قصص - روايات قصيره وطويله قصص طويله , قصص واقعيه , روايات ألف ليله وليله , قصص حب , قصص خياليه


إضافة رد
 
LinkBack أدوات الموضوع انواع عرض الموضوع
قديم 04-16-2011, 05:03 PM   المشاركة رقم: 1
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

المنتدى : قصص - روايات قصيره وطويله
Icon777 (46) تموت عيونهم فيني .. وانا بك ميته عيني الجزء العشرون


..الجـــ العشرون ــــزء..

..صبــــــــــاح العيد..الساعه 6..

نزل وهو كاشخ بالغتره البيضاء والثوب الابيض وجزمه سوداء"الله يكرمكم" ومضبط السكسوكه طالع يخقق..<<انسدحت البنت خخخخ..
ام نايف ابتسمت وهي ماسكه المبخره:طالع عريس الله يحرسك ويحفظك من العين..
نايف ابتسم وباس راسها ويدها:كل عام وانتي بألف خير..
ام نايف وهي تبخره وعيونها مدمعه:وانت بخير يمه (رفعت راسها له) جعلي ابخرك يوم عرسك قول آمين..
مرت في باله ريم وتنهد:آمين..
..كان يدور بالموس وحاط في لحيته معجون حلاقه دخل غرفة نايف وولع النور:نايـ..افففف وين راح ذا..<<دخل الحمام"الله يعزكم" وقعد يدور على معجون حلاقه مالقى طلع وفتح ادراج التسريحه ولفته شي وطلعه..
رفع حاجبه بأستغراب:الشال هذا للحين عنده مو قال بيعطيه لامي..
ناظر الشال بألوانه الزاهيه والمتدرجه بينك وعنابي..
عقد حواجبه يتذكر"انا وين شفته قبل كذا"..
تذكر يوم كان بسافر هو وتركي للكويت..
بندر:هاه هذا ناوي تعطيه لوحده من القيرل فريند..
تركي ماسك الشال:يخسون هذا لريم..
بندر بأستغراب ويفكر بصوت عالي:لاااا وش جاب شال ريم لنايف..
:بنـــــــدر..
بندر رمى الشال في الدرج وسكره بسرعه ولف عليها:هلا يمه..
ام نايف شهقت:توك تحلق..
بندر بأبتسامه غبيه:ماعندي وقت..<<قرب منها ورفع راسه بيبوسها بس دفته عنها..
ام نايف تأشر له بقرف:روح غسل اول بعدين تعال..
بندر عناد فيها باس خدها بقووووه وهي تحاول تبعده عنها بس هو ماسكها..
ام نايف صرخت:بندروووووه ووجع..
بندر تنهد:آآآآآآآخ تعبت..
ام نايف تمسح خدها:الله يقرفك خربت مكياجي..
بندر:ههههههههههههههههههههههه علشان ماتتعودينها مره ثانيه..<<وراح لغرفته وقف قدام المرايه وجلس يحلق وهو يغني..
رن جواله ..<<رفع الجوال وقرى المسج وهو يبتسم..

في خافقي شوق وغرام
وفي نظرة عيوني كلام
تقولك كل عام وإنت بخير
والعيد من غيرك ظلام

رفع الجوال وباااسه بقوووه:ياااابعد قلبي انتي..
رد عليها..
أنا ما أبي عيدية من أحد..
أنا عيديتي وجودك جنبي..
يا اللي ما مثلك أحد..
كل عاااااام وانتي بألف خييير حيااتي عقبال مااقولها لك فيس تو فيس..
××
..نزلت وهي في كامل اناقتها ونعومتها كانت ايه في الجمال والنعومه فستان اكمامه طويله وطايح من على كتفها..فوق الركبه من الحرير والشيفون مخطط بالابيض والاسود وشنطه حمراء صغيره..وصندل اسود بكعب عالي..وشعرها مموج وحاطه غرتها على جنب..وحاطه روج احمر وبلاشر احمر وماسكرا وحطت مناكير احمر..طلعت من نجمات هوليوود جذابه..ملاك على الارض..

