قصص - روايات قصيره وطويله قصص طويله , قصص واقعيه , روايات ألف ليله وليله , قصص حب , قصص خياليه


إضافة رد
 
LinkBack أدوات الموضوع انواع عرض الموضوع
قديم 04-25-2011, 10:30 PM   المشاركة رقم: 1
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

المنتدى : قصص - روايات قصيره وطويله
Icon777 (46) تموت عيونهم فيني .. وانا بك ميته عيني الجزء الاخير فصل الثاني

..الجــــ الاخيــــــر ــــزء..
,,..الفصل الثاني..,,

؛؛..تبي تشوف الذل في صورته صح..شف "دمعة الفرقا" على خد رجال..؛؛

كان جالس ويناظر سعد اللي منهااااار..وحاط شماغه على عيونه ويبكي..هو اكثـــر واحد كان متأثر لانه مر بنفس حالة سعد..فقد اعز واغلى مايملك..مــلاك..اللي كانت كل حياته..فقدها وهي في حظنه..ماتت بين يدينه..ولا قدر يسوي لها اي شي..لان الموت مايرحم..ورغم خيانتها اللي مالها اي ذنب فيها..للحين يحبها ويعزها..شال هالأفكار من راسه..ملاك ماتت خلاص..والحين في حياته انسانه ثانيه وهي المفروض اللي تكون كل حياته..
وقف على صوت واحد من المعزين..
:عظم الله اجرك..
مشعل بصوت مخنوق:اجرنا واجرك..<<ناظر تركي اللي منزل راسه وكان هو الثاني متأثر لانها اخته من الرضاعه..وطول عمرهم كانوا سوا..
همس له وهو يجلس:تركي..
تركي رفع راسه وبلع غصاته:مشعل الله يخليك اسكت مالي خلق لأي شي..
مشعل:طيب شوي شوي اكلتني اسمع انت لازم تسافر..
تركي التفت له:مجنون انت اسافر وخلود..
مشعل قاطعه:خلود الله يرحمها (التفت له) إجرائات السفر كلها جاهزه بس باقي حظرتك تروح للمطار..
تركي بضيق:خلاص مو وقته خلنا نتكلم في هالموضوع بعدين..
مشعل سكت وناظر في سعد مره ثانيه..كان شكله يعور القلب ويقطعه..
جالس ويتذكر لحظاتهم..كانوا مايفترقون..مع إن سفراته كثيره..بس صوتها وصورتها اللي انحرفت في قلبه مايفارقونه ابداً..كان ماينوم إلا على صوتها ولمسة يدينها اللي تمررها على شعره..ومايدفى إلا في حظنها وجنبها..ومايفرح إلا لما يشوف الفرح في عيونها..كان يحبها وهي صغيره اقدر اقول غرامهم..غرام اطفال..بنوه وكبروا معاه..ومحد قدر يهدمه..
تغلبوا على مشاكلهم سوا..حياتهم تقاسموها..كانوا جسدين في رووح وحده..وهي روحه وراحت كيف بيقدر يعيش من دونها..
"والله ياخلود لو كان الانتحار مو حرام كان لحقتك وموت نفسي و وصيتهم يحفرون قبري جنب قبرك (شهق وعض على شفايفه بألم) مع اني الحيـــن مو عايش انا من دونك جسد بلا روح"..
بكــــــى..واستغربوا الجالسين من قوة بكاه..كان متماسك في موت ابوه..لكن الحزن اجتمع في قلبه الحين ويبغى يفرغه..
حط يده على كتفه ودموعه على خده:اذكر الله ياولدي..
سعد سكت مارد على ابومشاري اللي من الصبح وهو يحاول يهديه..لكن بدون فايده..وقف وتركهم وطلع..
لحقه ابومشاري ومشاري ومشعل..خافوا يسوي بنفسه شـــي..بس هو قبل مايوصلون له..ركب سيارته وحركها بسرعه جنونيه..
ابومشاري بسرعه:الحقــــــه بسرعه..
مشاري وهو يفتح سيارته:ان شاء الله..
مشعل:اجي معك..
مشاري اشر له:يله بسرعه..
مشعل ركب وحركوا السياره ورا سعد..
××
كان يدور في الشوارع..من امـــــس..مايدري وين يرووح..احمد وعنده سهره للصبح..وهو مايحب خرابيطه..وقف سيارته عند بيت جدته نوره ونزل..
دخل البيت وهو متضايق شاف جدته جالسه في الحديقه تصنع الابتسامه وباس راسها:وش اخبارك يمه..
الجده نوره مبين عليها الضيق:حمد الله..
راكان جلس:وش فيك شكلك متضايقه..
الجده نوره بحزن:بنت اخت ام مشعل توفت..
راكان:الله يرحمها و ريم الحين كيفها..
الجده نوره:وش دخل ريم..
راكان:مو هي بنت خالتها..
الجده نوره:راكان انت وش تبي توصل له..
راكان عدل جلسته وبأرتباك:ابد يمه ما ابي شي..
الجده نوره بضيق وحزن:يمه انت عارف انك..
راكان قاطعها وهو يوقف بسرعه وبعصبيه لدرجة ان الكرسي طاح على الارض:خــــــــــــلاص يمه خلاص..<<ودخل الفيلا طلع لغرفته بسرعه وخبط بالباب..
دار فيها وهو ماسك راسه ويشد على شعره..هي اللي دمرت حياته ومستقبله..يحاول ينساها بس مايقدر..
رفع تحفه من الطاوله ورماها على الجدار بعصبيه وقهــــــــر:الله ياخذكــــــــــم ياكـ..؟؟
××
صحى مرتاع وشاف منال واقفه عند الكبت بقميص النوم..انصدم"وش سويت انا"..
