قديم 05-26-2011, 03:06 PM   المشاركة رقم: 1
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

المنتدى : قصص - روايات قصيره وطويله
Icon777 (46) قصه حسبتك عديم الاحساس وصرت لي كل احساسي

الجــــــــــــــــــــــــــــــــزء الخامس
في هالوقت في البحرين
خلود طلعت مع صديقتها فاطمه لمول السيف
خلود: ايه انا وصلت انت وينك اييوه عرفتوه خلاص استناك بالكوفي باااي
سكرت جوالها وجلست على طاوله
خلود واهي تتكلم وماسكه راسها وتخفي ألمها: ايوه كملي يا فاطمه
فاطمه انتبهت لشكل خلود التعبان: خلود لايكون رجعلك الصداع اللي يجيك العاده
خلود تحاول تصرف: ها لا بس الم خفيف مسكن وارتاح معاك نسيت العلبه بالسياره
طلعت فاطمه حبه مسكن وجابت لها علبه مويه كلت الحبه وارتاحت نسبيا: طيب قولي وش صار مع ولد عمتك
فاطمه مع تنهيده: وش اقول بس
خلود حز في نفسها انها ما تقدر تساعد صديقه عمرها: خلاص ارفضي ما يقدرون يزوجونك غصب احنا وين فيه
فاطمه بوجه مهموم: وش اقول بس انا قلت لا بس هالمجنون صاير في كل مكان القاه يدور وراي ما صرت ارتاح
خلود: كل مكان
فااطمه واهي منزله راسه: شوفيه جالس على الطاوله اللي جمبنا
خلود تفاجات: من جدك
فاطمه: ايه انتي عارفه البحرين صغيره وكل ما شافني واحد من اخوياه دق له وعلمه وجا نشب فيني كرهته اكرررهه
خلود قامت من الكرسي ناويه شر: طيب استنى هنا لا تلحقيني مو ناقصين فضايح
فاطمه: لالا وين بتروحين
خلود بنظره حازمه: بوريه ان الله حق لا تتحركين
وراحت تمشي في خطوات واسعه وثابته وكلها ثقه وقفت على الطاوله وضربت بيدها بقوه عليها: انت وبعدين معاااك
يحيى ارتاع: ايش من انتي الحين؟؟
خلود: انا صديقه فاطمه انت ما تستحي ما عندك ذره دم
يحيي واهو يقوم من كرسيه: انتي قلتيها صديقتها انا ولد عمتها
خلود: ولد عمتها بالاسم لانك واحد ما عندك كرامه البنت ما تبيك ما تبيك خلك رجال للحظه وفارق
يحيي يتكلم بثقه: انا باخذها غصب طيب باخذها
خلود:لانك مو رجال تاخذ وحده ما تواطن وجهك واسمعني زين ان شفتك وراها في مكان والله واللي خلقني على الارض لاخليك تندم على اليوم اللي امك ولدتك فيه
يحيي خاف شوي من تهديدها: يعني وش بتسوين
خلود عدلت وقفتها: لا تنسى انا مين انا خلود واخوي يشتغل بالشرطه تلفون واحد مني ينفونك بمكان ما يعرفه الجني الازرق وانتبه مني فاهم
عطته ظهرها ما خلت له فرصه يرد رجع يجلس على الكرسي ويعيد حسابته
رجعت عند فاطمه لقتها تترتجف خايفه انه يسوي لها شي
خلود:فاطمه قلبي وش فيك خايفه
فاطمه رفعت عيونها وحضنتها: خفت يسوي فيك شي
خلود بعدتها عنها : لا يا قلبي يخسي لا هو ولا ميه غيره يقدرون يلمسون شعره مني والا منك اح
فاطمه لاحظت وجهه خلود اللي تغير: وش فيك رجع الالم
خلود خلاص خلينا نجلس جلسو ورجعو يسولفون: خلود كنتي تكلمين مين
خلود انتبهت انها نست موعدها: هذا منصور
فاطمه تفاجات: وزياد
خلود بحزن: لا تذكريني فيه احبه وابي احرق قلبه مثل ما يحرق قلبي مثل ما حرق قلبي
فاطمه: يا حبيبتي مو كذاا تخونينه
خلود: اانا ما ابيه ولا ابي اسمع اسمه لا تذكريني فيه لا تذكريني
فاطمه لاحظت انزعاجها حبت تسكت:طيب طيب بنسكر السالفه
خلود : يكون احسن انا بروح الحين منصور يستناني
فاطمه : براحتك بس وصليني البيت اول
خلود : طيب يله
__وصلت خلود فاطمه بيتها وراحت مرت على بيتها تشوف اخوانها__
ابو خلود: وينك يا بنتي تأخرتي
خلود من طرف خشمها: وانت وش دخلك خلك عند عيالك احسن
**ابو خلود كان رجال طيب لا يشرب ولا حتى يدخن كان رجال يصلي يخاف ربه ومتقاعد وكل الكلام اللي تقوله عنه كذب كانت عارفه وش فيها خايفه تتقرب من الناس وتحبهم وبعدها تفارقهم بسهوله عن هالدنيا حتى ولو كان ابوها محد يدري بمرضها الا فاطمه صديقتها الروح بالروح كانت خلود نفسيتها مريضه تكذب وتنافق وقلبها كله طيبه مو فاهمه نفسها ليش تسوي كذا كله بسبب زياد زياد اللي حبيته سنتين وفي الاخير تركتني والله لاحرق قلبك مثل ما حرقت قلبي**
ابو خلود: طيب يا بنتي لا تتاخرين اخوانك محتاجينك بعد امك مالهم غيرك يعطف عليهم ويشوف امورهم وخاصه اخواتك البنات
خلود حزنت على حال ابوها: طيب يبه بشوفهم بشوفهم وبطلع عندي موعد مهم
ابو خلود: طيب يا بنتي لا تتأخرين
خلود تركته وراحت شوف خواتها لقتهم نايمين غيرت ملابسها ورجعت تطلع عشان تقابل منصور
ركبت سيارتها شغلت اغنيه كان زياد يغنيها لها اغنيه ماجد المهندس اقدر
اقدر اتحمل كل شي يوقف دمي وما يمشي وخل عيني تزعل رمشي خل كل شي بيا يصير>>>>>>>خخخخخخخخخخ انتو كملوها

