إعـــــــلان

تقليص
لا يوجد إعلان حتى الآن.

تموت عيونهم فيني .. وانا بك ميته عيني الجزء الثامن والثلاثون

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تموت عيونهم فيني .. وانا بك ميته عيني الجزء الثامن والثلاثون


    .
    :حي الـ...
    ××..الجــــ الثامن والثلاثون ـــــــزء..

    تقدمت لها ومسكت يدها وهي خايفه وترتجف ودقااااات قلبها سريعه..
    "ياااارب سهل علي"..
    مها لفت عليها:وش تحسين فيه..
    هيفاء بخوف:خايفه بشكل ماتتصورينه..
    مها ابتسمت:لا تخافين اخوي مايخوف لهالدرجه وترى الرومانسيه عنده زيروو يعني انسي يقول لك كلمه حلوه وهذا احسن شي فيه علشان مايحرجك اليوم (لفت عليها) الله يعيني انا..
    هيفاء ابتسمت بألم:شكل طلال عنده الرومانسيه توب..
    مها مدت بوزها:ايه الله يصبرني عليه قيس السعوديه..
    هيفاء:هههههههههههههههههههههههههه..
    شافوا الجده نوره متوجهه لهم..ركضت لها وحظنتها:يمه ادعي لي..
    الجده نوره مسحت دمعتها وبفرحه:الله يوفقك يايمه ويجمع بينكم بخير (ناظرت هيفاء اللي منزله راسها وتفرك يدينها) هيفاء..
    هيفاء رفعت راسها وتقدمت لها:يمه انا..<<وسكتت..
    الجده نوره فتحت يدينها:تعالي يمه..
    هيفاء بكت وحظنتها بقوووه وشهقاتها واصله سابع سماآآ..
    الجده نوره بعدت عنها:ش فيك يمه..
    هيفاء وهي تبتسم وتمسح دموعها:فرحانه..
    الجده نوره ابتسمت من قلب:الله يتمم عليكم..
    ..شافوا لمى متوجه لهم:مها انزلي علشان توقعين..
    **الحين راح اخلي الشخصيات يعبرون عن مشاعرهم بنفسهم**
    .,.مــهـــا.,.
    ..ماكنت اتخيل في يوم اني اتزوج واحد غير مشعل..اللي حبيته من يومني صغيره وكبرت وكبر هالحب معاي..ما ابالغ لو اقول انه هدم آحلام طفولتي ومراهقتي وحطم حياتي يوم سمعته يبارك لي بخطبتي من طلال..الانسان اللي اكرهه واللي بيرتبط اسمي بأسمه اليوم..
    احس ان لحظة نهاية حياتي قربت وانا اتقدم لأبوي اللي واقف ويبتسم لي بفرحه ودمعته بوسط عينه..ابتسمت بألم وخذيت القلم بيدين مرتجفه..
    نزلت راسي للدفتر وغمضـــت عيوني وانا ادعي في نفسي ان كل هذا يصيــــر حلم..
    بس اللي صحاني على هالواقع صوت ابوي..
    :حبيبتي يله سمي و وقعي..
    سميت بالله و وقعت ورميت القلم..ورميت نفسي في حظن ابوي بقوووه وبكيت..
    حاول يهديني بس مافيه فايده كنت ابكي بصوت مسموع وارتجف بشكل مو طبيعي..
    بعد عني ونزلت دموعها..قرب مني وطبع بوسه على جبيني:مبروك الله يوفقك ويسعدك دنيا وآخره..
    هزيت راسي ولفيت عنه..طلعت الدرج بسرعه وانا ابكي بحرقه والم..
    تقدمت لي لمى وهي تمسح دموعها:مبروووك..
    رميت نفسي في حظنها وانا ابكي واصرخ في نفسي..
    "احبــــــك يامشعل"..
    ××
    .,.طــــــــــلال.,.
    ناظرت الدفتــر اكثر من مره مو مصدق ان مها صارت زوجتـــــــي وحلالي..هلت التبريكات والتهاني علي من كل جهه..وانا للحين مو مستوعــب..لفيت وجهي شفت واحد يناظرني بحقــد وكره وكأن وده يقتلني..استغربت من هذا..دقتت فيه هذا الوجه شفته من قبل بس ويـــن ما ادري..صحاني صوت رياض وهو يعطيني كوع..
    :طليــــــــل..
    لفيت عليه وانا اعض شفايفي بقهر:خير..
    رياض:افاااا من اولها كذا..
    قلت وانا مكشر:وش اللي من اولها..
    رياض:نفسك خايسه علي هذا وانت توك مابعد شفتها..
    تنهدت:تصدق اذا شفتها مدري وش اقول لها كل الكلام اللي كنت حافظه نسيته يوم شفت توقيعها اجل لو شفتها هي وش بسوي..
    رياض بأستهزاء:تكفى اسكت يانزار قباني..
    انقهــــــرت ومن بين اسناني:الوعد في البيت..
    رياض ببرود:يصير خير ان شاء الله..
    ××
    .,.هــيفـــاء.,.
    ..ارتفعت حرارة جسمي واطراف يديني صارت بارده وعرقت وانا اشوف خالي ماسك الدفتر ويبتسم لي بحنان..
    ماتقدمت له كنت خايـــفه ومتوتره وارتجف..غرقت عيوني بدموعي وانا اناظر الدفتر اللي بيربطني انا وفيصل وبصير زوجته على الورق بس..لانه يعتقد اني بنت مو شريفه وان فيه احد لامسني..لعنت نفسي مليووون مره ولعنت جنا والزفت احمد واليوم اللي تعرفت عليه فيه..
    صحاني من سرحاني صوته:حبيبتي وش فيك واقفه..
    تقدمت له بدون احساس مسكت القلم وناظرت توقيع فيصل اللي عباره عند خط وعليه حرفه..خذت نفس طووويل توقيعه ابد مايطمن..<<خخخخخخ..
    وقعت بيدين مرتجفه ودمعه في طرف رمشي عيت تطيح..قرب خالي مني وطبع بوسه على جبيني وحظني..
    بكيـــت من قلب..وشديت عليه بقوووه وملت دموعي ثوبه..
    كنت اتمنــــى ان اللي حاظني ابوي..يمكن يهون عليه الشعور الصعب اللي احسه الحين..
    بعدت عنه وناظرت فيه..وانا احســـد مها اللي عطاها الله زوج يحبها وابو يخاف عليها وام تحن عليها..مو مثلي انا..بعيش مع زوج شاك فيني..وابو عمري ماحسيت بحنانه..وام عمرها ماخذتني في حظنها..
    طبع بوسه ثانيه على جبيني وابتسم:الله الله في ولدي عاد..
