..الجـــ السادس والثلاثون ــــــزء..
دخل وفسخ نظارته ومشى سمع صوت في الغرفه وشاف بدي قارد واقف عندها استغرب ومشى بس وقفه صوت البكي من الغرفه..لف وهو عاقد حواجبه..
:فيه احد هنا..
البدي قارد:ايه نعم..
راكان قرب ومد يده بيفتح الباب بس وقفه البدي قارد:لو سمحت العم احمد قال محد يدخل الغرفه هاذي..
راكان بأستهزاء:الحين احمدوه صار عم بعد بس بعد..<<فتح الباب وناظر في الغرفه المظلمه وفي وحده كانت شبه ميته..
قال بأستغراب:ميــــــن..
رفعت راسها وبتعب:راكـ...ان..
ناظرها من فوق لتحت بأستغراب ملابسها المقطعه والخطوط الحمراء اللي على يدينها ورجلينها من الضرب بالعرق و وجهها الازرق وشفايفها اللي تنزف دم..كان شكلها مرعـــب ويخوف..
راكان تقدم لها ونزل لمستواها:وش هذا..
جنا بكت وشفايفها ارتجفت:هذا من..<<ماقدرت تقول اسمه وبكت..
راكان تذكر اللي صار له معها ومع اخته وابتسم بأستهزاء:صدقيني لو اني مو خايف اموت علشان شي مايستاهل كان قتلتك بس ماتستاهلين اضيع عمري علشانك..<<وقف وضرب بطنها بقوه برجله وصرخت..
:آآآآآآآآآآآآآآآآه..
راكان يناظرها بأستحقار وهو يبتسم بخبث:لو بس معلقك مع رقبتك ولحقت عليك على اخر نفس بيكون شكلك احلـــــــى هههههههههههههههه..
جنا تناظره وهي تتلوى من الالم وتشهق من البكي وترتجف بشكل مو طبيعي..
راكان:هههههههههههههههههههههههههههههههههه..<<لف بيطلع لكن وقفه صوتها المبحوح..
:امي عندها جلطه في القلب واذا ردت اني..<<بكت بحرقه..
راكان:انك ايش..
جنا ترتجف:اني مو بكر بتموت..
راكان ضحك بأستهزاء:وتوك تحسين..
جنا:كنت اظن ان احمد بيتزوجني..
راكان:مافيه اي رجال يتزوج وحده مستعمله..
كلامته طعنتها في الصميم نزلت راسها وبكت بألم...
عوره قلبه عليها وتقدم لها وسحبها مع يدها:امشــــي معي..
جنا بخوف:وين..
راكان بعصبيه:مالك دخل امشي وبس..<<سحبها معه لداخل الصاله ودفها على الارض..
:ذي وش مسويه..
احمد كان يشرب رفع راسه وهو دايخ وقال بعصبيه:من سمحلك تطلعين..
راكان مسك كاس مويه وكبها على وجهه..
احمد شهق وهو يمسح وجهه ناظر في راكان:ليه جبتها هنا..
راكان بدون نفس:خلها تروح..
احمد وقف بعصبيه:مو على كيفك..
راكان دفه على الكرسي وصرخ في وجهه بعصبيه:هاذي الاشياء مافيها على كيفي وكيفك خلها تروح لاتموت علينا ونتورط..
احمد وقف ومسك شعرها وصرخت:آآآآآآه..
راكان بسرعه بعدها عنه:اتــركها خير وش شايفها لعبه عندك..
احمد بعصبيه:انـت اطلع منها..
راكان لف على جنا:روحي..
جنا هزت راسها بالنفي بخوووف..
راكان صرخ عليها:روحـــــــي..
جنا تركت يده بخوف وطلعت..
احمد عصب ومشى لناحية الباب بخطوات سريعه لكن راكان مسكه:وش سوت..
احمد سحب يده وبدون نفس:مالك دخل..<<وطلع غرفته وهو في قمة عصبيته..
راكان ابتسم بأستهزاء وطلع شاف جنا واقفه عند البوابه ولافه طرحتها حول راسها ودموعها على خدها:انتي للحين واقفه..
جنا ارتجفت:وين اروح..
