قصص - روايات قصيره وطويله قصص طويله , قصص واقعيه , روايات ألف ليله وليله , قصص حب , قصص خياليه


إضافة رد
 
LinkBack أدوات الموضوع انواع عرض الموضوع
قديم 04-19-2011, 06:15 PM   المشاركة رقم: 1
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

المنتدى : قصص - روايات قصيره وطويله
Icon777 (46) تموت عيونهم فيني .. وانا بك ميته عيني الجزء الثامن والعشرون




الجــــ الثامن والعشرون ـــــزء..

؛؛..والله مايهون علي تنام وخاطرك زعلان..؛؛

عجبته الفكره صح انها فكره مجنونه بس لازم يسويها مايقدر ينام وهي زعلانه منه..غير طريقه وراح لطريق بيتهــــا..وقف عند البيت وناظره فتره متردد ينزل وإلا لا..
في الاخير نزل وهو خايف من ردة فعلها لما تشوفه خذ نفس طويـــــــل ورن الجرس..
××
كانت جالسه في الصاله ومتربعه على الكنبه وضامه المخده لصدرها وعيونها على التلفزيون اللي يشتغل بدون فايده لان عقلها مو معها سمعت الجرس رفعت حاجبها بأستغراب
:غريبه من جاي الحين (بصوت عالي) سيتي..
سيتي (الخدامه):yes..
ريم:Oben tha door..
سيتي طلعت تفتح..
دخل بخطوات بطيئه وثقيله وعينه على باب المدخل..
وقفت ومشت لناحية باب المدخل:سيتي ميـ..(ناظرته بصدمه وهمست) نايف..
نايف يفرك يدينه بتوتر:ممكن ادخل..
ريم بلعت غصتها:سيتي ادخلي جوا..
سيتي ناظرتهم بأستغراب ودخلت..
ريم تكتفت ولفت عنه:مشعل طالع وابوي بعد طالع..
نايف:بس انا مو جاي عشانهم انا جاي عشانك انتي..
ريم لفت عليه ورفعت حاجب وابتسمت بأستهزاء:عشاني..
نايف:ريم انا..
ريم قاطعته بأنفعال وبصوت مرتجف:انت ايـــش للأسف يا نايف اكتشفت انك انسان مريض تشك فيني وفي تربية عمك ليه وش قالوا لك بايعه سمعتي وكرامتي..
عوره قلبه على هالحكي بس خلاها تجرح معاها حق في كل اللي تقوله..
كملت وهي ترفع شعرها عن خدها:شوف وش سويت بسببك مارحت اتطمن على تركي واذا سألني احد وشو هذا وش اقول اقول ولد عمي سمعني اكلم خالي وشك فيني وعطاني كف..
نايف قرب منها وحط يده على خدها وبنبره هاديه:انا آسف..
ريم بعدت يده ورجعت خطوات لورا وهي تعض شفايفها ودموعها على خدها:بعــــــد عني..
نايف بنفس النبره حركت شعورها من جوا:ريم اسمعيني انا ماسويت كذا إلا من غلاتك عندي..
ريم ارتجفت بعدت عنه وناظرته بأحتقار خلت نايف يكره نفسه:اذا هذا تسميه غلا شكراً انا ما ابيه..
نايف مرر اصابع يده على شعره بتوتر قرب منها ومسك كتفها وضغط عليه:صدقيني مدري وش صار فيني لما سمعته يكلمك ويقول لك هالحكي اذا ماكنتي غاليه وتهميني كان ما اهتميت ويوم سمعتك طنشت وقلت بكيفها تسوي اللي تسويه وش علي فيها (حط عينه في عينها المدمعه) واكذب ان قلت ماغرت عليك..
ريم تناظره مصدومه ودها تحكي بس كل الحكي تبخر ودها تتحرك وتبعد عنه بس كل شي فيها جمــــد..حست على نفسها وبعدت وكلام نايف يرن في اذنها وخاصه اخر كلامه يوم قال..((واكذب ان قلت ماغرت عليك))..تبي تستوعب وتفهم اللي قاله لكن حست ان تفكيرها مشلـــــول هاللحظه..بردت اطراف يدينها و دق قلبها بقوه لدرجة ان نبضاتها وصلت مسامعها..
كمل وهو مايدري ان كل كلمه يقولها لها تأثيــــر كبير على قلبها:وصدقيني بعد السبب الاول في اني اتراجع عن خطبة دانا هو انتي..
ريم انصدمت..
نايف بلع غصته:اتمنى تسامحيني يله سلام..<<وطلع وهو يحس براااااحه وقلبه طااااير للسما من الفرحه..
حطت يدها على قلبها وهي تضحـك وتبكي في نفس الوقت مو مصدقه اللي صار مررت اصابع يدها المرتجفه والحاره على شعرها دخلت وشافت وجهها في المرايه تحسست خدها الكف اكبــر واحلى هديه عطاها اياه بسببه عرفت ان نايف يحبـها ويغار عليها..نزلت دموعها وهي تضحك بفرحه ملت قلبها وملت دنيتها وعمرها كلــــــه..
××
:
بعـــــد ثلاث ايام..
احداثها كانت قليله..
ريــــم ونايف..كانوا يتبادلون نظرات الحب اللي تنعش وتقوي علاقتهم..
لمــى..صارت انطوائيه ماتحب تشوف ولاتكلم احد ومن كلام تركي لها دمر كل شي فيــــها..
مهـــا..عقلها متقبل طلال بس قلبها رافضه لان مشعل عايش فيه وماتدري تحكم قلبها وإلا عقلها..
تــركي..كانت حالته تسوء يوم ورا يوم نوف عيشته بدوامة تفكيـــر ولمى ضغطت عليه وآلمته زياده لانه يعتقد انها تناظره بشفقه مو لانها تحبه..
طــــلال..خايف من رفض مها لانها برفضها حكمت عليه بالأعدااام..
:
××
قرب المرايه لفمه اللي فتحه على اخر شي:الله ياخذكم ويقلع ضروسكم مثل ماقلعتوا ضروسي..
بندر:ههههههههههههههههههههههههههههه..
تركي بدون نفس:تضحك هااا اقول ماقالك الدكتور متى بطلع ترى مليت..
بندر:ياخوي اصبر مافيك صبر..
تركي:خلاااااص مليت طلعوني ابي اطلع ابي اشم هوا..
بندر نزل راسه وفرك يدينه بتوتر:اقول تركي وش صار في موضوعك انت ولمى..
تركي كشر:انت وش سالفتك معلق على هالموضوع قلتلك كل شي بينا انتهـــــى (بأستهزاء) عاد كأن بينا شي..
بندر:بهالبساطه تركي ترى البنت تحبك انت ماشفتها يوم كنت في العمليات بغت تموت من كثر مابكت..
تركي:تلعب على مين انت اي تحبني ماحبتني وانا بعافيتي تحبني وانا (بلع غصته وقال بضيق) مشلول..
بندر:بس ياتركي..
تركي قاطعه:الله يخليك سكر على الموضوع..
انفتح الباب ودخلت بمرح:هااااااي (انتبهت لبندر وتفشلت) قصدي السلام عليكم..
تركي وبندر:ههههههههههههههههههههههههههههههه..
بندر ابتسم:ريم كيفك..
ريم وجهها احمر من الفشيله:بخير..
بندر وقف:يله انا ماشي..
تركي:وين اقعد..
بندر غمز له:بروح اكلم الحلوين..
تركي ابتسم بتعب:اهاا اجل سلم لي عليهم..
بندر رمى عليه المخده بقهر:ايييييييه ان شاء الله..
تركي:ههههههههههههههههههههه..
وبعد ماطلع بندر..
ريم نطت جنب تركي:كيفك اليوم..
تركي:زفـــــــت..
ريم:افااا ليه..
تركي:وش تبيني اقول يعني بخير وانا اصلاً مو بخير ومنثبر هنا بين اربع جدران..
ريم بضيق:تغيرت ياتركي كثيــــر مو انت تركي اللي اعرفه..
تركي:لا انا هو نفسه بس فيه تغيير بسيط (اشر على رجله) هاذي ماتتحرك ويدي مكسوره و..
ريم قاطعته ودموعها على خدها:تركي خلاص..<<حظنته بقــــوه..
تركي قربها لحظنه اكثـــر وتنهد بضيق وهو يمسح على شعرها:شفتي وش صار فيني..
ريم بعدت عنه وابتسمت:ان شاء الله ترجع مثل اول واحسن..
تركي:ما اظن المهم صح زواج منصور ودلال بكره..
ريم:ايه..
تركي:بتروحين..
ريم:لا انا بعسكر عندك هنا..
تركي:لا روحي ودقي على خلود وقولي لها تروح زواج بنت عمها حرام ماتروح بسببي تراني ما استاهل..
ريم كشرت:بدينا..
