قديم 03-26-2011, 09:44 AM   المشاركة رقم: 1
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

المنتدى : قصص - روايات قصيره وطويله
Icon777 (46) تموت عيونهم فيني .. وانا بك ميته عيني الجزء الثاني


..الجــــــ الثاني ــــــزء..

....يوم الخميس والكل يتجهز للروحه للإستراحه....
::
××في بيت ابومشعل××
مشعل يجهز شنطته وتركي قاعد يسولف على راسه..
تركي:قسم بالله لو شفتها ودك تذبحها..
مشعل ياخذ تيشيرتات:الحين انت وش دخلك فيها..
تركي:بنت عمتي..
مشعل:والله كان رحت لها وعطيتها كف قدام العالم وبردت اعصابك..
تركي:كان بندر بيسويها بس انا مسكته..
مشعل:ليــه مسكتاه..
تركي:لوتركته بتقوم الحرب العالميه الثالثه..
مشعل: خلها تقوم والله لوكنت انا اللي شايفها ماسويت شي ولو تمرعندي بقول ذا البنت مااعرفها..
تركي:علشان راكان صح..
مشعل انقرف:لاتجيب طاري اسمه تكفى..
ام مشعل دخلت:طيب جدتك مافكرت فيها..
مشعل رفع عطرين:يمه اختار هذا وإلا هذا..
ام مشعل:انت وين وانا وين مشعلوه رد علي جدتك لو ماشافتك بتزعل عليك..
تركي:يمه لاتعبين نفسك والله مو معك..
مشعل:لامعها يمه لاتشيلين هم بقعد معاكم شوي (رفع العطرين) الحين اختار هذا وإلا هذا..
ام مشعل رمت عليه المخده:لاهذا..
مشعل:ههههههههههههه..
ريم دخلت وهي حايسه بنفسها والنفس موصله:ماما انتي هنا..
مشعل:لاهناك..
ريم:هاهاها ياانك باااايخ ومالك داعي..
مشعل:افااااا افااا هذا وانا بسافر بدال ماتاخذيني بالاحظان تقولين بااايخ ومالك داعي..
ريم:مشعل انا من دون شي ونفسي موصله هنا (واشرت على انفها) فأحسن لك بعد عن طريقي لايجيك بوووكس محترم..
مشعل:اسف اسف ماقلت شي..
ريم:ماما ماشفتي سوارتي اللي فيها حرف الـR ووووين..
ام مشعل:انا ادري عنك دوريها..
ريم:لحوووووول دورت عليها في كل (ضربت راسها) صح نسيتها في بيت امي نوره..
تركي متربع على السرير:هذا اللي استفدناه منك تضيعين اغراضك في بيوت خلق الله..
ريم تنرفزت:جانا الثاني..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابوفيصل××
لمى وفهد قاعدين يلعبون بلاي ستيشن والوضع حاااامي..

