بعنوان انتي درستي مهد الحب فيني

[عاشق الحزين]

1 يامعلمه عن ماحصـل علمينـي
من علمك تجرح قلوب المحبين
2 يامعلمه من علمـك تجرحينـي
ومن علمك باللي يحبك تخونين
3 يامعلمه وانتي اضـن تعرفينـي
ان الغلا يبغى دليـل وقوانيـن
4 عندي يقين وخل عندك يقينـي
لولا الغلامايجتمـع كـل قلبيـن
5 أنتي درستي معهد الحب فينـي
وانا درسة بجامعـات المحبيـن
6 خريج حب ودارسة من سنينـي
أنكان توك في البدايـه تمريـن
7 أبي اسئلك في ذمتك جاوبينـي
سؤال واحد وفهمي قبل تبديـن
8 في ذمتك يامعلمـه صارحينـي
لحظة معايه دققي وسمعي زيـن
9 وش غيرك وانتي قبل تحلفينـي
وتعاهديني با الوعد والوعد دين
10 كنتي تقولي مسكنك وسط عيني
وكنتي تقولين أجمل الحب للثنين
11 وكنتي تقولي هاك قلبي رهينـي
والحين سكنتي بقلبـك ملاييـن
12 أنا أدري انك ناويـه تقهرينـي
لآ مستحيل والله انـك التبطيـن
13 العام لاغبتي ذرف دمع عينـي
واليوم والله ماذرفت دمعة العين
14 لكن روحي وابعـدي فارقينـي
والله ماارجعلك لك لونه بعد حين
15 أسف عجزة اتحملك سامحينـي
باالله من فضلك علـي لآتدقيـن
16 وان جاك رقمي باالغلط طنشيني
أرجوك من فضلك علي لآتردين