قصص - روايات قصيره وطويله قصص طويله , قصص واقعيه , روايات ألف ليله وليله , قصص حب , قصص خياليه


إضافة رد
 
LinkBack أدوات الموضوع انواع عرض الموضوع
قديم 04-21-2011, 12:17 PM   المشاركة رقم: 1
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

المنتدى : قصص - روايات قصيره وطويله
تموت عيونهم فيني .. وانا بك ميته عيني الجزء الواحد والثلاثون



..الجـــ الواحد والثلاثون ـــــزء..

مسحت دموعها ونزلت وقلبها تزيد نبضاته خوف وارتباك من ردة فعله..راحت للرسيبشن وسألت عن غرفته..لفت وهي ضاغطه على شنطتها ومشت في الممرات بخطوات ثقيله..مشت وهي تحس انها ماشيه اميااال..
طاحت عيونها على رقم الغرفه وبلعت غصتها ورا هالباب موجود هو..فركت يدينها بتوتر وخوف..مدت يدها بتدق الباب بس خافت ونزلت يدها..حطت يدها على قلبها وغمضت عيونها وهمست بصوت مرتجف..
:يارب ساعدنــي..<<مدت يدها ودقت الباب وصلها صوته الضعيف والمبحوح..
:ادخــــل..
شهقت بخوف مو معقوله اللي سمعته هذا صوت تـــــركي..حطت يدها على قبضة الباب وفتحته ودخلت شافته متمدد على السرير وحاط ذراعه على عيونه..ويده الثانيه مكسوره وراسه ملفوف..
استغرب ماسمع صوت ولاحركه رفع ذراعه ولف عليها وانصــــــــدم شاف انسانه او شبه انسانه معدومــه ضايعه عيونها حمرا وذبلانه وجهها اصفـــر يدها ملفوفه بأهمال شعرها طايح على وجهها ومو مرتب عبايتها كانت مسكره وحاطه الطرحه على كتفها قالت بصوت مبحوح..
:ممكن ادخل..
تركي ناظرها من فوق لتحت بأحتقار وابتسم بأستهزاء:مين نوف هلا والله..
تقدمت له بخطوات بطيئه ودقات قلبها كلما تقرب تزداد..نزلت دموعها على خدها هالانسان المتمدد قدامها تدمرت حياتها والسبب هي..
رفعت يدها تمسح دموعها وتركي يراقب حركتها ويبتسم بأستهزاء ناظرها بأحتقار من فوق لتحت..
:غريبــه مسكره العبايه وإلا خلصت صلاحيتك والشباب ماصاروا يبونك..
نوف بألم:تقدر تقول كذا..
تركي استغرب من نبرة صوتها ورفع حاجبه:خير مع اني داري ان مايجيني وراك خير..
نوف نزلت راسها بضعف:تركي انا آسفه..
تركي بأستهزاء:على ايش ترى انتي ماسويتي شي بس ارسلتي ناس يضربوني وانشليت و صار فيني كم كسر وجروح بسيطه (رفع صوته بعصبيه) حلوه ذي اسفه بس لاتعيدينها..
نوف تبكي من قلب:تركي تكفى لاتزيد الذنب علي سامحنــي الله يخليك سامحني..
تركي يناظرها بأستحقار:ياشيـــخه والله كسرتي خاطري انتي هيه بعد ايش اسامحك بعد ماحرقتي قلب امي وابوي علي بعد ماخسرتيني اغلى شي في حياتي..
نوف تبكي بشكل يقطع القلب وتشهق ويدها المرتجفه على فمها:سامحني تركي الله يخليك مستعده اموت علشانك مستعده اسوي لك اي شي بس سامحني..
تركي ضحك بأستهزاء:هههههههههههههههههه تموتين وش بستفيد من موتك بترجعين لي رجلي وإلا بترجعين لي اللي احبها واللي انتظرتها طول عمري..
نوف:بروح افهمها كل شي واني انا السبب في كل هذا بس سامحني..
تركي رفع حاجبه:والله..
نوف:اطلب مني اي شي ياتركي ومستعده اسويه لو فيه حياتي..
تركي يفكر بعدها قال وهو يبتسم بخبث:تتزوجيني..
نوف انصدمـــــــت كانت مو متوقعه انه يطلب منها هالطلب ارتعش جسمها وبلعت غصاتها صارت ترتجف بشكل مو طبيعي..
تركي:هاه وش قلتي..
نوف ارتجفت:مستحيل..
تركي:وليه مستحيل..
نوف نزلت راسها وبكت بحرقه..
تركي:خيــر وش فيك..
نوف بصوت متقطع ومع كل كلمه تقولها تشهق:انـ..ا مو بكـ...ر..
تركي:وش قلتي..
نوف رفعت راسها وهي فاقده اعصابها:تعرف اللي ماعندها كرامه وسمعتها في التراب هاذي انا..
تركي انصدم:كنت متوقع انك انسانه وقحه وحقيره بس مو لهالدرجه..
نوف طاحت على الكرسي وهي تبكي بهستيريا مسكت يده:تركي صدقني انه غصب عني اللي سويته..
تركي سحب يده وبعصبيه:اطلعـــــــــــي برا..
نوف بضعف:طيب بطلع بس سامحني الله يخليك سامحنــــي..
..انفتح الباب ودخل..
فيصل:مساء (سكت شوي وهو يناظر نوف بعدها قال) الخير..
تركي:هلا فيصل..
نوف مسحت دموعها ووقفت وقالت بهمس:اشوفك على خير يله مع السلامه..
تركي يناظرها لما وصلت لباب قال بسرعه:نوف..
نوف لفت عليه وبلعت غصتها:نعم..
تركي بألم:الله يسامحك..
نوف ابتسمت ولفت وطلعت وهي منزله راسها وتبكـــي..
مسكت يدها وضغطت عليها:اقول مهيوه ذي طالعه من غرفة تركي..
مها تلتفت:مين..
لمى بهمس:اللي قدامك يالحولا..
مها:وش وداها لتركي..
لمى رفعت كتوفها بأستغراب:مدري بس والله تو شفتها طالعه من غرفته..
مها:لميوه يمكن طالعه من الغرفه اللي جنبه لاتهوجسين..
لمى:اقولك والله طالعه من غرفة تركي..
مها بطفش:اففففف اسكتي شوي ترى صدعتي راسي..
لمى كشرت ولفت تناظر قدامها وهي تتحلطم..
ضغطت على زر الاصنصير انفتح ورفعت راسها بتدخل وفجأه شهقت بصدمه:مشعل..
مشعل عقد حواجبه وبأستغراب:مين..
نوف دمعت عيونها:انا نوف صديقة ملاك..
مشعل ابتسم:اهااا تذكرتك هلا نوف..
نوف بأرتباك:مشعل بعترف لك بشي..
مشعل رفع حاجبه:تعترفين لي ليه بيني وبينك شي..
نوف:عن شي يخص ملاك..
مشعل بلامبالاة:ملاك ماتت ومايجوز عليها إلا الرحمه..
نوف:بس هو شي لازم تعرفه..
مشعل:قولي اسمعك..
نوف بأرتباك:طيب ممكن يعني...
مشعل قاطعها:ذا المكان مو مناسب امشي معي..
..دخلوا الاصنصير ونزلوا راحوا لمقهى قريب من المستشفى..
مشعل:وش تشربين..
نوف منزله راسها وتلعب بأصابعها:مو مشتهيه شي..
مشعل بدون اهتمام:طيب وش اللي بتقولينه لي..
نوف نزلت دموعها وبصوت مرتجف:انا السبب في اللي صار بينك وبين ملاك..
مشعل بأستغراب:ليش انتي وش دخلك..
نوف رفعت راسها وعيونها حمرا من البكي:انا اللي جريتها معي لهالطريق وانا اللي جبرتها تسوي ذا الاشياء..
مشعل رفع حاجبه بأستهزاء:جبرتيها ليه بزر هي..
نوف:هددتها بصور عندي ومقاطع فيديو كنت مصورتها وهي..<<شهقت من البكي وسكتت..
مشعل بعصبيه:وهي ايــــــش تكلمي..