راكان تنهد بضيق:طيب تغطي وتعالي معي..
جنا تغطت وطلعت ركبت معه وهي مستغربه من معالمته لها وهي اللي آذته وآذت اخته..
تذكرت اللي صار بينها وبينه..
دخل القصر ورفع نظارته وناظرها بأستحقار من فوق لتحت كانت لابسه قميص نوم لنص فخذها وسيور ومفتوح ظهرها كله..
كشر وطلع الدرج لكنها مسكته ولفته عليها:محد فيه إلا انا وانت..
راكان بأستحقار دفها عنه وطلع لكنها وقفته..
:وين رايح انا صرفت احمد لعيونك..
راكان لف عليها:احترمي نفسك يابنت وبعدين وش هالمسخره اللي لابستها..
جنا بمياعه:لعيونك ياقلبي..<<قربت منه وسحبته لكن هو دفها على الارض بقوووه..
وبعصبيه وهو رافع اصبعه المرتجف:قسم بالله لو ماتنقلعين عن وجهي الحين بعلمك الادب على اصوله ياقليلة الادب..
جنا وقفت وبعصبيه:احترم نفسك..
راكان بأستهزاء:اقول روحي البسي شي يغطيك بعدين تعالي تكلمي عن الاحترام يامحترمه..
حست بالإهانه وحبت تنتقم لكن مو فيه في اخته علشان توطى كرامته وسمعته وسمعة اهله برجلينها لكن صار العكس..
نزلت دموعها حاآآره تحرق خدها رفعت يدها تمسحها ولفت وجهها عليه شافت ملامحه معصبه ويده تضغط على الدركسون بقوه..
قالت بصوت مبحوح:وين بتوديني..
راكان بدون نفس:انتي وين حابه تروحين آمري تدللي..
جنا نزلت راسها وعضت شفايفها بقهــــــر..
راكان:وين بيتكم..
جنا بلعت غصتها:في حي الـ..؟؟
راكان انصدم كان يظن انها غنيه وتسكن في افخم قصور الرياض بس طلعت فقيره وتسكن في حي قديـــــم:تستهبلين علي انتي..
جنا ضغطت على عبايتها وبقهر:لا..
راكان وقف السياره ولف عليها:ترى مو رايق لأستهبالك هذا..
جنا بألم:ترى كل اللي تشوفه فيني من خير احمد انا ما املك شي لا بيت ولا اهل ولا حتى (بلعت غصتها وبصوت مرتجف) شرف..
راكان لف عنها وهو يبلع غصاته شغل سيارته وحركها بدون ولاكلمه..
××
دخلت البيت وفتحت النور:فـــــــــــــي..<<طلعت فوق وفتحت غرفتها..
:فـ..<<سكتت وهي تناظر الكبت مفتوح ومافيها ملابسها صرخت..
:طليـــــــــــــــل..
طلال ارتاع وطلع بسرعه فوق:خير وش فيك..
غاده بخوف:في طلعت مدري وين راحت..
طلال:على بالي عندك سالفه وجع..
غاده سحبته مع يده لداخل الغرفه:تعال شف خذت كل اغراضها وطلعت تعتقد ان امها خطفتها..
طلال:حمــــــد الله فيه ام تخطف بنتها..
غاده بكت:اخاف انها مو امها..
طلال رفع جواله بسرعه ودق على في لكن ماوصله رد:ماتــــــرد..
غاده بعصبيه:رح دور عليها تحرك..
طلال صرخ في وجهها:وانتـــــــي شايفه الرياض علبة تونه وين ادورها فيه..
غاده:تصــرف عاد..<<رن جوالها وناظرت في الاسم وردت بسرعه..
:الووو في وينك..<<طلال سحب الجوال وبعصبيه..
:وين ذلتفي يالزفته..
في تنرفزت:احترم نفسك عاد..
طلال:في اسمعي والله لو درا عمي انك طالعه مع ذي ياويلك..
في بعصبيه:ذي اللي على قولتك امي وتبي تقول لابوي قل له ماهمني..<<وسكرت السماعه..
طلال:الووو في في (نزل الجوال) سكرت..
غاده بدت دموعها تخونها:كله منك..
