دردشة صباحية ومسائية

[-MAR-]

يعطييكم العافيه

متابعه

تحياتي

[اقوش]

هههههههههههههههههههههه
يبووووووووووووووووووي يا اقوش
عزالله يبيلنا قعده يا زين سوالفك
بس مو باط جبدي غير هذا الي سحب عليك ورد على تلفونه
يعني سوري بالكلمه شغله مو حلوه ومافيها اي معنى لاحترام
العاده جرت اذا تقابلت مع صديق عزيز ودق تلفونك تخليه سايلنت
ولا انك تسكب بصاحبك او انه يرد اذا كان الاتصال مهم وضروري
اما صار فيها يا بعد طوايفي <<<======== ما ينلام الرجال
يخوك اقوش سوالفك ما تنمل بس وربي تعبان وانت تدري
سامحني ولي عوده
تحياتي لك بعد راسي
واخذ الامور سهاااالااااااااات وصف النيه وعيش الدنيا
تحيات من سهالات

اول شي اقولك لاباس طهور انشاء الله
واللة شوف الفلوس عصب الحياة
والرسول الكريم (ص) قال لجمالها ومالها
بس مو لدرجة تكون بالمقام الاول
تدري إذا جت وحدة خطبتني وتكون صاحبة مال
<<<من حلات شيفتك عشان يخطبونك
اقول مثلا مثلا
<<اشوة علبالي
راح اقبل علي طول
موعشان فلوسها عشان كسرت خاطري حرام تقعد بدون رجال
<<<لاوالله قل قسم تدري صدقتك
<<<يتحلم وحدة غنية تخطبة
وارد اقولك لاباس طهور انشالة

[اقوش]

اولا مشكور اخوي وترا كنت اتغشمر

المهم نعلق ع اللي صار وياك

شوف من الاخر نقولها

الاول قليل ذوق وقليل احترام وقليل دسم بعد

لان التصرف وايد مو شي

لو مكانه ارد اذا شفت الاتصال ضروري
طبعا قبلها اقولك عن اذنك ثواني
ويكون الحوار باسلوب راقي يعني ماله داعي عمري وطوافي والحجي هذا
احتراما للي وياي

لا وفوق هذا الحلال حلالها لا والله مو خوش شغل
يالله ربي يهنيه

بالنسبه للثاني ماشاءالله عليهم ربي يسعدهم
التوافق والانسجام اروع مايكون
اهو مرتاح ومستانس بحياته
مافكر بشي اسمه جمالها او رشاقتها
وهذا بصراحه من الحالات النادره
وربي يسعدهم دوم ولا يفرقهم

<=== عيون مفتوحه وعيون مغمضه زين اشوف الكيبورد
اعذرني ع الاطاله و الحجي يمكن مو مرتب
بس ماعليه حبيت اشاركم

يعطيك الف عافيه

متابعه

:)

اي والله كلامج عقلاني وكلة حكم وتمتلكين خيال واسع

<<< راحت فيها البنت حسدها

لان شالله

بس تدرين عاد صاحبي زوج المتينة دق علي

وكلمتة وعطا زوجتة التلفون وقالتلي

افا يااقوش تحرضة يتزوج علي كنت اعتبرك اخو لي وانت اللي تعيني علية

انا انصدمت طلع قايلها قلت لاوالله انتي تعرفين طبعي واحب اتغشمر

والله وجهي صار بارد ومدري شقولها

اما الزوج الاول اللي زوجتة عندها مجمع

قربي لالا بعد قربي ايوة عطيني اذنج ماابي احد يسمع

قلت إذا اختها غنية تكفي لاتخليني بتزوجها

<<< انت حدك تتزوج وحدة بالشوون لا وعليها اقصاد ومقدمة علي صندوق المعسرين ورافضينها

بعدين بالعكس اخت ديمون انا مااتفق معاج علي اعتذارج علي الاطالة

الدردشة مفتوحة للجميع ينثرون افكارهم ويبعثرون مشاعرهم بدون تحفظ

حياج والمكان مكانج وانتي والاعضاء الكرام

[اقوش]

