قصص - روايات قصيره وطويله قصص طويله , قصص واقعيه , روايات ألف ليله وليله , قصص حب , قصص خياليه


إضافة رد
 
LinkBack أدوات الموضوع انواع عرض الموضوع
قديم 04-10-2011, 02:54 PM   المشاركة رقم: 1
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

المنتدى : قصص - روايات قصيره وطويله
Icon777 (46) تموت عيونهم فيني .. وانا بك ميته عيني الجزء الحادي عشر


..الجـــ الحادي عشر ـــزء..

راح نايف لمدخل الفيلا:امري يـ....<<وسكت..
ريم لفت وبأرتباك:انا اللي ابيك مو خالتي..
نايف خاف عليها وقرب منها:ريم فيك شي وجهك متغير..
ريم صدرها يرتفع وينزل وكأنها شوي وبتنهار رجعت لورا لانه كان مره قريب منها:انا اسفه..
نايف:على ايش..
ريم بتوتر:لاني صرخت في وجهك والله ماكان قصدي و..
نايف قاطعها:لاتشيلين هم انتي كنتي معصبه وانا اصير كذا اذا عصبت شي طبيعي..
ريم:يعني انت مو زعلان..
نايف ابتسم:لا ليه ازعل وانا اقدر..
ريم ارتبكت يوم شافت ضحكته الساحره تذوبها:عن اذنك..<<ولفت عنه..
نايف:لحظــــه..
ريم لفت عليه وابتسمت وبانت غميزاتها:عسى بس مانسيت شي..
نايف:اووه اجل ماوصلك الخبر..
ريم يطلع من راسها مليون علامة استفهام:اي خبر..
نايف:باركي لي..
ريم:على ايش..
نايف:قررت اتزوج..
ريم اختفت ابتسامتها حست ان حركتها انشلت والدم اللي في عروقها نشف دقات قلبها تدق بسررررعه مو طبيعيه اطراف يدينها جمدت..هذا اللي بنت احلامها فيه فجأه شافت احلامها تدمر قدام عينها او حياتها كلها تدمرت تتمنى بس احد يكذب كلمته عمرها ماتخيلت انها تصحى وتسمع هالكلمه مرت قشعريره على كل جسمها خلتها ترتجف..حست ان قلبها بيتقطع صارت تدعي بداخلها يارب هذا حلم او اني اتخيل مستحيـــــــل نايف يروح لغيري مستحيــــل..

نايف:كأني انتظر منك كلمة مبروك..
ريم بصدمه:مبروك..
نايف:ماتبين تعرفين مين هي..
ريم للحين مو مستوعبه:مين..
نايف:دانا بنت خالي..
ريم ابتسمت غصب والدموع متجمعه في عيونها بصوت مرتجف:دانا تستاهلك وانت بعد تستاهلها الله يوفقكم (بلعت غصه ورا الثانيه) لايقين على بعض..
نايف ابتسم:انتي تعرفينها..
ريم تفرك يدينها ببعض كانت عرقانه وتحس حرارة جسمها ارتفعت:شفتها كم مره عن اذنك..
نايف:نادي امي نوره اذا ماعليك امر..
ريم هزت راسها لفت ونزلت دموعها فتحت الباب وسكرته حطت يدها على فمها تمنع شهقاتها تطلع..
الجده نوره حطت يدها على كتفها:يمه ريم..
ريم لفت وهي منزله راسها مسحت دموعها:سمي..
الجده نوره:تبكين..
ريم ابتسمت غصب:لا يمه ماابكي..
الجده نوره: تعالي لغرفتي حسبالك بتلعبين علي بهالإبتسامه..
ريم:لايمه صدقيني مافيني شي بس دايخه شوي..
الجده نوره:طيب روحي تمددي في غرفتك وبخلي الخدامات يرسلون لك العشاء..
ريم ركضت لفوق وبعدين تذكرت شي ولفت:يمه نايف يبيك..<<ولفت وبكت..
مها:ريـــــــــم..
ريم دخلت الغرفه وسكرت الباب بقوه طاحت على الارض وبكت بحرقه حلمها ضاااااع وضاعت معاه..
مها:هاذي تبكي (دقت الباب) ريوووم افتحي الله يخليك..
ريم تبكي وكل ماله صوتها يعلى..
مها بخوف:ريـــــم الله يخليك افتحي..
ريم:.................
مها:ريم افتحي وش صاير لك ريم..
لمى من وراها:خير..
مها بخوف وصوتها مرتجف:مدري ريم رقت وهي تبكي مدري وش فيها..
لمى دقت الباب:ريــــم..
ريم صرخت:اتركوني لحالي..
لمى:ماراح نتركك إلا لما نعرف وش فيك..
ريم صرخت اكثر:اتركوني لحالي ماابي اشوف احد..
لمى لفت على مها:امشي خلينا نتركها الحين لما تهدى..
مها:اوكي..
ريم سحبت نفسها لما وصلت للسرير جلست عليه وحطت راسها بين رجولها..