طلال:وانــا وش علي..
غاده:لو خليتني اكلمها كان عرفت مكانها..
طلال تخصر:المشكله ان عمي بيرجع اليوم..
غاده انصدمت:اليـــــوم..
طلال بلع غصته:ايه..
غاده طاحت على الكنب وبكت:ذا الخبـــــــــله بعد وش طلعها الحين افف..<<رفعت جوالها ورسلت لها مسج..
××
واقفه عند الشباك وتبكي وجوالها في يدها رن بنغمة مسج وفتحته..
"في ارجعي للبيت لو جا عمي اليوم وماشافك مدري وش بيصير فيه"..<<شهقت من البكي وكتبت بيدين مرتجفه..
"لو كنت اهمه كان مامنعني من امي"..<<رسلتها وقفلت جوالها ورمته على سريرها..دخلت الحمام ((الله يعزكم)) وغسلت وجهها ونزلت تحت..
ام في بأبتسامه:تعالي يمه..
في تصنعت الابتسامه وجلست جنبها..
..انفتح الباب ودخل وهو يدندن سكت وهو يناظر في بأستغراب..
ام في نزلت دموعها وهي تبتسم:في..
رائد ابتسم:يمه لقيتيها..
في انصدمـــــت"وش يمه هاذي"..<<ناظرت امها بصدمه وامها ابتسمت..
:هذا رائد ولد اختي..
في تنهدت بأرتياح:هلا رائد..
رائد جلس جنب ام في:انتـــي في امي صجتني فيك (غمز لها) بس والله تستاهلين ذا الصجه كلها..
في:هههههههههههههههههههههههه..
رن جوال رائد و رفعه:هــــــــلا مشعل..
في من سمعت اسم مشعل تجمعت الدموع في عيونها وتنهدت بضيق وهي تتذكر اللي صار بينها وبينه آخر مره..
ام في بهمس:يمه فيك شي..
في بعدت وجهها عن امها:لا سلامتك..
××
دخل البيت بالكرسي المتحرك وهو يبتسم والكل حوله..
لمى واقفه عند المدخل وطايره من الفرحه وتضغط يد ريم:ياوووويل قلبي يمه..
ريم:ههههههههههههههههههههه (عورتها يدها وصرخت) آآآآآآآآآآآي..
اول ماسمع صوتها رفع راسه بسرعه بدون شعور للمدخل..بلع غصته وهي بينت انها مو مهتمه ولفت على لمى
وبصوت مبحوح:يدي يالدبا ابيها ترى..
تركي يبتسم لكن اختفت ابتسامته وهو يشوف ابوه واقف وضايق صدره:يبه ماتبي تسلم علي..
ابومشعل تقدم له بدون ولاكلمه وتركي باس راسه وام مشعل واقفه مستغــــربه:خير وش صاير..
تركي:مافيه شي بس زوجك هتلر يتغلى علي شوي..
الكل:هههههههههههههههههههههههههههههههههههههه..
فهد جا يركض ونط عليه..
تركي:آآآآآآآخ شوي شوي..
فهد:وش اسوي مشتاق لك يادب..
بندر بعد عنهم شوي وهو ماسك جواله وخايف على دانا وبهمس:تكفيــــن ردي..
ابتسمت بخبث وهي رافعه حاجبها:دنووو خلاص باااااي..
بندر لف عليها بعصبيه:وش مسوية لها..
مشاعل تمثل البرائه:ماسويت شي..
بندر لف عنها وفتح باب سيارته بسرعه..
ابونايف:وين..
بندر:شوي وبجي..<<ركب سيارته وحركها وهو ماسك جواله يدق لكن ماترد..
ضرب يده في الدركسون:افففففففففف..
::
كانت متمدده على الكنبه ومسكره النور ومتكوره على نفسها..
دخل و ولع النور وشافها ماتحركت من مكانها احتقرها وقال بدون نفس:وش جابك هنا..
هيفاء وقفت بخوف وعيونها حمرا من البكي:فيصل..
فيصل وهو ياخذ شماغه:اذا شافك واحد من الشباب وش بيقول..
هيفاء بلعت غصتها:ليه انا وش سويت..
