روايه حب مررررررررره تجنن و روعه

مرقص الجن · 05-22-2009, 07:29 PM

الجزء الأول :030104_emM7_prv:

جبتلكم روايه مررره تجنن
واتمنى انها تعجبكم
بس بلييييز ابغي ردوود

الجزء الاول
في الصالون :

نور : بسرعة تراني متأخرة على الحفلة
الكوافيرة : أوك مدام
نور : أي عفية

و بعد ربع ساعة كملت الكوافيرة تسريحة شعرها .. فخذت ثيابها و راحت تبدل ..

نور : كم صار ؟
الكوافيرة : 20 دينار
نور : تفضلي .. مع السلامة
الكوافيرة : مع السلامة

ركبت سيارتها و قعدت تمشي بسرعة جنونية لأن حفلة زواج خالها بدأ و هي لحد الحين مب هناك .. و ما أنتبهت الا على صوت ارتطام .. فطلعت من سيارتها مستحمقة ..

نور : أنت عمي ما تشوف ؟
.... : مسامحة أختي ما كنت أقصد أدعمج بس لأني مستعجل ..
نور و هي تقاطعه : لا و الله بس تفكر بنفسك حتى انا مستعجلة
.... و هو يطالعها من فوق لتحت : اي يبين عندج حفلة .. عيل ماني معطلتج و لة معطل نفسي .. بعطيج رقم موبايلي عشان تتصلين فيني و نحدد تكاليف سيارتج ..
نور : شوف يا ..
.... : يوسف
نور : شوف يا أخ يوسف أنا ما أقدر أطول الحين .. أنت هات الرقم و انا بعطيه لأبوي عشان يتصرف
يوسف : تفضلي
نور : دام فضلك
يوسف : أكرر أسفي .. في أمان الله
نور : مع السلامة .. و ركبت سيارتها بس ها المرة كانت تمشي بهدوء و تفكر بالحادثة اللي صار لها الى أن وصلت تفكر في الأخ اللي دعمها .. كان وسيم بطوله و شكله ..
نور و هي تقول بقلبها : أعوذ بالله أنا في شنو قاعدة أفكر .. بس شخصيته كانت قوية .. ليكون هاي أعجاب ؟ .. و استغرقت في تفكيرها الى أن وصلت للفندق

..
في الفندق ::

نور : السلام عليكم
نوف : و عليكم السلام .. و ينج ؟ جان رقدتي أكثر ؟
نور : شاسوي في طريجي واحد دعمني
نوف و هي تشهق : الله يقطع ابليسه ما لقى الا اليوم يدعمج .. بس عسى سيارتج ما تضررت وايد ؟
نور : لا بس انشمخت شوي .. و هو عطاني رقمه عشان يدفع تكاليف التصليح
نوف : لازم يدفع الا تعالي امج وايد تحاتيج
نور : وية عليها مسكينة
نوف : بسرعة امشي ندش القاعة عشان تتطمن عليج
نور : يالله عيل أمشي

( نوف هي أعز رفيجة عند نور .. و اللي قوى علاقتهم أكثر هو أن اليوم عرس خال نور ( حسن ) من خالة نوف ( أحلام ) )

في القاعة :

أم نور : وينج يمة تأخرتي وايد ؟
نور : شاسوي يمة تدرين زحمة الشوارع و لا واحد دعمني
أم نور و هي خايفة : وية على بنيتي الوحيدة عسى ما صادج شىء ؟
نور : لا يمة الحمدلله بس سيارتي شوي تشمخت
أم نور : الف حمدلله بدال السيارة عشر .. ما يغلى عليج شىء بنيتي
نور : يعلني ما انحرم منج يمة
أم نور : شخبارج نوف ؟ و شخبار أمج ؟
نوف : الحمدلله كلنا بخير ..
أم نور : أمج ما تبين وينها ؟
نوف : اكاهي عند العروس
أم نور : عيل أستأذنكم بروح عندها
نوف : نوارة قومي نرقص ؟
نور : اوك

في قاعة الرياييل :

يوسف : تدري أحمد شصادني في الطريج
أحمد : شدراني .. ليكون شايفني ساحر
يوسف : خخخخ تنكت وية ويهك
أحمد : الا تعال شصادك ؟
يوسف : دعمت سيارة من السرعة
أحمد : عسى ما صار شىء ؟
يوسف : لا الحمدلله سيارتي صاحية بس سيارة البنية شوي تشمخت
أحمد و هو فاج عيونه : داعم بنية ؟
يوسف و هو سرحان : ولة كل البنات
أحمد : أقول يا السرحان .. شتفكر فيه ؟ تراني أفهمك .. فضفض اللي في قلبك
يوسف : هااا مدري شصادني من أول ما شفتها
أحمد : نقدر نقول حب
يوسف : هه روح ول .. اي حب يا ريال .. اممممم بس يمكن اعجاب
أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..

واتمنى انها تكون عجبتكم
واتريا الردووود

v,hdi pf lvvvvvvvvvi j[kk , v,ui f],k pf v,hdi

محمد العويد · 05-24-2009, 10:50 PM

علــــ القـــــوة ــــــى

الآمبراطوره · 05-26-2009, 06:33 PM

يعطيك العافيه خيو ماقصرت

الولد المشاااغب · 05-27-2009, 02:36 PM

مشكوووووور ويعطيك العاافيه

مرقص الجن · 06-06-2009, 02:39 PM

يسلموووووووووووووووووووووو

06-12-2009, 08:26 AM

مشكور يعطيك العافيه

عبيطه · 06-15-2009, 04:07 PM

شنو هذا وين الباجي

كـلـى فـدآهـ · 06-21-2009, 05:22 PM

LoVeLy GiRl · 06-27-2009, 12:27 PM

ثاااااانكس ع الموضــــوع

الله يعطيــــكـ العافيــــــة

احساس عنود · 07-07-2009, 02:42 AM

اتمنى تكملها اخوي مرقص الجن

لك مني أجمل تحية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

روايه حب مررررررررره تجنن و روعه

قصص - روايات قصيره وطويله

الكلمات الدليلية لكويت 777 :