قديم 05-26-2009, 10:10 PM   المشاركة رقم: 1
المعلومات
الكاتب:
اللقب:
الاعضاء

البيانات
التسجيل: May 2009
العضوية: 67197
المشاركات: 15 [+]
بمعدل : 0.00 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
شـامـخ الـذات غير متصل
وسائل الإتصال:

المنتدى : نكت - تسليه - ألغاز - ترفيه
شامخ&الاسد


--------------------------------------------------------------------------------
السلام عليكم

هذا اول موضوع لي في القسم العزيز علي
ودنا نثقل العيار شوي هههههه

قصه مع الاسد
كنت اتمشى في البر وطلع لي اسد له عشر سنوات ما حلق راسه
وتقابلنا وجه لوجه ((فيس تو فيس))
وتفاجئ الاسد اني ما هربت منه وخاصه ان مامعي الا عصا وسكين فقط
يطالع الاسد فيني ويشك في نفسه ويقول والله ما بقى للاسود هيبه يا الحبيب
وانا ولا كنه بس قدامي
المهم يجي يبي يخوفني ما اتحرك و يقرر الاسد يقوم بعمليه انتحاريه ويهجم لانه من ثقتي بنفسي حس انه لازم يقوم بعمليه انتحاريه خطيره او تروح سمعة الاسود وطي
وانواع الهزبره والزمجره والزئير وانا ما تحركت من مكاني
ويوم قرر الاسد يهجم وطلع انيابه ومخالبه والحركات ذي
عرفت ان الله حق وقلت يا اسد يا خوي وقف شوي ما اتفقنا على كذا
قال الاسد في تعجب اجل وش اتفقنا عليه يا انسان
قلت له لازم توقف عشان اظربك بالعصى على بطنك او بالسكين زي ما قريت في الكتلوج حق مضاربات الاسود والنمور
عاد الاسد اخذ نفس عميق وطلع البكت الروثمن من جيبه ((الاسد يدخن روثمن)) وقعد علي الارض ويمز من الزقاره كم مزة ثم يطالع فيني بنظره فيها حسره والم وقال
اسمعني يا بني ادم يا انسان
انا اسد من الي كنا في قصص عنتر بن شداد والزير سالم ان الاسد الي له اكثر من 800 اسم في اللغه العربيه من جروته وقوته
اناالاسد ملك الغابه الي النمر اذا شم ريحتي يهرب من الخوف انا اذا جعت اكل عيالي من جبروتي تبي على اخر الزمن تطقني بعصى على بطني واموت وين يا ابو الشباب تراني اسد تدري وش يعني اسد انا غضنفر سبع هزبر اسامه ليث كلها انا
ياخوي اذا انت منت مصدق شف البطاقه او شف دفتر العائله
عاد انا صراحه حسيت باحراج قوي قوي قوي من جد من الاسد يعني حسيت اني قللت من قيمته لاخر درجه حسيت اني لازم اقوم له بحق واقدم له اعتذار في الجرايد
ولكن قلت يا ولد خلني اجرب الخطه الثانيه يمكن تكون صحيحه
قلت طيب اسمع يا اسد والله لاقتلك بسكين واطعنك في بطنك
طالع فيني وقام بعد ما كان قاعد الارض وقال يا خوي تبي اكلك هالحين منتب عاقل يا طرزان انت شايفني تيس ولا خروف تذحبني بسكين لا في بطني بعد يا سفاح
تتوقع اني باقعد اطالع فيك وانت تدور في بطني مكان مناسب تطعني فيه
ولكن اوكيه خلني اكون اسد دايخ وقدرت تطعني في بطني هل تتوقع ان في فلم مصري تطعني اموت مباشره واكتب وصيتي واحرمك من الميراث ياخوي تراني اسد اسد هزبر غضنفر ليث اسامه ابو لبده ملك الغابه وهاذي رخصتي ((اسد عنده رخص عمومي لان موتره نقل ثقيل تريله مليانه حطب))
صراحه تفشلت منه بجد وانحرجت منه والله حسيت اني مالي داعي وصرنا انا وياه اصدقاء ورحنا نتمشا المهم وحنا نسولف قلت يا ابو السباع يا غظنفر يا خوي قريت في الكتلوج حق قتلكم ومواجهتكم طريقه وانا صراحه استحي منك اخاف اقولها لك تزعل مني واطيح من عينك اكثر من اول
قال الاسد وش دعوى يا صديقي صرت انا وانت اصدقاء وبيننا عبري ونصايح وموانه لدرجه انك كنت ناوي تقتلني بعصى وبسكين رغم اني اسد
قلت اجل باسكت عن الي باقوله لانه من جد بايخ
قال الاسد على الطلاق من زوجتي اللبوه ان تقول
قلت ولا تزعل مني
قال لا ازعل منك
قلت الي بقوله لك قريته وكنت ناوي اطبقه معك
قال وشو
قلت طريقه ثالثه لقتلك
قال بالله وشي
قلت اني اقفز عليك واقوم بامساك راسك ومحاولة كسر رقبتك زي الي يسويه حقين السينما والمصارعه
قال الاسد يا واد يا نمس يا خطير يا مصارع يا قوي ترى ما صار اسمي اسد صرت كت كوات الا وش رايك تمسكني مسكه مخلبيه او تضرني كوع ؟؟؟؟
او ثبتني وعد الى ثلاثه يمكن اموت او استسلم
وفجئه سمعت ضحك عالي وهستيري وقام الاسد حط يده على فمه يبي يخفي ضحكته قلت وش ذولي الي يضحكون قال ولا شي انت كمل كيف تبي تقتلني
انا اصريت اني اعرف مين الي يضحكون
ولكن الاسد قام يضحك حتى هو بطريقه قويه مره لدرجه انه طاح جواله من يده اكتشفت ان الاسد كان مشغل جواله وانا اسولف معه وداق على اصدقاء الاسود ورى الطعس الي كنا فيه وهم مشغلين الاسبيكر ويسجلون المكالمه
عاد ما صبروا وقاموا يضحكون وسمعتهم وحسيت بشعور ما عمري حسيتبه ابد وفشيله ما عمرها صارت لي
عاد انا وسط هذا الاحراج والاسد فاطس من الضحك ولا يقدر يفتح عيونه من قوة الضحك ركبت سيارتي ومشيت
وتوبه اقابل اسد عشان اقتله
عاد بالاخير اتمنى انكم تصدقون هالقصة وهذي ما نساها طول عمري لأنه موقف جامد مر علي وقلت انقله لكم عشان اذا هجم اسد عليكم تتصرفون زين ههههه
لكم احلا تحية يالغالين
شااامخ الذات