))..علمتني وشلون احب...علمني كيف انسى..
يابحر ضايع فيه...الشط والمرسى..
علمتني وشلون احن...علمني كيف اقسى..
سيـــر علي..
بس امسح دموعي وروح..
سيـــر علي..
جب لي معك قلبٍ وروح..
سيــر علي..
انا تذكرت الجروح...ياطاغي النظره خطا..
تجزي بهالبخل العطا..
وانا اللي اهديتك آمن..
عين وجفن..
هاذي فراش وذا غطا..
ويابحــر ضاي فيه..
ياجرح من وين ابتدي...وانت معي من مولدي..
وعيت يدي...على وداعك تهتدي..
بس انت علمني الجفا...دامني عجزت اعلمك كيف الوفا..
ويابحــر ضايع فيه..((
::
××في المجلس××
الجده نوره وعيونها تدمع من الفرحه:عن جد يمه..
نايف ابتسم:وذا المواضيع فيها لعب..
الجده نوره بفرحه:مبروك يمه جعلي اشوف عيالك وعيال عيالك كـ....
نايف حط يده على فمها:الله يخليك لما يصير كل شي رسمي..
الجده نوره:اه ياولدي والله ودي ارقص..
نايف:هههههههههههههه اذا جاء عرسي ارقصي لما تقولي امين وارقصي حافيه بعد..
الجده نوره:علشان الناس يقولون ذي انهبلت..
نايف:هههههههههههههههههههههههه..
مشاعل كانت واقفه عند الباب وسمعت كل شي ابتسمت بخبث:تتزوج على جثتي ياولد امل..
هيفاء من وراها:وش عندك هنا..
مشاعل نطت من الخوف:وش جابك انتي..
هيفاء:مين هنا..
مشاعل حطت يدها على فمها ومن بين اسنانها:تكفين قصري صوتك..
هيفاء:خير ليه..
مشاعل مسكت يدها:امشي اقولك..
::
لمى طلعت من الفيلا تبي تشم شوية هوا شافت تركي واقف عند باب سيارته راحت له وابتسمت مشتاقة له مووت..
لمى:هلا تركي..
تركي لف عليها وبدون نفس:اهلين..
لمى قلبها وصل حلقها شكله كانت مسكت:مافيه كيفك وش اخبارك..
تركي تكتف وميل فمه:لامافيه..
لمى بصدمه:ليش..
تركي رفع كتوفه بدون اهتمام: كذا مو جاي على بالي اسأل عن احد..
لمى بخيبة امل:الحين انا صرت احد..
تركي:لمى انا مشغول الحين تبين تقولين شي مهم قولي تبين تسولفين والله انا مو فاظي..
لمى عصبت:غلطانه انا احاكيك..
تركي:ماقلت انا شي يخليك تعصبين..
لمى:جاي على بالي اعصب ارتحت..<<ولفت عنه مقهوره وصدمت في بندر..
لمى رفعت راسها وصرخت:اف..
بندر رفع كتوفه بأستغراب وراح لتركي:وش السالفه..
تركي ابتسم بخبث"ان ماخليتك تشهقين بأسمي وتعشقيني وتموتين في التراب اللي امشي عليه مااكون تركي"..
بندر هزه:تروووووك وين رحت..
تركي بنفس الابتسامه:خير..
بندر:وش سويت فيها..
تركي:هههههههههههههههههههههههههه اركب اركب..<<وفتح باب السياره وركب..
بندر:وراك تضحك..
تركي:هين ان ماوريتها..
بندر:ياخي اترك البنت في حالها..
تركي شغل المسجل على اخر شي ))..ناويلك على نيه بس انت اصبر شويه اذا مااعلقك فيني وهواك يصير بديا ناويلك على نيه......((
بندر على صوته:محد قالك من قبل انك نشبه..
تركي:لا والله محد قال لي..
××
نايف دخل المجلس ورمى نفسه على الكنب:اووه خلصت المهمه..
فيصل:قلت لها..
نايف:ايه اجل داق مشوار ليش..
فيصل:وش قالت..
نايف:وش بتقول يعني باركت لي..
فيصل:قلت لها عن دانا..
نايف:ايه وقعدت تمدح فيها لما قالت بس...
فيصل:شكلك مو فرحان..
نايف بضيق:ياخي مدري وش فيني مو مرتاح مع اني احب دانا من خمس سنين وكنت انتظر هاليوم يجي واقول بتزوجها..
فيصل:صل صلاة استخاره..
نايف:صليت وماارتحت..
فيصل:خلاص هد نفسك مابعد صار شي تقدر تتراجع عن قرارك..
نايف:المشكله مااقدر اتراجع عن قراري انا قلبي متعلق في ريم..
فيصل بأستغراب:ريم..
نايف عقد جواجبه:انا قلت ريم..
فيصل:لا نايف انت ياشارب شي يامو صاحي على فكره اللي تحبها اسمها دانا مو ريم..
نايف ضغط راسه بقوه:والله مدري وش فيني يافيصل..
فيصل:مين ريم..
نايف رفع كتوفه:مدري طلع الاسم كذا..
فيصل بشك:ايه طيب..
::
لمى جلست جنب مها:افففففففف..
مها:وش فيك..
لمى تهز رجلها:ولاشي..
مها:بس مو مبين انتي وبنت عمك وش سالفتكم اليوم..
لمى معصبه:مها قسم بالله مو رايقة لك..
مها:طيب ماقلت شي قولي لي وين رحتي..
لمى تذكرت كلام تركي وتغير لون وجهها:للحمام..
مها:طيب ورا انقلب وجهك مية لون..
لمى بأرتباك:وين ريم ماطلعت..
مها عارفه اختها تبي تصرفها:لا ماطلعت..
لمى وقفت:تعالي نروح لها يمكن تفتح لنا..
مها:قبل شوي رحت ومارضت تفتح لي شكل صاير معها شي كبير..
لمى جلست:وش بيكون صاير لها يعني..
مها:مافيه غيرها مشاعل..
لمى:وانتي مافيه في بالك غير مشـ (وسكتت كأنها تذكرت شي) يمكن راكان..
مها:وش دخله راكان..
لمى بأرتباك:اقول يمكن..
مها:وش معنى قلتي راكان..
لمى:تحقيق هو..
مها:انتي مخبيه عني شي..
