيسلم عليه ........والكل سكت والتفت على نايف لأنه جا متأخر وغير كذا الكل عارف انه كان ماخذ غلا من قبل لاكن ماحد يدري عن سبب الطلاق ........
مد يده وسلم على طلال ....
نايف بفرح مصطنع: الف مبروك
طلال مبتسم: الله يبارك فيك
نايف: مااوصيك على غلا
طلال ابتسم له : زوجتي ماتوصيني فيها
هنا نايف سكت ..... ولف على طول وراح خالد لاحظ حزنه لأنه كان موقف حنب طلال على طول
جلس نايف شوي عشان مايبين لاحد انه متضايق وجا عنده محمد وفيصل
محمد: شلونك نايف؟
نايف: بخير الله يسلمك
فيصل: تعبان؟
نايف: ليه؟
فيصل: مدري شكلك تعبان ول مسخن؟
نايف: لا صداع من كم من يوم
محمد: فيصل تعال نسيت اوديك لأبو مشاري عرفته
فيصل: ايه عرفته الله يذكره بالخير جاي؟
محمد: ايه تعال معي
وراحو ورا بعض وجلس بلحاله ....يدري انهم جايين يشوفون وش احواله مع هالزواج ..... ويدري انهم ماراحو اللا لانهم لاحظه مره متضايق
نايف في نفسه(اقول انا خلني اطلع الحين قبل لاينتبه لي احد واصير علك بحلوق العالم )
وخصوصا ان طلال معارفه كثير ومن عايلة تجار ومو أي تجار ...معروفين على مستوى البلد كله ظاربين باكلش وداخلين بكل سوق ......هذا اللي بنفس طبقة غلا ...موواحد مثلي مايحمل شهاده ...أأخ ياقهر

طلع من هالمكان المظلم بالرغم من كثرة الثريات المعلقه ....وراح عند بوابة النساء ....مايدري ليه وقف عند هالمكان ....طان صوت الطقاقه واضح ...والظاهر ان طلال دخل على العروس لأنه يسمع الزفه .....
انتهت الزفه وشغلو من بعدها دلوعتي
دلوعتي كل الحلا فيها احترت انا مدري شسمميها
في حسنها كن البدر ضاوي غلا قمر محدن يساويها
ولهان واغلى الناس ولهانه والشوق فيني تنبض اشجانه
دلوعتي بين البشر دانه ياليت ربي لي يخليها
دلوعتي في كامل صباها يازين بسمتها وممشاها
ماواحد في الكون يسواها حتى الخطا منها يحليها
على ديار الزين انا ساري مادام دار الزين هي داري
الكون في تدليعها يماري بالزين كل الناس تطريها
<<<ايه والله بالزين ....
وتمنى يشوفها هالوقت .....اشتاق لشوفتها وكل شوي يتذكر شكلها يوم الملكه ..... وفستانها وناقتها ونعومتها ودلعها ..... لما تعاتبه ول تزعل عليه ويرضيها ويمازحها ...... لما تدلعه ويدلعها
تذكر كل شي ......
خلاص قام يدق قلبه وماعاد قدر يصبر اكثر عند هالمكان اللي مايشوف فيه غير غلا
وحرك بسرعه ....ودموعه ماعاد يدري ليه اهو له كم من يوم مايقدر يتحكم فيها ...يحس نفسه مثل الطفل المأسور تحت هالدمعه ....... لأنه يأس من كلش ماصار يشوف بعيونه غير الدموع
..........................
نايف له ثلاث ساعات على هالحاله ...يمشي بالسياره ...متضاااايق .... وحده خلاص وده ينتحر ول يسوي أي شي جنوني .....بس يططلع من اللي اهو فيه ول يقوم من هالحلم المزعج اللي طول معاه
دخلنا بالساعه الرابعه ووقف عند الجسر اللي يدخله على الدمام .....قفل جواله ونزل بالدمام اتفق مع نفسه يجلس مع حاله مدة ايام يحاول يغير من نفسه مايتحمل احد يشوفه كذا ....
حتى منظر البحر يشوف فيه غلا ...ويتذكرها لما كانو مع بعض بالشاليه ..... لما كانو بدباب البحر ...لما كانوداخل البخت الكبير .....
لو يرفع راسه للسما يلمح ثغرها المبتسم ..... حتى نسيم الهوا يذكره بنعومتها .....وصوتها .....
وين ماراح مستحيل ينسى هالملاك ....لكن الزين مارح يدوم له ابد
اخر شي حط شماغه على وجهه وبشكل يبكي الصخر .... ويقطع القلوب ....يشهق ويمسح دمعته ..... اللي عصت شيمة الرجال ونزلت ...... تعب تعب من هالهم اللي يطارده وهالفكره اللي عجز يستوعبها .....
قام يدعي لها بالتوفيق ...وان طلال يكون احسن منه وينسيها كل شي يتعلق بنايف ...... ومايقصر مع غلا ابد ..........ويخليها تنسى نايف كلش ولاتذكره اللا بالخير .....ويكون وجوده لها اخر الأحزان عليها ..........
وان الله يرحمه من هالعذاب وياخذ روحه ول يرجع لغلا ولو بالمعجزات
تعوذ من ابيس من هالتفكير ولازم بينساها ..........عاجلا ول اجلا