    حمر وجهي وارتفعت حرارة جسمي..طلعت الدرج بسرعه وانا ابكي..استقبلتني مشاعل في احظانها وبدال ماتهديني بكت معاي..
    ××
    .,.فيصــــــــــل.,.
    كنت جالس بلا شعور بلا احساس بلا نبض..رفعت عيني المغرقه لأبوي اللي داخل بالدفتر ويبتسم..ميلت فمي وانا مكشر هذا منعناتها انها وقعت كنت اتمنى انها تتراجع وماتوقع وهي اللي تنهي كل شي وتفكني من الموقف الشجاع اقصد الغبي اللي حطيت نفسي فيه عن جد حسيت نفسي رامبوو يوم قلت بتزوجها..
    سمعت الشيخ وهو يسكر الدفتر:بارك الله لهما وبارك عليهما وجمع بينهما بخيــر بالرفاه والبنين..
    كشرت"اجتمعنا بشـــــر وعن سالفة البنين اغسل يدك مستحيـــل اقرب لمها"..
    تقدموا لي مشعل ونايف وهم يبتسمون..
    مشعل بفرحه:والله لو اعرف ازغرط كان زغرطت..
    رديت عليه بدون نفس:مو وقت ثقالة دمك..
    سمعت طلال يبارك لي وهو متشقق من الفرحه:مبروووك يالنسيب..
    ابتسمت بألم:الله يبارك فيك..
    ××
    .,.هديـــــــــــل.,.
    كنت جالسه اشرب عصيري اللي ماحسيت بطعمه..رفعت الكاس وقربته لفمي لكن سمعت صوت ضحكه..
    :ههههههههههههههه الكاس فاظي..
    نزلت الكاس:تصدقين ماحسيت بنفسي ولا بطعم العصير حتى..
    ريناد:ايه كنتي سرحانه وانا جالسه ساعه احاكيك وكأني احاكي جدار..
    بحزن:افكر في خالد..
    ريناد:ليه فيه شي..
    قلت بأنفعال:لا ان شاء الله وجــــع فال الله ولافالك..
    ريناد خافت:ماقلت شي انا..
    سندت ظهري على الكرسي وعيوني مدمعه:له اربع ايام ما اتصل ولا رسل مسج..
    ريناد:طيب وين رهف ما اشوفها..
    كشرت:راحت لمزرعة جدي هي وياه..
    ريناد:طيب ماسألتيها عنه..
    عصبت:لا ماسألت ولا ابي اسأل اللي مايبيني انا ما ابيه..
    ريناد بحزن:تدرين وش صار في دانا..
    تذكرت اني ماسألت عنها الله يفشلني:ايه صح وينها ما اشوفها..
    ريناد:في البيت ماجت..
    :ليه..
    ريناد:وصلت لها صور عن بندر وهو مع..
    انصدمت:لاتقـوليـــــــــن..
    ريناد نزلت راسها:ايه..
    حزنت عليها:طيب يمكن الصور مفبركه..
    ريناد بضيق:لو كانت مفبركه كان ماتركها..
    شهقت بقوووه:تركها..
    ريناد:ايه ولا اظن بيرجعون لبعض..
    سندت جسمي على الكرسي وعيوني مدمعه ماتوقعت نهاية بندر ودانا كذا:وكيف حال دانا الحين..
    ريناد بلعت غصتها وبصوت مرتجف:بتموت من كثر ماتبكي..
    :الله يكون في عونها..
    ××
    ناظرت جوالها وهي محتاره تتصل وإلا لا..دقت وهي مرتبكه وخايفه..
    شهد:وش فيك..
    ساره شوي وبتبكي:ياختي صعب اقول لها هالحكي ردت ردت (تنحنحت وبلعت غصتها) الوو..
    ناديه:الوو..
    ساره:عرفتيني..
    ناديه بفرحه:اهليــــن سوسو قلبي كيفك..
    ساره نزلت دموعها وبصوت مرتجف:ندو اسمعيني امي درت انك حامل..
    ناديه انصدمت:وهي وش دراها..
    ساره:سمعتني يوم اكلمك قبل امس و..<<سكتت..
    ناديه:و ايش..
    ساره:وقالت اقطعي علاقتك فيها..
    ناديه بلعت غصتها وغمضت عيونها وتنهدت بضيق:ايوه كملي..
    ساره بكت:ندوو اعذريني على الكلام اللي قلته بس امي منعتني من الطلعه ومنعتني من التليفون حتى الجامعه بتمنعني منها وبعد (شهقت بقوووه) شكت اني..<<سكتت وبكت بحرقه..
    ناديه تسمعها وهي مصدومه..هي انضرت واللي حولها انضروا بسببها..
    كملت وهي تشهق:خايفه بعد تقول لناصر واتطلق منه ناديه سامحيني بس..
    ناديه قاطعتها بصوت مرتجف:انتبهي على نفسك اوكي قلبي يله باااي..<<سكرت وصارت تبكي من القهر..
    الحين خسرت كل شي امها وابوها وصديقاتها اللي تخلوا عنها في اصعب وقت..وهي كانت تعتقد ان ساره هي الوحيده اللي ماراح تتخلى عنها بس خاب ظنها..
    مسحت دموعها وقلبها مشتعل من ناااار القهر..خسرت كل شي والسبب احمد..
    وقفت بعصبيه وخذت عبايتها وبصوت مرتجف:والله لأوريـــــــــك يالكـ..؟؟..<<نزلت بخطوات سريعه والم بطنها يزيـــد..
    عضت شفايفها بقووووه وضغطت على بطنها:مو وقتك الحين..<<لبست عبايتها وتغطت وطلعت..
    مشت لأخر الشارع وكل خطوه تمشيها تحس انها امياااال..كانت تتعثر والعرق ينزل من راسها..ضغطت على عبايتها وانفاسها صارت سريعه..
    :ياااارب ياااارب ساعدني..<<آشرت لتاكسي وركبت.
    طلعت فوق وآشرت لها:مهيووووه يله..
    مها ارتجفت:وشوو..
    لمى سحبتها:وشو اللي وشوو يله جا وقت الزفه..
    مها لفت على هيفاء:تعالي معاي..
    لمى بدون نفس:هاذي بعدك بيجي دورها يله امشي..
    انطفت الانوار و وقفت في اعلى الدرج وغمضت عيونها تحبس دموعها..نزلت على انغام اغنية محمد عبده مذهلـــــه..
    ..مذهلــــه..ماهي بس قصة حسن..رغم ان الحسن فيها بحد ذات المشكله..
    مذهلـــــه..كل شي فيها طبيعي ومو طبيعي اجمل من الأخيله..
    .,.مهـــــــا.,.
    ..نزلت بفستاني الذهبي اللي منسدل على جسمي بنعومه..وشعري اللي كنت ملفلته كله وحاطه بوف من قدام وتاج صغير بكرستالات تلمع..كنت حاطه ميك اب ناعم وخفيف لاني ما احتاج لمكياج ثقيل..