لمى وقفت:لا وانا اقدر اخبي عنك شي قومي ننزل للحريم..
مها وقفت:يله امشي..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××الشرقيــــــه..الخبر××
مشعل نزف دم كثير دق باب الشاليه اكثر من مره وبقوه"خييييييييييير وش ذا الدق كله"..<< وقام يفتح..
:نعـــــم..
البنت تبكي:لو سمحت ابوي طايح وانا ماعندي احد تكفى ساعدني..
مشعل:انتظري شوي..<<دخل وخذ جاكيته ومفتاحه وطلع..
:يله يله وين شاليهكم..
البنت تأشر على الشاليه جنب شاليه مشعل بالضبط:هذا..
مشعل دخل:مافكرتي تتصلي على الاسعاف..
البنت تبكي:مدري مدري مافكرت بشي..
مشعل:اتصلي على الاسعاف بسرعه..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في سيارة سعد××
خلود:هاه حبيبي وين رايحين..
سعد:بحطك في البيت وبروح لشغلي..
خلود كشرت:شغل شغل اف مليت..
سعد:تبيني اقعد قعدت لعيونك ياقلبي..
خلود:لا خلاص روح بس ودني بيت اهلي..
سعد قبص خدها:ودي اقولك شي مهم..
خلود حمر وجهها:وشو..
سعد:احبــــــــــك..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت الجده نوره××
هيفاء:وانتي وش ناويه تسوين..
مشاعل بخبث:بعدين بتعرفين..<<ووقفت..
هيفاء:وين..
مشاعل:لبشاير عيد ميلادها اليوم (ناظرت في ساعتها) اوه مايمديني اروح ابدل ملابسي واشتري هديه لها..
هيفاء:امس طلعتي للسوق وقبله ليش مااشتريتي..
مشاعل وهي تمشي:وقتي مايسمح..
هيفاء وفعت جوالها واتصلت على احمد:هاااي حبيبي..
مشاعل رقت خذت عبايتها وشنطتها ولفت شافت ريم طالعه من غرفتها..
مشاعل على وجهها اكبر ابتسامه نصر:كيفك قلبووو..
ريم عيونها حمرا من البكي وبصوت مخنوق:مالي خلقك ترى..
مشاعل بأستهزاء وبنظرات خبث:للأسف صار لغيرك يامسكينه..
ريم عصبت:قليلة ادب ماعندك دم ماعند...
مشاعل قاطعتها:اشششش ماابي اسمع منك ولاكلمه بس احب اطمنك نايف ماراح يتزوج بس لاتفرحين كثير لانه لي انا وماراح يروح لغيري لا لك ولا للحلوه اللي فرحان فيها..
ريم من بين اسنانها:صدق عمتي ماعرفت تربي..
مشاعل:عمتك اصلاً ماربتني انا اللي ربيت نفسي بنفسي وتربيتي عاجبتني على الاقل انا مو مثل بعض الناس اللي يتلصقون في الواحد وهو مو طايقهم..
ريم ببرود:شوفي حبيبتي انا ماانزل نفسي لأشكالك..
مشاعل بغت تموت من القهر:قريب بتعرفي من هي مشاعل..
ريم اشرت بيدها بلامبالاة:ومشاعل هاذي ماتهمني..
مشاعل تنزل من الدرج:اذا تبي واحد قولي لي لان عندي كثير يبون وحده تونسهم..
ريم:وهالوحده طبعاً انتي لانك وقحه مثلهم..
مشاعل:هههههههههههههههههههه باااااي..
ريم لبست جاكيتها ونزلت للمجلس..
ام نايف:تو مانور المجلس وينك حبيبتي ماشفناك..
ريم جلست:كنت نايمه..
ام نايف:فيك شي..
ريم منزله راسها وتلعب بخاتمها:لا خالتي مافيني شي..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في المقهى××
تركي بأنفعال:انت مجنون غبي ليه تقول لها..
بندر بدون نفس:تركي ترى نفسي واصله خشمي مالي خلقك..
تركي:ليش تقول لها ياخي مابعد صار شي كله حكي في حكي (وقف) اقول اقوم اذلف احسن من مقابل وجهك..
بندر:وين..
تركي تنهد بضيق:بروح اشوف وحده توني متعرف عليها ادعي لي..
بندر:انا بس بعرف متى بتمل..
تركي:ماراح امل على الاقل عندي شغله اسويها..
بندر:ولمى..
تركي بطفش:وش فيها بعد..
بندر:وش ناوي تسوي معها..
تركي:مطول انت في السواليف علشان اقعد..
بندر:جاوبني..
تركي ارسل له بوسه في الهوا:كل شي بوقته حلووو ياحلوو..
بندر بأنفعال:هيه هيه خيييير تراني مو وحده من خوياتك..
تركي بغرور:احمد ربك ياشيخ غيرك يتمنى (ناظر في ساعته) اوه تأخرت عليها ربع ساعه لاتطير مني يله باااي..
بندر مسك يده:قول امين..
تركي:عساك تحبني وتموت فيني خخخخخخخخخخخ..
بندر:عسى الله يرجع لك عقلك اصلاً ماعندك عقل علشان يرجع لك..
تركي رفع راسه وتأفف:هاه تبي شي ثاني..
بندر:سلم لي على خويتك وقول لها ماااالت عليك مالقيتي إلا تركي تناظري في خشته..
تركي:يوصل يله باااااي..
بندر رفع جواله ودق على دانا رن مره ثنتين ثلاث وماردت:اففف ردي عااد..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابودانا××
ريناد:بندر صح..
دانا تناظر جوالها:ايه ارد وإلا..
ريناد:طبعاً اكيد ايه ردي..
دانا:طبعاً اكيد لاماراح ارد..
ريناد:ليه حرام عليك..
دانا:حرمت عيشة العدو اذا يبيني يروح يفهم اخوه انه يحبني..
ريناد:اه يادانوه بتاخذين ذا الملاك عطيني اياه تكفين..
دانا عصبت:هييييييييييييييييه رينادوووه ترى مابعد خطبني نايف علشان تحطين عينك عليه..

