قديم 05-17-2008, 11:57 PM   المشاركة رقم: 1
المعلومات
الكاتب:
اللقب:
الاعضاء
الصورة الرمزية
 
الصورة الرمزية هــيــلاوي

البيانات
التسجيل: Jun 2007
العضوية: 56781
المشاركات: 306 [+]
بمعدل : 0.06 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
هــيــلاوي غير متصل
وسائل الإتصال:

المنتدى : نكت - تسليه - ألغاز - ترفيه
۩ ذكرياااااات ! ●۩ŁỗŋỄŁỹ ۩●

ابيكم اليوم ترجعون معاي جم سنه وراااا ... رجعتوا .. بعد بعد .. انزين طوفه لا اتدعمونها لوول
تذكرون ايام الشطانه والبلاسه اول ؟؟؟ مو الحين ايام البراعه



يلا نبلش ومانطول عليكم


1- تذكرون نقازية الارنب الجائع لما كان يلعبون فيها صبيان شلايتيه وماخذينها كلها ومايخلونا نلعب


2- تذكرون لما نشتري قواري (دراجه هوائيه)بفلوس العيد ونفتر عند المحل مليون فره قبل لانركبهم السياره


3- تذكرون قبل لي رقمت وحده اتم طول اليوم يم تيلفون البيت وكل مارن اتنحنح...واخر شي تطلع خالتك


4- تذكرون لما كنا انام مبجر حق العيد ونفرش الدشداشه على الارض ويمها المكسر والنعال ..يعني متزهبين


5- تذكرون سالفه اللي يحارب يحارب الله واللي يصاحب يصاحب الشيطان..يعني بالحالتين مافي مجال تصاحب


6- تذكرون لما كنا نسهر لي الساعه 1 بالليل يعني قمة السهر...وتقول حق ولد عمك لي الساعه جم تسهر


7- تذكرون لما نرد من البر بعد عطله 15 وامنا كانت تلطخنا بالهرده والفازلين عشان تروح الجلحه والمشق


8- تذكرون لما كنا نلعب لعبة الطبيب تحت الدري واخر شي طايحين علينا وطااااااقينا طــــــــــــــــــــــق


9- تذكرين لما كنتي تمشطين شعر باربي 24 ساعه لين ينشلع راسها واخوج يلعب فيه كره


10- تذكرون لما كنا ننسف الغتره تطلع اي شي جنه من اللي يرقصون ورى خالد الشيخ في اغنيه كمنجه


11- تذكرين صورتج وانتي ياهل مع الكشه او العناقيص والحين خايفه تورين ريلج صورج لا يعايرج فيها


12- تذكرون لما نتشيطن واحنا ورى بالسياره والوالد يصفط يمين وينام فينا بالعقال والوالده تقولنا قلعتكم


13- تذكرون لي تشيطنا في بيت الاوادم وامك تقرصك ذيج القرصه على فخذك وتتبوسم بويوه الناس جنه عادي وانت تفرك من العوار


14- تذكرين لما تدشين غرفة امج وتلطخين ويهج بالحمره جنج ماكله ياهل وتطيح عليج امج وتكفخج


15- تذكرين لما الوالده تحطلج حنه ليلة العيد وتشق قطعه من دراعه ماتبيها وتلف ايدج وتنامين فيها تقولين ملاكم


16- تذكرون كتكات مال اول اللي نيمع القصدير ماله نسوى كره والشفاف نرسم فيه خرايط الاجتماعيات


17- تذكرون الاكاونت مال قبل اللي لي فصل بعد شهر يالله يشبك جود الطيور طايره برزاقها واخترب التضبط


18- تذكرون اهالينا لما يرجعون من الحج وايبون لنا الكاميرا الحمره واحنا مستانسين اللي يقول ديجتال بس


19- تذكرون لما ما كان في موبايلات وتكلم الصاحبه من تيلفون البيت ويشيله الوالد حزه الغدا ويقولك غدا وثول


20- تذكرون لما نروح نسبح في بحر شويخ ولابسين الشورت الاديداس والفنيله الداخليه والفوطه بكيس جمعيه



21- تذكرون لما كانوا يقصون علينا بالمدرسه الطلبه الشلايتيه ويقولون لنا ان في شي اسمه الكف الاحمر واااااااااااااااااي