نوف بصوت مرتجف:حطيت لها منوم في العصير وصار اللي صار ومن بعدها تدمرت حياتها كلها وصارت تطلع وتسوي هالاشياء غصب عنها..<<غطت وجهها بيدينها وبكـــت من قلب..
انتظرت منه كلمه يصرخ يقوم ويضربها لكنه جامد في مكانه ويناظرها بصدمـــــه..
نوف بعدت يدها:صدقني انا..
مشعل قاطعها بعصبيه وهو يضرب يده في الطاوله بقهـــر بطريقه ارعبتها:انتــــــي ايش تعرفين وش سويتي انتي دمرتيني ودمرتيها الله ينتقم منك..<<وقف بعصبيه..
نوف صرخت وهي تبكي:الله يخليك لاتدعي علي كفايه اللي فيني..
مشعل بقهـــــر مد يده وعطاها كف قوي لكن نوف ماحست فيه احساسها بالذنب خلاها ماتحس بأي شي حولها:انـ..
مشعل قاطعها ومن بين اسنانه:اسكتــــــــي ولاكلمه..
نوف مسكت يده وبرجا:مشـ..
مشعل قاطعها وهو يسحب يده:بعدي عنـــــي تفو على كذا ناس..<<لف عنها ومشى بخطوات سريعه وهو في قمة عصبيته..
اما نوف احساسها بالذنب يقتلهــــــا ويعذبها وقفت وهي تمسح دموعها وتشهق من البكي مشت لناحية السياره وركبت سندت جسمها التعبان على الكرسي وتنهدت وقالت بتعب..
:يله على المطار..
××
دخلت وهي جايبه موكا لانها عرفت من ريم انه يحبه وبأبتسامه:حمد الله على سلامتك ولو انها جت متأخره..
تركي ابتسم بتعب:الله يسلمك..
مها مدت له الكوب وبهمس:هذا من لمى..
تركي ناظرها بصدمه وعطته الكوب ورجعت مكانها..
تركي لف على لمى اللي كانت متسنده على الجدار وتناظره..حط عينه في عيونها الحمرا والذبلانه وضغط على كوبه بقهـــر وده يروح لها ويسألها كيف اخبارها وده يروح يمزح معها ويخليها تعصب وتتنرفز منه مثل اول..بس اللي شايفه الحين مو لمى..انسانه ثانيـــــه وين الانسانه المرحه اللي ابتسامتها مرسومه على شفايفها وعيونها تلمع بفرحه..الحين صايره حزينه كئيبه نادر ماتتكلم ونادر ماتضحك تعود اول على هبالها وعصبيتها عليه وكلامها الجارح اللي تحملــه كثير..
حس بشي حاااار على يده وعض على شفايفه وهو يترك الكوب:آآآآآآآآآآآه..
ركضت له بسرعه وحطت المنديل على يده وبخوف:مها جيبي مويه بارده..
مها بسرعه دخلت الحمام ((الله يعزكم))..
لمى تهف على يد تركي اللي كان اصلاً مو حاس فيها حاس ان حرارة جسمه ارتفعت من مسكتها ومن قربها منه..
لمى رفعت عينها شافته يناظرها وبحنيه:تعورك..
تركي حس على نفسه وسحب يده:لا..
مها تعمدت تتأخر وطلت شافت ان مافيه فايده يرجعون لبعض كشرت وطلعت ومدت المنديل للمى:خذي..
لمى بحزن خذت المنديل وحطته على يده الحمرا من الحراره وحطت يدها فوق المنديل وضغطت عليه..
تركي بلع غصته وبصوت اقرب للهمس:لمى..
لمى رفعت راسها له بسرعه تبي تتأكد هي سمعته يناديها وإلا تتخيل..
تركي خذ نفس طويل وبأرتباك:آآ..آآ (بعد عيونه عن عيونها وقال بنفس نبرة صوته الخشنه معها) خلاص اتركيه وروحي لو شافك احد بذا الوضع وش بيقول..
لمى ابتسمت بدون نفس:اول مره تركي يهمه كلام الناس..
تركي بأستهزاء:كأنك تعرفين تركي عاد..
انفتح الباب ودخل الدكتور بعدت لمى عن تركي وهي متضايقه من كلامه..
الدكتور بأبتسامه:كيفك اليوم..
تركي بدون نفس:مثل كل يوم..
الدكتور:ياتركي لو بتقعد على هالحاله ماراح تتحسن ابد..
تركي:يكون احسن (ناظر لمى بأحتقار) علشان يرتاحون بعض الناس..
لمى ضغطت على يد مها وتحاول تمسك نفسها لاتبكي..
الدكتور بعد ماكشف على تركي لف بيطلع لكن وقفه صوت..
:دكتــور..
الدكتور لف عليها:نعم..
لمى بهمس:فيه امل يتحسن ويرجع يمشي..
الدكتور بضيق:والله انتي شايفه حالته ماتساعده يبدا العلاج واذا بيتم على هالحاله ما اكذب عليك يمكن مايرجع يمشي لان النفسيه اهم شي ونفسية تركي تعبانه ومتدهوره..
لمى دمعت عينها وتحاول تضبط صوتها:احم..احم..طيب مشكور..
الدكتور:العفو..<<وطلع..
وصلها صوته اللي فيه نبرة عصبيه:والله داقه صداقه مع الرجال..
لمى خلاص وصلت حدها قالت بعصبيه:كنت اسأله عنك وبعدين وشو هاذي داقه صداقه خير وش شايفني بايعه الحيا..
تركي:والله اللي اشوفه انك مو بس بايعته فاصخته مره وحده..
لمى انقهـــــرت وبنفس العصبيه:إظاهر انك مو بس انشليت في رجلك حتى في عقلك..<<عضت على شفايفها من زلة لسانها..
تركي انصدم من كلمتها طالعها بنظرات خلتها تكره اليوم اللي انولدت فيه..
مها كانت واقفه ومصدومه مو متوقعه انها توصل معهم لهالدرجه..
تركي بحزن:تعايريني يالمى..
لمى بلعت غصتها ونزلت دموعها غصب عنها:تركي صدقني مو قصدي..
تركي تنهد بضيق:انتي اخر انسانه متوقع انها ماتقول كلام ماقصدته وخاصه علي يعني مافيه شي تغير..
لمى بكت وهي حاطه يدها على فمها خلاص تعودت على التجريح والاهانه منه..
مها صحت من صدمتها:خلاص انتي وياه وش فيكم على بعض..
انفتح الباب ودخل وهو يتصنع الابتسامه:مساء الخير..<<اختفت ابتسامته وهو يناظرهم كان الجو متوتر بينهم..
مها بأرتباك ودقات قلبها سريعه:هلا مشعل مساء النور..
تركي ابتسم بألم:هلا والله..
مشعل باس خده:مشتاق لك..
تركي:ماكنك شايفني امس..
مشعل يغني:اشتاق لك وياااااي..
تركي قاطعه وهو يضحك:هههههههههههههههههههههههههههههههههه الله يعافيك اسكت..
لمى بعد مامسحت دموعها بهمس:انا رايحه..
مها:وين..
لمى:للبيت يعني وين..
مها:اقول اجلسي بعد شوي بيجون خوالي خلينا نسلم عليهم من زمان ماشفناهم..
لمى بطفش:افففففف..
مشعل رمى على تركي المخده اللي يضحك ولاسكت:خلاص عاد اسكت انجنيت..
تركي:حرام اضحك يعني..
مشعل:لا مو حرام بس استح شوي بنات عمك واقفين (بهمس) ماتلاحظ إنا سحبنا عليهم..
تركي:هههههههههههههههههههههههههههههههههههههههههه..
مشعل بطفش:لحووووووول خلاص ياخي..
تركي وفي صوته الضحكه:طيب طيب سكتنا اقول وين فيصل..
مشعل:تحت مع طلال بعد شوي بيجون..
تركي ابتسم وناظر مها اللي تفرك يدينها بتوتر من طاري طلال..ابتسم:ياحظ طلال فيك يامها..