يتبــــــــــــع..<<




jl,j ud,kil tdkd >> ,hkh f; ldji udkd hg[.x hgph]d uav hgph]d hg[.x jl,j f; udkd ud,kil uav tdkd












عرض البوم صور غاليه بعيون مغليها   رد مع اقتباس
قديم 04-10-2011, 02:55 PM   المشاركة رقم: 2
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الحادي عشر

تابـــــــــــــع..<<

ريناد بأستغراب:احط عيني على مين..
دانا بدلع:بندوري..
ريناد رمت عليها المخده وتقلد صوتها:بندوري حقك ذا تهني فيه انا اقصد نايف..
دانا ارتاحت:اشوى..<<ورن جوالها..
ريناد:ياختي حرااام ردي..
دانا قفلت جوالها مره وحده:اذا تفاهم مع اخوه يجي يحاكيني..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

..الساعه ((11pm))..
××في المستشفى××
مشعل:خلاص لاتبكين ان شاء الله يكون بخير..
البنت بصوت مخنوق:مالي غيره في هالدنيا وشلون بعيش بدونه..
مشعل:اهدي شوي اروح اجيب لك شي تشربينه..
البنت لفت عليه:لا شكراً تعبتك معاي يا..<<وسكتت..
مشعل ابتسم:مشعل وانتي صار لنا اربع ساعات مع بعض ولاعرفت اسمك ..
البنت ذوبتها ابتسامته:في..
مشعل:عاشت الاسامي هاه ماودك تشربين شي مويه طيب..
في:اوكي (ناظرت في يده كان لافها بمنديل) يدك تنزف..
مشعل ناظر في يده:جرح بسيط..
في:اي جرح بسيط شوف وشلون المنديل احمر روح لدكتور..
مشعل:ماله داعي..
في بدون شعور مسكت يده:كل هالدم وماله داعي (سحبته) تعال معاي..
مشعل:وين..
في:لدكتور لو تركتها كذا جرحك بيتلوث..
مشعل ترك يدها:عن جد ماله داعي..
في لفت عليه وتأففت:بلا عناد يله بايع نفسك انت يله تعال..
مشعل هز راسه ومشى وراها...

