إعـــــــلان

تقليص
لا يوجد إعلان حتى الآن.

( الغربه) بـ قلمي , 1-1-2011 ..!

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ( الغربه) بـ قلمي , 1-1-2011 ..!

    هذا ثاني اليوم وعادني ضايق .. عسى الله يزينها ويفرج ضيقي ..

    البال مشغول والفكر مو فايق .. مشتاق لأمي وللكويت ولصديقي ..

    شوفة عجوزي مزاجي يكون لها رايق .. وبرد الكويت ومطرها يبلٍ ريقي ..

    يافهد الغربه عن شوفك صارت عايق .. ولا مايحرمني عن شوفك شي يا رفيقي ..

    تعال شف الهواجيس صرت لها سايق .. وسمت ف صدري وحطّمت معاليقي ..

    كن مافيه غيري أبد من الخلايق .. يا بابها يكفي , يرد شباكها : فيقي ..

    محتاج للراحه , للهم ماعاد انا طايق .. محتاج أرجع للشعر وأبدع فٍ طواريقي ..

    شايبي العصا والتعب له رفايق .. له ثلاث عيال كل واحد له طريقي ..

    وعجوز(ن) نشف دمعها الشوق في دقايق .. إتقول : يازمن جمّعهم نشف ريقي ..

    يافهد . ماهي بشكوى ذي الا حقايق .. وسّمت ف الحنايا رماد وحريقي ..

    طوّلت عليك ؟ اسمح لي بس لا تضايق .. لانك بعد الله شكيت لك يا رفيقي ..

    هذا ثاني يوم وعادني ضايق .. بتوسّد مخدتي لين دمعي يبل ريقي !


    ( إن كان فيه أي نقد , بـ تقبّله بـ كل صدرٍ رٍحب )

    ملاحظه : لي سنتين وانا موقف الكتابه .. وإن شاء الله الجايات أكثر ,,

    ودي

    :\

  • #2
    رد: ( الغربه) بـ قلمي , 1-1-2011 ..!

    ياعبـدالله ترى حملي وحملك عليل .. وشلون بـ نصبر دام الهوى عند بابها

    رفعة ايدي لعالي سماه العزيز الجليل .. يغرس بنا الّصبر وعزتي لك ولحالها


    :


    بـِداية إخلاص لـ هذا القلب الجميل


    الذي وقع بـِه أراضي العـُفه


    لـ يستنتج ما يطفو حول حروف قلبـه


    ويتحدثُ بـ راحةٍ كما هو سليطُ اللِسان


    لا أُخفي عليكَ بأن أنفاس شـِعرك أحيتـَني مـِن جدٍ وجديد


    وها أنا عائد لـ أُلطِخ حبري كما تكون صفحاتي عبر الذكريات


    أسجل على جبين الزمن حـُزنك


    وأغِردُ حولِك ( شيلات ) القـَصيد



    ../ طـُرفــه \ ..



    تـُطيبُ ليلتـِك بـ غـِذاءٍ يحتــوي على :


    [ تـوست , جبن كرافت , مرتديلا , بيبسي العائله .. ألخ ]

    تعليق


    • #3
      رد: ( الغربه) بـ قلمي , 1-1-2011 ..!

      طال هجرٍك ..

      تحياتي لشخصك الكرٍيم ..

      أسعدني التوااجد .. وفرٍح خاطري ..

      نورٍت .. وشرٍفت ..

      :\

      تعليق


      • #4
        رد: ( الغربه) بـ قلمي , 1-1-2011 ..!

        [glint][glow=ffff00]

        تعال شف الهواجيس صرت لها سايق .. وسمت ف صدري وحطّمت معاليقي ..[/glow]
        [/glint]
        عجبني هالبيت بالذات وشدني حده

        صح لسانك وعساك عالقوه وانشاء الله ب انتظار غيثك من المشاعر المقفاة والموزونه

        شكرا وتقبل مروري المتواضع .
        [img3]http://im20.gulfup.com/2012-08-04/1344034874882.png[/img3]

        تعليق


        • #5
          رد: ( الغربه) بـ قلمي , 1-1-2011 ..!

          bad cat ,,

          أعجبني التوااجد ..

          لاتحرميــنا .. إخيتي ..

          وصح بدانج . والله يقويج على طاعته ,,

          :\

          تعليق


          • #6
            رد: ( الغربه) بـ قلمي , 1-1-2011 ..!

            هذا ثاني يوم وعادني ضايق .. بتوسّد مخدتي لين دمعي يبل ريقي !



            رائعه

            صح لسانك على جزل القصيدة


            الشعر لاهل الشعر مهابــه


            يعطيك العافية بيتهوفن


            ولاتحرمنا من جديدك


            تقبل مروري

            اختك دقات قلبي


            {..كِلْ دَقة قَلْبْ فٍينِي لَكْ قَصيدٍهـ
            تَكْفٍي الدِنْياَ مَعَ الأحبْآب غِنْوـهْ..}
            وكِلْ هَاجِسْ مَايجِيبْ إلآ خَيَالكَ,,,
            سَلْوَتِي بِآلعُمْرٍ فيٍ صَحْوَـه وغَفْوَـه ..}

            تعليق


            • #7
              رد: ( الغربه) بـ قلمي , 1-1-2011 ..!

              دقات قلبي ..

              أولا : أعتذر عن التأخير ف الرد ..

              صحة أبداانج ..

              عيونج أضافو لها الروعه ..

              شاكر لج .. يالشيخه ..

              تعليق


              • #8
                رد: ( الغربه) بـ قلمي , 1-1-2011 ..!

                صج فكرك ..


                غير موزونه .. ولكنها جميله .


                سلمت
                الي يشوف النـاس حدرّه يبي يطيــح ..!
                والي يتواضــع يرفـــع الله قــــدرّه..,.


                أريش العـين

                تعليق


                • #9
                  رد: ( الغربه) بـ قلمي , 1-1-2011 ..!

                  أسلوبك فريد ومميز ..
                  أشكرك على الجهد الطيب ..
                  دمت بكل خير ..

                  تعليق

                  يعمل...
                  X