لمى لابسه تيشيرت برشلونه عشقها:فهيييييد اقول انسحب والحيييين..
فهد مقهور:تونا تونا..
لمى:تونا وإلا قشطه هههههههاااي..
فهد:اسكتتتتتي قبل مايطلع شيطاني الاحمر..
لمى:وانا ماسكته يله طلعه (وقفت) شووووف شووف قووووووووول..<<وقعدت تنطط على الكنب..
فيصل متمدد على الكنب ومعاه اللاب توب:جد العقل نعمه..
ام فيصل دخلت وشهقت:انتي وش مقعدك هنا..
لمى مومعاها:شوف الهدف من الزاويه تسعييييين..
ام فيصل صرخت:لميووووه ووجع..
لمى من صرخة امها طار شعرها خخخخخ:ســــمي..
ام فيصل عصبت:بنمشي بعد شوي وانتي قاعده تلعبين مع ذا البزر..
فهد شوي ويبكي:والله انا مو بزر..
ام فيصل:تكبريييييييييين وتنهبلين انتي..
فيصل:يله لقطي وجهك خخخخخ..
لمى:والله انت محد كلمك..
فيصل ببرود:وشو ماسمعت..
ام فيصل اشرت على الباب:يله قدااامي يابنت..
لمى نزلت راسها:ان شاء الله..
ام فيصل:وانت وياه قوموا..
فيصل:انا ياطويلة العمر بجي مع نايف إلا عاد اذا تبوني اوصلكم..
لمى:لا شكراً..
ام فيصل صرخت:مطوله..
لمى انحاشت لغرفتها لقت مها جالسه على الارض وقاعده تلف شعرها وعلب اللإكسسوارات قدامها..
لمى تخصرت:ياااا الشيخه..
مها:تكلميني..
لمى بطفش:لا الجدار هيـــــه..
مها:...............
لمى صرخت:مهيوووووه..
مها رفعت راسها:خير خير نعم وش تبين اخلصي ترى وراي شغل..
لمى:وش جابك لغرفتي..
مها:اتفرج عليها يعني وش جابني جايه اشوف وش عندك من اكسسوارات..
لمى خذت روبها:الله يعدي هاليوم على خيييييير..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابو راكان××
هيفاء تتحمم ومشاعل تكلم صديقتها متممده على بطنها وتلعب بخصلات شعرها الكستنائي:ههههههه شي ياليتني معكم..
ام راكان تدق الباب..مشاعل:لحظه شوي منو..مييييييين..
ام راكان:افتحي..
مشاعل رفعت السماعه:ايوه منال بعدين اكلمك اوكي..يله بااي..
ام راكان تزيد دق الباب:بسرعه انتي..
مشاعل تمشي ببطئ وفتحت الباب ببرود:ايوه..
ام راكان دفتها لداخل الغرفه وهي معصبه:انتي للحين مالبستي ولاتحممتي..
مشاعل جلست على الكرسي وحطت رجل على رجل:ليه إنا وين رايحين..
ام راكان فتحت عيونها على اخر شي:لإستراحة جدتك ياحظي..
مشاعل خذت كورة صوف اللي على طاولتها ورمتها في الهواء:بصراحه مام اهلك ماينطاقون بالمره..
ام راكان مسكت شعرها بعصبيه:لو سمعتك تقولين هالحكي مره ثانيه بكسر راسك فاهمه..
مشاعل بعدت يد امها عنها:اي شعري انا صادقه بيت امك واخوانك يجيب المرض..
هيفاء طالعه من الحمام ورايقه:مامي ماعليك من مشاعل اهلك بصراحه (بأستهزاء) يوسعون الصدر ماقد شفت مثلهم بحياتي..
مشاعل غمزت لهيفاء وضحكوا..
ام راكان انقهرت وعصبت:والله ثم والله لو ماشفتكم جاهزين بعد نص ساعه بخلي ابوكم يشوف شغله معاكم..
هيفاء تتريق:هو سائل علينا اصلاُ..
مشاعل مكمله معها:اصلاً مايدري ان احنا بنروح استراحه اليوم هههههههههههه..
ام راكان انقهرت من جد حظها شين لارجال تعتمد عليه ولابنات مثل بنات خلق الله الاحترام رامينه في الزباله ويكلمون امهم كأنها بنت الجيران وولدها مو معاهم اصلاً ولايدري عن الدنيا...
هيفاء بعربجه مو راكبه عليها:وين مكمله يااسماء..
ام راكان عصبت بزياده:بسرعه اخلصوا..<<وطلعت من الغرفه..
هيفاء شالت الفوطه عن شعرها:مسكينه مام حظها نحس في عيالها وزوجها الفاهي ههههههههههههه..
مشاعل بلامبالاة:والله محد قال لها تجيبنا ههههههههههههههه..
هيفاء تناظر المرايه وغمزت لمشاعل:اليوم بتشوفين حبيب القلب..
مشاعل تنهدت:وهذا اللي بيخليني اروح لاهلك غصب عني..
::
..في غرفة راكان..
راكان..علاقته مع اهل امه عدم يكره خواله وعيالهم وهو رايح اليوم علشان خاطر الجده نوره هي اللي ربته وعطته كل اللي يبيه الحب والحنان اللي عمره ما شافه في امه..
كان لابس بنطلون جينز عليه حزام عريض اسود وقميص ابيض فاتح ازاريره للاخير ومتمدد على سريره ومشغل مساري ومعلي الصوت على اخر شي..
مشاعل مرت من جنب غرفته شافت الباب مفتوح شوي طلت عليه وابتسمت تحبه حتى اكثر من ابوها تحسه كل شي في دنيتها مع انه مايعطيها وجه لان حركاتها الماصخه ماتعجبه..

