إعـــــــلان

**وصايف q8** · 10-11-2010, 01:32 AM

رد: حيآكمـ ،، {..ذكريآت مدرستي ..}

<< وتنطر كويتي كبير بفارغ الصبر..

ودي تطلع مواهبه.. لوووول.

**Q8 kber** · 10-11-2010, 04:09 AM

رد: حيآكمـ ،، {..ذكريآت مدرستي ..}

وهقه

توني قاعد

4:05ص

**شقاوة انثى** · 10-11-2010, 04:30 AM

رد: حيآكمـ ،، {..ذكريآت مدرستي ..}

في انتظار كويتي كبير

**Q8 kber** · 10-11-2010, 05:17 AM

رد: حيآكمـ ،، {..ذكريآت مدرستي ..}

شخباري يالمدرسه بحاول اقول اللي اتذكره عاد الله يعينكم على شريط الذكريات

--كم مرة انطقيت من الطلاب الأكبر منك سنـاً و حجماً ؟
محد يقرب صوبي لاني زعيم عصابة

( علاء الدين والاربعين حرامي)
2. هل سبق أن أحد قص عليك و اخذ منك مصروفك أو أكلك مال الفرصة ؟
اقولج

زعيم عصابة مفتاح الكنز عندي لووووول ( الكنز : مايجمعه افراد العصابه من زكاة اموال )
3. هل كنت من الزوار الدائمين للإدارة ، وتعرف زين شكل ورقة التعهدات ؟ قد وقعت تعهد ؟؟
اكيد طبعا لاني متعود اشرب كل صبح حليب مع شاي عند الوكيل .!

ورقة التعهد بعد الحليب والشاي ماادري وين اتروح
4. بصراااااحة : عمرك غشيت في الإختبار ؟

هم يغششوني ... اتعرفين لاني شاطر
5. عمرك انحشت /هربت من المدرسة ؟
في معنى اذرب

( طلعت ) لاني متعود اطلع مع الباب << مبخشش الحارس
6. عمرك سويت مقلب في مدرس ؟
والله المقالب كثيره بس اذكر ايام المتوسط جابوا لنا مدرس سوداني ( عااد سوداني الله يهداهم

) المهم وصلتني معلومه انه غبي ومايفهم جان اشيش الشباب من يدش من الباب بالكشاكيل والدفاتر والاوراق نتولاه حذف لين يطلع لووووووووووول ,, المسكين اول يوم دراسي واول حصه
7. ما هي المواد التي تحبها / تكرهها / و هل كنت تحب مدرسها ؟
اكرهه العربي
احب الكيمياء والفيزياء والرياضيات والاحياء
والمدرسين على حسب الشخصيه
8. بكل صدق ... تتمنى ترجع طالب في المدرسة ؟
الله لايقوووووولهاااااااا هههههههههههههه
9-: وين كنت تقعد دايما ؟؟
مو مهم جدام ورى اهم شي على دريشه تطل ع البحر

( ملعب المدرسة او الطريق العام)
10-: شكنت تكتب على الطاولة ؟؟
ما احب اكتب على الطاولة ,, لان كل ملاحظاتي احب اتكون بدفتري
11- شنو كان مستواك الدراسي ؟؟يعني كنت شاطر ولا نص نص ولا مالك في الدراسة ؟
(اذا شاطر فانت كنت متتاز دائما ونص نص جيد جدا واذا مالك فالله يستر عليك ههههه)
شاطر

12- أي احلى مرحلة دراسية ؟؟
بلى منازع الثانوية العامة

13- من من المدرسين كنت تحب ؟؟
كل اللي جبتهم خصوصي لوووووووول لانهم يخلوني انام واريح بالحصه
14- متى كنت تبطل الكتاب و تدرس ؟؟
ساعتين بالايام العادية واربع ساعات بالعطل احلى وقت عندي الفجر
15- تهاوشت مرة في المدرسة ؟ ليش؟؟
والله الهواش

ماتخلص بس احبهاا لان بصراحه كل اللي اتهاوش معاهم
بالاخير يصيرون اعز اصدقائي ( مابعد العداوة الا المحبه )
16- كنت تحب تروح المدرسة او لا ولييش ؟
يس ,, اتفقد الرعـــــــــــية