جلست تبكي على حالها اكثر شخص حبته في هالدنيا تركها لحالها تعاني مع غربه المرض مو غربه الوطن تعبت تكابر وتخبي المها وتوفت وابوها مريض وعمانها وما يشوفونهم الا في السنه مره كلهم تكرههم كلهم ما في غير عمها الوحيد لازم تكلمه وتوصيه على ابوها واخوانها تبكي على حسرتها مرضي وماله علاج ومابقى لي في هالدنيا غير وقت محدود اضيعه مع شباب وطلعات سخيفه اخر ايام عمري اقضيها في ما يذكروني الناس في الا بالشر لازم اتغير انت اللي غيرتني اول مره يا زياد ولازم بخليك تندم على اللي سويته فيني ما اقدر اتغير اللي طلبته مني صعب صعب مسكت جوالها ودقت على عمها علي
خلود بصوت فيه صيااح: هلا عمي
علي: هلا والله بخلود
خلود بصوت حزين: هلا بك
علي حس ببنت اخوه لان ما في فرق بينها وبينه بالعمر الا خمس سنين علي رجال يخاف ربه يشتغل ضابط في الدفاع المدني اهو الوحيد من اعمامها اللي يمر عليهم يشوف اللي يبونه لان معاش ابوها التقاعدي ما يكفي وخلود بدت تشتغل لانها ماتبي تتحتاج لاحد واولهم اعمامها ما فيهم خير: خلود وش فيك ابوك صاير له شي
خلود : عمي ابي اكلمك في موضوع ضروري متى يناسبك
علي حس بجديه الموضوع: انا الحين فاضي
خلود: خلاص تلقاني بكوفي....................استناك
علي : على خير مسافه الطريق وجايك
خلود: مع السلامه
__وصلت خلود الكوفي وجلست تستنى عمها__
علي : السلام عليكم
خلود ومبين عليها التعب: وعليكم السلام
علي: خلود وش الموضوع خوفتيني
خلود: طيب يا عمي بقولك كل شي بس الموضوع يصير بيني وبينك
علي: اكيد سرك في بير بس تكلمي
قالت له الموضوع كله
علي: ورم
خلود بصوت تخنقه العبره:ايه يا عمي
علي ما صدق لسى: من متى
خلود: انا عرفت من سنه بس الاعراض طالعه لي قبلها بثلاث سنين يعني حالتي متاخره
علي مو قادر يصدق : بنت في عمرك يجيها هذا الورم كيف
خلود : ياعمي المرض ما يعرف لا صغير ولا كبير
علي عجبه صبرها: طيب انتي متأكده
خلود: ايه يا عمي ناسي اني اشتغل في مستشفى يوم حسيت الالم لا يحتمل فحصت وعرفت النتيجه بعد يومين
على: طيب عرضتي نفسك على دكاتره
خلود قريب تقفد الامل: ايه ياعمي من زمان وانا حالتي متأخره جربو لي طريقه جديده في العلاج بس فادت بنسبه 20%
علي: بس
خلود: ايه يعني طولت لي عمري على هالدنيا شهر او شهرين ما تفرق
علي: طيب لازم نروح مستشفى في السعوديه أي مكان
خلود: خلاص يا عمي انا مسلمه امري لله يعني انا من وين بجيب فلوس العلاج
يتبع>>>



rwi psfj; u]dl hghpshs ,wvj gd ;g hpshsd Hd hghpshs hpshsd psfj; u]dl kavm rwi ;g












عرض البوم صور غاليه بعيون مغليها   رد مع اقتباس
قديم 05-26-2011, 03:07 PM   المشاركة رقم: 2
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: قصه حسبتك عديم الاحساس وصرت لي كل احساسي