منال لفت وبدلع:صحيت حبيبي..
ابوراكان بخوف:انا وش جابني هنا..
منال جلست جنبه وابتسمت بخبث:امس انت جيتني وإلا نسيت..
ابوراكان بعد البطانيه بقوه و وقف بس هي سبقته ومسكته:لحظه وين رايح..
ابوراكان سحب يده وبعصبيه:يالحقيــــــره يالـ..
قاطعته وهي تأشر على فمها:اششش ولاكلمه لاتسمعك مشاعل..
ابوراكان انقهـــــر:انتي وشلون تسمحين لنفسك تسوين ذا الحركات ماتدرين انها حرام..
منال ضحكت وبأستهزاء:لا ادري انها حرام بس ما ادري انها حلال عليك..
ابوراكان خذ ثوبه وشماغه..
منال وقفت ومسكته بطرف اصبعها وبقرف:وين وين انت ان شاء الله ماراح تطلع من هنا قبل ماتشوف هذا..<<عطته الكاميرا وقالت بمياعه..
:تفضل ياحياتي..
ابوراكان انصـــــدم..
منال بدلع:حياتي وش رايك اعطي الشريط لأم العيال وإلا..
ابوراكان قاطعها بعصبيه:عن جد انك ماتربيـــــــتي..
..اندق الباب وارتاعوا..
منال فتحت الباب وطلعت وسكرته بسرعه:انتي وش صحاك الحين..
مشاعل تمرر يدها على شعرها وتشده بقوه:منــــال راسي راسي..
منال سحبتها مع يدها ودخلتها غرفه وسكرت الباب وقفلته:افففف مالي خلقك انتي الثانيه..<<صارت مشاعل تدق الباب بقوه وتصرخ..
عضت على شفايفها بقهر وهي في قمة عصبيتها دخلت الغرفه شافت ابوراكان جالس على السرير وحاط يده على راسه..ابتسمت بخبث
:شوف انا بطلب طلب صغير مو كبير وانت تقدر تسويه..
ابوراكان رفع راسه:خير وشو طلبك..
منال:تتزوجني بس..
ابوراكان وقف بعصبيه:انا اتزوجك انتي..
منال بعصبيه:لا ترفع صوتك علي مو اصغر عيالك انا واذا ماتبي تتزوجني خلاص الشريط بيوصل لحرمك المصون ومو بس هي السعوديه بكبرها راح تعرف من هو عبدالرحمن بن راكان..
ابوراكان بقهر:وش تستفيدين اذا شهرتي فيني..
منال جلست و ولعت سيجاره:وحده بوحده انت استانست امس وانا بستانس اذا شهرت فيك..
ابوراكان بقلة حيله:خلاص اللي تامرين عليه بيصير..
منال:ههههههههههههههههههههههههههههه (مدت له السيجاره) حبيب قلبي و زوجي تبي..
ابوراكان ناظرها بأستحقار ولبس ثوبه وطلع وطلعت هي وراه:ماتبي تاخذ مشاعل معاك..
ابوراكان وهو ينزل الدرج:لا جيبيها انتي..
منال:اوكي قلبوو (نزلت ومسكته وبهمس) اسمع لو فكرت تلعب معاي سمعتك بتصير تحت رجلي تفهم وإلا لا..
ابوراكان ناظرها من فوق لتحت بأستحقار وهو مقهـــــور..تركها وطلع وخبط بالباب..
منال:ههههههههههههههههههههههههههههه ياحياتي انت رحمتك (سمعت صوت الباب فوق بينكسر من دق مشاعل) اففففف..<<وطلعت لها فوق فتحت الباب وشهقت كان كل اللي في الغرفه مكسر والسرير مقلوب والملابس مرميه على الارض..
صرخت في وجهها:مجنونــــــــه انتي..
مشاعل تقدمت لها وهي ماسكه راسها ونص شعرها في يدها:راســــــــــي بينفجـــــــر (طاحت على الارض ومسكت بنطلونها وبرجا ودموعها على خدها) منال تكفيـــــن عطيني حبه وحده ابوس رجلينك تكفييييين..<<انحنت بتبوس رجلها بس منال رجفتها بقوووه وصرخت:آآآآآآآآآه..
منال قربت منها وشدت على شعرها وهي ماسكه كيسه صغيره فيها حبوب:انا مو قاعده اخذ هالحبوب ببلاش تبين ادفعي..
مشاعل وهي تناظر الكيس:مستعده اعطيـــــك اللي تبين بس عطيني حبه تكفييييين..
منال رمت الكيس على الارض:حلالك الكيس كله ههههههههههههههههههههههههههه..<<طلعت وسكرت الباب وقفلته وهي تتنهد براحه ضربت عصفورين بحجر احد..
رمت نفسها على الكبنه و رفعت الكاميرا وشافتها:واخيــــــراً صرت خاتم في اصبعي يالشايب ههههههههههههههههه..
::
كلت حبتين ورا بعض وغمضت عيونها وتنهدت براحه عجيبه..حاولت تعدل السرير لكن ماقدرت تحس ان يدها مخدره تمددت على الارض وناظرت السقف تحس ان الدنيا تدور فيها غمضت عيونها ورجعت تفتحها بصعوبه..مر قدام عينها كل اللي سوته براكان وريم ونايف وبندر ودانا واشخاص كثيرين تأذوا منها..
غمضت عيونها بقوووه ماتبي تتذكر اي شي تبي تنسى وتنام وتصحى على عالمها الجديد اللي ماتدري متى وكيف تطلع منه...
××
فتحت عيونها بصعوبه ورجعت سكرتها وهمست بصوت ضعيف:جنا..
جنا رفعت راسها وبكت بقوووه:ناديـــــــه..<<مررت يدها على خدها وهي تضحك وتبكي في نفس الوقت..
:انتي صحيتي..