17- اكثر مادة ماتحبها من اول مره درستها وليش واكثر مادة تحبها ؟
اعتقد هالسؤال متكرر بصيغة ثانية ( لوووول قفلت سارونه )
18- اكثر مادة كنت شاطره فيها وعلى طول تجيب اعلى درجة ؟
الكيمياء ,, لماا سئلت امي شمعنى هالماده ؟ قالت لي: لك عرج بـ أحمد بن حييان هههههههههه
19-مدرس مدرسة مادة لا يمكن تنسه في حياتك وليش؟
والله هم كثر ,, وانشالله ربج يقدرنا ونقدر نرد نصل جمايلهم
20- موقف مضحك حدث لك \لكي او لحد اصدقائك ؟
اتوقع هالسؤال تنطره وصايف

بفارغ الصبر لووووول
والله المواقف كثيرة بس القوي فيهم اذكر واحد من الربع سوى فيني دقه ورش علي ماي من فوق السقف بدورت المياة المهم فصلت ذاك اليوم ورحت ادورة بالمدرسه وكان منخش بالصف وانا معاي (سطل ماي) ههههههه بايعهاا اشلون اتسوي بزعيم العصابه جذي لووول ,, المهم جان ارفس الباب وادش عليهم والا ينخش ورى مدرس الانجلش ,, المهم ماادري اشلوون وهم بالزاوية منخش ورى المدرس جان اهد السطل عليهم اثنينهم خخخخخخخخ قهرني

( اكلت فيهاا فصل يومين )
21-موقف محزن حدث لك\لكي لاحد اصدقائك ؟
بحكم شطارتي اول
الموقف المحزن اني مره كنت اكل صمووونه ومساكهاا بإيد واليد الثانيه ماسك فيهاا ديناري لم خلصت من البلع سفطت الدينار وقطيته بالزباله لووووووول عبالي القرطاس مال الصموونه.

بصراحه المواقف الحزينه كثيره
ولكن اصعبها

مايقتلعه القدر مناا

نسئل الله حسن الخاتمه
22- انت عملي او ادبي ودخلت برغبتك ؟\\ اذا كنتو لحد الحين ماوصلت للصف11 ( يعني ثالثة ثانوي

) يكون الرد شنو تبي تدخل ؟
علمي / ولو ترجع السنين اختااار علمي
23- موقف حصل معك في اختبار لايمكن تنسه ؟

المواقف لا تعد ولاتحصى
بس اللي يضيق الخلق اني كنت ذاك اليوم مبدع بالامتحان والغش
واخرتهاا نسييت اكتب اسمي لووووووول بلحق ع الغش

24-اكيد كلنا كنا نحلم ونحنا صغار نبي نصير ونصير بس مو كل شي يتحقق انت \ انتي شنو كنتي تحلمـ/ين تصير/ين
والله يا الغاليه حلمي بعييد عن المجال الدراسي

وللاسف ماتحقق للحين باااجي دينااااااااااار

ابي اصير مليونيييييييييييييييييييييير

**Q8 kber** · 10-11-2010, 05:33 AM

رد: حيآكمـ ،، {..ذكريآت مدرستي ..}

بسم الله الرحمن الرحيم

من وين طلعتي شقاوة

خليني اوهقج شوي

ترى شقاااوة اكبر مصممة فوتوشوب

**Q8 kber** · 10-11-2010, 05:34 AM

رد: حيآكمـ ،، {..ذكريآت مدرستي ..}

ساااااااااااااااارونه جيبي وصااااايف

والسؤال رقم 20 على احر من جمر

نبي سالفة طبعة الجوتي لووول

**Demon of Dark** · 10-11-2010, 01:53 PM

رد: حيآكمـ ،، {..ذكريآت مدرستي ..}

لوووووووووول
طلعت منت هين
بصراحه سالفت الماي لاتعليق
:>
...
متابعه
..