مشعل صفر:اووووووه تجنين..
ريم ابتسمت:كل عام وانت بخيـــــــر..
مشعل:وانتي بخير..
تركي جالس على الكنب ماالتفت ولاتحرك:كل عام وانتي بخيـر..
ريم:وانت بخير طيب ورا ماتلف..
مشعل:خايف تخرب الكشخه خخخخخ..
ريم:هههههههههههههههههه..
رن جوال تركي مسج من صحى وجواله ماسكت..
مشعل:سوقك مااااشي افرح ياعم..
تركي كشر:افرح على ايش على قرادة حظي..
ريم غمزت له وهمست:قصدك لمووو..
تركي عطاها نظره:ريم احسن لك تسكتين..
ريم:نفسي اعرف وش بينك وبينها وش اللي قلب حالك فجأه حرااام عليك تراها دايماً تسألني تركي يكرهني؟؟..
تركي:وانتي وش تردين عليها..
ريم:اقووول انه يسأل عليك دايم..
تركي مسك رقبتها:ليــــــــــــــه بتخرب الخطه كذا..
ريم:اي خطــــه (دفته عنها) بعد خنقتني..
تركي وقف ورفع اصبعه بتهديد:شوفي اذا قالت لك تركي سأل عني وإلا اي شي من كذا قولي لها لا لاسأل ولاشي فاهمـــــه..
ريم هزت راسها بالنفي:لا مو فاهمه وش بتسوي..
تركي نط عليها وقبصها:اسوووي كذا..
ريم:آآآآآآي تركي بعد عورتني..
××
لمى تعلي صوتها بسبب صوت الاستشوار:ثبتي راسك ثبتيه..
مها:وشوووو..
لمى صرخت:ثبتي راسك مااعرف استشورك وانتي تهزينه..
مها دقت رقبه:مستااااااااااانسه اليوووم مدري ليه..
لمى بدون نفس:مهيووووه خلي دق الرقبــــــــه بعد مانخلص علشان ادق رقبتي معاك..
مها بحماس:اوكي..
ام فيصل دخلت:خلصتوووا..
لمى:دقيقه بس..
ام فيصل:استعجلوا الكل اللحين راح لجدتكم إلا إنا..
مها علت صوتها:ماما انتي روحي وإنا متى ماخلصنا جينا..
ام فيصل:طيب لاتتأخرون..
لمى:والله على شعرك ذا ما إنا مخلصين إلا بكره..
مها صرخت:وشوووو..
لمى:ولاشي (صرخت بعصبيه) ثبتي راسك..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××الريــــــــــــــــــــــاض××

طلع من جناحه وهو يتثاوب كان لابس شورت اسود بلوزه كت سوداء ماكان يدري إن اليوم عيـــــد لانه اصلاً مايدري عن نفسه...
رن التليفون..
احمد بطفش:اف من الغثيث اللي داق من صباح رب لعالمين..<<رفعه وبصوت كله نوم..
:خيــــــــــــــــــر..
جاه صوت حرمه كبيره:وليدي احمد..
احمد رفع حاجبه بأستغراب:خير مين..
الحرمه:هوووو احمد ماعرفتني انا عمتك حصه..
احمد بأستهزاء:يوووووه انتي للحين عايشه حسبتك ميته من زمان هههههههههههههههههههههه وحلوه هاذي هوو ليه كـ..؟؟ انتي..
حصه بعصبيه:بعد عمر طويل ان شاء الله وتكلم معي زين انا عمتك..
احمد:انتي بقالك عمر اصلاً رجلك والقبر ههههههههههههههههههههههههااااااي..
حصه ماسكه اعصابها:اقول وين اوبيك..<<يعني ابوك..
احمد بنفس الاستهزاء:اوبيي يمكن انه في الشركه او يمكن مسافر او يمكن بعد نايم هنا ماعندي فكره والله..
حصه عصبت وسكرت السماعه في وجهه..
احمد ميل فمه بأستهزاء:حمد الله ياربي على ذا المخلوقات اللي خالقها..
جنا دخلت والابتسامه شاقه وجهها:حبيبي انت هنا كل عااام وانت بخير..<<وباست خده..
احمد مسح خده بقرف:وش مناسبة هاذي كل عام وانت بخير وش السالفه..
جنا:ماتدري اليوم عيــــــد وااااااااي وناسه اليوم فيه سهره صح..
احمد عقد حواجبه:عيد والله توني ادري (قال بأستهزاء) هووو ورا ماتعيدتي مع اهلك..
جنا:ههههههههههههههههههههههههههههه وش هاذي هوو شكل مرتفعه حرارتك..
احمد جلس:لا هاذي تقولها اخت ابويي الغبيه المهم ورا ماتعيدتي مع اهلك مدامه عيد..
جنا فسخت عبايتها وكانت لابسه فستان احمر نص الفخذ وبدون اكمام جلست وحطت رجل على رجل:ماما جعلها المرض مسافره وابوي مثل ماتعرف مطلق امي ومايبي يشوف خشتي يحسبني ميته عليه..
احمد يناظرها من فوق لتحت بخبث:اوووه كاشخه اليوم..
جنا ابتسمت ابتسامه وسيعه بفرحه:عجبك..
احمد صفر:شــــــــــــــــــــــــي انتي اللي محليته يااااقلبي..
جنا بغى يغمى عليها اول مره احمد يمدحها:تكفى احمد خلاص بمووت..
احمد"اميـــــــــــــــــــن" وقف ومد يده:عندي لك مفاجأه..
جنا وقفت ومسكت يده:ايــــــش..
احمد سحبها:تعالي..<<ودخل هو وياها لجناحه..
××
صرخت من تحت:دااااااااااااااااااااااناااا..
دانا وهي نازله بسرعه وماسكه عبايتها وشنطتها:جيت جيت..
ريناد:حشا كل هذا تلبسين..
دانا:وش اسوي صندلي قاعده ادور عليه ساااعه..
ام دانا:هاه خلصتوا..
ريناد:انا خلصت عاد مدري عن بنتك السنعه..
دانا واقفه قدام المرايه وتحط غلوس:ايه ماما خلصت..
ام دانا تناظر دانا بأنبهار:بســــــــــم الله عليك يمه ربي يحفظك من العين عرووس ماشاء الله..
دانا استحت ونزلت راسها..
ريناد عطتها كوع وهمست:ياعينـــــــي على اللي يستحون (ناظرت امها) ماما وانا مو عروس..
ام دانا:وانتي بعـــــد الله يحفظكم اقروا المعوذات..
ريناد استانست:وااااااااااووو تخيلوا انا عروووس وناااااسه..
ابودانا:مستعجله على العرس هاه..
ريناد حمر وجهها:كل عام وانت بخير..
الكل:هههههههههههههههههههههههههههههههههههه..
دانا همست:هههههههههههااااي احسن تفشيلــه معتبره..
ريناد بخبث:عايدتي حبيب القلب..
دانا حمر وجهها وهمست:يا انك مصيبه..
ريناد:هههههههههههههههههههههه..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××الخبـــــــــــر××