ناديه فتحت عيونها..ناظرت كل صديقاتها حولها..ظنت انها تتخيل:جنا انتي لحالك..
ساره بكت من قلب ومسكت يدها وضغطت يدها:لا كلنا معك..
ناديه دمعت عيونها:ساره..
ساره حظنتها بقوووه وبكت:حمد الله على سلامتك يالغاليه ليته فيني ولافيك..
ناديه:لا بسم الله عليك جعل اللي فيني مايمسك ولايجيك..
شهد سحبت ساره وهي تبتسم بألم:ياخــتي عطينا فرصه..
ناديه ابتسمت من قلب:شهد..
شهد حظنتها:ياعيووون شهد..
حست بفرحه مو طبيعيه..كل صديقاتها حوليها..واختها جنبها..هذا الشي يكيفها ويغنيها عن كنوز الدنيا كلها..
ابتسمت وبكت من الفرحه وهي تضغط على يد جنا..اللي تبكي معها..
××
([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)
××
شدت على شنطتها اللي في حظنها بقوووه..علشان تتماسك وماتنزل دموعها..كل شي توقعته إلا انو علي اللي تموت فيه ونوف اللي وثقت فيها يخونونها..
ناظرها بنص عين وابتسم على شكلها كانت سرحانه وتناظر الطريق قدامها ومو حاسه باللي حولها..مرر اصابع يده على خدها وبحنان..
:حبيبي وش سرحان فيه..
تجمعت الدموع في عيونها ولفت وجهها على الشباك وبصوت مرتجف:ولا شي..
علي وقف السياره ولف عليها..
رزان اللي كانت مو متحمله كلمه زياده..لفت عليه وبعصبيه:ليه وقفت..
علي عقد حواجبه:حبيبتي تعبانه اوديك المستشفى شكلك مو طبيعي..
رزان نزلت راسها وفركت يدينها بقووه لما صارت حمرا:لا يتهيأ لك..
سمعوا اصوات هرن السيارات..حرك سيارته وهو منقبض قلبه حاس ان فيها شي..
وصلوا المقهى ونزلوا..مشت جنبه بدون احساس..وهو يبتسم لنوف اللي تأشر لهم..مسك يدها..
:من هنا حبيبتي..
نوف ابتسمت بفرحه و وقفت وحظنت رزان اللي حاسه ان الارض تدور تحتها ومو قادره تتوزان..راح تنفجر في اي لحظه..
بعدت عنها وهي تضحك:وانتي ما اشتقتي لي..
رزان ناظرت في ماجد اللي ابتسم لها وهي ردت له الابتسامه بدون نفس..
نوف:اووه سوري نسيت اعرفكم على بعض (آشرت على علي و رزان) علي و رزان (واشرت على ماجد وهي تناظره وتبتسم له بنعومه) خطيبي ماجد كان يدرس معنا بالجامعه ماتذكرتوه..
رزان ماقدرت تمسك نفسها اكثــــــر..قالت بصوت مرتجف:مايصير يكون عندك زوجين وإلا انا غلطانه..
استغربوا كلهم ولفوا عليها..
نوف ناظرت هيأة رزان اللي مو طبيعيه كانت عيونها حمرا..وصدرها يرتفع وينزل..وعروقها بارزه..
قربت منها ومسكتها وبأستغراب:رزان تعبانه..
بعدت يدها بقوووه وصرخت بعصبيه وقهر:ياحقيــــــــــــــره ياخاينه انا اللي وثقت فيك ودخلتك بيتي و..
علي قاطعها وهو يمسكها:حبيبتي وش هالحكي..<<الناس بدوا يلفون ويناظرونهم وهي مستغربين..
رزان لفت عليه وبعصبيه:وانـــــــــــــــت احقر منها (طلعت من شنطتها حبوب منع الحمل ورمتها على صدر نوف بقوه) هــــــذا وش جابه عندك وانتي مو متزوجه و..
نوف قاطعتها وهي ترتجف:رزان انتي فاهمه غلط..
رزان مدت يدها لكن مسكها ماجد اللي كان معصب:لحد هنا وبــــــــــس انا ما اسمح لك تغلطين عليها..
رزان سحبت يدها وبصوت مرتجف وهي تبكي:اذا بتتزوج وحده نايمه مع عشره غيرك للأسف انت ماعندك كرامه..
نوف شهقت بقوووه وحطت يدها على فمها..
رزان مشت بخطوات سريعه وهي تمسح دموعها بطرف يدها بقووه..دخلت الحمام ((الله يعزكم))..وخبطت بالباب..ناظرت في المرايه وهي تتنفس بسرعه وتشهق..
حست بشـــــي يمشي على ساقها..نزلت راسها ارتجفت وشهقت..
انفتح الباب ودخل ومسكها ولفها عليه وهو يضغط على كتفها:حبيبتي انا مالي دخل في كل هذا..
رزان ترتجف:عـ..لي..
××
([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)
××
ناظر ولده اللي انولد في الشهر السابع..كان صغيـــر وملامحه مابرزت..وحالته مضطربه شوي..لانه انولد ولاده مبكــره ومو طبيعيه..
هذا اللي بقى له من ريحة خلود..تركته هي وراحت وبقت له قطعه منها..
مشاري اللي يناظر الولد:وش ناوي تسميه..
سعد والدموع متجمعه في عيونه وبصوت مرتجف:اتفقنا انا وخلود نسميه فيصل..
مشعل ابتسم بألم:يتربى في عزك..
سعد مارد عليهم..ناظر في فيصل كان فيه شي في قلبه يحــن عليه..امه تركته في هالحياة وماتت..قبل لاتشوفه..ميــن بيربيه..
وهو مستحيــل يفكر مجرد تفكير يتزوج بعد خلود..
بلع غصاته وناظر في مشاري:تبونه خذوه انتو..