22- تذكرون صور الوالد قبل مع الزلف والشارلستون والوالده سفور ومني جوب والحين كل مانسوي شي ينقدون علينا


23- تذكرين نهار العيد وانتي لابسه النفنوف الكشكش وحزام الذهب ومسويه شعرج زوي وحاطه كحل وحمره....اهم شي الزوي


24- تذكرون لما كنا نحط قواطي سانكست في مدقر الجاري من ورى عشان يطلع صوت وااااااااو وااااااو واااااو


25- تذكرون صمونة الارنب الجائع قبل سوبر بني شكبرها تقول دوار الجوازات.....بس كانت حلوه والله


26- تذكرون لما نترس البانيو يعني حمام سباحه واخر شي العوامه معلقه والتانكي فاضي والوالد يزفك


27- تذكرون لما كان احد يروح لندن قبل كنا نوصيه على كاكاو بو لحم يعني كاكاو فليك حاليا


28- تذكرون لما ام وابو (بروي) ونسوى من المساند بيت والمنسد الكبير نركب فوقه يعني سياره


29- تذكرون حلقات فلونه لما كانوا ياكلون كنا نتشوق على اكلهم ولا الشوربه مالتهم حدها قويه ....يم يم حساء شهي


30- تذكرين لما كنتي تنامين والعلج بحلجج واخر شي لازق بشعرج تعالي فججي ثلج وحاله


31- تذكرون الحركه الميلقه اللي يسوونها قبل اللي يحط ايده في اباطه ويحرك ايده عشان يطلع صوت..ماكو شغل


32- تذكرون هم الحركه الثانيه اللي لي بغيت تخرع اختك فيها تقلب رموش عيونك وتقول لها وااااااااو واخر شي الوالد طايح عليك وصاكك يمع من ورى


33- تذكرين اول مره كلمتي صبي بحياتج كان كل ما احد يناديج سكرتي التيلفون بويه الريال...خنت حيلي


34- تذكرون لما كانوا البنات يلعبون حيله وكنا نمر عليهم ونشوت الصخره يعني ماندري...ملالالالالالالالاقه


35- تذكرون لما الوالد يلتك كف جدام عيال عمك وانت العيون تغووورق وتقول ماتعور ........صج باس قوي


36- تذكرون لما كنا نبطل البواليع عشان نطلع زهيويه وانتوا بكرامه عشان نخطهم بالشداخه حق الحبال


37- تذكرون بطل الكراش شلون كان عنيف وكنا نكسر فيه يوز ولي صنيت في واحد دخلته العنايه المركزه


38- تذكرون لما نسمع راعي البرد بالفريج يقول بررررد ونطل عليه ونقوله برد برد اوقف ونروح نركب على التواير ونقي البرد اللي نبيه


39- تذكرون لما كنا نروح فيلجا بالعباره الكبيره ونلعب خشيشه وننخش بين السيارات والبنات كانوا يرجعون من البحر


40- تذكرون الحوض اللي قبل نسبح فيه مرسوم عليه حيوانات وكل ماطبينا فيه نلاقي نحله تسبح فيه


41- تذكرون لما كنا نلعب كره بالفريج وحد الاثاره والحماس واخر شي الكره رايحه الشارع وماره عليها سياره وباطتها حد الاحباط


42- تذكرون صالح الزبده اللي بجمعيه كيفان اللي يلزق بالاوادم ويقول لهم عندك دينـــــــــــار...الله يرحمه


43- تذكرون كنا نروح المدرسه ب 200 فلس ونشتري فطيرتين وسانكست وكاكاو بونجوم عشان نحلى فيه


44- تذكرون كان في بياعات في البيوت يبيعون وكنا نشتري بفك ماركة بفك مو نايس وتحط لنا فيه فلفل ب10 فلوس......بعد النصب شلون صاير ام عقيل


45- تذكرون فرحتنا لي دشت علينا ابله المقصف وتبي توزع علينا ارباح المقصف..واخر شي 3 دنانير يامال الفقر


46- تذكرون قبل بالفرصه الثانيه ما كنا نقدر نشتري لان فلوسنا خلصت بالفرصه الاولى ولي شفنه واحد شاريه نقوله عفيه نصك نصك


47- تذكرون زحمة الكافتيريا ايام الثانويه ولي وصل دورك طق الجرس عاد نخش البطاط بالدرج وريحه الكتشب تفوح ويطيح علينا الاستاد


