إعـــــــلان

تقليص
لا يوجد إعلان حتى الآن.

لكل وحدة تعاني من الحبوب وآثارها

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لكل وحدة تعاني من الحبوب وآثارها

    {لكل وحدة تعاني من الحبوب وآثارها }







    السلام عليكم ..

    أخباركم ؟؟
    طيب أشوف فيه الكثير بمنتدى من البنوتات يشكن من الحبوب سواء بالوجة والا الظهر والا الزنود والا باي مكآن..!!
    والصراحة بحكم تجربتي الطويييلة جدا بالعلاج وماخليت شئ ماجربتة وماحطيتة بخشتي الحلوة والا بظهري والا بزنودي ..
    قسسم قبل وجهي احس انه مطبات من كثر مافيه من حبوب طبعا يروحن ويرجع واذا راحن خلن اثآآر اللهم ياكافي ..

    المهم مالكم بالطويلة ومالى انا بالمقدمات لكن حبيت اوضح لكم قد ايش عنيت من هالمشكلة اللى أظن اغلب البنات عندهم
    ..

    اوكي,,

    اليوم جايبة لكم ايش طلعت من هالتجربة وايش اللى فادني من ضمن هالعلاجات والحووسة اللى اذا شفتي تسريحتي تحسبين داخلة صيدليه ..

    لدرجة صرت اعرف اغلب العلاجات اي وحدة تسالني انط فيها ايه هذا جربته على قوله صديقاتي ما شاء الله عليك صايرة حقل تجارب :/

    طبعا اولا ابغى الكل يعرف بشرتي اللى استخدمت لها كل هالمنتجات دهنية مائلة للبشرة المركبة علشان مو تجي وحدة بشرتها جافة وتستخدمهن ثم تدعي علي


    :/

    نبدأ..

    ..بسم الله ماشاء الله ..
    المهم :
    1/خلونا نبدأ باول العلاجات الفتاكة التى قضت على الحبوب بجميع الاماكن بجسمي واعتبره انا مضاد حيوي والحمدلله قضى على خروج الحبوب95%
    وصرت ما اشوف الحبة الوحدة الا بالثلاث شهور مره وحدة يعني قبل الدورة وانتوا بكرامة .. طبعا هذي الحبوب صرفتها لي دكتورة.. وعلشان اكون صريحة معاكم أكثر
    أختى كان فيها برضوا حبوب بوجهها واستخدمت معاي مثل هالحبوب لكن الصراحة مو مثل ما طلعت نتائجة معاي يعني قولوا خفت الحبوب معاها 70% وطبعا من بشره لبشرة يختلف التركيبة ..
    المهم هذي الحبوب أسمها دوكسين .. تلقينها باي صيديلية سعرها :21 ريال سعودي..
    وهذا صورته :















    2/ثاني شئ أظن الاغلب من البنات يستخدمة احسة والله صارت مدمنة عليه باليوم استخدمة 3 مرات او 4 عادي عندي يعني كل ما توضيت مررت فيه على بشرتي وبالعكس عطاني نتيجة مرررضية والله


    وهو محلول دلاستينT وأشوف انا اغلب البنات هنا تستعمله وسويت بحث عنه بالنت ماشاء الله والله الكل يمدحة وهو ترى مثل المسحة الطبيه لكن بشكل مجنوووون يخفف الحبوب وأثرها بناات قسم الحين ما بقى الا كم اثر ماينشاف بخدي بس والحمدلله


    وبرضوا تلقونه باي صيدلية ..سعره تقريبا 25 او30 ريال بحدودهن ..


    وهذا صورتة :









    3/ثالث شئ أظن محد يستخدمة او نادرة لاني برضوا سويت عنه بحث بالنت للاسف مالقيت احد يستخدمة الا في المواقع الاجنبية لكن تعرفون اختكم بالله فالحة بالانقلش فدجيت وطلعت منها


    المهم أنا الصراحة لقيت وحدة بالنت تمدحه وقطعته من المدح وانا كان عقب زواج اختى طلع فيني حبوب بظهري وزنودي عقب الحف المهم قلت يابنت وقفت هي على هالعلاج واروح للصيدليه ..


