قصص - روايات قصيره وطويله قصص طويله , قصص واقعيه , روايات ألف ليله وليله , قصص حب , قصص خياليه


إضافة رد
 
LinkBack أدوات الموضوع انواع عرض الموضوع
قديم 04-14-2011, 01:51 AM   المشاركة رقم: 1
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

المنتدى : قصص - روايات قصيره وطويله
Icon777 (46) تموت عيونهم فيني .. وانا بك ميته عيني الجزء الرابع عشر

..الجـــ الرابع عشر ــــزء..

نايف وقفت:تسمحين لي اوصلك..
ريم ناظرت في جدتها وكأنها تقول لها تكفين قولي له ((لا)) بدالي...
الجده نوره:تسوي خير على الاقل ماتخليني اقلق عليها..
ريم بأرتباك:بس يـ..
الجده نوره:لابس ولاشي روحي البسي عبايتك..
ريم دخلت الفيلا بلعت غصتها وصدرها يرتفع وينزل غمضت عينها وخذت نفس طويل تحاول تهدي نفسها"كيف الحين اتحمل ياربي ارحمني والله مااقدر اتحمل"..
الجده نوره:يله يمه ريم نايف ينتظرك في السياره..
ريم لفت عليها:جايه..<<لبست عبايتها وخذت شنطتها وجاكيتها وباست راس جدتها..
:يله يمه تصبحين على خير..
الجده نوره:وانتي من اهله سلمي على ابوك وامك واخوانك..
ريم وهي تمشي وتعدل طرحتها:يوصل مع السلامه..<<طلعت وشافت باب السياره اللي قدام مفتوح لها..
نايف يأشر على المرتبه اللي جنبه:تعالي..
ريم ناظرت السياره "بورش"مافيها إلا مرتبتين قدام انصدمت بتركب قدام وجنبه بعد...
نايف:يله..
ريم بتردد ركبت وسكرت الباب:اسفه بتعبك معاي..
نايف:لاتعبك راحه..
..وجلسوا ربع ساعه ساكتين..وكل دقيقه والثانيه نايف يلتفت على ريم اللي لافه وجهها على الشباك تناظر شوارع الرياض وزحمتها اللي ماتنتهي حتى في نص الليل..ناظرها يحس بشعورغريب ناحيتها قلبه يدق بسرعه لما يشوفها..حتى يده اللي حاطها على الدركسون عرقت فرك يديه مع بعض وولع المكيف حاس ان الجو حااااار..
ريم لفت عليه:متعود على جو كندا..
نايف ابتسم:حمد الله اني ولعت المكيف علشان تتكلمين..
ريم:بس انا اللي انتظرك تتكلم..
نايف:ههههههههههههههههههههههههه الحين كل واحد منا ينتظر الثاني يتكلم اول..
ريم مسكت قلبها"تكفى لاتضحك ضحكتك بس تذوبني"..
نايف:وش تحبين تسمعين..
ريم رفعت كتوفها:اي شي..
نايف:تحبين تسمعين لماجد..
ريم:ايه كثير..
نايف دخل السي دي لماجد المهندس:هاذي الاغنيه اعشقها....

