قديم 02-02-2011, 01:37 AM   المشاركة رقم: 1
المعلومات
الكاتب:
اللقب:
الاعضاء

البيانات
التسجيل: Feb 2011
العضوية: 75346
المشاركات: 8 [+]
بمعدل : 0.00 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
علي بهبهاني غير متصل
وسائل الإتصال:

المنتدى : قصص - روايات قصيره وطويله
Icon777 (13) رواية جرحني حبي الاول بقلمي علي بهبهاني

1
أحداث القصه تدور حول فتاة بعمر الزهور كانت تعيش أحلى حياه وكل شي كان متوفر لها ماعدا القلب الي كانت محتاجه يحتويها قلب ابوها الي توفه وخلاها , بطله القصه أسمها نور , من توفه ابوها أنقلبت حياتها لين الاسوء والدنيا يوم عن يوم خاشه لها مفاجآت

* ملاحظه نور بطله القصه بس ماراح أركز عليها وايد يعني الروايه شامله كل الشخصيات

نتعرف علا الشخصيات
( بيت بو جاسم )
جاسم: ولد كتوم بدرجه موطبيعيه جميل حيل لحيته خفيفه ومجسم عنده غمازه بخده اليسار عمره 20 سنه وكلش مايفكر بالرومانسيه قاعد بالبيت بطالي خريج معهد تجاري بس ماحصل وظيفه عايلتهم علا قد حالهم لافقراء ولا عيال فلوس
شهد : اخت جاسم الوحيده وحيل قريبه من جاسم أسرارهم عند بعض , جميله حييل بيضه وعيونها عسليه رموشها طوال وجسمها ضعيف وعندها غمازه نفس اخوها بس بخدها اليمين شفايفها ورديه وصغار رومانسيه بدرجه موطبيعيه عكس اخوها جاسم باقيلها سنتين وتتخرج من الثانويه

(بيت بوحسين )
حسين : ولد امه وابوه الوحيد بعد مده طويله , وعنده أخت عمرها 17 سوت حادث سياره وتتعالج بالخارج , مدلعينه حيل ويصير ولد عم جاسم واهم توأم روح مع بعض على طول مايفارقون بعض , مملوح أسمراني عيونه عسليه وحواجبه محفوفة , طويل عمره 21 فاشل دراسيا , قرر ابوه يمسكه وحده من شركاته
روان : أخت حسين الي سوت حادث والحين تتعالج تقعد على الكرسي ماتمشي تاخذ علاج طبيعي بلندن

( بيت بوبدر )
بدر : اكبر أخوانه ابوه متوفي وأمه تزوج ريال ثاني وتوفه بعد , متحمل مسؤوليه أختين , نور وحنان يصيرون خواته من الام , وامه تسميه ريال البيت خوش ريال مصلي مسمي ومحافظ علا خواته ويشتغل مهندس مدني عمره 25
نور : أخت بدر من الام عمرها 18 سنه مستهتره وماتتحمل المسؤوليه , ماترتب غرفتها ومومهتمه بدراستها كلش ماخذه الدنيا لعب
حنان : الاخت الصغيرة عمرها 15 سنه عكس أختها نور 180 درجه حبوبه والكل يحبها طيبه وحنونه شايله امها وأخوها وحريصه علا دراستها طموحها انها تتخرج وتدخل كليه الطب , جميله عنونه , عيونها وساع ورموشها طوال شعرها اسود ومدرج شفايفها كبار شوي ومتروسه

( بيت بوجاسم )
بوجاسم : جاسم يبا ليلحين ماردوا عليك ديوان الخدمه
جاسم : لا واله يبا يعني ماتدري هالايام كل شي يمشي بالواسطه واحنا وينه وين الواسطه
شهد : افا عليك يبا باجر انا اصيرلك واسطه
*مسك جاسم المخده وحذفها علا شهد وقالها بأستهزاء : محسستني انج بنت الوزير وانا مادري
شهد تظحك : يخسي انا بنت بوجاسم وبس
ام جاسم تظحك : ويه فديتها بنيتي عدل هاذي البنت السنعه ماتتخلى عن أصلها
شهد : احم احم أظبطج يما

(بيت بوحسين )
بوحسين : يوليدي عاد قلنا انك راعي الشركه بس عاد لاتمصخها داوم موكل يوم مكبر المخده وطاقها شخري أذا انت ماجابلت حلالنا منو يجابله يوليدي
حسين : يبا عاد ماخلصنه من هالاسطوانه , اشوه انها شركتنا ترى النوم سلطان
ام حسين : بوحسين شوي شوي علا الولد عاد لاتظقط عليه
حسين : كفو كفو الوالده فديتج والله