دخلت بخفه سكرت المسجل:هاااي..
راكان يناظر السقف وبدون نفس:خير..
مشاعل جلست جنبه وبدلع سكرت ازاريره:حتى انت منقرف من اهل امك..
راكان بعد يدها عنه وعدل جلسته:والله منقرف منك لاعاد اسمعك تقولين هالحكي..
مشاعل بغرور:وش عاجبك فيهم..
راكان عصب:مشاعل ظفي وجهك عني لايجيك كف الحين..
مشاعل تنرفزت:علشانهم تعطيني كف..
راكان قرب منها ومسك بلوزتها من بين اسنانه:واكسر راسك بعد انا مدري على ايش رافعه خشمك..
مشاعل تجمعت الدموع في عيونها دفته عنها:ابعد اكررررررهك..<<وطلعت..
راكان بصوت عالي:بس مو اكثر مني..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابونايف××
نايف يلبس الكاب:الحين وش فيك مطيح عندي..
بندر يستهبل:معجب..
نايف:اسف مااقبل معجبين..
بندر:مصدق نفسك بزياده ترى ياولد كندا..
نايف:الحين وش فيكم ماسكين علي هالكلمه..
بندر:لانك من رجعت من هناك واخلاقك بايعها..
نايف:ليييييه افااا..
بندر يرفع العطر:افاا وهذا الدليل..
نايف انقرف:قسم بالله انه من دكتوره عندنا وكبر جدتي لاوش جدتي اخاف اظلمها لايروح تفكيرك بعيد ترى وجهها يجيب المرض..
بندر تعطر:والله وعندها ذوق..
نايف ابتسم بدون نفس:شايف كيف..
بندر يناظر نايف ووده يقول ووده مايقول..
نايف انتبه له:كنك تبي تقول شي..
بندر:بصراحه ايه بس هو امانه في رقبتك..
نايف لف عليه:ايش..
بندر:وعد ماتقول لاحد وخاصه مشعل..
نايف بأهتمام:اوكي وعد مااقول بس ايش..
بندر:ملاك تزوجت..
نايف مو مستوعب:كيف..
بندر:شافها حمد خويي في دبي ومعها زوجها..
نايف:العب غيرها..
بندر رفع كتوفه:عمرك ماصدقت..
نايف:هي تموت على مشعل كيف تتزوج..
بندر:والله عاد هذا اللي صار وإلا..<<وسكت..
نايف:وإلا ايش..
بندر:ولاشي..
نايف:بندرووووه..
بندر:إلا اذا كان خويها..
نايف ميل فمه:مالت عليك وعلى تفكيرك اللي مثل وجهك..
بندر:والله مو غريبه عليها..
نايف:ماعلينا منها بس اسمع لاتقول لمشعل ترى والله يعلقنا انا وياك بدال خروف العيد..
بندر:الحين لي ساعه اقولك وعد وامانه ومدري ايش وانت قاعد توصيني..
نايف:لااذكرك بس..
ام نايف جت عندهم:وانت ورا مارحت..
نايف يدور عذر:ولدك اخرني..
بندر حقد على نايف حقد:انا هاه..
نايف غمز لبندر:ايه انت..
بندر عض شفايفه:جد انك..وإلا مولازم اقول انت عارف نفسك..
ام نايف:يله نايفوه بسرعه خلصني..
نايف خذ نظارته والمفتاح:اوكي يله سلام..
ام نايف:وانت يله على الحمام..
نايف كان يعدل جزمته عند الدرج وسمعها بصوت عالي:حلوه ياام نايف هههههههههه..
بندر فتح عينه على اخر شي:بزر انا..
ام نايف ابتسمت:والله لو صار عمرك 50سنه بتبقى في عيني بزر..
بندر يمزح:مطوله يمه ههههههههههههه..
ام نايف ضربت كتفه:ووووجع ان شاء الله..
بندر باس راسها:الله يطول بعمرك ياقلب بندر وروحه..
ام نايف:ايه العب علي بهالحكي..
::
..في الصاله اللي تحت..
ابونايف يناظر قناة الاقتصاديه الاسهم ويتقهوى..
نايف باس راسه:مساء الخير..
ابونايف بأبتسامته اللي تشبه ابتسامة نايف كثير:مساء النور هلا وانا ابوك تعال تقهوى..
نايف:والله يابونايف ودي بس ام نايف موصيتني على اغراض..
ابونايف:ياكثر ماتوصي هالحرمه..
نايف:ههههههههههههههه لاتسمعك الحين والله تتوطى في بطنك..
ابونايف:ذاب الميانه اشوف..
ام نايف نازله من الدرج:ناااااااااايفوه ووجع..
ابونايف:مين بيفكك من يدينها الحين ههههههههههههههههه..
نايف ركض وفتح الباب:بااااي..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

