قصص - روايات قصيره وطويله قصص طويله , قصص واقعيه , روايات ألف ليله وليله , قصص حب , قصص خياليه


إضافة رد
 
LinkBack أدوات الموضوع انواع عرض الموضوع
قديم 04-19-2011, 05:47 PM   المشاركة رقم: 1
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

المنتدى : قصص - روايات قصيره وطويله
Icon777 (46) تموت عيونهم فيني .. وانا بك ميته عيني الجزءالخامس والعشرون


..الجـــ الخامس والعشرون ــــزء..

سكرت السماعه ولفت وصرخت:يمـــــــــــــــه..<<شافت كلب يطلع لسانه ومستعد يهجم عليها تراجعت لورا بخوف وقلبها طااااايح لفت يمين ويسار وين تروح معه المكان مظلم وماتدري وين هي فيه..
"كله منك يا احمد" صرخت يمكن احد يسمعها:الحقـــــــــوني..
سمع الصوت وراح يشوف مصدره:هيفــاء..
رمت بثقلها عليه وهي ترتجف:كلب كلب..
فيصل ماسكها ويراقب الكلب اللي ينبح:خلاص هدي نفسك شوي..
هيفاء تمسكت في بلوزته بقووه:خايفه..
فيصل:لاتخافين انا معك شوفي امشي معي بشويش اوكي..
هيفاء هزت راسها ومشوا وكل شوي تلتفت ونبح الكلب وصرخت:ماااااااااااماااااا..
فيصل من بين اسنانه:انكتمـــي..
هيفاء بخوف:شوف وشلون يناظرنا الله يخليك خلنا نمشي بسرعه..
فيصل:يالذكيه اذا مشينا بسرعه بيلحقنا..
هيفاء قربت منه وكأنها بتدخل فيه لدرجة ان فيصل تضايق ووده يرفسها عنه..
سمعوا صوت رجال يصرخ ولفــــوا شافوا رجل آمن سوا حركات مو مفهومه ومشى هو وكلبه..
تنهدت بأرتياح:مابغـــــى..
فيصل:انتي وش جابك هنا..
هيفاء:كنت اكلم احـ..(عضت على شفايفها وسكتت وبأرتباك) كنت اتمشى..
فيصل بنظرات شك:كنتي تكلمين وإلا تتمشين..
هيفاء بعدت عنه وبعصبيه:كنت اتمشى وبعدين انت وش عليك..
فيصل فتح عيونه على آخــــــر شي:والله انك مو وجه مساعده..
هيفاء مشت قدامه وبعدت شعرها عن كتفها بغرور:لاتنسى انت اللي جيتني بنفسك..
فيصل ابتسم بنصر ومشى عكس طريقها"خلي غرورك الماصخ ينفعك"..
هيفاء لما ماحست بخطوات وراها لفت وبصوت عالي:ويـــــــن رايح..
فيصل كمل طريقه وطنشها..
هيفاء بخوف"ياويلــــي هذا راح وخلاني"..<<ركضت لعنده..
فيصل لف عليها ورفع حاجب:خيـــــر وش جابك..
هيفاء حمر وجهها من الفشيله"على بالــــــــي واثقه من نفسي وانا مدري وين الله حاطني":مالك دخل..
فيصل:قولي انك ماعرفتي ترجعين وخلاص..
هيفاء مشت قدامه:ايه ايه ماعرفت ارتحت..
فيصل مسكها:تعالي وين رايحه (وآشر بيده) من هنا..
هيفاء تفشلت:ايه صح..
فيصل والضحكه في صوته:والله انك ماتدرين وين الله حاطك فيه امشي بس امشي..
هيفاء سكتت مقهـــــوره وقلبها مولع نااااار بس ماتبي تتفشل زياده..
شافت انوار الشاليهات ومشت بخطوات سريعــــــه لداخل الشاليه سكرت الباب وتنهدت وهي حاطه يدها على قلبها:اففففف..
:وين كنتي..
هيفاء اخترعت:وجــــع خرعتني كفايه علي الكلـب..
راكان رفع حاجبه:اي كلب..
هيفاء وهي تطلع الدرج وبطفش:سالفه طويله..
راكان:لحظه توني مابعد خلصت كلامي..
هيفاء لفت عليه وبأستهزاء:يله خلص كلامك المهم..
راكان:تتريقين حظرتك..
هيفاء:ترى نفسي موصله معي وفيني النوم يعني بالعربي مو رايقه يله تصبح على خيـــر..<<وطلعت فوق..
رمى بثقله على الكرسي ومسك الريموت وغير في القنوات بملل رمى الريموت وحط يده ورا راسه ومرت في باله ريـــــم..
"آآآآآه بس متى بتحسين متى بيحن قلبك علي"..
××
نزل من السياره وهو مروووق سكر الباب وقعد يلعب بالمفتاح اليوم تغيــــــــر اليوم صار انسان ثاني انسان ينبض بالحياة رجعت له بسمته وضحكته رجعت له روحــــــــه اللي ماقدرت تاخذها معها بس هو تهيأ له انها خذتها..
ابتسم:طلال...
طلال لف عليه وبدهشه:مشعل..
مشعل:اسف عشان ذاك اليوم قلت كلام ما..
طلال قاطعه:خلاص لاتشيل هم..
××
كانت جالسه بغرفتها وضامه رجلينها لصدرها اللي شافته اليوم لايمكن تصدقه..جفت دموعها من كثــــر مابكت لكن قلبها يألمها حست انها غبيه مغفله كيف تسلم قلبها بهالسهوله..
وقفت وراحت للحمام..((الله يعزكم))..غسلت وجهها وتحسسته وجهها صايـــــر اصفر وعيونها حمرا..جففته وطلعت فتحت الكبت وبدت ترتب ملابسها في شنطتها..
انفتح الباب:مساااااء الخير او بالأصح صباح الخير المهم اللي هو..
ريم لفت عليه وتغصبت الابتسامه:رايق اليوم وش عندك..
مشعل نط على السرير وتربع:ولاشي (دقق في وجهها) ريوم وش فيك..
ريم رجعت ترتب ملابسها:سلامتك مافيني شي..
مشعل وقف وراح وراها ورفع راسها:لا فيك قولي..
ريم بعدت عيونها المدمعه عنه:لا مافيني مشعل ممكن تتركني لحالي..
مشعل:بتقولين لي وش فيك و..<<ورن جواله رفعه..
:اوووه هذا نايف..(رد وهو ناسي الكلام اللي قاله نايف له)..هـــــــلا والله ابوسعود..
نايف استغرب بس ابتسم بفرحه:هلا بك كيفك الحين..
مشعل:بخيـــــر وتمام وزين واللي تبي هاه بشر ولد وإلا بنت هههههههههههههههههههاااااااي..
نايف:ههههههههههههههههههههههههههههههههه الله يقطع بليسك لاانت يبيلك قعده نتقابل تحت اوكي..
مشعل:اوكي سلاااام (سكر ورفع عيونه لريم اللي تناظره بأهتمام وقلبها ينعصر من جوا يوم سمعت صوته) انا رايح لنايف وبعد ما اخلص منه بجي وبسوي تحقيق معك الله يعينك علي يله باااااي..<<وطلع..
رمت الملابس اللي على سريرها على الارض بعصبيه وطلعت للبلكونه تحس انها مكتومه ناظرت مشعل اللي حاظن نايف بقوووه ونايف يضحك نزلت دموعها غصب مسحتها بسرعه ورجعت لغرفتها اللي انفتح بابها بقوه ودخلوا مها ولمى يضحكون :هااااااااااااي..
ريم:وش جابكم..
لمى كشرت:يعني نروح يله ميمي شكلها ماتبينا..
مها:يله امشي..
ريم تنرفزت:ياسخفكــــــــم مو قصدي كذا بس استغربت مانمتو للحين لان ورانا قومه الصبح..
مها تربعت على السرير:طيب انتي ليه مانمتي..
ريم رفعت ملابسها عن الارض:ارتب اغراضي ايه صح بنات فيه وحده منكم شافت شالي..
مها:اي واحد حددي..
ريم:اللي لونه بينك وعنابي هديه من تركي شفتوه..
لمى تغير لون وجهها من طاري تركي..
ريم شافتها بس سوت نفسها ما انتبهت:هاه شفتوه..
مها وهي تسحب شيبس:لا انا ماشفته..
لمى بصوت مبحوح:ولا انا..
ريم تخصرت وبطفش:افففف ياربي وين حطيته..
××
نايف:خلاااااص بعد خنقتني..
مشعل:ياشيـــــــــــــــخ احبك اموووت فيك..
نايف دفه عنه:انت شارب شي..
مشعل:احبك وش اســـوي..
نايف:اقول انا رايح انوم تصبح على خير..
مشعل سحبه مع بلوزته:تعال..
نايف:اعقل وتكلم معي زين لو سمحت..
مشعل:طيب قول لي شفتها..
نايف:مين..
مشعل:هاذي اللي مدري وش اسمها اللي ذابه الميانه..
نايف كشر:ايه فاتن شفتها الله لايعيده من يوم..
مشعل:ليه..
نايف يأشر على رقبته:شف..
مشعل شاف رقبته وانفجر من الضحك:هههههههههههههههههههههههههههههههههههههههه كيف سمحت لها تسويها..
نايف:كنت داااايخ وعيوني تكبس ما انتبهت لها إلا بعد ماشبعت وخلصت..
مشعل:حلووو من اولها كذا يارجال اعقل ترى بعد كم يوم بتخطب..
نايف:ههههههههههههههههههههههههههههههههههه اخطب خلاص انسى الموضوع..
مشعل بأستغراب:ليه..
نايف:تعال نجلس وبقولك السالفه كلها..
××
([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