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

تركي في المملكه يدور مع البنت اللي متعرف عليها...
البنت وهي طايره من الفرحه:وااااااااااااوو مااصدق ان اللي جنبي تركي معذب البنات بقهر صديقاتي خويي تركي من قدي وهم فرحانين بأحمد ولد الوزير..
تركي بأبتسامه مصطنعه:ماشاء الله انتي وصديقاتك تتنافسون مين اللي خويها احلى..
البنت بأبتسامه:افكورس..
تركي كشر:والله..
البنت:اذا منت مصدقني اسأل اختك..
تركي بصدمه:اختي..
البنت ببرائه:ايه اختك مو انت تكلم بنات اكيد هي تكلم شباب اخوي عادي اذا شافني اكلم ولد مايقول شي..<<طبعاً كل هالحكي كذب في كذب اتحدى واحد يشوف اخته تكلم واحد غريب عنها ومايكفخها..
تركي لفها عليه بعصبيه:والله اذا الناس مثلك ومثل اخوك خربت الدنيا اكثر مما هي خربانه وعلى فكره اختي اشرف منك ومن اللي خلفوك سمعــــــــــــتي..
البنت تسحب يدها:اتركني شوف الناس تطالعنا..
تركي على صوته:خليهم يطالعون انا ابيهم يطالعون (دفها عنه بقوه وطاحت على الارض) اذا شفتك مره ثانيه قسم بالله انسيك حليب امك..<<وراح عنها بعصبيه...
صديقة البنت جت:هههههههههههههههه هاه وش فيه معذب البنات تهاوشتي معاه..
البنت وقفت وتنفض عبايتها وتعدل طرحتها:انقلــــــــــعي عني..
صديقات البنت يضحكون على شكلها:ههههههههههههههههههههههههههههههههههههه..
البنت تتوعد"والله لاوريك يازفت مو انا اللي ينصرخ في وجهها اويك ياحقير ياسافل يا...,...,...,..<<وانواع المسبات اللي حافظتها قالتها..
رفعت جوالها....
:هاااااي ميدووو..
احمد:اهليـــــن وسهلين بهالصوت هلا بنوف..
نوف بدلع:ميدوو انت ترضى لي المذله..
احمد:افاااا من يذلك يابعد قلبي وانا عايش..
نوف بقهر:شوف عندي واحد ابغاك تمحيه من على الارض قال ايش بينسيني حليب امي والله لأنسيه اصله واللي جابوه..
احمد:مين هذا ياحياتي..
نوف:طيب حبيبي عندك شغل الحين..
احمد يناظر جنبه جنا نايمه عنده وتقرف:لا ماعندي..
نوف:نطلع نتعشى سوا..
احمد:مالي خلق اطلع تعالي انتي عندي..
نوف:وين..
احمد:لبيتي..
نوف:ههههههههههههه بيتك قول قصرك اه لو كان عندي ربع الحلال اللي عندك ماقعدت هنا ولالحظه كان عشت في نيويورك او لندن..
احمد:اتركينا من هالحكي حياتي انا انتظرك لاتتأخرين..
نوف:اوكي بااي..
احمد:باااي..<<وسكر والتفت على جنا وهزها..
:هيـــه انتي..
جنا التفتت للجهه الثانيه:اممممم ميدوو اتركني انام مانمت يومين..
احمد:ماانكسر ظهرك من النوم على الكنب..<<جعله ينكسر يارررب..
جنا قامت:آآآآه انا لو انام على حجر من قصركم احس نفسي نايمه على احسن سرير في العالم..
احمد وقف:إظاهر بتجيني عين قويه منك ومن نوف المهم روحي غسلي وجهك وتعدلي نوف بتجي بعد شوي..
جنا بلامبالاة:ايه وتجي وانا وش علي منها مابقى إلا هي اتعدل علشانها..
احمد بطفش:لحووووول بتقومين وإلا وشلون..
جنا وقفت وبدلع:طيب كل شي ولازعلك حياااتي..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت الجده نوره××
ريم وقفت:دايمــه..
ام نايف:وين حبيبتي ماكلتي وإلا الاكل ماعجبك..
ريم ابتسمت غصب:بالعكس خالتي الاكل يجنن تسلم يدينك..
ام نايف:بالعافيه حبيبتي..
ريم:على قلبك..
مها قبصتها مع فخذها:ياحركااااات..
ريم مالها خلق راحت تغسل وبعدها طلعت للحديقه رفعت جوالها واتصلت على....
:هاااي هديل..
هديل:اهلين كيفك ريووووم..
ريم بصوت مخنوق:بصراحه مو بخير..
هديل:افااا ليه..
ريم:تعبانه شوي..
هديل:سلامتك تعالي عندي وإلا انا اجي عندك..
ريم:انا مو في البيت في بيت جدتي..
هديل:تعالي عندي خلود موجوده..