مشاري ومشعل انصدموا..
مشاري بعصبيه:تراه ولــــدك مو بضاعه وش هاذي خذوه..
سعد بألم وحزن:انا ما اقدر اربيه..
مشاري:سعد انت تتكلم من جد..
سعد مشى بدون احساس لكن يد مشاري مسكته:تعــــــــال وين رايح..
سعد سحب يده بدون ولاكلمه ومشى..
مشاري بعصبيه وهو يحط يده على خصـره:لا هذا استخف..
مشعل:هو الحين تحت تأثيرالصدمه مايعرف وش يقول ان شاء الله بعد كم يوم بيهدى..
مشاري:والله حسيتك دكتور..
مشعل ابتسم:شفت عاد (ناظر فيصل وعوره قلبه عليه) شكله يشبه خلود..
مشاري:كذاب يشبه خاله..
مشعل:الله يعينه اجل..
مشاري:ليه خاله مو مالي عينك..
مشعل:خاله الله يستر علينا وعليه ماينبلع شيـــــــــن..
مشاري عطاه كوع:احترم نفسك عاد..
مشعل ضحك بدون نفس..
××
دخل البيت وهو ماسك عقاله بيده وشماغه على كتفه و وجهه كان مبين عليه الضيق..
وقفت بسرعه وراحت له:وينك من امس..
ابوراكان رفع راسه وبتعب:شوفي ترى مالي خلقك..
ام راكان تناظر ورا ابوراكان:وين مشاعل ماجبتها..
ابوراكان:تبي تجلس عند صديقتها..
ام راكان بأنفعال:ليه خليتها تجلس عندها بصراحه ذا البنت ابد مادخلت مزاجي خايفه تجي لمشاعل مصيبه من وراها..
ابوراكان"بتجيك مصايب مو مصيبه وحده":المهم انا طالع انام..
ام راكان مسكته:وش تنام ومشاعل..
ابوراكان:ماراح تاكلها..<<طلع الدرج ودخل غرفته ورمى نفسه على السرير وهموم الدنيا كلها على راسه..
دخلت وهي شايله اكياس في يدها نزلت طرحتها:مساء الخير..
ام راكان تناظرها من فوق لتحت:مساء النور وين رايحة له من الصبح..
هيفاء وهي ترمي الاكياس على الكنب وتفتح عبايتها:رايحه للسوق وش اسوي خطيب الغفله متصل علي يقول بياخذني بكره..
ام راكان بعصبيه:مجنـــــــون ذا وإلا شارب شي وش ياخذك..
هيفاء جلست وتربعت:مدري عنه اسأليه..
ام راكان:وانتي ان شاء الله بتروحين معه..
هيفاء بألم:انا اقعد هنا وإلا اروح معاه ماتفرق عندي..
ام راكان عصبت:لاااا انتي وياه استخفيتوا..
هيفاء قلبت القنوات وبدون اهتمام:وش دخلني انا..
ام راكان:ليه توافقين..
هيفاء:ههههههههههههههههااااي اوافق ليه هو خذ رايي..
ام راكان:كفايه انه مو مسوي زواج بعد بياخذك الحين..
هيفاء:هذا انتي قلتيها ماراح نسوي زواج يعني ليه اجلس هنا..
ام راكان:على الاقل ينتظر لما تخلصين دراستك وهو بعد يخلص لما دراسته ويشتغل..
هيفاء وقفت وبأستهزاء:انتي ماسألتي نفسك ليه بياخذني الحين ومو مسوي زواج..
ام راكان:ليه..
هيفاء وهي تطلع الدرج:يحبنــــــي يموووت فيني مايقدر يصبر اكثر من كذا..<<دخلت غرفتها وسكرت الباب وتسندت عليه وهي تبكي وتضحك في نفس الوقت..
مشت لناحية الكبت وفتحته طلعت شنطتها ورمتها على السرير ورمت ملابسها..وهي ترمي ملابسها طاح البوم الصور ورفعته وفتحته..شافت صور ملكتها..
ابتسمت بألم يوم شافت فيصل كان فرحان ويبتسم بفرحه..لكن شكلها انخدعت بهالإبتسامه..مررت اصابع يدها على وجهه..
:شكلي بتعذب معاك كثيــــر..<<حظنت الصوره ونامت..
××
كانت جالسه وتبكي بحرقه ومن قلـب..خسرت اثنين كانوا اغلى من روحها..بندر وخلود..
قلبها يتقطع لما تتذكر ايامها معها..كانت دايماً تقول لها انها تتمنى تشوف ولدها..وتلبسه وتوكله وتلعب معه..ودايماً كانت محتاره وش تسميه حتى كانت تروح وتاخذ رايها...عمرهم قضوه سوا هي وخلود ودلال..من الابتدائي والمتوسط والثانوي..وسجلوا في جامعه وحده وتخصص واحد وهو علم نفس لكن خلود تزوجت وتركت دراستها عشان سعد اللي كان يحاول معها ترجع تدرس بس هي رافضه..
تذكرت يوم بتتركهم خلود وتنفصل عن الجامعه..كانت تبكي مع انهم يشوفون بعض برا الجامعه بس مو كل يوم..فقدتها كثيــر وكل ما حظرت محاظره جلست تتذكرها وتتذكر هبالهم..والدكاتره اللي كم مره طردوهم..
لكن الحيــــن بتفقدها للأبد..وماراح تشوفها مره ثانيه..
زاد بكاها وشهقاتها..وقفت فجأه وتوجهت للحمامات..وكانت عاكسه الاتجاه..رايحه للحمامات الرجال..
طلع وهو يمسح يدينه..سمعها ودق قلبه بسرعه..رفع راسه وشافها متسنده على الجدار وتبكي بقوووه..
تقدم لها وهمس:دانا..
رفعت راسها وتخيلته هو..رمت نفسها بقوووووه عليه وشدت على ثوبه..وتهذي بكلام مافهمه..
حط يده ورا ظهرها وحظنها بأقوى ماعنده..

