( نروح المدرسه بدري ونضحك داخل الطابور...)

[الحيرانه]

السلام عليكم ورحمة الله وبركاته

احببت ان اكتب لكم هذة القصيدة التي تمثل لي شي كثير

ياليت ان الزمن يرجع ورى ولا الليالي تـدور
… ويرجع وقتنا الأول وننعم فـي بساطتنـا

زمان اول احس انه زمانًًًًٍٍ فيه صـدق شعـور
… نحب ونخلص النيـه وتجمعنـا محبتنـا

زمن ما فيه لا غيبـه ولا حتـى نفـاق وزور
… ياليته بس لو يرجع ونسترجـع طفولتنـا

صغار قلوبنا بيضا نعيـش بعالـمٍ محصـور
… ولا نعرف ابد اغراب ما غير عيال حارتنا

صحيح صغار فالتفكير لكن ماعلينـا قصـور
… نخطط نكسر اللعبـه وتسعدنـا شقاوتنـا

نروح المدرسه بدري ونضحك داخل الطابـور
… نحاول نزعج العالم في روحتنـا وجيتنـا

وعشان نأخر الحصه نخبي علبـة الطبشـور
… نشاغب بـس فالآخـر تميزنـا برائتنـا

نحب الضحك والهيصه نحب انط فوق السـور
… نفرفش.ليه مانفرفش مدام الضحك عادتنا

ولكن دارت الأيام وبـان الخافـي المستـور
… وصار الهم متعلي علـى قمـة سعادتنـا

كبرنا وصارت الدنيا تصف أحزاننـا بالـدور
… وتهدينا الألم والهم غصب عن عين رغبتنا

تعبنا من بلاوينا أحد ضايـق وأحـد مقهـور
… وكـلٍ غـارق بهمـه وفالآخـر تشتتنـا

وانا ما أقول غير الا حـلالاه الزمـان يـدور
… ويرجع للورى فتره نعّدل وضـع عيشتنـا.

[][احبك ولازم][]

][آحـ،ـبـ،ـَك_ولآزٍمٍ_آسـ،ـطـ،ـرٍَك][

[move=up][glow1=CC3333]تعبنا من بلاوينا أحد ضايـق وأحـد مقهـور
… وكـلٍ غـارق بهمـه وفالآخـر تشتتنـا

وانا ما أقول غير الا حـلالاه الزمـان يـدور
… ويرجع للورى فتره نعّدل وضـع عيشتنـا.



صح لسانج علي القصيده الحلوه



ولا هنتي وعساج علي القوه[/glow1][/move]

[نرجسيييييه]

مرااحب الحيرانه صح لسانك على الكتابه الجميله وانشاء الله للافظل

[الحيرانه]

مشكور احبك ولازم اسطرك على المرور المميز .........


مشكوره نرجسيييييه على المرور..........

["IAM" DEVILISH"]

[align=center] هأأأأأأأأأأأأأأأأأأأأأ ي حيرانه يعطيج العافيه على موضوعج وعساج على القوه ممكن ادلعج اذا مممكن لؤؤؤؤؤؤؤؤل[/align]

[alwalah]

نروح المدرسه بدري ونضحك داخل الطابـور
… نحاول نزعج العالم في روحتنـا وجيتنـا

وعشان نأخر الحصه نخبي علبـة الطبشـور
… نشاغب بـس فالآخـر تميزنـا برائتنـا

الله عليج يالحيرانه

صــ لسانج ــح ياحبيبتي

الصراحه شي القصيده وروعه كاروعة حضورك

تقبلي كل التحيه ياقلبي

[قلـ الأسـد ـب]

صح لسانك ولا هنت

[الشوووووووق]

نروح المدرسه بدري ونضحك داخل الطابـور
… نحاول نزعج العالم في روحتنـا وجيتنـا

وعشان نأخر الحصه نخبي علبـة الطبشـور
… نشاغب بـس فالآخـر تميزنـا برائتنـا

*******

الله ياحلووو ذيك الايام

صراحه قصيده قمه بالروعه تسلمين على كتابتها

[MmLoOo7]

صح اليانج الحيراااااااانه


ومشكوره على هالقصيده الروعه يالروعه


وصراحه قصيده جزله وكلمات منسقه


وتقبلي شكري وتحياتي / ممــلوح

[MmLoOo7]

اليانج = السانج :)

[معشوقه]

مشكوره اختي مملوحه علي النقل واختي هذي القصيده لخويتي = صديقتي ايام الدراسه في كلية التجاري كنا مع بعض وكتبتها و يعني اسمحلي اقول ليش من الحق القلمي انج تنسبينها لنفسج واحنا كلنا حاطينه في منتدي ثاني تحتح توقيعنا يعني القصيده مو لج مع اجمل تحياتي انا حبيت اقول لان من القهر احد يكتب وثاني ينسب وتسلمين وهذي الابيات الحقيقه يمكن انتي شلتي كلمه وخليتي كلمه بس القصيده لفلانه الفلاني اسمحلي ما اقدر واذا كنت انتي هي نفسها اللي اعرفها دزيلي اسمج بالرسايل الخاصه ومشكووره علي النقل الرائع لشاعره مبدعه

[عنوسه ^_~ ماتهاب]

زمن ما فيه لا غيبـه ولا حتـى نفـاق وزور
… ياليته بس لو يرجع ونسترجـع طفولتنـا

صغار قلوبنا بيضا نعيـش بعالـمٍ محصـور
… ولا نعرف ابد اغراب ما غير عيال حارتنا

صحيح صغار فالتفكير لكن ماعلينـا قصـور
… نخطط نكسر اللعبـه وتسعدنـا شقاوتنـا


صح لسانج يا غناتي

[وصف الغزال]

... ...صح لسانجـ... ...

... ...ولاهنتيـ... ...




... ...chaaaaaaaaaaaaw... ...

[ميلاني]

صح لسانج الحيرانه
كلام يهبل
اي بس اا بالمدرسه وياليت نظل بس عشان الوناسه والربع لوول

[الحيرانه]

مشكورين على المرور والردود الحلوه........


اختي معشوقه انا ما نسبة القصيده لنفسي قريتها باحد المنتديات كانت باسم واحد فلان الفلاني وكنت متوقعه اهو الي كتبها والمفروض اقول منقوووول بس مو مشكله راحت على هالمره ومثل ما قلت (((كانت باسم واحد))) ومشكوره على المرور والتوضيح.