الساعــــــه..((5..الفجر..))

؛؛..والله ما اطيق جرح الحب لكنــــي..عشقت حس الجروووح اللي من اسبابك..؛؛

ريم متمدده على الكنب وتلعب بجوالها..
ام مشعل:ريم..
ريم رفعت راسها:سمـــي..
ام مشعل:سم الله عدوك روحي لشاليه عمك سعود وتأكدي ان كل شي مسكر الانوار والغاز..
ريم دق قلبها بسرعه:وخالتي امل وينها..
ام مشعل:طلعت من بدري..
ريم:طيب ورا مايروح مشعل وإلا تركي ليه انا..
ام مشعل:كلهم مشغولين يله روحــــــي..
ريم وقفت ومشت ودقااات قلبها تزيد"ليه انا ليــــــه"..<<وقفت عند باب الشاليه ترددت تدخل وإلا لا مدت يدها المرتجفه وفتحت الباب كـــان الشاليه مظلم مبين ان مافيه احد راحت للمطبخ وتأكدت ان الغاز مسكر..
طلعت فوق بخطوات سريعه فتحت غرفه كان المكيف حقها شغال ولعت النور شافتــــــه نايم على بطنه ومدخل يدينه تحت المخده..علقت عيونها عليه وجمدت في مكانها وجمد الدم في عروقها زادت نبضااات قلبها وكأنه بيطلع من ضلوعها وزادت انفاسها..تحبـــــــه وتعشق كل شي فيه..نست اللي صار امس ونست العالم كله في هاللحظه وهي تناظره تحس نفسها مخدره..
تحرك في سريره وفجأه صحت من سرحانها تنهدت بضيق وقبل ماتسكر الباب لفت انتباها شي..
"شالي وش جابه عنده"..<<كان حاطه جنبه في السرير مشت على اطراف اصابعها وانحنت مدت يدها المرتجفه وقلبها طاااايح مسكت شالها وسحبته بشويش لكن...
نايف تحرك وحضن الشال وحضن يدها معه..شهقت بقوووووه..
فتح عيونه بصعوبه وعقد حواجبه:مين..
ريم بلعت غصاتها وسحبت يدها..
نايف عدل جلسته بسرعه وفتح الابجوره ابتســـــم:ريم..
ريم بأرتباك:كنـ..كنـت..<<وسكتت ماقدرت تكمل..
نايف وقف وكان مو لابس شي على صدره وشكله مبهذل شعره منفوش وعيونه متفوخه من النوم بس كان شكله حلــــــو زاد ارتباك ريم وحمر وجهها ونزلت راسها..
نايف:كنتي ايش..
ريم لفت وبصوت مرتجف:ولاشي..
نايف:طيب لحظه استني..
ريم ماقدرت تلف:وشو..
نايف رفع شالها ووقف وراها بالضبط:شالك..
ريم لفت عليه ورفعت راسها التقت عيونهم ريم ارتفعت حرارة جسمها وقلبها وصل حلقها بلعت غصه ورا الثانيه..نايف مو احسن من حالها زادت نبضات قلبه وصوت انفاسها السريعه وصلت لمسامعه..وده يصرخ "احبــــك" بس انعقد لسانه مايقدر يتكلم تجمد كل شي فيه..
ريم انتبهت على نفسها وتراجعت لورا وقالت بصوت مخنوق:يله اشوفك على خير مع السلامه..<<لفت عنه..
نايف:لحظه ريم..
ريم:نعم..
نايف بأرتباك:كنت ابي اقولك ان الايام اللي جمعتني معاك كانت احلى ايام حياتي..
مرت قشعريره على كل جسمها وقلبها ينتفض من كلامه..
:ريم ابي اعترف لك بشي..
ريم غمضت عيونها بقوووه..
نايف مرر يده على شعره بتوتر:انا انا...
ريم لفت عليه والدموع ماليه عيونها..
نايف دق قلبه بسرعه:وش فيك..؟؟
ريم بسرعه:مافيني شي عن اذنك..<<وركضت لبرا الغرفه نزلت بسرعه وهي تبكــــي بدون صوت تسندت على الباب وهي حاطه يده على قلبها ليه مو قادره تتغلب على مشاعرها وتنساهـ..
سمعت صوت احد يناديها..
مسحت دموعها وطلعت:نعم..
ام مشعل:وينك نمتي..
ريم:اسفه..
ام مشعل:انتي وش سالفتك..
ريم طلعت الاي بود:ماعندي سالفه..<<حطت السماعات على اذنها وبدا صوت فنانها المفضل يطرب اذنها..
"انت ماتعلم بقلبي وش غلاك..لو طلبت الروح ماتغلى فداك.."..<<بس كانت تفكر بكلام نايف ويتردد في مسامعها..
"كنت ابي اقولك ان الايام اللي جمعتني معاك كانت احلى ايام حياتي"..
دفتها مع كتفها:كذا بتروحيــــــن ولاتسلمين علينا..
ريم شالت الاي بود وابتسمت بتعب:هلا..
مها كشرت عليها وهي تقلد صوتها:اهلين..هاتي بوسه يله..
ريم ضحكت بالغصب:هههههههههه..<<وباستها..
:هاه رضيتي..
مها تأشر على خدها الثاني:لا باقي هذا ترى بيزعل..
ريم:الثانيه للمى..
مها دفتها:يعني مستخسره بوسه يالدبـــــــا..
لمى:هاااااي..
ريم:اهلين..
مها وريم ولمى شافوا في وغاده قبالهم حظنوا بعض بقوووه وبكوا..
لمى بعدت ومسحت دموعها:خلاص عاد..
مها بمرح:وين طلال..
غاده بأستغراب:ليه..
مها:بروح اسلم عليه إلا قولوا لي متى بتجون الرياض..
غاده:يمكن بعد بكره..
:تروحون وترجعون بالسلامه..
مها لفت ودمعت عيونها ماتدري ليــــه:الله يسلمك..
طلال:تبكين..
مها شهقت:لالا ما ابكي يله مع السلامه..
طلال بحزن:مع السلامه انتبهي على نفسك..
مها:وانت بعد..
في غطت وجهها:ياربيـــــــه احس نفسي في فيلم هندي..
الكل:ههههههههههههههههههههههههههههههه..
ريم:طلال انا اسفه علشان ذاك اليوم..
طلال ابتسم:ماله داعي تعتذرين اصلاً انا الغلطان..
ريم همست لمها:والله مايستاهل تحطينه بلوك وديليت..
مها عطتها كوع:انطمـــــي..
ريم:آآآآآآآي..
؛؛
وركب كل واحد في سيارته وودعوا مكان جمعتهم فيه احلــــــى الذكريات وحصلت فيه احداث غيرت حياتهم..
’’
ريــــــــم..,,..عاشت اصعب مراحل حياتها استغربت من نفسها كيف انسان مثل هذا يقدر يغيرها بهالشكل كيف قدر يبدل ابتسامتها لدمعه وفرحها لحزن بس الحين حست ان اللي مفروض تسويه تسكر مشاعرها وتحاول تنسى وتحاول تشغل نفسها بأي شي علشان ماتشغل بالها فيه لانه صار بالنسبه لها شخص حرام تضيع لحظه بالتفكير فيه وحرام تنزل دمعه عشانه..
نايـــــــف..,,..اشياء كثيره تغيرت في حياته احاسيس اول مره يحسها ومشاعر ما اقدر اوصفها..ريم ملكته ملكت قلبه وتربعت فيه صارت جزء من حياته او بالأصح كل حياته كان يحس اول بمشاعر تجاهها مايدري وش هي بس الحين عرف انه الحب ومافيه شيْ غيره..وبالنسبه لدانا كانت"حب وهمي او حب سراب"والحين هو مرتااااح بعد ماعرف حب بندر لدانا وراح يخطي اول خطوه مرسومه في باله ومايندم بعدين..
مشعــــل..,,..كان اسؤ واصعب اختبار مر في حياته وهو موت ملاك لكن نجح فيه وبأمتياز وقدر يتغلب على مشاعره واحاسيسه ناحيتها وخلاص طلعت من حياته وللأبد...
مهــا..,,..عايشه في وهم حب مشعل لها كانت طايره لعالم ثاني عالم وردي مايسكنه إلا هي ومشعل كانت تبعد عنه خايفه عيونها تفضح الحب المجنون اللي فيها..وبالنسبه لطلال كانت مو معطيه موضوعه اي اهميه ما اهتمت يوم اكتشفت ان عاشق هو نفس الشخص اللي تكرهه ونفس الشخص اللي ساعدها في يوم كان بيضيع فيه اغلى ماتملكه لكن نست او تناست هالموضوع لفتره تبي تعيش فيها مع احلامها الوهميه..
بنـــــدر..,,..كان في الايام اللي راحت جسد بلا روح..عايش بين نارين نار حبه لدانا ونار اخوه مايدري وش يسوي يعترف لنايف بكل شي او انه يتقبل زواج اخوه لحبيبته وانه واقع ولازم يرضى فيه..
لمــــى..,,..عايشه بألم وعذاب نفسي هدمت حبها بيدها كلما تتذكر كلام تركي لها تتعذب وتزيد الآمها شــــي يطعن قلبها ويقطعه..وغير تركي مها اختها من كلمه خلتها تصدق ان مشعل يحبها كيــف بتعترف لها وكيف بتحط عينها في عين مها بعد ماتقولها الحقيقه..
تركــــي..,,..مات حبه و شعوره ناحية لمـى وهي وحدها اللي تقدر تحييه بس متــــــى مايدري ومايظن هاللحظه بتجي..كان يعتقد ان لمى مثل البنات اللي تعرف عليهم يقدر يعلقها بكلمه ويتركها بكلمه بس لمى قدرت تتغلب عليه وخلته يتعلق فيها ويحبها لحد الجنـون وبالنسبه للكلام اللي قالته له راح يثبت لها ان كلامها غلط في غلط ويخليها تندم قد شعر راسها...
راكــــان..,,.."خلــــي المستور خافي واكثر العالم تخافه"..
هيفـــاء..,,..وعلاقتها الغلط مع احمد مستقره وماتدري كيف بتنتهي هالعلاقه فيه شي يصرخ بداخلها ان اللي قاعده تسويه غلط بس ما اهتمت لهالشي ومشت على اللي يقوله قلبها وعقلها...
مشاعــــل..,,..انسانه محطمه ضايعه مكسوره بس تبين للناس انها قويه مايهزها اي شي..عشقت راكان لكن قطع اخر خيط امل في انه يحبها ويبادلها نفس الشعور والحين صارت تكرهه وماتطيقه لكن قلبها يضعف اذا شافته..ونايف كان فيه خطه تدور براسها وكانت ناويه تساويها بس كل شي بوقته حلــو..
فيصـــل..,,..كان عايش في دوامة تفكيــر عميق حاس ان ورا هيفاء اشياء كثيره وغامضه ولازم يكتشفها ماكانت تهمه بس كان الفضول بيذبحه..