**سآرونه** · 10-11-2010, 08:08 PM

رد: حيآكمـ ،، {..ذكريآت مدرستي ..}

لوووووووووووووووول
يعطيك العافية ..
واكيد باختار وصايف ..
وصــــــــــــآيــــــــــــف حيآج ...

**Q8 kber** · 10-11-2010, 08:50 PM

رد: حيآكمـ ،، {..ذكريآت مدرستي ..}

ناطرين

اتوقع بتنزل مرفق ملف

(سيرة حياة الشريرة اللذيذة)

**وصايف q8** · 10-12-2010, 08:15 PM

رد: حيآكمـ ،، {..ذكريآت مدرستي ..}

وهقني كوكو..

تسلمين سارونه ع الاختيار..

**وصايف q8** · 10-12-2010, 09:13 PM

رد: حيآكمـ ،، {..ذكريآت مدرستي ..}

--كم مرة انطقيت من الطلاب الأكبر منك سنـاً و حجماً ؟

ولا مره.. بس انا كنت افرق اللي يتهاوشون واوقف دايم مع الاصغر حجما واجمع الشباصات بعد الهوشه واحطهم بجناط المتهاوشات.

2. هل سبق أن أحد قص عليك و اخذ منك مصروفك أو أكلك مال الفرصة ؟

ولا مره.. بس حاليا بعد ما كبرت قامو يقصون علي.. لما يصير دورنا نبيع بالمقصف يجون وعلى وجوهم نظره بؤس وحزن وجوع ولما اقولهم تعالوا اشتروا يقولون ما عندنا فلوس وذابحنا الجوع.. عاد اقولهم اخذوا اكل وادفع عنهم وبعدين اسمعهم يتهامسون يقولون بينهم احنا كل يوم نجذب على هذي وهي تصدقنا.. طبعا نفس المسرحيه بس الابطال يتبادلون الادوار.

3. هل كنت من الزوار الدائمين للإدارة ، وتعرف زين شكل ورقة التعهدات ؟ قد وقعت تعهد ؟؟

كانوا يفقدوني ان طولت عليهم ،اي وقعت تعهد.. كنت ملكه تلك الورقه..< ياما بالمدارس مظاليم>

4. بصراااااحة : عمرك غشيت في الإختبار ؟

والله كنت اغشش ما كنت اغش.. وبضمير اجيك عليهم واشوف ناقلين الاجابات صح ولا لا.. من كثر ما كنت اغشش.. كان عندي سديغه بالثانوي روح عمري غششتها بفحص النظر عند الممرضه كنت أأشر لها بأيدي ..يمين يسار .. فوق .. تحت..لوووول. الله يذكرها بالخير.

5. عمرك انحشت /هربت من المدرسة ؟

يا خراشي..جان ماصرت بينكم الحين.. لا طبعا

6. عمرك سويت مقلب في مدرس ؟

عاد هذا اللي ينطره كوكو..لووول.

والله مره كنت زهقانه بحصه العربي اللي اكرهها والابله كانت مليغه حدها وكنت ابي اي شي يضيع هالزهقه مني.. الشيطان شاطر.. لوووول الابله كانت قدامي تصلح للبنت اللي قبلي الواجب.. عاد وزني ابليس ابصم على تنورتها السوده ماركه جوتيي.. وبخفه متناهيه.. رفعت ساقي وعل الخفيف وطبعا البنات كلهم ايديهم على قلوبهم.. وانا يا (جبل ما يهزك ريح) وتمت طباعه الصمه بنجاح..لووووول والضحيه المسكينه قاعده تزف البنات < ما تسكتوووا وبتدحكوا على ايه؟؟؟..