وبدا صوت ماجد...
..إنسى كل الناس..خليني احظنك..غمض عيونك..وإنسى في حظني نفسك..
إنسى عمرك..وانسى عمري..امتزج بيا وصيرعطري..
ليش وانا وياك احس بالوقت يجري..
هاذي اول مره احس كلي عشق..آآآآه..عطني فرصه اتنفسك خاف اختنق..
وياك انت تأكدت..اني قبلك ماعشت..
وعلى كل لحظه بدونك ياحبيبي تندمت..
إنسى عمرك..وانسى عمري..امتزج بيا وصير عطري..
ليش وانا وياك احس بالوقت يجري...
::
نايف:وش رايك..
ريم"تبيني اقول رايي هاذي الاغنيه تعبر عن احساسي يوم حبيتك":حلووه..
نايف عض شفايفه"والله انتي الاحلى اف وش قاعد اقول انا"..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابوفيصل××
مها جالسه ثلاث ساعات على الماسنجر..
((مجروحه تنتظر مين يداويها))..<<مها..
صار لنا ثمانيه شهور نكلم بعض وماعرفت اي شي عنك..
:
((عاشق سراب))..
تبين تعرفين..
:
((مجروحه تنتظر مين يداويها))..
اذا تبي تقول قول اسمعك..
:
((عاشق سراب))..
قصدك تناظرين..
:
((مجروحه تنتظر مين يداويها))..
هههههههههههههههههه ايه صح اناظر..
:
((عاشق سراب))..
وش تبين تعرفين..
:
((مجروحه تنتظر مين يداويها))..
كل شي عنك..<<وحطت وجه يطلع لسان..
:
((عاشق سراب))..
اوكي..انا عمري 22 في ثاني جامعه ادرس في جامعة الملك فهد للبترول والمعادن في الظهران..
:
((مجروحه تنتظر مين يداويها))..
انت عايش في الظهران؟؟..
:
((عاشق سراب))..
لا في الدمام..
:
((مجروحه تنتظر مين يداويها))..
اها ايوه كمل..
:
((عاشق سراب))..
و عندي اخت وحده بس وعايـــــــش..
:
((مجروحه تنتظر مين يداويها))..
وامك وابوك وينهم..
:
((عاشق سراب))..
متوفين من كم سنه..
:
مها ضاق صدرها حست انها ضايقته بسؤاها:اف على اللقافه اللي فيني مااااالت علي..
:
((عاشق سراب))..
الوووو مجروحه وينك..
:
((مجروحه تنتظر مين يداويها))..
هلا انا معاك اسفه على سؤالي..
:
((عاشق سراب))..
ماله داعي تتأسفين عادي..
:
انفتح باب غرفة مها بقوه ومها نطت الخوف..
لمى:للحين مانمتي..
مها حطت يدها على قلها:عمـــــــــــــى خرعتيني دقي الباب اول ماتدخلين علي ويله لو سمحتي اطلعي..
لمى تناظر في اللاب توب:للحين تسولفين معاه..
مها:ايه عندك مانع..
لمى:لا دواس خخخخخخخخخخخخخ..
مها:اف لمى مالي خلقك ترى..<<ولفت على اللاب توب..
:
((مجروحه تنتظر مين يداويها))..
عاشق اكمل معاك بعدين لان فيه ناس نكد في نكد جو عندي..
:
((عاشق سراب))..
خخخخخخخخخخ الله يعينك عليهم يله تصبحين على خيــــــر..
:
((مجروحه تنتظر مين يداويها))..
وانت من اهله..<<وسكرت اللاب توب ولفت على لمى..
:يله لو سمحتي اطلعي بنااام..
لمى:وانا ماجاني نوووم..
مها:وش اسويلك يعني احكي لك قصه علشان تنامين..
لمى بحماس:والله ياليت..
مها:جهزتي اغراضك..
لمى:من بدري..
مها تمددت على السرير:لمى الله يخليك اطلعي والله اليوم امك كسرت ظهري من الشغل ابي ارتاااح..
لمى نطت على السرير: سؤال واحد وابيك تجاوبين عليه بصراااحه..
مها تتثاوب:ايه وشو خلصيني..
لمى:الحين انتي تحبين عاشق مدري ايش..
مها بأنفعال:مجنونه انتي انا مااحب إلا مشعل مشعل وبس افهمي..
لمى:اجل ليه تكلمين هذا..
مها:اتسلى اضيع وقت (شوي وبتبكي حطت المخده على وجهها) لمى تكفين اقلبي وجهك ابي انااام..
لمى وقفت:اف نامي تصبحين على خير..
مها:...............
لمى رفعت المخده عن وجه مها:اوووه ذي على طول نامت مسكينه امي استلمتها اليوم..<<وسكرت النور والباب وراحت لغرفتها...