تابع>>
خلود: خلاص يا عمي انا مسلمه امري لله يعني انا من وين بجيب فلوس العلاج لو فيه علاج بس خلاص كلها فتره وارتاح من هالدنيا>>وبدى صوتها يتغير
علي دمعت عيونه: طيب يا خلود والنعم بالله بس ما نقدر نخليك ....
خلود بدموع غرقت عيونها ونزلت دمعتين سود من الكحل: امووت عمي عادي قلها انا مسلمه امري لربي بس باقي هالفتره وانا ابي اتطمن قبل ما اودعكم>>وجلست تبكي بكى يقطع القلب
علي مسك يدها حاول يطمنها: يا حبيتي يا خلود انا لازم اوديك احسن مستشفى
خلود واهي تبكي: خلاص يا عمي شوف هذي وصيتي ابيك ما تفتحها الا بعد ما اموت
علي: الله يهديك تفائلي بالخير ليش هالكلام انشاءالله تصيرين احسن
خلود تبي تخلي عمها يتعود على هالوضع: انشاء الله عمي ما اوصيك ابوي ابوي واخواني امانه برقبتك
علي: امانه وانا اعتز فيها لا تشيلين هم بس انت خلك في نفسك
خلود: والله يا عمي لو اني مو متأكده انك قدها ما قلتلك شي بس لازم انا اصفي حساباتي مع الناس عشان اواجه وجه الخالق مرتاحه البال
علي: طيب يا خلود ليش ما نروح المستشفى الحين
خلود واهي توقف: لا يا عمي عندي مواعيد اهم لازم اروح عن اذنك
علي: طيب اليوم بسمحلك تروحين بس بكرا لازم تدخلين تسوين فحوصات
خلود: ايه انشاء الله عن اذنك
علي: مع السلامه
&&&نرجع للرياض&&
كان خالد راكب سيارته بيروح شارع التحليه بيقابل بنت عرفها من النت وبعدها بيروح الكوفي بيقابل اخوياه
كان مشغل اغنيه قديمه لمحمد عبده اسمها المعازيم>>>>مغبر الاخ والا منطرب وحده من ثنتين خخخخخخخخخخخخخ
لمتى يا خالد وهذا حالك هبال واستهبال طول الوقت مافي شخص واحد في هالعائله ياخذك جد ما تنلام مي ما تحس فيك لانك ما عندك احساس ومها مها كيف حسيتي مثل ما حسيت عمري ما توقعت نفسي اضرب عشان بنت انا لازم اتغير واطلع شخص مختلف خالد بشخصيته الجديده مزح وقت المزح وجد وقت الجد واول تغير بيصير الحين
وقف عند حلاق
الهندي: يس سير
خالد: هلق ماكينه >>>يقاله يتكلم هندي الاخ
هندي: اوكي اوكي>>وجلس يهز راسه هالهنود ما يبطلون حركاتهم
ما صدق خالد نفسه من متى وشعره طويل وكشه تغير خطير اكيد لو شافت امه والا نوف بيغمى عليهم
طلع وراح يشوف البنت لقاها بنت حلووووه كاشفه وجالسه مع صحباتها مو كننا في السعوديه ماخذه راحتها على الاخر قامت من الكرسي تتمايل مشيتها وابتسمت ابتسامه غرور
البنت: انت خالد
خالد: بشحمه ولحمه
البنت: بس مو شعرك كان طويل
خالد: كان وكان فعل ماضي
البنت بضحكه دلع مالها طعم:ههههههههههه طيب ودمك خفيف بعد
خالد قلب وجهه لجد: شوفي يا بنت الناس انا بس جيت بعتذرلك وبقولك كلمتين
البنت: اللي هم
خالد: انا صدق راعي بنات ومكالمات بس لحمد الله بتوب وبس ابي اقولك تنتبهين لنفسك مو أي واحد تتعرفين عليه من النت تطيرين تقابلينه
البنت طاح وجهها: وانت وش اللي خلاك تتوب
خالد: موضوع ما يخصك بس انا النصيحه اللي عندي قلتها لان اخرتها انتي اللي بتندمين
تركها في صدمه اول مره واحد يقولها كذا
خالد رجع لسيارته حس براحه غريبه انه بيتغير وما عرف سبب التغير مين مي او مها المهم بيتغير للأحسن وبس رجع شغل المسجل رجع راسه وقرر يرجع للبيت
دق جواله
خالد : هلا ابو حميد
حمود: هلا وينك تاخرت
خالد: معليش اعذروني ما راح اجي اليوم
حمود اسغرب خالد ما يضيع طلعه معاهم ابد: ليش عسى ما شر رحت قابلت البنت
خالد: ايه قابلتها
حمود تحمس: ايوه وش صار
خالد: حمود بعدين اقولك ما صار شي مالي خلق الحين
حمود حس انه متضايق خلاه على راحته: طيب على راحتك فمان الله
خالد: مع السلامه
رجع طول على المسجل جاه المقطع اللي يحبه وصار يغني معاه
يا عيـــــــــــــــــون الكون غضي بالنظر واتركينا اثنين عين تحكي لعين
اتركينا الشوق ما خلا حذر
وبلا خـــــــــوف بنلتقي وبلا حيره بنلتقي
بلتقي في عيونها وعيونها احلى وطن وكل الامان
&&&&&&في بيت ابو احمد&&
ابو احمد جالس يتقهوى قهوه العصر مع ام احمد واحمد جالس يقرى الجريده ويتقهوى مه امه وابوه
ابو احمد: ها يا احمد متى ناوي تشرفنا في الشركه
ااحمد: متى ما تبي يبه
ابو احمد:هذا الكلام السنع انت خلاص ما بقى عليك شي وتخلص دراستك ليش ما تبدى تشتغل مع عمانك وعيال عمك من الحين
ام احمد: يا ابو احمد خل الولد على راحته
ابو احمد: الموضوع بيني وبين ولدي انتي لا تتدخلين
حز في نفس ام احمد كلمته: انشاء الله
احمد: ولا يهمك يبه انشاء ابدى اجي الشركه من بكرا اذا تبي
ابو احمد: ايه بكرا زين
احمد يووه وش هالورطه: انشاء الله
انحاش احمد فوق عند خواته قبل ما يتورط مع ابوه زياده لقاهم جالسات في غرفه مي وفي على الاب توب وتسولف ومي جالسه تكلم بالتلفون
احمد: وانتو هذي حالتكم لا شغله ولا مشغله
في لفت عليه: وش تبينا نسوي يعني خلاص ما بقى شي وتخلص عطله او اللي تشبه العطله ما امدانا تهنينا فيها بصراحه
احمد: وذي الثانيه تكلم مين 24 ساعه
في تضحك وتطير له حواجبها: حبيبه القلب
احمد نغزه قلبه:نووف
في: ايه نوف
احمد: وليش ما قلتي من اول تلقينها سمعتني الحين
في: انت تخلي احد يتكلم ماخذنا تهزئ من الصبح
احمد يأشر لمي بيده يبي يكلمها
مي: نوف لحظه بس
نوف: اوكي
مي : نعم وش تبي
احمد يتمصلح: مي حبيبتي
مي: مكشوفه وش تبي
احمد : شي بسيط صغنون
مي واهي ترفع شعرها من على عيونها: واللي هو
احمد قالها الخطه
مي: طيب هذي اخر مره تطلب مني شي زي كذا
احمد يأشر على عيونه: من عيوني الثنين
مي تضحك ضحكه شيطانيه: ها ها ها ها
احمد معها: ها ها ها ها ها >>>عايله مجانين بصراحه
مي: نوف قلبو دقيقه وارجعي دقي علي امي تناديني
نوف: طيب دقيقه بس
مي: ايه بس
احمد: ها وش قالت
مي: وش هالغباء وش بتقول يعني قالت طيب
احمد ما يقدر يقول شي والا خربت عليه وفي جالسه تتفرج عليهم وتتخيل شكل نوف بعد شوي
ويدق جوال مي
نوف: ها خلصتي اللي عندك
: لا ما خلصت
نوف وقف شعر راسها: ااحمد
احمد: هلا وغلا كيفك
نوف تتوعد في نفسها والله لوريك يا مي: الحمد الله
احمد: انا برد قبل ما تسأليني مالك نيه وانا بخير بعد
نوف: هههههه اسفه
احمد يا حلو هالضحكه: على قلبي زي العسل
نوف قلب وجهها: طيب وين مي
احمد: امداك شبعتي مني
نوف: .................
احمد قلب جدي: نوف ابي اكلمك في موضوع مهم
نوف بهتمام: ايش
خذ الجوال وطلع من غرفه مي وراح غرفته وسكر الباب
مي : شوفي هذا سحب علي جوالي اللي معاه
في مشغوله تسولف على الماسن: ههههههه خليه ياخذ راحته شكله موضوع مهم
مي: نشوف اخرتها معاهم
نرجع لاحمد
احمد: نوف بصراحه انا ابي اخطبك
نوف انصدمت:..............
احمد: الووو نوف انتي معاي
نوف بخووف: معاك
يتبع>>