    مشيت بدون احساس وبدون ما ارسم نص ابتسامه على شفاتي كنت ابلع غصه ورا الثانيه والدموع متجمعه في عيوني..احس اني امشي لقبري برجليني..وبندفن في احظان انسان عمري ماحسيت بمشاعر حب ناحيته بالعكس كنت اكرهه ونظراتي له كلها احتقاااار وقرف..
    ..على طاوله قدام المنصه..
    لمى بضيق وهي تعض على شفايفها وبهمس:الحين الكل بيظن انها موافقه غصب عنها شفتي شكلها..<<ماسمعت رد..
    لفت عليها:ريم احاكيك..
    ريم انتبهت وبصوت مبحوح:هاه ايه صح..
    لمى:وشو اللي صح ريم انتي معاي..
    ريم جلست:لا كنت سرحانه شوي وش كنتي تقولين..
    لمى كشرت وجلست جنبها:اففففف ولاشي..
    .,.هيفـــــــاء.,.
    جا دوري وبديت ارتجف بشكل مو طبيعي..حطيت يدي على الدرابزين وقريت المعوذات..نزلت على انغام اغنية عبدالمجيد عبدالله تلفت الناس..
    ..تلفت الناس لامريت..اتكسر رقاب خلق الله..
    الزين خذته ولاخليت..حرام لاتاخذه كلـــه..
    رفعت فستاني الاحمـــــــر اللي لاف على جسمي برقه ونعومه..شعري المموج كنت مجمعته كله وحاطته على جنب وشابكته بأكسسوار حمراء..مكياجي تقريباً مثل مها خفيف وناعم..
    مشيت بخطوات ثقيله وانا في قمة خوفي وتوتري..لفيت راسي وشفت مشاعل واقفه وتبتسم لي ورسلت لي بوسه..ابتسمت بألم..وكملت طريقي اللي احسه امياااال..
    جلست جنب مها اللي حالها مو احسن من حالي..شفتها تمسح دموعها وشكلها متضايقــــه..لدرجة اني حسيت انها موافقه على طلال غصب عنها..
    .,.مهـــــــــا.,.
    مسحت دموعي ورفعت راسي وابتسمت بألم لصديقاتي اللي يرسلون لي بوسات..وبعضهم واقفين على المنصه ويرقصون ويسحبوني من يدي يبوني ارقص معهم..
    اماني صديقتي وتؤام روحي كانت واقفه قدامي و تحرك خصرها:يله ميمي..
    حمر وجهي:خير وش تبين يقولون خلق الله انهبلت..
    اماني سحبتني مع يدي:بكيفهم يقولون اللي يقولون (هزت كتوفها) انا بحبك متيم..
    ضحكت من قلب:ههههههههههههههههههههههههههه..<<بديت ارقص والكل يشوفني ويصفقون لي ويذكرون اسم الله علي..
    اشرت لهيفاء:هيوفه يله تعالي..
    هيفاء ابتسمت:لا مالي خلق..
    سحبتها:يله عاد (همست لها وغمزت) يامرة اخوي..
    .,.هيفــــــــاء.,.
    رقصت ولفيت بنعومه..اختفت ابتسامتي وشهقت..وانا اشوف البنت اللي دمرت حياتي واقفه قدامي..نزلت من المنصه وانا في قمة عصبيتي..تقدمت لها وحاولت امسك اعصابي علشان ما اخرب فرحة مها..سحبتها مع يدها بقوووه..
    ناظرتني وعيونها تدمع:هيفاء هدي اعصابك شوي..
    مارديت عليها وسحبتها للمدخل..دفيتها على الجدار بقوووه وبعصبيه..
    :ايا الحقيره يالوقحه ولك عين بعد تجين بعد اللي سويتيه..<<وعطيتها كف قوووي شهقت منه..
    جنا وهي تبكي:هيفاء انا..
    قاطعتها وانا اعطيها كف ثاني:انتـــــي ايش انتي وحده حثاله حقيره سافله ليه سويتــــي فيني كذا وش سويت لك انا..
    جنا وهي تشهق:هيفاء سامحيني..
    قلت بأستهزاء:بهالسهوله تبيني اسامحك انتي عارفه وش سويتي كنتي بتضيعين شرفي وبتخلين سمعتي وسمعة اهلي تحت التراب..
    جنا تبكي بحرقه:صدقيني ماكنت ادري انه بيسوي كذا..
    تكتفت وناظرتها وانا رافعه حاجبي:لاااا وش كنتي متوقعه يسوي حظرتك..
    جنا نزلت راسها:هيفاء الله يخليك سامحيني انا خذت جزاي والدليل هذا الضرب اللي تشوفينه على جسمي وكله من احمد..
    قلت بأستهزاء:ياحياتي انتي رحمتك (آشرت على الباب وصرخت بقهر) اطلعــــــــــي برا..
    جنا برجا:تكـ..
    دفيتها على الباب:اطلعــــــي برا برا..
    جنا بلعت غصتها وخذت عبايتها وهي تبكي:هيـ..
    قاطعتها وانا اصرخ:بـــــــــــرا..
    جنا لبست عبايتها وهي تبكي بحرقه وطلعت..
    حطيت يدي على جبيني وفركته بتوتر ويدي الثانيه ضاغطه عليها بقهر..كنت اتمنى انتقم منها على اللي سوته فيني بس الوقت والمكان مايسمح..لفيت ودخلت ومسكت يدي ام فيصل اللي كانت في قمة عصبيتها..
    :ادخلـــــي وإلا ناويه ترزين خشتك قدام الرجاجيل..
    كلامها طعني في الصميم:لا بس كنت..
    قاطعتني وهي تناظرني بكره وحقد واشمئزاز:اقول ادخلي وبلا كثرة حكي..
    ××
    وقف وضبط بشته وهو متشقق من الفرحه:هاه وش رايك في شكلي..
    رياض:يعني يمشي الحال..
    طلال كشر:وشلون يعني يمشي الحال..
    رياض:يعني الله يصبر مها على ما ابتلاها..
    طلال انقهر:انت وش سالفتك اليوم..
    رياض:هههههههههههه وش فيك عصبت بس قلت اطلع ريحتك قبل ما تروح لها..
    ابوفيصل تقدم له:ناوي تجلس..
    طلال بدفاشه:لاااا مجنون انا يله يله..
    ابوفيصل:هههههههههههههههههههههههههه ميت على العرس اجل..
    طلال ابتسم من الفشيله..ولف وجهه على رياض اللي يرفع حواجبه بحركه سريعه..كان وده يقوم ويخنقه..
    مشى ابوفيصل ومشى وراه طلال اللي لف على رياض واشر على رقبته وبدون صوت:انت مقتول مقتول..
    رياض:ههههههههههههههه..
    ××
    كان واقف هو واحمد برا..
    احمد:يله انا ماشي..
    راكان:وين تمشي تو الناس..
    يتبع .......