تركي ابتسم:خلاص بسكت بس انتي دقي عليها..
ريم رفعت جوالها:طيب وانت..
تركي:لاتشيلين همي بندر بيقعد معي ما شاء الله عليه نشبـــــــه..
ريم:ههههههههههههههههههههههه حرام عليك..الوو..
××
دخلت الغرفه وشافتهم حالتهم كذا من ثلاث ايام..
ام فيصل بضيق:وانتو بتطولون على هالحاله..
مها:هلا ماما..
ام فيصل:شوفوا ابيكم تروحون زواج دلال بكره توسعون صدوركم شوي..
لمى:انا ما ابي اروح..
مها:حتى انا..
ام فيصل:اقول انا ماخذت رايكم وبعدين غاده متصله علي وقالت لااااازم يجون..
مها:وش دخل غاده..
ام فيصل:غاده تصير بنت خالة دلال..
مها رجعت تشخبط في دفترها:اهاا..
ام فيصل وهي تطلع:جهزوا نفسكم..
لمى:بس..<<ماكملت لان امها سكرت الباب وطنشتها..لفت على مها
:بس انا ما ابي اروح..
مها:خلينا نروح نوسع صدورنا شوي وبصراحه يعني مليت من قعدة البيت الله يعين تر..<<سكتت وعضت على شفايفها من زلة لسانها..
لمى بلعت غصتها وتجمعت الدموع في عيونها:طيب اتصلي على ريم اسأليها بتروح وإلا لا..
مها بضيق:طيب..
××
كانت جالسه في وسط الاغراض رافعه شعرها منفوش ولابسه بنطلون ورافعته لنص ساقها وبلوزتها رافعه كمومها قالت بطفش
:غويـــد مالقيتي إلا هاليوم علشان ترتبين فيه اغراضك عن جد عليك توقيت غلـــــط..
غاده ترتب الكتب في الرفوف:رتبي وانتي ساكته..
في تخصرت:طراره وتتشرط..
..((رن الجـــــرس))..
غاده:يله روحي افتحي الباب..
في:ياشيـــــــخه وليه مو انتي بيتك وإلا بيتي..
طلال بصوت عالي:وحده منكم تفتح البــــــــاب..
في وقفت:افففف خلاص اجلسي انا بروح افتح..
غاده:اصلاً من قالك اني بروح..
في انقهرت ورمت عليها المخده وجت على وجهها:ههههههههههههههههههههااااي..<<طلعت تركض فتحت الباب وهي تلهث..
:ميــــن..
دخل وهو مبتسم:مساء الخيــــر..
في تفشلت نزلت بنطلونها قالت بأرتباك:هلا مساء النور..
مشعل:هههههههههههههههههههههههههه وش فيك..
في:هاه ولاشي تفضل..
مشعل دخل وهو ماسك اكياس دخل الصاله وفي وراه تنطط من الفشيله وتضرب خدودها..
مشعل رفع راسه لطلال اللي طالع السلم يركب الستاره:مساء الخيــــر..
طلال:هلا مساء النور (لف عليه) كيفـ..<<ماقدر يتوازن وطاااااح على الكنب..
:آآآآآآآخ..
مشعل وفي:هههههههههههههههههههههههههههه..
مشعل مد يده ووقفه:الحين وش طلعك فوق..
طلال رمى الستاره:مثل ماتشوف اركبها..
مشعل:اما اشكالكم تحفــــــه ههههههههههههههههههههههههه..
طلال جلس وتربع على الكنبه:كيف تركي..
مشعل بضيق:والله مدري وش اقولك كل يوم حالته تسوء عكس الناس سبحان الله..
طلال:ليه طيب ماعرفتوا السبب..
مشعل:لا بس يمكن عشان الشلل..
طلال رفع كتوفه:يمكن..
غاده طلت براسها:هــــــلا مشعل..
مشعل:هلا فيك..
غاده تأشر لفي:تعالي انتي..
في:ماراح اجــــي..
مشعل وقف ورفع كمومه:تبون مساعده..
طلال:لالا خلك بنتعبك معنا..
مشعل مسك الستاره:لا ولو تعبك راحه..<<طلع السلم..
طلال:اقول ماوصلك الخبر..
مشعل:اي خبر..
طلال:خطبت مهـــا..
مشعل اختفت ابتسامته ودقات قلبه تزيـــــد صح انه مايحب مها بس قلبه يميل لها حاول يستوعب اللي قاله طلال ماقــدر..
في تراقب مشعل وكيف كان آثر الصدمه على وجهه يعنـــي مافيه إلا سبب واحد لكل هذا انه يحبها..
مشعل بعد ماركب الستاره بسرعه ونزل:يله انا استأذن..
طلال:وين توك جاي..
مشعل بدون مايناظره:تذكرت ان عندي شغله لازم اسويها..
طلال ابتسم:طيب ما اوصيك اذا شفت نسيبي ونايف سلم لي عليهم..
مشعل بقهر:ان شاء الله يله سلام..<<طلع..
في خذت عبايتها:حتى انا بروح..
طلال:وين انتي الثانيه..
في بسرعه:بروح لأبوي بعدين تأخر الوقت..
طلال:ومين بيوديك..
في تمشي بخطوات سريعه لناحية الباب:السواق يله باااي..<<وطلعت فتحت الباب شافت سيارة مشعل توها مامشت تنهدت بأرتياح ومشت ناحيتها دقت الشباك..
مشعل لف عليها وفتح الشباك:هلا في..
في بأرتباك:ممكن يعني توصلني على طريقك..
مشعل:يله اركبي..
في ركبت بدون ولاكلمه ومشعل شغل السياره ومشى بدون مايلتفت ولايكلمها..
في قطعت هالسكوت:اقول مشعل..
مشعل:هلا..
في تفرك يدينها بتوتر وقالت بجرائة الدنيا كلها:انت متضايق لان طلال خطب مها..
مشعل استغرب وبنفس الوقت انصـــــدم من سؤالها لف وجهه عليها وناظرها للحظات بعدين رجع يناظر الطريق..
في عضت على شفايفها"افففففف ليتني ماقلت شي":آسفه اعتبرني ماقلت شي..
مشعل بلع غصته:ماله داعي تعتذرين انتي ماقلتي شي غلط يافي انا مو متضايق بالعكس انا اتمنى لمها وطلال كل خير بس..
في:بس ايش..
مشعل بضيق:طلال خطب انسانه غاليه عندي وآستني وخلتني اطلع من الحزن اللي انا فيه يوم خانتني ملاك..
في:مين ملاك..
مشعل:وحده مايجوز عليها إلا الرحمه..
في التفتت تناظر الطريق والدموع متجمعه في عيونها وبلعت غصاتها"ياربــــي انا ليه حظي كذا ام تركتني وراحت وحبيت واحد في قلبه وحده غيري يارب خذ روحي وريحني"..
مشعل لف عليها وشافها سرحاااانه ويدينها تفكرها بتوتر لما صارت حمرا..لف يناظر الطريق وفجأه فرمــــــل بقوه بغى يصدم السياره اللي قدامه..
في شهقت وحطت راسها في فخذها وهي تتنفس بسرعه ويدها على قلبها..
مشعل بخوف حط يده على ظهرها:في انتي بخير..
في رفعت راسها وهي ترتجف:ا..يه..
مشعل مسك يدها وضغط عليها:لاتخافين انا معك..
في سحبت يدها وبسرعه:لالا مو خايفه..
مشعل شغل السياره وناظرها وابتسم:شكلك بتحرمين تركبين معاي مره ثانيه..
في"عمرك ماراح تحس"..<<وضحكت مجامله..
××
حطت رجل على رجل وناظرت الغرفه بأنبهار"في يوم من الايام بيكون هالبيت ملكي وابوكم بعد ملكي وخاتم في اصبعي والله لاوريك يامشاعل والله لأكسر خشمك اللي رافعته مدري على ايــش"..
دخل وناظرها من فوق لتحت بأنبهار وخبث..
منال بمياعه:اهلـــين عمو..
ابوراكان كشر:عمو..
منال وقفت وقربت منه بوقاحه وعدلت ياقة ثوبه:سوري قصدي دحوم..
انفتح الباب وارتاعت وبعدت عنه..
ابوراكان بأرتباك:خيــــــر انتي وش جابك..
مشاعل تناظرهم بشك:اظن ان هاذي غرفتي وإلا انا غلطانه..
ابوراكان طلع وسكر الباب بعصبيه..
مشاعل:وش جابه هذا لهنا..
منال بأرتباك:هاه مدري يسأل عنك..
مشاعل:وش يبي فيني..
منال بعصبيه:وانا وش يعرفني افففف..
مشاعل:طيب وش فيك عصبتي ماقلت شي..
××
؛؛..انا بشر اخطي وسبحان اللي كامل بالعطا..زليــت..
إصبر علي..وان ماقوى صبرك رضاي انا بهواي مجروح من يصبر علي..
هجرك الم..اقولها واقسم قسم..متى الظفر ياعمري يطلع من اللحم..
انا بشر اخطي وسبحان اللي كامل بالعطا..زليـــت..؛؛