فيصل تقدم لها وبعصبيه:ماتدرين ان هاذي غرفة الشباب..
هيفاء تراجعت بخوف وعيونها مدمعه:والله ما ادري..
فيصل شد على شعرها ومن بين اسنانه:قســـــم بالله لو شفتك هنا مره ثانيه بوريك شي ماشفتيه في حياتك سامعه وإلا لا..<<دفها على الجدار وشهقت من البكي ومن الضربه القويه اللي جت على ظهرها..
××
وصلوا للحي القديم والضيق نزلت وغاصت رجلها في الطين:افففف..
راكان نزل وهو متقرف رفع ثوبه ومشى وراها لما وصلوا البيت..دقت الباب لكن ماوصلها رد..
راكان بأستهزاء:متأكده ان هذا بيتكم..
جنا بلعت غصتها:ايه..
راكان دف الباب وبسهوله انفتح:ادخلي..
جنا دخلت بسرعه وبلهفه:يمـــــه..<<دخلت غرفتها ودروتها بعيونها مالقتها ولا لقت اغراضها ارتجفت..
:راكان..
راكان يناظر البيت اللي شوي وبيطيح:خير..
جنا لفت عليه وهي تبكي:امي مدري وينها..
سمعوا صوت احد وراهم:وش عندكم هنا..
جنا لفت على الشايب اللي واقف ويناظرهم بأستغراب:امي وينها..
راكان كشر"وذا وش يعرفه من امك"..
الشايب يناظر جنا اللي تبكي ورحمها:انتي بنت ام ناديه..
جنا ارتجفت:ايه..
الشايب نزل راسه وبضيق:عظم الله اجرك يابنتي..
جنا شهقت بقوه وحطت يدها على فمها مصدووومه..
××
طلعت وشافته جالس على الكرسي قدام المسبح تقدمت له وهي مكشره ومعصبه:ليه ماتبي تسافر..؟؟
تركي اول ماسمع صوتها ابتسم ولف عليها:ايه علشان كذا ما استقبلتيني استقبال زي الناس (وبخبث) تصدقين كنت اظن انك بتاخذيني بالاحظان اول ماتشوفيني..
لمى عصبت وحمر وجهها ورمت عليه الوساده بس هو سبقها ومسكها وهو يضحك..
لمى بعصبيه:مستانس بعد..
تركي غمز لها وفي صوته الضحكه:احد يشوف اللي يحبها ومايستانس..
لمى حمر وجهها ولفته عنه:طيب قل لي ليه ماتبي تسافر..
تركي:طيب وريني وجهك مشتاااق لك..
لمى لفت عليه متنرفزه:قسم بالله رايق تركي بتتكلم وإلا وشلون..
تركي بمزح:وشلون..
لمى عصبت:افففففففففف..<<ولفت عنه ومشت بس هو مسكها وهو يضحك..
:آسف ياقلبي..
لمى تهز رجلينها بعصبيه وهي تتأفف..
تركي:زعلتي..
لمى بدون نفس وهي تحاول تسحب يدها:اتركني..
تركي:طيب زعلتي..
لمى تجمعت الدموع في عيونها وصوتها تغير:اصلاً انت من متى يهمك زعلي ورضاي..
تركي تغيرت ملامحه واختفت ابتسامته:افااا وش هالحكي..
لمى ناظرته ودموعها على خدها:ليه ماتبي تسافر عاجبتك حالتك..
تركي بألم:ليه مو عاجبتك..
لمى نزلت لمستواه ومسكت يدينه وضغطت عليها:بس ابي افهم شي واحد انت ليه للحين ماتبي تصدق اني احبك واخاف عليك واحس فيك..
تركي ابتسم:عيدي اللي قلتيه..
لمى بلعت غصتها:تركي انا مو قاعده امزح..
تركي بحزن:خايف من النتيجه خايف ابني امل سراب (تصنع الابتسامه وبمزح) وش رايك عاد في ذي امل سراب ماتحسين انها اسم مسلسل مكسيكي مغبر..
لمى انفجرت من الضحك ودموعها على خدها..
تركي:سمعيني هالضحكه مره ثانيه مشتاااق اسمعها..