الجده نوره:هــــــــــــــــــــــلا والله..
نايف باس راسها وهو يبتسم:هلا فيك كل عام وانتي بخير يمه..
الجده نوره دمعت عينها:وانت بخير يمه جعلي اشوف عيالك قول آمين..
نايف:وش سالفتكم انتي امي تجيبون طاري الزواج..
الجده نوره:نبي نشوف عيالك وانا امك..
مسحت دمعتها وتطصنعت الابتسامه ودخلت:سلام عليكم..
الجده نوره:هـــــــــلا يمه ادخلي هذا نايف لاتستحين منه..
نايف لف وابتسم:هلا ريم كيفك..
ريم تنهدت بقوه مسكت قلبها ومسكت الكنبه لاتطيح:تمام كل عام وانت بخير..
نايف:وانتي بألف خير حـ..اا<<ارتبك وسكت..
ريم"حـ وشوو" راحت لجدتها وباست يدها وراسها:كل عام وانتي بخيـــــر..
الجده نوره:وانتي بألف خير..
:صبـــــــــاح الخير..
لفوا على مصدر الصوت..
ريم كشرت وهمست:الله يجيبك ياطولة البال..
راكان:كل عاااااام وانتي بخير يمه (لف على ريم) وانتي ريووووم..
نايف انقهـــــــــر قال بدون نفس:وانت بخير..
راكان ماعطاه وجه ولف على ريم وناظرها من فوق لتحت بوقاحه:كيفك..
ريم ناظرته بأحتقار ولفت على جدتها:يمه انا رايحه فوق علشان تاخذون راحتكم..
راكان بسرعه:لا وين خلك..
ريم طلعت فوق وطنشته..
نايف ابتسم بنصر وهمس:احســـــــــن..
راكان سمعه وبأحتقار:نعـــــم..
نايف من بين اسنانه:نعامه ترفسك..<<وجلس وهو رافع حاجب ويناظر راكان بأحتقار..
راكان انقهر وعض شفايفه:يمه خوالي بيجون..
نايف:يعني وش رايك..
راكان عصب:انت محد كلمك..
نايف ببرود:افااا ياولد العمه هدي ماقلنا شي..
سمعتهم من فوق وابتسمت بنصر:يالبـــــــــى قلبك والله..
××
مشاعل تناظر لبس العيد اللي راميته على السرير وماراح تلبسه لانه فااااظح مره دمعت عيونها من القهر شاريته بملغ وقدره وماراح تلبسه بسبب راكان..
صرخت:اكـــــــــــــرهك ياراكانوووه الزفت..
طاحت علبة المكياج من يدها:مشاعل وش فيك..
مشاعل نزلت دموعها:مافيني شي..
هيفاء:وراك مالبستي..
مشاعل جلست على السرير:ماابي اروح..
هيفاء:ليــــــــه..
مشاعل غطت وجهها بيدينها وبكت:ماابـ...ي وبس..
انفتح الباب:هاه خلصتوا..
مشاعل مسحت دموعها بسرعه..
هيفاء:شوفي بنتك ماتبي تروح..
ام راكان:ليــــه ان شاء الله..
مشاعل تمددت على السرير:تعبانه بطني يعورني..
ام راكان باست راسها بحنيه اللي مدري من وين طالعه:سلامتك حبيبتي يعورك مره..
مشاعل تناظرها بأستغراب:لا يعني..
ام راكان مسحت على شعرها:طيب بجلس معك..
هيفاء تخصرت:ياســـــــــــــلام احلفي وانا اروح لحالي لبيت امك لاياحبيبتي مامليت من حياتي انا..
مشاعل:لا ماما روحي اذا عورني مره اتصلت فيك..
ام راكان وقفت:طيب انتبهي على نفسك..
مشاعل هزت راسها وهي تتنهد بضيق:ان شاء الله..
هيفاء خذت شنطتها:باااااي يادلوعة الماما ههههههههههههههه..
ام راكان ضربت كتفها:انطمـــــــــــــــي..