48- تذكرون لي قالو لنا حصه احتياط الابله مو يايه قمة الوناسه واخر شي يايه ابله العربي الميلقه تاخذ الحصه تبي تكمل المنهج......شدعوه شي مهم عاد


49- تذكرون الوالد لما ياخذ منه عيادي العيد يقول بيمعهم لكم واخر شي اكــــــــال من هالشق لي هالشق


50- تذكرون برنامج سلامتك لما يقول عن الزقاير....قلبك...شراينك...جهازك التنفسي....امتنع عن التدخين حالا
شرايك تصكني كفين بعد


51- تذكرون لما نسوى شربت بينتو مو فيمتو ونحطه بقوالب ثلج ونحط فيه عود ضروس عشان يصير برد...عبقرين


52- تذكرون شهاده الروضه اللي بروازها في اغصان شجر وعصافير.......حسافه مادري وين شهادتي ضاعت


53- تذكرين لما كانت الوالده تبي تسويلج عناقيص وانتي الا تبين عجفه فرنسيه يعني يكون كاشخه الحين


54- تذكرون لما الخدامه كانت تسبح وكنا نطل عليها من خرم الباب...عاد من زين الجسم ولا اللون صج شطانه


55- تذكرون لما كنا نلعب كره بالقايله بالحوش وتطلع الكره باب غرفه يدك واخر شي لاحقنا بقلم القدو....ياخي بابك يغرى نسويه جول لوووووول


56- تذكرون لما نلعب لعبه بيضه بالدوانيه واخر شي صايره صج طق مطاقق والحريم يفاككون


57- تذكرون لما نروح نصلي برمضان الجيام واخر شي لاعبين لبيده وطايحله فيمتو وحليب


58- تذكرون لما نيمع فلوس العيد عشان نشتري فيهم من نحن والاطفال والعاب وليد.....صج صج قمة الفرحه


59- تذكرون بالبر لما كان واحد من الاهل حاطله بياعه ويبيع علينا واحنا نبوق منه وابوه يزفه ليش الحساب ناقص


60- تذكرين لما كنتي تلعبين بروي وتخلين باربي يعني بنتج وتلبسين حجاب امج يعني عبايه وتقولين حق امج سلام عليكم حجيه شلونكم زينيييييييييييييين


اوووووووووووووب اووووووووووب بس جنكم رجعتوا ورى وايد بس اصحوا الاول تحول
يلا كل واحد يروح يكمل شغله عشان ما نعطلكم اكثر

لوووووووول ^_*

ياا زينهاا من ايااام


أطيب تحيه

۩ `;vdhhhhhhj ! ●۩ŁỗŋỄŁỹ ۩● ۩ ۩● ●۩ŁỗŋỄŁỹ












عرض البوم صور هــيــلاوي   رد مع اقتباس
قديم 05-19-2008, 04:52 AM   المشاركة رقم: 2
المعلومات
الكاتب:
اللقب:
♥A♥ انثى بلا قيود ♥A♥
الرتبة:
الصورة الرمزية
 
الصورة الرمزية ScReAmQwEeN

البيانات
التسجيل: Mar 2008
العضوية: 60504
المشاركات: 3,098 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
ScReAmQwEeN غير متصل
وسائل الإتصال:

كاتب الموضوع : هــيــلاوي المنتدى : نكت - تسليه - ألغاز - ترفيه

فطستني ضحكــ .. صج ايامــ ..

معقولــه كنـــا مثل مثل .. امبيـــه .. :)

34- تذكرون لما كانوا البنات يلعبون حيله وكنا نمر عليهم ونشوت الصخره يعني ماندري...ملالالالالالالالاقه====>>هذي أنـــا كل اسويـــها ,انطق طق .. ..

لا تذكرون يوم العيد نيمع الفلوس ونروح نخرد النص ودينار أرباع عشان يصيرون وااايد .. :)

يعطيك العافيـــه .. ..