حسين مسك التلفون ودق علا ولد عمة جاسم
حسين : قوه بومحمد يالقاطع وينك
جاسم : وين قاطع مايمديني حتى أحك شعر راسي كل يوم طاق شلالتي من مكان لي مكان علا أمل يقبلوني بمكان وأشتغل فيه
حسين : قتلك تعال توظف عندنا بس أنت تعاند
جاسم يظحك : هههه لاوين خلنا علا القطاع الحكومي أظمن
حسين : أيا كلب شقصدك
جاسم : هههههه أتغشمر وياك يبا لايطقلك عرج
حسين: ها شقلت نسويلك باجر مقابله عشان الوظيفه
جاسم : يلا توكل على الله , طبعا أحنا ناس واصطات مانحتاج شهاده قويه عشان نتوظف
حسين : لا ياحبيبي لاتقولي أخوي ورفيجي وكت الشغل شغل اوكت الجد جد هههههههه
جاسم رفع حاجبه حق حسين وقاله بصوت خشن : شقلت أخوي سمعني , أخاف أذوني فيها خلل
حسين: ههههههه من قال شقلت سمع ههههه
جاسم ظحك ظحك هستيري على حسين : الله يخس سوالفك بوحيدر ماتيوز يلا خل أرد البيت عسان أقعد باجر مبجر في أمان الله بوي
حسين: الله وياك حبيب قلبي تصبح على خير وسلم على الوالده
جاسم : الله يسلمك
* رجع جاسم البيت والوناسه موشايلته بس كان متردد من رده فعل اهله أذا قالهم على الشغل خاصه انا ابو حسين في خلافات بينه وبين ابو جاسم بسبب الشغل , بوجاسم انطرد من شركه بوحسين لانه حاول يختلس اموال ومن يومها ابو جاسم حاقد علا بو حسين
جاسم دخل باب البيت وكانت امه بالصاله : هلا بالوالده شعندج سهرانة لهالحزه
ام جاسم : وينك يوليدي قمت أحاتيك ,
جاسم : والله يما كنت في بيت حسينو ولد عمي وعندي خبر حلو
ام جاسم : شنو يما بشرني
جاسم بتردد : يما ,, حسين عرض علي أشتغل بشركتهم
ام جاسم أنصدمت : وانت شقلت له
جاسم : طبعا وافقت يما حسي فيني زهقت وانا أفتر بديوان الخدمه ادور شغل وانا بصراحه بشتغل حتى لو الوالد مارضة
ام جاسم : بتخالف ابوك يوليدي
جاسم : يما خلاص ترى السالفه مصخت وابوي الغلطان كان المفروض يتأسف من عمي لو احد غير عمي جان حتى قضيه رفع عليه
ام جاسم : استح على ويهك هاذي أخر التربيه فيك
جاسم عصب واول مره يرفع صوته علا امه : اوووووه خلاص بس أذا سمحتي يما انا طالع غرفتي بنام
ام جاسم والدمعه بعيونها وصوتها يرجف : حاظر يما بس باجر انت الي بتندم قد شعر راسك وفي أشياء انت ماتعرفها يلا يوليدي نام وتغطى عدل
طلعت ام جاسم من الغرقه وقلبها يرقع وكلمات جاسم تتردد بذونها متحسره على حظها وجاسم بالغرفه مانام طول الليلل مومستوعب موعارف شلون قط هالكلمه على امه