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في سيارة نايف××
نايف وقف عند بيت عمه:وصلنا..
ريم فتحت باب السياره وقبل تنزل:مشكور على التوصيله..
نايف:ماله داعي تشكريني يله تصبحين على خير..
ريم:وانت من اهله..<<ونزلت..
نايف ماتحرك إلا لما تأكد انها دخلت بعدها راح للبيت وطلع غرفته رمى نفسه على السرير حتى ماتكرم يبدل ملابسه ريحة عطر ريم عالقه فيها..حط راسه على مخدته وناااام براحه يحس ان هالليله احلى ليله في حياته..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

..((الساعه4الفجر))..

طلعت من الحمام (الله يعزكم) بعد ماتحممت شالت شنطتها وحطتها على السرير"ياااربي عسى مانسيت شي"..
قطع تفكيرها صوت امها تصارخ من صباح الله:هيفاااااء روحي صحي اختك العله..
هيفاء تأففت وهمست:اف وليه ماتصحينها انتي وإلا مالك رجلين..
ام راكان:عســــــى بس مانمتي يالعله الثانيه..
هيفاء طلعت:لا ابشرك مانمت ومشاعل خليها تنوم شوي ماجت من سهرة امس إلا الساعه ثلاث..
ام راكان:روحي صحيها اقول..
هيفاء وهي تمشي لغرفة مشاعل:اف..<<وفتحت الباب لقتها غرقااانه في النوم والغرفه مظلمه تثاوبت"والله غرفتها تجيب النوم"..
راحت لها وهزتها:شعوووله..
مشاعل:هممممم..
هيفاء:اصحي بنمشي بعد شوي..
مشاعل فتحت عينها بصعوبه:كم الساعه..
هيفاء:اربع..
مشاعل غمضت عينها:تو الناس خليني انام..
هيفاء:امك بتذبحنا شكلها اليوم ناويه علي وعليك..
مشاعل قامت:ياااربي من هالام البلشه راكان صحى..
هيفاء وهي تطلع:مدري اظن لا صحيه انتي..
مشاعل نطت:اكيد انا ومين بيصحيه غيري..<<مشت لناحية غرفته فتحتها بهدوء ومشت على اطراف اصابعها لسريره شافته نايم على بطنه وحاط يدينه تحت مخدته والبطانيه على رجلينه تنهدت..
:الله لايحرمني منك يااااارب..<<فتحت الابجورات وجلست جنبه شافت دفتر وعليه قلم مفتوح على الطاوله الثانيه ذبحها الفضول تبي تعرف وش فيه راحت ورفعته..
××
خــلاااص الحلم ضاااع ومابقى لهاذي الحياة لزوم
اموت احسن لي واريح بالي وارضى بأقداري
أعيش لأيش والحاله شقى ومن الفرح معدوووم
طبيعي أستلذ الموت واتحرر من اسواري
وش احسن دربي المجهول وإلا ظلمة المعلوم؟؟
آكيــد الأفضل اني انتهي وأغادر دياري
ابي اسكن تراب الأرض والقى حتفي المحتوم
بعد ما ملت الدنيا بكاآاآي وعزف أوتاري
أحس القبر متلهف يبيني وآنا له معزوم
أحس ان الكفن ثوبي وأحس ان الثرى داري
أوصيكم إذا مت اكتبوا ع الشاهد المحروم..
لأني من عرفت الصدق والحرمااان مشواري
تجارب هالزمن فيني عديده والفشل بالكوم
حظوظي تمتحني والنتيجه كثرة أصفاري
مآسي مالها آخر ومكتوب العذاب يدوم
حقيقه ماتغيرها اساليبي وانكاري
على ايديني اعض من الندامه والالم و اللوم