مها تغير لون وجهها والتفتت على مشعل اللي يناظرها ويبتسم وكأن الموضوع مايهمه انصدمــــت وقالت بصوت مرتجف:بس انا توني مارديت عليهم وش فيكم مستعجلين على زواجي..
جاها صوته خلا كل خليـــــه في جسمها تموووت حسره والم:لانك اول بنت بتتزوجين من عايلتنا ونبي نفرح فيك هذا وانا ولد عمك وفرحان كذا اجل عمي ومرت عمي وش بيسوون..
كان كلامه اقوى من انها تتحمله ودها تشوف فيه لمحة حزن مالقت بالعكس ابتسامة فرح مرسومه على وجهه ودها تصرخ احد يفهمني وشلون يحبني ويتكلم كذا حتى مافيه اي تعابير للحزن في وجهه ودها تلقى تبرير التفتت على لمى وشافتها منزله راسها وتفرك يدينها بتوتر ودقات قلبها سريعه موصله للسما..بلعت غصتها وتجمعت الدموع في عيونها رجعت تناظر مشعل مصدومــــــــه حست ان الدنيا تدور فيها و اختل توازنها وطاحت على الكرسي..
وبسرعه ركض لها:مهـــــــا انتي بخير..
مها ناظرت فيه وماسكه نفسها لاتبكي هذا حرام تنزل دمعـه عشانه وقفت:عن اذنكم..<<طلعت بخطوات سريعه وبكت غصب عنها وحبها لمشعل تبعثر وراها حتى ان الناس التفتوا لها ويحسبون ان لها احد ميــت من قوة بكاها..
سمعت صوت وراها يناديها:مها مها وقفي..
مها لفت عليها:سمعتي اللي قاله مايحبني..
لمى بلعت غصتها وبكت:مها انا اسفه..
مها مسحت دموعها وقالت بأستغراب وصوت مرتجف:على ايش..
لمى ناظرتها لحظات ماتقدر تقول لها الحقيقه بكت من قلب وحظنتها ومها واقفه مثل الصنم..
مها بعدت عنها وهي مصدومه:كنتي تكذبين علي..
لمى شهقت:صديقني ماكان قصدي والله ماكنت ادري ان بيصير كذا..
مها وقفت عن البكي بس صدرها يرتفع وينزل بسرعه ودموعها تنزل حااره على خدها قالت بصوت مرتجف:حرام عليك ليه سويتي فيني كذا..
لمى نزلت راسها بضعف:مدري والله العظيم مدري..
مها هزتها بقوه ولمى بين يدينها كأنها جثه:وشو اللي ماتــــدرين عمري ماتوقعت منك هالحركه هذا وانا اختـ..<<ماكملت كلمتها لان لمى طاحت على الارض مغمى عليها..
مها بخوف صرخت:لمـــــــــــــــــى..
××
وقف في نص الدرج وبصوت عالي:يلـــــــه انتي وياها..
ام مشعل نزلت بسرعه وهي تسكر عبايتها:يله يله..<<مشت قبله وفتحت الباب بعدها لفت عليه لقته واقف في نفس مكانه..
:يله وش فيك واقف ترى بتأخرنا..
فارس تخصر:ياشيخـــه الحين انا اللي بأخركم..
ام مشعل:ايه تعال يله شغل السياره..
فارس:خلي تخلص ست الحسن الثانيه..
ريم وهي تنزل وبدلع:انا الله يسلمك..
فارس وده يكفخها:يلــــــــه..
ريم ارتاعت:ان شاء الله..<<مشت بخطوات سريعه لعند امها وبصوت واطي..
:يممممممه وش فيه اخوك كذا..
ام مشعل:اقول اسكتي بس لايسمعك..
فارس وفي صوته الضحكه:يله قدامــي..
..ركبوا السياره وريم حطت الاي بود في اذنها وسرحت في آحلامها..
ام مشعل استغلت هالفرصه وقالت:اقول فارس..
فارس:لبيه..
ام مشعل:امس جتني وحده..
فارس:وش تبي ذا الوحده..
ام مشعل:جايه تخطب ريم..
فارس بأبتسامه وسيعه:ياحركاااااااااااات..
ام مشعل من بين اسنانها:قصــــــر صوتك البنت ماقلت لها عن شي..
فارس:طيب قلتي لابومشعل..
ام مشعل:قلت له وقلت له من ولده وطلع يعرف ابوه ومدح فيه امس لما صدع راسي..
فارس:ههههههههههههههههه طيب متى بيكلمونك..
ام مشعل:يا اليوم يا بكره..
فارس يناظر ريم من المرايه:احلــــــــى الحين ذا البزر بتتزوج قبلي..
ام مشعل:انت قلت لي يله اخطبي لي وقلتلك لا..
فارس:تو الناس علي..
ام مشعل:اي تو الناس وانت بتصك الـ27..
فارس:تدرين وش اللي ندمان عليه الحين..
ام مشعل:لا مدري وشو..
فارس:اني فتحت هالموضوع الله يخليك سكريه..
ام مشعل:بكيفك بتضيع عمرك على الفاظي..
فارس لف عليها وابتسم بدون نفس بعدها لف يناظر الطريق قدامه..
××
نزل وهو يلبس نظارته الشمسيه وشاف بندر متمدد في الصاله..
نايف:ماراح تجي معي..
بندر بدون نفس:وين..
نايف:لتركي العايله الكريمه كلها هناك..
بندر:لا..
نايف رفع نظارته:ليه..
بندر:كذا وبعدين مليت من خشته..
نايف:بينك وبينه شي..
بندر لف على التلفزيون ونفسه موصله خشمه:لا ولاتكثر حكي..
ام نايف:وش فيكم..
نايف:مافينا شي يله نمشي..
ام نايف:وانت ليه مالبست..
بندر وقف ومشى لناحية الدرج:ماراح اجي معكم..
ام نايف:كلنا مجتمعين عند تركي لاتخلي عمك يزعل عليك..
بندر بعصبيه:تراني منثبر عنده من يوم دخل المستشفى ونصيحه لاتروحون روحتكم ماوراها فايده..
نايف بعصبيه:انــــت وش سالفتك ماسوينا لك شي ترى وجــــــــع وبعدين لاترفع صوتك مو بزارين عندك إنا..<<مشى لناحية الباب وطلع..
ام نايف واقفه ولاتدري وش السالفه:وش سالفتك انت واخوك..
بندر بضيق:يمه والله اني تعبان ومالي خلق بروح انام واعتذري لي من عمي..<<وطلع الدرج بسرعه دخل غرفته وسكر الباب وهو يتأفف نط على السرير ورفع جواله ودق عليها وصله صوتها اللي كله نوم..
:الووو..
بندر:هلا قلبي..
دانا ابتسمت:اهلين..
بندر:اسف صحيتك..
دانا عدلت جلستها:لاعادي قلبي خذ راحتك واتصل في اي وقت..
بندر:وين كنتي البارح اتصل عليك ماتردين..
دانا:كنت في زواج صديقتي..
بندر ابتسم:عقبالنا..
دانا توردت خدودها وبأرتباك:كيفك وكيف عمتي..
بندر:تصريفه يعني..
دانا نزلت راسها وقعدت تلعب بخصلات شعرها:بندر..
بندر:....................
دانا:بندر..
بندر:....................
دانا خافت:بندر رد علـــــــي..
بندر:ليه تصرفين السالفه قولي آمين مشتهي اسمعها منك..
دانا:وش معنى مني..
بندر:لانها تطلع مثل العســـــــل..
دانا ابتسمت ابتسامه وسيعه وخدودها حمراااا:بندر خلاص..
بندر تمدد على السرير وحط رجل على رجل:طيب بس اول شي ابي اسمعها..
دانا تنهدت:آميـــــن..
بندر ابتسم:اووووه طالعه من قلب ميته على العرس اجل..
دانا بعصبيه متصنعه:بنـــــــــــدر..
بندر:هههههههههههههههههههههههههههههههههههه اسفين عمتي..
××
؛؛..حبنا يانور عيني لايضيع..احفظه حتى يلم بنا اجتماع..؛؛
اشتري حبك ولكن ماتبيع..كيف تنهي عشرة العمر بضياع..؛؛