يالله عليك ولا على غيرك

يا الله نسالك حسن العاقبه

كح كح كح ااه كح كح ااااااه يا قلبي

طريح الفراش وصراع مع المرض

نويت اطلع ورديت

بفراشي ولابتوبي قبالي

مني لين عويناتي تغمض

اقووووش

ادعيلي يخوك

تحياتي

حبيبي سلامتك

بس ماشاء الله عليك هذا وانت مريض وكل هالنشاط

اجل لو تتعافا شبتسوي فينا

<< اذكر الله ذبحت الولد

اسأل الله العظيم رب العرش العظيم ان يشفيك

ها دعينالك شتبي بعد

<<شنو معطية فلوس انت تري كلة دعاء ببلاش

حبيب ياسهالات وماتشوف شر

[اقوش]

يعطييكم العافيه

متابعه

تحياتي

متابعتنا

عفية علي الشاطرة عطيني ايدج ارسم عليها نجمة


كويتية غير حضورج لدردشة انتي والاعضاء البسني ثوب العزة

واتمني اري مشاركاتج ولاتقاطعينا تري

<<<تري شنو

تري انا عصبي

<<لاوالله يافرحتي فيك

[اقوش]

اسعدالله ايامكم بالخير والبركات

والله خاطرى اسولف لكم عن هالصباح الجميل

واشعه الشمس الدافئه التى تبعث على الدفء

وتغاريد الطيور الرائعه وهى تشنف المسامع

لترسل اثير الراحه الى النفس المثقله بهموم الايام

وجمال الصباح وروعته يكمن بالهدوء والطمأنينه

انا ودّى انام قبل لا يقومون عيال اخوانى واسمع صوتهم عاد يطير النوم منى

ياحلوهم لا قاموا الصبح

ينزلون تحت ويشغلون الرسوم المتحركه

واقعد انسدح معاهم ومد ارجولي وتابع معاهم <<< الحمدالله والشكر

شنو كنت بقول بعد

<< يا رجال قوم نام بس
ان شاء الله
انشهد قلبى ياللى من الايام لاوى ** جرحّته الليالى والظروف الرديه))