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::
<<<<<<<<<<<<<<<<<<بعد 3 سنواااااات
نايف
كان جالس على احد المقاعد في مستشفى المملكه بارياض ...كان حاس بصداع غير طبيعي براسه حاس ان راسه بينفجر ..... خلص من شغل الريسبشن وجلس بالانتظار من برا .......
شوي اللا وتمر قباله مجموعه من الممرضات يبكون ...يصارخون ويشهقون من البكي ........
كان معاهم دكتور شكله سعودي يحاول يهدي على خفيف ....ويقول لاحول ولاقوة اللا بالله كل شوي ....
ومتجمعين حول سرير ابيض .....
النيرس بصياح: دكتور هذا في موت خلاص
الدكتور بضيق: انا لله وانا اليه راجعون لاحول ولاقوة اللا بالله
الفضول بدا يهلكه ......وحز بخاطره هالموقف نساه الألم .......
لاحظ الممرضات يحاولون للحظات الأخير حتى ماامداهم يدخلون السرير على الغرفه اللي جنبهم .......
كانو يبكون وكأن الميت احد يعرفونه ....

[همـس]

يحاولون بالمغيات واجهزة القلب وماخلو جهاز ماحاولو فيه لكن صدق ان الاعمار بيد الله وان المكتوب اللي بيصصير ولارح يتأخر دقيقه مهما سوو
وقف من مكانه وتكتف يطالع من بعيد ...لهم عشر دقايق على هالوضع حتى اللي بالسرير مو واضح شكله
والكل مذعور من هالموقف اللي ققبالهم ....
اول مره يشده انه يعرف وش صار على الموجود بالسرير..؟؟!
فجلو فتره فجأه يسمع صرخه قويه من وحده من النيرسات ......ومن بعدها ووقفو عمل كال اجهزه والدكتور رح وترهم واهو متضاايق ...وبعض الممرضات راحو ودموعهم مافارقتهم
والبعض الثاني بهدوء حاولو يدفون السرير لكن مو للغرفه العاديه لمكان ثاني .....أكيد ان المريض مات
لمح الموجود بالسرير لان المكان هدا وخفت الزحمه اللي فيه
وش تتوقعون ؟؟
مين شاف ....؟؟!!!
الوجــه نفسه والملامح نفسها .... فارقت الحياة ولاتحس بشي
كانت بنت صغيره يجي عمرها بالعشرينات ...واحلى عمر الله اخذ روحها ....
ولاشي يتحرك منها ...والكل يطالعها بأسى .....وحزن ......
يسمع اللي حوله يذكرون الله وبعض الحريم الموجودين حتى اللي مايعرفونها .......قامو مو يبكون يصرخون من الصياح ....
شي غريب كل شي قام يبكي لانها راحت حتى اللي مايعرفها .....
بس والله انا اعرفها ...انا ادري من هذي
الكل يطالعه لان ردت فعل نايف مب متوقعه
كان موقف بوجه اصفر يحاول يركز على الميته بالسرير...ويده ترتجف بشكل يخوف ...
قرب والنيرس وقفت ماحركت السرير زياده
حط يده تحت اكتافها ورفعها طاح راسها ومسكه على طول ....
خلا وجهها مقابل له
(لا ...!! مومعقول اللي يصير ؟؟!!! ...ماتت ؟؟؟؟؟حبيبتي تموت؟)
نايف :لا ماماتت صح؟
النيرس: بابا مين انتا هذا كلاس في موت
نايف بصراخ: وخري عننها البنت ماماتت ... غلا هذي حياتي روحي ماتموت ...