××
([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)

جالس يتغدى مع انه مو وقت غداء حرك ملعقته في صحنه اكثر من مره وكل شوي يرفع راسه لأخوه ويبتسم..
بندر تنرفز:انت وش سالفتك كل شوي تناظرني..
نايف يستهبل:معجب..
ابونايف:اقول نايف..
نايف لف على ابوه:سم..
ابونايف:سم الله عدوك ماقلت لي متى ناوي نخطب لك البنت..
انقلب وجه بندر الوان ترك الملعقه بعصبيه ووقف:دايمـه..
ام نايف:وين يمه ماكلت شي..
بندر يطلع الدرج بسرعه:خلاص شبعت..<<دخل غرفته وخبط بالباب..
ام نايف حطت يدها على قلبها وبخوف:يمه ولدي بقوم اشوف وش فيه..<<ووقفت..
نايف مسكها:يمه اتركيه شوي وبيهدى واوعدك بعد شوي بتشوفين ابتسامته شاقه حلقه..
ام نايف رفعت حاجبها بأستغراب:وش سالفتك انت وياه..
نايف:اجلسي وبقولك على كل شي..
ام نايف جلست ومبين من وجه نايف ان عنده كلام مهم..
نايف مرر يده على شعره بتوتر"يارب ساعدني":انتو تعرفون ان الزواج قسمه ونصيب وانــا..
ام نايف انقبض قلبها:انت ايش..
نايف بسرعه:انا نصيبي مو مع دانا..
ام نايف بصدمه:وشـــــــــو..
ابونايف:انت وش قاعد تقول..
نايف نزل راسه:انا كنت مستعجل يوم قررت اخطب مافكرت في الموضوع من كل النواحي..
ابونايف كان متفهم:وانا ابوك فكرت زين..
نايف وعيونه على امه:ايه (وقف وراح لعندها وباس راسها) يمه الله يخليك لاتزعلين..
ام نايف مسحت دمعتها:المهم انت يمه..
نايف:انا يهمني رايك ورايك هو اللي بيمشي علي..
ام نايف:اذا انت مو مرتاح لها خلاص براحتك..
نايف:طيب انتي زعلانه مني..
ام نايف زعلانه بس مابينت مهما كان هذا ولدها وراحته اهم شي وخاصه في موضوع مثل هذا..ابتسمت:لا مو زعلانه..
نايف تنهد بفرحه باس راسها ويدها:الله يخليك لي ولايحرمني منك..<<وطلع الدرج بسرعه فتح غرفة بندر وطل براسه شافه واقف عند الشباك وضاغط على يده بقهـــر مسك نفسه لايضحك..
"ياعينــــي وصرت تحب يالنتفه خخخخخخ"..
راح عنده وحط يده على كتفه:ليه ماقلت لي من البدايه..
بندر لف وناظره وحزن الدنيا كلها في عيونه:اقولك على ايش..
نايف جلس وحط رجل على رجل:تحبها وتحبك وماتقول لي افااااا..
بندر عقد حواجبه بأستغراب:من ذي اللي احبها وتحبني..
نايف:الرقاصه ههههههههههههههههههههههههههههههههههه..
بندر عصب:اقول ظف وجهك يله..
نايف:طيب ياشيـــخ لاتعصب اللي تحبها دنــــو..
بندر مصدوم"شكلي سمعت الاسم غلط":هاه وش قلت..
نايف:اللي سمعته..
بندر يحاول يستوعب بس مايقدر:انت عن جد تتكلم..
نايف:ههههههههههههههههههههههه ايه وش فيك..
بندر تنهد بفرحه وكأن روحه رجعت له نط على نايف وحظنه بأقوى ماعنده وهو للحين مو مصدق اللي سمعه..
نايف:ههههههههههههههههههههههه خلاص عاد (بهمس) تراني مو دنو..
بندر بعد عنه وبعصبيه مصطنعه:اسمع دنو مايقولها إلا انا فاهـــــم..
نايف:بدينا الغيره..
بندر:الغيره مشتغله من زمان بس كنت امسك نفسي لا اذبحك..
نايف:هههههههههههههههههههههههه طيب روح راضها بكلمتين حلوين سمعت انها زعلانه منك..
بندر خذ جواله ومفتاحه:يله سلااااام..<<وطلع بسرعه..
نايف بصوت عالي:لاتنسى تسلم لي عليها..
بندر:اييييييييييه ان شاء الله..<<وقف بنص الدرج من فرحته نسى نايف اذا هو متضايق وإلا لا..لف ورجع فوق..
نايف:خير وراك رجعت..
بندر نزل راسه:اسف..
نايف بأستغراب:على ايش..
بندر:انا عارف انك تحـ...
نايف قاطعه وهو يبتسم:لا انا عندي من يكفيني يله اذلف لجوليت حقتك..
بندر نزل وهو طايــــــر من الفرحه..
××
؛؛..انا سبتك وانت مني ندمانه للنهار ده..لو حتى غصب عني ماكنش لازم ارضــى..انا بتطمن عليك وانا من بعيد لبعيد..
بخاف لو رحت ليك بلائيك حبيت جديد..مش من حقي العتاب..ما انا سبتك للعذاب..لكن ربي اللي عالم اخلاصي وحبي ليك..؛؛