7. ما هي المواد التي تحبها / تكرهها / و هل كنت تحب مدرسها ؟

اموووت بالانجلش و بالاجتماعيات والجغرافيا والتاريخ والفلسفه والمنطق.. اكره الرياضيات والفيزياء والاحياء والكيمياء.. والله كنت احب مدرسات الاجتماعيات كلهم لانهم دايم اقل نسبه تعقد بين المدرسين..
8. بكل صدق ... تتمنى ترجع طالب في المدرسة ؟

اي والله اتمنى ارجع لايامي قبل.. احس قلبي كان قوي وما كنت احاتي شي ولا اخاف من شي واعيش كل يوم بيومه ..>> ليت العمر >عشر مع ثمان..
9-: وين كنت تقعد دايما ؟؟

الصف الثاني او الثالث او الرابع.. كنت اكره الصف الاول لاني احس اتربط بسلاسل واكره الاخير .. لان دايم ضايع حقه..
10-: شكنت تكتب على الطاولة ؟؟

طاولتي ماكانت تدل على ملامح طاوله.. كانت مجلدات.. قصايد وحكم.. اغاني .. (دربي واعرفه زين.. دايم الدوم معكوس*.. مدري قراده حظ ولا وراثه..) وعيون وقلوب وحش بالابلات ..

11- شنو كان مستواك الدراسي ؟؟يعني كنت شاطر ولا نص نص ولا مالك في الدراسة ؟

كنت شاطره حيل بس شيطانتي تخرب علي..في ابله الانجلش كانت تقولي دايم بعد الامتحانات..كنت اجيب فيها العلامه الكامله لاني كنت اعشق هالماده ( اشوف درجاتج اصدق ..اشوف عمايلك استعجب)..
(اذا شاطر فانت كنت متتاز دائما ونص نص جيد جدا واذا مالك فالله يستر عليك ههههه)>>> لا شاطره
12- أي احلى مرحلة دراسية ؟؟

رابعه متوسط واولى ثانوي..
13- من من المدرسين كنت تحب ؟؟
ابله المنطق + الفلسفه... ابله الانجلش لانها كانت الوحيده الكويتيه وكانت كتير حبوبه..
14- متى كنت تبطل الكتاب و تدرس ؟؟

بعد القيلوله.. ع المغرب هيكي..واخلص ع 8 وبالفاينل للصبح..
15- تهاوشت مرة في المدرسة ؟ ليش؟؟
تهاوشت مع ابله لانها قلت ادبها علي..>> قويه..
والله بصراحه كان كلامها بذئ وقلت لها انتي مو كفوا تربين اجيال.. طلبوا الوالد.. وبيضها.. والابله من بعدها ماقامت تناديني الا بحبيبتي وحياتي ويا عمري ودايم تبتسم بوجهي من غير سبب..>> اعتقد في سبب..

16- كنت تحب تروح المدرسة او لا ولييش ؟

ما كنت احب اغيب لان نظام البيت كان يرفض قرار الغياب رفض نهائي.. وما كنت اغيب الا لما يهدني الشديد الاقوي..>>
17- اكثر مادة ماتحبها من اول مره درستها وليش واكثر مادة تحبها ؟
احب الانجلش.. لان الابله كانت حبوبه وطريقه شرحها روعه تخلي الواحد يعشق الماده..
كنت اكره الرياضيات.. لان الابله بالابتدائي كانت تطبق جدول الضرب علينا..

18- اكثر مادة كنت شاطره فيها وعلى طول تجيب اعلى درجة ؟
التربيه الاسلاميه.

19-مدرس مدرسة مادة لا يمكن تنسه في حياتك وليش؟
ابله العربي بالابتدائي.. والسبب موجود بموضوع( ذكريات الطفوله) بالمناقشات الجاده..لووووول.. > ما يطيق الجرح من ذاق الاصابه..

20- موقف مضحك حدث لك \لكي او لحد اصدقائك ؟
اذكر بامتحانات الفاينل ثانويه عامه كان علينا فترتين.. وبينهم كنا تقريبا الصف كله بالساحه الخلفيه للمدرسه نراجع للامتحان انا كنت قاعده مع رفيجتي.. وكانت البنت الاولى ع الصف تتمشى قدامنا وعيونها ع كتابها وبراطمها بتترابط من كثر ماهي تقرى > بصوت واطي طبعا.. ولا يطير بطل بيبسي متروس رمل من البراحه اللي خلف سور الساحه الخلفيه ويبط راس هالبنت اللي كانت قدامنا..لوووووووووووول ( كانوا الصبيان اللي بالتوسط ما عليهم فترتين وكانوا يمارسون نشاطهم على مدرستنا) امبيه يا شكلها..شي لا يوصف .. الكل قام يركض صوبها وانا ورفيجتي تمددنا من الضحك.لووووول ما قدرنا نوقف.. بس الحمدالله ما ماتت !!والمصيبه لما بدت الفتره الثانيه الاخت المنفلعه.. مكانها يمي بالامتحان.. ارفع راسي واشوف صعرورتها وانفجر ضحك..لووووول تجي الناظره تقول ان ما سكتي بنحطج بلجنه خاصه ..اقول تكفون حطوني انا مو قادره اوقف ضحك..والحين هي معاي بمجال الوظيفه وللحين اذكرها بالموقف وهي تقول متى بس الله يفكني منج....!!لوووول

