قديم 07-27-2008, 12:22 AM   المشاركة رقم: 1
المعلومات
الكاتب:
اللقب:
الاعضاء

البيانات
التسجيل: Jul 2008
العضوية: 61978
المشاركات: 96 [+]
بمعدل : 0.02 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
كلي ذووق غير متصل
وسائل الإتصال:

المنتدى : نكت - تسليه - ألغاز - ترفيه
صفات الشباب والبنات حسب سياراتهم

[read]
لكي تعرف شخصيتك ابحث عن سيارتك واكتشف نظرة الناس اليك ...
وأتمنى ان هالموضوع يكون جديد عليكم ...وعلى فكره ترى الموضوع منقول من احد المنتديات وحبيت احطه لكم مو لشي لقصد الضحك والفرفشة واتمنى يعجبكم ولا احد ياخذه بجدية ...

(بنتلي)
*شباب البنتلي : شباب هذه السيارة فخورين بانفسهم الدشداشه نظيفه والغتره بيضه كلشى نظيف فيهم ما تشوفهم ولا تلقاهم الا ايام الويك اند وطول الاسبوع السيارة تحت المظله واماكنهم معروفه والبنات ركضه وراهم على بالهم بنك متحرك ما يدرون انهم ابو البخل ... اما اصحاب الموديلات القديمه فهذوله اخر مسخره مايدرون ان احنا في 2007وان موديل سيارته منتهيه صلاحيته... ا

*بنات البنتلي: ليحوشك وخر عنهم احسن لك ولا تفكر تلتفت صوبهم اخرتها يا ابعاد او سجن مؤبد

(فراري Ferrari)

*شباب الفيراري : نوعيتهم من يدق سلف الا العداد وصل 160 على باله داش سباق ومن يشوف بنت بالشارع طار ولما يوصل لها تلقاه قام يمشى 20 يعني شوفيني عندي فيراري ويسوي روحه مو منتبه لها يعني لحقيني والمشكله اكثر اللى يسوقون هالسيارة يهالووووو ومن يطق له بنجر تـلقي دق على ابوه وقاله بااااباااا اللحقني انفش تايري شسوي اشتر لى وحده ثانيه
لووووول.

بنات الفيراري : لا عاد البنات غير هني يمشون 80 عشان تحر البنات اللي دار مدارها ومساكين كله ضايقه خلوقهم لانه محد يلحقهم لانه الشباب من يشوفونهم على بالهم هذوله محد يقرب صوبهم.. يبه لحقووووهم مساكين كسبوا فيهم اجر مو شارين سيارتهم ببلاش


( مرسيدس Mercedes)

*شباب المرسيدس : اكثر اللى يسوقونها شغل أجار و للاسف راحت قيمتها لانه كل من هب ودب قام يركبها خاصه الحوت والكوبيه وال اس ال تلقي القـيز ساكنين بفريج واحد يتحاططون ويشترون لهم اي نوع من الانواع اللى ذكرتها وكل اسبوع يسوقها واحد فيهم تري من صجي صدقوني في من هالنوعية ... الحوت كان بس يركبها اصحاب البشوت ... اما الحين فصارت حــق الجياكر والسحوت الكوبيه من تمر قبل قالت الناس اللللله كوبـييييه ... الحين من تمر قالت الناس بشـيييييه اوفـيييييه اس ال قبل لما تشوفها تصلب وتـنشل ... الحين من كثر ما تشوفها عيونك تحول.

*بنات المرسيدس : بصراحه البنات خوش بنات ولكن اكثر اللى يركبونها امهات وخاصه ام عيون اربع بـيـبان ما عدا اس ال كيه اللى تركبها فاصخه الحياء وعايشه بعالم مو عالمها مسكينه يبيلها دكتور نفسي اما بالنسبه حق ال سى ال كي هذوله دفاشه بالشارع مادري ليش كله مطيورين مساكين مادري منو قاص عليهم وقايل لهم دوسي سرعه يلحقونج الشباب

(بي أم BMW)
*شباب البي أم : اكثر ناس مربحه شركة البترول شنو يصبون بانزين بل بل بل من الفراره وين ما تروح تلقاهم مكودين بكل مكان و كل وقت وهوايتهم الفراره بالليل شعندهم مادري بس بصراحه فيهم ناس ذربه وفيهم ناس منحطه... اصحاب ال 700 اكثرهم سرسريه وعفـلنـقيه واصحاب ال 500 خوش شباب ميه ميه... بس راحت عليكم سيارتكم صارت دوريه اما اصحاب ال 300 اكثرهم خريجين ثانويه ... ووقت المغازل كلهم نشاط وحيويه