الناس تجمعو حوله ومسكه واحد من الشباب عمره بالـ 17 سنه
الولد: ياعمي تعوذ من ابليس اذا انت تعرفها ادع لها بالرحمه
نايف: الله يرحمها بالدنيا ماماتتت البنت اقول لك ماتموت
كان يتكلم مثل المجنون ول الخبل ...مسكوه بيبعدونه عنها ورفض
ومسكها وضمها بأقوى ماعنده ولأاخر لحظات عمرها وروحها شوي وبتطلع .......
مابعده عنها غير الممرضات .....وودوه لأقرب غرفه خاصه ودفو السرير اللي يحملها
طاح على الأرض واهو يصرخ باسمها ...ويبكي دم ......
.................................................. .................................................. ..........................................
قام مفزوع من هالحلم ....المرعب .... ومسك جواله على طول يبي يتصل عليها يسمع صوتها يتطمن عليها اكيد غلوو صار فيها شي ....بسم الله عليها بعد قلبي
رفع يده وقام يدعي الله انه يرد كل ضراء بتجيها ...
تصير فيه ايه بس غلا لا
تعوذ من ابليش وشرب له كاس مويه وقرا شي من القرآن ......وراح يصلي له ركعتين
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::
<<<<<مرت ثلاثه ايام ونايف يحاول يلقى أي تفسير واقرب تفسير لها الحلم ...خاف ان البنت فيها شي ول ليه اهو اللي يضمها ويلمسها
اتصل على الشيخ والتفسير الوحيد اللي عرفه منه
((انــــــــــــــ نـــــــــــايف رح يــــــشوف غــــلا قـــــــــريــــــــــــــــب))
وهذا الشي الوحليد اللي يذكره ويلقطه من كلام الشيخ اما الباقي ماكان معاه من كثر فرحته بها الخبر الحمدلله انها مافيها شي ...وعايشه حياتها ولوكانت بعديه عنني
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::
<<<بعد مرور 3 شهور على الحلم
ترك الرياض وراح لألمانيا بيروح يسال اذا عندهم دورات ول أي تخصص باي مجال رح يبدا فيه ويبدا يجدد نفسه ..مرت ثلاث سنوات واهو يدور الوظيفه وماحصلها ماله غير الدراسه ........
طفش من المشي وتعب ...لقى نفسه قبال القطار السريع اللي يوديه على النمسا .....
لمح الاسم تذكر الاسم القديم اللي ارتبط فيه ......كل النمسا لغلا وغلا يذكرها بالنمسا
ركب القطار...وتذكرها يوم كانت جنبه ...يطالع الكرسي اللي جنبه يتذكر شكلها ..... يوم طانت طايحه بحظنه
خايفه واهو يمازحها ..
((والله انها ايام وحشتني))
نزل على النمسا ....دخل للمول الكبير حقهم على طول مايدري ليه يسوي كذا لكن يبي يذكر
مابقى له غير هالذكريات الحلوه بروما ول المانيا كلها تذكره بابوه الله يرحمه
لكن النمسا لها ذكرى خاااصه بالنسبه له ...
يحب هالمكان من حب ذكرياته .....
واهم شي عنده الانهار والشلالات اللي كانت غلا تعشقها وتذكر الكلام اللي بينهم