21-موقف محزن حدث لك\لكي لاحد اصدقائك ؟
وفاه ابله العلوم في مرحله المتوسط بسبب حادث.. الله يرحمها وينور قبرها يارب..

22- انت عملي او ادبي ودخلت برغبتك ؟\\ اذا كنتو لحد الحين ماوصلت للصف11 ( يعني ثالثة ثانوي

) يكون الرد شنو تبي تدخل ؟
ادبي وغير الادبي ماليش.. دخلته عن اصرار وترصد..

23- موقف حصل معك في اختبار لايمكن تنسه ؟
اني كنت اغشش رفيجتي وماسكه قلمها واكتب عنها... ولما رفعت عيوني ولا اشوف ابتسامه عريضه كريهه.. الناظره كان عندها فضول على اللي كنت اسويه.

24-اكيد كلنا كنا نحلم ونحنا صغار نبي نصير ونصير بس مو كل شي يتحقق انت \ انتي شنو كنتي تحلمـ/ين تصير/ين
ولله الحمد احلامي كلها تحققت.. او اقولج اممم ..احلم اني اترقى واصير وزيره.. عشان اخلي الشعب يعيش..

**سآرونه** · 10-12-2010, 09:53 PM

رد: حيآكمـ ،، {..ذكريآت مدرستي ..}

يعطيج العافية وصايف على الاجوبة ..

وبـــاختــــــــآر بيو بيو pew pew حيــــــــــآك ..

**Q8 kber** · 10-12-2010, 10:07 PM

رد: حيآكمـ ،، {..ذكريآت مدرستي ..}

طلبوا الوالد.. وبيضها

هههههههههههههه
هم دايم يبيضونها ظالمين او مظلومين

الاحداث الاخيرة او مره اسمعهاا لا انتي خطر عالمجتمع

**Demon of Dark** · 10-13-2010, 01:48 PM

رد: حيآكمـ ،، {..ذكريآت مدرستي ..}

لووووووووووول
والله الاجابات حركااات
:>
..
متابعه
..

**(Q_Q) pew pew** · 10-17-2010, 04:02 PM

رد: حيآكمـ ،، {..ذكريآت مدرستي ..}

سوري على الاطاله بس الضروف ما كانت تسمح اني ادش المنتدى ^_^

سارونه اسالتج وايد :( يا كثر ما تسألين p;

يالله امري لله

توكلنا على الله

^_^

1--كم مرة انطقيت من الطلاب الأكبر منك سنـاً و حجماً ؟
ولا مره

2. هل سبق أن أحد قص عليك و اخذ منك مصروفك أو أكلك مال الفرصة ؟
لا .. ما يتجرؤون P:

3. هل كنت من الزوار الدائمين للإدارة ، وتعرف زين شكل ورقة التعهدات ؟ قد وقعت تعهد ؟؟
لا
ملفي ابيض الحمدلله (A)

4. بصراااااحة : عمرك غشيت في الإختبار ؟
ايييييييييييييييه حدا وايد و اول مره غشيت فيها كانت باول امتحان باولى ابتدائي لووووول
كان املاء عربي لازم نكتب أنا اكل xD