يتبــــــع..<<



jl,j ud,kil tdkd >> ,hkh f; ldji udkd hg[.x hghodv twg hgehkd hghodv hgehkd hg[.x jl,j f; udkd ud,kil tdkd twg












عرض البوم صور غاليه بعيون مغليها   رد مع اقتباس
قديم 04-25-2011, 10:30 PM   المشاركة رقم: 2
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.69 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الاخير فصل الثاني

تابـــــــع..<<

مشى وهو منزل راسه..لكن اول ماسمع شهقاتها رفع راسه بسرعه وقلبه ينعصــر من الالم..حس ان الدم مايوصل قلبه ولاينبض..حس بحرارة جسمه ترتفع وبدون تفكيــــر..
مسكه مع ثوبه وبعده عنها وسنده على المغسله ومن بين اسنانه:ياقليـــــــــــــل ادب ياحمـ..؟؟..<<عطاه كف بقوووه وقلبه يشب نااار..
دانا شهقت وتوها تستوعب هي في حظن مين..في حظن رياض مو بندر..حطت يدها المرتجفه على فمها..وشوي وبتطيح..من قوة الصدمه..
حط يده على رقبته وعيونه حمرا من القهر..والعصبيه..
رياض حاول يبعد عنه وصار وجهه احمر من الضغط اللي على رقبته..
بندر والدموع متجمعه في عيونه:دمــــــــــرت حياتي ياكـ..؟؟ ياوا..؟؟..<<ماقدرت تتحمل بعدت يد بندر بقوووه عن رياض وبعصبيه..
:اتركه بيموت (قالت بألم) كفايه علي خلود..
رياض حط يده على رقبته وصار يلهث..ويناظر بندر بحقد..
بندر نزلت دموعه غصب عنه:كان اخر شي اتصوره يدق قلبك لواحد غيري (ناظرها من فوق لتحت) مبروك عليكم الله يهنيكم..<<ومشــى وهو يبكي من الحرقه والالم اللي يضغط على صدره..
دانا فتحت فمها بتناديه..لكن تراجعت اول ماتذكرت كل شي..لفت ودخلت والالم في قلبها يزيـــــد..
رياض اللي كان مو مستوعب اللي صار له..كان شعوره ممزوج بين الفرح والحزن..عدل ثوبه..ومشى لمجلس الرجال وجلس..
طلال بهمس:وش فيك شكلك مو طبيعي..
رياض بضيق:بعدين اقولك..
××
([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)
××
بعد ما تأكدوا من الدكتور ان الجنين ماصار له شي..قعدت تبكي من الفرحه وتحمد ربها..وهي تضغط على يد علي وناسيه السالفه..وتناظر الجنين اللي يتحرك في بطنها وتبتسم..
طبع بوسه على خدها بقوووه:يله انا انتظرك برا..<<طلع وسكر الباب وراه..
نوف بخوف:طمني عسى مافيها ولا في الجنين شي..
علي بأبتسامه:لا الحمد الله مافيها شي..
نوف تنهدت بأرتياح:الحمد الله يااارب..
طلعت وناظرت في نوف وماجد وعلي بأحتقار..وتقدمت عنهم..ومشوا وراها..
نوف بهمس:والله ماسويت شي..
ماجد ضغط على يدها وباس راسها:اوعدك افهمها كل شي..<<طلعوا وفتح علي لها باب السياره لكنها لفت عنهم مشت..
علي مشى وراها:رزان وين رايحه..
رزان بصوت مرتجف:الله يخليك علي ابي اتمشى لحالي..
علي فسخ جاكيته وحطه عليها:خذي هذا معك..
رزان وهي تبعد عيونها عنه:لا شكراً ما ابيه..<<فسخته وعطته إياه ومشت..
جلست قدام البحر..وناظرته بعيون مدمعه..
..كل شي في هالدنيا خانها..ملاك وعدتها ماتتركها وتركتها..وعلي اللي تموت فيه خانها..ونوف اللي اعتبرتها اختها الثانيه بعد ملاك خانتها..
نزلت دموعها على خدها..وحطت يدها على بطنها..
مابقــــى لي في هالدنيا غيرك انتي..تكفيــن لاتتركيني..
سمعت صوت:ممكن اجلس..
رفعت راسها وناظرت ماجد..قالت بدون نفس:وش تبي مني..
ماجد جلس:ابي افهمك الموضوع..
رزان بأنفعال:انت اللي لازم تفهم انت مخدوع في نوف هاذي ضيعت اغلى صديقه عندي بسبب تفكيرها الغبي..
ماجد:رزان لو سمحتي عن الغلط..
رزان لفت عنه وتكتفت وتأففت..
ماجد:اسمعيني انا ادري وش صار بنوف و وصلها لهالحاله وادري بعد ليه عندها حبوب منع حمل..
رزان:لاتبرر لها..
ماجد:اسمعيني طيب..
رزان:يله قول اللي عندك..
ماجد جلس يفهمها السالفه ويقول لها عن احمد و وش سوا في نوف و رزان مصدووومه وحاطه يدها على فمها..
رزان وقفت وهي تبكي:انا لازم اروح لها الحين..
:لا لاتعبين نفسك انا اجي لك..<<حظنوا بعض وبكوا..
رزان بعدت عنها:طيب ليه ماقلتي لي..
نوف:خفت تتركيني..
رزان ضربتها مع كتفها بخفه وحظنتها:سخيـــــفه..
××
([email protected]#$%^&*[email protected]#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
([email protected]#$%^&*[email protected]#$%^&*)
××
يوم يجــــــــر وراه يوم..
وهموم تجر وراها هموم..
::
؛؛..مدري باكر هالمدينه وش تكون..النهار والورد الاصفر والغصون..؛؛