×× في بيت ابومشعل××
ريم تاخذ لفه على نفسها:شو رأيك..
تركي صفر:اوووه ياعيني وش ذا الحلا بصراحه مااصدق ان اللي قدامي ريم..
ريم:تبيني اعطيك بوكس علشان تصدق..
تركي:انتي وش فيك اليوم مشتهيه تعطين بوكس لأحد..
ريم:والله إظاهر كذا وذا البوكس يابيجي في خشتك او خشة اخوك..
ام مشعل تسكر عبايتها:يله يله تأخرنا على جدتكم..
تركي:يمه اي تأخرنا الساعه ثلاث..
ام مشعل:المفروض بعد طالعين من الصبح احمدوا ربكم يعني..
تركي:حمد الله..
ام مشعل:يله قبل مايأذن العصر عاد متى بنوصل..
تركي:شايله هم يمه باقي على اذان العصر ربع ساعه مايمدينا نمشي خطوتين إلا وهو مأذن خليها بعد الصلاة..
ام مشعل:اقوووول يله قدامي..
تركي وقف:مره ثانيه انسوا اني بوصلكم..
ريم:اذا جت المره الثانيه يحلها الف حلال..
ام مشعل متكتفه:مطولين..
تركي:لا بنلف يمين خخخخخخخخخخخ..
ريم:باااايخه..
تركي:محد طلب رايك..
ام مشعل صرخت:بتمشون وإلا وشلون..
تركي خاف:طيب طيب ان شاء الله..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابوفيصل××
ام فيصل تدق الباب على لمى:بسررررررررعه انتي..
لمى فتحت الباب وشايله شنطتها وعبايتها وجزمتها:خلصت خلصت..
ام فيصل:مبين والله..
لمى رمت العفش اللي معها على الارض ودارت على نفسها:وش رايك ياقمييييل..
ام فيصل ماعطتها وجه:يله الحقيني..
لمى كشرت:لفه ودنيا دار راسي وفي الاخير يله الحقيني..
ام فيصل نزلت:اقول بلا كثرة حكي..
مها:انتي وش فيك استعجلي شوي..
لمى جلست على الارض تلبس جزمتها:وليه استعجل بعدين انا مدري ليه امي معلقه على اليوم حاطه دوبها بدوبي وكأني قاتله لها احد..
ام فيصل بصوت عالي:لميووووه..
لمى ضربت خدها مقهوره:شفتي..
مها:ههههههههههههههههه لااكيد قاتله لها احد مافيها كلام..
لمى وقفت ونزلت وهي تتحلطم..
ام فيصل واقفه عند الدرج وتهز رجلينها:بسرعه يالبارده..
لمى نطت درجتين بغت تخبط على وجهها تمسكت في امها:مـــــــــــاما..
ام فيصل:عمى يعمي العدو ان شاء الله مو كذا عاد..
لمى مسكت موالها:عاد وإلا ثمود ههههههههههااااي..
فهد:لا اصحاب الايكه..
لمى شافت ابوها يقرى الجريده نطت عليه وباسته:اشتئتلك يابي..
ابوفيصل:ههههههههههههههههه شوي شوي..
فهد يلعب بالمفتاح ناظر امه بطرف عينه:متى بنمشي..
ام فيصل تكتفت وبطفش:لما ينتهي مشهد الابوه حق اختك..
لمى همست:مرتك ذي ذبحتني..
ابوفيصل:ههههههههههههههههه..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابوراكان××
ام راكان دخلت على راكان:وش فيك راكان..
راكان على نفس جلسته اللي من ساعه قال بدون نفس:مافيني شي..
ام راكان: فيك شي والا مافيك انا وش علي قصدي وش فيك مزعل مشاعل..
راكان بدون مايناظرها:ياليل ماطولك شكل هاليوم مو معدي على خير..
ام راكان بحزم:راكان ناظرني لما احاكيك..