××
دارت على نفسها بفرحه وفستانها الاسود يطير معها:هههههههههههههههههههههه..
لمى:تجنـيــــــــــــــــن لو شافك ميشوو..
مها تناظر شعرها اللي مسيحته على كتفها وغرتها مثبتتها بكريستال جنب اذنها قالت وهي مكشره:ميشو آآآه بس ذي فيوه بتاخذه مني..
لمى:لحووول الحين انتي وش فيك على في..
مها بقهر:تقهرنـــــــي اف من وين طلعت لي ذي كفايه علي ملاك..
لمى خذت عبايتها وشنطتها:امشي بس نروح ماوراك فايده انتي..<<وطلعت..
مها شالت شنطتها:اففففففف اكيد هي عند امي نوره الحين ياربي صبرني..
بصوت عالي:مــــــــــــــــــها..
مها بطفش:طيــــــــب..
طلعوا ومها تعدل طرحتها رفعت راسها وطاحت عيونها على طلال..
تأففت بصوت عالي وهمست:اللهم طولك يارووووح ماتصبحت إلا بوجهك انت..
لمى تعلك:وش فيك تأففين..
مها تأشر براسها:ذا ياكـــــــــــرهي له..
لمى بطفش:وش سوا هذا بعد..
مها:بعدين اقولك (مدت يدها) عطيني علكه..
علقت عيونه عليها مو مصدق اللي شايفها قدامه ملاك وإلا انســـــــان هي هاذي نفسها اللي في المجمع بس هاذيك شكلها واسلوبها عربجــــــــي بس اللي يشوفها قدامه قمـــــــه في النعومه..
:سبحــــــــــان من صورك..
غاده:وشووو..
طلال يعدل شماغه:مدري يله نمشي..
غاده:بنت عمك في الشاليه لسه ماخلصت..
طلال وهو يدخل الشاليه:الله يصبرني عليك وعلى بنت عمك..
غاده:وش دخلنـــي انا..
:الباب..
غاده لفت وابتسمت:هلا مشعل..
مشعل:اهلـــــــــين كل عام وانتي بخير..
غاده:وانت بخير..
مشعل:وين طلووول..
غاده:طليل ينادي في..
طلال طلع:هلا مشعـــــــل..
مشعل سلم عليه:هلا فيك وينك..
طلال:على طول وينك مافيه كل عام وانت بخير..
مشعل:كل عام وانت بخير يله يله..
طلال:وين..
مشعل:لشاليه جدتي كلنا مجتمعين هناك وترى عمي محمد يسأل عنك..
طلال:سألت عنه العافيه غاده وفي روحوا للحريم..
غاده كشرت:دارين يله فيوووو..
في وهي تمشي:ماكلف نفسه حتى في نظره..
غاده:اففففف ترى اليوم عيد يعني لاتضايقين نفسك..
××
ريم تحضن مها:واااااااااووو تهبلين..
مها ابتسمت:والله..
الجده نوره:واخيراً فكيتي نفسك من ذيك الكشه..
الكل:هههههههههههههههههههههههههههههه..
مها:حرااام عليك يمه وش كشته بالعكس اجنن..
لمى بهمس:مداح نفسه يبي له رفسه..
مها بغرور:والله انا ماقلت إلا الصدق..<<وجلست..
هيفاء تسلم عليهم بطرف يدها:هاااااي..
مها ابتسمت بدون نفس:الناس يقولون كل عام وانتي بخير مو (تقلد صوتها) هاااااااي..
ريم بسرعه:وين مشاعل..
هيفاء رافعه حاجب وبدون نفس:تعبانه شوي..
ريم:لا سلامتها ماتشوف شـــــر..
مها بهمس:اصلاً هي الشر بكبره..
ريم عطتها كوع:لاتسمعك عمتــــي..
مها:بالطقـ...
قاطعتهم ام مشعل:وش هالحلاوه يامها..
مها ابتسمت بفرحه:تسلمين..
في وغاده دخلوا:ســـــلام عليكم..
××