فتحت عيونها بصعوبه ولفت على مها اللي حاطه راسها على السرير وتبكي وهي ماسكه يدها..عورها قلبها عليها كل ماسوت شي يطلع غلط ويخرب حياة غيرها..
بلعت غصتها وبصوت مبحوح:آسفه..
مها رفعت راسها بسرعه ومسحت دموعها:لمى صحيتي..
لمى تنهدت بضيق:سامحيني والله مـ...
مها قاطعتها:خلاص انسي..
لمى بكت:وشلون انسى كله مني انا اللي وصلتك لهالحاله..
مها بضيق:اقولك سكري على الموضوع انتي ماغلطتي الغلط مني انا..انا اللي جبته لنفسي كانت علاقتي مع طلال على الماسن غلط ومشعل المفروض من الاول حاولت ابعد عنه من يوم دريت انه خطب ملاك..
لمى ضغطت على يد مها:عن جد آسفه لو مـاقلت ان...
مها قاطعتها:قلتلك خلاص انسي..
انفتح الباب ودخلت:حرام عليك خوفتيني..<<راحت لها وباستها..
مها:هلا ريم..
ريم:اهلين هاه قولي لي وش قالكم الدكتور..
مها:يقول تعب وارهاق وقا الاكل وقعد يخربط مدري وش يقول..
لمى بأرتباك:آآ..أأ تر..<<وسكتت..
ريم:ايه وشو..
لمى بسرعه:لا خلاص ولاشي..
ريم عرفت قصدها:ترى تركي عند الباب..
لمى عدلت جلستها وبصدمه:وشــو وش جابه..
ريم:يبي يتطمن عليك..
لمى مو مستوعبه اللي قالته ريم:يتطمن على مين..
ريم لفت على الباب:بنت الجيران على مين يعني..<<فتحت الباب ودخل تركي بالكرسي المتحرك..