محطــم كل ما فيني وهذا موجز آخباري
من خيوط الوهم ابني قصر إحساسي المهدوم
كأني في مهب الجرح ريشه مالها طاري
معلق في كلاليب العذاب وكاسه المسموم
تمكن في العظام وفي خلايا دمي الساري
ثعابين وعقارب والغراب الاسود المشؤوم
عديم الحال عاجز استغيث بأهلي وجاري
رهين الصمت والحسره وصوتي بالحشا مكتوووم
شعوري بالغرابه والكآبه توه آفكاااري
مدى الأيام اتوسد دموعي وانتظار النوم
أحارب من بداية مولدي إلييين اليووم
وحرمني حظي العاثر امارس ابسط ادواري
كأني والزمن في مشهد السجان والمظلوم
حكايه مختصرها كيف يجلد جلدي العاري
قضيه كنت فيها وحدي اللي بالشقا محكووم
وضدي ألف حاكم ماعرف وزني ومقداري
نصيبك يا ابن آدم في السعاده و الشقا مقسوم
طريق وسالكينه كلنا والدرب اجباري
وأنا في صفحة الآقدار حظي واضح ومرسوم
ومن يجهل معاناتي يراجع دفتر أشعاري
آنا في مدرسة حزني كـطالب حيلته مفهوم
اذاكر همي واكتب إلييين ابيضت احباري
ركبت الموج ما أعرف قوانين الغرق والعوم
مضيع في عواصف دمعي المجداف والصاري
بكيـــت ومالقيت اللي يوآسي ضيقة المهموم
بكمل رحلتي في صمت ويبقى الدمع تذكاري
لأن الحظ رافض لو على انقاض يقوم
تجمهر شوكه الأسود على تمويت أزهاري
مدامك يالأجل واقع وامرك بالقضا محسوم
وماللموت في دنيا البشر بايع ولا شاري
متى أطري على بالك وتنتهي قصة المضيوم
متى فاسك يحقق لي مناي ويقطع اشجاري
متى يبدأ العزا فيني ويسبقني لقب مرحوم
متــى الحلقه الآخيره من مسلسل عمري الجاري؟؟
×
نزلت دموع مشاعل لهالدرجه راكان يتألم مخبي كل هالحزن في قلبه وهي مو حاسه فيه..تحرك راكان في سريره ارتبكت وحط الدفتر مكانه..راكان فتح عيونه بصعوبه..
:مشاعل وش عندك هنا..
مشاعل مسحت دموعها وبأرتباك:ا...ا..جايه اصحيك..
راكان:وليه تصحيني (ناظر الساعه) تونا بدري شوفي كم الساعه..
مشاعل جلست جنبه:نسيت اليوم رايحين للشرقيه..
راكان ضرب راسه:اف تصدقين نسيت حتى شنطتي ماجهزتها..
مشاعل وقفت:ولو انا اجهزها لك حاظرين للحلوين..
راكان خذ الدفتر وسكره وحطه في الدرج ووقف:مشكوره وياليت تكملين معروفك وتعطيني روبي..
مشاعل خذت الروب ومدته له وعيونها تلمع وعلى وجهها اكبر ابتسامه:تفضل..
راكان باس خدها:مشكوره..<< خذ الروب ومشى للحمام (الله يعزكم)..
مشاعل مو مستوعبه الحركه اللي سواها هي بحلم وإلا في علم ضحكت بهستيريا"آآآآآآآآآه ياربي مو مصدقه"..مشت لناحية الكبت حقه وفتحته وقعدت تدندن بفرحه..
سو انك مادريت وبوسيني..وسوها ثاني على انك تعتذر..وقول اسف ماانتبهت وضمني..والعذر مقبول ولك مني شكر..هههههههههههههههههههههههههههه..