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××الريــــــــــــــــــاض××

هديل تناظر رجلها:افف يعني مااقدر البس قصير..
خلود بجلابيتها البيضاء:ماله داعي..
رهف دخلت وهي تهز خصرها:فيني رقصه مين تجي ترقص معي..
هديل بدون نفس:والله فاظيــــــــه..
رهف:وش وراي (ضربت راسها بخفه) ياالله نسيــــــــت..
هديل:وشوو..
رهف:ابووي حمني يبيكم..
خلود:شوووية احترام يا اخت هذا جدك..
رهف تأشر بدون اهتمام:وسعي صدرك فليــــــــها..
ام مشاري دخلت وشهقت:هديلوووووه..
هديل بأبتسامه غبيه:نعم..
ام مشاري:مالبستي..
هديل:طيب طيب بلبس بس الاخوات يظفووون وجيهم شووي..
رهف وهي تمشي:بسرعــــــه لاتتأخرين اووكي..
هديل:على حسب..
عند الباب كان يضبط غترته غمز وهو يبتسم:ياحظ زوجتك المستقبليه فيك ياخويلد خخخخخخ..
طلعت من الغرفه ومشت بسرعه فتحت الباب بعصبيه:خلوووووود..

يتبـــــــع..<<




jl,j ud,kil tdkd >> ,hkh f; ldji udkd hg[.x hguav,k hg[.x hguav,k jl,j f; udkd ud,kil tdkd












عرض البوم صور غاليه بعيون مغليها   رد مع اقتباس
قديم 04-16-2011, 05:04 PM   المشاركة رقم: 2
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء العشرون


تابـــــــــــع..<<

خالد ابتسم:يالبيه..
هديل شهقت:خالد..<<ودخلت..
خالد:ههههههههههههههه هديل وش فيك انا خالد..
هديل:عارفه انك خالد وش شايفني عميه وإلا ما اناظر..
خالد:ههههههههههههههههههههههههههههههه هي نفسها عميه يعني ماتناظر يالذكيه..
هديل حكت راسها:ايه صح كل عام وانت بخير..
خالد:تو الناس كان ماقلتيها على العموم وانتي بألــــــــف خير..
ضربت كتفها:بتعملي ايه هنا..
هديل شهقت بقوه:عمـــــــى خرعتيني..
رهف ماسكه صينية القهوه:خويلد موقف برا..
هديل مشت:انا ادري عنك وعن اخوك..
رهف:النفسيه زفت (طلعت ومدت له الصينيه بدون نفس) خـــــذ..
خالد:اف اف وش هاذي خذ طالعه من قلب بصراحه بديت اشك انك بنت خلك مثل بنت عمك النعومه تقطر منها..
رهف رفعت حاجب:مين هديلوووه..
خالد:ايه هديلووه مو عاجبتك..
:خالـــــــــــــــد..
خالد عصب ومن بين اسنانه:الله يقطع بليسك اخرتيني عن الرجاجيل الحين جدي بيفرشني (على صوته) طيب جاي..
رهف بنذاله:هههههههههااااي احسن..
خالد عض على شفايفه بقهر:اسكـتي لا اروشك بذا القهوه..
رهف بتحدي:يلـــــــه تقدر..
:خالـــــــــــــــد..
رهف رفعت حاجبها بنصر:سمعت هههههههااااي..
خالد راح للرجاجيل وهو مولع..
مشاري وقف يصب القهوه مع خالد وهمس له:تو الناس وينك..
خالد بقهر:وش اسوي لبنت عمك..

