أنـا : ضميـر مستتـر تقديـره ... ألـم

[ميلاني]

(عرقن) <بقلبي> لاذكرتك تحرك.. ياقوتك حتى بعروقي تحكمت!!

[ميلاني]

ياكثرهم لا قلت لك عـرفت وجيه
ويا قلهم لا قلـت قـدر ومعـزة
رجل تعـزه بعـد مـا تلتقي فيه
ورجلٍ قبـل لا تلتقـي به تعـزه
ورجلٍ ترزه بالمجالـس مباديـه
ورجل فلوسـه بالمجالـس ترزه
ورجلٍ يموت ولا يجيبـون طاريه
ورجل يجـي طاريه في كـل حزه
ورجل ضعيـف ويستفزه معاديه
ورجل كلام إعـداه مـا يستفزه
ورجلٍ يهزه بعض موقف ويشقيه
ورجل ماهوب ايات موقف يهزه
ورجلٍ تلزه يعترف لك بخـافيه
ورجل على خافيه محدن يلـزه
ورجلٍ يوزونه ويزعل من أخيه
ورجلٍ يّزعل من يحاول يـوزه
ورجلٍ تكزه لازم إنك توصيـه
ورجلٍ بليا مـا توصيـه كـزه
ومن لا فرش للمرجله ماتغطيه
ومن لا يخز الناس محدن يخزه


خلف مشعان العنزي

[ميلاني]

حيل عذبني احبك .. حيل عذبني ابيك


دوس جرح اللي يحبك اشره انت وما عليك’

| جرح غيرك | ما يهم وجرحك ابقى لي عليك

وفعلا الدنيا تجارب وغربه الخاطر تمس ..

واحلى شي عندك عذابي.. جرحي بايدك ينلمس ..!

تعبت لين ماقلت بس .. حالي تردى وانتكس

حسوا بي الناس البعيد .. وانت ولا راضي تحس

يعني عشاني مشتريك .. كذا تجازي اللي يبيك

المفروض ما بينت لك .. اني بصدق اموت فيك

مفروض كنت اتجاهلك .. ولا اقول | احتاج لك |

وان قلت اقول بكل غرور ..... انا الي بس استاهلك ..!

[ميلاني]

الطفل عاف المدرسة نط للسور
يدور أبلة تشبهك ياعظيمة

لاتعاتبين الطفل والطفل معذور
الحب ماهو موعظة مستقيمة

الحب لو مايقلب الحكم ويثور
أنا اشهد انه حب ماله حشيمة

في كل بلدة لك ضجة وجمهور
ماتختلف فيك العيون السليمة

وان كان بعض الناس شافوك ديكور
أنا أشوفك حالمة مثل غيمة

ياأكسجين الناس في كل العصور
انتي الخرافة في الأغاني القديمة

وانتي مرور الحب في بال عصفور
عصفور لكن ذكرياته أليمة

أش ذنب رجل ٍ ماخذ أربع من الحور
شافك على غفلة وطلق حريمة

وش ذنب شاعر يكتب بقلب مقهور
ترضين قلبه يستقر في جحيمه

بالأمس يامر لكن اليوم مأمور
كان الملك واليوم من غير قيمة

يسهر طوال الليل وينام مخمور
يحلم بعطرك ويتذكر نسيمه

شاعر وقبلك كان له جيش وقصور
لما انهزم ليه افتخر بالهزيمة

لاتفرحين ان قلت عاشق ومكسور
الحب أصبح في بلادي جريمة

مدينة تستقبلك تنبت زهور
ومدينة سافرتي عنها عقيمة

خمسة حروف الأرض من أجلها تدور
والقلب أبيض والملامح لئيمة

إذا كتب ربي وأصبحت دكتور
بدرس الطلاب ضحكة حليمة...

[ميلاني]

لــمـن أحبـبــت :)