ahlo&hghs] ahloandhghs]












توقيع : شـامـخ الـذات

عرض البوم صور شـامـخ الـذات   رد مع اقتباس
قديم 05-27-2009, 03:34 AM   المشاركة رقم: 2
المعلومات
الكاتب:
اللقب:
.: عضو شرف :.
�~ {�حــزن الـطـواريــق�} ~
الرتبة:
الصورة الرمزية
 
الصورة الرمزية جمعان بوند

البيانات
التسجيل: Jun 2005
العضوية: 26126
المشاركات: 10,496 [+]
بمعدل : 1.91 يوميا
اخر زياره : [+]
معدل التقييم:
نقاط التقييم: 11
 

الإتصالات
الحالة:
جمعان بوند غير متصل
وسائل الإتصال:

كاتب الموضوع : شـامـخ الـذات المنتدى : نكت - تسليه - ألغاز - ترفيه

ههههههههههههههههههههههههههههه

الله يقطع ابليسك لووول


منور منور












توقيع : جمعان بوند

تغيب أو مآتغيب أعرف كأنك حآضر و موجود ...
....................................... مثل ماقلت لك دايم { حقوق الطبع محفوظه }




هآجــسي

عرض البوم صور جمعان بوند   رد مع اقتباس
إضافة رد

مواقع النشر (المفضلة)

الكلمات الدلالية (Tags)
شامخandالاسد

جديد منتدى نكت - تسليه - ألغاز - ترفيه


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 11:28 AM.


Powered by vBulletin® Version 3.8.9
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.1