ودع اهله وحظنهم..ودموع تنزل من عيونه..اصواتهم ترن في اذنه وخاصه صوت امه وجدته اللي يدعون له من قلب ويتمنون يرجع لهم وهو واقف على رجلينه ويمشي..
ناظر فيها لأخر مره قبل مايسافر..كانت تمسح دموعها وتناظره وتبتسم بألم..ماتدري متى بيرجع وماتدري كيف السعوديه بدونه وش بتكون..؟؟!!..
اشرت له تودعه..وهو ابتسم لها بألم..وعيونه غرقانه بالدموع..وشلون بيقدر يتحمل فراقها وهبالها..<<خخخ..
ابومشعل وهو يضغط على كتف بندر:ما اوصيك عليه..
بندر بألم:لاتوصي حريص..<<قرب من امه وحظنها وباس يدها..
:يله اشوفك على خير..
ام نايف تبكي:انتبه على نفسك..
بندر:ان شاء الله..
قرب من اذنه فارس وهمس له:آآه يا السحبه بتنحاش من الطلب اللي طالبك إياه..
تركي بأستغراب:وشو..
فارس:والله شغل مخك وبتعرف..
تركي تذكر انه وعد فارس يساعده في انه يقول لأمه وخالته عن موضوع زواجه:ايه خلاص اذا رجعت قلت لهم..
فارس:لا ياشيخ اقول انقلع بس..
تركي:طيب مافيه بوسه..
فارس:وجــــــع ان شاء الله..
تركي بهمس وهو يغمز له:وإلا موفرها لمنى بس..
فارس عض شفايفه بقهر..وتركي ضحك واشر لبندر يحرك كرسيه..
بندر ناظر تركي وهو رافع حاجبه:خدام ابوك انا..
تركي يناظر لمى:ايه وغصب عنك بعد..
بندر:ايا قليل الخاتمه..<<وحرك الكرسي..
قرب من اذنه وهمس له:خــــلاص عاد بتشبع منها اذا رجعنا..
تركي تنهد بضيق:الله يصبرني على فراقها..
::
لمى اللي طاحت في حظن ريم تبكي:احبه..
ريم تمسح دموعها:خــــلاص لمو وش بيقولون خلق الله انجنت..
لمى تشهق:ياليتني مسافره معه..
ريم:وبصفتك ايش يا ماما..
لمى:بنت عمه وحبيبته حالياً وخطيبته مستقبلاً و زوجته لاحقاً..
ريم:هههههههههههههههههههههههههههه عليك مخ منسم بصراحه..<<لفت وناظرت نايف اللي يناظرها بحزن والم..
سوت نفسه مو مهتمه والتفتت على لمى..اللي صوت بكاها صار مسموع..
ريم:خـــلاص لمى..
لمى:جعل كابتن الطياره يخبط وتنكسر رجله ومايجي..
ريم:لاتفاولين على الرجال حرام عليك يمكن عنده عيال..
لمى:واذا ماعنده افاول عادي..
ريم:لا اوت هاهاها بايخه صح..
لمى ناظرتها بنص عين:لا الاخت انهبلت امشي بس امشي..<<وراحوا ورا مها اللي كانت تكلم طلال بالجوال..
قالت وهي تبتسم بخجل:يعني لازم..
طلال:ايه لازم..
مها:طيب غمض عيونك..
طلال:ههههههههههههههههههههههههه وش دخل عيوني في السالفه..
مها عضت طرف شفايفها..و وجهها احمر:مدري احسك تناظرني..
طلال:لا ياشيخه وش شايفتني جني..
مها وهي حاطه يدها على قلبها وحرارة جسمها مرتفعه:طيب..<<خذت نفسها طويل وقربت الجوال من فمها لكن..
ريم ولمى انفجروا من الضحك:هههههههههههههههههههههههههههه..
مها طاح الجوال من يدها ولفت مرتاعه:من متى انتو هنا..
لمى تقلد صوتها:من لازم..<<وغمزت لها..
ريم:هههههههههههههههههههههههههه..
مها رفعت جوالها ومشت:ياسخفكم بعد..<<نزلت راسها تناظر الجوال..
وسمعت صوت وراها:الحلو زعلان ليه..
ارتاعت وطاح الجوال من يدها وشهقت:طـــــــــلال..
طلال:حياتي..
مها لفت عليه وبأرتباك:نعم..
طلال:الله يالواثقه وش دراك اني اقصدك انتي..
مها ولعت وبأنفعال:خلك بس تقول هالحكي لبنت ثانيه والـ..<<سكتت وهي تسترجع اللي قالته..
طلال ابتسم من قلب ومسك يدها:تغارين علي..
مها شهقت وغمضت عيونها:طلال تكفى لا لا مو هنا..
طلال:ههههههههههههههههههههههههههههه (نزل يدها وضغط عليها) طيب اختاري يا هنا ابوس يدك قدام خلق الله وإلا احظنك لما نكون لحالنا..
مها حمر وجهها وارتفعت حرارة جسمها:طلال..
طلال بخبث:عيون طلال..
مها شوي وبتبكي:الله يخليك مو وقته..
طلال ابتسم:طيب يله امشي..
مها بأستغراب:وين..
طلال:مدام بكره ماعندك جامعه قلت فرصه اقعد معاك لين الليل..
مها انصدمت:إيـــــــــش..
طلال:وش رايك عاد..
مها:لا انت انجنيـــت..
طلال:مجنون فيك ياعمري..
مها تمنت الارض تنشق وتبلعها:طلال..
طلال:روح طلال..
نزلت دموعها غصب عنها كان تأثير كلامه عليها قوووي..
طلال اختفت ابتسامته:حبيبتي وش فيك..
مها زاد بكاها..
طلال تورط:قلبي وش فيك..
مها رفعت عينها وببرائه:تكفى لاتقول هالحكي..
طلال ابتسم:ليه..
مها نزلت راسها:مدري ما اتحمل..<<بكت من قلب..
طلال التفت شاف الناس يناظرونهم:حبيبتي امشي معي الناس يناظرونا..
مها مشت وهو مسك يدينها وشهقت..
طلال لف عليها مرتاع:وش فيك..
مها تاخذ نفس طووويل:لا ولاشي (لفت عليه) طيب ابوي داري انك بتاخذني..
طلال:ايه داري وبعدين خلاص ياقلبي صرتي زوجتي..
مها شهقت:طــــــــــلال..
طلال ارتاع:وش فيك..
مها خذت نفس طويل:ولاشي..
طلال ابتسم على هبالها..وناظر ريم ولمى اللي يضحكون عليها..وهو انفجر من الضحك معهم..
مها ناظرته بأستغراب..وناظرت لمى وريم وبعصبيه:عقبالــــــــكم يااارب..
ريم ولمى:آميــــــــــن ههههههههههههههههههههههههههه..
××
مر اسبوع بدون همس خلود ولاصوتها..وكان عنده هالأسبوع سنين او عمر كامل..
كان جالس وحاط يده على خده ويناظر الفراغ قدامه..
ام سعد بضيق:يمه ماتبي تاكل لك شي..
سعد تمدد على الكنبه وحط ذراعه على عيونه:لا مو مشتهي..
ام سعد جلست جنبه:امس جبت ولدك من المستشفى ماتبي تشوفه..
سعد وقف وبعصبيه:لا ما ابي اشوفه ولا اسمع حسه حتى..<<وطلع الدرج بسرعه..
ام سعد تعودت على اسلوب ولدها اللي تغير بعد ماتوفت خلود..كان يعصب بسرعه وعلى اتفه شي..ودايماً سرحان..ومايروح لشغله..ولاشاف ولده..
"الله يهديك بس"..
××