مسحت دمعتها صار لها مده على هالحاله دايماً تبكي ومو راضيه تقول لاحد السبب..
انفتح الباب ومسحت دمعتها بسرعه وسوت نفسها تقرا مجله..
مها:عارفه انك تبكين والدليل شوفي المجله مقلوبه..
لمى تركت المجله وحطت راسها على الطاوله وبكت بدون صوت..
مها عورها قلبها:ماراح تقولين لي وش فيك..
لمى:............
مها:حرام اللي قاعده تسوينه في نفسك..
لمى رفعت راسها وبأنفعال:وحرام اللي يسويه فيني انا وش يعرفني اذا كان يكلم وإلا لا بس انا سمعت بنات بأذني يقولون انه يكلم...
مها تسمع لها وماتدري وش السالفه..
كملت وهي تشهق:كله منهم الله ياخذهم كله منهم..<<ورجعت تحط راسها وتبكي..
مها:خلاص تكفيـــن خلاص..
لمى مسحت دموعها وش يفيد البكي ماراح يرجع تركي ولاراح يرجع جزء بسيط من حبه لها وقفت وراحت للحمام..((الله يعزكم))..وغسلت وجهها..
مها بمرح:دريتي من بيجينا اليوم..
لمى بصوت مبحوح:مين..
مها:طلال..
لمى بأستغراب:طلال..
مها:ايه طلال وغاده وفي وبتجي معهم خالتهم..
لمى:ومتى بيجون..
مها ناظرت ساعتها:امممم بعد صلاة العشاء يله تجهزي باقي نص ساعه على وصولهم..
لمى:وحاسبه الوقت بعد..
مها لفت بتطلع:وش اسوي مشتاقة لهم..
لمى فتحت الكبت وطلعت لها لبس اي كلام لبست تنوره سوداء تحت الركبه وبلوزه بيضاء عليها جاكيت اسود راحت للمرايه وفكت شعرها الغجري وخلته على طبيعته حطت غلوس وماسكرا وكحل وبس..
انفتح الباب ودخلت مها بمرح:وش رايك حلـــو..
لمى بدون ماتناظرها:ايه حلو..
مها كانت لابسه فستان تحت الركبه لونه اخضر وتحت صدرها شريطه ذهبيه على شكل فيونكه وشعرها ملفلفته على فوق وحاطه ميك اب ناعــــم وخفيف طالعه جذابـــــه..
كشرت وراحت لعندها:ليه اسود..
لمى"حياتــــي كلها من بعدك ياتركي سوداء"تنهدت بضيق:مها والله مالي خلق لأي شي..
مها تناظر لمى وعورها قلبها على شكلها اللي واقفه الحين مو لمى اختها لمى ثانيه..وين لمى المرحه الحيويه اللي ابتسامتها ماتفارق شفاتها معقولـــه تركي قتلها..
مسكت يدها:طيب تعالي نساعد امي..<<وهم نازلين..
لمى:وريم بتجي..
مها:مدري بتصل عليها وبشوف..
قابلوا فيصل في وجههم وابتسامته شاقه حلقه حظن مها بأقوى ماعنده:والله وكبرتي..
مها:فيصل انهبلت..
فيصل بعد عنها وناظرها بنظرات مافهمتها وطلع فوق..
مها:وش سالفته هذا..
لمى رفعت كتوفها بأستغراب:مدري..
××
..طلال وغاده انتقلوا للرياض وكانوا جالسين في بيت خالتهم لما يخلص تأثيث بيتهم..
طلال بصوت عالـــــي:يله تأخرنا..
غاده وهي تنزل الدرج وتسكر عبايتها:طيب ياخي وش فيك طاير كذا..
في بخبث:يعني ماتدرين علشان الحبايب..
غاده ابتسمت:اهااا..
طلال وده يذبحهم:اقول كرمونا بسكوتكم..
ام رياض"ابتسام":يله انا خلصت..
رياض دخل وهو حاط شماغه على كتفه:بتطلعون..
طلال:ايه تخاوينا..
رياض:وين..
غاده بسرعه:بنروح نخطب..
رياض فتح عيونه على اخر شي:بتخطبون لمين..
ام رياض:خلوني اشوف البنت اول..
غاده:صدقيني بتعجبك مثل ماعجبتني..
طلال:حتى لو كانت مو عاجبتك المهم عاجبتني انا..
غاده:والله..
طلال يقلد صوتها:ايه..
رياض:صدق اللي تقوله غاده..
غاده كشرت وهي تمشي لناحية الباب:لا كذابـــــه انا..<<وطلعت للحديقه وهي تتحلطم
:الشرهه مو عليكم الشرهه علي انا اني بروح معكم (ابتسمت) اقول بلا كذب ياغويد تراك مشتاقه لهم (علت صوتها) يلـــــــه..
××
طول هالفتره تحاول تشغل نفسها بأي شي علشان ماتفكر فيه بس قلبها مو راضي ينسى..هالايام صايره انطوائيه قلت جلستها مع اهلها وطلعاتها من البيت..
رن التيلفون ورفعته:الو..
مها:اهليــــن يادبا وينك..
ريم:انا هنا..
مها:تستهبلين حظرتك ماراح تجين..
ريم:اجي وين..
مها:اففففف ريموه وش سالفتك انتي ورا ماجيتي عندنا..
ريم:ليه اجي..
مها ودها تكفخها:في وغاده بيجون عندنا ارتحتي..
ريم:والله..
مها:ايه هاه بتجين..
ريم:لا مالي خلق بس سلمي لي عليهم وقولي لهم وحشتونـي موووت..
مها:تدرين عاد..
ريم:وشو..
مها:ظفــــــي وجهك..<<وسكرت السماعه..
ريم حطت السماعه في مكانها وفتحت التلفزيون قلبت في القنوات وشافت فيلم توه بادي قررت تشوفه مدام ماعندها شي..حطت الوساده في حظنها وعقلها راح لبعيـــــــد للمكان اللي اول مره شافته فيه تحت شجره وفيه مطـــــر ابتسمت بأستهزاء..
:الله على الجو الرومانسي..<<سكرت التفزيون ووقفت لفت شافت تركي داخل ومبين في وجهه الضيق من رجعوا من الشرقيه وحالته كذا..
رفع يده:سلام يله باي..<<وطلع الدرج..
ريم لحقته:لحظه لحظه تركي..
تركي:نعم..
ريم:تعبان..
تركي تنهد بضيق:لا مو تعبان بس فيني النوم..
ريم:بتنام الحين..
تركي:ايه حاس ان جسمي مكسر (قلبه ماطاوعه مايسأل عنها) إلا قولي لي وش اخبار لمى..
ريم رفعت حاجبها:وش معنى لمى..
تركي لف عنها:خلاص انسي..
ريم:لمى بعد تسأل عليك..
تركي لف بأهتمام..
كملت:تركي انا اكثر وحده تعرف لمى صدقني تراها تحبك..
ما قدر يتكلم من الصدمه"لمــــــى تحبني"..
ريم ابتسمت:مو بس تحبك تعشق التراب اللي تمشي عليه..
تركي ماقدر يصدق:لا اكيد مرتفعه حرارتك..
ريم:توني قايستها والله العظيم مو مرتفعه ههههههههههههههههههههههههه..
تركي ابتسم:ريم فيك شي..
ريم دمعت عيونها:لا مافيني شي..
تركي:طيب تصبحين على خير..
ريم:بكيفك عمرك ماصدقت..<<وطلعت للحديقه تتمشى شوي وتشم هوا جلست على المرجيحه وهزتها وهي رافعه راسها للسماء والقمر اللي بوسطها والنجوم حوله منظــــر روعه سبحان من خلقه..
انفتح الباب ودخل هو وياه يضحكون دق قلبها ونزلت راسها مسكت في طرف المرجيحه بقوووه ودمعه علقت في وسط عينها..
طاحت عيونه عليها وتجمد في مكانه كانت غيــــر عن كل المرات اللي شافها فيها كانت لابسه بجامه بينك وعليها قطوه بيضاء ورافعه شعرها ومنزله خصلها على وجهها شكلها طفولي وبرئ..
ارتبكت ووقفت وركضت داخل..
مشعل"تو الناس":ايه وبعدين..