راكان ناظرها يكرهها يعتبرها ابشع خلق الله هي اللي رمته عند الجده نوره وقالت انا مو مستعده اربيه هي اللي فضلت مشاعل وهيفاء عنه مع انهم مايعاملونها بأحترام مثله علشان كذا كره عيال خواله يحس انه ناقص عنهم هم عندهم كل شي ام تمسح دمعتهم تحظنهم تحسسهم بالامان واب يشدون فيه الظهر عزوتهم وتاج راسهم يستمدون القوه والصبر منه واخوان يفضفض لهم يمزحون مع بعض يلعبون مع بعض هو ماعنده هذا هو ولاشي..

ام راكان:خير وش فيك تناظرني كذا..
راكان بأحتقار:مو انتي قلتي ناظرني لما احاكيك هذا انا اناظرك خير امري نعم وش تبين..
ام راكان:وش فيك على مشاعل..
راكان:اها مشاعل حبيبة قلبك بليز علميها كيف تحكي اول وتترك عنها المياعه والغرور اللي ذابحها مدري على ايش..
ام راكان عصبت:وانت وش عليك..
راكان:صح انا وش علي (وقف وقرب منها) زوجك الحلو وينه يشوف المهزله هاذي..
ام راكان فتحت عيونها على اخر شي وكانت بتعطيه كف لكن مسكت نفسها..
هيفاء دخلت وهي ماسكه عبايتها:مامي يله نروح..
ام راكان:اختك وينها خلصت والا لسه..
هيفاء تنفخ على المناكير:مدري عنها..
راكان:عايله مفهيه من جد..
هيفاء تنرفزت:انت حقير متخلف غبي قروي وقح..
راكان صفق لها:اوووه شاطره وايش بعد..
هيفاء:انت ليه اسلوبك زفت كذا..
راكان ببرود:علشاني كذا واللي مو عاجبه اسلوبي (اشر على الجدران)عنده ذولي يطق راسه في اي واحد فيهم..
هيفاء انقهرت:اففففففف حقير..
مشاعل تسكر عبايتها:يله مام..
ام راكان:اوكي يله وانت لاتتأخر ترى امك بتسوي لك سالفه..
راكان بنفس البرود:امي تقول اجي مثل مااحب واطلع مثل مااحب انتم بس فارقوني وماعليكم مني..
ام راكان انقهرت طلعت من الغرفه مالها خلق تتمشكل مع احد وخاصه راكان:يابنات الهم يله تعالوا..
راكان:يله يابنات الهم يله حبايبي انقلعوا عني..
مشاعل طلعت بدون نقاش بس علشان راكان وإلا اذا كان واحد ثاني غيره غسلت شراعه..
راكان:وانتي ماودك تروحين..
هيفاء صرخت في وجهه:سخييييييييييييييييييف..
راكان ضحك بأستهزاء:ههههههههههههههههههههههه..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في السوبر ماركت××
خلود:وانتي اذا حملتي وش تتمنين ولد وإلا بنت..
هديل:بنت..
خلود:وش معنى..
هديل تغني:اموره وحلوه وكتكوته..
ولد كان واقف وسمعهم وابتسم..
هديل:حتى ريم تقول اتمنى اجيب اول شي بنت بعدين بنت بعدين بنت..
خلود:هههههههههه..
هديل لفت وصدمت في كتف شاب وشهقت:اسفه..
الشاب التفت عليها:ماصار شي عادي..
هديل مفهيه في ملامحه..
خلود سحبتها وهمست:خيييييييييييير ان شاء الله..
هديل:نااايف..
نايف:تعرفيني..
هديل:انا اخت مشاري..
نايف ابتسم:اهلين بأخت الغالي كيفك..
هديل عيونها طايحه في الارض:بخير..<<ياخذ امن جابتك تهببببببببببببببببببل..
نايف:خلونا نشوفكم عاد انتي والوالده..
هديل:ان شاء الله..
نايف:وصلي سلامي لمشاري القاطع والوالد..
هديل ابتسمت من ورا الغطا:يوصل..
نايف:يله سلام..<<وطلع..
هديل شهقت شهقه ملت السوبر ماركت كله..
خلود:عممممممممممى..
هديل:في ذمتك مايجنن..
خلود:والله مافيه احلى من سوسو..
هديل:مالت عليك وعلى سوسو حقك ذا..<<ومشت بسرعه قبل مايجيها بوكس محترم..
خلود تمشي وراها بثقل كنها بطريق خخخخخخ:هدييييييييييييل وقفي..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

