{ _ -- إستراحـــــات المــــشــــاعر -- _ }

[اجهلك..!!]

السلام عليكم ورحمة الله و بركاته

تزدحم في داخلي المشـــاعر ثائرة لما يدور في القلب ..

ولكن لا أستطيـــع أن أخرجها إلا لمن يستحقها .. هذا الــشخص الذي لم أجده حتى هذا اليـوم

لذلك .. فـ مشاعري متعــبـة جــدّا ..


فـمن هذه النافذة .. سأنثر كل ما يريح مشاعري .. حتى يأتي من يستحقها


ومن هنا نبدأ

أنا ..
و أنتم ...


و إستراحة المــــشــــاعر

[اجهلك..!!]

الشعر ناداني ولا قلت لبّيه
و روّح ولا فكّر وراها يجيني

لين انجبرت وجيته اسحب قوافيه
مو حب له .. لكن تزايد حنيني

جيته عشان أوصف جمالك و راعيه
و شلون أعيشه من بداية سنيني

إن ما كتبته فيك يا زين ما أبيه
عساه يذلف ما يفكّر يجيني




أجهلك ..!!

[اجهلك..!!]

إبتدت فرقاه تفضح روحي المفضوحة
وإبتديت آجر آهاتي على هالحالة

اه من فرقا الدلع بالطلة المملوحة
واه من فرقا الغنج بقفايته وقباله

واه من فرقا صباح الغرة المصبوحة
واه من فرقا براءة وجهه المحتالة

واه من فرقا رجاحة عقله الملموحة
واه من فرقا الخبال اللي سواة خباله

واه من كسرة حكاه الكسرة المسموحة
واه من خثرة لسانه يوم ينسى حاله

واه من ضحك يسيح فبحة مسيوحة
واه من خمر السوالف فوق حبة خاله

واه من ليل يبي يطري علي مزوحه
واه من عين الشقى ودموعي الهمالة

دمعة من دون شرح ودمعة مشروحة
ودمعة تزعل علي ودمعة ترضى له

ودمعة تغلق مداه ودمعة مفتوحة
ودمعة تسعى معاى ودمعة تسعى له




النومسي