يتبـــــع..<<




jl,j ud,kil tdkd >> ,hkh f; ldji udkd hg[.xhgohls ,hguav,k hg[.xhgohls jl,j f; udkd ud,kil tdkd ,hguav,k












عرض البوم صور غاليه بعيون مغليها   رد مع اقتباس
قديم 04-19-2011, 05:49 PM   المشاركة رقم: 2
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزءالخامس والعشرون


تابـــــــع..<<

نايف مفهي:هاه بعدين وشو..
مشعل:وش سوى الاخ روميو..
نايف:اييييييه..
مشعل يقلد صوته:صبااااح الخير طيب تعال نجلس..
دخلت ومشت بهدووء وجلست وهي حاطه يدها على قلبها اللي دقاته تسمعها نزلت راسها لحظنها وشافت يدينها وشلون ترتجف..من الخوف من الارتباك من الشوق له ماتدري من ايش بالضبط..
:بوووووووووه..
نطت من مكانها:يمـــــــــــــه..
مشعل:ههههههههههههههههههههههههههههههههههههه..
ريم تتنفس بسرعه:حرام عليك..
مشعل:خرعتك..
ريم بدون نفس:وش رايك يعني..<<مشت بس هو مسكها..
:وين تركي..
نزل من الدرج:كني سمعت اسمي..
مشعل:تعال بيسلم عليك نايف..
حمر وجهها من طاريه ونزلت راسها وسوت نفسها تلعب بخصلات شعرها ومو منتبه لهم..
تركي وهو يمشي لناحية الباب:وبندر ما جا معاه..
مشعل بسرعه:لا بندر عند جوليت..
تركي عقد حواجبه:جوليــــت..
مشعل:ههههههههههههههههههههههههههههههههههههه..<<وطلع ..
تركي"لايكون يقصد دانا لالا وهو وش عرفه فيها"..
××
؛؛..لاتطالع في عيوني خايف يضيع الكلام..ادري ان الكون واسع لكن عيونك زحام..؛؛

