إعـــــــلان

Collapse
No announcement yet.

خدامة عمي

Collapse
X
 
  • Filter
  • الوقت
  • Show
Clear All
new posts

  • خدامة عمي


    السلام عليكم و رحمة الله و بركاته

    بسم الله الرحمن الرحيم

    أبدأ

    نحن عايلة بيوتها مثل معظم بيوت الامارات.. يعني بيت الجدة و الجد و كل الاخوان في نفس المكان ما مبينا الا بيبان،، قبل تقريباً سنة عمي ياب خدامة يديدة و كانت كانها اول مرة تشوف بيوت بهالشكل كانت يعني تشوف كل شي بانبهار و تعجب و تلمسه و تتفحصه التلفزيون و التليفون و الايباد و الايبود و كل شي حتى العاب اليهال و المكاين الي تستخدم فالاكل ! و ما تعرف اي لغة غير لغتهم !
    ف كنت استغرب منها و اطالعها بتكبر بصراحة، في يوم من الايام سرت بيت عمي الي احبه واايد فديته و يت الخدامة تضيف، طالعتني مرت عمي و قالتلي:
    تعرفين انه هاي كبرج !؟
    نعم ! كبري يعني نفس عمري ! و ترى انا صغيرة ع فكرة صغيرة واايد عمري بعده 16 ف تشكل ويهي كانت بالنسبة لي صدمة لانه شكلها ابداً ما يوحي ماشالله عليها وشبة و طويلة و كنت ابداً مب متخيلة انها هذا عمرها ..
    المهم مرت الايام و اكتشفت اني في عمرها ..
    و انا،، كل ما اشوف بيت عمي اقول في خاطري انا في بيتي معززة مكرمة و ما علي قاصر ولا شي ناقصني و عدالي بنت بنفس العمر و تشتغل خدامة عسب تعاون اهلها و هي في غربة و بعيدة عن امها و ابوها و انا لو ابتعد عنهم ايام اتخبل !
    الحمدلله ع النعمة يارب
    احمدوا ربكم دوم لأن لابد انه يكون في من حاله اسوء عنكم
    ولا تتكبرون ع الضعاف المساكين و اتذكروا انه النعم ما بتدوم الا اذا شكرتوا و حمدتوا ربكم على كل شي
    و ع فكرة ترى صرنا ربع ههه عندي من يسليني و آنسني شوي :))
    الحمدلله على كل حال
    و سامحوني عالقصور :*
Working...
X