اليوم الثانـــــــي..
يوم زواج دلال ومنصور زواج احلى اثنين حبوا بعض من سن الطفوله كبروا وكبر حبهم معهم..
كانت واقفه قدام المرايه تحط غلوس رن جوالها ورفعته:الوو هلا مها..اوكي امرك وإلا تمريني..اهااا طيب باااي..<<سكرت وحطت اغراضها في شنطتها خذت عبايتها ونزلت..
:مشعل توديني لبيت عمي محمد..
مشعل:اوكي يله..<<ركبوا السياره ومشعل يحاول يضبط اعصابه اذا شاف مها لانه يعتقد انها وافقت على طلال..
ريم لفت عليه:وش فيك شكلك مو طبيعي..
مشعل:لا مافيني شي (خذ نفس طويـــــل وقال بهدوء) دريتي..
ريم:عن ايش..
مشعل:طلال خطب مها..
ريم بصدمه:وشـــــــــو..
مشعل:مثل ماسمعتي..
ريم:وذا الدبا ماقالت لي..
مشعل معصب:الحين هذا اللي هامك..
ريم:ايه طيب وش فيك عصبت..
مشعل بنفس العصبيه:مافيني شي..
ريم رفعت كتوفها بأستغراب من شكل مشعل اللي انقلب فجأه..
وصلوا بيت ابوفيصل ونزلت ريم وقبل ماتدخل لفت عليه:ماراح تنزل..
مشعل بدون مايناظرها:لا..
ريم لفت تكمل طريقها وشافت سيارة نايف ابتسمت ولمعت عيونها بفرحه ودخلت الصاله شافت عمها في وجهها..
قربت منه وباست راسه:كيفك عمي..
ابوفيصل:هلا ريم شخبارك وانا عمك..
ريم:الحمد الله تمام..
ابوفيصل ابتسم:وش هالزين وش هالحلاوه..
ريم حمر وجهها:تسلم..
ابوفيصل:يله مع مع السلامه وسلم لي على الوالد والوالده..
ريم:يوصل..<<راحت المغاسل تلبس حلقها حست بأنفاس وراها مارفعت راسها للمرايه وصدرها صار يرتفع وينزل بسرعه..