وقف عند الباب وابتسامته شاقه حلقه اليوم بترجع له روحــــــه نزل والدنيا مو سايعته من فرحته..
دق الباب وفتحت له الخدامه:مساء الخير..
الخدامه:مساء نور..
بندر:بابا موجود..
الخدامه:لا مو موزود..
بندر:طيب ماما موجود..
الخدامه بطفش:لا كلو مو موزود..
بندر كشر:كلو..
الخدامه:بس فيه ماما دانا..
بندر ابتسم ودفها عن الباب:وانا يالهبله جاي ليه..<<رفع حجر صغير ورماه على شباكها وصرخ..
:احبـــــــــــــــــــك..
دانا فزت من مكانها تبي تتأكد اللي سمعته صوت بندر وإلا يتهيأ لها فتحت الشباك وشهقت:بنـــدر..
بندر علقت عيونه عليها بلع غصته "آآآه وش كثر مشتاق لك"..
دانا دمعت عيونها وصدرها يرتفع وينزل..مرت عشر دقايق وهم على هالحاله وعيونهم هي اللي تحكي وتوصل الشوق اللي فيهم..
بندر عورته رقبته:آآآآآخ (صرخ) يله انزلي..
دانا ابتسمت بعدين تحولت بسمتها لضحكه:هههههههههههههههههههههههههههههه..
بندر:يله انزلي ترى رقبتي عورتني ترضين حبيبك يتعور..
دانا بتقهره:ايه ارضى..
بندر ميل فمه:افاااا..
دانا:ههههههههههههههههههههههههههه..
بندر انقهر:وتضحكين بعد طيــــب شغلك عندي بطلع لك..
دانا وصوتها فيه الضحكه:لالالا خلاص بنزل..<<ونزلت..
بندر تنهد بفرحه:وحشتيني..
دانا حمر وجهها ونزلت راسها وبصوت اقرب للهمس:وانت اكثر..
بندر قرب منها وقرب اذنه من فمها:وشو ماسمعت..
دانا ارتبكت وماقدرت تتحرك:بعد شوي..
بندر:وشو..
دانا راح صوتها:احم احم..بعد شوي..
بندر حط يده على قلبه:آآآآآه احبها ياناس..
دانا راحت فيها..
بندر حط عينه في عينها:عيونك نستني وش جاي عشانه بس اعتقد انه شي حلو..
دانا نزلت عينها وقلبها يدق طبـول..
بندر ابتسم:ايه تذكرت مستعده تسمعين..
دانا:قول..
بندر وهو يسوي نفسه زعلان نزل راسه وفرك يدينه بتوتر..
دانا اختفت ابتسامتها وبخوف:بندر فيك شي..
بندر:...............
دانا:بندر تكلم فيك شي..
بندر:................
دانا هزته وهي ميته من الخوف:بندر تكلم فيك شي..
بندر رفع راسه وناظرها بعدها انفجر من الضحك من شكلها:هههههههههههههههههههههههههههههه..
دانا دفته بعصبيه:سخيـــــف..<<ومشت بس هو لحقها ومسكها..
:تخافين علي..
دانا بصوت مخنوق:اذا ماخفت عليك اجل اخاف على مين..
بندر:يابعد قلبي انتي..
دانا تبدل مزاجها وابتسمت..
بندر قرب من اذنها وهمس:مافيه قوه في الدنيا تقدر تفرقنا انتي لي وانا لك..
ارتفعت حرارة جسمها صايره مره قريبه منه وانفاسه الدافيه على خدها رفعت راسها وعيونها مدمعه مو مصدقه:يعني..
بندر بأبتسامه وسيعه:ايه نايف عرف اني احبك وتحبيني..
دانا شهقت:صــــــــدق..
بندر:ايه صدق قلتلك انتي لي وماراح تكونين لغيري..
سكتت حست ان الكلام مايقدر يوصف شعورها في هاللحظه نزلت دموع الفرح على خدها وابتسامه وسيعه انرسمت على شفايفها..
بندر مسح دموعها:بلا هالدموع ترها غاليه..
دانا:مو مصدقه..
بندر ابتسم:لا صدقي..
سمعوا صوت الباب ينفتح..
دانا ارتبكت وركضت لداخل بسرعه..
دخل ابودانا وامها وريناد..
ابودانا:هـــــلا والله تو مانور المكان..
بندر بأرتباك وعيونه على المدخل:منور بوجودك..
ام دانا:وش اخبارك وش اخبار الوالد والوالده..
بندر:بخير يسلمون عليكم..
ام دانا:الله يسلمهم..<<ودخلت..
ابودانا:بندر وش فيك..
بندر:هاه..
ابودانا:تفضل ادخل..
بندر:لا وراي شغل..
ابودانا:وشو شغله ياحظي..
بندر:مواعد الشباب في الاستراحه يله اشوفكم على خير مع السلامه..<<مشى لناحية الباب وقبل مايطلع لف واشر لريناد وحرك شفايفه بدون صوت..
:تعالي..
ريناد تأشر على نفسها:انا..
بندر بطفش وبنفس الحركه:لا جدتي ايه انتي..
ريناد تأشر لها يعني انتظر شوي وبعد ماتأكدت ان ابوها وامها طلعوا فوق راحت له:هاه خير وش تبي..
بندر:النفسيه زفت..
ريناد بأنفعال:كله منك تأشر لي وابوي واقف..
بندر:طيب لايكثر الهرج (طلع ورقه من جيبه) عطيها قلبي اوكي..
ريناد خذت الورقه وبأستهزاء:ياعيني على الحب..
بندر:رينادوووه..
ريناد بطفش:طيب خلاص اسفين هاه تامر بشي ثاني حظرتك..
بندر ابتسم:ابيك تقولين لها احبك مووووت..
ريناد:اففف والله فاظين..
بندر:ريناد..
ريناد:خلاص طيب يله ممكن الحين تظف وجهك..
بندر:يله باااي..
ريناد دفته وسكرت الباب ناظرت في الورقه وهي تبتسم:قسم بالله مجانين..
جت وهي تركض وسحبت الورقه وحظنتها:آآآآآآآآآه تكفين قولي لي وش قالك..
ريناد:حمد الله والشكر..<<ومشت..
دانا لحقتها:ريناااادووه يالسخيفه..
××
دخلت وهي تمشي بغنج ودلال اشرت بيدها وقالت بمياعه:هااااي..
ام راكان بدون نفس:وعليكم السلام..
منال رفعت حاجبها وبأستهزاء:كيفك خالتوو..
ام راكان وهي تبرد اظافرها:شوفي مشاعل فوق..
منال ابتمست بدون نفس وطلعت الدرج"مالــــــت عليك ياعجوز النار"..<<سمعت صوته يتنحنح وبسرعه فتحت عبايتها ونزلت الطرحه على كتفها ومالت بجسمها..
ابوراكان وهو يناظرها من فوق لتحت بأنبهار:من انتي..
منال بدلع ماصخ:انا..
ابوراكان:ايه..
منال:صديقة مشاعل..
ابوراكان:وش اسمك..
منال:اسمي منال..
ابوراكان ابتسم:عاشت الاسامي..
منال:عاشت ايامك..<<طلعت ومرت من جنبه وريحة عطرها صارت عالقه في انفه..
ابوراكان ناظرها لما اختفت من قدامه"سبحان من صورك ملاك على الارض"..