([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

××الخبــــــــــــر××
مها وريم جالسين اخر المجلس...
مها:يقهرنــــــي مطلع ريحتي كل شي فيه ينرفـــــــــز واليوم ماتصبحت إلا في وجهه هو..
ريم:مدري احس انه حبوب..
مها:بالعكس وقح وحقير تخيلي مسكني من هنا..<<واشرت على خصرها..
ريم:احمدي ربك مسكك زين انك ماطحتي على وجهك..
مها:والله الطيحه ارحم مليوون مره من ذا الحركه الوقحه..
جت وهي تركض وطايره من الفرحه..
ريم:حمد الله ياربي ههههههههههههههههههههه..
مها:وش فيها ذا الهبله..
لمى بحماس:عندي لكم خبرين إنــــــــما إيه شـي يطيرووون العقل..
ريم ومها:ايـــــش..
لمى جلست وبحماس:تعرفون الفيلا اللي ورانا حقت ابوي اللي يبي يبيعها..
مها:ايه وش فيها..
لمى نطت:باعها..
مها رفعت كتوفها بدون اهتمام:طيب..
ريم:لميــــن..
لمى والابتسامه شاقها وجهها:لطـــــــــلال..
مها شهقت:طلال طلال نفسه ماغيره اخو غاده ولد عم في..
لمى:ايه هو ماغيره بيجي هو وغاده يسكنون في الرياض وفيلتهم ورانا على طووول وطلال بيشتغل عند ابوي وااااااااووووو وناسه صح..
ريم ماسكه ضحكتها:ايه صح..
مها هزت رجلها بقهر وحمر وجهها:اففففففففففففف..
ريم:ههههههههههههههههههههههههههه..
لمى:خير وش فيكم وش السالفه..
مها انفجرت:وذا مالقى إلا الفيلا هاذي يشتريها ياكثر الفلل في الرياض ماضاقت عيونه إلا على هاذي..
لمى:ابوي هو اللي عرض عليه الفيلا بعدين انتي وش فيك معصبه..
ريم ابتسمت:ايه وشو الخبر الثاني..
لمى بفرحه:اما الخبر الثاني يجــــــــــنن عن فيوو..
مها طاح قلبها:وش فيها..
لمى بحماس:سجلت في جامعـــــــة الملك سعود معاك يعني..
مها وقفت معصبه:وذي بعد مالقت إلا الجامعه هاذي كفايه علي مشاعلوووه..
لمى رفعت راسها:وش فيك يااختـــي ريلاكس..
مها طلعت فوق بسرعه معصبه دخلت الغرفه وخبطت بالباب:وش ذا الحظ ياربــــــي يعني ذي بتكون معي بنفس الجامعه وذا بيكون قريـــــب منا يعني بشوف خشته دايماً قبال خشتي اففففففف..<<رفعت اللاب توب وفتحت الماسن لقت العاشق
"اوف لاين" سكرت اللاب توب بعصبيه وصرخت..
:اففففففففففف..
××
ابونايف وقف:يله شباااب قوموا..
مشعل نزل بيالة الشاهي:وين ياعمي..
ابونايف:انتو بتودون الخرفان للمسلخ..
تركي انقرف:ياااااااااااي مقرف..
الكل:ههههههههههههههههههههههههههه..
بندر:ياااااي ع الخكاريا..
تركي:عمي عيالك وعيال اخوك مايقصرون انا عندي مشوار ضروري..
ابومشعل:اقوول قم صر رجال ولو مره وحده..
تركي:يبه يعني اللي يروح المسلخ يصير رجال..
بندر:قم قم بس والله مااروح المسلخ لحالي..
تركي:ليه خايف ياكلك الخروف..
مشعل:يله قوم انت وياه تتعازمون..
تركي وبندر وقفوا بطفش وكل واحد ماد بوزه..
تركي دخل الشاليه وبدل ثوبه ولبس بدله عاديه ولف عمامه وطلع..
طلعت وشافته دق قلبها بسرعه وتجمدت اطرافها دمعت عيونها وعضت شفايفها..
تركي تنهد وهو يناظرها:فيه شي..
لمى بحده:لا مافيه شي..
تركي:طيب وش فيك موقفه هنا..
لمى تكتفت:يووه صح نسيت ذا المكان مكتوب بأسمك..
تركي عصب:لاتستهبلين علي ترى مو رايق لك يالبـــــــزر..
لمى نزلت دموعها:لاااااا من كبرك الحين..
تركي انقبض قلبه:خلااااص لاتبكين ياكلمه ارجعي مكانك..
لمى لفت عنه وصرخت:سخيـــــــــف..<<ومشت بسرعه..
بندر جا عنده:هاه خلصت..
تركي معلقه عيونه على لمى لما اختفت عنه..
بندر هزه:تــــــــــركي..
تركي لف عليه:هاه..
بندر:خلصت..
تركي:هــــاه..
بندر صرخ:خلصـــــــت..
تركي:هاه ايه ايه خلصت..
بندر:خيــــــر وش فيك..
تركي بلع ريقه:بعدين اقولك يله نمشي..
××
ناظرت نفسها في المرايه وهي ماده بوزها:افففف كله منك ياراكانوه الزفت..<<رفعت جوالها..
:هلا منال..
منال بفرحه مصطنعه:اهليـــــــــن وش هالغيبه وحشتيني كل عام وانتي بخيــر..
مشاعل:ههههههههههههههه طيب شوي شوي وراك تقولين الكلام دفعه وحده وإلا تبين تنهين المكالمه..
منال:لاااا انا ماصدقت تتصلين علي هاه كيفك..
مشاعل كشرت:زفــــــت..
منال ابتسمت بنصر"ان شاء الله دوووم":افااا ليه..
مشاعل دمعت عيونها:تعبانه شوي تخيلي حتى العيد مارحت له قهــــــــــر..
منال:ليه مارحتي مو تقولين إن نايف بيتعيد هالسنه معاكم..
مشاعل:ايه..
منال:طيب ليه مارحتي..
مشاعل وصوتها مبحوح:اقولك تعبـــانه ولو ان التعب يهون علشان خاطر راكـ..<<وبكت..
منال:وش فيـــــك شعوله وبعدين على فكره إنا نحكي عن نايف مو راكان..