( بيت بوبدر )
بدر : هلا بالغاليه بشريني شلونج وشلون البنات وشلون الدراسه
ام بدر : والله البنات الحمدالله والدراسه ماشيه بس أختك نور مادري مادري متى تفرحنه وتتخرج مثل باقي خلق الله ألحين كل ألي بعمرها تخرجوا ألا أختك
بدر : يما قتلج خليني أكلمها بس الله يهداج كله تقولين لاتظقط عليها أذا أهي بهالعمر وماتحس بمسؤولياتها متى بتحس شوفي حنان ماشاءالله عليها عيني عليها بارده شايله البيت فوق راسها وجابله دراستها بعد
أم بدر : الله كريم يوليدي لاتشغل بالك , شلون الشغل معاك
بدر : اي يما نسيت أبشرج مسكوني مشروع انا مديره وأنشاءالله الايرادات بتهل علينا هل
ام بدر فرحت حيل وقامت تيبب من الفرحه : كلوووووولووووش الحمداله يوليدي وعلا نياتكم ترزقون الحمدالله
بدر : الحمدالله ودعواتج يالوالده
* نور أخت بدر كالعاده قاعده بغرفتها تصبغ أظافرها ومجابله اللابتوب وطايحتله سوالف مع رفيجاتها والكتب مغبره ماتدري عنهم ,, معليه الاغاني على الأخر وعايشة الجو ,, حنان مسكينه موعارفه تدرس بهلجو عندها أمتحان قصير بماده الاحياء
حنان : نووور والله موحاله هاذي الواحد مايدرس يعني ترى انا وحده ادور نسبه موبطاليه نفسج قصري علا المسجل بطيتي راسي
نور تطالع حنان بطرف عينها وتقول حمدالله والشكر ,, ماعبر على الدكتوره أسم الله عليج بس ,, يامصريه مازهقتي من الدراسه مالاعت جبدج انا بس اجابل الكتاب ساعه احس بموت بل بل عليج
حنان : ويعه تف تف علي ,, للاسف مامليت والكتاب صديقي شعرفج انتي ,, بعدين أستحي علا ويهج ودرسي عشان تتخرجين رفيجاتج بالجامعه وانتي توج بعاشر ماحفظتي الكتب
نور قامت من الفراش وتخصرت : لا يعيوني وبعدين لاتأذيني بهالمحاظرات الي لاتودي ولاتييب ,, واقول ترى معتمده عليج تحليلي الامتحان سامعتني , مالي خلق أدرس ولا ترى بعلم أمي عن سالفتج
حنان والدمعه بعيونها ,, ماسوت علي كل دقيقه مهددتني بعرف انتي أختي ولا عدوتي , مادري شمسويه كلها أنحشت وعطوني تعهد حرام عليج نور صيري نفسي كله أستر عليج
نور تطالعها وتصفق ,, برافووو خووش ممثله تنفعين والله ,, بس ماأثرتي فيني سمعي كلام أختج الكبيره عشان ماقول حق ماما
حنان : خلاص ,, خلاص يبا لاتذلينه بس مادرري شهالحظ الي طيحني بصفج بس أذا ممكن تقصرين المسجل
نور : ههههه قراده حظج ,, عشان هالعيون بقصره يمااا فديتها والله

نور مبطله الكام حق رفيجتها شوق وتكتب لها ,, شرايج شوق مظبطه عمري عدل
شوق : حرام عليج حنون ماتستاهل بعدين انتي ماشتقتي حق الجامعه الجو حده عجيب
نور : من صجج بتم بالثانويه أحسن أنحاش وأطلع محد يدري عني أذا رحت الجامعه ربع أخوي بكل مكان راح أحس أني مراقبه بتم مكاني أحسن
شوق : علا راحتج حوبي بس صج مس يو يالخايسه بقولج اشياء صارتلي من زمان ماسولفنه
نور : مي تو حوبي , انشاءالله نشوفج عن قريب وألحين بفصل اوكي سي يو

فصلت نور اللاب ونقزت علا فراش حنان حيل وعفست أوراق المراجعه ,, شتسوي بطتنا السوده
حنان : ويعه خلاص عاد خليني أدرس مليقه موتبيني أحل عنج و ,,,,
قاطعتها نور : بسج محاظرات جابلي دراستج

v,hdm [vpkd pfd hgh,g frgld ugd fifihkd fifihkd jrgg ]fd [vpkd v,hdm












عرض البوم صور علي بهبهاني   رد مع اقتباس
قديم 02-02-2011, 03:35 AM   المشاركة رقم: 2
المعلومات
الكاتب:
اللقب:
لا إله إلا اللّه
الرتبة:
الصورة الرمزية
 
الصورة الرمزية bad cat

البيانات
التسجيل: Aug 2010
العضوية: 73624
المشاركات: 6,682 [+]
بمعدل : 1.97 يوميا
اخر زياره : [+]
معدل التقييم:
نقاط التقييم: 28
 

الإتصالات
الحالة:
bad cat غير متصل
وسائل الإتصال:

كاتب الموضوع : علي بهبهاني المنتدى : قصص - روايات قصيره وطويله
رد: رواية جرحني حبي الاول بقلم علي بهبهاني