عرض البوم صور غاليه بعيون مغليها   رد مع اقتباس
قديم 05-26-2011, 03:08 PM   المشاركة رقم: 3
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: قصه حسبتك عديم الاحساس وصرت لي كل احساسي

تابع>>
احمد: بس لازم اعرف رايك قبل ما اكلم ابوي عشان يصير الموضوع رسمي
نوف من الخجل انربط لسانها:..................
احمد حس انها مستحيه: نوف شوفي هذا موضوع مصيري حياتي وحياتك لازم تقولين لي رايك بصراحه انتي موافقه
نوف واهي بتموت من كثر ما استحت: بس انا لسى صغيره
احمد اخيراا تكلمتي: انا قلت بس خطبه يعني مافي عرس العرس بس ما اخلص انا جامعه وانتي تخلصين الثانوي ايش رايك
نوف راي تبيني اقولك اني استنى هاليوم من سنين بس : لازم تعطيني فرصه افكر
احمد: خذي وقتك بس فكري بالموضوع من كل النواحي
نوف: ايه انشاء الله
احمد: يله مع السلامه يا خطبتي المستقبليه
نوف قلبت حمرااا: ومن قالك اني بوافق
احمد واهو يضحك: هههههههه تحصلين
نوف: والله
احمد: امزح معاك انا اللي حظي حلو ارتبط بأنسانه مثلك الله يقدرني واقدر اسعدك اذا وافقتي يعني
نوف: اوكي مع السلامه
%%%%%%%%%رجع احمد للغرفه عند اخواته
في سكرت الاب توب:ها يا ابو الرومانسيه وش الموضوع
احمد ابتسم ابتسامه رضى: انا قررت اخطب
مي وفي: هاااااااااا
احمد: ايه بخطب نوف
مي: والله مبرررررررررروك انت تستاهل ونوف تصلح لك بس مو كنك مستعجل
احمد: لا مستعجل ولا شي شوي وبكمل 25 ونوف بتكمل 19 وهذي الحين بس خطبه مبدأيه
في فرحت من قلب دمعت عيونها: مبروك يا اخوي
احمد لاحظ ان اخواته شوي وبيطقونها صيحه: لا تكفووون بدون صياح انتو عارفيني ما اتحمل ترا بنحاش
مي ودمعتها في عينها وتضحك:هههههههههههههه ها سكتنا
في: طيب نوف ردت عليك
احمد: قالت عطني مهله كم يوم
مي: ايه من حقها تفكر
احمد: ايه يله انا طالع تبون شي
مي وفي: وين
احمد: مالكم دخل>>طلع لسانه وانحاش
مي: الحين هذا واحد بيتزوج
في تمد شفايفها: معرفش
*****بيت ابو فهد**
خالد توه داخل بعد التغير اللي قرر يسويه مستني يشوف رده فعل اهله لما يشوفون شعره اللي مطوله من قرون >>خخخخخخخخخ
دخل الصاله وشاف نوف منسدحه وتتفرج على فيلم هندي وتبكي وتاكل بوب كورن
نوف:ااهئ اهئ حرررام والله
خالد: السلام
نوف برده فعل غبيه رفعت المخده على وجهاوصرخت بصوت عالي: يببببببببببببببببببببببببببببببببببه
خالد خاف ان اخته انهبلت: هي انتي وش فيك
نوف والمخده لسى على وجهها: يله اطلع براا يبببببببببه الحقني
خالد راح وسحب المخده من على وجهها:خير وش فيك انا خويلد اكيد انهبلتي
نوف ما صدقت: خاااااالد
خالد يعطيها لفه يستعرض النيو لوك: ها وش رايك
نوف ما صدقت عيونها جلست تفتح وتغمض بحركات سريعه: ها ما اصدق انت اخوي انا من متى احاول اقنعك تحلق شعرك بس تسويها من دون ما احد يقولك وش صاير في الدنيا اكيد حجت البقر على قرونها هالسنه
خالد يناظرها ومكشر: مالت عليك وش هالامثال المغبره وبعدين انا من الحين خالد جديد تعودي على التغير اوكي
نوف تهز راسه موافقه: اوكي
نزلت امه : يااااااااااااااااااااااااااويل قلبي
خالد اتلفت على امه: يمه بسم الله عليك وش فيك
ام فهد: حلقت اخيرااا كلووووووووووووووووولوووووووووش
خالد: اجل شعري معقدكم كلكم لها الدرجه
ام فهد: والله بصراحه كانت تجيني كوابيس انت تلحقني بكشتك ومعاك ابره كبيره الحلم يخووووووووف
نوف وخالد: هههههههههههههههههههههههههههههههههههههههههههههههه
اليوم الثاني^^^^
زياد كان طالع في عز الظهر يخلص اوراق سفره ويجدد جوازه عشان خلاص هانت ما بقى قد ما مضى اشتقت لديرتي لشوارعها والله ما يحس بالفرقه والغربه الا اللي بعيده عنها ديره الامن والامان ارض الخير والبركه دار الحرمين متى ارجع وارفع راس اهلي وافيد بلدي متى بس
كان الحر يقتل والتعب باين على وجهه دق جواله واهو توه طالع من مركز الجوازات استغرب معقوله: هلا
خلود بصوت تعبان: هلا زياد
زياد حس ان خلود فيها شي: خلود فيك شي
خلود تحاول ما توضح شي: لا مافيني شي بس اانا مشتاقتلك
زياد حز في نفسه الكلمه جاوب ببرود: وانا مشتاقلك بعد
خلود شوي وتبكي ومسكت نفسها: زياد والله مشتاقتلك موووت ونفسي اشوفك
زياد بجفاف: وانا بعد بس
خلود: طيب كيفك
زياد: تعبان
خلود خافت: وش فيك سلامتك
زياد كان هلاكان من الحر واللف طول الصباح: سلامتك بس تعبان من اللف على طول اليوم في الحر
خلود بصوت تعبان: طيب الله يعطيك العافيه انتبه لنفسك
زياد ودي يا خلود بس :وانتي بعد
خلود: مع السلامه
زياد: مع السلامه
%%في المستشفى%%
فاطمه: خلود حببتي ليش تبكين
خلود وبكاها يقطع القلب: حسافه يا فاطمه حسافه ضيعت احلى ايام عمري على شخص ما يستاهل ما كلف نفسه حتى يسألني ايش في صوتي تعبان والا مريضه والا أي شي
فاطمه متقطع قلبها على صديقتها اللي انهار جسمها قبل يومين : يا حبيبتي خلاص ماعليك منه انسيه انسيه فكري بنفسك وبس يا خلود انتبهي لنفسك انا مالي غناه عنك تكفين >>وبدت تبكي معاها
خلود حضنت فاطمه وجلسو يبكون كل وحده تبكي على حالها وحده ما تعرف باقي لها ساعه والا باقي لها سنه من عمرها ووالثانيه تبكي على نفسها بتنغصب على زواج نهايته معروفه نهايه اليمه كلها تعب وحزن والا تبكي على حال صديقه عمرها اللي بتفارقها ما تدري بعد كم ثانيه والا دقيقه والا ساعه حتى
__وصوت الباب يقاطع حاله البكاء اللي صابتهم__
فاطمه تبعد عن خلود: خليني اشوف مين عند الباب>>واهي تمسح دموعها فتحت الباب بعد ما صلحت حجابها
علي ببتسامه حلوه: السلام عليكم
فاطمه ردت ببتسامه حزينه: وعليكم السلام والرحمه تفضل
دخل علي لقى خلود تمسح دموعها ^^
علي: افااا يا بنت اخوي ليش البكى
خلود بصوت ظاهر عليه التعب: بس كنت اتكلم مع فاطمه بس
علي: كيفك فاطمه >>ناظرها نظره غريبه
فاطمه واهي منزله راسها وتضرب برجليها في الارض: الحمد الله انت كيفك؟؟
علي وده يضحك على شكلها مستحيه يا حليلها: انا بخير الله يسلمك
فاطمه : عن اذنكم
خلود: وين وين
فاطمه: بخليكم على راحتكم شوي
علي: افااا عليك بس وانتي غريبه
فاطمهك معليش بنزل اجيب لي كوفي من تحت
خلود: براحتك بس لا تطولين علي
فاطمه تغمز لها : ولا يهمك ماراح اتأخر
^^^طلعت فاطمه من الغرفه^^
علي منحرج: خلود ممكن اسألك سؤال
قربت من عند عمها : تفضل
علي انحرج من السؤال مرره: الا اقول وش فيها فاطمه
خلود رافعه حاجبها : كيف وش فيها وضح
علي: يعني باين ان في شي مضايقها
خلود تبتسم بتسامه شريه: خخخخخخخخ وانت وش دراك
يتبع>>













عرض البوم صور غاليه بعيون مغليها   رد مع اقتباس
قديم 05-26-2011, 03:09 PM   المشاركة رقم: 4
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: قصه حسبتك عديم الاحساس وصرت لي كل احساسي