منال وقفت عند باب غرفة مشاعل وقبل ماتفتح الباب ابتسمت بخبث"والله لا اعلقك فيني يالشايب"..<<فتحت الباب..
:هاااااااي..
مشاعل بفرحه:اهليـــــــــن ورا ماقلتي لي انك بتجين..
منال باستها:حبيت اسويها لك مفاجأه..
مشاعل:واحلى مفاجأه بس كان قلتي لي شوفي شكلي رايح فيها..
منال:بالعكس قمـــــــر يله روحي البسي..
مشاعل:ليه..
منال:مسوين سهره سبيشل عشانك..
مشاعل ابتسمت:يابعد عمري انتي كأنك تدرين ان ضايق صدري وابي استانس..
منال"عسااااه دوووم":ليه عسى ماشر وش فيك..
مشاعل:سالفه طويله بعدين اقولك اياها المهم الحين بروح البس..
منال جلست:اوكي انتظرك..
مشاعل رفعت السماعه:وش تشربين..
منال:لا ماله داعي..
مشاعل:وش اللي ماله داعي..كارني جيبي واحد عصير برتقال بااارد كويكلي بليز..<<سكرت وراحت للكبت..
منال بخبث:ميشو وين راكان..
مشاعل بلعت غصتها:ليه تسألين..
منال:سؤال وخطر على بالي..
مشاعل"مالت عليك وعلى سؤالك البايخ":مدري عنه (لفت عليها) شوفي هذا حلوو..
××
وقف في نص صالة القصر الواسع رفع نظارته الشمسيه مع انه في الليل بس يبي يخفي عيونه..
سمع صوت احمد نازل من الدرج دخل الصاله وصرخ:راكـــــــــان..
راكان:ههههههههههههههههههههههه..
احمد حظنه:هـــــلا وحشتني يالدب متى رجعت..
مرت قشعريره على كل جسمه وبعد عنه بقرف:قبل يومين..
احمد:وماتقول لي افاااا..
راكان:حبيت اسويها مفاجأه هاه وش رايك فيها..
قطعت عليهم حكيهم وقالت بياعه:احـ..<<انربط لسانها ماقدرت تتكمل يوم شافته نست كل شي بتقوله ونست نفسها علقت عيونها عليه حتى ماقدرت ترمش..
راكان عطاها نظرة احتقار ولف:شكلك مو فاظي خلاص اجيك بعدين..
احمد مسكه:حتى لو مو فاظي افظي نفسي عشانك..
راكان بهمس:والاخت..
احمد:اصرفها لعيونك..
راكان ابتسم:وش سالفتك اليوم..
احمد:مشتاقلك وش اسوي (رفع راسه لجنا المفهيه) هيــــــه يالاخت..
جنا انتبهت:هاه تحاكيني..
احمد:لا الجدار ايه انتي ممكن يعني تظفين خشتك..
راكان يضحك بصوت واطي..
جنا انقهرت:وسهرة اليوم..
احمد:كنسلتها لعيون راكان..
جنا تفكر بخبث"مو جنا اللي تنهان ياراكانوه الزفت ان ماخليت تعض اصابعك ندم ما اكون جنا"..<<راحت وباست احمد..
:يله بااااي قلبي..
احمد بدون نفس:بااي..
بعد ماطلعت جنا:افففففف مابغت..
راكان جلس:انت اللي رحت لهالمصيبه برجلك..
احمد:حبيبي هاذي راس مالي من وراها استفيد ويكفي انها جابت لي بنت ياخي وش اقولك تقول للقمر بعد وانا بجلس مكانك..
راكان:وذا البنت بتتزوجها..
احمد:ههههههههههههههههههههههههههه انا اتزوج بنت خانت ثقة اهلها وكلمتني وان شاء الله قريب بتطلع معي مجنون انت وإلا شارب شي..
راكان بأستهزاء:حراااام هههههههههههههههههههههههههههههههههههه..<<ومد يده يصفقها مع يد احمد..
احمد مد يده:ههههههههههههههههههههههههههههههههههههههههههه..
××
كانت جالسه وهاديه على غير عادتها تفرك يدينها بتوتر وخوف ماتدري ليه قلبها مو متطمن حاسه ان فيه شي..
مها عطتها كوع وبهمس:ياختي ابتسمي تراك مو جالسه في عزاء..
لمى بصوت مبحوح:قلبي يعورني حاسه ان فيه شي..
مها:مثل ايش..
لمى شوي وبتبكي:مدري مدري..
مها:لمـــى تكفين امسكي نفسك..
ام رياض نزلت بيالة الشاهي وهي تناظر مها بأنبهار"والله وعرفت تختار ياطليل":حبيبتي انتي بأي مرحله..
مها ابتسمت بنعومه:انا في اولى جامعه..
ام رياض:مشاء الله مو مبين عليك..
مها حمر وجهها ونزلت راسها..
رن جوال غاده ورفعته وكشرت..
في:مين..
غاده:من غيره طليل غثني (وقفت) عن اذنكم..<<راحت للصاله وردت بعصبيه..
:نعم نعم خير..
طلال:عمى شوي شوي كلتيني بقشوري..
غاده:وش اسوي طلعتني من طوري كل شوي داق..
طلال:المهم قولي لي وش صار..
غاده:ماصار شي بس شكل خالتك عجبتها حرمك المصون..
طلال ابتسم عجبته"حرمك المصون":ان شاء الله قريب بتصير حرمي المصون لاتستبقين الاحداث سلمي لي عليها اوكي..
غاده:اوكي باااي ولاعاد تتصل..<<سكرت السماعه وراحت للمجلس..
في بهمس:وش يبي..
غاده:يسأل عن حرمه المصون..
في حطت يدها على فمها:ههههههههههههههههههههه..
فجأه وقفت وراحت للمطبخ بخطوات سريعه رفعت جوالها ويدينها ترتجف حطت السماعه على اذنها بخوف:ردي تكفين ردي (بسرعه) الوو ريم تركي فيه شي..
ريم بأستغراب:وش السالفه..
لمى برجا:ريم تكفين جاوبيني..
ريم:لا مافيه شي..
لمى:هو عندك الحين..
ريم:لا طالع لمى وش فيك..
لمى:مدري قلبي يعورني حاسه ان..
ريم قاطعتها بأنفعال:لاتفاوليــــــن ان شاء الله مافيه شي..
لمى بضيق:طيب اذا جا وإلا اتصل عليك طمنيني عليه اوكي..
ريم:اوكي..
لمى:باي..<<سكرت وحطت يدها على قلبها اللي مو راضي يهدى جلست على الكرسي ومررت يدها على شعرها بتوتر..
:ليه جالسه هنا..
لمى بدون نفس:مالي خلق اجلس مع احد..
مها:كذا بتخلينهم يعتقدون ان فيه شي صدق..
لمى نزلت دموعها:اصلاً فيه شي بس مدري وشو..<<وشهقت..
مها عورها قلبها:لمى تكفين خلاص..
لمى تنهدت بضيق ومسحت دموعها ووقفت:يله امشي..
××
دخلت غرفتها بهدوء وسكرت الباب وقلبها يرقص من الفرح ولعت الابجوره وفتحت الاستريو على اغنية "التايتنك"تناسب الجو اللي هي فيه..تربعت على السرير وطلعت الورقه وفتحتها وعضت على شفايفها بخجل وهي تقرى الكلام المكتوب...