ريم:اوكي طيب ربع ساعه واكون عندك..
هديل:اوكي باااي..
ريم:باااي..<<سكرت ولفت إلا تلقى بوجهها راكان يناظرها من فوق لتحت بخبث ويبتسم....
راكان:اشوف الحلووو زعلان..
ريم بدون نفس:انت متى يصير عندك كرامه وتبعد عن طريقي..
راكان:ماابي الكرامه اذا كانت بتبعدني عنك..
ريم تأفف ولفت لكنه مسك يدها:ليه تتهربين..
ريم:اتهرب من ايش...
راكان:من حبي لك يااختي انا اعشقك اموت على تراب رجليك..
ريم سحبت يدها:لاتذل نفسك ترى ماوراي فايده..<<وركضت لداخل خذت عبايتها وراحت لأمها..
:ماما انا رايحه..
ام مشعل:وين..
ريم:لبيت خالتي وفاء..
ام مشعل:وجدتك..
ريم:ماما بعد شوي بيروحون (باستها) تكفين خليني اروح..
ام مشعل:اوكي روحي بس لاتتأخرين..
ريم:اوكي باااي..<<لبست عبايتها وطلعت وشافت تركي....
تركي:الى اين..
ريم:ههههههههههههههههههههه الى يثرب..
تركي:لا والله من جد وين رايحه..
ريم:لبيت هديل السواق فيه..
تركي:ايه بس انا اللي بوديك امشي..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في المستشفى××
في ماسكه يد ابوها وتبكي:حمد الله على سلامتك..
ابوفي بتعب:لاتبكين انا بخير امسحي دموعك..
في ابتسمت ومسحت دموعها لفت على مشعل اللي كان ساند جسمه على الجدار ويبتسم..
:الفضل لله ثم لمشعل ماقصر..
ابوفي:الله يجزاك خير على اللي سويته تعبناك معنا..
مشعل:لاتقول كذا ياعم انا ماسويت غير الواجب المهم طلعت بالسلامه يله انا استئذنكم..
في بحزن:اجلس لاتروح..
ابوفي:خليه يروح يرتاح تعبناه..
مشعل:تعبك راحه يله مع السلامه..
في وقفت وراحت لمشعل:لو ماكنت فيه كان الله واعلم وش صار في ابوي..
مشعل ابتسم:في..
في:لبيـ...(ارتبكت) نعم..
مشعل:انتبهي عليه وبكره بجي اتطمن عليه اوكي..
في:اوكي..
مشعل:يله مع السلامه..
في:باااي..<<لفت على ابوها..
:خوفتني عليك لو عدتها مره ثانيه ياويلك..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××عند سعد××
سعد مشغول بالمفات اللي قدامه..دخل عليه صديقه محمد..
محمد:بتموت نفسك من الشغل ياخي الدوام مخلص من نص ساعه..
سعد:بس بخلص من ذولي واطلع (رفع راسه) انت طيب ليش قاعد للحين..
محمد:انتظرك ياحظي علشان نتعشى سوا..
سعد:طيب انتظر شوي..
محمد:جوعااان خلاص عندك وقت خذ هالملفات معك للبيت..
سعد:علشان مرتي تدوس في بطني عقدتها من شغلي..
محمد بأستهزاء:تدوس في بطنك خلها الحين تشيل نفسها..
سعد رمى عليه القلم وبعصبيه مصطنعه:ذاب الميانه الاخ..
محمد:هههههههههههههههههههههههه..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابودانا××
دانا جالسه في البلكونه وتفاجأت بسيارة بندر واقفه وبندر متربع فوقها..مسكت نفسها لاتضحك ورفعت جوالها..
:خير انت وش اللي جابك..
بندر:زين اني سويت ذا الحركه علشان تدقين علي حراام اللي تسوينه فيني ارحميني..
دانا:بندر روح من قدام بيتنا وش بيقولون الجيران..
بندر:يقولون اني مجنون بوحده اسمها دانا ودانا ذي من الصبح مطنشته وبيقولون انه تعب من كثر مايدق عليها ودخن جواله وصح نسيت اقولك حساب فاتورة جوالي عليك..
دانا:ههههههههههههههههههههههه..
بندر بفرحه وقف على السياره:واخيـــــــــــراً ضحكتي..
دانا:هههههههههههههههههههههه اقول بندر بلا هبال انزل..
بندر ينطط:علشان يكمل الهبال صدق..
دانا:ههههههههههههههههههههههههههههه انزل..
بندر نزل:رضيتي عني الحين..
دانا:لا..
بندر ارسل لها بوسه في الهوا:هاه رضيتي..
دانا حمر وجهها ودخلت غرفتها وسكرت السماعه..
بندر باس جواله:فديتك وفديت اللي جابوك وفديت جماعتكم بكبرها..