يتبــــــــــع..<<




jl,j ud,kil tdkd >> ,hkh f; ldji udkd hg[.x hg,hp] ,hgeghe,k hg[.x hg,hp] jl,j f; udkd ud,kil tdkd ,hgeghe,k












عرض البوم صور غاليه بعيون مغليها   رد مع اقتباس
قديم 04-21-2011, 12:18 PM   المشاركة رقم: 2
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الواحد والثلاثون


تابـــــــــع..<<

لمى بلعت غصتها ونزلت راسها..
تركي تقدم لها وبحنيه:لمى انتي بخير..
لمى رفعت راسها والدموع متجمعه في عيونها وبصوت مبحوح:ليه تعبت نفسك وجيت الدكتور قال لاتتحرك من السرير..
تركي مد يده ومسك يدها:حرام اتطمن على قلبي..
لمى شهقت بقوه وهي حاطه يدها على فمها وتضحك وتبكي في نفس الوقت:وش قلت..
تركي ابتسم بألم:احبك يالمى ولا اقدر اعيش بدونك..
مها وريم:هههههههههههههههههههههههههههههههههههههههههه..
ريم:ياحركاااااااااااااات..
تركي لف عليهم مخترع:انتم هنا..
مها:لا هناك..
لمى مصدومه من كلمته تبي تعرف هاذي حقيقه وإلا حلــــم..!!..ناظرته ودموعها تنزل على خدها ماتدري هي دموع حزن وإلا فرح..
تركي لف عليها وبأبتسامه:بدينا..
لمى رفعت يدها المرتجفه تمسح دموعها وبصوت مرتجف:فرحانه..
تركي:ليه..
لمى بكت بقوه:لانك تحبني..
تركي:ههههههههههههههههههههههههههههههه..
لمى تنرفزت:ماقلت شي يضحك..
تركي بحزن:وظنك يعني اني اقدر اكرهك اقدر اعيش لحظه من دون ما انطق حروف اسمك..
لمى رجعت لهبالها وحطت يدها على قلبها اللي دقاته سريعه:بس خلاص..
الكل:ههههههههههههههههههههههههههههههههههههههه..
تركي:تدرين وش كنت مقرر واليوم كنت بقوله بس يوم شفتك تراجعت ما قدرت اسوي هالشي..
لمى:طيب وش هو هالشي..
تركي:اتزوج..
لمى فتحت عيونها على آخر شـــــي ونزلت دموعها:تكفى قول انك تمزح..
تركي:هههههههههههههههههههههه وش فيك قلت تراجعت..
لمى بأنفعال وعصبيه:والله لو تزوجت اقتلها واقتلك واقتل نفسي..
تركي استانس عليها رفع حاجبه:يعني تهددين..
لمى:ايه جرب انت وبتشوف وش بسوي..
تركي:وش بتسوين..
لمى:اقلب الدنيا على راسك وراسها بنت الـ....؟؟
الكل ماعدا لمى:هههههههههههههههههههههههههههههههههه..
تركي تنهد يحبها ويمووووت عليها ولو بيده كان ماخلاها تنزل دمعه بس هي اللي حدته يسوي هالشي:طيب اضحكي مشتاااق اسمع ضحكتك..
لمى:اضحك كذا بدون سبب وش شايفني خبله..
تركي:طيب اذا قلتلك علشاني..
لمى ابتسمت وبعدها تحولت بسمتها لضحكه:هههههههههههههههههههههههههههههههههههههههه..
ريم غمزت لمها ونطت وقالت بسرعه:يله يله تركي..
تركي يأشر لها:انتظري شوي..
ريم:وش انتظر والله لو شافك عمي مطيح عند لمى بيشنقك..
تركي بطفش:اففففف يا انك نكد بعد يله قلبي باااي..
لمى بأبتسامه ودلع:باااااي..<<طلع وطلع قلبها معاه..
مها نطت عليها:وااااااااو اخيراً..
لمى تبكي وتضحك في نفس الوقت حظنتها بقوووووه وقلبها طاير من الفرحه:والله مو مصدقه اللي صار..
مها بعدت عنها:خلاص عاد امسحي دموعك..
لمى مسحت دموعها وهي تضحك بعدها اختفت ضحكتها وانقلب لون وجهها ونزلت راسها..
مها:وش فيك..
لمى بضيق:مها اسفه سامحيني على اللي سويته بس كنت ابغى افرحك و..
مها قاطعتها وهي توقف وماسكه نفسها بالقوه:سكري على الموضوع واذا فتحتيه مره ثانيه عن جد بزعل منك يله البسي عبايتك واطلعي انتظرك عند الباب..<<طلعت وسكرت الباب وراها ماقدرت تمسك نفسها اكثــر وبكت بحرقه..
مشى في الممرات وهو يدندن شافها ودق قلبه بسرعه ركض لها بخوف:مها قلبي فيك شي..
مها بعدت وجهها عنه:لا مافيني شي..
طلال:اجل ليه تبكين..
مها لفت عليه وصرخت بعصبيه:مالك شغل فيني تفـــــهم..<<لفت عنه ومشت بخطوات سريعه بس طلال وقفها وهو يضغط على كتفها..
:مها تكلمي وش فيك..
مها بعدت يده بقوه ولفت عليه:اظن مو من حقك تمسكني..
طلال بعصبيه:لا من حقي وغصب عليك بعد فاهمه..
مها بعدت عنه وهي في قمة عصبيتها:مو انت اللي تجبرني على شي وانا ما ابيه..
لمى طلعت ودورت على مها بعيونها مالقتها مشت في الممرات وسمعت صوت صراخ مها موصل اخر المستشفى مشت بخطوات سريعه:مهـــا..
مها موصله معها دفت لمى:بعدي عني انتي..<<لفت ومشت بعصبيه وصدرها يرتفع وينزل بسرعه..
لمى بخوف:طلال الحقها لاتسوي بنفسها شي..
طلال ضايع مايدري وش يسوي:ليه وش فيها طيب..
لمى بدت تفقد اعصابها:مدري طلال بسرعه الحقها الله يخليك..
طلال مشى بخطوات سريعه وهو يفرك جبينه بتوتر:وين راحت هاذي..<<طلع من المستشفى لقاها واقفه وتكلم راح لها..
:مها..
مها شوي وبتبكي:طلال الله يخليك بعد عني مو رايقه لأحد..
طلال بحنيه:الحين انا صرت احد..<<لا السبت خخخخخخخخخخخ..
مها تهز رجلينها بعصبيه:طلال...
طلال قاطعها:خلاص خلاص بسكت بس لاتعصبين..
مها تكتفت وقعدت تنتظر السواق يجيها بس تأخر..رفعت راسها شافت طلال واقف معها:انت لسه واقف هنا..
طلال:ما اقدر اتركك قلبي مايطاوعني..
مها تنرفزت:طلال لاتتكلم معي كذا..
طلال:طيب وش فيك صايره تعصبين بسرعه ماقلت شي..
مها بصوت واطي:ايه مبين اجل لو قلت شي وش بتقول..
طلال:ايــــش..
مها بدون نفس:ولاشي..
طلال:تبيني اوصلك..
مها"هــــذا اللي ناقص بعد":لا مشكور..
طلال:طيب اجلسي ماتعبتي من الوقفه..
مها:لا..
طلال نزل راسه ومرر يده على شعره بتوتر:مها ابي اقولك شي بس لاتعصبين..
مها:قول..
طلال:وش صار على موضوعنا..
مها بأستغراب:اي موضوع..
طلال:موضوع الخطبه وإلا نسيتي..
مها لفت عنه:طلال مو وقته..
طلال مسك يدها:ابنتظرك لأخر لحظه في عمري..