لمى تذكرت انه مو مسافر وقلبتها مناحه..
تركي بضيق:افااا وش فيك قبل شوي فقعتي طبلتي من ضحكك..
لمى تبكي:حرام عليك يعني تبي تعيش طول عمرك كذا..
تركي بلع غصته وابتسم:طيب علشان عيونك بسافر..
لمى بفرحه:عن جــــــــد..
تركي:ايه..
لمى نطت بفرحه وهي تضحك وتبكي في نفس الوقت..
تركي:بس اذا صار لي..
لمى حطت يدها على فمه وبعصبيه:بسم الله عليك لاتقول كذا..
تركي نزل يدها عن فمه وضغط عليها وبخبث:تخافين علي..
سمعوا صوت فهد جاي لعندهم وبسرعه لمى بعدت عن تركي ومشت وآشرت له:بااااااي..
تركي انقهــــــــــر..
فهد ماسك الكوره:وش رايك تلعب معي..
تركي بقهر:ايه طيب..<<رفعه لحظنه وبدى يضربه بخفه وهو يعض على شفايفه..
فهد يصرخ:آآآآآآآي آآآآآي اتركني وش سويت لك..
××
دخل البيت وهو يبتسم شاف غاده وفتح يدينه:هـــــــــلا والله..
غاده حظنته وهي ميته من الخوف:حمد الله على سلامتك..
ابوفي بعد عنها وبأستغراب:فيك شي..
غاده بلعت غصتها ونزلت راسها..
ابوفي:في فيها شي..
غاده بكت غصب عنها..
ابوفي بخوف طلع لغرفتها:فــــــــــــي..<<فتح الباب وناظر الغرفه بصدمــــه..
غاده وراه:عمـ..
ابوفي قاطعها بعصبيه:وينهـــــا..
غاده ماتدري وش تقول شهقت وحطت يدها على فمها..
ماخطر في باله إلا هو نزل بسرعه وركب سيارته وحركها:اووووريـــــك يا ابن الـ..؟؟
××
؛؛..لا تظن انا في يوم منك ابزعل..لا صرت قلبي خاينه و انت غاليه..
الحين ابرحل عنك وابعد ولا اسأل..قلبي تعب من قلب مات الغلا فيه..؛؛
نزل ودق الباب وعلق على الجرس..انفتح الباب وقالت وهي معصبه:ميـــــــن..
دخل وناظر فيها وبدون نفس:وين دانا..
الخدامه:ماما دانا و..
قاطعتها وهي تطلع:هذا انت..
بندر تقدم لها وهو معصب:يالخايســـــه قلت لك خلي دانا تتصل علي وانتي مثل العاده طنشتي..
ريناد بعصبيه:ولك وجه تجي بعد اللي سويته..
بندر بأستغراب:وش سويت..
ريناد بصراخ:مدري اسأل نفسك اقول يله ظف وجهك وانسى ان دانا تحبك يالخاين..
بندر بأستهزاء:ريناد انتي شاربه شي وإلا حرارتك مرتفعه وش ذي خاين..
طلعت وهي منهاره ودموعها على خدها وبصوت مرتجف:صدقني كلمة خاين شويه عليك..
بندر حس نفسه ضايع:خير وش السالفه..
دانا انفجرت من البكي:مسوي نفسك ماتدري..
بندر تقدم لها وبخوف مسكها مع كتفها:خير قلبي وش صاير لك..
دانا نزلت راسها وبكت من قلب:تكفــــى قل لي انها كذب الله يخليك..
بندر بأستغراب وخوف:وشو طيب..
دانا بضعف حطت راسها على كتفه وبللت دموعها ثوبه..
ريناد سحبتها بقوه:انتي وش قاعده تسوين..
دانا بدون ماتناظرها:ريناد الله يخليك اتركينا لحالنا..
ريناد بعصبيه:وش اترككم لحالكم مجنونه انتـــــــــــي..
دانا بضيق:ريناد..
ريناد صرخت وهي تدخل:افففففف..
دانا رفعت راسها شافته يناظرها بصدمه واستغراب ومليون سؤال يدور في باله..
يتبـــــــــع..<<
تعليق