غلا: نايف واللي يخليك على النهر
نايف: ياحبك للطبيعه المانيا عندهم محلات استغليها موعندنا بالسعوديه
غلا: نايف واللي يسلمك شف شكل النهر وربي ماقد اقاوم
نايف مارضى وراح معاها عند المول وبعدها وداها للي تبي
كانت تجلس جنبه بها المكان .........
رجع لأرض الواقع ولوحدته ....ووحيدته اللمخلصه معشوقته الوحيده اللي لازمته وخففت عنه كل هالشدايد والصدمات ...الزقااااره...
رجع يدخن بعنف اكثر من قبل كان يذكر كل التفاصيل الدقيقه عنها ...وكل ماتذكر وابتسم من هالذكرى الحلوه وسرح بعالم الخيااال اللي يقول له ان انت جنب غلاك الحين
تسبقه صفعة الواقع ...ويرجع ويزيد تدخين اكثر.....
كان يطالع المكان اللي جنبه يذكرها
لكن هالمره صار يتذر شكلها ويرجع لواقعه الكئيب يشوف غلا ماراحت .....كيف؟؟؟؟
انا الحين بحلم ول بعلم؟؟كيف غلا جنبي هنا؟؟ول انا اللي انجنيت
حاول يجمع نظره على العيون اللي قباله يووه كنها عيون غلا ....البرئيه الجذابه ....الذباحه ... نفس العيون .....
ظاع مع اللي جنبه وجلس يطالع بالعيون ويتذكر .....حتى البرونز الفاتح ...نفس لون غلا بالضبط وشي فيه شكل غلا للحين مانساه نايف .......وحتى الشفايف الورديه ......
تفاجأ بصوت الصراخ الطفولي ...اللي جنبه مايدري هذا كله من الطفل اللي بقلبه اللي كل يوم يتحسر على غلا ول مين اللي يصرخ؟؟؟؟
غمض عيونه بقوه وحاول يبعد هالافكار الغريبه عن باله ويحاول يدري اهو جنب ايش الحين
التفت واللا ويلقاه شبيها لكنه طفل
يجي عمره بالسنتين ....عيونه كلها دموووع ويبكي ويصيح وشكله من زمااان موقف جنب نايف لكن نايف خذاه الشبه وطار لبعيد ...وتسبه ..حالت السباهه صايره تجيه بعنف هاليومين
على طول وقف وشال الولد الصغير
نايف :don’t craybing ((لاتبكي !!)
الصغيرودموعه على خده اربع دموع تحت بعض : ابي ماما وين ماما ...خذني عند ماما
نايف ماتوقع انه سعودي .....طلع منديل من جيبه ومسح له وجهه ...
وراح يلف فيه يدور اهله .....
نايف: وش اسم ابوك؟
الصغير: قام يصيح ويصرخ ونايف ماعاد يستوعب منه ولاكلمه
الصغير: بابا وماما بيرحون ويخلونني
نايف: لاماما بتحبك ماتخليك ..لاتبكي انا الحين اوديك عند ابوك
الحين ماعاد يدري اهو يطالع بعيون الولد يشوف فيعا صورت غلا اللي ماتركته ...
فجأه يسمع صوتها حوله
ماعاد يدري اذا هذي حالته المعتاده ول غلا نفسها
كان يسمع احد ينادي ........!!
نـــــــــايف!!
نـــــــــــــــأيــــــــيف!!
يــا نـــــــــــــــــــــــايف!!
الصوت كل ماله ويقرب اكثر
عقد حواجبه ولف على ورا ويلقى قباله غلا هالمره مب حلم ولاخيال غلا بالحقيقه
كانت تصيح وتبكي لكن مايدري ليه