  • #2
    رد: تموت عيونهم فيني .. وانا بك ميته عيني الجزء الثامن والثلاثون


    احمد:لا وراي شغل..
    راكان:وش هو شغله العب على غيري (غمز له) عندك وحده تقابلها اليوم..
    احمد:لا والله..
    راكان بأستهزاء:هو الحلف عندك انت مثل شرب المويه..
    احمد:وليه اخبي عنك اذا بقابل بنت وإلا لا يعني هاذي اول مره اقابل فيها..
    سمعوا صوت شهقات لفوا راسهم وشافوا بنت حاطه طرحتها على راسها وسانده جسمها على الجدار وتبكي بصوت مسموع..
    احمد تمغط وهو يبتسم بخبث:من حسن حظي اني لقيت لي شي استانس عليه اليوم..
    رفعت راسها ولمح وجهها شك إذا كانت هي وإلا لا..دقق فيها وانصـــــــدم"هاذي وش جابها"..
    احمد تقدم لها بس يد راكان سبقته:اقوووول خلك واقف مكانك..
    احمد:خير ليه..
    راكان مارد عليه ومشى لها وقرب منها وبنبرة عصبيه بس بهمس:جنــــــــــا..
    ارتعش جسمها وشهقت لفت عليه:كنـ..كـ..
    راكان من بين اسنانه وهو يناظرها بأحتقار:اظن اني حذرتك غبيــــــه انتي ماتفهمين وإلا عاجبك اللي جاك..
    جنا شهقت وخافت بشكـــــــل فظيع يوم شافت احمد متوجه لهم وبصوت مرتجف:احـ..مد..
    راكان لف وخباها وراه:انت للحين مارحت..
    احمد ابتسم:من هاذي (بهمس) ريم..
    راكان بدون نفس:ايه ممكن تقلب وجهك الحين..
    احمد بخبث:خلنا نسلم عليها..
    كانت متمسكه في ثوبه وترتجف وتبكي..
    راكان عصب:احمــــــد اقلب وجهك..
    احمد ببرود:اوكي اوكي بقلب وجهي بس اعصابك لاينط لك عرق..<<ومشى..
    بعد ما تأكد ان احمد ركب سيارته وحركها لف عليها وبعصبيه:امشــــــــــي قدامي يله..
    جنا وهي تبكي:آسفه بس كنت ابي ابارك لها واعتذر منها..
    راكان صرخ بعصبيه:اقول يله قدامـــــــــي..<<ركب السياره وركبت معاه والخوف ياكل قلبها وش ممكن يسوي فيها..
    "ياااارب ارحمني برحمتك يا ارحم الراحمين"..
    ××
    على اصوات الطق انزف طــــــلال..
    .,.طـــلال.,.
    كنت امشي واحس اني مالك الدنيا ومافيها...كان ودي اخذها واطير معها لعالم ثاني بس قلت اثقل ياولد خاف تطيح من عينها خخخخخخخ..
    مابقـــى بيني وبينها إلا خطوات ناظرت فيها سبحاااان من خلقها ايه من الجمال والنعومه..طلعت المنصه وقربت منها ودقااات قلبي سريعه..
    رفعت راسها والتقت عيوني في عيونها المغرقه بالدموع..ابتسمت لها وهمست..
    :حبيبتي ليه هالدموع..
    مها ارتفعت حرارة جسمها من كلمــته"حبيبتي" اللي اثرت فيها كثـيـــر..
    قرب منها وباس جبينها وهي شهقت وهي مغمضه عيونها..
    بعد عنها وابتسم لها:مبروك علي انتي..
    مها بصوت مبحوح:الله يبارك فيك..
    ابتسم من قلـــــــب:لا والله مافيه مبروك علي انت..
    ام فيصل اللي تبتسم بفرحه وعيونها مدمعه مدت له الشبكه:الف مبروووك..
    طلال خذ الشبكه وهو يبتسم:الله يبارك فيك..<<مسك يدها المرتجفه البارده ولبسها الخاتم ورفع يدها وباسها..
    حست ببروده في اطرافها وحراره في جسمها..رفعت الدبله بيدها المرتجفه ومسكت يده وهي منزله راسها حاولت تدخلها اصبعه لكن مادخلت لانها ترتجف والخاتم في يدها شوي وبيطيح..
    بلعت غصتها ودخلته بسرعه وهي مغمضه عيونها..
    فتحت عين وحده ويوم شافت الخاتم دخل فتحت عينها الثانيه وتنهدت براحه..
    طلال ابتسم كأنها مسويه مجهود متعوب عليه وبعدها تحولت ابتسامته لضحكه وهي ضحكت معه..
    تقدمـــوا قرايب طلال وسلموا عليه..
    غاده وهي تبكي:تدري وشو الشي اللي عمري ماتوقعت اسويه في حياتي..
    طلال ابتسم بدون نفس لانه حاااس انه بيتفشل اليوم و وجهه بيلقطه من سوالف غويد اللي مو في وقتها:وشو..
    غاده:اني ابكي علشانك..
    طلال التفت على مها اللي تضحك عليها وابتسم من قلب وهمس لها:عسانـــــي ما انحرم من هالضحكه..
    مها حمر وجهها ونزلت راسها..
    تقدمت له وهي خايفه من ردة فعله اول مايشوفها..وبصوت مبحوح:مبروك..
    رفع راسه وابتسم بفرحه..في هاللحظه نسى انه زعلان منها:الله يبارك فيك..
    ارتاحت وابتسمت تقدمت لمها وسلمت عليها:مبرووك..
