ألغاز وغطاوي....؟؟

[!][^CoolQ8i^][!]

[align=center]السلام عليكم ورحمة الله وبركاته

هلا والله باهلي وطوايفي انا الحين يايبلكم غطاوي قديمه
وانا متاكد ان اجدادكم طول الله عمرهم يعرفون او حتى اذا ممكن امكم وابوكم طول الله عمرهم كلهم يعرفون
يلا نبدي[/align]

[align=center]لاني تمره ولا خلاله
انا مخزن مثل حصاله
انا عيوني نضاله
وقلبي يثبت كل من طاله
..............

يرعصوني اطلع
ما اشوف ولا اسمع
راسي دوم اقرع
وحلجي خوش يلسع
................

زهره مفتحه
بالمطر مترنحه
ماسكينها ومسنحه
جنها اصخله مسرحه
..................

كل من شراه وباعه
وهو واقف على كراعه
يقول الوقت ما هو ساعه
يضبطه بكل براعه
.................

ادخل من الزجاج ما اكسره
فضلي على البشر ما اكثره
ادلي الناس بدون دندره
كل من شافني وعني دره
..................

ليل نهار ينادوني
فوق تحت يودوني
اوصلهم ويخلوني
ولافلس يعطوني
....................


الناس كلهم يدوروني
يخافون علي ويخشوني
انا مهم ويعرفوني
يتعبون علي ويعزوني
....................

ان اخذ شي ما يعيده
العطش يفرحه ويزيده
ما يحب الماي ولا يريده
اذا شرب مات سيده
....................

اثنين يحبوني
على قماشه يحطوني
يحركوني ويصعدوني
يمين شمال يودوني
..................

نادني اكون حواليك
واقول لك شبيك لبيك
اطلب مني وما عليك
كم تريد بين ايديك
................


يا من شاف التوم
شكلهم شكل الثوم
يسمعون فرح وهموم
وما يشوفون بعضهم دوم
.....................


تشوف ما تتنفس
مرتبه ما تتعفس
متعودها يتكرفس
اذا خلاها ترفس
.......................


ان ما عرفتوا تسالونه
يشرح لكم وتسمعونه
كلام لازم تحفظونه
الشاطرين شاطرين يحترمونه[/align]
[align=center].......................[/align]


[align=center]مع تحياتي
انطر ردودكم وحلولكم[/align]