*بنات البي أم : لا البنات عاد خوووش بنات حبوبين ومساكين يكسرون الخاطر طلعاتهم معينه وبالليل بالبيت مندعسين تري مو لله قعدتهم بالبيت ما يبون يهيتون بالشوارع عشان الخطاب تحاذف عليهم مساكين يكسرون الخاطر على نياتهم حبيت اقولكم شى في هالزمن اللى قايم سوقه الخايسين ... اما انتوا فحظكم طايح والسبه انكم زيـنـيـن ... زمن عجيب يرز الحثاله ويكشت بالسنعين

(لاندروفر LANDROVER)
*شباب الرنج والديسكفري : اللي يسوقون ديسكفري او رنج روفر اكثر ناس مو متهنين واكثر ناس مالهم حظ لانه كل حياتهم بالوكالة وكل معاشهم قاطينه على يا قطع غيار او تصليح كاسرين خاطري بصراحه اذا كلش كلش بتمشون طقوا فره على الطاير وردوا البيت الاغلبية زينين وبين الناس تكانه وحبوبين عيبهم شغله وحده عصبيين... واللى يسوقون ديسكفري هذوله عاد هوايتهم انه يكلمون 4 او 6 بنات بنفس الوقت ما تكفيهم وحده وبالاخير كله طايحين عليهم رفيجاتهم مساكين حدهم يكسرون الخاطر على بالهم انه محد يقدر يطيح عليهم ومسوين روحهم خبره بالمغازل وهم غشيمين درجة اولي ... رنج روفر من كثر ما تروح الوكالة حاشتك بو زليقة ويبيلك بودر ديسكفري على باله الحبيب الحاج متولي ... ما يدري شنو مخشوش له ومستخبي


بنات الرنج والديسكفري : يا عيني على بنات هالسيارة مغرورين ستايلهم حلو وذوقهم احلي وباللبس ذويقين عيني عليهم بارده لكن لاتصدقون روحكم تري اغلـبـيـتـكم ملطخين ويوهكم بالمكياج والاغلبية بعد مصبغين شعوركم ما بقى بعد الا تصبغون حواجبكم شفيكم جذيه كلشى فيكم تركيب خلكم على شغلكم الطبيعي احسن لكم انا ما اقول الا الله يخلى المكياج اللى سنعكم ... ولا بدونه تخرعون من جكركم ... عسى الله يهداكم ويحفظكم ... لانه ادري انه هالحجي ما راح ينفعكم.

(جاكوار JAGUAR)
*شباب الجاكوار: يا عيني عليكم من كثر ما تفترون بالشوارع القار قام يشكي منكم لا ويقولون انه هالسايره ما تصلح حق جو ديرتنا شوفوا انتوا شتسون فيها مو مخلينها تاخذ نسم تقول معاقبينها حتي واهيا خربانه تـفترون فيها بسكم شنو هذا ؟؟؟؟ رحموها والله حرام المفروض في ديرتنا يشيلون صورة الشعار اللي على السياره ويحطون شعار حماااااااار مسوينها ربعنا حمار مكده

*بنات الجاكوار: تبون الصج احلي بنات اللى يركبون من نوعية هالسيارة بس شنو مو اي نوع فقط اللى اربع بـيـبان مو السبورت باب واحد لا هذوله سلمكم الله دعوووول وملالالالاقه وفري زياده عن اللزوم مسوين روحهم اجانب مره كلمه عربي ومره انجليزي يعني مثـقفه حلايه ويها ولو تـفتش من وراها تلقها انجحت بالقصب بالدز بس عشان تدش الجامعه واكثر نوعيه من اللى تخزك بطرف عين
( لكزس LEXUS)
*شباب اللكسز : يا حليلكم انتوا وينكم انقرضتوا شسالفه ماكو صيد هاهاها مساكين مبتلشين ادري شنو تعانون منه كله مفلسين وكل من يطالبكم و السيارة اقساط وفوق هذا وايد تلزقون بالاماكن الكشخه وانتوا دينار ما عندكم حق بانزين تموتون على الاماكن اللى فيها لويه ويا حبكم حق الصالحيه واماكن الهاي هاي مسوين روحكم جخ وانتوا بخ بخ بخ احترس نفسك تري انت بالاصل قاعد تسوق تويوتا لا تـنسي هالشى حبيبي بس تري سيارتك مكشخينها شويه ومدلعينها لا اكثر ولا اقل

*بنات اللكسز : اكثر نوعيه تحب الجذب بل بل بل الجذب عندهم بـبـيزة واكثر نوعية تمسك التيلفون بالسيارة عاد شوف منو قاعد تكلم مسويه روحها مهمه الاخت وساعات اذا الشارع زحمه واهيا بوسط الناس تمسك التيلفون وتهذر بينها وبين نفسها ولو تشوف عدل جهازها تلقاها مو قاعده تكلم احد بس جذيه خرابيط يعني انا وايد ناس تدق على ووايد ناس تسال عني الحمد الله والشكر تحمدو ربكم هذى بداية مرحلة انفصام الشخصيه .