تابع>>
علي رفع عيونه متفاجئ: يعني في شي مضايقها
خلود انقلب وجهها: ايه
علي بفضوول : ممكن اعرف ؟
خلود : ايه ممكن يا طويل العمر اهلها غاصبينها على ولد عمتها وصاير يلحقها في كل مكان ومايخليها ترتاح بس يدق عليها ويستناها عند باب البيت ويدور وراها واهي تعبت منه ومن كثر ما قالت انها ما تبيه واهو معند>>تغيرت ملامح خلود فجاه وزي اللي لقت فكره جهنميه
علي: ييييييمه انتي وش فيك تضحكين
خلود بنفس الابتسامه: علاوي
علي يسوي نفسه معصب:علاوي بعينك قولي عمي علي
خلود تضحك على هبال عمها: طيب عمي علي قلي وش رايك بفاطمه
علي جلس يفكر:من أي ناحيه
خلود : يعني انت كم عمرك الحين
علي: يعني شوي واكمل 28
خلود: وفاطمه قدي وش رايك فيها كالبنت
علي: ولله باين ان البنت طيبه وحنونه وانا اشوف كيف اهي معسكره عندك هني وتاركه كل شي
خلود تضايقت : ايه والله انها اخت دنيا بس نرجع لموضوعنا وش رايك فيها كازوجه
علي تفاجأ من تفكيرها لان البنت كانت عاجبته بصراحه: والله بصراحه
خلود تحمست: ايييييييييييه
علي: انا البنت عاجبتني بس تتوقعينها توافق
خلود : واهي تحصل تاخذ عمي
على يكش عليها: وانتي مصدقه عمرك بتوافق علي عشان سواد عيونك لااا ياقلبي توافق عشاني حلوو واطيح الطير من سما >>>وجلس يضبط غتره
خلود كملت وكشت عليه اهي الثانيه: وه بس اقول قلي وش رايك في البنت انت حاط فكره الزواج في بالك والا لا
علي رجع جدي: الا حاطه كنت بقولك عن فاطمه بس انتي فتحتي الموضوع وسبقتيني
خلود: شفت وشلون انا فهيمه والقطها على الطاير طالعه لعمي >>ومسكت راسها فجأه
علي انتبه لملامحها اللي تغيرت: خلود وش فيك انادي الدكتور
خلود واهي حاطه يدها على راسها : لابس ابي انام شوي
علي: طيب انا اخليك الحين وارجعلك في الليل اوكي
خلود واهي ترجع راسها على السرير : اوكي فمان الله
&&&في الرياض وفي بيت ابو سعد بالتحديد&&
دخل زياد ونفسه في خشمه يفكر فيها وش يسوي
سلطان يلعب بلايستشن: زيوود
زياد من طرف خشمه: وش تبي
سلطان يكمل لعبه: وش رايك بجيم معاي
زياد واهو يقوم : مالي خلق وين ابوي وامي
سلطان: امي في المطبخ وابوي لسى ما رجع من المسجد
&راح زياد للمطبخ لقى امه تصلح الغدى حب راسها وسولف معاها شوي وطلع لغرفته نزل راسه بتعب على السرير وانا لمتى وهذا حالي ياناس احبها اتنفس هواها بس ما اقدر انا تعباااان تعبان من دونك يا خلود حاس نفسي بمووت قريب وقف فجأه
فتح دولابه وبدى يجمع له كم تي شيرت وكم جينز حطهم في الشنطه خذ جوازه وطلع نزل الدرج لقى في وجهه ابوه
زياد واهو يحب راس ابوه: كيفك يبه
ابو سعد بوجه كله وقار: بخير ياوليدي وين اشوفك ماخذ شنطتك على وين متسهل
زياد: يبه انا بسبقكم للشرقيه
ابو سعد : ليش
زياد: يبه خوي بدر تعبان بزوره وبعدها بجيكم في الشرقيه
ابو سعد : خلاص معليش زياره المريض واجب روح ياولدي بس سلم على امك اول
زياد واهو يحب راس ابوه مره ثانيه: ايه انشاء الله يبه
طلع يركض للمطبخ ما لقها راح الصاله شافها تكلم ام احمد
ام سعد: ايه ياام احمد دقيقه بس
ام احمد: تفضلي يا وخيتي
زياد: يمه انا بسافر
ام سعد طيرت عيونها: على وين
زياد يحاول يبرر: يمه خوي بدر مريض وبروح له وبعدها بجيكم الشرقيه
ام سعد: طيب يا ولدي انتبه لنفسك وسلملي على بدر والله انه صديق وفي
زياد يبوس يد امه وراسها: يوصل ياالغاليه توصين بشي
ام سعد: ما ابي الا سلامتك انتبه لنفسك ولا تتأخر علينا