يتبـــــــع..<<




jl,j ud,kil tdkd >> ,hkh f; ldji udkd hg[.x hgehlk ,hguav,k hgehlk hg[.x jl,j f; udkd ud,kil tdkd ,hguav,k












عرض البوم صور غاليه بعيون مغليها   رد مع اقتباس
قديم 04-19-2011, 06:16 PM   المشاركة رقم: 2
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الثامن والعشرون



تابــــــــع..<<

لفت ورفعت راسها وحست بالدم حااااار بعروقها..غرقت عيونها فيه كان كااااشخ لابس غتره وثوب وجزمه سوداء ((الله يكرمكم)) ومضبط السكسوكه ابتسم ابتسامه ذوبتها كان واقف ومايل بجسمه وساند يدينه على المغسله نفس وقفته ونفس ابتسامته وجرائته يوم شافته في الاستراحه يوم نبض قلبها له..
ارتفعت حرارة جسمه من شكلها وخاصه عيونها الذباحه اللي سحرته من اول نظره قال بصوته الهادي:هاه مسامحتني..
صحت من سرحانها وبعدت عنه بتطلع بس هو سبقها ووقف قدامها..
قالت بصوت اقرب للهمس:ممكن تبعد شوي..
نايف:ابي اعرف انتي مسامحتني وإلا للحين زعلانه..
ريم شوي وبتبكي وش ذا الموقف المحرج اللي حطها فيه:حرام عليك..
نايف ابتسم ولاحظ وجهها اللي انقلب الوااان واستانس لانه حس انه اثر عليها:وشو اللي حرام علي..
ريم بصوت مرتجف:بعد خلني امشي..<<مدت يدها بتدفه عنها بس هو سبقها ومسك يدها وكانت انعم وادفى يدين مسكها في حياته ارتفعت حرارة جسمها وشهقت..
:نايــــــف..
نايف تنهد:عيون نايف..
تحبــــه وتموت في عيونه وتعشق جرائته سحبت يدها بسرعه وبعدت عنه ومشت بخطوات سريعه بس وقفها صوته..
:شنطتك..
ريم لفت عليه شافته رافع شنطتها ويلوح فيها سحبتها منه بسرعـــــه..
نايف مسك كتفها وبصوت هادي جذااااب خلى قلبها يضرب بقوه وكأنه بيطلع من ضلوعها:سامحتيني..
ريم حاولت تبعد بس هو ضاغط على كتفها قالت بأرتباك والدموع متجمعه في عيونها:خلاص نايف اتركني..
نايف:ماراح اتركك إلا لما تقولين لي سامحتيني وإلا للحين زعلانه..
مرت قشعريره على كل جسمها:خلاص مسامحتك..
نايف ابتسم:من قلبك..
ريم ماقدرت تتحمل دفته عنها وركضت طلعت الدرج وهي رافعه فستانها وتسمع صوت ضحكته وصلت غرفة مها وهي تلهث حطت يدها على قلبها تهدي نبضاته السريعه فتحت الباب بيدها المرتجفه ودخلت وهي تتنفس بسرعه سندت جسمها على الباب وحطت يدها ورا رقبتها الحاااااره..
مها تصلح شعرها:ريم فيك شي..
ريم تنهدت:لا كيفك..
مها:مثل ماتشوفين..
ريم:وين لمى..
مها:في غرفتها..
ريم مشت بس تذكرت شي ولفت عليها:ايـــــــه يالجاحده ليه ماقلتي لي..
مها:عن ايش..
ريم:عن خطبتك من طلال..
مها بصدمه:من قالك..
ريم:مشعل..
مها شهقت:مشعل درا من وين..
ريم:مدري (حظنتها وهي تبتسم) ياشيخه مبروك..
مها بعدت عنها وهي مكشره:ياشيخه ومن قالك اني بوافق..
ريم:افااا ليه..
مها:ما ابيـــــه وانتي تعرفين السبب..
ريم:عشان الماسن..
مها:لا مو عشان كذا..
ريم:اجل عشان ايش..
مها:خلاص ريوم لاتكثرين اسئله..
انفتح الباب ودخلت مثل عادتها بدون ابتسامه وبدون حماس:هلا ريم..
ريم ابتسمت:اهليــــــن وش هالحلاوه تجنين غطيتي على العروس..
لمى تصنعت الابتسامه:عيونك الحلوه..
ريم:يله مها متى بتخلصين تأخرنا..
مها تلبس صندلها:خلاص انتو انزلوا وانا بلحقكم..
ريم:اوكي يله لمى..<<طلعت وطلعت وراها لمى..
:كيفك..
لمى بضيق:عايشه دريتي بخطبة مها..
ريم:ايه بس شكلها ماراح توافق..
لمى:وانتي تعرفين السبب..
ريم:مشعل صح..
لمى:ايــه..
ريم:بيني وبينك حتى مشعل شكله متضايق وهو اللي قال لي عن الخطبه وانتو شكل ماعندكم نية تقولون لي مالت عليكم من بنات عم..
لمى:ههههههههههههههههههههههههه..
ريم نطت:وااااااي واخيراً ضحكتي سمعيني الضحكه مره ثانيه اخاف اني اتخيل..
لمى ضربت كتفها والضحكه في صوتها:ياسخفك..
مها نزلت بسرعه:انتظروووني لاتروحون..
××
حرك الكوب بالملعقه اكثر من مره وهو يتنهد..مايدري ليه موضوع الخطبه مضايقه مع انه مايحبها إلا لانها بنت عمها وبـــس..
سمع صوت مفتاح يندق على الطاوله رفع راسه بدون ولاكلمه..
فيصل:ماراح تحضر الزواج..
عقد حواجبه بأستغراب:اي زواج..
فيصل فتح عيونه على اخر شي:من جدك انــــــت وإلا تمزح..
مشعل بدون نفس:وذا وجه واحد يمزح..
فيصل:زواج منصور يالفاهي..
مشعل ضرب راسه بخفه:ايـــــه صح نسيت..
فيصل غمز له:اللي ماخذ عقلك ياحلووو..
مشعل ابتسم ووقف:دايماً تفكيرك شيـن مثل وجهك اقول وين نايف جاي معك..
فيصل ابتسم:ايه خاس في السياره..
مشعل:هههههههههههههههههههههههههههههههه احسن..
شافوا نايف ساند جسمه على السياره ومتكتف ويهز رجلينه بقهر..
فيصل ومشعل:ههههههههههههههههههههههههههههههههه..
نايف عصب ومسكهم مع رقبتهم من ورا ودفهم على السياره:وتضحكون هاه امشوا ترى مالي خلق احد يعكر مزاجي اليوم..
فيصل ناظره بخبث:وش معنى اليوم..
مشعل يعدل تيشيرته:قلت تفكيرك شيــــــــن..
نايف عض شفايفه بقهر:بتمشون وإلا لا..
مشعل:هههههههههههههههههههههههههههههه يله يله..
××
ريم تكلم ام راكان:طيب ان شاء الله..مع السلامه..<<سكرت..