..على طاولة الطعام..
فيصل سحب كرسي وجلس بدون ولاكلمه..
ام فيصل بدون نفس:وين زوجتك..
فيصل يرفع الملعقه لفمه:مدري عنها..
ابوفيصل بعصبيه:وشلون ماتدري عنها..
فيصل تورط وبأرتباك:هاه امزح شوي وبتجي ياحياتي مستحيه..
ام فيصل:الحيا وين وذي وين..
ابوفيصل بعصبيه:رنـــــــا..
ام فيصل ببرود:والله ماقلت شي غلط..
سمعتها وبلعت غصه ورا الثانيه وتجمعت الدموع في عيونها نزلت راسها ودخلت وبصوت مبحوح:السلام عليكم..
ابوفيصل رفع راسه وتصنع الابتسامه:هلا بنتي..
هيفاء باست راسه وراحت لأم فيصل وانحنت بتبوس راسها لكن منعتها:ما احب احد يبوس راسي..
هيفاء بلعت غصتها وناظرت في فيصل اللي ياكل ولا رفع عينه يشوفها راحت جنبه وسحبت كرسي وجلست..
ابوفيصل:وش فيك وانا خالك ماتاكلين..
هيفاء منزله عيونها وتحرك ملعقتها في صحنها الفاظي..
قرب منها وهمس في اذنها بدون نفس:كلي قدامهم واذا راحوا بالطقاق لاتاكلين ان شاء الله تموتين جوع..
عضت على شفايفها بقهر ودموعها نزلت على خدها مسحتها بسرعه و وقفت:دايمه..
ابوفيصل:وين ماكلتي شي..
هيفاء وهي ضاغطه على الكرسي بقهر:لا خالي كلت كثر الله خيرك..<<وطلعت الدرج بسرعه وهي تبكي..
ابوفيصل:وش فيك انت و زوجتك..
فيصل كشر و ترك ملعقته و وقف:الحين بروح واشوف وش فيها..<<طلع لغرفته وسكر الباب شافها جالسه على طرف السرير وتبكي..
:اقول لاتقعدين تدلعين عندي مو رايق لك انتي ودلعك ذا اللي مو راكب عليك..
هيفاء رفعت راسها وبعصبيه:انــت وش تبي مني ليه تزوجتني دامك ماتبيني..
فيصل بأستهزاء:والله يابعد عمري خايف تتزوجين واحد غيري..
هيفاء انقهرت:فيصل..
فيصل قاطعها بعصبيه:اسمعـــــي انتي هيه ابلعي لسانك وانطمي ولا اسمع لك حس فاهمه وعند امي وابوي خلك طبيعيه لاتبينين لهم اني متزوجك علشان..
هيفاء قاطعته بصراخ:وبعــــــد تشكك في شرفي..
فيصل:والله وش تفسرين لبسك وركضك في الشارع تصورين فيديو كليب وبعدين لاترفعين صوتك مو اصغر عيالك انا..<<وطلع وخبط بالباب..
هيفاء انقهرت ورمت الوساده على الباب وهي تبكي..اسبوع وهو يعاملها كذا..كأنها عبده عنده..لا يقرب منها ولاحتى يناظرها ويعتبرها جدار..وطول هالأسبوع كان تنام على الكنبه..
بس هو من كلمه وحده حلوه يقدر يهد جبال الهموم اللي عندها..وهذا الشي مستحيــل يتحقق..
××
حركت المرجيحه وهي رافعه راسها للسما..من يوم ماتت اختها وهي على هالحاله..صايره انطوائيه..وماتطلع من البيت..ولاتروح المدرسه حتى..
دخل وشاف رهف اللي كانت طالعه باب المدخل ورايحه للحديقه..دق قلبه بســـــرعه..كانت متغيره..شعرها طال لحد كتفها وهي بالعاده اذا طال تقصه..وكانت اول تلبس الوان غامقه واكثر شي تلبس اسود..بس الحين لابسه بلوزه بينك وبنطلون جينز..وشعرها مخليته على طبيعته..
تقدم لها وناداها:رهــف..
اول ماسمعت صوته حست بشي مو طبيعي..مشاعر غريبه اول مره تجيها..يمكن لانو اول مره يناديها بهالهفه..لفت عليه وابتسمت بنعومه..
:هلا..
مشاري بلع ريقه واشر لها:تعالي..
مشت بغنج..عكس مشيتها اول اللي كأنها تمتر خخخ..
مشاري"فديـــــت هالطول انا":شخبارك..
رهف تتصنع العصبيه:نعم وش تبي اخلص..
مشاري كشر"افااا تونا مادحينك":طيب اعصابك لاينط لك عرق بعدين وش هاللي لابسته..
رهف تناظر لبسها ومدت بوزها:ليه مو حلو ماعجبك..
مشاري فرح لانه حس انه اثر فيها..ناظرها وهو مميل شفايفه:اممم يعني بس لو كنتي لابسه برمودا احسن..
رهف تنرفزت:لااااا قل شورت احسن بعدين انت وش عرفك في الستايل انت حدك سروال خباز مشقوق بعد..<<ولفت عنه بس هو سبقها ومسك يدها..
:امزح معك لبسك يجنن انتي اللي محليته..
رهف سحبت يدها و وجهها امر وحرارة جسمها مرتفعه:كلك ذوق..
مشاري:توك تقولين حدي سروال خباز..
رهف كشرت:ياخـــــــي انت وش سالفتك اذا مدحناك ماعجبك وإلا ذميناك بعد ماعجبك وش اسوي فيك..
مشاري مد يده:عضيني..
رهف رفعت حاجب:تستهبل انت..
مشاري:لا احاول المهم ابيك تجلسين مع هديل لاتتركينها هي محتاجتك هالفتره..
رهف ناظرت هديل اللي حالها يعور القلب..دمعت عيونها:ايه اكيد بكون معها وماراح اتركها يله تبي شي ثاني..
مشاري ابتسم:لاسلامتك..<<مشت لهديل وهو مشى لداخل بس قبل مايدخل لف عليها ولقاها تناظره واول ماشافته لاف عليها سوت نفسها مو منتبهه..
ابتسم:بس حبيت اقولك لبســــــــك يجنن بس لاتلبسينه مره ثانيه..<<ودخل وهو يضحك..
ضربت رجلها على الارض وهي متنرفزه لازم ينكد عليها يومها..من يوم ماجلست في بيت عمها وهو كل يوم يرمي عليها كلمه..بس مع كل هذا تحس بفرحه فظيــعه اول مايكلمها ويقرب لمها..والتهزئ اللي من فمه يطلع زي العسل..
تقدمت لهديل وجلست جنبها:كيفك اليوم..
هديل ابتسمت بألم وهي رافعه راسها:تدرين دايماً كنا نجلس انا وخلود هنا..
رهف بحزن:ادعي لها بالرحمه..
هديل دمعت عيونها وبلعت غصاتها:صح فصولي يشبه لها..
رهف خنقتها العبره:خـــــلاص هديل اسكتي ترى ببكي..<<لفت وجهها ونزلت دموعها غصب عنها..و وقفت وركضت لداخل وهي حاطه يدينها على فمها وتبكي..
××
ناظرت شكلها في المرايه كانت تتمنى تتجتمع معه في بيت واحد..
دانا لفت على ريناد اللي كانت متضايقه:شوفي حلو..
ريناد رفعت راسها:وبندر..
دانا لفت وجهها ونزلت دموعها:ما ابي اسمع سيرته..
ام دانا دخلت وهي طايره من الفرحه:هاه يمه جاهزه..
دانا مسحت دموعها بسرعه ولفت عليها وتصنعت الابتسامه:ايه جاهزه..
:













عرض البوم صور غاليه بعيون مغليها   رد مع اقتباس
[/table1]












قديم 04-26-2011, 04:20 PM   المشاركة رقم: 3
المعلومات
الكاتب:
اللقب:
~..جريحــهـ...~
الرتبة:
الصورة الرمزية
 
الصورة الرمزية ~..دمــووع..~

البيانات
التسجيل: Jan 2011
العضوية: 75038
المشاركات: 1,382 [+]
بمعدل : 0.42 يوميا
اخر زياره : [+]
معدل التقييم:
نقاط التقييم: 15
 

الإتصالات
الحالة:
~..دمــووع..~ غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: تموت عيونهم فيني .. وانا بك ميته عيني الجزء الاخير فصل الثاني

[table1="width:95%;"]
بكملها بعد شوي ..
بروح انام ..
ااامممم دانه شكلها بتاخذ غير بندر معني كنت متوقعتها له للأبد ..
تحيااتي
دموع
توقيع : ~..دمــووع..~

عرض البوم صور ~..دمــووع..~   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ميته, الاخير, الثاني, الجزء, تموت, بك, عيني, عيونهم, فيني, فصل, وانا

جديد منتدى قصص - روايات قصيره وطويله


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 11:40 AM.


Powered by vBulletin® Version 3.8.9
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.1