سلطان : مع السلامه نشوفك بعد يومين
زياد مستعجل واهو يطلع من الباب: ايه مع السلامه
**راح دق على احمد اللي جاه طيران يوصله للمطار قاله يجيه بسرعه وضروري وبيعلمه بعدين في السياره**
احمد: انت حسيت ان فيها شي
زياد واهو باين عليه الارهاق: والله انا ناغزني قلبي يا احمد خلاص انت ودني المطار وانشاء الاربعاء انا راجع بس بشوفها وبتطمن عليها والحقكم
احمد واهو يلتفت عليه: وموضوع الزواج
زياد تذكر هالموضوع اللي مو مخليه ينام الليل: ايه هالموضوع بنهيه اليوم بأذن الله
احمد: الله يوفقك يا اخوي ويسهل امرك
زياد: امين
))وصل المطار ومن حسن حظه لقى مكان بعد ما في واحدمن الركاب الغى حجزه ركب الطياره واهو طول السفر يفكر اذا شاف وجهها الملاكي كيف راح يقولها ان اللي بينهم لازم ينتهي كيف ((
جلس جمب زياد في الطيار رجال علللله وبربرته كثيره بس يتكلم وزياد مقفله معاه ما يبي هم فوق همه وهذا الغثيث مو راضي يفهم ما يكفي انه دب ومضايقني وبعد ما يسكت لازم اشوف صرفه &&
ابو حنضل: ايوه يا وخيي وانت ما قلتلي من وين
زياد: يا اخوي انا سعودي سعودي قلتلك مليون مره
ابو حنضل واهوياكل وتكلم ويطير الاكل من فمه عاصفه مو اكل: العذر والسمووحه العذر والسموحه
زياد متقرف على الاخر ويشيل الاكل من ملابسه : ولايهمك بس كل وانت ساكت
والاخو مكمل سوالف&&
ابو حنضل: ايووه وكذا طلقت مرتي الثالثه
زيادمرتاع: طلقتها عشانها تشخر واهي نايمه
ابو حنضل : مو بس تشخر وترفس بعد كسرتني جعل الله يكسر راسها
زياد: تستهبل انت يعني انت الحين ما تشخر
ابو حنضل: الا اشخر
زياد: اجل حلال عليك وحرام على غيرك
ابو حنضل: اهي مره مره الحريم ما يرفسون
زياد والله اانت ما تفهم لو افهمك من اليوم لبكرا: ايه
زياد جلس يدور في شنطته على شي ولقاه طلعه مستانس:ايووه
ابو حنضل: وش هذاا
زياد يالقف هالادمي: هذي حبوب الضغط
ابو حنضل مطلع عيونه: وانت عندك ضغط توك صغير
زياد يدق له يبه يفهم: ايه جاني ضغط هالساعه من ثقل الدم اللي عندي
ابو حنضل يضحك: اييه ولله ياخوي هالناس مدري وش صاير لها ما تستحي تقول وجهها مغسول بمرق نشب علل
زياد جته الصيحه ياويل حالي وش هالبقره: ايه صدقت صدقت
جت المضيفه تدور بالعصير
المضيفه: تفضلو أيش تطلبون
زياد جيتي بوقتك: انا ابي عصير تفاح
المضيفه تمد له الكاس: تفضل والاخ
ابو حنضل واهو يغمز ويوزع ابتسامات للمضيفه: لا مشكوره يا عسل
المضيفه ودها تصفقه كف : براحتك
زياد: لالا استني أبو حنضل العصير مفيد للهضم خذلك عصير تفاح
ابو حنضل: لالا مابي
زياد: نصيحه ما تندم
ابو حنضل: امري لله عطيني تفاح
المضيفه تبي تنحاش منه قرفها: تفضل >>>وماتشوف غير غبارها خخخخخخخخ
زياد خذ حبه وحطها في عصيره وبعدين وابو حنضل بدلهم>>>جني هالولد
ابو حنضل واهو يشرب: ايوه وكذا طلقت الرابعه
زياد يناظره ويبتسم ابتسامه شيطانيه: ههههه ايه كمل عصيرك وبعدها كملي
ابو حنضل واهو يتثاوب: يوه والله طب علي النوم فجأه
زياد: لا عاد
ابو حنضل شوي ويسحبها نومه: ايه واللهZZZZZZZZZZZZzzzzzZZZZZ
زياد يضحك بصوت عالي: اخيييييييييييييرا ههههههههه افتكيت منك
&& وصلت الطياره لمطار البحرين كان بدر صديقك زياد يستناه في المطار زياد لما كان في السياره دق عليه وطلب منه يستأجره له سياره ويستقبله في المطار&&
زياد: هلااااااااااااا والله
يتبع>>