انشهد انى مادرى شقول

طيب خن نرد لمحور حديثنا

وانا شابك قبل شوي ومتفائل بصباح جميل

مع بداية اشعه الشمس الدافئه وتغاريد الطيور الرائعه

فتحت المسن بشوف منو من الشلّه موجود

فلان معطيه بلوك لانه قرقر واجد واكيد راح يخرّب هالجو الحلو

وفلان كاتب مقالات كبير بس حياته كلها سياسه واخاف لا يفتح لى صفحه

وندخل نقاشات عن اوضاع البلد يعنى كلش منظرين سياسيين

وفلان هذا مو زين كله يشكيلي من البنات ويا ولد احب واعشق ويالله صباح خير

وفلان حبيب وطيب شرواكم متدين واسلوبه ممتع بالنقاش

وواحد عسى ما يشوفنى اون لاين الا صكنى بيتين شعر وردها علىّ ان استطعت

والبارحه فالليل << يعنى اكيد البارحه فى الليل يعنى البارحه الظهر

وفلان صديق مصري ومهاجر الى النرويج ومعارض للنظام المصري

ومن الصبح كفاااااااايه حرام كفااااااااااايه حرام

ووفلان صديق سعودى عزيز ويا شيخ عقدّت المواتير كلها بالله

وفلان صديق قطرى واماراتى ويمنى وجزائري

<<< اقوول فاتح مسن والا فاتح فندق ؟
المهم
الصديق الاماراتى فتح معاى صفحه وسلّم

وقعدنا ندردش شوى

وقال بدزلك مقطع فيديو لرجل برتغالى يطعن زوجته بالسكين

لانهم دازينة له واهو قلبه رهيف حضرته وما يبى يشوفه

يبينى انا اشوفه واشرح له شنو صاير بالمقطع

قلت له : يالله صباح خير

الناس تدز ورده والا مقطع حلو وانت هذا صباحك

المهم

شغلت المقطع والا صج واحد بارك فوق زوجته بالشارع وجدام الناس

وقاعد يطعن فيها وفى رقبتها واهى تحاول توخره عنها بس اهو سكران ومتمكن

ويحاول ينحرها وهالدم والناس تمر عليهم يا جماعه ولا كأن وحده بتموت جدامهم

وين العلمانيين اللى يحاربون شرع الله ويحاولون تلميع المجتمعات الغربيه ؟

واهو قاعد يحاول ينحرها وتوخره وصيحه

واخر شى يدزه واحد بعد تردد طويل ويطيح واهى تنحاش والدم ينزف من رقبتها

وتمشى شوى وتطيح بوسط الشارع وتفارق الحياه فى مجتمع كافر ومنحط ومظلم

طبعا لو بفصّل فى الاستفاده من هذه الامور التى تحدث فى مجتمعات ظاهرها الحضاره وباطنها

الظلام
بختصر لكم

احمدوا ربكم واشكروه انكم فى مجتمعات اسلاميه تسودها الطمأنينه والسلام والاخاء والراحه

النفسيه

وليست مجتمعات مفككه اسرياّ واجتماعيا وامنيا

الشاهد من الموضوع

انى استرسلت فى الموقع اللى كان يحوى على المشاهد الفظيعه والبشعه والمروّعه

هذا مقطع فيديو لشاحنه تدهس طفلا واهو ينازع فى سكرات الموت

وهذا مقطع فيديو لحادث امرأه تدهسها سياره وامور مقرفه

ومشاهد كثيره تحسس الواحد بتفاهه الحياه التى يتقاتل عليها الناس

يمكن سمعتوا عن سلسله افلام اوجه الموت فيس اوف ديث << يكون مترجمها يعنى

هذه اشتريتها كلها وشفتها

واغلبها فى دول اوربا واالولايات المتحده وامريكا الجنوبيه

فظائع وجرائم وانتحار واغتصاب وقتل فردى وجماعى وحوادث رهيبه ومناظر لاشلاء بشريه

تعطى الدلائل والبراهين الحقيقيه أنه لا أمان الا بالاسلام

سبحان الله الذى اكرمنا بالاسلام ووهب لنا نعمه الامن والامان

<<< تقاربو يااخوان فية درس ديني

فجأه والا صاحبى الاماراتى يقول : مب ما تخبرنى شو صار بالمقطع

عاد شرحت له شنو صار وقلت له لا عاد اشوف منك مقاطع يا ابن الحلال

وانا بصراحه ما حبيت اكتب لكم هالدردشه باليل حتى لا يعتفس مزاجكم

قلت خن اكتبها الصبح قبل تتريقون عشان تنسد نفوسكم

<<عز الله عادة لك

تدرون شلون خلونا نغير محور حديثتا

ونتكلم عن اجمل واروع شي بالحياة وهي الاناث

وطبعا راح امدحهن لانهن سر جمال هذي الحياة

ماتلاحضون شي بسامي الرجال والبنات يعني المذكر والموئنث؟

لاحظوا بأن الابتسامة والسعادة مونث ،،، والحزن مذكر

الصحة مؤنث ،،، والمرض مذكر

والمودة والرحمة مؤنث ،،، والحقد والحسد والغضب مذكر

وأن الاجازة والراحة والمتعة مؤنث،،، وأن الدوام والعمل والقرف والتعب مذكر

فأعلمو أن ((الانــــــــــاث)) سر جمال هذا الكون

فهمتو يا نكد

وعلى فكره

حتى النكد مذكر

لا لا الحين الذكور يزعلون علي بالمنتدي ويقولون انت منحاز للبنات

فلازم اقف بصف الرجل وامدحة
طيب
إن سألت الرجل وأجاب إجابة صحيحة نقول ( مصيب ) ولكن إن سإلت المرأة نقول ( مصيبة )

وإن بقي الرجل على قيد الحياة نقول ( حي ) ولكن إن بقيت المرأة نقول ( حية )

وإن حكم الرجل بين الناس نقول ( قاضي) ولكن إن حكمت المرأة نقول ( قاضية )

وإن أصبح الرجل طباخا نقول ( شيف ) ولكن إن أصبحت المرأة نقول ( شيفه )


