تويت
(( غــربه بـلا عنــوان ))
يعين الله يـا دنيـا .. تسـوق أيامهـا الأحـزان
يعين الله وأنتـي مثـل قفـل(ن) ضـاع مفتاحـه
يعين الله وجروحي لها في كـل وقـت(ن) شـان
كذوب اللي يقـول أن الزمـن بيـداوي جراحـه
سقى الله يوم أنا يمّه غرير(ن) يزعـج الجيـران
سقى الله يوم أنا طفـلاً يصـج البيـت بصياحـه
سقى الله يوم كان أكبـر طموحـي لعبـة الدنـان
نهاية يومـي المغـرب وأخـاف الليـل وشباحـه
سقى الله يوم أنا ألبس بشت أبوي وثوبـه القيطـان
وأقلد كل شي(ن) فيه حكيـه .. جـده .. أمزاحـه
و أشيل المسبحه مثله ليا هوجس وهـو سرحـان
بشعره واحسبـن اللـي عطـاه الشعـر مسباحـه
سقـى الله بيتنـا ذاك البسيـط مشقـق الجـدران
شجاع(ن) يهـزم الغـدراء بقنديلـه و مصباحـه
تكحلنا القناعه لا ( طمع ) لا ( هم ) لا ( حرمان )
و إذا جاء الليل تكفينـا ثـلاث أخـوان طراحـه
جميع الذكريات اللي غدت فـي قفـرت النسيـان
تحاكـى حلوهـا عبـره بمـوق العيـن سباحـه
خذتني غربة(ن) .. عنوانها ( غربه بلا عنـوان )
أبي عقب التعب راحه لقى فينـي التعـب راحـه
و رجعت اليوم مثل اللي رجع عقب القنص خسران
غدى طيـره وجـا يسحـب سلوقيـه و ملواحـه
قصيده .. ما بعد مرّت في بال مساعد و ضيـدان
هواجيس أبدوي(ن) هايم(ن) فـي عشـق فلاحـه
و روح(ن) تايبه .. كانت تبـي لذنوبهـا غفـران
خطاي أنـي كتمـت أسرارهـا بعيـون بواحـه
تقولين المطر يمّه .. ماهـو دايـم يجـي هتـان
أجل معذور قلب(ن) في همومه ضاعـت أفراحـه
أنـا يمـه غلطـت ولانـي أول واحـداً غلطـان
أبونا آدم من الجنه .. خـرج بسبـاب تفاحـه ..
للمراسله
[email protected]
يعين الله يـا دنيـا .. تسـوق أيامهـا الأحـزان
يعين الله وأنتـي مثـل قفـل(ن) ضـاع مفتاحـه
يعين الله وجروحي لها في كـل وقـت(ن) شـان
كذوب اللي يقـول أن الزمـن بيـداوي جراحـه
سقى الله يوم أنا يمّه غرير(ن) يزعـج الجيـران
سقى الله يوم أنا طفـلاً يصـج البيـت بصياحـه
سقى الله يوم كان أكبـر طموحـي لعبـة الدنـان
نهاية يومـي المغـرب وأخـاف الليـل وشباحـه
سقى الله يوم أنا ألبس بشت أبوي وثوبـه القيطـان
وأقلد كل شي(ن) فيه حكيـه .. جـده .. أمزاحـه
و أشيل المسبحه مثله ليا هوجس وهـو سرحـان
بشعره واحسبـن اللـي عطـاه الشعـر مسباحـه
سقـى الله بيتنـا ذاك البسيـط مشقـق الجـدران
شجاع(ن) يهـزم الغـدراء بقنديلـه و مصباحـه
تكحلنا القناعه لا ( طمع ) لا ( هم ) لا ( حرمان )
و إذا جاء الليل تكفينـا ثـلاث أخـوان طراحـه
جميع الذكريات اللي غدت فـي قفـرت النسيـان
تحاكـى حلوهـا عبـره بمـوق العيـن سباحـه
خذتني غربة(ن) .. عنوانها ( غربه بلا عنـوان )
أبي عقب التعب راحه لقى فينـي التعـب راحـه
و رجعت اليوم مثل اللي رجع عقب القنص خسران
غدى طيـره وجـا يسحـب سلوقيـه و ملواحـه
قصيده .. ما بعد مرّت في بال مساعد و ضيـدان
هواجيس أبدوي(ن) هايم(ن) فـي عشـق فلاحـه
و روح(ن) تايبه .. كانت تبـي لذنوبهـا غفـران
خطاي أنـي كتمـت أسرارهـا بعيـون بواحـه
تقولين المطر يمّه .. ماهـو دايـم يجـي هتـان
أجل معذور قلب(ن) في همومه ضاعـت أفراحـه
أنـا يمـه غلطـت ولانـي أول واحـداً غلطـان
أبونا آدم من الجنه .. خـرج بسبـاب تفاحـه ..
للمراسله
[email protected]