( فولفو VOLVO)
الشباب : سمعنا انه هذا النوع من السيارات يقال انه أأمن نوع من السيارات لكن اللى يشوف الشباب يقول هذا أسوء نوع من السيارات كله مدعمين خلق الله فيها وكله لاعنين ابو اسلافها اكثر ناس ما تعرف تسوق وكله يقولون داعمينا واهما اللى داعمين مالكم شغل فيهم تري غشم بالسواقه وبعدين كاسرين خاطري يشترون سيارتهم بسعر غالي ووقت البيعه ما تسوي ولا فلس حبيت اهديكم شعر ... يا أصحاب الفولفو يا مساكـين .. سيارتكم مدعومه شنو بتسون الحـين .. دفعتوا دم قلبكم طول هالاسـنين .. وبالنهاية سعرها ارخص من الطحـين ... بـيعوها احسن لكم لاتصـيرون من الخسـرانـيـن ... ما تسوي عليكم باجر ينادونكم المديـونـين ... تري محد ربح غيركم شركات التأمين ... بس ماكو فايدة هذى اخرة التدعم والبتويـن

البنات : نفس الشباب سبحان الله نفس نوعيتهم السياره الوحيده هذى اللي ما تفرق بين الشباب والبنات نوعيه وحده لكن البنات يمكن بزود يبيلهم نظارات وين ما تسفط حاشت لها سيارة وزلقتها ديروا بالكم لا تسفطون يمهم .

(فورد Ford)
الشباب : احقر ما خلق ربي اكثر اللى يركبونها يلبسون جماغات ... واكثر اللى يسوقونها هيلق ومن ادني المستويات ... اهم صفة فيهم ازعاج البنات ... واكثر ناس يسفطونهم الدوريات... ويا حبهم حق الترقص في المسيرات ... والغريب فيهم انهم ما يعرفون يطلعون بروحهم لازم يترسون سياراتهم شباب وياليت اربعه ولا خمسه لالالا ساعات سبعه ثمانيه تسعه يكونون بالسياره ويا حبهم حق توصيل الشباب اللى بردون بيتهم تأشيرة هوايتهم توصيل الناس اللى بالشارع يعني مسوين خدمات ويا ويوهم وشغله ثانيه بقولها اللى يسوقون موستنغ هذوله عاد سالفتهم سالفه احقر واللعن ناس بالدنيا تشفط بالشوارع والتسكع تالى الليل اكثرهم تلقاهم يا محشش او سكران وين اهاليهم هذوله ؟؟؟ شباب غراند ماركيز اكثرهم هيلق وقيييييييز شباب كراون فيكتوريا اكثرهم عقد ياين من سوريا شباب الموستـنغ ماااااال تـفلش راسهم بكرة بولـينغ


البنات : البنات هني شوية غير الله يستر عليكم مالى شغل فيكم بس انا ابى البنات المنقبات واللى لابسين ملفع نص تـنـتـه هذوله طبعا قيزيات درجه اولي من نقابهم تعرف انهم رايحين فيها الكحل تارس العين وريحتهم فايحه ريحة بعارين وتـلقي بالغلط تحط لك قذله شقره يعني جنها ما تدري انه قذلتها طالعه بره هاهاهاها والله انكم اي شى يعني على بالها اغراء ما لت عليج وعلى الاغراء اللى انتى تعرفينه طبعا القيز اللى مثلج يموتون انه يلحقونج ما تـنلامين اكيد بتستانسين صخله ولقت لها تيس يلحقها هاهاهاها.

(شفر CHEVROLET)

الشباب : طبعا هذى يسمونها سيارة العائلة لكن اي نوع كابريس بس اما الباجي لا يبه لهم حجي ثاني الكابريس اكثر اللى يسوقها يا ابو عيال او راعي تكسي دايما تلقاه اهوا ويا مرته طالعين ووياهم عيالهم صج سيارة العائله اذا تبي تعرفهم بالشارع اوقف عند الاشارة اذا سمعت من بعيد صوت مزعج ياي يمك ( أأأأأأأأأيييييييييص ) اعرف انه سيارة العائلة وصلت لانه دايما اللى يسوقونها ما يغيرون سفايفها هذى بالله سيارة العائلة الله يهديك !!! هذى سيارة الموت بدل سفايفها شناطر ما تخاف على اهلك...
(هوندا HONDAi))
الشباب : بصراحه اكثر اللى يسوقونها ناس معقدين همهم بس في دراستهم وعملهم اغلبهم يلبسون نظارات طبيه...
البنات : حلمها ومني حياتها انها تطلع يوم من الايام ويلحقها واحد مسكينه محد يدري عنها جنها مو موجوده بالشارع تمر يمها والا شنو تشوف بس راس والباجي ماكو شى الحمد الله والشكر اكثر البنات اللى يسوقونها اجسامهم غلط لا رشاقه ولا اهتمام بانفسهم نصيحه تري في شى اسمه صالونات وانديه صحيه