مها بلعت غصتها وسحبت يدها ومشت ونزلت دموعها غصـــــب مو راضي قلبها يتقبل طلال ومو راضي ينسى مشعل..تعبــت من التفكير خلاص مشعل خسرته وهي اصلاً خاسرته من البدايه ولازم ترجع تفكر بموضوع طلال وتقرر وتحكم عقلها مو قلبها..
××
ريم سندت جسمها على الجدار:ماترد..
لمى:طيب اتصلي مره ثانيه..
ريم دقت ورفعت الجوال لأذنها وانتظرت لكن ماجاها رد:وبعد ماترد..
لمى بطفش:اففف وين طست ذي..
ريم:وش فيك خايفه يمكن راحت للحمام..<<الله يعزكم ^_^..
لمى:تصدقين يوم طلعت من الغرفه مالقيتها رحت ادور عليها لقيتها واقفه مع طلال واصواتهم موصله اخر الدنيا..
ريم شهقت:احلفــــي..
ام فيصل لفت عليهم:بنات تعالوا اجلسوا معنا..
لمى خافت انها سمعتها:بنطلع شوي نشم هوا..
ام فيصل:طيب وين اختك..
لمى بأرتباك:هاه..
ريم تصنعت الابتسامه:راحت تجيب كوفي وبننزل لها..
ام فيصل:طيب انتبهوا على انفسكم..
ريم ولمى لفوا:ان شاء الله..
لمى بهمس:ريموه اخاف انها سمعتني..
ريم:لا ما اظن..<<طلعوا ومشوا في الممرات..
ريم:يعني بنمتر المستشفى كله..
لمى:إظاهر..
ريم شهقت ومشت بخطوات سريعه..
لمى نطت من شهقتها ولحقتها:ريمووه وقفي..
ريم ضربت كتفها:يالدبا وينك لنا ساعه ندورك..
مها بدون نفس:وين بروح يعني..
ريم جلست جنبها:مها فيك شي..
مها حاولت تخفي دموعها وبصوت مبحوح:لا..
لمى حست فيها وخنقتها العبره كل اللي صار لأختها بسببها هي لو انها ماكذبت كان ماوصلت مها لهالحاله ولاعيشتها في وهم..ولو انها قايلة لها الحقيقه من اول اهون من انها تسمعها من مشعل..
ريم مسكتها وضغطت على يدها وبضيق:طلال قالك شي..
مها حظنتها وبكت بحرقه:وش اسوي ما اقدر اتقبله ما ابيه اكرهه وفي نفس الوقت خايفه اخسره واندم بعدين قولوا لي وش اسوي..
كان فيه شخص واقف وسمع هالحكي بلع غصته وحس ان الدم نشف في عروقه من كلامها..ماحس بنفسه إلا وهو واقف قدامها ونزل لمستواها..
مها رفعت راسها وانصدمـــت:طلال من متى انت هنا..
طلال بضيق:من زمان وسمعت الحكي اللي قلتيه..
مها رفعت راسها للمى وريم اللي كانوا في حالة صدمــــه..
طلال بألم:مدري ليه جاني احساس انك بترفضيني واحساسي هذا في محله اسمعيني لا انا ولا غيري نقدر نجبرك على شي انتي ماتبينه..
مها بصوت مبحوح:بس..
طلال قاطعها وهو يوقف ونزل راسه والدموع متجمعه في عيونه:تأكدي اني احبك ولا احد يقدر يمحي محبتك من قلبي..<<لف عنها وهو يعض على شفايفه بقهــــر بس حس بيدين دافيه تمسك يده..
مها بلعت غصتها:بس انا ابيك..
طلال انصــــدم ولف عليها:وشـــو..
مها نزلت دموعها:والله مو قصدي الحكي اللي قلته بس كنت متردده وخايفه وكلامك شجعني اقولك قراري انا موافقه..
ريم ولمى شهقــــــــوا..
طلال بأبتسامه وسيعه وبمزح:ترى اذني شوي خربانه ويبي لها تصليح عيدي اللي قلتيه..
مها تصنعت الابتسامه:موافقه..
طلال حس ان الدم رجع يمشي في شرايينه وقلبه اللي ماينبض إلا بأسمها وعلشانها دقاته وصلت للسما:مها انتي تتكلمين عن جد..
مها:ايه..
طلال ما اقدر اوصف فرحته..رفع يدها بيبسوها بس مها بسرعه سحبت يدها..
:ستوووووب..
طلال:ههههههههههههههههههههههههههههههههه اسف نسيت نفسي..
مها:اصلاً انت من زمان ناسي نفسك..
طلال ميل فمه:بدينا..
مها ابتسمت بدون نفــس ولفت:يله بنات..
طلال:طيب مافيه مع السلامه..
مها لفت عليه:مع السلامه..
طلال ارسل لها بوسه في الهوا:انتبهي على نفسك ياقلبي..
مها مسكت نفسها ولفت عنه مشت ونزلت دموعها حااااره على خدها حطت يدها على فمها تحاول تكتم شهقاتها..
ريم بفرحه حظنتها والناس يناظرونهم مستغربين:ياحياتي مبرووووك..
مها تنهدت بضيق وبعدت ريم عنها ومشت لبرا المستشفى وبكــت بصوت عالي رفعت جوالها بيدينها المرتجفه:الوووو وينك يازفت بسرعه تعال..<<سكرت الجوال ورمته في شنطتها رفعت يدها لخدها ومسحت دموعها وتحول بكاها لشهقات وجسمها يرتجف"يارب امووووت قبل ما اتزوجك ياطلال"..
××
لفت عليها:اقول تعالي نلحقها..
لمى تعرف مها اذا تضايقت من شي ماتحب اي احد معها لانها بتطلع حرتها فيه:خليها هي تهدى من نفسها..
ريم:انت شفتي حالتها وشلون تهدى..
لمى:اقولك هي ماتحب احد يجي عندها وإلا بتطلع حرتها فيك..
ريم:خليها تطلع حرتها والله خايفه عليها ذا الخبله تسوي بنفـ..<<سكتت وهي تناظره جاي لعندها ومبتسم لها..
:مساء الخير..
ريم ولمى:مساء النور..
ريم تفرك يدينها بتوتر وهالحركه انتبه لها نايف وابتسم:كيفكم..
لمى:تمام..
نايف رفع حاجبه:الحلوو ليه مايرد علينا..
ريم رفعت راسها بسرعـــه ونايف ضحك..
ريم مسكت لمى وسحبتها:عن اذنك..<<مشوا ولمى قربت من ريم وبهمس..
:ياعيـــني يالحلووو الحين وش فيه يتكلم معك كذا شكل كندا اثرت عليه..
ريم تنرفزت:مدري عنه اسأليه..
لمى تناظرها بخبث:طيب اعصابك ياعمتي..
ريم:اففففف..<<لفت وجهها عنها وابتسمت ابتسامه وسيعه وتنهدت من قلــــــب..
"يا اني اعشقك واموت فيك ياشيخ"..
××
نزل للمقهى ودور بعيونه عليه لقاه يلعب بجواله على الطاوله وسرحاااان..
تقدم له وضرب الطاوله:يالاخووو..
مشعل نط من مكانه وبعصبيه:وجـــــــع خرعتني..
نايف:هههههههههههههههههااااي..<<سحب كرسي وجلس..
:وش كنت بتقول لي..
مشعل:اليوم جتني نوف..
نايف بأستغراب:من ذي..
مشعل:كانت معي في الجامعه وصديقة ملاك..
نايف بطفش:بعد ملاك مو قلت لي خلاص نسيتها..
مشعل بقهر:نسيتها بس تدري ان ذي نويف حقيــــره هي اللي جرت ملاك معها والمصايب كلها بسببها هي..