مها:وش تبي..
ريم:تقول مروا مشاعل وهيفاء..
مها تقرفت:افففف الله يصبرني..
وصلــــوا بيت ابوراكان وضرب السواق هرن اكثر من مره بس ماطلعوا..
ريم:مها تكرمي وانزلي ناديهم..
مها بأنفعال:ياشيــــــــخه وش معنى مها ليه مو انتي..
ريم بدون نفس:والله اكتشفت إن مافيكم خير..<<ونزلت رنت الجرس وانفتح الباب..
ريم:السلام عليكم..
الخدامه:وعليكم سلام..
ريم:وين مشاعل وهيفاء..
الخدامه:فوق..
ريم دخلت الصاله ووقفت تناظر الدرج هي ماتمون على بنات عمتها عشان تطلع لهم فوق وخايفه بعد تقابل راكان في وجهها..
قالت وهي تبتسم بدون نفس:ممكن تنادينهم..
طلعت الخدامه فوق وهي جلست تدور في الصاله وتفرك يدينها بتوتر حست بأحد يراقبها ما اهتمت وجلست تناظر الحديقه من الشباك وقلبها طايح في الارض..
:يعني ماودك تلتفتين..
ريم لفت وانقلب وجهها الوان كان ساند نفسه على الجدار ورافع رجل ومنزل الثانيه ويناظرها بخبث:راكان..
راكان ابتسم على جنب:عيون وقلب راكان..
ريم لفت وجهها عنه:ممكن تنادي لي مشاعل وهيفاء لان الخدامه طلعت تناديهم ولانزلت..
راكان تقدم لها ورفع راسها بأصبعه قال بنبره اول مره تسمعها:بس انت قول ابغى وانا اقول حاظر انت الوحيد اللي كلامك آوامر..
ريم بلعت غصتها ورجعت خطوات لورا وبأرتباك:راكان ممكن تناديهم تأخرنا..
راكان لاحظ شي كانت بقعه زرقاء من قوة الكف اللي عطاها اياه نايف وكانت مكثره الفاونديشن علشان مايبين..
تغيرت ملامح وجهه للعصبيه:ريم وشو هذا..
ريم ارتاعت وانتفض جسمها بلعت غصه ورا الثانيه"يعني محد لاحظ إلا انت"..
راكان تقدم لها وحط عينه في عينها صدره صار يرتفع وينزل بسرعه وبقهر:احد ضربك قولي لي..
سمعوا صوت كعب على الدرج..
تنهدت بأرتياح وبعدت عنه بخطوات سريعه لناحية الباب"اول مره تسوون خير فيني"..<<طلعت وهي تلتفت كل شوي تخاف انه يلحقها ركبت السياره وسكرت الباب بقوه وانفاسها كانت سريعه..
مها:هاه وينهم..
ريم تلقط انفاسها تنهدت:بيجون وراي..
مها رفعت يدها تشوف ساعتها:اففف مره تأخرنا..
لمى:كم الساعه الحين..
مها:عشر ونص..
فتحوا الباب وركبوا:هاااااي..
الكل:هاااي..
مشاعل ناظرت ريم بنص عين وبأستهزاء:كيف تركي..
لمى مسكت نفسها لاتقوم وتكفخها..
ريم بدون نفس:بخير ليه ماجيتوا تسلمون عليه..
مشاعل تنفخ على اظافرها:والله ماكان عندي وقت اجي ازوره..
لمى بهمس:تكفين ياكوندليزا رايس..
ريم ومها ضحكوا بصوت واطي..
مشاعل بقهر:قلت شي يضحك..
مها تأشر بيدها بلامبالاة:هههههههههههههههههههههههههههههههههههههههه ..
مشاعل ولعت وقالت بخبث:إلا مبروك عليك طلال..
سكتوا فجأه منصدميـــــــن ومها ضغطت على يدها لما صار لونها احمر..
قالت بثقه ودلع خلت مشاعل تموووت قهر:الله يبارك له فيني..
مشاعل لفت على الشباك وهزت رجلها بقهـــــر"اوريــــك يامهيوه طيب ان ماوريتك شغلك انتي وذا الزفت اللي مفتخره فيه ما اكون مشاعل"..
ريم بهمس والضحكه في صوتها:فديتك ياشيخه..
مها ابتسمت بنصر:مو ملاحظه إنا معلقين على شيخه..
ريم:إلا ملاحظه ههههههههههههههههههههههههههههه..
لمى ناظرت هيفاء اللي ماتكلمت من ركبت السياره وشافتها منزله راسها وماسكه الجوال وابتسامتها مبينه لانها متلثمه بطرحه خفيفه"وش سالفتها هاذي"..
××
كان جالس وهي قدامه ترتجف اول مره تشوفه بهالهيئه ترك جواله وناظرها بأحتقار:شوفي انا سويت اللي علي باقي اللي عليك..
نوف خافت:اللي علي ايش..
احمد خذ نفس من سيجارته ونفخه في الهوا:لا تسوين لي غبيه وماتفهمين (غمز لها وبأستهزاء) ترى انتي اخبر بهالاشياء ومنكم نستفيد..
نوف انتفض جسمها وبصوت مرتجف:بس انت اللي وافقت انا ماجبرتك تنتقم لي من تركي..
احمد رفع حاجبه:لا والله تحسبيني البدي قارد حقك يازبالــــه اذا ماجيتيني بالطيب اجيبك بالقوه ولاتجبريني اسوي هالاسلوب ترى ما احبه..
نوف ترتجف بشكل مو طبيعي بكت بهستيريا هي تعرف احمد اذا حط براسه شي بيسويه يعني بيسويه ولايهمه شي..
نوف نزلت عند رجله وبرجا:الله يخليك مو الحين انا مستعده اعطيك اللي تبي بس مو الحين..
احمد بأحتقار رجفها وبأستهزاء:لااا كسرتي خاطري (ابتسم بخبث) اسمعي اذا ماطلعتي الحين معاي والله بتصير فضيحتك على كل لسان..
نوف ناظرته بأحتقار وحقد كانت تظن انه غير عن كل الشباب اللي طلعت معهم بس طلع ذيب منهم قالت بصوت مرتجف:انـــــت احقر انسان شفته بحياتي..
احمد ضحك بأستهزاء:ههههههههههههههههههههههههههههه..
نوف وقفت له ومدت يدها بس هو مسكها وضغط عليها لدرجة انها بتنكسر قال من بين اسنانه:شكل انتي ماينفعك معاك الطيب..<<جرها مع يدها ودخلها بقوه الاصنصير وهي تبكي وتصارخ كانت طايره من الفرحه يوم انتقم لها من تركي واليوم بيطير شرفها وعفتها..
××
سند نفسه على السرير وقال بطفش:الحين ورا ماتروح زواج منصور..
بندر:بقعد معاك بنشب لك هنا..<<وآشر على رقبته..
تركي ابتسم:صدقني احلى نشبه..
بندر يمثل عليه الحزن:دريت وحده من بنات عمك انخطبت..