    مها تناظر في بحقد ماتدري ليه تكرهها مع ان مافيه دليل شافته او سمعته يثبت ان مشعل يحب في..تصنعت الابتسامه:الله يبارك فيك عقبالك..
    حزنت وتغيرت ملامح وجهها:لا انا تو الناس علي..
    طلال سحب في مع يدها وبعدها عن مها:ماكنك دقيتيها سوالف..
    في:ابارك لها..
    طلال وهو يبتسم لمها:باركوا لي انا فيها..
    مها استحت وحست ان خدودها تحرقها من الحياااا..نزلت راسها وابتسمت ابتسامه خفيفه..الله عوضها عن مشعل باللي احســن منه..وحمدت ربها ان طلال كان من نصبيها..
    رفعت راسها وشافته يناظرها..ابتسمت من قلب..وهي تحس انها بتطير من الفرحه..
    .,.هيفــــــاء.,.
    كنت حاطه الطرحه تحت خشمي واناظر في مها وطلال واتحســـــر على حظي..ليه ما طلب يشوفني ولا حتى لبسني دبلتي..ليـــــه يحرمني من هاللحظه..نزلت دموعي اللي حرقت خدي..
    حسيت ان الناس يناظروني مستغربيـــــن..وفي عيونهم تساؤل ليه ما انزفت معه..؟؟؟
    بعدت عيوني عنهم ونزلت راسي وقعدت العب بطرف طرحتي..
    سمعت صوت الكرسي ينسحب رفعت راسي وشفت مشاعل مكشره:الاخ طالب يشوفك روحي له في المجلس..
    احســـــــــاس غريب جااااني قبل شوي اتمنى اروح واجلس معه بس الحيـــن لا..كيف بحط عيني في عينه بعد ما شافني بذاك الشكل وخذ عني فكره غلط..خفت من ردة فعله اول مايشوفني..بلعت غصاتي وانفاسي صارت سريعه وقلبي احس انه بيطلع من بين ضلوعي..
    مشاعل بدون نفس:وين رحتي..
    وقفت وحطيت يدي على قلبي اهدي من نبضاته وقلت بصوت مبحوح:وين ماما ابيها تجي معي..
    مشاعل وهي تشرب كاس عصير ناظرتها بنص عين:خطيب الغفله قال ابيها لحالها..
    لفيت ومشيت للمجلس وانا ادعي في نفسي ان الله يعدي هالليله على خيـــــــر..
    ××
    نزلت ورفعت راسها تشوف القصر والحراس الواقفين عنده..ابتسمت بأستهزاء وتقدمت لهم..
    :احمد موجود..
    الحارس:لا العم احمد مو موجود..
    ناديه:طيب متى راح يشرف..
    الحارس رفع حاجبه:وش قلتي..
    وقفت سيارته وقبل مايدخل مع البوابه:خير فيه شي..
    ناديه لفت وناظرته بكره وحقد تقدمت له:ابي احاكيك بشي مهم..
    احمد ابتسم بخبث:ومن تكون الحلوه..
    ناديه نزلت طرحتها:تتذكرني وإلا اذكرك فيني..
    احمد ناظرها بأحتقار:وش تبين..
    ناديه:ماينفع اكلمك في الشارع..
    احمد آشر للحراس يفتحون البوابه دخل ودخلت وراه..
    نزل ومشى وهو يولع سيجارته وينفخها في الهوا..مد لها سيجاره
    :تبين..
    ناديه بعدت يده بقوه وبأحتقار:خاف ولدك يتضرر..
    احمد دخل القصر وهو يضحك بأستهزاء..
    ناديه بقهر:اظن ماقلت شي يضحك..
    احمد رمى نفسه على الكنبه:لاااا بالعكس حلوووه النكته..
    ناديه بأحتقار:انا مو جايه امزح معك (تقدمت له وعطته كف قوووي من القهر وصرخت بصوت مرتجف) ياحقيــــــــــــــــر..
    احمد وقف بسرعه وهو يتنفس بسرعه ومسك شعرها بعصبيه وقرب وجهه من اذنها وصرخ:شكل عاجبك اللي صار في اختك وتبين تجربينه..
    ناديه ناظرتها بقهر و من بين اسنانها والدموع متجمعه في عيونها:اتركنـــــــــي ياسافل ياحقيـــــــر ياوا..؟؟
    احمد رماها على الارض بقووووه وحط رجله على بطنها وببرود:الكف هذا راح تدفعين ثمنه غالي..<<وصار يضرب بطنها بقوه وبدون رحمه وهي تصرخ والدم بدى ينزف منها وصارت ترجع..
    احمد صار يلهث وهو يناظرها والاحتقار في عيونه شافها تتلوى وهي ماسكه بطنها وتصرخ..
    رفع جواله وانفاسه سريعه:تعال ومعاك اثنين..<<دخل البدي قارد ومعاه اثنين..
    البدي قارد:سم طال عمرك..
    احمد قرب منها ومسك شعرها بعصبيه:تفووو عليك وعلى اشكالك يالقذره (آشر للبدي قارد) شوفوا شغلكم..
    ××
    كانت تمشي بخطوات ثقيله ومتردده..وصلت عند باب المجلس لكن مادخلت..سمت بالله وحطت يدها على قلبها..ودخلت..
    .,.فيصــــــــــل.,.
    رفعت راسي وانصدمت من هالملاك اللي واقف قدامي..وقفت بدون شعور وتقدمت لها لما صار مايفصل بينا إلا خطوتين..جمالها يخليك تسكــــــر وتنسى نفسك..
    في لحظـــــه..
    تذكر اللي صار معها وتذكر السبب اللي خلاه يتزوجها..