راكان كان يتحمم وسمعها ضحك بأستهزاء:هههههههههههههههه حمد الله والشكر وش فيها هاذي ياانهبلت ياانهبلت مافيه حل ثالث..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابومشعل××
ريم واقفه قدام المرايه وترفع شعرها ذيل حصان خلصت وشافت لبسها بلوزه هاينك لونها اصفر وبنطلون جينز راحت لسريرها اللي مرميه عليها ملابسها وشنطها خذت شنطه"غوتشي"وحطت فيها علبة مكياجها وعطورها وكريماتها وجوالها ماتدري وين حطته وقعدت تدور عليه:اف ذا وين حطيته..
ام مشعل دخلت الغرفه وهي لابسه عبايتها:يؤيؤ ريم وش ذا الحوسه كلها..
ريم مو معاها:....................
ام مشعل:ريــــــــــــــــم..
ريم لفت:هلا ماما من متى انتي هنا..
ام مشعل:قبل شوي الحين وش ذا الحوسه..
ريم:وش اسوي جوالي ضايع..
ام مشعل:وكل هالحوسه علشان جوال..
ريم رفعت شنطتين من على سريرها ورمتهم على الارض:حمد الله لقيته..
ام مشعل:يله ابوك ينتظرنا في السياره..
ريم خذت عبايتها من الشماعه وطلعت قبل امها:يله يله..<<وهي في نص الدرج تذكرت شي..
:افففففففففففف..
ام مشعل:وش فيك تتأفين..
ريم ترقى الدرج بسرعه:نسيت شنطتي..
ام مشعل بطفش:اذا بنقعد على ذا الحاله عز الله مارحنا..
تركي طلع من غرفته ويلعب بالمفتاح:صباااح الخير..
ام مشعل تهز رجلها:صباااح النور (علت صوتها) يله يابنـــــــــــــت..
ريم سكرت الباب ونزلت بسرعه:يله يله..
ام مشعل:تركي تعال معنا سوق بدال ابوك..
تركي:لايمه انا بروح مع نايف..
جمدت في مكانها لما سمعت اسمه حست انها ماتقدر تحرك طرف اصبعها قلبها بدا يدق وكأنه بيطلع من مكانه ماحست بنفسها إلا بضربه خفيفه على ظهرها..
:يله تراهم بيروحون عنك وابتلش فيك..
ريم تركض لناحية الباب:لاااااا كل شي ولااروح معك (همست) كفايه علي امس تبي تجيني جلطه..
تركي:وش قلتي..
ريم:اقول انتبه وانت تسوق لاتدخل في عامود من كثر ماتفكر في لموووو..<< وغمزت له وطلعت..
تركي ابتسم ورفع جواله:هلا ابوسعووود..
نايف صوته كله نوم:اهلين..
تركي:انت لسه ماصحيت..
نايف يتثاوب:وش تبي..
تركي:نسيت انك صاجني تبي تروح معي يله قوم تراني عند الباب..
نايف:طيب عطني عشر دقايق..
تركي:اوكي لاتتأخر بااااي..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابوفيصل××
مها صحت من الساعه ثلاث تجهز كل شي:هاتي انا اشيل عنك..
ام فيصل بأستغراب:وش صاير لك اليوم..
مها بأبتسامه وسيعه:ولاشي..
ام فيصل:وين اختك ماصحت..
مها لفت على امها:لا ماصحت اروح اصحيها ايه طيب تامرين من عيوني..<<وطلعت..
ام فيصل بصوت عالي:انهبلتي انتي..
مها بصوت اعلى:لا انا بكامل قواي العقليه بس اوفر عليك الحكي (وهمست لنفسها وهي ترقى الدرج بسرعه) لوتدرين مين بشوف اليوم كان مالمتيني على هالهبال يااااااربي يامشعل اشتقتلك (وغنت)..