O0o0o
..في خفوقي لك حكايه ضمها كتاب المشاعر..وفي عيوني لك مدينه ياحلوها من مدينه..
انت لو تآمر على روحي من غلاتك بس تآمر..فدوى روحي من غلاتك والله ماهي بالثمينه..
شفت عاد اش قد غالي لاوعندي شي آخر..كل هالعالم بدونك اشبه بدمعه حزينه..
احنا قصتنا قديمه وحبنا"صادق وطاهر"..انقى من حبة رذاذ فوق خد الياسمينه..
إحنا لو نكتب عشقنا ضاقت اوراق الدفاتر..وان كتبنا شي تبقى اغلب كنوزه دفينه..
انت تبحر في عيوني لنا في عيونك اسافر..فوق غيمة من محبه لاشراع ولاسفينه..
جيت لك كلي وضوح بلا قناع ولامظاهر..وجيتني من طيب اصلك لاغرور ولاضغينه..
تذكر بأول لقانا..كيف خانتنا المحاجر..الحكي عيا وحروفه في حناجرنا سجينه..
وكانت عيونك مرايا بعثرت اوراق شاعر..وكنت اقرا في عيونك رعشة الشوق وحنينه..
كانت الفرصه دقايق عشتها مثل المغامر..مرني فصل العواصف والهداوه والسكينه..
تصدق اني من بعدها صارت ضلوعي منابر..كم تعلاها خفوقي يشجب البعد ويدينه..
بصراحه في غيابك تنغلق كل المعابر..كل هالدنيا بدونك تنقلب صحرا وشينه..
افتدي نظرة عيونك واشتريها بألف خاطر..ومن غلاتك بس عندي عيني صلرت لك مدينه..

الله لايحرمني منك"احبك"..
O0o0o

تنهدت بفرحه وحظنت الورقه لصدرها:ويلوموني في حبك..<<باست الورقه وحطت راسها على مخدتها وغرقت في احلامهاآ












عرض البوم صور غاليه بعيون مغليها   رد مع اقتباس
[/table1]












قديم 04-20-2011, 01:28 AM   المشاركة رقم: 3
المعلومات
الكاتب:
اللقب:
~..جريحــهـ...~
الرتبة:
الصورة الرمزية
 
الصورة الرمزية ~..دمــووع..~

البيانات
التسجيل: Jan 2011
العضوية: 75038
المشاركات: 1,382 [+]
بمعدل : 0.42 يوميا
اخر زياره : [+]
معدل التقييم:
نقاط التقييم: 15
 

الإتصالات
الحالة:
~..دمــووع..~ غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزءالخامس والعشرون

[table1="width:95%;"]
ياعيني على الحب وما يفعل ...
تسلمين غآليه على تكملت القصه ..
كم أسعدني ذوووقك في الاختيار الرااائع ..
نكمل القصه ..
تحيااتي
دمووع
توقيع : ~..دمــووع..~

عرض البوم صور ~..دمــووع..~   رد مع اقتباس
قديم 04-24-2011, 11:03 PM   المشاركة رقم: 4
المعلومات
الكاتب:
اللقب:
عضو فضي
الرتبة:
الصورة الرمزية
 
الصورة الرمزية أحلام وردية

البيانات
التسجيل: Jan 2011
العضوية: 74914
المشاركات: 1,997 [+]
بمعدل : 0.61 يوميا
اخر زياره : [+]
معدل التقييم:
نقاط التقييم: 19
 

الإتصالات
الحالة:
أحلام وردية غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزءالخامس والعشرون

مشكوره غالية
يعطيكـ ربي الف عاااافيه
دمتي بتمييز
تحيتي لك












عرض البوم صور أحلام وردية   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ميته, الجزءالخامس, تموت, بك, عيني, عيونهم, فيني, والعشرون, وانا

جديد منتدى قصص - روايات قصيره وطويله


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 10:15 AM.


Powered by vBulletin® Version 3.8.9
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.1