    تراجع خطوات لورا وهو يناظرها بأحتقار واشمئزاز كان منقهـــــــر من نفسه وحمد ربه انه ماسوا حركه وبعدها يندم عليها..
    .,.هيفـــــاء.,.
    كانت نبضات قلبي في تساااارع وريحة عطره عالقه في خشمي..رفعت راسي بهدوووء وليتني مارفعته ليتنـــــي مت ولاشفته يناظرني كذا..كانت نظراته لي كلها احتقاااار وقرف..
    رجعت الدموع تنزل ورجع الجرح ينزف من جديـــد..كان عندها امـــل ان الحواجز اللي بينهم تنهد..بس بعد ماشافت نظرته انقطع الأمــــــل..
    فيصل بأستحقار:اجلسي ليه واقفه..
    جلست وهي منزله راسها وتفرك يدينها بتوتر..
    قرب منها وقلبه يضرب بقووه وقال بأستهزاء:لاااا تستحين مني اعتبريني واحد من ربعك..
    رفعت راسها بصدمه وشافته يبتسم بأستهزاء..
    قالت بصوت مرتجف:فيصل لو..
    فيصل وهو يأشر على فمه:بــــــس ولاكلمه..
    سكتت على امل ان قلبه عليها يليــــن..
    فيصل وهو يناظرها من فوق لتحت..عرق وحرارة جسمه ارتفعت..هاذي الانسانه اللي جالسه قباله زوجته..بس مايقدر يقرب لمها ولايقدر حتى يلمس يدها..لانها بأختصار قــــــذره..
    ماقدر يتحمل وشعر جسمه وقف..كان فيه شي يجذبه لها..وهالشي مايقدر يمنعه..
    قرب منها اكثر..رفع راسها بأصبعه شاف الدموع متجمعه في عيونها..لان قلبه عليها ورحمها..كانت شفايفها التوت ترتجف و دقات قلبها وصلت مسامعه..حط يده على خدها ولمسه بحنيه..لما وصل شعرها وطاح الاكسسوار اللي شابكه فيه شعرها وتناثر على كتفها..
    كانـــــت تبي تعيش هاللحظه وماتبي احد يصحيها كانت تحس انها بحلم مو حقيقه..سمعت صوته الهادي ونبرته المميزه..
    :هيفاء..
    دق قلبها بسرعه وبلعت ريقها:نعـ..عم..
    فيصل:غمضي عيونك..
    هيفاء تفاجأت من طلبه..غمضت عيونها وتأمل وجهها قرب منها اكثـــــــــر..وانفاسه الدافيه صارت على خدها..
    انفتـح الباب وراتاعوووااا..
    لمى بأرتباك وهي حاطه يدها ورا رقبتها:آآ..آآ انا يعني اسفه بس (بسرعه قالت) تبون عشاا وإلا اقول ماله داعي..<<طلعت بسرعه وسكرت الباب وهي مقهوره من نفسها و وجهها احمـــــر..
    :الله يفشلنـــي..
    فيصل كان ماسك ضحكته ناظر هيفاء وابتسم وهي ردت له الابتسامه..بعدها تحولت ابتسامته لضحك هستيري وهي ضحكت عليه وفي نفس الوقت دمعت عيونها كانت هاذي احلـــــى لحظه عاشتها بحياتها..
    ××
    .,.تــــــــركـــي.,.
    كنت احس ان الناس يناظروني بنظرات شفقه ورحمه..وهذا شي يضايقنـــــي لانه يحسسني اني انسان ناقص..
    لفيت راسي لجهة الأخ المحنط اللي جالس جنبي:بندر..
    بندر بدون مايناظره:هلا..
    بضيق:ابي اطلع من هنا..
    بندر حتى هو يحس نفسه مخنوووق ويبي يشم شوية هوا وقف:يله..<<دف كرسيه وطلعوا للحديقه و وقفوا قبال المسبح..
    قلت وانا اناظر المسبح:ما تلاحظ ان الناس يناظروني بشفقه..
    بندر بدون نفس:مالت عليك انت واحاسيسك بعد..
    :اتكلم معك جد انت لو شفتهم بتحس بنفس الاحساس اللي حسيته (وبمزح) اتحداك تقولها خمس مرات..
    ناظرني وهو ماسك ضحكته بعدها انفجر من الضحك وضحكت معه..
    :ايه ياخـــــــي وسع صدرك وارمي همومك ورا ظهرك..
    قال بحزن:ما اقدر (ناظرني ونزل لمستواي) ماكنت اتخيل انها بتتركني بهالسهوله..
    حطيت يدي على كتفه:خلاص انسى انت ماسمعت المثل اللي يقول من باعك برخيص لاتلحسه كله..
    بندر انفجـــــر من الضحك:لا انت اكيد شارب شي..<<وقف وكان بيحرك الكرسي للمجلس بس انا وقفته..
    :لااا خلنا نطلع من هنا..
    بندر:لو بتقعد على هالحاله تتهرب من الناس ماراح تعيش مرتاح..
    قلت وانا مكشر:خلاص كلها ان شاء الله ثلاث ايام وبسافر..
    بندر وهو يحرك الكرسي للسياره:وانا بعد بسافر معك..
    بمزح:يا ذا النشبــــــــــه..
    بندر بأنفعال:احمد ربك بعد بروح معك اونسك..
    ضحكت:صدقت امزح (رفعت راسي وناظرته) بعد علشان تغير جوو وتنسى دانا..
    حسيت انه تضايق وهالأحساس جا من دفه للكرسي بقوووه:اقول وين حاب نروح..
    قلت وفي صوتي الضحكه:طيــــــــب طيب شوي شوي لا اصفط على خشتي..
    ××
    كان يحرك رجلينه ومتكتف يناظر الرايح والجاي وعقله مو معه..