عرض البوم صور غاليه بعيون مغليها   رد مع اقتباس
قديم 05-26-2011, 03:10 PM   المشاركة رقم: 5
المعلومات
الكاتب:
اللقب:
الاعضاء
الصورة الرمزية
 
الصورة الرمزية غاليه بعيون مغليها

البيانات
التسجيل: Nov 2010
العضوية: 74418
المشاركات: 2,317 [+]
بمعدل : 0.71 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
غاليه بعيون مغليها غير متصل
وسائل الإتصال:

كاتب الموضوع : غاليه بعيون مغليها المنتدى : قصص - روايات قصيره وطويله
رد: قصه حسبتك عديم الاحساس وصرت لي كل احساسي

تابع>>
بدر واهو يحضنه: هلا والله زيود من طول الغيبات
كمل عنه: جابني
بدر وزياد:هههههههههههههههههههه
ركبو السياره
بدر: ايوه اخبار الاهل
زياد واهو يفتح جواله: بخير وانت كيفك
بدر: الحمد الله هانت يااخوي ابي ارجع اهل البحرين طيبين والديره تجنن بس مالك غناه عن ديرتك
زياد : وانا وش اقول انت في بلد خليجي كنك في ديرتك انا اللي في ديره الغربه
بدر: ايه والله صدقت الله يعينك خلاص هانت باقي شوي ونرجع الديره رافعين روسنا
زياد: ايه هذا اللي مصبرني
مسك جواله واتصل عليها ردت عليه وصوتها كله نوم وتعب
زياد بشوق غريب: هلا خلووده
خلود فتحت عيونها ما صدقت انه اهو: هلا زيااد
زياد وده يطير عندها: قلبي خلود وينك فيه
سمعت هالكلمه وبدت تبكي بصمت: انا في المستشفى
زياد وقف قلبه : مستشفى أي مستشفى وش تسوين هناك خلود ليش تبكين
خلود وبدى صوتها يعلي : تعال المستشفى.............. انا في غرفه 234 استناك
زياد حس ان الموضوع كبير منومه في المستشفى ومن دون ما تقوله: طيب مسافه الطريق مع السلامه
خلود: فحفظ الرحمن
بدر: وش الموضوع
زياد مختبص ما يعرف وش يقول: مدري مدري يا بدر اهي في المستشفى
بدر : طيب أي مستشفى
زياد قاله عن اسم المستشفى وبدر عرفه على طول بحكم عيشته كم سنه في البحرين طار في عشر دقايق وصل
Oo اما اهي ما صدقت حبيب قلبها زياد جاي قامت دخلت الحمام>>الله يعزكم
جلست تناظر ملامح وجهها الذبلانه المرض تعبها اهلكها قضى عليها واهي ورده في عز شبابها تنشر عبيرها في كل مكان تكره زياد وتحبه في فس الوقت كرهته على الفتره اللي تركها فيها تركها في عز حاجتها له صدق انه ما يعرف عن مرضها بس كانت تتمنى وجوده حولها اللي ممكن ينسيها المرض مع انها مستحيل تنساه تحبه تحبه لانه الوحيد اللي حسسها بأنوثتها بطعم الحياه بوجوده غير له لمسه تشفى كل جروحي وله كلمه تداوي القلب وتغنيه عن كل الدنيا تبيه ياخذها ويطير اهو وياها في دنيا مافيها غير انفاسه وانفاسها بس تذكرت انها اليوم يمكن تودعه يمكن اخر مره تمسكه تلمس يديه تتكلم معاه تحس فيه ويحس فيها كرهت المرض كرهت نفسها بدت تدور حول نفسها تدور على شي يخفف القهر اللي فيها لقت اقرب شي فازه صغيره مسكتها ورمتها على المرايا وتكسرت اجزاء طار منها وجرحت يدها
زياد: قلبي خلود وش فيك سلامتك
خلود تناظره وعيونها مو قادره تفتحها : انت جيت >>>ورجع يغمى عليها
زياد شالها وحطها على سريرها غطها بمفرشها الابيض شاف ملاك مو بنت في العشرين لاحظ الدوائر السوداء حول عيونها لاحظ كيف نحفت وتهالك جسمها بشكل يخووف حط بوكيه الورد الاحمر على الطاوله وطلع يركض مثل المجنون يدور على الدكتور ممرضه أي شي ممكن يشوفون وش فيها
*8اخيرا لقى الدكتور وفحصها وعطاها ابره مسكنه وطلع لحقه زياد يبي يعرف وش في حبيبه قلبه صاير مثل الاطرش في الزفه مو عارف أي شي
زياد بخوف ما يوصف: ها يادكتور طمني اهي وش فيها
الدكتور كان شكله كبير وصاحب خبره كان لابس نظاره ويخط في شعره الاسود شيب معطيه وقار: طيب ممكن اعرف انت وش تقرب للمريضه