دخل بسيارته الروز رايز داخل القصر وصوت الميوزيك عااااالي..
نزل من السياره بغروره وتكبره جوا القصر..
فسخ نظارته"جورج ارماني":كالعاده الوالد مسافر يااااا ميييييري..
ميري جايه تركض وتلهث:yes..
احمد بأحتقار:شوي شوي لاتطيرين (قرب منها ومسك بلوزتها وبنظرات خبث) كيف حالك ياحلوه..
ميري خافت:الحمدو لله..
احمد ضحك بأستهزاء:ههههههههههه صدقت نفسها (بعدها عنه بقرف ونفض يده) give my food coikly..سمعتي وش قلت كويكلي..
ميري راحت تركض للمطبخ:بسسسسورعه هزا مستر احمد يبي اكل..
احمد تمدد على الكنب براحه وحط رجل على رجل شاف صورة ابوه كبيره معلقه على الجدار:كيف حالك ياسيد المجتمع الراقي ههههههههههههههههه..
...ربع ساعه بالضبط الاكل كان على الطاوله...كانت الطاوله مليااااانه..
احمد حاط يده على خذه وبأحتقار:شايفتني بغدي قبيله انا..
ميري بلعت غصتها..
احمد وقف:شبعت..
ميري فتحت عيونها على اخر شي مامد يده على الاكل حتى..
احمد رقى لجناحه رمى نفسه على السرير ونام...