ابـــــــييية
شكلي لدشيت المنتدي باجر بيلحقوي الاعضاء والعضوات

الي شايل سيف وناطرني عند باب المنتدي

ولي شايلة مخمة وداستها وري ظهرها

وطق منين مايعورك وانا انحاش

وررررررررررررررررر

[Demon of Dark]

السلام عليكم
صباحك سكر خيو

بالنسبه لسالفة المقاطع عادي تعودتنا
قلوب صارت حجر بس مو ع اهلنا
اهم بصراحه لا حقوق ولا قوانين
يعني بس حجي فاضي
لا واهم يخافون يقربون يقولون اهي تموت احنا شكو
بينما بمجتمعاتنا غير يقول اتعرض لطعنه بس انقذ روح من الموت
احنا عندنا قناعه وايمان قوي
عكسهم حب الحياه غطى عيونهم وقلوبهم


بالنسبه للمحور الثاني
المرأه نصف المجتمع وزينته
لكن مانلغي وجود الريال
لانه مكمل بالحياه
واللي تقول مانحتاج وجود ريال بحياتنا بداخلها تقول احتاج وجوده
والاسباب وايد

تقبل تواجدي

متابعه
:)

...

[اقوش]

وعليكم السلام

نعم كلامج سليم

ولكن المشكلة بمن يجعل الغرب قدوة لة كااللبرايببن الذين يااخذون سلبياتها وايجابيتها

و يقسمون الناس لفأت كما يسمونهم بالاسلاميين

خلونا نشك بكل شي جميل

تدرين في اواخر الستينيات اصدر حاكم الكويت مرسوم واحالة لمجلس الامة لتصويت

وهو السماح ببيع الخمور بالكويت ورفضة المجلس

وكان اعضاء المجلس بالاغلية لبراليين

شفتي هذا الفرق بين من يأخذ ايجابيات الفكر اللبرالي ويترك سلبياتة

ولكن اللبراليين في هذا الزمان زاد جهلهم لدرجة التقليد الاعمي للغرب

عكس مجلس اواخر الستينات والتاريخ لايكذب

[Demon of Dark]

اخوي بالنسبه للنظره الليبراليه
البعض صار ينظر للامور بمنظور واحد
لا وعدسته سودا نفس تفكيره

عكس ايام قبل في اهتمام بالمصلحة العامه ودراسه شامله
مو اصدار قرار وانتهى الموضوع

و الضبابيه في التفكير و التعتيم في امور وايد
تخلي الاشخاص نفسهم مايفهمون نفسهم

ومثل ماقلت التاريخ يشهد

متابعه :)
..

[ScReAmQwEeN]

صباحكم عسسسل مغموس بالقشطه

اقوش مالاحظة شي انك كل تتكلم في صباح عليل ونفس منبثقه لووولز
المهم انا شدتني سالفة المقطع وعورت قلبي حسبي الله على الي سوااا فيها هالشي
انا مادري شلون الواحد يقتل بسهوله ويرتكب جريمه بشعه جذي وين قلوبهم وين الخوف من الله
مادري هذيل شلون يفكرون ماعندهم عقل ولاشنووو ذكرتني بقضية الطفله امنه والي صار فيهاا الان هذي القضيه ماأثره فيني حييييييل ،، إلا سؤال انت شلون تشوف هالمقاطع عفيه قلب >> رااح الولد ،،
لا يعني صج شنو تحــس فيه وانت تشوف هالمشاهد ؟؟!!
وهمن تحجيت عن البنات ،، على فكره واايد تتحجى عن البنات انت // شنووو بينك وبينهم بضبط
حاط علينااا وربي احنا زينةالدنيا ولا في ريال يعيش من غير مراهـ ،، وبعدين طبيعي البنت لمن تطلع تكشخ ولا شنوو يعني تبيهاا تطلع كشه تخرع النــاس عاااد اللهم ياكافي احنااا من غير استشوار انضيع لوووووووووولز ،،وبعدين هالسوالف موبس سوالف البنات يعني حتى شباب مومقصرين انت شايف لبسهم ولا سلاسل ماخلا سلسله بكبت اخذه ماخذاهااا عفيه رقبه متحمله كل هالسلاسل يعني ستايل ولا تراجي بـإذن واذن مافيه مساررري على غفله
زين مساري يحط تراجي الريال حلووو ويهاااا يفتح النفس انت حاط ليش ويهك فيه الف وخمس امية شلخــه لوووولز ولا بناطيل الوست ومسمى اخر طيحني > يبيلك طيحه ماتقوم منها عشان تعقل ،، ومشاءالله وكلهم شعورهم واقفه قضيتواا على السبريه حتى اهووو تنافسوناا عليه ،، تراى سوالفكم ماتخلص ،، ولا سياراتكم ماخليتوااا شي ماكتبتوااا عليهااا سبورهـ مو سيارهـ ،، لووووووووووولز انا جني طحت فيكم :) عادي امووون
المهم هذي كانت منقشتي