    مشعل:ما كأن فيصل طول..<<ناظر نايف بنص عينه وعطاه كوع..
    :نايف..
    نايف انتبه:هاه..
    مشعل:قل نعم نعامة ترفسك ان شاء الله وتسطحك بيت جيران خالة امك..
    نايف:هههههههههه..
    مشعل:المهم ترى عمي اللي هو ابوك يناظرك كل شوي ويأشر عليك براسه ويقول لي خله يطلع اسنانه الكريمه..
    نايف:ليه..
    مشعل:بنسوي دعاية معجون اسنان..
    نايف ضحك بدون نفس:قسم بالله انك رايق..
    مشعل عطاه كوع:قوم قوم الله يفشلنا ماسلمنا عليهم..
    نايف:مين..
    مشعل وقف:عبدالله الـ.. ومحمد ولده (لف عليه وابتسم) خطيب ريم..
    .,.نايــــــــف.,.
    حسيت ان الدم في عروقي نشف..وان خلايا جسمـــــــي تصرخ تبي تكذب كلمة مشعل..كانت دمعتي في طرف رمشي غمضت عيني وطاحت على خدي..مسحتها بسرعه و وقفت وان احاول اتمالك اعصابي..
    قلت بصوت مبحوح:انا طالع اشم شوية هوا..<<طلعت بسرعه وركبت سيارتي فسخت شماغي وفتحت ازارير ثوبي حسيــت نفسي مخنوووق وفيه شي يضغط على صدري ويحبس انفاسي..
    بلعت غصاتي ومررت يدي المرتجفه على شعري وشديته بقوووه..
    انفاسي صارت سريعـــــه..ما ابي اصدق هالواقع ان ريم انخطبت وممكن تكون لغيري..
    ضربت يدي على الدركسون وصرخت:مستحيــــــــــــــل..<<رفعت جوالي واتصلت عليها لكن ماوصلني رد..كررت الاتصال عليها اكثر من مره بس هي ماترد او تعطيني مشغول..
    حطيت راسي على الدركسون وضغطت عليه بقهــــــــــر..
    ××
    مشعل بعد ماراح سلم على محمد جلس جنبه:هلا وش اخبارك..
    محمد:الحمد الله تمام اقول مشعل مين اللي تملك على بنت عمك وش اسمه..
    مشعل:طلال الـ.....
    محمد وهو يفكر بخبث:ايـه والنعم فيه (لف على مشعل وهو يبتسم بفرحه) وش اخبار ريم..
    مشعل بعصبيه متصنعه:اقوووول اهجد..
    محمد:ههههههههههههههههههههههههههههههههه..
    ××
    .,.ريــــــــــــم.,.
    حاطه يدها على خدي واناظر مها وطــــــــلال اللي يضحكون بفرحه..كنت اتخيـــل نفسي مكانهم مع نايف..بس هذا الحلم مستحيــــل يتحقق..دمعت عيني وحاولت احبس دموعي لانه بأختصار مايستاهل..
    انتشـــــر في الصاله الواسعه صوت اصاله الشجي..
    "لاتخاف من الزمااااان الزمن ماله آمان..خف من اللي كل آمالك بيديه وتامنه..
    لو حبيبك ماوفى لك..لو حبيبك فيك خااااان..
    إيش ترجي من زمانك..النتيجه باينه.."..<<سالت دمعتي على خدي..
    كانت هالأغنيه تعبـــر عن حالتي انا ونايف الحين وكأنها مكتوبه علشانا..مسحت دمعتي وصحاني من سرحاني صوت جوالي اللي رن بنغمة مسج رفعته..
    "ريـــم اطلعي عند المدخل واذا ماطلعتي بيصير شي بتندمين عليه"..<<مسحت المسج ورميت الجوال على الطاوله..
    صار يرن بألحاح..
    هديل بضيق:ريم جوالك يرن..
    رديت عليها بدون نفس:عارفه خليه يرن لما يقول بس..
    هديل:طيب ردي..
    :ماراح ارد..<<صار يرن ويــــــــرن وقفت بعصبيه ومشيت للمدخل رديت بنبره عصبيه..
    :خيــــر..
    نايف بصوت مهموم وتعبان:ماوصلك المسج..
    ارتجفت ومسكت الجوال بقووووه خفت يطيح من يدي..كان صوته متغيـــر ومبين انه تعبان عضيت شفايفي ما ابي يزل لساني و اسأله وش فيك وبعدها اضعف وابكــي..
    قال بنفس النبره:ريم انتي معي..
    دق قلبي بقوه وانا اسمع اسمي من فمه كان يناديني بلهفه..قلت بجفاف عكس المشاعر اللي احسها
    :ايه معك..
    نزل من السياره وسند جسمه عليها:سألتك وصلك المسج..
    مسكت طرف فستانـــــي ما ابي ابكي:ايه..
    نايف:طيب ليه ماطلعتي..
    غمضت عيوني ودست على قلبي:ومن انت علشان اسمع آوامرك..
    نايف بحزن والم:انا نايف حبيبك وإلا نسيتي..
    بكيت بدون صوت وقلت وانا متعمده اقسى عليه وانا مدري من وين جايبه هالقسوه:كنت (تنحنحت وانا امسح دموعي) احم احم سمعت كنت..
    طعنته هالكلمــــه وبها حكمت على قلبه بالأعدام..وحكمت عليه انه يعيــــش جسد بلا روووح..
    قال بنفس نبرته:قبل ما اسكر ابيك تعرفين اني احبك وحياتي من دونك ولاشي وبدون معنى..<<سكر السماعه ورمى جواله على الارض لما تكسر لقطع صغيـــــره..رفع راسه للسما وصدره يرتفع وينزل ودمعه خاينه نزلت على خده..