(تيوتا TOYOTA)
الشباب : هذى عاد سيارة الدينين والمهتدين طبعا مستحيل يركب سيارته من غير مسباحه ومسواجه لو شنو اما بالنسبه حق اللى يسوقون كامري هذوله قصتهم قصه هذوله مشاء الله الاغلبيه راسهم بليه اكثرهم متزوجين ودفشين ومشفوحين وجسمهم متين مساكين يعانون من سيارتهم محد ملقيهم ويه كله يتحلطمون على سيارتهم وكله مو عاجبهم شى وكله يقولون بنشتري غيرها مو عارفين شسون بروحهم غرامهم المغازل بالاسواق الشعبيه يموووووتون على البنات اللى يلبسون ملافع ويطلعون قذلتهم بره شعليه قام سوقكم لقيتوا منو يـبـيكم تفضلوا عاد اي نوعيه ... اصحاب الكامري اللى صماخهم بليه لاندكروزر هذوله عاد يحبون سوالف السفر... ويموتون على شي اسمه باديه و بر ... كل رحلاتهم عن طريق الحدود البريه... نادر ما تشوفهم بمناطق سكنيه... دايما تلقاهم على الخط السريع رايحين صوب السعوديه ... اكو جيب انا شاك في اسمه برادو هذا مو اخو اللاعب البرازيلي ريفالدو


البنات : يخرعوووووووون ما تشوف شى فيهم مجرد سواده كلشى مغطي فيها ويا ويلك يا سواد ليلك اذا لفيت عليها بالغلط ولا دودهتها خلاص اعتبر نفسك انت رحت فيها ما تسمع الا دعاوي الدنيا كلها عليك ( مالت عليك سليمة تصكك عمي بعينك عسى الله ياخذك يعلك الماحي اللى يمحيك ) بل بل بل اعوذ بالله بس احمد ربك انك حصلت لك على جذيه تري في غيرهم يـتـفلون(وانتو بكرامة)

************************************************
[/read]:2ar15smilie:

wthj hgafhf ,hgfkhj psf sdhvhjil iiiiiiiiiii












عرض البوم صور كلي ذووق   رد مع اقتباس
قديم 07-27-2008, 04:11 AM   المشاركة رقم: 2
المعلومات
الكاتب:
اللقب:
الاعضاء
الصورة الرمزية
 
الصورة الرمزية saizo

البيانات
التسجيل: Nov 2007
العضوية: 59117
المشاركات: 7,713 [+]
بمعدل : 1.68 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
saizo غير متصل
وسائل الإتصال:

كاتب الموضوع : كلي ذووق المنتدى : نكت - تسليه - ألغاز - ترفيه

يعطيك العافيه

بس مو كل الكلام ينطبق عليي :)


تسلم :)












عرض البوم صور saizo   رد مع اقتباس
قديم 07-27-2008, 04:24 PM   المشاركة رقم: 3
المعلومات
الكاتب:
اللقب:
الاعضاء
الصورة الرمزية
 
الصورة الرمزية قبلت التضحيه

البيانات
التسجيل: Jul 2008
العضوية: 61677
المشاركات: 1,804 [+]
بمعدل : 0.41 يوميا
اخر زياره : [+]
معدل التقييم:
نقاط التقييم: 12
 

الإتصالات
الحالة:
قبلت التضحيه غير متصل
وسائل الإتصال:

كاتب الموضوع : كلي ذووق المنتدى : نكت - تسليه - ألغاز - ترفيه

يعطيك العافيه على الموضوع












عرض البوم صور قبلت التضحيه   رد مع اقتباس
قديم 07-29-2008, 12:36 AM   المشاركة رقم: 4
المعلومات
الكاتب:
اللقب:
الاعضاء

البيانات
التسجيل: Jul 2008
العضوية: 61978
المشاركات: 96 [+]
بمعدل : 0.02 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
كلي ذووق غير متصل
وسائل الإتصال:

كاتب الموضوع : كلي ذووق المنتدى : نكت - تسليه - ألغاز - ترفيه

الله يعافيكم












عرض البوم صور كلي ذووق   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ههههههههههه

جديد منتدى نكت - تسليه - ألغاز - ترفيه


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 11:21 PM.


Powered by vBulletin® Version 3.8.9
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.1