نايف:ليه وش سوت..
مشعل قاله كل السالفه:الله ياخذها..
نايف بسرعه:لا تدعي عليها حرام عليك..
مشعل بعصبيه:حرمت عيشتها ان شاء الله (ضرب يده على الطاوله بقهر) لو ان ملاك قالت لي عن كل شي من البدايه كان...
نايف قاطعه:كان وشو كان فعل ماضي وملاك الله يرحمها الحين انت وشوله متضايق..
مشعل بضيق:ظلمتها يانايف..
نايف:وانت وش يعرفك ان اللي سوته مو بيدها خلاص انسى السالفه وادعي لملاك بالرحمه..
مشعل يتذكر رسالتها ويتذكر المكتوب فيها لو انه داري من البدايه كان عذرها وانتقم لها من نوف بس هي اللي سكتت ورضت باللي تسويه يعني الغلطه عليها هي..شال هالافكار من راسه خلاص كل شي انتهى ومايقدر يرجع اي شي..
تبدل مزاجه يوم تذكرها وتذكر كلامها والحمره اللي صبغت وجهها يوم قالها كل اللي في قلبه..
نايف:انت وش سالفتك..
مشعل بفرحه:خطبت..
نايف بصدمه:وشـــــــــوو..
مشعل:مثل ماسمعت..
نايف:مين..
مشعل:في..
نايف فتح عيونه على اخر شي:احلف..
مشعل:والله العظيم امس كلمت ابوها في الموضوع وبعد مايرجع من السفر بخطبها بشكل رسمي..
نايف ابتسم:مبرووووك مابغيت تتزوج..
مشعل:الله يبارك فيك عقبالك..
نايف من قلب:آميـــــن..
مشعل بنظرات شك:اعترف مين..
نايف"لو قلت مين كان تتوطى في بطني" وبأرتباك:محد..
مشعل:متأكد..
نايف بعد عيونه عن مشعل لاتفضحه:ايه (وغير السالفه) اقول مين هذا اللي جاي مع امك..
××
جالسه مثل العاده طفشانـــه..وحاطه يدها على خدها تناظر في مجله..رفعتها ورمتها:افففففففف..<<رن جوالها ورفعته ردت بدون نفس..
:هـلا..
جنا:اهليـــــــــن وينك وش هالغيبه وإلا الاخ احمد خذاك منا..
هيفاء ابتسمت من طاري "احمد":آآآآآآآه يا اني اعشقه واموت فيه لو يبي ياخذني من الدنيا هاذي كلها بكيفه ياخذني..
جنا بخبث"مسكيــنه ماتدرين وش ناوي عليه":ايه طيب حبيبتي عندك شي اليوم..
هيفاء بطفش:وش بيكون عندي يعني هذاني جالسه بين اربع جدران..
جنا:طيب تطلعين معي..
هيفاء:وين..
جنا:صديقاتي مسوين بارتي هاه وش رايك تجين معي..
هيفاء بفرحه:وهاذي يبي لها راي اكيـــد موافقه..
جنا:اوكي اذا خلصتي دقي علي بمرك..
هيفاء:اوكـــــي باااي..<<سكرت ونطت من الفرحه راحت وفتحت الكبت تدور لها لبس رفعت فستانين وكشرت ورمتهم على السرير ورفعت لبس ثاني وماعجبها ورمته..
انفتح الباب:اوووه وش هذا..
هيفاء لفت عليها وهي مكشره:جيتي في وقتك تعالي طلع لي لبس..
مشاعل:وين طالعه..
هيفاء:بروح لبارتي..
مشاعل:وش المناسبه..
هيفاء:كذا مافيه مناسبه خلاص شعوله لاتكثرين اسئله وطلعي لي لبس..
مشاعل وقفت عند الكبت وجلست تناظر في الملابس:اممممم اقولك شي..
هيفاء:قولــــي بس خلصيني..
مشاعل:لحظه شوي..<<طلعت وراحت لغرفتها بعدين رجعت لهيفاء ومعها فستان سواريه لنص الفخذ وضيق
:هاه وش رايك..
هيفاء تحك راسها وهي ماده بوزها:لاااا استحي البس كذا..
مشاعل:ياشيــــــخه احلفي (رمت عليها الفستان) اقول البسيه وبلا تخلف..
هيفاء ناظرت في الفستان:ياربــــي مدري وشلون تتحملين تلبسين كذا والناس تناظر فيك من فوق لتحت وووووع قرف..
مشاعل دفتها داخل الحمام ((الله يعزكم)):قرف في عينك اقول البسيه وانتي ساكته وإلا..
هيفاء قاطعتها:خلاص بلبسه وامري لله..<<لبست الفستان وطلعت لمشاعل ووجهها احمـــر..
:هاه وش رايك..
مشاعل صفرت:تجنيـــــــــن (غمزت لها) لو شافك احمد انهبل عليك..
هيفاء ابتسمت بخجل ووقفت قدام المرايه:وش اسوي شعري..
مشاعل وقفت وراها:انا اللي بسويه لك..<<رفعت شعرها كله بالطريقه اللي تحبها وحطت الغره على جنبها وشبكتها ببنسه كريستال سوت لها الميك آب خفيف لان هيفاء ماتحتاج مكياج كثيف بس كثرت لها الروج الاحمر الناري..
مشاعل بعد ماخلصت:شوفـــي كنك من نجمات هوليوود..
هيفاء ناظرت نفسها وقلدت كلمة مشاعل المشهوره بغرور:مين يقدر يوصل لجمالك ياهيوفه..
مشاعل وهيفاء:هههههههههههههههههههههههههههههههههههههههه..
هيفاء رفعت جوالها:بتصل على جنوو..هاااي قلبي يله خلصت..انتي قريبه..اوكـــي بنزل لك الحين يله باي..<<سكرت ولفت على مشاعل بتبوسها لكن مشاعل بعدتها..
:ههههههههههههههههههههههههههههههههه الروج..
هيفاء:ايـه صح (وارسلت لها بوسه) يله باااي..<<نزلت بغنج ودلال ولبست عبايتها كانت بتحط الطرحه على وجهها..
:اقول هيوفه بلا تخلف..<<لفت الطرحه على راسها وطلعت كانت تخاف اول ان الجيران يشوفونها ويتكلمون عليها بس الحين لا ماعاد يهمها شــي وهي تمشي في الشارع لناحية سيارة جنا انرسمت على شفايفها ابتسامه وسيعه..
:ماعاد يهمني شي دامني حرم احمد بن راشد ولد الوزير ههههههههههههههههههههه..<<ركبت السياره..
:هااااي جنو..
جنا مومستوعبه ان اللي قدامها هيفاء..
هيفاء ابتسمت بفرحه:وين البارتي فيه..
جنا مفهيه..
هيفاء تلوح بيدها قدام عين جنا:هيــــــه وين رايحه..
جنا:هاه هلا انا معاك..
هيفاء:ايه مره مبين انك معي..
جنا تناظرها بأنبهار:هيوفه طالعـــــه ملاك تجنيـــــن تهبلين والله بينجن عليك احـ..<<حطت يدها على فمها من زلة لسانها..
هيفاء ما اهتمت للي قالته:عارفه المهم الحين وين البارتي فيه..
جنا:في استراحه..
هيفاء لفت عنها:اهااا..<<فتحت شنطتها وطلعت مناكير احمر..
جنا تناظرها وهي مبتسمه بخبث"جا الوقت اللي اكسر فيه خشمك وغرورك ياراكانـــوه والله لأخلي سمعتك تحت التراب واعلمك من تكون جنا اللي مستهين فيها"..
قطع افكارها صوت هيفاء وهي تمد اصابعها لجنا:هاه جنو شوفي حلوو..
:













عرض البوم صور غاليه بعيون مغليها   رد مع اقتباس
[/table1]












قديم 04-21-2011, 06:03 PM   المشاركة رقم: 3
المعلومات
الكاتب:
اللقب:
~..جريحــهـ...~
الرتبة:
الصورة الرمزية
 
الصورة الرمزية ~..دمــووع..~

البيانات
التسجيل: Jan 2011
العضوية: 75038
المشاركات: 1,382 [+]
بمعدل : 0.43 يوميا
اخر زياره : [+]
معدل التقييم:
نقاط التقييم: 15
 

الإتصالات
الحالة:
~..دمــووع..~ غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الواحد والثلاثون

[table1="width:95%;"]
يالله :|
لا ترووح لا ترروووح ..
ان شاء الله ما يصير شي غلط لان انا مو مستوعبه هذي تروح للنار بيدينها ..
تحيااتي
دمووع
توقيع : ~..دمــووع..~

عرض البوم صور ~..دمــووع..~   رد مع اقتباس
قديم 04-24-2011, 11:10 PM   المشاركة رقم: 4
المعلومات
الكاتب:
اللقب:
عضو فضي
الرتبة:
الصورة الرمزية
 
الصورة الرمزية أحلام وردية

البيانات
التسجيل: Jan 2011
العضوية: 74914
المشاركات: 1,997 [+]
بمعدل : 0.62 يوميا
اخر زياره : [+]
معدل التقييم:
نقاط التقييم: 19
 

الإتصالات
الحالة:
أحلام وردية غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الواحد والثلاثون

مشكورة يالغالية
الله يعطيك العافية وفي انتظار البقية
ودي لك












عرض البوم صور أحلام وردية   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ميته, الجزء, الواحد, تموت, بك, عيني, عيونهم, فيني, والثلاثون, وانا

جديد منتدى قصص - روايات قصيره وطويله


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 08:31 PM.


Powered by vBulletin® Version 3.8.9
Copyright ©2000 - 2019, vBulletin Solutions, Inc.
Search Engine Friendly URLs by vBSEO 3.6.1