زياد قالها بعفويه: انا خطيبها
الدكتور: وانت كنت وين طول هالاسبوع
زياد تفاجأ انها منومه من اسبوع بعد: اانا كنت مسافر بس علمني يا دكتور اهي وش فيها
الدكتور: طيب يا اخ..
زياد: معاك زياد احمد
الدكتور: والنعم يا اخوي تفضل خلنا نجلس ونتكلم بهدوء
زياد: تفضل
راحو المكتب وطلب الدكتور لهم كاسين عصير وجلس يتكلم معاه بكل هدوء
الدكتور: يا اخ زياد تبي تفهمني انك مو عارف طبيعه مرض خلود
زياد تضايق من اسئله الدكتور زودها: انا كنت ادرس برا لي سنه توني ارجع فهمني ايش الموضوع لو سمحت
الدكتور: طيب انت اكيد مؤمن وعارف ان كل واحد وله عمر وله يومه
زياد خاف من كلامه: والنعم بالله
الدكتور يكمل: وكل من على هالدنيا فان ويبقى وجه ربك ذو الجلال والاكرام
زياد تعب من هالدكتور: والنعم بالله كمل يا دكتور
الدكتور: يا اخ زياد اللي مع خلود هو ورم في المخ
زياد كان يشرب من العصير تخدرت يده وطيح الكاس:........................
الدكتور كمل كلامه: واهي حالتها متاخره مره بحيث ان أي علاج خلاص ما يفيد جربت اهي مره نوع جديد من الرنين المغناطيسي بس مافاد في حالتها خلاص اهي ما بقى لها في هالدنيا الا فتره يمكن تكون ساعه يمكن تكون يوم ويمكن حتى سنه العلم عند ربك
زياد لازالت الصدمه مخليته يعجز عن الكلام:............
الدكتور: فأنا انصحك انك تعيشها اخر لحظاتها حلوه لان اهلها كل يوم عندها وانا كلمت ابوها وعمها وكلهم فهمو نوع مرضها وتقبلوه وصارو ما يبينون لها انها قريب بتفارق الدنيا بالعكس مع انها عارفه وطلبت مني اشرحلها كل تفاصيل حالتها
زياد واخيرا قدر يتكلم: طيب ومافي امل خلااص يعني
الدكتور: للأسف والعلم عند لله
زياد نزلت دمعه حايره على خده مسحها وقام: مشكور يا دكتور
الدكتور: يا زياد
زياد بصوت مقتطع: نعم
الدكتور: ادعي لها ولاتقنطو من رحمه الله
زياد: ونعم بالله
طلع من الغرفه وضااقت الدنيا فيه حس انه سبب اللي صار فيها ماصدق ان خلود
ولااستوعب شي من الي قاله الدكتور لاخلود مو ممكن تموت وتخليني لاهي تحبني انا عارف ماراح تموت
وفي ممر المستشفى مشى زياد وهو وحاس كان مويه بارده انكبت عليه فجأه صحته من حلم انه يكون مع خلود وانها تكون له وام عياله صح هو كان راجع يقولها انه يبي ينهي كل شي بس يوم شافها نسى حتى انه فكر مجرد فكره انه يترك خلود
واخذ يمشي وهو يطوي ذكرياته مع خلود و في داخله حوار قاسي بينه وبين نفسه
يعني صدق بتروح من يدك خلود يازياد تستاهل ربي عطاك ايها وانت ولاعبرتها وتركتها المسكينه تعاني بدونك ليش يازياد ليش واخذ يتذكر كل لحظه كل كلمه كل ضحكه كل دمعه مع خلود يعني ممكن تكون اخر مره تسمعها تحكيلها تشكيلها تحبها يازيااد مشى والدنيا كل مالها تسود في عينه كان يمشي وعيونه في الارض وده يدخل راسه بين رجليه مشى لحد ما وصل غرفتها وقف رفع عيونه لقى فاطمه تمسح دموعها
فاطمه تفأجات : زياااد
زياد بحزن واضح: هلا فاطمه >>واشر على غرفتها
فاطمه هزت راسها: ايه ادخل لها يا زياد












عرض البوم صور غاليه بعيون مغليها   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أي, الاحساس, احساسي, حسبتك, عديم, نشرة, قصه, كل

جديد منتدى قصص - روايات قصيره وطويله


أدوات الموضوع
انواع عرض الموضوع


ترتيب الموقع عالميا
     

Site_Map


الساعة الآن 10:11 AM.


Powered by vBulletin® Version 3.8.9
Copyright ©2000 - 2019, vBulletin Solutions, Inc.
Search Engine Friendly URLs by vBSEO 3.6.1