توقيع : ScReAmQwEeN




عرض البوم صور ScReAmQwEeN   رد مع اقتباس
قديم 05-19-2008, 05:06 AM   المشاركة رقم: 3
المعلومات
الكاتب:
اللقب:
عضوة شرف
الرتبة:
الصورة الرمزية
 
الصورة الرمزية عاشقــ تويتي ـة

البيانات
التسجيل: Jun 2005
العضوية: 26506
المشاركات: 34,312 [+]
بمعدل : 6.28 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
عاشقــ تويتي ـة غير متصل
وسائل الإتصال:

كاتب الموضوع : هــيــلاوي المنتدى : نكت - تسليه - ألغاز - ترفيه

لوووووووووووووووولز أحلى شي المني جوب :p
أحلى أيام كانت وربي
لا عيل بزيد وحدة من عندي

تذكرون لما كنتوا صغار اخوانكم اللي اكبر منكم يقولون لكم يالله نلعب سوق
ويطلعون الملابس اللي بكبتهم ويقسموونهم عليكم وكل واحد يصفطهم يعني عشان يعدل محله :p
وآخر شي يقولون ردوهم الكبت ويالله طلعوا برا الغرفة <=== وااايد كانوا يسوونها فيني :p

لا صج صج احلى احلى اياام والله
^_^

تسلم خيووو صج ذكريات حلوة












توقيع : عاشقــ تويتي ـة

أنا غآيتيےَ عُنْوآنهآ




عرض البوم صور عاشقــ تويتي ـة   رد مع اقتباس
قديم 05-20-2008, 02:55 AM   المشاركة رقم: 4
المعلومات
الكاتب:
اللقب:
الاعضاء
الصورة الرمزية
 
الصورة الرمزية هــيــلاوي

البيانات
التسجيل: Jun 2007
العضوية: 56781
المشاركات: 306 [+]
بمعدل : 0.06 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
هــيــلاوي غير متصل
وسائل الإتصال:

كاتب الموضوع : هــيــلاوي المنتدى : نكت - تسليه - ألغاز - ترفيه

اقتباس:
المشاركة الأصلية كتبت بواسطة ScReAmQwEeN مشاهدة المشاركة
فطستني ضحكــ .. صج ايامــ ..

معقولــه كنـــا مثل مثل .. امبيـــه .. :)

34- تذكرون لما كانوا البنات يلعبون حيله وكنا نمر عليهم ونشوت الصخره يعني ماندري...ملالالالالالالالاقه====>>هذي أنـــا كل اسويـــها ,انطق طق .. ..

لا تذكرون يوم العيد نيمع الفلوس ونروح نخرد النص ودينار أرباع عشان يصيرون وااايد .. :)

يعطيك العافيـــه .. ..
الله يعافيج

نورتي الصفحه


شكرن على مرور

أطيب تحيه












عرض البوم صور هــيــلاوي   رد مع اقتباس
قديم 05-20-2008, 02:56 AM   المشاركة رقم: 5
المعلومات
الكاتب:
اللقب:
الاعضاء
الصورة الرمزية
 
الصورة الرمزية هــيــلاوي

البيانات
التسجيل: Jun 2007
العضوية: 56781
المشاركات: 306 [+]
بمعدل : 0.06 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
هــيــلاوي غير متصل
وسائل الإتصال:

كاتب الموضوع : هــيــلاوي المنتدى : نكت - تسليه - ألغاز - ترفيه

اقتباس:
المشاركة الأصلية كتبت بواسطة عاشقــ تويتي ـة مشاهدة المشاركة
لوووووووووووووووولز أحلى شي المني جوب :p
أحلى أيام كانت وربي
لا عيل بزيد وحدة من عندي

تذكرون لما كنتوا صغار اخوانكم اللي اكبر منكم يقولون لكم يالله نلعب سوق
ويطلعون الملابس اللي بكبتهم ويقسموونهم عليكم وكل واحد يصفطهم يعني عشان يعدل محله :p
وآخر شي يقولون ردوهم الكبت ويالله طلعوا برا الغرفة <=== وااايد كانوا يسوونها فيني :p

لا صج صج احلى احلى اياام والله
^_^

تسلم خيووو صج ذكريات حلوة
الله يسلمج

ويسلمو على مرور بعد ^_*

أطيب تحيه












عرض البوم صور هــيــلاوي   رد مع اقتباس
إضافة رد

مواقع النشر (المفضلة)

الكلمات الدلالية (Tags)
۩, ۩●, ●۩ŁỗŋỄŁỹ, ذكرياااااات

جديد منتدى نكت - تسليه - ألغاز - ترفيه


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 05:04 PM.


Powered by vBulletin® Version 3.8.9
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.1