تغير لون وجهه حس بأحساس غريب احساس يطعن قلبه ويقتله كان خايف يقول لمى وينهي اخر نفس له في الحياة..كان متعمد يقسى عليها علشان يعرف غلاته عندها بس مايبي الامور تنتهي على كذا مايتصور لمى واقفه وماسكه يد واحد غيـــره احتقر وكره نفسه كان يظن بأسلوبه القاسي بيخليها تحس فيه وتحبه وكان يظن انها بتندم على كل لحظه حقرته وبعدت عنه..والحين هو مستعد يروح ويعتذر منها على اسلوبه بس لاتضيـع منه..
بندر ابتسم بخبث ولوح بيده قدام عيونه:هيــه يالأخو وين رحت..
تركي بصوت مبحوح:هلا انا معاك..
بندر بجديه:شفت انك تحبها..
تركي رفع عينه وحزن الدنيا كلها فيه:ومن قالك اني كرهتها..
بندر ابتسم:تطمن مها هي اللي انخطبت مو لمى..
تركي تنهد بأرتياح وحس ان جبال هموم وانزاحت من صدره:ومن اللي خطبها..
بندر:طلال..
تركي ابتسم:والله يستاهلون كل خير اقول انت وش عرفك طول الوقت منثبر معاي هنا..
بندر:امس من عمتك محطة رويتز يعني اعتقد ان الرياض ومحافظاتها درت او يمكن السعوديه بكبرها..
تركي:ههههههههههههههههههههههههههه..
بندر:فديت هالضحكه انا..
تركي رمى عليه المخده وبعصبيه متصنعه:وجـــــــع..
تركي وبندر:هههههههههههههههههههههههههههههههه..
××
؛؛..تلوموني ولاتدرون ماهو سري المكنون..؛؛
كانت واقفه قدام المرايه تحط كحل وتمسحه لانها كل ماحطت تنزل دموعها غصب عنها وهي تتذكر الحكي والموقف اللي صار بينها وبين مشعل امس..
طلت مع الباب وهي طايره من الفرحه:يله فيوو ماخلصتي..
في بضيق:باقي لي شوي..
غاده دخلت وكشرت:افاا وش فيك..
في عضت على شفايفها ماتبي تبكـي خلاص تعتبت يمكن الكل يظن انها عايشه احلى عيشه في عز واملاك ابوها بس مايدرون ان قلبها مكســور انحرمت من حنان امها من يومها صغيره صح ان ابوها ماحرمها من حبه وحنانه بس الام غيـــر هي محتاجتها الحين اكثر من اي وقت وخاصه انها تمر بتجربة حب فاشلـه ميه بالميه ووحدها امها هي اللي بتطلعها من هالحزن كله..
لفت وجهها ونزلت دموعها من ذكرى امها..
غاده بضيق:في تبكين..
في بعصبيه فتحت الكبت وطلعت شنطه رمت الاشياء اللي فيها بعصبيه على الارض وطلعت صورة لها هي وامها كانت محتفظه فيها خايفه ان ابوها ياخذها منها بقوه رفعتها و رمتها على الجدار وتكسرت لقطع صغيره وصرخت..
:اكرهـــــــــك..
غاده خافت من هيئة في تقدمت لها ومسكتها وهي ترتجف:في..
في بكت من قلب وحظنتها:قولي لي ليه تركتني انا سويت لها شي والله لو كنت مسويه شي يزعلها بروح اعتذر منها بس هي وينها..<<وشهقت..
غاده غمضت عيونها لاتبكي:في هدي نفسك..
في بعدت عنها ومسحت دموعها:خلاص روحي الزواج وانا بقعد..
غاده:بس..
في قاطعتها:لا بس ولاشي اعتذري لي من دلال وباركي لها يله روحي..
غاده:طيب لو حسيتي انك تعبانه اتصلي علي وإلا على طلال..
في:طيب..<<طلعت غاده وسكرت الباب وهي رمت نفسها على سريرها وبكت بحرقـــــه..
××
لفت الفوطه على نفسها وتراجعت لورا لما صدمت في الجدار.. ضمت يدينها لصدرها وتكورت على نفسها وبكــــــت وكل خليه في جسمها ترتجف..ضيعت شرفها وكرامتها وهي تستاهل كل هذا..
كانت تضيع بنات وحرقت قلوب اهلهم عليهم وحرمت صغار من ابوهم وامهم اللي توفوا بسبب بنتهم اللي جابت لهم العار وحطت راسهم في التراب..كانت تضحك بخبث واستهزاء وقلبها يطير من الفرحه لما تشوف بنت منزله راسها من الفضيحه..
مادرت ان الدور بيجي عليها هــي..وش بتقول لأهلها الحين..
ابتسمت بألم"اهلي ليه هم سائلين عني اصلاً"..
قال بدون نفس:اففف خلاااص اسكتي ازعجتينا..
نوف بحرقة قلب صرخت وصوتها مرتجف:الله يحرق قلبــــــك على كل غالي حسبي الله عليـ..<<ماقدرت تكمل وبكت..
احمد وقف ولبس قميصه وهو يرفع حاجبه وبقرف:اسمعي يازباله الحين تقومين وتنقلعين ولاعاد اشوف خشتك مره ثانيــــه (ارسل لها بوسه وبأستهزاء) وبنشوف من هو الحلوو اللي بيتزوجك ولاتنسين تعزميني على عرسك هههههههههههههههههههه..<<طلع واكبر ابتسامة خبث واستهزاء مرسومه على فمه..
نوف وقفت وهي تترنح مابيدها شي تسويه الحين كل شي ضااااااع ناظرت جسدها اللي تعرض للضرب والانتهاك بلعت غصاتها و لبست لبسها اللي تقطع ولبست عبايتها وشدتها على جسمها بخوف يطلع جزء من جسمها وهاذي اول مره تتمنى هالشي..نزلت وعطت احمد نظرة احتقار وكره وحقد وطلعت ونزلت راسها من الفضيحه مثلها مثل اللي ضيعتهم..
××
وصلوا للقاعـــه الفخمـــه..
طلع وهو يبتسم:هـــــلا والله زين انكم جيتوا..
فيصل طل راسه من السياره:ليه فيه احد قالك ماراح نجي..
طلال:هــــلا بالنسيب..
فيصل ابتسم ونزل:هلا فيـــك..
مشعل تصنع الابتسامه:هلا طلال كيفك..
طلال:تمام الحمد الله..
مشعل:عسى بس للحين مايعورك ظهرك من الطيحه ههههههههههههههههههههههه..
طلال:هههههههههههههههههههههههههههه شوي..
نزلوا وكل وحده لاهيه بنفسها..لفت والتقت عيونها في عيونه كانت تتمنى تعرف ردة فعله يوم سمع بخطبتها بعدت هالأفكار عن راسها ولفت عنه ودخلت..
:
:













عرض البوم صور غاليه بعيون مغليها   رد مع اقتباس
قديم 04-19-2011, 06:24 PM   المشاركة رقم: 3
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الثامن والعشرون

اول شي احب اقولكم دموعه واحلامي مشكورين انكم قاعدين تقرون القصه


وثاني شي حيل مستانسه لان في احد قاعد يقرا

ثالث شي ترى مرات يصير في تكرار في القصه ترى والله هو اللي يطلع بروحه مرات لا يكون اسم جزء غلط بس انتبهم من هذا شي

رابع شي انا راح انزل لكم هالقصه كامله قبل ما اعتزال منتدي وعالم نت بس حتى الحين ما اخذت القرار الحاسم


خامس شي اتمني لكم احلى واجمل اوقات ممتعه بصفحتي المعطره باحلى عطوراتها












عرض البوم صور غاليه بعيون مغليها   رد مع اقتباس
[/table1]












قديم 04-20-2011, 03:18 AM   المشاركة رقم: 4
المعلومات
الكاتب:
اللقب:
~..جريحــهـ...~
الرتبة:
الصورة الرمزية
 
الصورة الرمزية ~..دمــووع..~

البيانات
التسجيل: Jan 2011
العضوية: 75038
المشاركات: 1,382 [+]
بمعدل : 0.43 يوميا
اخر زياره : [+]
معدل التقييم:
نقاط التقييم: 15
 

الإتصالات
الحالة:
~..دمــووع..~ غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الثامن والعشرون