شوقي لك ماهو شوي..ياحبيبي ولاانساك..
شوفتك عندي الفي..وعمري القاه ويااااك..

فيصل دخل بالبجامه الثقيله هاينك كحلي مع بنطلون ابيض وحاط الفوطه على كتفه:صبااح الخير يمه..
ام فيصل:هلا يمه صباح النور..
فيصل:بتمشون..
ام فيصل تسكر نور المطبخ وطلعت:ايه بعد شوي..
فيصل لحقها:وين البنات..
ام فيصل تاخذ عبايتها:شفهم فوق..
ابوفيصل:يله رنا تأخرنا على الوالده (لف على فيصل) فيصل مها ولمى خذهم معاك..
فيصل كشر:ايه طيب ان شاء الله..
ابوفيصل:كأن كلامي مو عاجبك..
فيصل ابتسم غصب:لا بالعكس عاجبني ونص الله يعيني بس على طولة لسان لمـــيوه..
وسمعــــــوا صوت صراخ لمى:يالدبــــــــــــا خلاص بعدي بصحى لحالي..
فيصل ميل فمه:شفت..
فهد كان متمدد على الكنب ونايم ومن صوت صراخ لمى صحى مرتاع:بسم الله الرحمن الرحيم خير وش صاير..
فيصل:لا ابد ماصار شي بس اختك جتها حالة ولاده..
ام فيصل ضربت راسه:استح على وجهك ياولد..
فيصل ماسك راسه:آآآآآآآآخ ماقلت شي..
ابوفيصل:يله ابوفيصل قوم..
فهد وقف:ابومحمد لوسمحت مابقى إلا هاذي اسمي ولدي على اسم ذا الدلخ..
فيصل فتح عيونه على اخر شي: لك الشرف تسمي ولدك بأسمي وبعدين مين اللي بايعه نفسها وبتقبل فيك يالدلخ..
فهد بغرور:كثار..
ابوفيصل:يله فهد قدامي..
فهد:ان شاء الله..
××
××في غرفة لمى××
لمى تاخذ فوطتها وروبها وهي متنرفزه:يعني لازم تنكدين علي ماتعرفين تصحيني مثل الناس ماكلفتي عمرك تقولين كلمتين حلوين على هالصبح..
مها تلعب بخصلات شعرها وقالت بدلع:سووووري الكلام الحلو موفرته لميشووو فقط لاغير..
لمى رمت عليها الروب بعصبيه وقلدت صوتها:ميشووو فقط لاغير خير بتوقعين شيك انتي..
فيصل دخل الغرفه:لو سمحتوا انتي معها عندكم ربع ساعه بس اذا ماخلصتوا بتنطقون هنا سامعين..
لمى خذت روبها بعصبيه:هاتـــــــي..
مها:شوي شوي عاد بغيتي تسحبيني مع الروب..
لمى دخلت الحمام (الله يعزكم) وخبطت بالباب وهمست:الله يعيني عليك انت الثاني..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××في بيت ابونايف××
ابونايف وبندر يشربون قهوه..
ام نايف:قهوه على الريق والصبح بعد..
بندر:علشان نصحصح شوي ورانا اربع ساعات..
ابونايف:وهي وش يهمها ماراح تسوق ولاتسوي شي بس متمدده ونايمه..
ام نايف عصبت:ومن اللي بيصب لك الشاهي طول الطريق..
بندر بهمس:زعلت يله راضيها بكلمتين حلوين خخخخخخخ..
ابونايف وقف وجلس جنب ام نايف:لامايهون علي زعلك وهاذي بوسه على راسك..
بندر ماسك ضحكته:احم احم اظن ان فيه احد جالس احترموني على الاقل..
نايف نزل بسرعه من الدرج وهو حاط شنطته على جنب ويسكر ازاريره:صبااااح الخير..
بندر:وين طاير له..
نايف يفتح الباب:ولد عمك ينتظرني عند الباب يله سلاااااااااام..<<وطلع..
بندر وقف:يله ياقيس وليلى مشينا وكملوا فيلكم الهندي اذا وصلنا..
ام نايف حمر وجهها:بندروووووووووووووووه ووجع..
بندر:هههههههههههههههههههههههههههههههههه..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