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابونايف××
نايف يحط الفطاير وورق العنب على الطاوله:ياااااااااااام نايف..
ام نايف:هاه جبت اللي وصيتك عليه..
نايف:ايه يله انا بروح اتحمم..
ام نايف:الله يعطيك العافيه..
نايف:الله يعافيك..
نايف رقى وقابل بندر بوجهه يسكر الكبك حق ثوبه:شكلك بالثوب غلط..
بندر:ياخوي ماتعرف تجامل..
نايف:لا..
بندر:روح تحمم بس احسن يا (وخربط له شعره) وائل كفوري..
نايف:اما عاد وائل كثر لي منها..
ام نايف تبخر بندر:الله يحفظك من العين والحاسدين والظالمين ومن عيال الحرام قول آمين..
بندر:هههههههههههههه آمين آمين..<<ومشى لناحية الباب..
ام نايف:اقرى المعوذات يمه..
بندر:ان شاء الله يله سلام..
ام نايف:وانت لسه واقف..
نايف:لا بس كنت اتفرج على فيلم مصري قبل شوي خخخخخخخخ..<<وطلع لغرفته بسرعه..خذ روبه وفوطته ووقف على صوت جواله..
رد:هلاااا فصول..
فيصل:بتطلع الحين..
نايف:توني ماتحممت..
فيصل:يااااااااااااااليل ماطولك..
نايف يناظر ساعته:اووووه لاشكلنا تأخرنا..
فيصل:إلا اكيد ياابن الحلال اخلص بسرعه وإلا بروح لحالي..
نايف:طيب سكر علشان اخلص بسرعه..
فيصل:ان شاء الله..<<وسكر..
نايف ناظر في جواله:مو كذا عاد..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××فـــــي الاستراحـــه××
كانت كبيره وفيها قسمين للرجال والنساء وفيها ملعب لكرة القدم و كرة طائره ومسبح والعاب للصغار..ومع الجو البارد والمطر الخفيف..صااااار المكان روووعه..
::
ريم ولمى ومها يلعبون كرة طائره..
مها:يااااذكيه مو كذا يضربونها..
لمى:اللي يسمعك يقول محترفه..
ريم تشوت الكوره برجلها:كذاا احسن..
لمى ومها:ههههههههههههههههههههه..
.. ام راكان ومشاعل وهيفاء وصلوا اخر ناس...
مها همست:جت النكد..
لمى:ماعليك منها..
مشاعل وهيفاء:هاااااي..
ريم:هاااي..
مشاعل:وانتو ماتبون تردون وإلا ماعندكم لسان..
مها:لا ابشرك عندنا تونا شارينه خخخخخخ..
مشاعل ناظرتها بأحتقار:ردي على قد اللي ينقال..
مها:وانا رديت على قد اللي ينقال..
ريم حست ان الحرب بتبدى:كيفكم..
مشاعل وهيفاء:تمام..
هيفاء:وين الحريم جالسين فيه..
ريم:في المجلس..
هيفاء وهي تمشي:ثاااانكس..
ريم:ويلكم..
مها تقلد مشاعل:وانتو ماتبون تردون وإلا ماعندكم لسان..ياشيييييييييينك ماسكه نفسي بالقوه ترى..
ريم:والله بعد انتي ماقصرتي..
::
مشاعل تشوف شكلها في المرايه:اف ياليتني ماجيت..
هيفاء:وحبيب القلب..
مشاعل:اه هيفاء تكفين اسكتي لا اتهور الحين و اركض له..
هيفاء:تسوينها..
مشاعل:ايه والله اسويها ولايهمني احد..
هيفاء:شعوله مو وقت هبالك الحين بعدين وش هذا اللي لابسته الدنيا برد..
مشاعل:هذا كله علشان ولد خالك الحلووو..