5. عمرك انحشت /هربت من المدرسة ؟
اي

6. عمرك سويت مقلب في مدرس ؟
لا

7. ما هي المواد التي تحبها / تكرهها / و هل كنت تحب مدرسها ؟
المدرسه : ما احبها
المواد الي احبها : موسيقى و بدنيه و اسلاميه لأن مافيها تفكير ولا شي بس نام لما تخلص
الي ما احبها : الفيزيا و العربي

8. بكل صدق ... تتمنى ترجع طالب في المدرسة ؟
لا P;

9-: وين كنت تقعد دايما ؟؟
اخر صف لأني كنت طويل بالصف كلا يخلوني ورا

ما يشوفون مني P:

10-: شكنت تكتب على الطاولة ؟؟
ولا شي بس اشخبط و كنت اشلع قشرت الطاوله

11- شنو كان مستواك الدراسي ؟؟يعني كنت شاطر ولا نص نص ولا مالك في الدراسة ؟
(اذا شاطر فانت كنت متتاز دائما ونص نص جيد جدا واذا مالك فالله يستر عليك ههههه)
جيد جدا

12- أي احلى مرحلة دراسية ؟؟
والله انا اشوفهم كلهم نفس الشي بالنسبه لي

13- من من المدرسين كنت تحب ؟؟
عمري ما حبيت مدرس P:

14- متى كنت تبطل الكتاب و تدرس ؟؟
قبل الامتحان بيوم P:

15- تهاوشت مرة في المدرسة ؟ ليش؟؟
اي .. لأن وناسه لما واحد يتحرش فيك و بعدين اييك يقولك انا اسف لووول P;

16- كنت تحب تروح المدرسة او لا ولييش ؟
لا
لأني ما احب اقعد الصبح ... اكره شي عندي قعدت الصبح ما احبها

17- اكثر مادة ماتحبها من اول مره درستها وليش واكثر مادة تحبها ؟
الفيزيا طبعا ما احبها و السبب المدرس الاول مالها بالثانويه درسني و زين طلعت منها 61 P:
الانفليزي احبها لأن ماكو اسهل منها

18- اكثر مادة كنت شاطره فيها وعلى طول تجيب اعلى درجة ؟
بدينه و انقليزي و اسلاميه و اجتماعيات و ساعات الرياضيات و المواد الاختياريه بالثانويه P:

19-مدرس مدرسة مادة لا يمكن تنسه في حياتك وليش؟
مدرس فيزيا 2 ما انساه لأن من اول الكورس لي اخره و انا ما فهمت شي
و الاساله الي يحطها محد بالمنطقه التعليميه حلها :\

20- موقف مضحك حدث لك \لكي او لحد اصدقائك ؟
مره واحد من ربعي نط من فوق السور ولا الناظر واقف جدامه xD
يقولك صدفه خير من الف ميعاد هههههههه

21-موقف محزن حدث لك\لكي لاحد اصدقائك ؟
امبط راسي بالمدرسه ... و المشكله اني كملت دوامي كله P:

22- انت عملي او ادبي ودخلت برغبتك ؟\\ اذا كنتو لحد الحين ماوصلت للصف11 ( يعني ثالثة ثانوي ) يكون الرد شنو تبي تدخل ؟
علمي .. اي برغبتي

23- موقف حصل معك في اختبار لايمكن تنسه ؟
كنت ابي واحد من ربعي يغششني جم سؤال :$ لأني ما كنت دارس
فا قالي انط شوي و قعدت انطر ليما شوي و يخلص الوقت
قتله خلصت جان يقول اي جان اخذ ورقته و اكتب اسمي عليها و اعطيه ورقتي جان اقول حق المدرس شوفه يبيني اغششه و مشيت

حقير صح ؟ P:

24-اكيد كلنا كنا نحلم ونحنا صغار نبي نصير ونصير بس مو كل شي يتحقق انت \ انتي شنو كنتي تحلمـ/ين تصير/ين

تبين الصج ... كنت انطر اليوم الي اخلص فيه الدراسه بس عشان ما ادرس

ما كان في حلم إلا اني اخلص دراسه P:

تسلمين سارونه على الموضوع
^_^

و سوري على التأخير مره ثانيه

ادري اخرتكم وايد

المعذره

لكم مني احلى تحيه

pewpew