* * * * * * **


يـاوجـود الـلـي عيـونـه شقـاويّـه
مـرّهـا حـلـو المـنـام وتـعـداهـا
كـن بيـن جفونـهـا جـمـرةٍ حـيّـه
مايطفـيـهـا سـهـرهـا ولا مـاهــا
بيّتـه ليـل الشـتـا فـابـو حـدريّـه
واحتـداه و حـد نفسـه علـى أقصاهـا
مشكلـة بعـض الـصـدور الجنوبـيّـه
لـو تجيهـا دمـعـة الطـيـر تمـلاهـا
العـوامـل والـضـروف الطبيـعـيّـه
غيّـرت مـجـرا زمنـهـا ومجـراهـا
ياوجـود اللـي عـشـق لــه (....!!)
فـي صـلات الرحـم ماهـوب ويـاهـا
مـن تحبّـه لـو تحبّـه علـى النـيّـه
برّكـت بأقصـى ضلـوعـه مطايـاهـا
ذوقتـنـي هجـرهـا ثـانـي ضحـيّـه
و اصطلت روحـي علـى حـر فرقاهـا
طيّـرت مـن غصـن الاشـواق قمريّـه
ورهنتـنـي فــي هـواهـا ولامـاهـا
حايـلٍ مـن دونهـا حــول وشـويّـه
مـيـر مالله حـايــلٍ دون ذكـراهــا
كـل حـاجـه باقـيـه مـثـل ماهـيّـه
ماسـرا معهـا عـلـى درب مسـراهـا
كـود عضـوٍ (فـي جهتـيّ الشماليّـه)
فـاع مـن عـوج الحنـايـا وخـاواهـا
ودمـعـةٍ نطّحتـهـا راحــة ايـديّـه
( افففف ) ياماحرّها و ( احححح ) مقساها
حوّلتـهـا يــوم قـالـت وداعـيّــه
و استباحـت سترهـا فــوق ماطـاهـا
حيلـتـي لاهـبـت الـنـود عصـريّـه
قمـت مـع كـل الجـهـات آتحـراهـا
وأمسـت الفرحـه يتيـمـه ومنسـيّـه
فـي عيـون حرقـة الوجـد تصـلاهـا
عـن خدينـات التـرف نفسـي امعيّـه
لـو تجينـي مثلهـا كنـهـا ايـاهـا !!
مـن غـدت منـه ( الذلـول العمانيّـه )
ماتعـوضـه ( نـاقـة الله وسقيـاهـا )
دكّـت ضـيـوف المعـازيـب رجلـيّـه
مابقـى الاّ ضيـفـةٍ فــوق مركـاهـا
سيـرةٍ مـن وحـي عاميـن هجـريّـه
ودّي أنـسـاهـا ولا ودّي أنـسـاهــا
المـعـالـم والـرســوم الطـلالـيّـه
مايحـفـظ أمـجـادهـا الا بقـايـاهـا
ذكـريـاتٍ تعـبـر العـمـر طـرقـيّـه
وذكريـاتٍ فــي وطنـهـا ومربـاهـا
وصـورةٍ فـي متحـف البـال مطـويّـه
كــل يــوم آفـلّـهـا وآتهـجـاهـا
مـن لهـا قــدر أوّلـويّـه وأهمـيّـه
ماشعـرت بغـربـة الــروح لـولاهـا
والـذي نفسـي بـيـده إنّـهـا لـيّـه
أقـرب مـن كفوفهـا عـنـد حنـاهـا
لـو جفتـنـي والعـيـون الشقـاويّـه
مـرّهـا حـلـو المـنـام وتـعـداهـا

[ميلاني]

للـجميــع :


ومــا من كاتب إلا سيــفنى
ويبقى الدهر ما كتبت يداه
فلا تكتب بخطك غير شيء
يسرك في القيامة أن تراه

:)

[ميلاني]

حاير ويا حيرة اللي ماعنده راي :(

[ميلاني]

وإن كان غيري طواك بحبه الطـاوي ؟
مانيب ثوب ٍ
على مشهاتـك / تـزرّه !

[ميلاني]

قالت:أمانه بنشدك ؟
ومن موقفي / لاتخاف
اتحبّني ؟
قلت : اسمحيلي/ احسب ان بل علم سالفه !

[ميلاني]

مجنون من يجرح شعورك...
لاعاش من يشك بغلاك.
لوتغيب الناس يكفي حضورك...
ولوتغيب الشمس يكفي دفاك.
المحبه من بحورك ...
والشوق نجمه في سماك.
قلتها وأقولها في حضورك...
أنت الأول والبشر تمشي وراك .

[ميلاني]

"لجلك" أبيع الناس والعمر والروح...
ولجلك"أذوق المر وأقول "عادي"
"لجلك"أعيش الحزن والدمع والنوح...
"ولجلك"أصارع الهم وأكون راضي...
أقول (نعم)لوتبي روحي <تروح>
ماحد ترى بالناس غيرك خذاني.

[ميلاني]

كان الرجولة بالمظاهر والاشكال
=عزالله اني ماعرفت الرجوله
وكان الرجوله بالمواقف والافعال
=عز الله اني مرتوي يالخجوله
ياجارحة احساس شاعر ورحال
=غريب تايه من زمان الطفوله
ماكل من يكشخ من الناس رجال
=الشخص جوهر وأفهمي ما اقوله
سطحية النظره ومعبودة المال
=مايعجبك شكل الغريب ونحوله
شكلي غلط لكن على الكود حمال
=ودرب الفخر نفسي عليه معلوله
والشاطر اللي يفتهم رمز الامثال
=كم داس وقتك من سلايل جموله
لاني بمغرورٍ ولاني بحيال
=لي روح عن باقي الخبول معزوله
باني لي اهدافٍ عظيمات وآمال
=والغيم من شافه ترجى هطوله
ولايندمج درب الدناسه والافعال
=والاصل يعرف من يتم بأصوله


الشاعر / سليمان المانع

[ميلاني]

لا صار قلبي لك وطن .. أبسألك ويـن الـولاء ..؟
وشلون حال المملكه ؟ - دام الخيانه من ( ملـك ) !

[ميلاني]

ياسامعي بعطيك موجز وتحليل
قل فــهـد اللي قال في عرض قوله

بعض الرجال أسراج عن ظلمة الليل
للعز والناموس يمشي ذلوله

وأحدن هلامه باردن طبعه خبيل
ثقيل دم يضيق من كان حوله

وأحدن خبيث يحول الهرج تحويل
أبسط صفاته يجحدك وبسهوله

وأحدن جمل يبرك علي الحمل ويشيل
باالكايده رجليه ماهي معقوله

وأحدن ليا خاواك شفت البهاذيل
هديفتن خطاه دايم عجوله

وأحدن كريمن عادته يذبح الحيل
يفرح اليامن النشاما عنوله

أحدن مكوبر لامشي قلت حلحيل
مغتر في شكله وعرضه وطوله

تروح وتجيك رجال جيلن ورى جيل
واللي كسب رجال نال البطوله

[ميلاني]

خي عونه الي يمر دارك وزاره
انا اكد بوانيت وانت موظف وزاره
تشتري من بيضون واجمل وزاره
وانا سوق الجمعه حسره عليه