...مشاعل كانت لابسه فستان اخضر نص الفخذ بدون اكمام ومفتوح من ورا لين اخر ظهرها ضيق ومبين شكل جسمها..شعرها رافعته كله ومنزله غرتها على وجهها..لبست صندل ذهبي وسلسال ذهبي وحلق كبير ذهبي..حطت ميك اب كثيف تبي تبرز جمالها اكثر مع انه مايحتاج بس هي كذا تبي عيون الكل عليها..ومافيه شي يرضي غرورها بس طالعه جذاااااااابه بمعنى الكلمه..
::
دخلوا المجلس....
ام راكان:هاذولي بناتي يمه....<<زيارات مشاعل وهيفاء قليله لجدتهم وتقريباً مايشوفونها الى من عيد لي عيد علشان كذا قالت ام راكان هالحكي...
الجده نوره كشرت لبس مشاعل فاظح مررره:داريه تحسبيني مااعرفهم..
ام راكان تفشلت تمنت الارض تنشق وتبلعها..
مشاعل ابتسمت بدون نفس:كيفك قراند ماذر..
الجده نوره بهمس:والله مدري وش ترطن ذي..
ام مشعل كانت جنب الجده نوره وضحكت بصوت واطي..
هيفاء راحت وحبت راس الجده نوره مع انها ماتطيقها:وش اخبارك يمه..
الجده نوره:حمد الله وش اخبارك انتي..
هيفاء:تمام..
ام راكان بأبتسامه:يمه هاذي هيفاء..
الجده نوره:انتي وش فيك تعرفيني عليهم وكأني ابد ماشفتهم..
ام راكان هنا لاصدق تمنت الارض تنشق وتبلها تغير وجهها مية لووون..
مشاعل بهمس:شوفي شكل امك..
هيفاء:ههههههههههههههه..
::
××في قسم الرجال وفي مجلس الرجال××
بندر يتحرك وهو جالس يعدل شماغه وكمومه..
تركي مسكه:ياخوي اركد..
بندر: ياخي احس شكلي بالثوب والشماغ غلط..
تركي:هههههههههههه انا بعد احس كذا..
بندر:انت ونايفوه شغلتكم بس تحطموني..
تركي مع غمزه:المهم راي الحبايب وإلا..
بندر ابتسم:ايه صح قلتها اهم من رايك وراي الدلخ اللي عندي..
تركي:افااااا..
::
راكان كان جالس بأخر المجاس ويطقطق بجواله كان فاتح ازاريره ومسكر الازارير الاخيره ولابس بعد سلسال اخره حديده محفور فيها حرف الـR..
::
مشعل:شوف الاخ راكان جالس في مقهى..
نايف:وين ابوه..
مشعل:ماجاء.. اصلاً وجوده هو وابوه مثل عدمه..
نايف عطاه كوع:اسكت لايسمعك احد..
مشعل:انا ابيهم يسمعون..
فيصل:انت وياه وش تهذرون..
مشعل بحقد:شوف راكان..
فيصل: تصدق احس انه بزر..
مشعل:اصلاً هو بزر..
نايف:ياااااليل بتطولون انتو خلوا الولد في حاله..
مشعل يناظر راكان بأحتقار:والله والله وهذاني حلفت ان ماربيته زين مااكون مشعل..
فيصل:ماتوصل لهالدرجه..
مشعل:لا توصل لأكثر من كذا بعد..
نايف:وش ناوي تسوي..
مشعل:كل شي بوقته حلو..
نايف بهمس:انا اشهد ان ولد عمك هذا مجنون رسمي..
فيصل:والله انا مع مشعل اللي بيسويه انا بسويه معاه..
نايف:متفقين على شي..
مشعل:ولا شي بس انا قلت كل شي بوقته حلووو وكفو يافصيل هذا العشم فيك والله مو مثل بعض الناس..
نايف:بكيفكم انا مالي دخل وبعدين ذيك السالفه خلاص سكرناها..
مشعل وقف:وانا بفتحها..
:




jl,j ud,kil tdkd >> ,hkh f; ldji udkd hg[.x hgehkd hgehkd hg[.x jl,j f; udkd ud,kil tdkd












عرض البوم صور غاليه بعيون مغليها   رد مع اقتباس
[/table1]












قديم 04-11-2011, 01:11 AM   المشاركة رقم: 2
المعلومات
الكاتب:
اللقب:
~..جريحــهـ...~
الرتبة:
الصورة الرمزية
 
الصورة الرمزية ~..دمــووع..~

البيانات
التسجيل: Jan 2011
العضوية: 75038
المشاركات: 1,382 [+]
بمعدل : 0.42 يوميا
اخر زياره : [+]
معدل التقييم:
نقاط التقييم: 15
 

الإتصالات
الحالة:
~..دمــووع..~ غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الثاني

[table1="width:95%;"]
الله يستر من مشعل خل نشووف السالفه اللي بيفتحهاا ..
في انتظاار البقيه ..
تحيااتي
دمووع
توقيع : ~..دمــووع..~

عرض البوم صور ~..دمــووع..~   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ميته, الثاني, الجزء, تموت, بك, عيني, عيونهم, فيني, وانا

جديد منتدى قصص - روايات قصيره وطويله


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 03:36 PM.


Powered by vBulletin® Version 3.8.9
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.1