مشاعل صرخت:لاتجيبين طاريـــــــه تكفين..
منال عقدت حواجبها:شعوله وش فيك..
مشاعل سكرت الجوال بعصبييه ورمته على الارض ورمت نفسها على السرير تبكي..
"الله ياخذك ياراكان الله ياخــــــــــــــذك"..
انفتح الباب بقوه اخترعت ورفعت راسها بخووف وبلعت غصاتها وارتجفت شفايفها..
:خـ..خير وش تبي..
راكان بأحتقار:ليه مارحتي مع امك..
مشاعل بخوف:بطني يعورني..
راكان قرب منها:اهااا..
مشاعل تراجعت لورا وطاحت من السرير وصرخت من الالم:آآآآآآآآه..
راكان بدون نفس:قومي قومي..
مشاعل ماسكه ظهرها:آآآي..
راكان مد يده وناظرها ببرود:هاتي يدك..
مشاعل تراجعت لورا وهي ضامه يدينها:ابعـــــــد عني..
راكان سحبها:اقووول قومي..<<صار قريب منها وانفاسها السريعه على خده..
مشاعل صدرها يرتفع وينزل بخوف وجسمها ينتفض..
راكان من بين اسنانه:روحي البسي بسرعه خلصيني..
مشاعل:لـ..ليه..
راكان:وبعد تسألين ليه (دفها بقوه وطاحت على الارض) لك خمس دقايق اذا مانزلتي قسم بالله اذبحك..<<وطلـع..
مشاعل بكت بقووه المها النفسي غطى على آلامها الجسديه..مسحت دموعها بكمها..
مافيـــه شــــــي يستاهل تبكي عليه..
راكـــــــان من زمان كارهها ومايطيقها..
نايــــــف مايدري عن هوا دارها..
امها ماعمرها اهتمت فيها..
ابوها ماعمره ســأل عنها..
هيفــــاء من دخل احمد حياتها وهي متغيــــــره وصارت علاقتهم مو مثل قبل..
اجــــــــل ليه تبكـــي..؟؟؟
وقفت وابتسمت بعدها ضحكت بهستيريا:هههههههههههههههههههههههههههههههه..<<مشت للكبت وطلعت لبس فاااظح مره فستان ابيض لنص الفخذ وظهرها مفتووح إلى نهايته ولبست صندل ابيض ينربط على ساقها..
وقفت قدام المرايه وناظرت نفسها بأعجاب:مين يقدر يوصل لجمالك ياشعووله هههههههههههههههههههههههههه والله اشتقت لهالكلمه..<<رفعت شعرها كله علشان يبين ظهرها وغمزت..
:كذا احلـــــــى ياقمــــــرهههههههههههههه..<<خذت عبايتها وشنطتها ونزلت من الدرج كأنها عارضة ازياء..
:خلصت..
راكان نزل المجله ولف عليها ناظرها وهو فاتح عيونه على الاخيـــــر مصدووم..
مشاعل ناظرته بأحتقار:ماعجبــــك..
راكان:وش هالمصخره اللي لابستها..
مشاعل نفخت على اظافرها:سوووري ماسمعت..
راكان وقف بعصبيه وصرخ:مشـــــــــاعل..
انفتح الباب:خيـــــر وش ذا الصراخ..
راكان تخصر:تعالي شوفي بنتك والمصاخه اللي لابستها..
مشاعل بمياعه:ماما هاذي مصاخه..
ام راكان تناظر مشاعل بأعجاب:هذا وش عرفه طالعه قمـــــــــر يمه..
مشاعل بغرور:ادري هههههههههههههههههههه..
ام راكان تنهدت بفرحه"حمد الله رجعت لحالتها الطبيعيه"..
مشاعل:ماما نروح..
ام راكان:ايه يله يله..<<وطلعوا وام راكان تقرى على مشاعل المعوذات..
راكان ضرب يده على الكنب بقهــــــر:ان ماربيتك يابنت الـ..؟؟..
××
في المسلخ..فهد راكب على الخروف وخانقه..
فيصل ماسك خشمه:فهيـــــــد انزل..
فهد:هو اصلاً مذبوح مذبوح..
فيصل:عارف بس مايجوز تذبحه شنقاُ..
نايف:تصدق من زمــــان عن ريحة الخرفان..
مشعل غمز له:حنيت صح..
نايف:اووه كثيــــــر..
تركي متلثم ومنقــــــــرف:وماحنيـــت إلا للريحه الله يقرفك انت وياه اقول وين بندر..
مشعل:طلع يكلم برووح اناديه..
تركي بسرعه:لالا اخوي الكبير يروح وانا موجود عيــــــــب..
مشعل:ياشيــــــن المصالح..
بندر كان جالس في السياره ويكلم:خلاص بحاول اقول له..
دانا:وش تحاول بندر حس فيني حرام عليك..
بندر:حبيبتي لاتفكرين بشــي قلتلك انا بحل الموضوع..
دانا عصبت:وشلون بتحله ياحظي وانت حاط يدك على خدك ومبرد اعصابك ولاهامــــك شي..
بندر عصب:دانــــــا لاترفعين صوتــــك قلتلك خلاص بحل الموضوع..
دانا دمعت عينها وصوتها مرتجف:طيب اذا لقيت حــل غير الحل اللي قلت لك اياه اتصل علــي اوكي..<<وسكرت..
بندر سكر وغطى وجهه بيدينه وتنهــــد بضيق:آآآآآآآآه..
:سلامتــــــك..
بندر رفع راسه:من متى انت هنا..
تركي:توني راكب (ناظر في بندر) صاير لك شي..
بندر بضيق:نفس السالفه..
تركي:اف انا طفشت منها وشلون انت..
بندر:عندك حل..
تركي:مافيه إلا انك تقول له..
بندر:تخيل عاد انت مكاني تقدر توقف قدام اخوك وتقول له انا احب اللي بتخطبها..
تركي اكتفـــــى بالسكووت..
بندر التفت للشباك:اففففف وتقول ايش انت مبرد اعصابك ولاهامك شي..
تركي شم ريحة ملابسه:ووووووووع..
بندر بدون نفس:كلن على همه ســـــرى..
تركي:هههههههههههههههههههه وسع صدرك ياشيخ..
بندر حط راسه على الدركسون:افففففف..
:
:













عرض البوم صور غاليه بعيون مغليها   رد مع اقتباس
[/table1]












قديم 04-18-2011, 12:48 AM   المشاركة رقم: 3
المعلومات
الكاتب:
اللقب:
~..جريحــهـ...~
الرتبة:
الصورة الرمزية
 
الصورة الرمزية ~..دمــووع..~

البيانات
التسجيل: Jan 2011
العضوية: 75038
المشاركات: 1,382 [+]
بمعدل : 0.42 يوميا
اخر زياره : [+]
معدل التقييم:
نقاط التقييم: 15
 

الإتصالات
الحالة:
~..دمــووع..~ غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء العشرون

[table1="width:95%;"]
الله يعينك يا بندر ..
ويصبر قلبك ..
أبي التكمله ..
متشوووقه أقرأ البقيه ..
تحياتي ..
دمووع
توقيع : ~..دمــووع..~

عرض البوم صور ~..دمــووع..~   رد مع اقتباس
قديم 04-18-2011, 01:04 AM   المشاركة رقم: 4
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء العشرون

ابشري راح انزل لج












عرض البوم صور غاليه بعيون مغليها   رد مع اقتباس
قديم 04-19-2011, 03:50 AM   المشاركة رقم: 5
المعلومات
الكاتب:
اللقب:
عضو فضي
الرتبة:
الصورة الرمزية
 
الصورة الرمزية أحلام وردية

البيانات
التسجيل: Jan 2011
العضوية: 74914
المشاركات: 1,997 [+]
بمعدل : 0.61 يوميا
اخر زياره : [+]
معدل التقييم:
نقاط التقييم: 19
 

الإتصالات
الحالة:
أحلام وردية غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء العشرون

حلوة القصة .. أكملي البقية

ونحن في الانتظار












عرض البوم صور أحلام وردية   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ميته, الجزء, العشرون, تموت, بك, عيني, عيونهم, فيني, وانا

جديد منتدى قصص - روايات قصيره وطويله


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 03:38 PM.


Powered by vBulletin® Version 3.8.9
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.1