(!@#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت الجده نوره××
هيفاء تدق على احمد بس مايرد:ياخي تكفى رد..<<لفت وشافت فيصل يراقبها من فوق لتحت..
:خير فيه شي..
فيصل مبلم:هاه لامافيه شي..
هيفاء مشت لناحيته:لو سمحت بعد بدخل..
فيصل ماتحرك من مكانه..
هيفاء:ماتسمعني يله بعد..
فيصل بلع ريقه وبعد:تفضلي..
هيفاء بدلع:ثاااانكس..
فيصل مفهي في ملامحها عيون وساع سوداء ورمش طويل وكثيف..
فم صغير حبة توت..
شعر اسود سواد الليل طويل ومموج لناهية ظهرها..
كانت جذاااااابه فاااتنه بمعنى الكلمه..
مها ولمى طلعوا وهم لابسين عباياتهم..
مها:يله..
فيصل ماتحرك من مكانه ولارد..
لمى:فيصل..
فيصل:.............
لمى صرخت في اذنه:فصوووووووول..
فيصل ماسك اذنه:ووووووووجع ان شاء الله..
مها:وين عقلك فيه..
فيصل معصب:عقلي في راسي يله قدامي انتي وياها..<<وراح للباركينغ وفتح سيارته بعصبيه..
لمى بهمس:وش فيه اخوك..
مها وهي تمشي لناحية السياره:وانا وش يعرفني..