قربت اكثر واكثر من عنده ونايف موقف قرب من عندها وأول مره من بعد غياب دام اربع سنوات
غلا: نايف
نايف: غلا؟
غلا: مشكور ...ليتك تعطيني اياه
الصغير: ماما!!
نايف منلخم: وسااكت
مد لها الصغير بهدووووء
غلا مسكت ولدها وقامت تمسح دموعه الولد ضمها وقام يبكي ....نايف موقف وصار معوق عن الحركه
غلا بلهفه ونست نايف مره: حبيبي نايف ليه تروح بعيد نره ثانيه
الصغير: ماما لاتخليني اضيع مره ثانيه
غلا: حبيبي والله
حست شوي ووقفت لنايف المستغربه انه للحين ماتحرك
غلا: امممم يعطيك العافيه
نايف: اللـ....
ويقطع عليهم صوت من الجنب ينادي بغلا
طلال: غلااا!!
غلا: جايتك
طلال: نايف عندك؟
غلا: ايه ايه عندي
طلال قرب من عندها وشاف نايف ولده
طلال رفع النظاره عن عيونه وابتسم لولده: وشفيك ضعت مره ثانيه هههههههههه
نايف وكأنه حاس بحق نايف المهضووم: بابا هذا الرجال اهو اللي مسكني ول كان سرقني الحرامي
الطريقه طفوليه لكن معانيها اثرت في الاثنين نايف وغلا
غلا موقفه ورا نايف تلعب على نفسها ان الدموع عشان ولدها ول اهي من شافت نايف مره ثانيه وبهاالصدفه ....خانتها كل دموعها اللي بتخلص من نايف
نايف ملاحظ نظراتها وملاحظ انها تكلمه بعيونها لكن هالكلام اول والحين لازم يحترم طلال مهما كان يحب غلا
طلال وكأنه توه يشوف نايف
طلال: هلااااااوالله وش هالصدفه الحلوه؟
نايف: الله يسلمك (بغصه وكأنه يحاول يرد لغلا انه شبه ناسيها ..فقط يبين لها وانتم عارفين الحقيقه)شلونك طلال؟
طلال: ابد الحمدلله ..انت شخبارك؟
نايف: ابد الحمدلله
طلال: غريبه بالنمسا ؟
نايف: ادور دورات شي خبرك عن تخصصي مافيه بالسعوديه
طلال: اييه الله يعينك ...يالله اجل عن اذنك( ونزل راسه على ولده) وهذا ولدي نايف
نايف بغير مايحس حط نظره على غلا وحول على طول للصغير المتخبي ورا ابوه
ابتسم له بحرقه: هلانايف سلم؟
نايف الصغير تمسك في ابوه ومستحي
طلال: ههههههههههه يقطع شرك الحين توه الرجال شايلك ههههههههههه
شاله ومده لنايف اللي حس انها الولد موته ... ووراه يشوف صورت حبيبته اللي دموعها ماوقفت باين انها تحبه بالرغم من كرهها لحركته ول ماكان بكت علي
سحبه طلال
طلال:يالله اجل احنا نستاذنك الحين وفرصه سعيده
نايف: سعيده بوجودكم
طلال لف على غلا: يالله غلا مشينا
((اصعب شعور شوفت وليفك مع الغير ...يضحك ويعطيه ماكان يعطيك ))
راح طلال وغلا وراه ونايف ماتحرك ابد ..وكيف يتحرك وقبل شوي كانت غلا موقفه هنا ؟
فجأه لفت عليه غلا واهي تبكي وحاولت تغير من لهفتها ...وعلى طول لحقت طلال
(عذاب بعضنا اذا اقفينا تلفتنا ..وكلن يغير من اللهفه طواريا
لكن فديتك لاتبطي لامن تلفتنا....أخاف من دمعتي لتهل عفويه ))