**ومشوا كل العايله على طريق الشرقيه السريع**
؛
؛
مرت ساعتين ووقفت سيارة تركي وسيارة فيصل وسيارة ابومشعل عند المحطه..
نزل ابومشعل وهو ماسك ظهره:شكل ظهري بينكسر قبل مانوصل..
تركي:ههههههههههههههههههههههههه..
ابومشعل:وش فيك تضحك انت وخشتك هذا بدال ماتقول خلني اسوق بدالك..
تركي:وش اسوي عندي نشبه في السياره..
فيصل سلم على عمه وباس راسه:وش اخبارك عمي..
ابومشعل:الحمد الله بخير جاي لحالك..
فيصل:لا مها ولمى معاي..
تركي ابتسم بخبث:كيفك ابوبدَوووور..
فيصل:تماااااام..
تركي مشى لناحية سيارة فيصل اللي كان شباكها مفتوح:كيف الحلوووين..
لمى ارتاعت وعدلت جلستها بسرعه لانها كانت متمدده:تركي..
تركي ميل فمه على جنب ولف على مها:كيفك ميمي..
مها:الحمد الله بخير كيفك انت..
تركي ماكلف نفسه يناظر لمى او يسألها وش اخبارها:تماااام يله باااي..
مها:باااي..
لمى عيونها على تركي اللي مشى ولا التفت يشوفها وتأكدت الحين مليون بالميه انه كرهها نزلت دموعها:مستخسر نظره يناظرني فيها..
مها مستغربه هو ليش يسوي كذا:حتى ماسألك وش اخبارك معقوله كرهك..
لمى نزلت راسها وبكت بصوت مسموع:والـ..لـه امـ..وت لو كر..هـ..ني..<<وشهقت..
مها عصبت:لمى وش هالكلام..
لمى نزلت من السياره بخطوات سريعه..
مها:لمى استني يالخبله وين رايحه..

يتبـــــــــــــــع..<<



jl,j ud,kil tdkd >> ,hkh f; ldji udkd hg[.x hgvhfu uav hg[.x hgvhfu jl,j f; udkd ud,kil uav tdkd












عرض البوم صور غاليه بعيون مغليها   رد مع اقتباس
[/table1]












قديم 04-16-2011, 12:32 AM   المشاركة رقم: 2
المعلومات
الكاتب:
اللقب:
~..جريحــهـ...~
الرتبة:
الصورة الرمزية
 
الصورة الرمزية ~..دمــووع..~

البيانات
التسجيل: Jan 2011
العضوية: 75038
المشاركات: 1,382 [+]
بمعدل : 0.43 يوميا
اخر زياره : [+]
معدل التقييم:
نقاط التقييم: 15
 

الإتصالات
الحالة:
~..دمــووع..~ غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الرابع عشر

[table1="width:95%;"]
مكرر :(
توقيع : ~..دمــووع..~

عرض البوم صور ~..دمــووع..~   رد مع اقتباس
قديم 04-19-2011, 03:48 AM   المشاركة رقم: 3
المعلومات
الكاتب:
اللقب:
عضو فضي
الرتبة:
الصورة الرمزية
 
الصورة الرمزية أحلام وردية

البيانات
التسجيل: Jan 2011
العضوية: 74914
المشاركات: 1,997 [+]
بمعدل : 0.62 يوميا
اخر زياره : [+]
معدل التقييم:
نقاط التقييم: 19
 

الإتصالات
الحالة:
أحلام وردية غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الرابع عشر

حلوة القصة .. أكملي البقية

ونحن في الانتظار












عرض البوم صور أحلام وردية   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ميته, الجزء, الرابع, تموت, بك, عيني, عيونهم, عشر, فيني, وانا

جديد منتدى قصص - روايات قصيره وطويله


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 04:10 AM.


Powered by vBulletin® Version 3.8.9
Copyright ©2000 - 2019, vBulletin Solutions, Inc.
Search Engine Friendly URLs by vBSEO 3.6.1