عرض البوم صور غاليه بعيون مغليها   رد مع اقتباس
[/table1]












قديم 04-14-2011, 12:14 AM   المشاركة رقم: 3
المعلومات
الكاتب:
اللقب:
~..جريحــهـ...~
الرتبة:
الصورة الرمزية
 
الصورة الرمزية ~..دمــووع..~

البيانات
التسجيل: Jan 2011
العضوية: 75038
المشاركات: 1,382 [+]
بمعدل : 0.42 يوميا
اخر زياره : [+]
معدل التقييم:
نقاط التقييم: 15
 

الإتصالات
الحالة:
~..دمــووع..~ غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الحادي عشر

[table1="width:95%;"]
ايووووووووووووه نكمل نكمل ...
بس بااجر ان شاء الله ...
تحيااتي
دموووع
توقيع : ~..دمــووع..~

عرض البوم صور ~..دمــووع..~   رد مع اقتباس
قديم 04-14-2011, 01:43 AM   المشاركة رقم: 4
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الحادي عشر

هههههههههههههههههههههههههههه


ان شاءالله












عرض البوم صور غاليه بعيون مغليها   رد مع اقتباس
قديم 04-19-2011, 03:41 AM   المشاركة رقم: 5
المعلومات
الكاتب:
اللقب:
عضو فضي
الرتبة:
الصورة الرمزية
 
الصورة الرمزية أحلام وردية

البيانات
التسجيل: Jan 2011
العضوية: 74914
المشاركات: 1,997 [+]
بمعدل : 0.61 يوميا
اخر زياره : [+]
معدل التقييم:
نقاط التقييم: 19
 

الإتصالات
الحالة:
أحلام وردية غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الحادي عشر

نتابعك غالية

وننتظر البقية












عرض البوم صور أحلام وردية   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ميته, الحادي, الجزء, تموت, بك, عيني, عيونهم, عشر, فيني, وانا

جديد منتدى قصص - روايات قصيره وطويله


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 12:43 PM.


Powered by vBulletin® Version 3.8.9
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.1