سلملم

[اقوش]

ههههههههههههههههههههههــ

شخيليتي فينا

بس تدرن تكلمتي عن الفئة الشاذة اهل السلاسل والتراجي والبناطير المشققة

يعني واحد مثل هذا يقدر يدش ديوانية وفيها شياب ويقعد يسولف سوالف سنعة


ابيييييييييييييية

اروح اسحب المسدس علية طااااااااااااخ طاااااااااااااخ

النوعة هذي تافها وشغلة الشاغل كيف يصيد البنات

يعني لو تتحاورين معاهم سوالفهم عن البلتوث والسيارات ومحتواة فارغ

علي العموم انتي طفيتي حرتج فيهم وانا اايدج

بعدين الدردشة للجميع واخذي راحتج

واسعدنا تواجدج معانا

[اقوش]

اسعد الله مسائكم

وارحب بكم في رحاب هذي الدردشة المسائية

قعدت الصبح ولبست وطلعت بروح دوامى

طلعت من منطقتنا وعند الاشاره اشوف وحده سيارتها لكزس مدعومه مع الباب

واقفه يمّى بالاشاره وقعدت افكر شلون اندعمت

هل رجع عليها احد ودعمها والا ليش ؟

كل ما اشوف سياره جديده ومدعومه افكر شلون اندعمت

خصوصا السيارت الجديده اقعد افكر فيها لان معروف السياره من تندعم صاحبها يكرها

المهم

فتحت الاشاره خضرا وطلعت

ومسكتنى الاشاره الثانيه

والا جدامى واحد كاشخ على حوت ويطالع السياره اللى يمّه

فيها وحده منقبه

وطايح خز وكل شوى يطالع المنظره ويعدل النسفه ويرد يطالع فيها يبيها تطالعه

اهى مطنشه واهو ذابح نفسه ويالله صباح خير

انت غسل الغمص اللى بعيونك الحين بعدين تعال غازل


اهييييييييب

على طاري المغازل

امس بالليل كنت فى سنتر بوينت الجهراء

وشفت ثنتين منقبات يادافع البلا

مشكلتهم منقبات غصبا عليهم الظاهر

وهالعيون والكحل وهالمسكره والكريم اساس

وكل وحده مطلعها خدها غصب

وحده فيهم ميته تبى تحط شامه بس متوهقه وين تحطها

اخر شى حطتها شكبرها بين عيونها ههههههههههههههه

يعنى اللى يشوفها من بعيد على باله لابسه برقع مو نقاب

وشكل عيونها نتيجه مباراه 5.5

ايوالله

ما علينا خن نكمل مشوارنا الصباحي

واقلّب بالمحطات ابى اسمع شى يفتح النفس مع هالزحمه

حطيت على 103.7 والا حاطين عبادى الجوهر

حبر وورق صارت حياتى حبر وورق

قلبى احترق من بعد فرقاك وغيابك قلبى احترق

الرسايل اصبحت مادري شنو

تخيلوا

السابعه صباحا وبهالجو الحلو ورايح دوامك وتسمع هالاغنيه

شنو يصير فيك

مو ودك تنزل اقرب براحه وتقعد تستعرض

يعنى عبادى الجوهر سفير الحزن تحطونه الصبح

اتذكر غنّى مره للمنتخب السعودى بكاس العالم

اغنيه رياضيه وهم طلعت حزينه والجمهور الرياضى السعودى دموعه اربع اربع

ما اطول عليكم

فريت المحطه على 888.8 المارينا مول

والا حاطين اغنيه هنديه

يالله صباح خير

شفيهم على الناس هالمحطات

واشغل السى دى والا اغنيه حق مطرب شعبى

كتمت الحب واثر الحب ما ينفع به الكتمان

ولا ينفع به الشكوى وقرقرقر وقرقرقر