الله يعطيك العافية الى الان مشدوده لمعرفة بقية الحكاية اسلوب جميل ولهجة كويتيه عامية حضريه جذابه

شكرا لك وتقبل مروري












توقيع : bad cat



عرض البوم صور bad cat   رد مع اقتباس
قديم 02-02-2011, 02:24 PM   المشاركة رقم: 3
المعلومات
الكاتب:
اللقب:
الاعضاء

البيانات
التسجيل: Feb 2011
العضوية: 75346
المشاركات: 8 [+]
بمعدل : 0.00 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
علي بهبهاني غير متصل
وسائل الإتصال:

كاتب الموضوع : علي بهبهاني المنتدى : قصص - روايات قصيره وطويله
رد: رواية جرحني حبي الاول بقلم علي بهبهاني

السلام عليكم ورحمة الله وبركاته

تسلمين أختي منورة حبوبة

بس بصراحة أذا ماشفت تفاعل شكلي بهون وماراح أكمل الرواية لووول :$ ...












عرض البوم صور علي بهبهاني   رد مع اقتباس
قديم 02-02-2011, 05:24 PM   المشاركة رقم: 4
المعلومات
الكاتب:
اللقب:
لا إله إلا اللّه
الرتبة:
الصورة الرمزية
 
الصورة الرمزية bad cat

البيانات
التسجيل: Aug 2010
العضوية: 73624
المشاركات: 6,682 [+]
بمعدل : 1.97 يوميا
اخر زياره : [+]
معدل التقييم:
نقاط التقييم: 28
 

الإتصالات
الحالة:
bad cat غير متصل
وسائل الإتصال:

كاتب الموضوع : علي بهبهاني المنتدى : قصص - روايات قصيره وطويله
رد: رواية جرحني حبي الاول بقلم علي بهبهاني

اقتباس:
المشاركة الأصلية كتبت بواسطة علي بهبهاني مشاهدة المشاركة
السلام عليكم ورحمة الله وبركاته

تسلمين أختي منورة حبوبة

بس بصراحة أذا ماشفت تفاعل شكلي بهون وماراح أكمل الرواية لووول :$ ...



انا شخصيا مالي مقاقة على قراءة القصص والمسلسلات لكن عنوان الرواية شدني وفيني بلاغة شف اب اعرف اشلون البطل انجرح من حبه الاول ؟؟ وشكرا على ردك الذرب.












توقيع : bad cat



عرض البوم صور bad cat   رد مع اقتباس
قديم 02-08-2011, 11:32 PM   المشاركة رقم: 5
المعلومات
الكاتب:
اللقب:
عضو فضي
الرتبة:
الصورة الرمزية
 
الصورة الرمزية أحلام وردية

البيانات
التسجيل: Jan 2011
العضوية: 74914
المشاركات: 1,997 [+]
بمعدل : 0.62 يوميا
اخر زياره : [+]
معدل التقييم:
نقاط التقييم: 19
 

الإتصالات
الحالة:
أحلام وردية غير متصل
وسائل الإتصال:

كاتب الموضوع : علي بهبهاني المنتدى : قصص - روايات قصيره وطويله
رد: رواية جرحني حبي الاول بقلم علي بهبهاني

أشكرك على هذه القصة الرائعة
يعطيك العافية
ودي












عرض البوم صور أحلام وردية   رد مع اقتباس
قديم 02-16-2011, 02:12 AM   المشاركة رقم: 6
المعلومات
الكاتب:
اللقب:
الاعضاء

البيانات
التسجيل: Feb 2011
العضوية: 75714
المشاركات: 148 [+]
بمعدل : 0.05 يوميا
اخر زياره : [+]
معدل التقييم:
نقاط التقييم: 10
 

الإتصالات
الحالة:
ست الحسن غير متصل
وسائل الإتصال:

كاتب الموضوع : علي بهبهاني المنتدى : قصص - روايات قصيره وطويله
رد: رواية جرحني حبي الاول بقلم علي بهبهاني

قصه رائعه
يسلموووووووا ع الطرح المميز












عرض البوم صور ست الحسن   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الاول, بهبهاني, تقلل, دبي, جرحني, رواية, على

جديد منتدى قصص - روايات قصيره وطويله


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 05:46 AM.


Powered by vBulletin® Version 3.8.9
Copyright ©2000 - 2019, vBulletin Solutions, Inc.
Search Engine Friendly URLs by vBSEO 3.6.1