انت منت انسان أكثر ...وقلبي مو من قلبك أصغر
ومثل ماتشعر تأكد اني اشعر ...
.........................فيني منك وفيك منني ....
غصب عنك غصب عنني ....
............ألتقينا ..!! ........واللقى قسمه مقدر
هــان طعن السيـــف ولاطعــــن الكـــــلام
من حبيب اللي وسط حظنـــي نــام
مالــــــــي غيركـ ومالكـ اللا انا حبايب
يكــرهكــ نصفي .....ونصفي...فيكــ!! ذايب
الهوى غـــلاب...وامر الله غالب
ألزمكــ طول العمــــــر لااجي ..!! ولااروح!!
كنني مقيد قيدي مو سلاســــــــــــــــــــل
قيدي اخلاص ..!! ووفا ...ول انت قايل ؟؟؟
لو يقـــوم الكون تخسف بي زلازل ......
ماأحركــ ساكن بك غير مسمـــوح ...؟؟؟!!

لو يموت الشوق فيك يانايف مايموت الوفا بقلبي ..... لو تكره لو تعاتب ...مايموت الحب وانا اغليك ...!!!
تحيتي .:: غلا سلطاااان

The end
بعد مرور ايام وسنين اعطيكم اخبار غير ابطالنا
محمد يتزوج مشاعل .....
البتول حااامل ..
تركي صار عنده ولد عمره 8 سنوات اسمه سلطان
ام محمد الله جازاها باللي اعظم من الطلاق صار لها حادث وراحت بشلل نصفي
عبدالله صارت بنته مثل القمر عمرها 11 سنه وعنده ولد ثاني اسمه فارس عمره سنتين
نايف مستحيــل يتزوج توظف بشركة خالد
جلوي ملك من منى وصار يجاريــها الين ماحبته وحبها
الوليد وريناد ههههههه انخطبو من بعض اصغر مخطوبين بالعائله
فيصل صار عنده بنت وولد توأم من مها عمرهم بالتسع سنوات
ساره صارت معلمة تحفيظ قرآن والصدفه انها كانت تدرس عيال فيصل عندها ^_^

وانتهت قصة ابطالنا ....
القصه كانت خياليه ومن تأليفي ...
لكنني احب اذكر اسم (,,,,,,,ميشوبنت محمد,,,,,,) اقدر اقول لكم انها كانت خلف الكواليس والروايه كاتبينها ثنتين انا والغلا ميشو ....وعندها ابدااع مدفون حاولت استثمره بهاالروايه .....ههههههههه يالبى قلبها والله
كانت تساعدني كثير بالاحداث ..... الله يذكرها بالخير مارح انسالها هالوقفه طول عمري ...
الشكر والتوفيق من الله ثم منها .....

الغريب المضحه في (يكرهك نصفي ونصفي فيك ذايب ) انها كانت بتمشي بطريقه ثانيه وكانت بتتحول البطوله لنايف مو لغلا لكن انا امشي واحط اللي يطلع معاي ....وتغيرت نهايتها عشوائيا من غير سابق انذار

[همـس]

اروح واكتب غير اللي كنت ناويته فجاه كذا تطلع معاي الافكار ههههههههههه
وكانت بتصير ازمه لعبدلله بس ربكم ستر
الروايه الآن ببعض احداثها غير اللي كننت ناويه
كانت فيها اشيا احب اوصلها لكم
منها الاعتذار ..وعدم التسرع ....وحب مصلحة الغير ...والتضحيه ...والاخلاص بالحب .... وان الدنيا رح تدور بالاخيرتجي على الظالم مو المظلوم ......والصبر ومنعى انك تصبر ورح تلاقي ....
مريت بمواقف صعبه كنت ناويه اترك الكتابه واتعب لكن وربي ماحد شجعني غير ردودكم يشهد الله وش كثر حبيتكم والله يجزاكم الخير مارح انسى أي اسم رد علي
كنتو تحمسونني كثير وزادت ثقتي بكتابتي ...لانو ماعندي أي احد يشجعني غيركم مع ميشوو قلبي اهي والله
ارسل لها سلآآآآمي من هنا..^_^
وانااعتذر عن القصور بالروايه او الأخطاء اللي كانت فيها ...
اممممممممم وانتظرو جديدي القادم .... ان شالله مارح تكون فيه الاخطاء اللي هناوالتاخير هذا ابدن مارح يصير ....
على امل ان القاكم بفرصه ثانيه وروايه اخرى
وتشكروون كلكم نك نك على متابعتكم وفيه اعضاء كانو حريصين ومتواصلين مععي بالرسايل الخاصه هذولي غلاهم ساكن بالاعماق ....اشكرهم من كل قلبي

وأسفه على الاطاله
سلامي لكم
الكـــاتبهـ:
غزاله نجديه .....


إن شاءالله تنآل إعجابكم ....

الله هالله .. بـ الردود

[just:)smile]

يعطيج العافيه حبيبتي على هالروايات :)

[همـس]

الله يعافيتـس .. خيتـو

واشكرتـس .. على مرورتـس