    وأقول عطني اياه الصراحة مالقيت المنتج من الشركة اللى ابغاها لقيتة من شركة ثانية لكن الصيدلي يقول هو نفس التركيبة ونفس كل شئ اللهما الشركة تختلف قلت هاته بس وتوكلنا على الله واللهم اجعل فيه الشفاء


    والحمدلله من اول اسبوع وضحت النتائج الفتاكة خفت الحبوب بدرجة80% بقى الحين اثار خفيفة ان شاء الله مع الاستمرار بتروح واحتمال استخدم لها رتنA علشان يمحين مره وحدة ..


    أسمة :Benzac AC5% سعره :17 ريال ..طبعا هو جل مو كريم ..


    وهذا صورتة :





    4/ بنات كثرر يحتارن اذا كانوا بشترونة وان اخص بهذا صاحبات البشرة الدهنية الا وهو واقى الشمس..الصراحة بنات ان من قبل استخدمت واقي شمس من نيتروجينا لكن الله لايوريكم قبت بشرتي منه لانه كان يحوي نسبة كبيرة دهون المهم شمس ودهون


    اوووه انواع الدمار المهم تركت الواقيات كرهتها الصراحة لحد ما صرت فحمة من هالجامعة والتسدح بالشمس قلت للدكتورة انا ادرس بجامعة وبشرتي قربت تصير قطعة سوداء لدرجة كل من يشوفني يقول نبض وش فيك مسمرة مرره قلت من الاستجمام اللى ناخذة بالجامعة


    المهم وصفت لي واقى وبعد من نيتروجينا لكن صدق اللى يفهم يفهم مو ناخذ اي شئ ونحطة بها البشرة المظلومة بس اووووه الصراااحة جناان شوي عليه خفيف ومثل اللوشن احطة على بشرتي على طول تشربة وانا في البيت لسى مارحت والا طلعت للشمس والحمدلله مع استخدامه


    رجعت نبض اللى اعرافها المهم قالت لي استخدمية كل ساعتين مره صرت اخذة معاي للجامعة ..


    أسمة:Neutrogena Ultrasheerوطبعا 30% اللى وصفتة لي ..سعره يمكن 80 او 85 ريال والله ناسية لي فتره شاريتة ..


    وهذا صورتة :







    وهذا نتائج الخوض بهذة التجارب وهذا اللى طلعت منهن بفائدة ترتجى والواحد يقدر يتكلم فيها صحيح استخدمت اشياء ثانية من كريمات وخرابيط وجابت نتائج لكن مو مثل اللى تكلمت عنهم..

    أتمنى انكم تستفيدوا .. هذي تجربة خاصة فيني اتمنى اللى ماتجيب معها نتائج مو تدعي على ومن بشرة لبشرة تختلف تركيبتها وطبعا هذي اخص فيهن البشرة الدهينة اللى اقرب للبشرة المركبة




    ..

    لكل من استفاد دعوة صادقة من قلبوكم لي بالتوفيق بالدنيا والاخرة .. وان يرزقني ما اتمناه .. في الدنيا والأخرة ..

    من أرادت نقلة فلتنقله لكن اتمنى ان تلتزم بالنقل المباح ذكر المصدر ..وجزيت خيرآ

    حبي لكم ..












    م/ن


    شكر خاص ل مصمم Photoshop

  • #2
    رد: لكل وحدة تعاني من الحبوب وآثارها

    شغل عدل
    اغلب هالشغلات جربتها
    ..
    ثانكس ع المعلومات
    ..
    عندما تحين لحظة الفراق
    تضيع منا الحروف
    يصبح الصمت رائعاً
    هنا أتوقف
    لا أعلم لماذا ..؟؟

    تعليق


    • #3
      رد: لكل وحدة تعاني من الحبوب وآثارها

      تعليق

      يعمل...
      X