    ××
    فرمـــــــــــل بقوووه و وقف سيارته..وهي شهقت وغمضت عيونها وحطت يدها على قلبها من الخوف..
    كانت انفاسه سريعه وهو في قمة عصبيته..لف عليها وصرخ..
    :انزلــــــــي..
    جنا برجا:راكان انا كنت..
    راكان صرخ بعصبيه:انزلــــــــــي..
    جنا نزلت وسكرت الباب وراها..نزلت راسها وهي ضاغطه على شنطتها وتبكي..دخلت البيت بسرعه وركضت لداخل خبطت بالباب و ولعت الانوار..
    شافتها متمدده على الارض وعبايتها متقطعه..وفستانها الابيض تحول لأحمر من كميااات الدم اللي نزفتها..
    شهقت بصدمه وصرخت:ناديــــــــــــــــــه..
    ××
    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)
    ××
    كانت متمدده وحاطه رجل على رجل وماسكه كتاب تقرى..وشعرها منثور حولها..اغراه شكلها وتقدم لها..
    وقف يتألمها كانت احلــــــى بنات الجامعه..كانت المغروره اللي يحسدونها البنات على جمالها..
    والقريبه لقلوب الشباب لانها تملكهم بنظره منها..
    حست بحركه تركت الكتاب وقامت بسرعه:علي..
    علي وهو يبلع ريقه وبأرتباك:انا جيت عشان ا..اممم..
    نوف وقفت:تبي غداء..
    علي وهو يحط يده ورا رقبته ويمسح عرقه:لا بس كنت ابي..
    نوف تقدمت له وهي تبتسم:صاير تتكلم بالقطاره خلصني عندي شغل (غمزت له وبدلع) امزح ..
    علي وبدون سابق انذار مسك يدينها..شهقت وبعدتها بسرعه..
    وبصوت مرتجف:خيـــــر علي فيك شي شارب شي..
    علي تقدم لها وهي ترجع خطوات لورا لما لصدقت بالجدار وبخوف:انت وش تبي..
    علي سند يدينه على الجدار وقرب وجهه منها..بس جاه كف قوي وصرخت وهي تدفه بقوه..
    :علـــــــــي اصحى انت متزوج و زوجتك حامل اصحـــــى..
    علي يتقدم لها وهي تصرخ بهستيريا:علــــــي انت اكيد انجنيت علي انا مو رزان علي اصحــــــى..
    سمعوا صوت الباب يتسكر و قالت بصوت عالي:ياربــــــــي جوعانه وينكم ياجماعة العرب..
    كانت ترتجف وترتجف دفت علي وقبل ماتطلع جت رزان..
    وبأستغراب وهي عاقده حواجبها:خير وش فيكم..
    نوف ماردت عليها وناظرت علي بأستحقار..من يصدق علي اللي يعشق ويموووت على رزان يسوي كذا..
    رزان زاد استغرابها:وش فيكم ماتردون علي..
    علي كان مرتبك ومتوتر:حبيبي رحتي المستشفى..
    رزان ابتسمت من قلب بفرحه وتقدمت له ولعبت بأزارير قميصه وهي منزله راسها:ايه حبيبي وعرفت جنس البيبي (رفعت راسها لعلي اللي يناظر نوف) بتجينا ملاك..
    ناظرته بأحتقار..عمرها ماتوقعت ولاخطر في بالها ان علي يسوي هالحركات..طلعت بخطوات سريعه وهي تبكي خذت شنطتها وطلعت وسكرت الباب بقوووه..
    رزان التفتت واستغربت:وش فيها نوف..
    علي وهو منصدم من نفسه:هاه مدري (لف يدينه حول رقبتها وضغط على خشمها) قلتي لي جنس البيبي بنت هاه..
    رزان وهي تبتسم بفرحه:ايه..
    ××
    مشت وهي تبكي وترتجف..كل الرجـــــــال سوا..حتى لو كانوا من برا يبينون انهم طيبين ومافي مثلهم..جواهــم عايش شيطان..مايموت إلا لما يشبــع من المحرمــــــات..
    هذا كان تفكيرها..
    قطعت الشارع وهي ماسكه شنطتها وضاغطه عليها..ومنزله راسها..
    تذكرت اللي صار مع علـــــــي..مستحـــيل يسوي كذا هذا مو في وعيه..قطع تفكيرها
    صوت سياره سريعه متوجهه لها رفعت راسها وشهقت بخوووف وبصدمه..
    :
    :

    تعليق


    • #3
      رد: تموت عيونهم فيني .. وانا بك ميته عيني الجزء الثامن والثلاثون

      [align=center][align=center][table1="width:95%;"][cell="filter:;"][align=center]احدااث مشوووقه ..
      بروح اكمل البااقي ..
      تحيااتي
      دمووع
      [/align]
      [/cell][/table1][/align][/align]
      [align=center]



      http://www.shbab1.com/2minutes.htm[/align]

      تعليق


      • #4
        رد: تموت عيونهم فيني .. وانا بك ميته عيني الجزء الثامن والثلاثون

        نتابع بصمت

        دمت بكل خير

        تعليق

        يعمل...
        X