وسريع

قلت هذا مو حقى السى دى

واتذكر ولد اخوى امس ماخذ سيارتى

عفيه ذوق على شباب هالوقت

طبعا اتوقع المطرب فهد السعيد الله يرحمه

طبعا تعرفون ان فهد السعيد تدين قبل وفاته

وتوفى واهو يتوضى لصلاه الظهر قبل جم سنه الله يرحمه ويسكنه الجنه

المهم ما اطول عليكم

الخط السريع واقف والناس طفشانه من الاهمال الحكومى البشع

وزاره الداخليه غير معنيه بالداخليه ابدا

بسأل سؤال

ليش حاطين دوامات الوزرات بنفس الوقت واللحظه

ليش ما تصير بعض الوزارات متفاوته التوقيت

يعنى وزارت تبلش 7.00 ووزارات تبلش 7.30

ووزارت 8.00

وجذيه عشان شعب الكويت ما يعانى

ليش نفس التوقيت وشنو الحكمه ؟

الناس معصبه ومداعم والاخلاق انعدمت والسب علنى

والتشاحن وصل حده

ليش؟

لا تلومون الناس ابدا

لوموا الحكومه اللى مالها شغل باداره شئون البلد

المهم ما اطول عليكم

وصلت الدوام والا الشباب حاطين الريوق

مسبّحه وحمص وفول وفلافل

ومايبيلة انتو عارفين شسويت

[Demon of Dark]

اخوي اقوش

تتوقع بان لو صار مثل ماتقول مارح تصير مشاكل خير ان شاءالله

بتلقى المشكله نفسها قايمه و بتصير مشاكل اكثر من قبل

ليش مافكرت فيها بمنطق ثاني
وقلت ليش هالزحمه
ليش مافي طرق فرعيه تخفف الزحمه
ليش بمناطق الزحمه مايحطون كوبري <=== يعني يخفف الزحمه
واحمد ربك مو طالع والا تلقى جدامك مية الف شاحنه
لا وبوقت ممنوع دخولهم

المهم السالفه كلها تخطيط مو تغيير اوقات دوامات
والنفسيه الله بالخير
شتتوقع من شخص سهران وماله خلق حتى روحه مو نايم زين
اللي سهران بكيفه ارحم من اللي لاسباب الله اعلم فيها


واهم شي الاغاني اللي يحطونها الصبح
انعدام ذوق
حزين و حاله ودموع
والا النمط الثاني طقاقه ع الصبح اللهم ياكافي

يازين فيروز ع الصبح
وكوب قهوه و جرايد وعدل المزاج وتوكل ع ربك

متابعه

:)

[اقوش]

ياديمون الشق عود

الحين شايفة السياير الي بالشارع نصها للعمالة

<<حسود

لاوالله بس عط الليسن لدكتور والمدرس واصحاب المهن المهمة بعملية مدروسة

مو بنقالي راتبة بعقد العمل 70 دينار وهادينة بالشارع فاتح تكسي

وبلاوي ماابي اسولف عنها بالدردشة حفاظا علي الذوق العام

اما سماع فيروز في الصباح روعة

ولكن لي طقوس معينة

وهي ذهابي للبحر بالليل بطرادي المتواضع لتأمل الطبيعة والاستمتاع بمنظر القمر

وسماع اصوات الامواج وانثر همومي وابعثر مشاعري بطبيعة لايفهمها الا المتاملون

لتأخذني لعالم لا اراة ولكن احسة واتلذذ بمجالستة

ولنا عودة بعد الصلاة

[اقوش]

اسعد الله صباحكم بكل خير

اري ان موضوع الاختناق المروري لم يأخذ حيزة من الدردشة

ولكن اضن بسبب ارتباطات الاعضاء ومشاغل الدنيا التي لاتنتهي

فاليبارك الله بوقتنا واعمالنا

ولي عودة