[table1="width:95%;"]
اممممممم
والله غلوي تقطين القنبله وتمشين
اول شي .. انا اول وحده بوقف بدربك واقولك ماكو طلعه من المنتدى ولا عالم النت ..
ثاني شي لو انك رحتي وطلعتي من بيسليني بمواضيعه ومشاركاته الحلوه :(
ثالث شي المنتدى بدوونك ولا شي
رابع شي امسكي ارضك واقعدي لا اعضك ..
خامس شي التكراار يعلم الشطار يعني عادي كرري برااحتك .. ترا مساحه المنتدى ببلاش مو دافعه شي انتي
سادس شي قصتك رووعه وذووقك عسل ...
سابع شي ما ادري شنو اقوول ..!!
ثامن شي تعطل فكري عن الكلام .. ولكن ابي اوصلها للعشره $:
تاسع شي .. تسلمين تسلمين تسلمين .. وان شاء الله اشوووف مشاركاتج دووم يارب وقراارج تنسينه ولا عاد تفكرين فيه
عاشر شي .. تحيااتي دمـ~جريحهـ~ــوع
توقيع : ~..دمــووع..~

عرض البوم صور ~..دمــووع..~   رد مع اقتباس
قديم 04-20-2011, 02:01 PM   المشاركة رقم: 5
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الثامن والعشرون

فديتج دموعه والله حتى لساني عجز ان اشكرج بس هذي مجرد تفكير حتى الحين ما اخذت القرار


واذا كملت مشواري معاكم راح انزل بعد قصص اول ما اخلص من هالقصه

وادري انج عايشه في جو القصه والله ترى القصه روعه بس في انتهاء القصه دمعه انا صج بجيت لان في شخصيه راح تموت هههههههههههه خربت عليج القصه يؤؤؤؤؤؤؤؤ اكملها لج احسن قبل ما اخربها












عرض البوم صور غاليه بعيون مغليها   رد مع اقتباس
[/table1]












قديم 04-20-2011, 06:22 PM   المشاركة رقم: 6
المعلومات
الكاتب:
اللقب:
~..جريحــهـ...~
الرتبة:
الصورة الرمزية
 
الصورة الرمزية ~..دمــووع..~

البيانات
التسجيل: Jan 2011
العضوية: 75038
المشاركات: 1,382 [+]
بمعدل : 0.43 يوميا
اخر زياره : [+]
معدل التقييم:
نقاط التقييم: 15
 

الإتصالات
الحالة:
~..دمــووع..~ غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الثامن والعشرون

[table1="width:95%;background-color:black;border:4px double black;"]
لوووووووووووووول لأ عآدي حبيبتي ..
ما خربتيهآ ولا شي ..
بس ولله انا ما قريتها ولا بحثت عنها ولا شي ..
بس تدرين شنو أحس :>
أحس أنه رأكآن رأح يموت .. أهوه .. واحمد ..
ما أدري ليش بس مجرد أحسآس ,,
ومابي أملي يخيب بتركي أن شأء الله يكون زين ويقوم بالسلأمه ..
وأنا نآطره على أحر من الجمـر التكـلمه :$
ولا تحرمينآ من مواأأضيعج العسـل يأ عسـوله ,,,
تحيـأتي ..
دمووع
توقيع : ~..دمــووع..~

عرض البوم صور ~..دمــووع..~   رد مع اقتباس
قديم 04-20-2011, 08:06 PM   المشاركة رقم: 7
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الثامن والعشرون

فديتج ابشري والله اكملها بس راكان ماراح يموت راح يتغير حيل












عرض البوم صور غاليه بعيون مغليها   رد مع اقتباس
[/table1]












قديم 04-20-2011, 08:40 PM   المشاركة رقم: 8
المعلومات
الكاتب:
اللقب:
~..جريحــهـ...~
الرتبة:
الصورة الرمزية
 
الصورة الرمزية ~..دمــووع..~

البيانات
التسجيل: Jan 2011
العضوية: 75038
المشاركات: 1,382 [+]
بمعدل : 0.43 يوميا
اخر زياره : [+]
معدل التقييم:
نقاط التقييم: 15
 

الإتصالات
الحالة:
~..دمــووع..~ غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الثامن والعشرون

[table1="width:95%;background-color:black;border:4px double black;"]
كمليهاااا :"(
كمليهـآآآ :"(
كمليهـآآآ :"(
كمليهــآآ :"(
كمليهــآآ :"(
كمليهــآآ :"(
نــآآطره وفـآآضيهـ .. كمليهـآآآ ,,,
توقيع : ~..دمــووع..~

عرض البوم صور ~..دمــووع..~   رد مع اقتباس
قديم 04-21-2011, 11:58 AM   المشاركة رقم: 9
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الثامن والعشرون

ابشري والله اليوم دخلت بس عشان اكملها لج خاطر عيونج












عرض البوم صور غاليه بعيون مغليها   رد مع اقتباس
[/table1]












قديم 04-21-2011, 04:31 PM   المشاركة رقم: 10
المعلومات
الكاتب:
اللقب:
~..جريحــهـ...~
الرتبة:
الصورة الرمزية
 
الصورة الرمزية ~..دمــووع..~

البيانات
التسجيل: Jan 2011
العضوية: 75038
المشاركات: 1,382 [+]
بمعدل : 0.43 يوميا
اخر زياره : [+]
معدل التقييم:
نقاط التقييم: 15
 

الإتصالات
الحالة:
~..دمــووع..~ غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الثامن والعشرون

[table1="width:95%;"]
يا حياااتي فديتج ..
تسلمين لي يالغلاه ..
الله لايحرمني من توااصلج ..
ولا من قصتج الحلــوووه ..
توقيع : ~..دمــووع..~

عرض البوم صور ~..دمــووع..~   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ميته, الثامن, الجزء, تموت, بك, عيني, عيونهم, فيني, والعشرون, وانا

جديد منتدى قصص - روايات قصيره وطويله


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 01:48 PM.


Powered by vBulletin® Version 3.8.9
Copyright ©2000 - 2019, vBulletin Solutions, Inc.
Search Engine Friendly URLs by vBSEO 3.6.1